IL-KUMMISSJONI EWROPEA

Strasburgu, 25.10.2016

COM(2016) 710 final

KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI

Il-Programm ta' Ħidma tal-Kummissjoni 2017

It-twettiq bil-fatti ta’ Ewropa li tipproteġi, li tagħti s-setgħa u li tiddefendi

{SWD(2016) 400 final}

I.    L-Ewropa tinsab f'punt kritiku

L-Ewropej jafu u jaraw kuljum f’ħajjithom il-konsegwenzi tal-isfidi li għadhom magħna. Irkupru ekonomiku li għadu fil-bidu u għad irid jikseb benefiċċji għal kulħadd fis-soċjetajiet tagħna, speċjalment biex joħloq l-impjiegi għaż-żgħażagħ u jnaqqas l-inugwaljanzi. Il-flussi tal-migrazzjoni, li ġarrbu l-fruntieri esterni tagħna u jibqgħu sfida għall-kapaċità tal-Unjoni li tipprovdi solidarjetà. Theddida terroristika għolja. Instabbiltà kontinwa tagħna fil-viċinat tal-lvant u tan-nofsinhar. Li issa magħhom irridu nżidu l-inċertezza b’riżultat tar-referendum tar-Renju Unit.

Peress li smajna lill-Ewropej, aħna fhimna li qed ifittxu tweġiba għal dawn l-isfidi u protezzjoni minn dawn it-theddidiet. Huma qegħdin ifittxu għall-mezzi li jistgħu jagħtuhom is-setgħa biex jinbena ġejjieni sostenibbli għalihom u għall-familji tagħhom. U qed ifittxu perspettiva: assigurazzjoni li l-governanza fil-livell lokali, reġjonali, nazzjonali u Ewropew tista’ b’mod kollettiv tilħaq l-aspettattivi tal-ġenerazzjonijiet tal-lum u ta’ għada.

Kummissjoni li tiffoka fuq affarijiet importanti...

Mill-bidu tal-mandat tagħna, din il-Kummissjoni stabbilixxiet bħala l-prijoritajiet tagħha li tiffoka fuq l-affarijiet il-kbar, fejn azzjoni Ewropea effettiva tista’ tagħmel differenza konkreta sabiex nindirizzaw l-isfidi li qed jiffaċċjaw iċ-ċittadini Ewropej, l-Istati Membri tagħna u fl-Unjoni kollha kemm hi. Matul l-aħħar sena għamilna progress sod fl-implimentazzjoni tal-istrateġiji li stabbilixxejna fil-Pjan ta’ Investiment għall-Ewropa, is-Suq Uniku Diġitali, l-Unjoni tal-Enerġija, l-Aġenda Ewropea dwar is-Sigurtà, l-Aġenda Ewropea dwar il-Migrazzjoni, l-Unjoni tas-Swieq Kapitali, il-Pjan ta’ Azzjoni għal Tassazzjoni Korporattiva Ġusta u Effiċjenti, l-Istrateġija Kummerċjali ġdida, il-Passi lejn l-ikkompletar tal-Unjoni Ekonomika u Monetarja, l-Istrateġija tas-Suq Uniku, u l-Pjan ta’ Azzjoni għall-Ekonomija Ċirkolari.

