52018AR4106

Language
- My EUR-Lex
- Sign in
- Register
- My recent searches (0)

This document is an excerpt from the EUR-Lex website

Search tips

Need more search options? Use the Advanced search

EUROPA
EUR-Lex home
EUR-Lex - 52018AR4106 - EN

Document 52018AR4106

Help

Opinjoni tal-Kumitat Ewropew tar-Reġjuni dwar il-“Fond Ewropew ta’ Aġġustament għall-Globalizzazzjoni”

COR 2018/04106

OJ C 86, 7.3.2019, p. 239–258 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

HTML

PDF

Official Journal

7.3.2019

Il-Ġurnal Uffiċjali tal-Unjoni Ewropea

C 86/239

Opinjoni tal-Kumitat Ewropew tar-Reġjuni dwar il-“Fond Ewropew ta’ Aġġustament għall-Globalizzazzjoni”

(2019/C 86/12)

Relatur:

is-Sur Ximo PUIG I FERRER (ES/PSE), President tal-Gvern Reġjonali ta’ Valencia

Dokument ta’ referenza:

Proposta għal Regolament tal-Parlament Ewropew u tal-Kunsill dwar il-Fond Ewropew ta’ Aġġustament għall-Globalizzazzjoni (FEG)

COM(2018) 380 final

I. RAKKOMANDAZZJONIJIET SABIEX JITRESSQU L-EMENDI

Emenda 1

Titolu tar-Regolament

Test propost mill-Kummissjoni	Emenda
Proposta għal Regolament tal-Parlament Ewropew u tal-Kunsill dwar il-Fond Ewropew ta’ Aġġustament għall-Globalizzazzjoni (FEG).	Proposta għal Regolament tal-Parlament Ewropew u tal-Kunsill dwar il-Fond Ewropew ta’ Appoġġ għat-Tranżizzjonijiet .

Raġuni

L-Artikolu 2 tal-abbozz tar-Regolament jipprevedi b’mod ċar li l-ambitu tal-Fond jiġi estiż lil hinn mill-globalizzazzjoni. Il-bidla fl-isem għandha tiġi applikata mat-test kollu.

Emenda 2

Premessa 1

Test propost mill-Kummissjoni

Emenda tal-KtR

Fl-implimentazzjoni tal-Fondi jenħtieġ li jiġu rispettati l-prinċipji orizzontali kif stabbiliti fl-Artikolu 3 tat-Trattat dwar l-Unjoni Ewropea (“TUE”) u fl-Artikolu 1 0 tat-TFUE, inklużi l-prinċipji tas-sussidjarjetà u tal-proporzjonalità kif stabbiliti fl-Artikolu 5 tat-TUE, filwaqt li titqies il-Karta tad-Drittijiet Fundamentali tal-Unjoni Ewropea. Jenħtieġ li l-Istati Membri u l-Kummissjoni jimmiraw biex jeliminaw l-inugwaljanzi u jippromwovu l-ugwaljanza bejn l-irġiel u n-nisa u tintegra l-perspettiva tal-ġeneru, kif ukoll jikkumbattu d-diskriminazzjoni msejsa fuq is-sess, ir-razza jew l-oriġini etnika, ir-reliġjon jew it-twemmin, id-diżabbiltà, l-età jew l-orjentazzjoni sesswali. Jenħtieġ li l-objettivi tal-Fondi jiġu segwiti fil-qafas tal-iżvilupp sostenibbli u tal-promozzjoni mill-Unjoni tal-għan li l-kwalità tal-ambjent tiġi ppreżervata, imħarsa u mtejba kif stabbilit fl-Artikoli 11 u 191(1) tat-TFUE, filwaqt li jitqies il-prinċipju ta’ min iniġġes iħallas.

Fl-implimentazzjoni tal-Fondi jenħtieġ li jiġu rispettati l-prinċipji orizzontali kif stabbiliti fl-Artikolu 3 tat-Trattat dwar l-Unjoni Ewropea (“TUE”) u fl-Artikoli 9 u 10 tat-TFUE, inklużi l-prinċipji tas-sussidjarjetà u tal-proporzjonalità kif stabbiliti fl-Artikolu 5 tat-TUE, filwaqt li titqies il-Karta tad-Drittijiet Fundamentali tal-Unjoni Ewropea. F’konformità mal-Artikolu 8 tat-TFUE, jenħtieġ li l-Istati Membri u l-Kummissjoni jimmiraw li jeliminaw l-inugwaljanzi u jippromwovu l-ugwaljanza bejn in-nisa u l-irġiel u jintegraw il-perspettiva tal-ugwaljanza bejn is-sessi, kif ukoll jiġġieldu d-diskriminazzjoni msejsa fuq is-sess, ir-razza jew l-oriġini etnika, ir-reliġjon jew it-twemmin, id-diżabbiltà, l-età jew l-orjentazzjoni sesswali. Jenħtieġ li l-objettivi tal-Fondi jiġu segwiti fil-qafas tal-iżvilupp sostenibbli u tal-promozzjoni mill-Unjoni tal-għan li l-kwalità tal-ambjent tiġi ppreżervata, imħarsa u mtejba kif stabbilit fl-Artikoli 11 u 191(1) tat-TFUE, filwaqt li jitqies il-prinċipju ta’ min iniġġes iħallas.

Raġuni

Jiddaħħlu referenzi legali essenzjali.

Emenda 3

Premessa 6

Test propost mill-Kummissjoni

Emenda tal-KtR

Fid-“Dokument ta’ riflessjoni dwar l-immaniġġar tal-globalizzazzjoni (20)”, il-Kummissjoni tidentifika l-globalizzazzjoni relatata mal-kummerċ flimkien mal-bidla teknoloġika bħala l-ixprunaturi ewlenin għaż-żieda fid-domanda għal ħiliet speċjalizzati u għat-tnaqqis fin-numru ta’ impjiegi li jeħtieġu livell aktar baxx ta’ kwalifiki. Minkejja l-vantaġġi kbar ġenerali ta’ kummerċ aktar miftuħ u aktar integrazzjoni tal-ekonomiji dinjija, dawn l-effetti negattivi jenħtieġ li jiġu indirizzati. Peress li l-benefiċċji attwali tal-globalizzazzjoni diġà mhumiex imqassma b’mod ugwali fost in-nies u r-reġjuni, li jikkawża impatt sinifikanti fuq dawk li huma affettwati ħażin, hemm il-periklu li l-avvanzi teknoloġiċi li qed jevolvu b’ritmu rapidu se jkomplu jħeġġu dawn l-effetti. Għalhekk, b’konformità mal-prinċipji ta’ solidarjetà u ta’ sostenibbiltà, se jkun jenħtieġ li jiġi żgurat li l-benefiċċji tal-globalizzazzjoni jiġu kondiviżi b’mod aktar ġust billi l-ftuħ ekonomiku u l-avvanz teknoloġiku jiġu rrikonċiljati mal-protezzjoni soċjali.

Għalhekk, minkejja l-vantaġġi ta’ kummerċ aktar miftuħ u aktar integrazzjoni tal-ekonomiji dinjija, l-effetti negattivi, li jaffettwaw partikolarment ċerti oqsma kummerċjali, ċerti kumpaniji, ċerti gruppi ta’ ħaddiema aktar vulnerabbli u ċerti reġjuni, jenħtieġ li jiġu indirizzati. Peress li l-benefiċċji attwali tal-globalizzazzjoni diġà mhumiex imqassma b’mod ugwali fost in-nies u r-reġjuni, li jikkawża impatt sinifikanti fuq dawk li huma affettwati ħażin, hemm il-periklu li t-tranżizzjonijiet teknoloġiċi u ambjentali se jkomplu jħeġġu dawn l-effetti. Għalhekk, b’konformità mal-prinċipji ta’ solidarjetà u ta’ sostenibbiltà, se jkun jenħtieġ li jiġi żgurat li l-benefiċċji tal-globalizzazzjoni jiġu kondiviżi b’mod aktar ġust u li l-effetti negattivi simultanji tal-globalizzazzjoni u tat-tranżizzjonijiet teknoloġiċi u ambjentali jiġu antiċipati b’mod aktar wiesa’.

Raġuni

Evidenti.

Emenda 4

Premessa 14

Test propost mill-Kummissjoni

Emenda tal-KtR

Kif intqal, sabiex tinżamm in-natura Ewropea tal-FEG , jenħtieġ li tiskatta applikazzjoni għal appoġġ meta avveniment ta’ ristrutturar kbir jikkawża impatt sinifikanti fuq l-ekonomija lokali jew reġjonali. Tali impatt jenħtieġ li jiġi ddefinit b’numru minimu ta’ spostamenti tal-impjiegi f’perjodu speċifiku ta’ referenza. Filwaqt li jitqiesu s-sejbiet tal-evalwazzjoni ta’ nofs it-terminu, jenħtieġ li l-limitu jiġi stabbilit għal 250 spostament ta’ impjieg fi żmien perjodu ta’ referenza ta’ erba’ xhur (jew 6 xhur f’każijiet settorjali) . Filwaqt li jitqies il-fatt li l-mewġ ta’ sensji f’setturi differenti, iżda fl-istess reġjun ikollhom impatt sinifikanti fuq is-suq tax-xogħol lokali, jenħtieġ li jkunu possibbli wkoll applikazzjonijiet reġjonali. Fi swieq tax-xogħol żgħar, bħal Stati Membri żgħar jew reġjuni remoti, inklużi r-reġjuni ultraperiferiċi kif imsemmija fl-Artikolu 349 tat-TFUE, jew f’ċirkostanzi eċċezzjonali, l-applikazzjonijiet jistgħu jiġu sottomessi fil-każ ta’ numru inqas ta’ spostamenti tal-impjiegi.

Kif intqal, sabiex tinżamm in-natura Ewropea tal-ETSF , jenħtieġ li tiskatta applikazzjoni għal appoġġ meta avveniment ta’ ristrutturar kbir jikkawża impatt sinifikanti fuq l-ekonomija lokali jew reġjonali. Tali impatt jenħtieġ li jiġi ddefinit b’numru minimu ta’ spostamenti tal-impjiegi f’perjodu speċifiku ta’ referenza. Filwaqt li jitqiesu s-sejbiet tal-evalwazzjoni ta’ nofs it-terminu, jenħtieġ li l-limitu jiġi stabbilit għal 150 spostament ta’ impjieg fi żmien perjodu ta’ referenza ta’ disa’ xhur. Filwaqt li jitqies il-fatt li l-mewġ ta’ sensji f’setturi differenti, iżda fl-istess reġjun ikollhom impatt sinifikanti fuq is-suq tax-xogħol lokali, jenħtieġ li jkunu possibbli wkoll applikazzjonijiet reġjonali. Fi swieq tax-xogħol żgħar, bħal Stati Membri żgħar jew reġjuni remoti, inklużi r-reġjuni ultraperiferiċi kif imsemmija fl-Artikolu 349 tat-TFUE, jew f’ċirkostanzi eċċezzjonali , bħal fil-każ ta’ reġjuni li diġà ġew affettwati b’mod sever minn rata għolja ta’ qgħad , l-applikazzjonijiet jistgħu jiġu sottomessi fil-każ ta’ numru inqas ta’ spostamenti tal-impjiegi.