Billi ffokajna fuq l-affarijiet il-kbar, u qsamna dawn il-prijoritajiet mal-Parlament Ewropew u mal-Kunsill, wassalna riżultati rapidi u tanġibbli f’oqsma ewlenin. F’sena biss, il-Fond Ewropew għall-Investimenti Strateġiċi ġie attivat f'27 Stat Membru u wassal għal EUR 138 biljun f’investimenti, inkluż finanzjament ġdid għal kważi 300 000 intrapriża żgħira u ta’ daqs medju. Għamilna progress sostanzjali sabiex nerġgħu niksbu l-kontroll tal-flussi migratorji irregolari u sabiex nipprevjenu l-imwiet fuq il-baħar Eġew u l-baħar Mediterran. Il-Gwardja Ewropea tal-Fruntiera u tal-Kosta diġà qed taħdem biex issaħħaħ il-kontroll tal-fruntieri esterni tagħna sa biss għaxar xhur wara li l-Kummissjoni pproponietha. Fl-istess ħin, l-Ewropa wriet solidarjetà ma' miljun Sirjan li sabu kenn u protezzjoni hawnhekk. U rrilokajna u rrisistemajna 'l fuq minn 15 000 refuġjat oħra f’dawn l-aħħar 12-il xahar. F’dawn l-aħħar tliet xhur konna lħaqna medja ta’ madwar 1 000 rilokazzjoni fix-xahar. F’Settembru, iċ-ċifra żdiedet għal 1 200 rilokazzjoni. Id-distakk bejn il-bżonnijiet attwali ta’ rilokazzjoni u r-rilokazzjonijiet effettivi mill-Greċja issa qiegħed jonqos, iżda jeħtieġ li dawn l-isforzi jinżammu fix-xhur li ġejjin, u r-rilokazzjoni mill-Italja tissaħħaħ b’mod sinifikanti.

Dan il-Programm ta’ Ħidma jippreżenta l-inizjattivi ewlenin 1 li l-Kummissjoni timpenja ruħha li tikseb sal-aħħar tal-2017. Dawn il-proposti konkreti huma l-aktar mod viżibbli li bih il-ħidma tagħna se tikkontribwixxi fil-proċess ta’ tiġdid qabel is-sittin anniversarju tat-Trattati ta’ Ruma f’Marzu 2017. U aħna se nkunu qegħdin nikkooperaw mal-Parlament Ewropew u l-Kunsill sabiex niżguraw li dawn u proposti oħra ewlenin li saru f’dawn l-aħħar snin ikunu adottati malajr, biex ikunu jistgħu jħallu impatt tanġibbli fil-post.

... u Kummissjoni li tiffoka fuq li l-affarijiet isiru aħjar

Iżda l-kondiviżjoni tal-iffissar ta' prijoritajiet hija biss mod wieħed kif it-titjib tal-mod kif naħdmu flimkien fil-livell Ewropew jista’ juri lill-Ewropej li l-istrutturi ta’ governanza tagħna huma verament għas-servizz tagħhom. Dan peress li nagħmlu l-affarijiet aħjar huwa importanti għall-fiduċja taċ-ċittadini daqs li nagħmlu l-aħjar affarijiet.

Din hija r-raġuni għaliex matul ix-xhur li ġejjin aħna se nagħtu attenzjoni partikolari lil-lat operazzjonali tal-ħidma tagħna: naċċertaw li l-liġijiet Ewropej eżistenti huma applikati u infurzati b’mod xieraq u għadhom adattati għall-iskop; nipprovdu sostenn strutturali, pereżempju fil-Greċja; insaħħu l-implimentazzjoni tal-Fond Ewropew għal Investimenti Strateġiċi u nindirizzaw l-ostakli għall-investiment; u nikkooperaw mal-Istati Membri, l-Imsieħba Soċjali u s-soċjetà ċivili biex ngħinu fil-ħolqien ta' ambjent ta’ appoġġ għat-twettiq tal-objettivi ta’ politika tal-Unjoni, inkluż permezz tal-użu effettiv tal-mezzi baġitarji għad-dispożizzjoni tagħna. Din is-sena se nintensifikaw b’mod partikolari l-isforzi tagħna fir-rigward tal-aġenda tal-infurzar, għax anki l-aqwa liġi hija inutli jekk ma tagħtix riżultati konkreti fil-prattika.

Aħna se nibqgħu wkoll napplikaw prinċipji ta’ regolamentazzjoni aħjar fil-ħidma kollha tagħna, sabiex dak li nagħmlu dejjem jiġi vvalutat jekk hux effettiv u proporzjonat sabiex jintlaħqu l-ambizzjonijiet tal-għanijiet tal-politika li stabbilixxejna. Ħafna mill-inizjattivi ewlenin li se nippreżentaw is-sena d-dieħla jinkludu proposti li jirriżultaw minn evalwazzjonijiet dwar l-idoneità u l-prestazzjoni tar-regolamentazzjoni (regulatory fitness, REFIT) u li se jaġġornaw u jtejbu l-leġiżlazzjoni eżistenti sabiex din tkompli tilħaq l-objettivi tagħha b’mod effettiv u mingħajr piżijiet żejda.

Lil hinn minn inizjattivi ewlenin, se nipproponu għadd ta’ reviżjonijiet REFIT oħra għal-liġijiet attwali 2 , u fil-ġejjieni se nippruvaw niksbu l-għanijiet tar-REFIT kull meta l-liġi eżistenti tkun imissha tiġi riveduta. Waqt li stabbilixxejna l-prijoritajiet tagħna għax-xhur li ġejjin, ħadna kont partikolari tat-22 opinjoni tal-Pjattaforma REFIT. Qed naħdmu jew nippjanaw ħidma fl-oqsma kollha koperti minn dawn l-opinjonijiet 3 . Fl-istess ħin ma’ dan il-Programm ta’ Ħidma, qed nippubblikaw Tabella ta’ Valutazzjoni li tistabbilixxi fid-dettall is-segwitu għall-Pjattaforma REFIT opinjonijiet u l-isforzi għaddejjin sabiex jiġu evalwati u riveduti l-liġijiet eżistenti, filwaqt li qed nipproponu wkoll it-tħassir ta’ għadd ta’ biċċiet ta’ leġiżlazzjoni li ma għadhomx validi 4 . Nipproponu wkoll li jiġu rtirati għadd ta’ proposti pendenti li teknikament għadda żmienhom jew ma għadhomx jaqdu l-għan tagħhom, biex nippermettu lill-koleġiżlaturi jiffokaw fuq il-proposti li huma tassew importanti 5 .

Aħna se nkomplu wkoll nistabbilizzaw il-bidliet li għamilna fil-mod kif naħdmu. F’dawn l-aħħar sentejn il-Kummissjoni żiedet b’mod konsiderevoli t-trasparenza u r-responsabilità lejn iċ-ċittadini tagħha 6 , u dik tejbet il-kwalità tal-ħidma u l-proposti tagħna. Aħna issa qed infittxu l-opinjonijiet tal-pubbliku b’mod ġenerali, inkluż dwar abbozzi ta’ atti delegati u ta’ implimentazzjoni. Aħna miftuħa fir-rigward tar-rappreżentanti ta’ interess li jfittxu li jinfluwenzaw id-deċiżjonijiet politiċi tagħna u stiednu lill-Parlament Ewropew u l-Kunsill bħala koleġiżlaturi sabiex jingħaqdu magħha fi Ftehim Interistituzzjonali ġdid dwar reġistru obbligatorju ta’ trasparenza 7 sabiex ikun hemm l-obbligu ta’ rendikont liċ-ċittadini dwar il-lobbying fl-istadji kollha tal-leġiżlazzjoni Ewropea.

II.    Niksbu l-10 prijoritajiet

Fis-sena li ġejja, il-Kummissjoni se taħdem fil-qafas tal-10 prijoritajiet deskritti fil-Linji Gwida Politiċi 8 – li ġew ippreżentati fil-bidu tal-mandat tagħna wara diskussjonijiet mal-Parlament Ewropew u ispirati mill-“Aġenda strateġika għall-Unjoni fi żminijiet ta’ bidla” tal-Kunsill Ewropew – li nimplimentaw aġenda pożittiva u mmirata li tikseb riżultati konkreti biex tipproteġi, tiddefendi, u tagħti s-setgħa liċ-ċittadini 9 .

1.    Spinta ġdida għall-Impjiegi, it-Tkabbir u l-Investiment

Ewropa li tippriserva l-istil ta’ ħajja tagħna u tagħti s-setgħa liż-żgħażagħ tagħna. Madwar tmien miljun impjieg iktar inħolqu matul dawn l-aħħar tliet snin, iżda l-qgħad għadu f’livelli għolja u inaċċettabbli f’bosta Stati Membri, b’mod partikolari fost iż-żgħażagħ. Il-prijorità tagħna trid tkun li ngħinu lill-Istati Membri joħolqu l-aħjar kundizzjonijiet possibbli għaż-żgħażagħ tagħna sabiex jiżviluppaw il-ħiliet li jeħtieġu u jsiru attivi fis-suq tax-xogħol u fis-soċjetà.