Raġuni

Konsistenza mal-emendi leġislattivi ssuġġeriti għall-Artikolu 5.

Emenda 5

Premessa 15

Test propost mill-Kummissjoni

Emenda tal-KtR

Sabiex tintwera s-solidarjetà tal-Unjoni mal-ħaddiema spostati u mal-persuni li jaħdmu għal rashom li l-attività tagħhom tkun waqfet, jenħtieġ li r-rata ta’ kofinanzjament tal-ispiża tal-pakkett ta’ servizzi personalizzati u l-implimentazzjoni tiegħu tkun daqs dik tal-FSE+ fl-Istat Membru rispettiv ikkonċernat .

Sabiex tintwera s-solidarjetà tal-Unjoni mal-ħaddiema spostati u mal-persuni li jaħdmu għal rashom li l-attività tagħhom tkun waqfet, jenħtieġ li r-rata ta’ kofinanzjament tal-ispiża tal-pakkett ta’ servizzi personalizzati u l-implimentazzjoni tiegħu ma tkunx inqas minn 60 %. Dan il-perċentwal minimu jista’ jiżdied b’5 % aktar jekk ikunu ġew previsti miżuri u strumenti oġġettivi u operattivi għal antiċipazzjoni u ristrutturar .

Raġuni

Konsistenza mal-emendi leġislattivi ssuġġeriti għall-Artikolu 14(2).

Emenda 6

Premessa 19

Test propost mill-Kummissjoni

Emenda tal-KtR

(19)

Il-kontribuzzjonijiet finanzjarji mill- FEG jenħtieġ li jiffokaw prinċipalment fuq miżuri attivi tas-suq tax-xogħol immirati lejn ir-riintegrazzjoni rapida tal-benefiċjarji f’impjieg sostenibbli, fis-settur tal-attività inizjali tagħhom jew barra minnu. Jenħtieġ li l-miżuri jirriflettu l-ħtiġijiet mistennija fis-suq tax-xogħol lokali jew reġjonali. Madankollu, kull meta jkun rilevanti, jenħtieġ li tkun appoġġata wkoll il-mobbiltà tal-ħaddiema spostati biex isibu impjieg ġdid xi mkien ieħor. Jenħtieġ li ssir enfasi partikolari fuq id-disseminazzjoni tal-ħiliet meħtieġa fl-era diġitali. L-inklużjoni ta’ allowances ta’ flus f’pakkett ikkoordinat ta’ servizzi personalizzati jenħtieġ li tkun ristretta . Il-kumpaniji jistgħu jiġu mħeġġa biex jipparteċipaw fil-kofinanzjament nazzjonali tal-miżuri li huma appoġġati mill-FEG .

(19)

Il-kontribuzzjonijiet finanzjarji mill- ETSF jenħtieġ li jiffokaw prinċipalment fuq miżuri attivi tas-suq tax-xogħol immirati lejn ir-riintegrazzjoni rapida tal-benefiċjarji f’impjieg sostenibbli, fis-settur tal-attività inizjali tagħhom jew barra minnu. Jenħtieġ li l-miżuri jirriflettu l-ħtiġijiet mistennija fis-suq tax-xogħol lokali jew reġjonali ; għalhekk, il-parteċipazzjoni attiva tal-awtoritajiet lokali u/jew reġjonali hija essenzjali. L-irkupru tal-kapaċità territorjali jenħtieġ li jiġi indirizzat minn perspettiva ċċentrata fuq il-karatteristiċi lokali, ibbażata fuq il-punti b’saħħithom u fuq ir-riżorsi endoġeni tat-territorji. Il-politiki ta’ raggruppamenti, it-tixrid tal-għarfien u l-innovazzjoni, kif ukoll il-ħolqien ta’ intrapriżi li jippromovu l-impjiegi, joħolqu ambjent li jwassal għal tkabbir ibbażat fuq l-opportunitajiet indaqs għal kulħadd, irrispettivament mill-post ta’ residenza tagħhom. F’dan l-approċċ, jenħtieġ li ssir enfasi partikolari fuq id-disseminazzjoni tal-ħiliet meħtieġa fl-era diġitali.

L-inklużjoni ta’ allowances ta’flus f’pakkett ikkoordinat ta’ servizzi personalizzati dejjem ser tkun sekondarja għall-miżuri attivi. Barra minn hekk, il-kumpaniji għandhom jiġu mħeġġa biex jipparteċipaw fil-kofinanzjament nazzjonali għall-miżuri tal-ETSF , sakemm dan ikun kompatibbli.

Min-naħa l-oħra, l-appoġġ għall-mobbiltà tal-ħaddiema li jimplika ċaqliq lejn postijiet oħra jenħtieġ li jkun l-aħħar miżura minħabba l-effett ta’ żbilanċ u t-telf ta’ attrazzjoni reġjonali.

Raġuni

Il-politiki tar-ristrutturar għandhom jippromovu ambjent favorevoli għall-impjieg u t-tkabbir, u għandhom jintroduċu miżuri li jippermettu lill-ħaddiema jirritornaw għall-ħajja tax-xogħol, inklużi għajnuniet eċċezzjonali ta’ żmien limitat.

L-awtoritajiet reġjonali għandhom ikunu involuti b’mod attiv fil-proċess peress li huma familjari u jiġġestixxu s-sitwazzjoni fil-livell lokali.

Emenda 7

Punt ġdid wara l-premessa 19

Test propost mill-Kummissjoni

Emenda tal-KtR

Fid-“Dokument ta’ Riflessjoni dwar il-Ġestjoni tal-Globalizzazzjoni” tagħha, il-Kummissjoni tirrikonoxxi d-dimensjoni reġjonali b’saħħitha tal-impatt territorjali inugwali tal-globalizzazzjoni, billi l-impjiegi ġodda maħluqa mill-kummerċ u l-bidla teknoloġika mhux neċessarjament jimmaterjalizzaw fl-istess postijiet bħall-impjiegi li m’għadhomx jeżistu u, ħafna drabi, il-ħaddiema affettwati ma jkollhomx il-ħiliet meħtieġa biex jimlew dawn il-karigi ġodda.

Għalhekk, il-ftehimiet tal-kummerċ tal-UE jenħtieġ li jkunu akkumpanjati minn valutazzjonijiet tal-impatt territorjali, bħala strument li jippermetti lill-awtoritajiet kompetenti jidentifikaw u jikkwantifikaw b’mod bikri l-impatt asimmetriku tal-ftehimiet kummerċjali, jippreparaw għal dak l-impatt, jantiċipaw il-bidliet, kif ukoll jindirizzaw ristrutturar possibbli, permezz ta’ tfassil ta’ strateġiji bbażati fuq it-taħlita t-tajba tal-politiki u l-użu effettiv tal-fondi tal-UE.

Raġuni

Il-KtR jappoġġja l-politika tal-kummerċ tal-UE bil-kondizzjoni li jkun akkumpanjat minn valutazzjonijiet tal-impatt territorjali li jkejlu l-konsegwenzi possibbli u jservu bħala għodda għall-formulazzjoni ta’ politiki kummerċjali trasparenti bbażati fuq evidenza sostanzjata.

Emenda 8

Premessa 20

Test propost mill-Kummissjoni

Emenda tal-KtR

(20)

Meta jkunu qed jistabbilixxu l-pakkett ikkoordinat tal-miżuri ta’ politika attiva tas-suq tax-xogħol, jenħtieġ li l-Istati Membri jiffavorixxu miżuri li jkunu se jikkontribwixxu b’mod sinifikanti għall-impjegabbiltà tal-benefiċjarji. Jenħtieġ li l-Istati Membri jħabirku għar-riintegrazzjoni f’impjieg sostenibbli tal-akbar numru possibbli ta’ benefiċjarji li jkunu qed jipparteċipaw f’dawn il-miżuri mill-aktar fis possibbli fil-perjodu ta’ sitt xhur qabel ma jkun dovut ir-rapport finali dwar l-implimentazzjoni tal-kontribuzzjoni finanzjarja.

(20)

Meta jkunu qed jistabbilixxu l-pakkett ikkoordinat tal-miżuri ta’ politika attiva tas-suq tax-xogħol, jenħtieġ li l-Istati Membri jiffavorixxu miżuri li jkunu se jikkontribwixxu b’mod sinifikanti għall-impjegabbiltà tal-benefiċjarji. Jenħtieġ li l-Istati Membri jħabirku għar-riintegrazzjoni f’impjieg sostenibbli fil-livell reġjonali u lokali tal-akbar numru possibbli ta’ benefiċjarji li jkunu qed jipparteċipaw f’dawn il-miżuri mill-aktar fis possibbli fil-perjodu ta’ sitt xhur qabel ma jkun dovut ir-rapport finali dwar l-implimentazzjoni tal-kontribuzzjoni finanzjarja.

Raġuni

Il-prijorità jenħtieġ li tkun il-ħolqien ta’ impjiegi fiż-żoni konkreti fejn seħħew it-tkeċċijiet.

Emenda 9

Premessa 23

Test propost mill-Kummissjoni

Emenda tal-KtR

(23)	Fl-interess tal-benefiċjarji u tal-korpi responsabbli għall-implimentazzjoni tal-miżuri, jenħtieġ li l-Istati Membri applikanti jżommu lill-atturi kollha li huma involuti fil-proċess tal-applikazzjoni mgħarrfa bil-progress tal-applikazzjoni.

(23)	Fl-interess tal-benefiċjarji u tal-korpi responsabbli għall-implimentazzjoni tal-miżuri, jenħtieġ li l-Istati Membri applikanti jżommu lill-atturi kollha , b’mod partikolari l-awtoritajiet lokali u reġjonali, li huma involuti fil-proċess tal-applikazzjoni mgħarrfa bil-progress tal-applikazzjoni.

Raġuni

Biex jiġi enfasizzat li l-awtoritajiet lokali u reġjonali jenħtieġ li jipparteċipaw fil-progress tal-applikazzjoni.

Emenda 10

Premessa 39

Test propost mill-Kummissjoni

Emenda tal-KtR

(39)

Meta jitqies il-fatt li t-trasformazzjoni diġitali tal-ekonomija tirrikjedi ċertu livell ta’ kompetenza diġitali tal-forza tax-xogħol, it-tixrid tal-ħiliet meħtieġa fl-era diġitali jenħtieġ li jkun element orizzontali obbligatorju ta’ kwalunkwe pakkett ikkoordinat ta’ servizzi personalizzati offruti.