L-għan tal-Inizjattiva dwar iż-Żgħażagħ il-ġdida tagħna hu li kull persuna żagħżugħa jinħtieġ li jkollha prospetti reali għall-edukazzjoni, it-taħriġ u l-impjieg. Aħna se nipprijoritizzaw liż-żgħażagħ fl-implimentazzjoni tal-Aġenda għal Ħiliet Ġodda għall-Ewropa. Il-proposti se jindirizzaw l-immodernizzar tal-edukazzjoni, it-titjib tal-kwalità tal-apprendistati u l-iżvilupp ulterjuri tal-mobbiltà tal-apprendisti, u t-traċċar tal-eżiti għaż-żgħażagħ fis-suq tax-xogħol ġaladarba jkunu temmew it-taħriġ vokazzjonali jew akkademiku tagħhom. Aħna qed insaħħu wkoll il-Garanzija għaż-Żgħażagħ bħala għodda biex ninvestu fiż-żgħażagħ, fil-ħiliet tagħhom u l-ewwel passi tagħhom tul il-karriera 10 , kif ukoll l-Inizjattiva favur l-Impjieg taż-Żgħażagħ 11 . Din se tappoġġa l-azzjonijiet tal-Istati Membri billi jintlaħqu r-reġjuni u ż-żgħażagħ li huma l-aktar fil-bżonn.

Aħna se nniedu l-Korp Ewropew ta’ Solidarjetà sa tmiem l-2016 li se joħloq opportunitajiet għal min għandu inqas minn 30 sena biex jikkontribwixxi b’mod attiv fis-soċjetà fi spirtu ta’ solidarjetà, u jakkwista ħiliet u esperjenzi ġodda, inklużi ħiliet lingwistiċi, matul il-proċess.

Huwa permezz tal-innovazzjoni u l-investiment proprju fl-ekonomiji tagħna li l-kumpaniji joħolqu l-impjiegi. Filwaqt li tibni fuq is-suċċess inizjali tal-Pjan ta’ Investiment għall-Ewropa 12 , il-Kummissjoni hija impenjata li tirdoppja kemm id-durata kif ukoll il-kapaċità finanzjarja tal-Fond Ewropew għall-Investimenti Strateġiċi (FEIS). Kien hemm qbil fuq il-Fond oriġinali mill-koleġiżlatur fiż-żmien rekord ta’ erba’ xhur u nofs u l-Kummissjoni tibbaża fuq kemm il-Parlament Ewropew kif ukoll il-Kunsill sabiex jiżguraw li jintlaħaq qbil daqstant ieħor rapidu dwar l-estensjoni u t-tisħiħ tiegħu, u b’hekk jissaħħaħ l-investiment sostenibbli. Ispirata mis-suċċess tal-FEIS, il-Kummissjoni ppreżentat ukoll Pjan ta’ Investiment Estern għall-Afrika u l-Viċinat tal-UE sabiex tindirizza xi wħud mill-kawżi primarji tal-migrazzjoni u tippromwovi l-impjiegi u t-tkabbir ekonomiku f’dawn ir-reġjuni 13 .

Aħna se nkomplu naħdmu biex noħolqu l-aħjar klima għall-innovazzjoni fl-Ewropa, biex ngħinu noħolqu impjiegi u industriji ġodda, nindirizzaw l-isfidi soċjetali u ambjentali u ntejbu l-ħajja tan-nies. Permezz tal-integrazzjoni tal-innovazzjoni madwar il-politiki kollha tal-Unjoni u l-immirar tal-fondi tagħna għar-riċerka u l-iżvilupp u l-fondi strutturali u ta’ investiment b’mod effettiv, l-għan tagħna huwa li l-Ewropa tkun minn ta’ quddiem f’teknoloġiji u metodi ta’ negozju ġodda, inkluż permezz ta’ speċjalizzazzjoni intelliġenti.