(39)

Meta jitqies il-fatt li t-trasformazzjoni diġitali tal-ekonomija tirrikjedi ċertu livell ta’ kompetenza diġitali taċ-ċittadini Ewropej, u b’mod speċjali tal-popolazzjoni attiva, it-tixrid tal-ħiliet meħtieġa fl-era diġitali jenħtieġ li jkun element orizzontali obbligatorju ta’ kwalunkwe pakkett ikkoordinat ta’ servizzi personalizzati offruti.

Raġuni

Ir-referenza “għall-forza tax-xogħol” ma tidhirx adegwata biex, f’dispożizzjoni regolatorja, tirreferi għal ċittadini jew persuni li jaħdmu. Hemm ħafna letteratura li tirrikonoxxi u tpoġġi f’kunċett id-dimensjoni soċjali u dik relatata mal-impjiegi tal-ħaddiema, li tmur lil hinn milli tqieshom bħala fattur materjali tal-produzzjoni.

Emenda 11

Punt ġdid wara l-premessa 39

Test propost mill-Kummissjoni

Emenda tal-KtR

L-investiment pubbliku fil-ħiliet u fil-kapital tal-bniedem għandu bżonn jiġi allinjat aħjar mal-Istrateġiji Intelliġenti ta’ Speċjalizzazzjoni u jiġi indirizzat minn approċċ iċċentrat fuq it-territorju li janalizza kif il-bidliet strutturali jistgħu joħolqu problemi u sfidi speċifiċi fl-ekonomija reġjonali u/jew lokali. Min-naħa l-oħra, minħabba l-ħtieġa li dawn il-ħiliet jiġu adattati għall-ħtiġijiet tal-industrija reġjonali, l-istrateġiji għall-iżvilupp ekonomiku jenħtieġ li jkunu kkoordinati mal-politiki tal-edukazzjoni u tal-impjieg għall-iżvilupp tal-kapaċitajiet lokali.

Raġuni

Sabiex tiġi enfasizzata l-ħtieġa li jiġi adattat l-investiment pubbliku fil-ħiliet għall-ispeċifiċitajiet ta’ reġjun partikolari u li jgħaqqad l-iżvilupp reġjonali mal-politiki edukattivi u tax-xogħol biex jiġi massimizzat l-impatt.

Emenda 12

Artikolu 2

Test propost mill-Kummissjoni

Emenda tal-KtR

L-FEG għandu jikkontribwixxi għal distribuzzjoni aħjar tal-benefiċċji tal-globalizzazzjoni u tal-avvanz teknoloġiku billi jgħin lill-ħaddiema spostati jadattaw għal bidla strutturali. Bħala tali, l-FEG għandu jikkontribwixxi għall-implimentazzjoni tal-prinċipji ddefiniti skont il-Pilastru Ewropew tad-Drittijiet Soċjali u jsaħħaħ il-koeżjoni soċjali u ekonomika fost ir-reġjuni u l-Istati Membri.

L-ETSF għandu jappoġġa t-trasformazzjonijiet soċjoekonomiċi li huma r-riżultat tal-globalizzazzjoni u tat-tranżizzjoni teknoloġika u ambjentali, billi jgħin lill-ħaddiema li huma soġġetti għal din l-għajnuna jadattaw għal bidla strutturali. Bħala tali, l-ETSF għandu jikkontribwixxi għall-implimentazzjoni tal-prinċipji ddefiniti skont il-Pilastru Ewropew tad-Drittijiet Soċjali u jsaħħaħ il-koeżjoni soċjali u ekonomika fost ir-reġjuni u l-Istati Membri.

Raġuni

Dan il-kliem huwa aktar wiesa’: ikopri lill-ħaddiema li ngħataw is-sensja, lill-ħaddiema li jaħdmu għal rashom u, kif propost minn din l-Opinjoni, lill-“ħaddiema ta’ impriżi f’diffikultà mhedda bi tkeċċija”.

Emenda 13

Artikolu 3(1)

Test propost mill-Kummissjoni	Emenda tal-KtR
1. L-objettiv ġenerali tal-programm huwa li juri solidarjetà mal-ħaddiema spostati u l-persuni li jaħdmu għal rashom li l-attività tagħhom tkun waqfet waqt avvenimenti ta’ ristrutturar kbar mhux mistennija, imsemmija fl-Artikolu 5 , u joffrilhom appoġġ .	1. L-objettiv ġenerali tal-programm huwa li juri solidarjetà u responsabbiltà, u li joffri appoġġ lill-ħaddiema spostati u l-persuni li jaħdmu għal rashom li l-attività tagħhom tkun waqfet waqt avvenimenti ta’ ristrutturar kbar mhux mistennija , kif ukoll ħaddiema ta’ impriżi f’diffikultà mhedda bit-tkeċċija kif determinat fl-Artikolu 5 .

Raġuni

Il-konsegwenzi tal-globalizzazzjoni tas-swieq jew tal-kriżi jistgħu jkunu effetti sekondarji tal-politiki tal-Kummissjoni. Apparti li huwa att ta’ solidarjetà, il-Fond huwa wkoll att ta’ responsabbiltà tal-UE fit-teħid ta’ deċiżjonijiet tagħha.

Il-frażi “ħaddiema ta’ impriżi f’diffikultà mhedda bit-tkeċċija” hija konsistenti mal-proposta li qed issir f’din l-Opinjoni.

Emenda 14

Artikolu 3(2)

Test propost mill-Kummissjoni

Emenda tal-KtR

2. L-objettiv speċifiku tal-FEG huwa li joffri assistenza f’avvenimenti ta’ ristrutturar kbar mhux mistennija, partikolarment dawk ikkawżati minn sfidi relatati mal-globalizzazzjoni, bħal bidliet fix-xejriet kummerċjali dinjija, tilwim kummerċjali, kriżijiet finanzjarji jew ekonomiċi, it-tranżizzjoni għal ekonomija b’livell baxx ta’ karbonju, jew bħala konsegwenza tad-diġitalizzazzjoni jew tal-awtomatizzazzjoni. Għandu jkun hemm enfasi partikolari fuq miżuri li jgħinu lill-gruppi l-aktar żvantaġġati.

2. L-objettiv speċifiku tal- ETSF huwa li joffri assistenza f’avvenimenti ta’ ristrutturar kbar mhux mistennija, partikolarment dawk ikkawżati minn sfidi relatati mal-globalizzazzjoni, bħal bidliet fix-xejriet kummerċjali dinjija, tilwim kummerċjali, id-deċiżjonijiet adottati fil-qafas tal-Istrumenti tad-Difiża Kummerċjali tal-UE, kriżijiet finanzjarji jew ekonomiċi, it-tranżizzjoni għal ekonomija b’livell baxx ta’ karbonju, jew bħala konsegwenza tad-diġitalizzazzjoni jew tal-awtomatizzazzjoni. Għandu jkun hemm enfasi partikolari fuq miżuri li jgħinu lill-gruppi l-aktar żvantaġġati fit-termini definiti fl-Artikolu 4 .

Raġuni

Il-ħaddiema milqutin negattivament min-nuqqas ta’ impożizzjoni tal-miżuri anti-dumping għandhom awtomatikament jibbenefikaw mid-drittijiet li jinsabu fir-regoli tal-ETSF u jibbenefikaw mill-miżuri tiegħu.

Ir-referenza ta’ għeluq għall-Artikolu 4 tirreferi għall-inklużjoni ta’ definizzjoni dwar x’għandu jkun ikkunsidrat bħala l-aktar gruppi żvantaġġati.

Emenda 15

Artikolu 4

Test propost mill-Kummissjoni

Emenda tal-KtR

Definizzjonijiet

Għall-finijiet ta’ dan ir-Regolament,

(a)	“ħaddiem imkeċċi” tfisser ħaddiem li l-impjieg tiegħu jintemm qabel iż-żmien minħabba l-għoti tas-sensja, jew li l-kuntratt tiegħu ma jiġġeddidx, minħabba raġunijiet ekonomiċi;

(a)	“ħaddiem imkeċċi” tfisser ħaddiem li l-impjieg tiegħu jintemm qabel iż-żmien minħabba l-għoti tas-sensja, jew li l-kuntratt tiegħu ma jiġġeddidx, minħabba raġunijiet ekonomiċi;

(b)	“persuna li taħdem għal rasha” tfisser persuna li impjegat anqas minn għaxar ħaddiema;

(b)	“persuna li taħdem għal rasha” tfisser persuna li impjegat anqas minn għaxar ħaddiema;

(c)	“benefiċjarju” tfisser persuna li tipparteċipa f’miżuri kofinanzjati tal- FEG.

(c)

“ħaddiem vulnerabbli” tfisser kwalunkwe persuna meqjusa bħala benefiċjarja fejn tkun tapplika xi waħda mill-karatteristiċi jew ċirkostanzi li ġejjin:

—	li jkollha aktar minn 54 sena,

—	li jkollha inqas minn 30 sena,

—	li tkun mara,

—	li tkun persuna bi kwalunkwe tip ta’ diżabilità (motorja, konjittiva jew sensorjali);

—	li persuna waħda jew aktar jiddependu finanzjarjament fuq il-benefiċjarju,

—	li ma jkollhiex kwalifika ta’ edukazzjoni sekondarja jew professjonali ogħla (Klassifikazzjoni Standard Internazzjonali tal-Edukazzjoni 3), jew

—	li tappartjeni għal minoranza etnika fi Stat Membru;

(d)	“irregolarità” tfisser kwalunkwe ksur tal-liġi applikabbli, li jirriżulta minn att jew ommissjoni minn operatur ekonomiku involut fl-implimentazzjoni tal- FEG , li għandu, jew li jista’ jkollu, l-effett li jippreġudika l-baġit tal-Unjoni billi jimposta nefqa mhux ġustifikata f’dan il-baġit.

(d)	“benefiċjarju” tfisser persuna li tipparteċipa f’miżuri kofinanzjati tal- ETSF;

(e)	“irregolarità” tfisser kwalunkwe ksur tal-liġi applikabbli, li jirriżulta minn att jew ommissjoni minn operatur ekonomiku involut fl-implimentazzjoni tal- ETSF li għandu, jew li jista’ jkollu, l-effett li jippreġudika l-baġit tal-Unjoni billi jimposta nefqa mhux ġustifikata f’dan il-baġit.

Raġuni

Huwa raġonevoli li f’termini regolatorji r-referenzi ġenerali li saru fil-proposta għal Regolament għall-“benefiċjarji żvantaġġati” jew għall-“gruppi l-aktar żvantaġġati” jsiru espliċiti, mingħajr definizzjoni ulterjuri. Qed jiġi propost ukoll li terġa’ tiġi kkunsidrata l-inklużjoni taż-żgħażagħ u li tiġi introdotta perspettiva bbażata fuq il-ġeneru u l-ugwaljanza.

Emenda 16

Artikolu 5(1) u 5(2)

Test propost mill-Kummissjoni

Emenda tal-KtR

Kriterji ta’ intervent

1. L-Istati Membri jistgħu japplikaw għal kontribuzzjonijiet finanzjarji mill- FEG għal miżuri mmirati lejn il-ħaddiema spostati u l-persuni li jaħdmu għal rashom skont id-dispożizzjonijiet stabbiliti f’dan l-Artikolu.

1. L-Istati Membri jistgħu japplikaw għal kontribuzzjonijiet finanzjarji mill- ETSF għal miżuri mmirati lejn il-ħaddiema spostati u l-persuni li jaħdmu għal rashom li waqqfu l-attivitajiet tagħhom, ul-ħaddiema ta”impriżi f’diffikultà mhedda bit-tkeċċija, skont id-dispożizzjonijiet stabbiliti f’dan l-Artikolu.

2. Kontribuzzjoni finanzjarja mill- FEG għandha tiġi pprovduta f’avvenimenti ta’ ristrutturar kbar li jirriżultaw f’dan li ġej:

2. Kontribuzzjoni finanzjarja mill- ETSF għandha tiġi pprovduta f’avvenimenti ta’ ristrutturar kbar li jirriżultaw f’dan li ġej:

(a)	il-waqfien ta’ attività ta’ aktar minn 250 ħaddiem spostat jew persuni li jaħdmu għal rashom, matul perjodu ta’ referenza ta’ erba’ xhur, f’intrapriża fi Stat Membru, inkluż fejn dak il-waqfien japplika fil-fornituri jew fit-trasformaturi tagħha tal-prodotti tal-intrapriża;

(a)	il-waqfien ta’ attività ta’ aktar minn 150 ħaddiem spostat jew persuni li jaħdmu għal rashom, matul perjodu ta’ referenza ta’ disa’ xhur, f’intrapriża fi Stat Membru, inkluż fejn dak il-waqfien japplika fil-fornituri jew fit-trasformaturi tagħha tal-prodotti tal-intrapriża;

(b)

il-waqfien ta’ attività ta’ aktar minn 250 ħaddiem spostat jew persuni li jaħdmu għal rashom, fuq perjodu ta’ referenza ta’ sitt xhur, partikolarment fl-SMEs, fejn kollha kemm huma joperaw fl-istess settur ekonomiku ddefinit fil-livell tad-diviżjoni NACE Reviżjoni 2 u li jkunu jinsabu f’reġjun wieħed jew f’żewġ reġjuni kontigwi ddefiniti fil-livell NUTS 2 jew f’aktar minn żewġ reġjuni kontigwi ddefiniti fil-livell NUTS 2 sakemm hemm aktar minn 250 ħaddiem jew persuni li jaħdmu għal rashom milqutin fi tnejn mir-reġjuni kombinati;

(b)

il-waqfien ta’ attività ta’ aktar minn 150 ħaddiem spostat jew persuni li jaħdmu għal rashom, fuq perjodu ta’ referenza ta’ disa’ xhur, partikolarment fl-SMEs, fejn kollha kemm huma joperaw fl-istess settur ekonomiku ddefinit fil-livell tad-diviżjoni NACE Reviżjoni 2 u li jkunu jinsabu f’reġjun wieħed jew f’żewġ reġjuni kontigwi ddefiniti fil-livell NUTS 2 jew f’aktar minn żewġ reġjuni kontigwi ddefiniti fil-livell NUTS 2 sakemm hemm aktar minn 150 ħaddiem jew persuni li jaħdmu għal rashom milqutin fi tnejn mir-reġjuni kombinati;

(c)

il-waqfien ta’ attività ta’ aktar minn 250 ħaddiem spostat jew persuni li jaħdmu għal rashom, fuq perjodu ta’ referenza ta’ erba’ xhur, partikolarment fl-SMEs, li joperaw fl-istess setturi ekonomiċi jew f’setturi differenti ddefiniti fil-livell tad-diviżjoni NACE Reviżjoni 2 u li jkunu jinsabu fl-istess reġjun iddefinit fil-livell NUTS 2.

(c)

il-waqfien ta’ attività ta’ aktar minn 150 ħaddiem spostat jew persuni li jaħdmu għal rashom, fuq perjodu ta’ referenza ta’ disa’ xhur, partikolarment fl-SMEs, li joperaw fl-istess setturi ekonomiċi jew f’setturi differenti ddefiniti fil-livell tad-diviżjoni NACE Reviżjoni 2 u li jkunu jinsabu fl-istess reġjun iddefinit fil-livell NUTS 2.

3. Fi swieq tax-xogħol żgħar jew f’ċirkostanzi eċċezzjonali, b’mod partikolari fir-rigward ta’ applikazzjonijiet li jinvolvu l-SMEs, fejn tkun debitament motivata mill-Istat Membru applikant, applikazzjoni għal kontribuzzjoni finanzjarja skont dan l-Artikolu tista’ tiġi kkunsidrata ammissibbli anke jekk il-kriterji stabbiliti fil-punti (a), (b) jew (c) tal-paragrafu 1 ma jiġux issodisfati kompletament, meta s-sensji jkollhom impatt serju fuq l-impjiegi u fuq l-ekonomija lokali jew reġjonali. L-Istat Membru applikant għandu jispeċifika liema mill-kriterji ta’ intervent stabbiliti fil-punti (a), (b) jew (c) tal-paragrafu 1 mhumiex issodisfati bis-sħiħ. L-ammont aggregat tal-kontribuzzjonijiet f’ċirkostanzi eċċezzjonali ma jistax jaqbeż il-15 % tal-limitu massimu annwali tal-FEG.

Raġuni

Qed jiġu introdotti l-uniformità u l-konsistenza mat-test tal-Artikolu 3.

Qed jiżdied l-aċċess għall-għajnuna minn grupp iżgħar ta’ ħaddiema li ngħataw is-sensja, f’konsistenza mad-daqs żgħir tal-impriżi: is-sensji fuq skala kbira huma inqas frekwenti.

Mhuwiex ċar għaliex jeżistu perjodi differenti. Qed jiġi propost li l-perjodu jiġi unifikat u estiż għal 9 xhur.

Emenda 17

Artikolu 5(4)

Test propost mill-Kummissjoni	Emenda tal-KtR
4. L-FEG ma jistax jiġi mmobilizzat meta l-ħaddiema jingħataw is-sensja bħala riżultat ta’ tnaqqis fil-baġit li jittieħed minn Stat Membru, li jaffettwa lis-setturi li jiddependu mill-finanzjament pubbliku.

Raġuni

L-għajnuna għandha tkun disponibbli għall-ħaddiema ssensjati kollha mingħajr distinzjoni skont is-setturi li jiddependu mill-finanzjament pubbliku. Barra minn hekk, jista’ jkun partikolarment diffiċli għall-awtoritajiet rilevanti li jiddeterminaw liema setturi jiddependu mill-finanzjament pubbliku, u liema le.

Emenda 18

Punt ġdid fl-Artikolu 5

Test propost mill-Kummissjoni

Emenda tal-KtR

4 (jew 5). Fl-applikazzjonijiet għall-kontribuzzjonijiet finanzjarji tal-ETSF, l-Istati Membri jistgħu jinkludu bħala benefiċjarji ħaddiema ta’ impriżi f’diffikultà mhedda bit-tkeċċija – skont id-definizzjoni stabbilita għal dawn l-impriżi fil-“-linji gwida dwar l-għajnuna mill-Istat għas-salvataġġ u r-ristrutturar ta’ impriżi mhux finanzjarji f’diffikultà (2014/C 249/01)” –, flimkien mal-bqija tal-benefiċjarji tal-punti preċedenti, biex jipparteċipaw esklussivament f’taħriġ magħmul apposta u attivitajiet ta’ taħriġ mill-ġdid, inkluż l-akkwist ta’ kapaċitajiet fi teknoloġiji tal-informazzjoni u tal-komunikazzjoni, u kapaċitajiet oħra tal-era diġitali, sakemm dawn l-azzjonijiet mhumiex inklużi fost il-miżuri li jkunu r-responsabbiltà tal-impriża skont il-leġislazzjoni nazzjonali jew il-ftehimiet kollettivi fis-seħħ.

Raġuni

It-trasformazzjoni diġitali tal-ekonomija tirrikjedi ċertu livell ta’ kompetenza diġitali għaċ-ċittadini Ewropej kollha u l-ħaddiema mhedda li jitkeċċew għandhom ikunu d-destinatarji prinċipali ta’ dawn is-servizzi personalizzati sabiex jiksbu l-kapaċità diġitali.

Emenda 19

Sottoparagrafu finali ġdid fl-Artikolu 7

Test propost mill-Kummissjoni	Emenda tal-KtR
	Il-ħaddiema ta’ impriżi f’diffikultà mhedda bit-tkeċċija jistgħu wkoll jiġu ammessi bħala benefiċjarji, bir-restrizzjonijiet stabbiliti fl-Artikolu 5(4) (jew 5(5)).

Raġuni

Kliem li jikkonforma u jikkomplementa t-tibdil li sar fl-emenda preċedenti.

Emenda 20

Artikolu 8

Test propost mill-Kummissjoni

Emenda tal-KtR

Miżuri eliġibbli

1. Tista’ tingħata kontribuzzjoni finanzjarja mill- FEG għal miżuri attivi tas-suq tax-xogħol li jagħmlu parti minn pakkett ikkoordinat ta’ servizzi personalizzati, imfassla biex jiffaċilitaw ir-riintegrazzjoni tal-benefiċjarji speċifikati u, b’mod partikolari, dawk l-aktar żvantaġġati fost il-ħaddiema spostati, f’impjieg jew f’impjieg indipendenti.

Id-disseminazzjoni tal-ħiliet meħtieġa fl-era industrijali diġitali hija element orizzontali obbligatorju ta’ kwalunkwe pakkett ta’ servizzi personalizzati offruti. Il-livell ta’ taħriġ għandu jiġi adattat għall-kwalifiki u l-ħtiġijiet tal-benefiċjarju rispettiv , għall-isfidi speċifiċi maħluqa fl-ekonomija reġjonali u/jew lokali u, b’mod partikolari, għall-ħiliet tal-ħaddiema f’riskju ta’ tkeċċija .