Il-Kummissjoni se tkompli taħdem biex tikseb l-Għanijiet ta’ Żvilupp Sostenibbli. L-ekonomija ċirkolari toffri potenzjal kbir ta’ innovazzjoni, tkabbir u impjiegi. Il-Kummissjoni se tmexxi 'l quddiem l-implimentazzjoni tal-Pjan ta’ Azzjoni għal Ekonomija Ċirkolari billi jtejjeb l-ekonomija, il-kwalità u l-l-firxa tar-riċiklaġġ u l-użu mill-ġdid tal-plastik fl-UE u t-tnaqqis tat-tnixxija tal-plastik fl-ambjent. Se nippreżentaw ukoll proposta leġiżlattiva dwar ir-rekwiżiti ta’ kwalità minimi għal ilma li jerġa' jintuża u reviżjoni tad-Direttiva dwar l-ilma tax-xorb b’segwitu tal-evalwazzjoni REFIT u l-Inizjattiva taċ-Ċittadini Ewropej “Right2Water”. Aħna se niżviluppaw qafas ta’ monitoraġġ biex niżguraw li l-progress lejn l-ambizzjonijiet tagħna għal ekonomija ċirkolari jinsab fit-triq it-tajba u qed iwassal il-benefiċċji ta' tisħiħ reċiproku kemm għall-ambjent kif ukoll għat-tkabbir ekonomiku tagħna.

Is-Semestru Ewropew 2017 se jkompli jenfasizza l-miżuri meħtieġa li l-Istati Membri jinħtieġ li jieħdu sabiex iwasslu investiment, finanzi pubbliċi sodi u riforma strutturali. Fir-rakkomandazzjoni li jmiss tagħha dwar il-politika ekonomika taż-Żona tal-Euro, il-Kummissjoni se tippromwovi wkoll pożizzjoni fiskali pożittiva għaż-Żona tal-Euro, b’appoġġ għall-politika monetarja tal-Bank Ċentrali Ewropew. Abbażi tal-analiżi li tinsab fir-rapporti tal-pajjiżi li għandhom jiġu adottati fi Frar, il-Kummissjoni se tiżviluppa serje oħra ta’ rakkomandazzjonijiet speċifiċi għall-pajjiż li għandhom jiġu proposti lill-Kunsill f’Mejju.

Aħna se nsegwu fuq il-proposta tagħna li nirrevedu l-Qafas Finanzjarju Pluriennali (2014–2020) 14 mal-Parlament Ewropew u l-Kunsill. L-ambizzjoni tagħna hija baġit rivedut li jsaħħaħ l-appoġġ għal prijoritajiet tal-Unjoni u jkun kapaċi aktar jirreaġixxi malajr għal ċirkostanzi mhux previsti, b’regoli ssimplifikati għall-benefiċjarji u enfasi msaħħa fuq ir-riżultati. Imbagħad issegwi proposta komprensiva għall-qafas futur lil hin mill-2020, inkluż dwar ir-riżorsi proprji. Din il-proposta se tkun iggwidata mill-prinċipju tal-inizjattiva “baġit tal-UE iffukat fuq ir-riżultati” u tirrifletti l-isfidi tal-ġejjieni u l-ħtiġijiet tal-Unjoni wara l-2020 abbażi ta’ valutazzjoni tal-politika u l-istrumenti ta’ nfiq eżistenti.

Il-Kummissjoni se tkompli l-ħidma u tikkonsulta b’mod wiesa’ dwar is-simplifikazzjoni u l-modernizzazzjoni tal-Politika Agrikola Komuni sabiex tikkontribwixxi bis-sħiħ għall-10 prijoritajiet tal-Kummissjoni u l-Għanijiet ta’ Żvilupp Sostenibbli. Din se tiffoka fuq prijoritajiet speċifiċi ta’ politika għall-futur, filwaqt li tikkunsidra l-opinjoni tal-Pjattaforma REFIT, u mingħajr preġudizzju għall-proposta tal-Kummissjoni li tirrevedi l-Qafas Finanzjarju Pluriennali. F’dak li jirrigwarda l-pożizzjoni tal-bdiewa fil-katina tal-provvista tal-ikel, fid-dawl tal-eżitu tal-ħidma dejjem għaddejja ta’ Task Force dwar is-Swieq Agrikoli u l-Forum ta’ Livell Għoli dwar il-katina tal-provvista tal-ikel, il-Kummissjoni se tikkunsidra azzjonijiet ulterjuri kif meħtieġ.

2.    Suq Uniku Diġitali Konness

Ewropa li tagħti s-setgħa liċ-ċittadini u n-negozji. It-teknoloġiji diġitali u l-komunikazzjonijiet diġitali huma mifruxa f'kull aspett tal-ħajja, u ħolqu opportunitajiet ġodda għall-kreattività, in-negozju u l-impjiegi, iżda wkoll jenfasizzaw il-ħtieġa għal fiduċja u ċ-ċibersigurtà. Ir-rilaxx sħiħ tal-potenzjal għat-tkabbir addizzjonali ta’ Suq Uniku Diġitali billi titlesta l-implimentazzjoni tal-Istrateġija se jibqa' prijorità għolja fl-aġenda tal-2017. Kif imħabbar fil-Programm ta’ Ħidma tas-sena l-oħra se nwettqu l-proposti li fadal matul il-ftit xhur li ġejjin, bħall-pakkett REFIT tat-Taxxa fuq il-Valur Miżjud (VAT) li jkopri proposti dwar kummerċ elettroniku, kotba elettroniċi u pubblikazzjonijiet elettroniċi u inizjattivi dwar il-promozzjoni tal-ekonomija tad-data inkluż l-indirizzar ta’ ostakli mhux ġustifikati għall-fluss liberu tad-data fl-Ewropa.

Aħna se nagħtu attenzjoni partikolari li naħdmu mill-qrib mal-koleġiżlaturi sabiex navvanzaw malajr fir-rigward tal-proposti li diġà ġew ippreżentati. Dawn jinkludu kuntratti diġitali 15 , drittijiet tal-awtur 16 , imblukkar ġeografiku 17 , portabbiltà 18 , konsenja tal-pakketti 19 , servizzi tal-midja awdjoviżivi 20 , telekomunikazzjonijiet 21 , l-użu tal-banda ta' frekwenza 700MHz għas-servizzi mobbli 22 , u l-proposta riċenti tagħha dwar WiFi4EU 23 . Il-konnettività hija essenzjali, u l-Kummissjoni se twettaq il-wegħda tagħha sabiex tabbolixxi t-tariffi tar-roaming mobbli sa nofs l-2017. Aħna se nanalizzaw il-progress li sar sabiex jitlesta s-Suq Uniku Diġitali u se nidentifikaw fejn huma meħtieġa sforzi ulterjuri mill-koleġiżlaturi u fejn ikun hemm bżonn aktar proposti.

3.    Unjoni tal-Enerġija Reżiljenti li jkollha Politika Progressiva dwar it-Tibdil tal-Klima

Ewropa li tieħu responsabbiltà għat-twettiq tal-wegħdiet magħmula. Ir-ratifika rapida tal-ftehim ta’ Pariġi wriet li l-Istati Membri kapaċi jsibu bażi komuni fejn huwa ċar li jekk naġixxu flimkien l-impatt tal-Unjoni jkun ikbar milli sempliċiment kieku kulħadd jaġixxi għal rasu. Barra minn hekk, ikkonfermat ir-rwol ewlieni globali tal-UE dwar it-tibdil fil-klima. It-twettiq tal-impenji tagħna issa huwa meħtieġ biex isarraf f'realtà l-modernizzazzjoni tal-ekonomija tagħna filwaqt li tiġi żgurata tranżizzjoni soċjalment ġusta. L-implimentazzjoni tal-Ftehim ta’ Pariġi u tal-ftehim internazzjonali dwar l-emissjonijiet mill-inġenji tal-ajru (l-Organizzazzjoni tal-Avjazzjoni Ċivili Internazzjonali) hija prijorità hawnhekk.