Il-pakkett ikkoordinat ta’ servizzi personalizzati jista’ partikolarment jinkludi:

(a)

taħriġ u taħriġ mill-ġdid imfasslin apposta, inkluż f’ħiliet ta’ teknoloġija tal-informazzjoni u tal-komunikazzjoni u f’ħiliet oħrajn meħtieġa fl-era diġitali, iċ-ċertifikazzjoni tal-esperjenza miksuba, assistenza għat-tfittix ta’ impjieg, gwida okkupazzjonali, servizzi konsultattivi, mentoraġġ, assistenza għar-rikollokazzjoni, il-promozzjoni tal-intraprenditorija, assistenza għal impjieg indipendenti, gћall-ftuħ ta’ negozji u ta’ teħid ta’ kontroll mill-impjegati, u attivitajiet ta’ kooperazzjoni;

(b)	miżuri speċjali b’limitu ta’ żmien, bħal allowances għat-tfittix ta’ impjieg, inċentivi għar-reklutaġġ tal-impjegaturi, allowances għall-mobbiltà, allowances għat-taħriġ jew għas-sussistenza, inklużi allowances għall-persuni li jindukraw.

Il-pakkett ikkoordinat ta’ servizzi personalizzati jista’ partikolarment jinkludi:

(a)

(b)	miżuri speċjali b’limitu ta’ żmien, bħal allowances għat-tfittix ta’ impjieg, inċentivi għar-reklutaġġ tal-impjegaturi, allowances għall-mobbiltà, allowances għat-taħriġ jew għas-sussistenza, inklużi allowances għall-persuni li jindukraw.

L-ispejjeż tal-miżuri msemmija fil-punt (b) ma għandhomx jaqbżu l-35 % tal-ispejjeż totali għall-pakkett ikkoordinat ta’ servizzi personalizzati elenkati f’dan il-paragrafu.

L-ispejjeż tal-miżuri msemmija fil-punt (b) ma għandhomx jaqbżu l-35 % tal-ispejjeż totali għall-pakkett ikkoordinat ta’ servizzi personalizzati elenkati f’dan il-paragrafu , bl-eċċezzjoni li l-benefiċjarji jkunu kkunsidrati vulnerabbli, f’liema każ, dan il-perċentwali jista’ jilħaq sa 50 %.

L-investimenti għal impjieg indipendenti, il-bidu ta’ negozju jew it-teħid ta’ kontroll mill-impjegati ma għandhomx jaqbżu l-EUR 20 000 għal kull ħaddiem spostat.

Dawn l-investimenti jenħtieġ li jkunu destinati għal proġetti li jissodisfaw kondizzjonijiet ta’ vijabilità teknika, ekonomika u finanzjarja u, għal dawn l-iskopijiet, l-awtoritajiet ser jipprovdu l-miżuri ta’ akkumpanjament u ta’ konsulenza li jiggarantixxu l-vijabilità tagħhom.

It-tfassil tal-pakkett ikkoordinat ta’ servizzi personalizzati għandu jantiċipa l-perspettivi futuri tas-suq tax-xogħol u l-ħiliet meħtieġa. Il-pakkett ikkoordinat għandu jkun kompatibbli mal-bidla lejn ekonomija effiċjenti fir-riżorsi u sostenibbli, u għandu jiffoka wkoll fuq id-disseminazzjoni tal-ħiliet meħtieġa fl-era industrijali diġitali u jqis id-domanda fis-suq tax-xogħol lokali.

2. Dawn il-miżuri li ġejjin ma għandhomx ikunu eliġibbli għal kontribuzzjoni finanzjarja mill- FEG :

2. Dawn il-miżuri li ġejjin ma għandhomx ikunu eliġibbli għal kontribuzzjoni finanzjarja mill- ETSF :

(a)	miżuri speċjali b’limitu ta’ żmien imsemmija fil-punt (b) tal-paragrafu 1, li mhumiex kundizzjonali fuq il-parteċipazzjoni tal-benefiċjarji speċifikati f’attivitajiet ta’ tfittxija tax-xogħol jew ta’ taħriġ;

(a)	miżuri speċjali b’limitu ta’ żmien imsemmija fil-punt (b) tal-paragrafu 1, li mhumiex kundizzjonali fuq il-parteċipazzjoni tal-benefiċjarji speċifikati f’attivitajiet ta’ tfittxija tax-xogħol jew ta’ taħriġ;

(b)	miżuri li huma r-responsabbiltà ta’ intrapriżi skont il-liġi nazzjonali jew ftehimiet kollettivi.

(b)	miżuri li huma r-responsabbiltà ta’ intrapriżi skont il-liġi nazzjonali jew ftehimiet kollettivi.

Il-miżuri appoġġati mill- FEG ma għandhomx jissostitwixxu l-miżuri passivi ta’ protezzjoni soċjali.

Il-miżuri appoġġati mill- ETSF ma għandhomx jissostitwixxu l-miżuri passivi ta’ protezzjoni soċjali.

3. Il-pakkett ikkoordinat ta’ servizzi għandu jitfassal b’konsultazzjoni mal-benefiċjarji speċifikati jew mar-rappreżentanti tagħhom, jew mas-sħab soċjali.

3. Il-pakkett ikkoordinat ta’ servizzi għandu jitfassal b’konsultazzjoni mal-benefiċjarji speċifikati jew mar-rappreżentanti tagħhom, jew mas-sħab soċjali , u bil-parteċipazzjoni attiva tal-awtoritajiet reġjonali u lokali .

4. Fuq inizjattiva tal-Istat Membru applikant, tista’ ssir kontribuzzjoni finanzjarja mill- FEG għall-attivitajiet ta’ tħejjija, ġestjoni, informazzjoni u pubbliċità, kontroll u rapportar.

4. Fuq inizjattiva tal-Istat Membru applikant, tista’ ssir kontribuzzjoni finanzjarja mill- ETSF għall-attivitajiet ta’ tħejjija, ġestjoni, informazzjoni u pubbliċità, kontroll u rapportar , kif ukoll għal miżuri li jinkoraġġixxu l-kapaċità ta’ dawn l-awtoritajiet reġjonali u/jew lokali li jiġu affettwati mir-ristrutturar importanti u mhux mistenni .

Raġuni

Il-bidliet strutturali qed jikkawżaw problemi speċifiċi fit-territorji: dan jeħtieġ l-involviment tal-awtoritajiet reġjonali.

B’konformità mal-Artikolu 4, qed jiġi propost trattament aktar favorevoli tal-ħaddiema vulnerabbli.

Għandu jingħata wkoll parir dwar il-vijabilità tal-proġetti ta’ impjieg indipendenti, bil-għan li jiġu evitati fallimenti futuri.

Emenda 21

Artikolu 9(5)

Test propost mill-Kummissjoni

Emenda tal-KtR

5.	Applikazzjoni għandu jkun fiha l-informazzjoni li ġejja:

5.	Applikazzjoni għandu jkun fiha l-informazzjoni li ġejja:

(a)	valutazzjoni tan-numru ta’ sensji skont l-Artikolu 6, inkluż il-metodu ta’ kalkolu;

(a)	valutazzjoni tan-numru ta’ sensji skont l-Artikolu 6, inkluż il-metodu ta’ kalkolu;

(b)	il-konferma li, fejn l-intrapriża li tat is-sensji kompliet għaddejja bl-attivitajiet tagħha wara li tkun tat is-sensji, hija tkun irrispettat l-obbligi ġuridiċi tagħha li jirregolaw is-sensjar;

(b)	il-konferma li, fejn l-intrapriża li tat is-sensji kompliet għaddejja bl-attivitajiet tagħha wara li tkun tat is-sensji, hija tkun irrispettat l-obbligi ġuridiċi tagħha li jirregolaw is-sensjar;

(c)	deskrizzjoni qasira tal-avvenimenti li wasslu għall-ispostament tal-ħaddiema;

(c)	deskrizzjoni qasira tal-avvenimenti li wasslu għall-ispostament tal-ħaddiema;

(d)	l-identifikazzjoni, fejn applikabbli, tal-intrapriżi li taw is-sensji, il-fornituri jew il-produtturi downstream, is-setturi, u l-kategoriji ta’ benefiċjarji speċifikati mqassma skont is-sess, il-grupp ta’ età u l-livell tal-edukazzjoni;

(d)	l-identifikazzjoni, fejn applikabbli, tal-intrapriżi li taw is-sensji, il-fornituri jew il-produtturi downstream, is-setturi, u l-kategoriji ta’ benefiċjarji speċifikati mqassma skont is-sess, il-grupp ta’ età u l-livell tal-edukazzjoni;

(e)	l-impatt mistenni tas-sensji fir-rigward tal-ekonomija u l-impjiegi lokali, reġjonali jew nazzjonali;

(e)	l-impatt mistenni tas-sensji fir-rigward tal-ekonomija u l-impjiegi lokali, reġjonali jew nazzjonali;

(f)	deskrizzjoni ddettaljata tal-pakkett ikkoordinat ta’ servizzi personalizzati u n-nefqa relatata, inkluż, b’mod partikolari, kwalunkwe miżura li tkun b’appoġġ għall-inizjattivi ta’ impjiegi għall- benefiċjarji żvantaġġati, ta’ età akbar u żgħażagħ ;

deskrizzjoni dettaljata tal-pakkett ikkombinat ta’ servizzi personalizzati u spejjeż relatati, inkluż, b’mod partikolari, il-miżuri kollha ta’ appoġġ għal inizjattivi ta’ impjieg għall- benefiċjarji vulnerabbli, fit-termini definiti fl-Artikolu 4(c), u f’dan il-każ, il-ħaddiema ta’ impriżi f’diffikultà mhedda bit-tkeċċija li ser ikunu inklużi fl-azzjonijiet ta’ taħriġ għall-akkwist ta’ ħiliet diġitali, bir-restrizzjonijiet espressi fl-Artikolu 5.4 (jew 5.5); u spjegazzjoni dwar kif il-pakkett ikkoordinat ta’ servizzi personalizzati jikkomplementa azzjonijiet iffinanzjati minn fondi oħra nazzjonali jew tal-Unjoni, inkluża l-informazzjoni dwar miżuri li huma obbligatorji għall-impriżi li għamlu t-tkeċċijiet skont il-leġislazzjoni nazzjonali jew il-ftehimiet kollettivi;

(g)

spjegazzjoni dwar kemm tqiesu r-rakkomandazzjonijiet stabbiliti fil-Qafas ta’ Kwalità tal-UE għall-antiċipazzjoni tal-bidla u tar-ristrutturar , u kif il-pakkett ikkoordinat ta’ servizzi personalizzati jikkomplementa l-azzjonijiet iffinanzjati minn fondi oħrajn nazzjonali jew tal-Unjoni, inkluż informazzjoni dwar miżuri li huma obbligatorji għall-intrapriżi li taw is-sensji kkonċernati skont il-liġi nazzjonali jew b’konformità mal-ftehimiet kollettivi;