Kif tħabbar diġà, aħna se nkomplu nwettqu l-Istrateġija tal-Unjoni tal-Enerġija tagħna u tippreżenta, sa tmiem din is-sena, pakkett komprensiv immirat sabiex tiġi ġestita l-modernizzazzjoni tal-ekonomija billi l-effiċjenza enerġetika titpoġġa l-ewwel, bl-ambizzjoni li nsiru l-mexxej dinji fl-enerġiji rinnovabbli u nipprovdu trattament ġust għall-konsumaturi. Dan se jinkludi miżuri leġiżlattivi dwar l-effiċjenza enerġetika, l-enerġija rinnovabbli, inkluża s-sostenibbiltà tal-bijoenerġija, id-disinn tas-suq tal-elettriku u r-regoli ta’ governanza tal-Unjoni tal-Enerġija. Inizjattiva favur l-Innovazzjoni għall-Aċċellerazzjoni tal-Enerġija Nadifa se tappoġġa r-riċerka u l-adozzjoni mis-suq tal-innovazzjoni teknoloġika meħtieġa għall-effiċjenza enerġetika u l-enerġija rinnovabbli biex jintlaħqu l-għanijiet ta’ dekarbonizzazzjoni stabbiliti mill-Ftehim ta’ Pariġi u l-miri tagħna tal-2030. Il-proposti leġiżlattivi kollha relatati mal-Unjoni tal-Enerġija ppreżentati mill-Kummissjoni fl-2015 u l-2016 jinħtieġu jiġu indirizzati bħala prijorità mill-Parlament u l-Kunsill. Dawn jinkludu l-pakkett imsemmi hawn fuq, is-sigurtà tal-pakkett tal-provvista tal-gass 24 , l-iskema tal-UE għan-negozjar ta’ emissjonijiet 25 u r-regoli relatati dwar il-kondiviżjoni tal-isforz 26 u l-użu tal-art u l-forestrija 27 .

Aħna se nsegwu wkoll fuq l-Istrateġija tagħna dwar il-mobbiltà b’emissjonijiet baxxi ppreżentata f’Lulju. L-għan se jkun li tiżdied l-effiċjenza tat-trasport billi nirrispondu għall-bżonnijiet ta' mobbiltà ta’ persuni u oġġetti u nippromwovu t-tnaqqis tal-emissjonijiet, inkluża tranżizzjoni gradwali lejn vetturi b’emissjonijiet żero, li żżid ukoll il-kompettitività tal-industrija. Sabiex dan jinkiseb, bħala l-ewwel pass se nippreżentaw reviżjonijiet REFIT għar-Regolamenti tal-karozzi u l-vetturi kummerċjali ħfief, u nippreżentaw strateġiji li jistabbilixxi standards ta’ emissjonijiet żero u baxxi wara l-2020, u għad-Direttiva dwar vetturi nodfa biex itejjeb l-inċentivi u r-regoli ta’ akkwist. Billi napplikaw il-prinċipju li l-utent u min iniġġes iħallas, biħsiebna li nipproponu titjib għal dawk l-Istati Membri li jagħżlu li jużaw in-nollijiet tat-toroq, inkluża l-interoperabbiltà tas-servizzi elettroniċi tan-nollijiet.

4.    Suq Intern Aktar Ġust u Aktar Profond b'Bażi Industrijali Msaħħa

Ewropa li tagħti kontribut kbir għall-impjiegi u t-tkabbir, u tiddefendi l-industrija tagħha, Il-moviment liberu tal-oġġetti, il-persuni, is-servizzi u l-kapital huwa l-bażi s-saħħa ekonomika tal-Ewropa. Għandna l-ikbar suq uniku fid-dinja, kif ukoll ir-riformi stipulati fl-Istrateġija tas-Suq Uniku huma intiżi li jirrilaxxaw il-potenzjal sħiħ tiegħu. F’sinerġija mal-istrateġiji l-oħra tagħna, dan se joħloq il-kundizzjonijiet tajba għall-kompetittività sostenibbli tal-ekonomija Ewropea u jappoġġa l-innovazzjoni, id-diġitalizzazzjoni u t-trasformazzjoni industrijali.

Ir-riżultati futuri, diġà mħabbra, ikopru azzjonijiet sabiex jiġu megħjuna jikbru l-SMEs u n-negozji l-ġodda, Pakkett ta' Drittijiet ta’ Proprjetà Intellettwali u Pakkett ta’ Servizzi sabiex jiġu indirizzati l-ostakli fis-suq tas-servizzi. Se nippreżentaw inizjattiva dwar il-liġi tal-kumpaniji biex inħaffu l-użu tat-teknoloġiji diġitali tul il-fażijiet kollha ta’ kumpanija u għaqdiet u diviżjonijiet transfruntieri.