(g)

spjegazzjoni dwar safejn ġew ikkunsidrati r-rakkomandazzjonijiet inklużi fil-Qafas ta’ Kwalità tal-UE għall-Antiċipazzjoni tal-Bidla u r-Ristrutturar, inklużi dawk relatati mal-promozzjoni tar-rivitalizzazzjoni tar-reġjuni affettwati mir-ristrutturar u l-faċilitazzjoni tal-kooperazzjoni fost l-atturi rilevanti, u jekk ikun hemm miżuri u strumenti oġġettivi u operattivi ta’ antiċipazzjoni u ristrutturar għall-finijiet tad-dispożizzjonijiet tal-Artikolu 14.2 ;

(h)	il-baġit stmat għal kull wieħed mill-komponenti tal-pakkett ikkoordinat ta’ servizzi personalizzati b’appoġġ għall-benefiċjarji speċifikati u għal kwalunkwe attività ta’ tħejjija, ġestjoni, informazzjoni u pubbliċità, kontroll u rapportar;

(h)	il-baġit stmat għal kull wieħed mill-komponenti tal-pakkett ikkoordinat ta’ servizzi personalizzati b’appoġġ għall-benefiċjarji speċifikati u għal kwalunkwe attività ta’ tħejjija, ġestjoni, informazzjoni u pubbliċità, kontroll u rapportar;

(i)	għall-finijiet ta’ evalwazzjoni, miri speċifiċi għall-każ indikattivi ddefiniti mill-Istat Membru fir-rigward tar-rata ta’ impjieg mill-ġdid tal-benefiċjarji 6 xhur wara t-tmiem tal-perjodu ta’ implimentazzjoni;

(i)	għall-finijiet ta’ evalwazzjoni, miri speċifiċi għall-każ indikattivi ddefiniti mill-Istat Membru, jiġu kkonsultati l-awtoritajiet reġjonali u lokali taż-żona affettwata, fir-rigward tar-rata ta’ impjieg mill-ġdid tal-benefiċjarji 6 xhur wara t-tmiem tal-perjodu ta’ implimentazzjoni;

(j)	id-dati li fihom inbdew jew għad iridu jinbdew is-servizzi personalizzati għall-benefiċjarji speċifikati u l-attivitajiet biex jiġi implimentat l- FEG , kif stabbilit fl-Artikolu 8;

(j)	id-dati li fihom inbdew jew għad iridu jinbdew is-servizzi personalizzati għall-benefiċjarji speċifikati u l-attivitajiet biex jiġi implimentat l- ETSF , kif stabbilit fl-Artikolu 8;

(k)	il-proċeduri li ttieħdu biex jiġu kkonsultati l-benefiċjarji speċifikati jew ir-rappreżentanti tagħhom jew is-sħab soċjali kif ukoll l-awtoritajiet lokali u reġjonali jew organizzazzjonijiet rilevanti oħra kif applikabbli;

(k)	il-proċeduri li ttieħdu biex jiġu kkonsultati l-benefiċjarji speċifikati jew ir-rappreżentanti tagħhom jew is-sħab soċjali kif ukoll l-awtoritajiet lokali u reġjonali jew organizzazzjonijiet rilevanti oħra kif applikabbli;

(l)

stqarrija ta’ konformità tal-appoġġ mitlub mill- FEG bir-regoli proċedurali u materjali tal-Unjoni dwar l-għajnuna mill-Istat kif ukoll stqarrija li tiddeskrivi r-raġuni għaliex il-pakkett ikkoordinat ta’ servizzi personalizzati ma jiħux post il-miżuri li huma r-responsabbiltà ta’ kumpaniji skont il-liġi nazzjonali jew ftehimiet kollettivi;

(l)

stqarrija ta’ konformità tal-appoġġ mitlub mill- ETSF bir-regoli proċedurali u materjali tal-Unjoni dwar l-għajnuna mill-Istat kif ukoll stqarrija li tiddeskrivi r-raġuni għaliex il-pakkett ikkoordinat ta’ servizzi personalizzati ma jiħux post il-miżuri li huma r-responsabbiltà ta’ kumpaniji skont il-liġi nazzjonali jew ftehimiet kollettivi;

(m)	is-sorsi ta’ prefinanzjament jew ta’ kofinanzjament nazzjonali u kofinanzjament ieħor jekk applikabbli.

(m)	is-sorsi ta’ prefinanzjament jew ta’ kofinanzjament nazzjonali u kofinanzjament ieħor jekk applikabbli;

(n)	fejn xieraq, rapport li jiġġustifika l-kapaċità amministrattiva insuffiċjenti għall-ġestjoni ta’ din l-għajnuna u dwar il-ħtieġa li jkun hemm fondi addizzjonali għall-assistenza teknika u amministrattiva, b’rabta mad-dispożizzjonijiet tat-taqsima 5, tal-Artikolu 12.

Raġuni

L-awtoritajiet reġjonali għandhom ikunu involuti fid-definizzjoni tal-għanijiet, minħabba li għandhom l-għarfien tal-possibbiltajiet ta’ impjieg tal-ekonomija kkonċernata.

Il-kwistjonijiet l-oħra huma inklużi fid-dawl tal-konsistenza mad-dispożizzjonijiet li saru qabel jew li huma indikati hawn taħt (il-Qafas tal-Kwalità, l-Assistenza Teknika komplementari).

Emenda 22

Artikolu 12(4)

Test propost mill-Kummissjoni

Emenda tal-KtR

4. L-assistenza teknika tal-Kummissjoni għandha tinkludi l-għoti ta’ informazzjoni u gwida għall-Istati Membri għall-użu, il-monitoraġġ u l-valutazzjoni tal- FEG . Il-Kummissjoni għandha tipprovdi wkoll informazzjoni flimkien ma’ gwida ċara dwar l-użu tal-FEG lis-sħab soċjali Ewropej u nazzjonali. Il-miżuri ta’ gwida jistgħu jinkludu wkoll il-ħolqien ta’ task forces f’każijiet ta’ taqlib ekonomiku sever fi Stat Membru.

4. L-għajnuna teknika tal-Kummissjoni għandha tinkludi l-provvista ta’ tagħrif u gwida għall-Istati Membri għall-użu, il-monitoraġġ u l-evalwazzjoni tal- ETSF . Il-Kummissjoni għandha tipprovdi wkoll informazzjoni flimkien ma’ gwida ċara dwar l-użu tal- ETSF lis-sħab soċjali Ewropej u nazzjonali. Il-miżuri ta’ gwida jistgħu jinkludu wkoll il-ħolqien ta’ task forces f’każijiet ta’ taqlib ekonomiku sever fi Stat Membru , kemm fil-livell nazzjonali kif ukoll f’dak reġjonali .

Raġuni

Għandna niżguraw li l-awtoritajiet lokali u reġjonali jibqgħu infurmati.

Emenda 23

Punt ġdid fl-Artikolu 12

Test propost mill-Kummissjoni

Emenda tal-KtR

5. Il-Kummissjoni, apparti li tapprova l-kontribuzzjoni finanzjarja, tista’ timmobilizza fondi għall-assistenza teknika u amministrattiva għall-Istati Membri li jitolbuh permezz ta’ rapport li jiġġustifika n-nuqqasijiet fil-kapaċità amministrattiva bil-għan li jkun hemm ġestjoni mgħaġġla u effiċjenti fit-tħejjija, il-monitoraġġ, il-kontroll, il-verifika jew l-evalwazzjoni li huma responsabbli għalihom.

Raġuni

Sabiex tiffaċilita l-ħeffa tat-tweġiba u tikkumpensa għan-nuqqasijiet fil-kapaċità ta’ ġestjoni tar-reġjuni, fuq talba ġġustifikata, il-Kummissjoni tista’ tawtorizza l-mobilizzazzjoni ta’ parti mill-fondi tal-Assistenza Teknika għall-attivitajiet ta’ tħejjija, monitoraġġ, kontroll, verifika u evalwazzjoni li għalihom huma responsabbli r-reġjuni.

Emenda 24

Artikolu 14(2)

Test propost mill-Kummissjoni

Emenda tal-KtR

2. Ir-rata ta’ kofinanzjament tal- FEG għall-miżuri offruti għandha tkun allinjata mal-ogħla rata ta’ kofinanzjament tal-FSE+ fl-Istat Membru rispettiv.

2. Ir-rata ta’ kofinanzjament tal- ETSF għall-miżuri offruti għandha tkun allinjata mal-ogħla rata ta’ kofinanzjament tal-FSE+ fl-Istat Membru rispettiv , li fl-ebda każ ma għandha tkun inqas minn 60 % . Din ir-rata minima tista’ tiżdied b’5 % addizzjonali jekk ikunu ġew organizzati, bħala kondizzjoni ex ante, miżuri u strumenti oġġettivi u operattivi ta’ antiċipazzjoni u ristrutturar fi kwalunkwe forma ta’ strateġija u azzjoni, preferibbilment f’konformità mal-approċċ ibbażat fuq il-karatteristiċi lokali.

Raġuni

Biex jiġi evitat in-nuqqas ta’ riżorsi reġjonali, peress li dawn huma l-miżuri li juru solidarjetà mal-ħaddiema affettwati, huwa propost minimu ta’ 60 % għal kull każ.

Barra minn hekk aħna qed nipprovdu inċentiv billi nżidu l-kofinanzjament b’5 % għall-applikazzjonijiet minn Stati Membri li diġà għandhom fis-seħħ miżuri ta’ antiċipazzjoni, waqt li jimplimentaw il-prattiki tajbin tal-Qafas ta’ Kwalità.

Emenda 25

Artikolu 17(5)

Test propost mill-Kummissjoni

Emenda tal-KtR

L-Istat Membru kkonċernat għandu jkollu l-flessibbiltà li jalloka mill-ġdid l-ammonti bejn il-partiti tal-baġit stabbiliti fid-deċiżjoni dwar il-kontribuzzjoni finanzjarja skont l-Artikolu 16(3). F’każ li riallokazzjoni taqbeż iż-żieda ta’ 20 % għal partita waħda jew aktar mill-partiti speċifikati, l-Istat Membru għandu jinnotifika lill-Kummissjoni minn qabel.

L-Istat Membru kkonċernat, wara li jkun ikkonsulta lir-reġjun in kwistjoni, għandu jkollu l-flessibbiltà li jalloka mill-ġdid l-ammonti bejn il-partiti tal-baġit stabbiliti fid-deċiżjoni dwar il-kontribuzzjoni finanzjarja skont l-Artikolu 16(3). F’każ li riallokazzjoni taqbeż iż-żieda ta’ 20 % għal partita waħda jew aktar mill-partiti speċifikati, l-Istat Membru għandu jinnotifika lill-Kummissjoni minn qabel.

Raġuni

Għandha tingħata attenzjoni biex jiġi żgurat li l-awtoritajiet reġjonali jibqgħu infurmati.

II. RAKKOMANDAZZJONIJIET TA’ POLITIKA

IL-KUMITAT EWROPEW TAR-REĠJUNI,

Fond Ewropew ta’ Aġġustament għall-Globalizzazzjoni

Konsiderazzjonijiet u kummenti preliminari

jenfasizza li l-Ewropa għandha tkun konxja mill-fatt li wieħed mis-sorsi ewlenin ta’ impatt li rriżulta mill-isfidi strutturali ewlenin li ġejjin prinċipalment mill-ftuħ tal-ekonomiji, it-tibdil fil-klima, il-proċessi teknoloġiċi adattivi, l-intensifikazzjoni ta’ flussi migratorji jew it-tixjiħ tal-popolazzjoni se jiffoka fuq ix-xogħol futur, il-kondizzjonijiet ta’ prestazzjoni tiegħu u l-effetti tiegħu fil-livelli personali, familjari u reġjonali;

juri t-tħassib tiegħu u jwissi dwar l-effetti li qed jiddeterjoraw tal-Mudell Soċjali Ewropew li ġejjin mill-ħruġ fid-dieher u l-proliferazzjoni ta’ forom ġodda ta’ relazzjonijiet tax-xogħol prekarji, alimentati minn ambjent ta’ nuqqasijiet u l-ħtiġijiet ta’ persuni f’sitwazzjonijiet estremi, mingħajr il-libertà li jiddeċiedu li jaċċettaw l-konsiderazzjoni offruta minn kumpaniji internazzjonali kbar li, min-naħa l-oħra, iżommu t-tassazzjoni tagħhom barra l-Istati Membri u jissostitwixxu l-intrapriżi lokali żgħar minħabba l-pożizzjoni preponderanti tagħhom fis-swieq;

jiddikjara li t-territorju, bħala spazju ta’ relazzjonijiet u integrazzjoni soċjali milqut mill-elementi ambjentali, soċjokulturali, ekonomiċi, organizzattivi u umani, jakkwista valur prominenti għall-iżvilupp u l-progress tal-komunitajiet lokali, li jistgħu jiġu affettwati serjament mill-effetti reali u materjali tal-globalizzazzjoni u proċessi oħra ta’ trasformazzjoni u deterjorament, meta r-riżorsi endoġeni u l-kapital uman tagħhom jiġu mibdula;

iqis li l-Ewropa kif spjegata hija kapaċi u għandha sensittività suffiċjenti, kif intqal f’diversi okkażjonijiet, biex tindirizza t-tensjonijiet bejn, minn naħa, il-manteniment tal-kompetittività tal-ekonomija globali u l-garanziji biex tiddefendi u tippromovi s-sistema tagħna tal-benesseri, b’mod ġenerali u, min-naħa l-oħra, l-impjieg, it-taħriġ u d-drittijiet tax-xogħol, b’mod partikolari sabiex tindirizza l-aspettattivi taċ-ċittadini tal-Unjoni Ewropea u tissodisfa l-ħtiġijiet tar-reġjuni.

Rilevanza tal-Fond Ewropew ta’ Aġġustament għall-Globalizzazzjoni

jenfasizza u jilqa’ b’sodisfazzjon il-proposta leġislattiva tal-Kummissjoni tat-30 ta’ Mejju 2018 għar-ripubblikazzjoni ta’ Regolament ġdid dwar il-Fond Ewropew ta’ Aġġustament għall-Globalizzazzjoni (minn hawn ’il quddiem “FEG”) għar-rwol li kellu mill-implimentazzjoni tiegħu fl-2007: 611-il miljun euro, f’160 intervent ta’ appoġġ għal 147,000 ħaddiem li ġejjin minn reġjuni u pajjiżi differenti, u b’hekk jagħti lill-UE wirja ta’ solidarjetà u responsabbiltà mad-deċiżjonijiet meħuda fi ħdan il-qafas tas-suq uniku;

jikkonferma l-valur tiegħu bħala strument utli (1), partikolarment l-effettività tiegħu, b’madwar 50 % ta’ persuni integrati mill-ġdid, u s-sostenibbiltà temporanja tal-impjegabilità u t-titjib tal-kapaċitajiet tal-parteċipanti, kif ukoll il-viżibilità politika għolja tiegħu (2);

iwissi dwar in-nuqqas ta’ sodisfazzjoni u t-tħassib dejjem jikber taċ-ċittadini Ewropej dwar ix-xejriet globali, dak li hu magħruf bħala “l-ġeografija tal-iskuntentizza”, li jimmotivaw movimenti ta’ iżolament; jipproklama r-rwol li jista’ jkollha implimentazzjoni tajba tal-miżuri tal-FEG fost affarijiet oħra biex jittaffew il-konsegwenzi ta’ ristrutturar maġġuri mhux mistennija li għalihom huma esposti ħafna reġjuni tal-Ewropa minħabba l-ispeċjalizzazzjoni ekonomika tagħhom, l-ispejjeż tax-xogħol jew il-livell edukazzjoni tal-popolazzjoni attiva tagħhom (3).

Komplementarjetà u koordinazzjoni effettiva bejn politiki u Fondi

jilqa’ l-enfasi mqiegħda fuq ir-rwol tat-tixrid tal-ħiliet meħtieġa fl-era industrijali diġitali bħala element trasversali obbligatorju ta’ kwalunkwe pakkett ta’ servizzi personalizzati offruti, għalkemm huwa ssuġġerit allinjament aħjar ma’ Strateġiji ta’ Speċjalizzazzjoni Intelliġenti u ma’ approċċi ffokati fuq it-territorju minħabba l-problemi speċifiċi fl-ekonomija reġjonali;

jistieden lill-awtoritajiet reġjonali biex jipparteċipaw b’mod attiv fl-istrateġiji ta’ żvilupp ekonomiku reġjonali, minħabba l-ħtieġa li jiġu aġġustati l-ħiliet u l-kapaċitajiet mal-ħtiġijiet tal-industrija reġjonali, permezz ta’ kooperazzjoni mill-qrib bejn is-settur edukattiv u ta’ taħriġ u l-aġenti soċjali, tat-trejdjunjins u tal-intrapriżi reġjonali;

10.

jiġbed l-attenzjoni għall-ħtieġa għal aktar flessibbiltà u adattabilità bejn il-miżuri li jiġbru l-fondi biex tiġi appoġġjata firxa usa’ ta’ miżuri ta’ żvilupp ekonomiku li jgħinu biex jitnaqqas id-distakk bejn il-miżuri fuq perjodu qasir u l-istrateġiji ta’ taħriġ mill-ġdid aktar fit-tul ffinanzjati mill-politika ta’ koeżjoni (4);

11.

jappoġġja komplementarjetà reċiproka u approċċ aktar koordinat bejn l-FEG, bħala assorbitur ta’ skossi li jappoġġja biss ċirkostanzi li jkunu nħolqu f’daqqa u mhux previsti, u l-FSE+, li jappoġġja risposta aktar sostenibbli għall-isfidi u li għandu jopera permezz ta’ miżuri strutturali, evoluttivi, trasformattivi u preparatorji, li jappoġġjaw il-politiki attivi ta’ impjieg fuq perjodu ta’ żmien twil, it-tagħlim u l-kwalifika, kif ukoll il-kontribut għall-prevenzjoni bikrija tal-qgħad (5);

12.

jenfasizza li l-politika ta’ investiment tal-UE, permezz tal-FEŻR u l-Fond ta’ Koeżjoni, qed issir strument ewlieni, meħtieġ u ta’ appoġġ li jagħti valur miżjud lill-azzjoni nazzjonali u reġjonali biex jiġu indirizzati ħafna mill-isfidi ewlenin – globalizzazzjoni, trasformazzjoni ekonomika, transizzjoni għal ekonomija b’livell baxx ta’ karbonju, sfidi ambjentali, sfidi demografiċi, migrazzjoni u nħawi ta’ deprivazzjoni urbana – li dejjem qed jaffettwaw ħafna reġjuni madwar l-UE, inklużi dawk l-aktar żviluppati (6);

Skop u missjoni tal-FEG

13.

jaċċetta favorevolment il-proposta tal-Kummissjoni li fil-missjoni tal-Fond tinkludi tifsira aktar ġenerika dwar l-adattament għall-bidla strutturali, billi tikkunsidra sorsi oħra ta’ aġġustament kkawżati minn politiki u deċiżjonijiet tal-UE li jaffettwaw is-swieq, u dan jagħmlu aktar teknikament adegwat u ġust;

14.

jindika li, għalkemm il-missjoni tiddikjara li se tikkontribwixxi għall-applikazzjoni tal-prinċipji definiti skont il-Pilastru Ewropew tad-Drittijiet Soċjali u se ttejjeb il-koeżjoni soċjali u ekonomika bejn ir-reġjuni u l-Istati Membri, dawn il-prinċipji jenħtieġ li jkunu operattivi u jenħtieġ li jkomplu jilħqu r-riżultati fil-kuntest tal-mandat soċjali;

Baġit

15.

isostni d-dubji tiegħu u jiġbed l-attenzjoni tal-Kummissjoni dwar it-trattament tal-FEG bħala “strument speċjali” barra l-limiti massimi tal-Qafas Finanzjarju Pluriennali (QFP) li jmiss għall-perjodu 2021-2027. Minkejja li l-Fond huwa fond ta’ kontiġenza, l-inċertezza fl-approvazzjoni individwali ta’ kull applikazzjoni hija ta’ tħassib kbir, f’xenarju ġenerali ta’ tnaqqis fir-riżorsi finanzjarji previsti għall-istess politiki ta’ koeżjoni fil-QFP 2021-2027;

16.

jenfasizza li, fir-rigward tal-espansjoni tal-ambitu ta’ azzjoni tal-FEG, il-kriżijiet li ġejjin tal-ekonomiji Ewropej se jitolbu finanzjament aktar adatt u għalhekk hija proposta żieda fid-domanda għall-iffinanzjar tal-ammont totali disponibbli minn 200 sa 500 miljun euro fis-sena. Jenħtieġ li jiżdied kemm l-għadd ta’ azzjonijiet, li jinkorporaw b’mod deċiżiv l-SMEs, kif ukoll l-ammont ta’ għajnuna finanzjarja għal kull impjegat;

Kriterji u miżuri aktar favorevoli, u referenza speċifika għal ħaddiema vulnerabbli

17.

jilqa’ b’sodisfazzjon it-tnaqqis tal-limitu ta’ tkeċċija, irrispettivament minn jekk ikunux tal-istess impriża jew ta’ ċerti setturi, minħabba li huwa aġġustat aħjar għar-realtà, u huwa fiduċjuż li dan it-tnaqqis se jikkontribwixxi għal użu u mobilizzazzjoni akbar ta’ fondi; għalhekk, jipproponi li l-limitu jiġi ffissat għal 150 impjieg;

18.

juri dubji dwar id-diverġenza fl-istabbiliment ta’ perjodi ta’ referenza differenti għal sitwazzjonijiet differenti (erba’ jew sitt xhur) u, jekk dan ma jirrispondix għal xi ġustifikazzjoni statistika, jissuġġerixxi li jiġi kkunsidrat perjodu wieħed itwal għaċ-ċirkostanzi kollha;

19.

jipproponi l-inklużjoni u l-implimentazzjoni legali ta’ kategorija ġdida li tista’ tkun il-benefiċjarja esklussivament ta’ azzjonijiet għall-kwalifikazzjoni u l-akkwist ta’ kompetenzi ġodda li jittrasformaw l-era diġitali: “Ħaddiema ta’ impriżi f’diffikultà mhedda bi tkeċċija” (7);

20.

jinnota li, għalkemm ir-rata ta’ kofinanzjament tal-FEG għall-miżura offruta tista’ tkun ogħla, billi tiġi aġġustata għall-ogħla rata ta’ kofinanzjament tal-FSE+ fl-Istat Membru rispettiv, jista’ jkun hemm rata inqas mis-60 % attwali, li fi kwalunkwe każ hija rata minima għal dawn il-każijiet, minħabba n-nuqqas prevedibbli ta’ riżorsi reġjonali u l-eċċezzjonalità u s-solidarjetà proprja għall-għajnuna mmobilizzata minn dan il-Fond;

21.

jilqa’ b’sodisfazzjon iż-żieda għal 20 000 euro għal kull ħaddiem imkeċċi fl-ammont allokat għall-impjieg awtonomu, iżda jiddikjara li din il-miżura jenħtieġ tmur pari passu mal-pariri, il-mentoring u l-appoġġ meħtieġa biex il-proġetti jsiru vijabbli u jiġu evitati frustrazzjoni u skoraġġiment akbar fuq perjodu medju;

22.

iwissi kontra l-idea li tiġi appoġġjata l-mobbiltà tal-ħaddiema mkeċċija sabiex tgħinhom isibu impjieg f’postijiet oħra, peress li l-emigrazzjoni tal-forza tax-xogħol aktar mobbli, il-ħaddiema l-aktar kwalifikati, tnaqqas il-kwalità tas-suq tax-xogħol reġjonali, u min-naħa tagħha, tnaqqas il-kompetittività tar-reġjun (8);

23.

jindika li saru biss referenzi għall-kondizzjoni ta’ “benefiċjarji żvantaġġati”, iżda l-ebda miżura mhi inkluża li tindirizza l-partikolarità ta’ dawn il-benefiċjarji; għal din ir-raġuni, huwa propost li jiġi rregolat u kkunsidrat fil-proposta t-terminu “ħaddiem vulnerabbli” għall-finijiet tal-għajnuna tal-FEG. Dan se jiġi stabbilit bħala element ta’ solidarjetà interpersonali li jkun ipperċeput, barra minn hekk, bħala sinjal ċar tal-kunċett ta’ ċittadinanza Ewropea;

24.

juri x-xewqa li, b’mod ġenerali, il-Kummissjoni, l-istituzzjonijiet Ewropej u l-Istati Membri ma jibqgħux jużaw it-terminu “NEET” biex jirreferu għal żgħażagħ li huma “barra mill-edukazzjoni, impjieg jew taħriġ la jaħdmu u lanqas”, minħabba li huwa terminu li huwa aktar derogatorju milli deskrittiv, jistigmatizza u jimpedixxi liż-żgħażagħ milli jiġu rikonoxxuti għal dak li huma u għal dak li jagħmlu, u mhux għal dak li ma jagħmlux minħabba nuqqas ta’ opportunitajiet ta’ impjieg jew taħriġ.

Semplifikazzjoni u titjib tal-proċedura

25.

jappoġġa l-isforz biex itejjeb u jissemplifika l-proċess tal-FEG u jevalwa t-tnaqqis tal-piż amministrattiv li jaqa’ fuq l-Istat Membru meta jagħmel it-talba tiegħu, u dak li jaqa’ fuq il-Kummissjoni meta tivverifika l-eliġibbiltà, billi mhux se jkun meħtieġ li titwettaq analiżi dettaljata taċ-ċirkostanzi u l-kawżi tat-tkeċċijiet; konsegwentement, l-implimentazzjoni tal-kontribuzzjonijiet finanzjarji ser tkun aktar mgħaġġla peress li mhux ser ikun hemm iktar bżonn ta’ proposti tal-Kummissjoni għall-mobilizzazzjoni tal-FEG (9).

Ir-rwol tal-awtoritajiet u l-imsieħba lokali u reġjonali: id-deċentralizzazzjoni u l-ġestjoni kondiviża

26.

jikkunsidra utli l-introduzzjoni tad-dimensjoni reġjonali u lokali, iżda jenfasizza l-viżibbiltà baxxa u n-nuqqas ta’ rikonoxximent tal-potenzjal tal-awtoritajiet reġjonali fil-parteċipazzjoni u l-intervent tal-FEG, u jitlob li fil-ġestjoni tal-Fond tingħata aktar rilevanza lill-awtoritajiet reġjonali u lokali ta’ dawk l-Istati Membri li l-istruttura organizzattiva tagħhom tippermetti d-deċentralizzazzjoni;

27.

jistieden lill-Kummissjoni u lill-Istati Membri biex isaħħu l-kooperazzjoni mal-awtoritajiet lokali u reġjonali, kif ukoll mal-partijiet interessati l-oħra u, b’mod partikolari, mal-imsieħba soċjali, sabiex jipprovdu r-riżorsi legali, finanzjarji u organizzattivi li jippermettu l-parteċipazzjoni u l-kollaborazzjoni f’isimhom stess fl-iżvilupp ta’ dawn l-oqsma.

Konsiderazzjonijiet dwar miżuri preventivi

28.

jagħti parir li jiġu adottati mekkaniżmi li jtejbu l-kapaċità istituzzjonali tal-Istati Membri, mhux biss sabiex jirreaġixxu immedjatament u jniedu l-proċeduri tal-applikazzjoni mingħajr dewmien, iżda sabiex jiggarantixxu implimentazzjoni effiċjenti u effettiva tal-miżuri; jissuġġerixxi rwol antiċipatorju u preventiv tal-FEG fil-futur;

29.

jipproponi li jissaħħaħ ir-rwol attwali fir-rigward tal-evalwazzjoni tax-xejriet tal-globalizzazzjoni u r-ristrutturar tal-Osservatorju Ewropew tal-Bidla tal-Eurofound, u li s-servizzi ta’ assistenza lill-Kummissjoni u lill-Istati Membri jiġu estiżi fl-evalwazzjoni tal-impatt territorjali u l-implikazzjonijiet fir-reġjuni Ewropej, qabel kwalunkwe deċiżjoni jew ftehim kummerċjali li x’aktarx jiġġenera konsegwenzi sinifikanti f’dan il-livell;

30.

jenfasizza l-ħtieġa li jiġi kkoordinat l-FEG u li jipprovdi aktar ambitu, prammatiżmu u saħħa għar-rakkomandazzjonijiet stabbiliti fil-Qafas ta’ Kwalità tal-UE għall-Antiċipazzjoni tal-Bidla u r-Ristrutturar, sabiex tiġi approfondita l-implimentazzjoni tal-prattiki u suġġerimenti tajbin għall-impjegati, l-impriżi, l-imsieħba soċjali u l-korpi reġjonali u nazzjonali;

31.

jikkunsidra li dawk l-Istati Membri u reġjuni li pprovdew, bħala kondizzjoni ex ante, miżuri oġġettivi u effettivi ta’ antiċipazzjoni u ristrutturar fi kwalunkwe forma ta’ strateġija u azzjoni, preferibbilment konformi mal-approċċ ibbażat fuq il-karatteristiċi lokali, l-ispeċjalizzazzjoni intelliġenti jew il-promozzjoni tal-innovazzjoni soċjali li jakkumpanjaw it-transizzjoni u l-bidla strutturali (10).

Brussell, il-5 ta’ Diċembru 2018.

Il-President tal-Kumitat Ewropew tar-Reġjuni

Karl-Heinz LAMBERTZ

(20) https://ec.europa.eu/commission/publications/reflection-paper-harnessing-globalisation_en.

(1) Rapport mill-Kummissjoni dwar l-evalwazzjoni ta’ nofs it-terminu tal-Fond Ewropew ta’ Aġġustament għall-Globalizzazzjoni (il-FEG), (COM (2018) 297 final), 16 ta’ Mejju 2018.

(2) Dan ġie kkonfermat mill-partijiet interessati involuti fil-ġestjoni tal-FEG matul il-proċess ta’ konsultazzjoni.

(3) Kif indikat fid-Dokument ta’ riflessjoni dwar il-futur tal-finanzi tal-UE.

(4) Rapport dwar l-evalwazzjoni ta’ nofs it-terminu msemmi

(5) Rapport tal-Kummissjoni dwar l-evalwazzjoni tal-prestazzjoni tal-FEG fl-2015 u l-2016, ippubblikat fil-31 ta’ Ottubru 2017.

(6) Ara l-valutazzjoni tal-impatt li takkumpanja l-Proposta għal Regolament tal-Parlament Ewropew u tal-Kunsill dwar il-Fond Ewropew għall-Iżvilupp Reġjonali u l-Fond ta’ Koeżjoni.

(7) Skont id-definizzjoni stabbilita għal dawn l-intrapriżi fil-Komunikazzjoni tal-Kummissjoni “Il-linji gwida dwar l-għajnuna mill-Istat għas-salvataġġ u r-ristrutturar ta’ impriżi mhux finanzjarji f’diffikultà” (2014/C 249/01).

(8) Kif innotat mill-Eurofound (Fondazzjoni Ewropea għat-titjib tal-kondizzjonijiet tal-ħajja u tax-xogħol) b’referenza għal rapport tal-OECD.

(9) Stħarriġ tal-awtoritajiet nazzjonali responsabbli għall-programmi tal-FEG sab li, fost id-dissważjoni possibbli, hemm il-kriterji stretti ta’ eliġibbiltà, regolament kumpless u proċedura twila.

(10) Ara Strateġija Ewropea għall-industrija: ir-rwol u l-perspettiva tal-awtoritajiet lokaliu reġjonali (CdR 3214/2017, relatur: is-Sur Heinz Lehmann (DE/PPE), adottata fit-23 ta’ Marzu 2018).

Top