Is-sena d-dieħla, il-Kummissjoni se tieħu azzjoni biex issaħħaħ is-suq uniku tal-oġġetti, partikularment billi tiffaċilita r-rikonoxximent reċiproku u tindirizza l-ammont dejjem jikber ta’ prodotti mhux konformi fis-suq tal-UE permezz tar-reviżjonijiet REFIT tal-leġiżlazzjoni rilevanti. Dan se jippermetti lill-intraprendituri li joffru l-prodotti tagħhom b’mod aktar faċli bejn il-fruntieri filwaqt li joffri inċentivi biex tissaħħaħ il-konformità regolatorja u jiġu ristawrati kundizzjonijiet ekwi għall-benefiċċju tan-negozji u ċ-ċittadini. Aħna se nintroduċu wkoll inizjattiva ta’ valutazzjonijiet tat-teknoloġija tas-saħħa kkoordinati.

Waqt li tibni fuq l-Istrateġija għal mobbiltà b'emissjonijiet baxxi, il-Kummissjoni se taħdem b’mod integrat fuq il-mobbiltà, il-konnettività u l-futur tal-industrija tal-karozzi, li teħtieġ tilħaq sfidi strutturali u terġa’ tibni l-fiduċja fl-impenn u l-kapaċità tagħha li tindirizza l-emissjonijiet tal-karozzi. B’mod partikolari, se nkomplu l-ħidma fuq l-ambjent regolatorju, il-bini ta' ekosistemi, l-effiċjenza tar-riżorsi u l-istandardizzazzjoni sabiex niffaċilitaw l-introduzzjoni fis-suq ta’ vetturi aktar effiċjenti awtonomi u konnessi.

Fir-rigward tal-industrija tal-ispazju, bħala segwitu għal Pjan ta’ Azzjoni Ewropew għad-Difiża u l-Istrateġija dwar l-Ispazju għall-Ewropa , fl-2017 il-Kummissjoni se tipproponi inizjattiva biex tiżgura servizzi ta’ komunikazzjoni bis-satellita affidabbli, sikuri u kosteffikaċi lill-awtoritajiet pubbliċi (GOVSATCOM — komunikazzjoni governattiva bis-satellita) kif ukoll miżuri li jiffaċilitaw id-dħul fis-suq ta' servizzi spazjali u data.

L-infurzar tar-regoli tas-Suq Uniku huwa essenzjali sabiex jiżgura li dawn jaħdmu fil-prattika. Fl-2017, il-Kummissjoni se tipproponi, bħala parti minn enfasi usa’ fuq l-infurzar, proposti sabiex taġġorna u tirrazzjonalizza l-istrumenti għar-riżoluzzjoni tal-problemi, bħan-netwerk SOLVIT, u tippromwovi s-sensibilizzazzjoni fost iċ-ċittadini u l-kumpaniji dwar id-drittijiet tagħhom. Dan se jinkludi l-Għodda ta’ Informazzjoni dwar is-Suq Uniku u l-Portal Diġitali Uniku biex jappoġġaw in-negozji u jgħinuhom jiżviluppaw attivitajiet transfruntieri fis-Suq Uniku filwaqt li titqies l-opinjoni tal-Pjattaforma REFIT. Se jsiru proposti biex tkompli tingħata s-setgħa lill-Awtoritajiet Nazzjonali tal-Kompetizzjoni biex ikunu infurzaturi iktar effettivi tar-regoli li jiggarantixxu ambjent kompetittiv fis-Suq Uniku.

B’konformità mat-talba tal-Kunsill Ewropew biex isir progress rapidu sabiex jiġi żgurat aċċess aktar faċli għall-finanzi għan-negozju u jiġi appoġġat l-investiment fl-ekonomija reali, il-Kummissjoni se tippreżenta reviżjoni ta’ nofs it-terminu tal-Pjan ta’ Azzjoni tal-Unjoni tas-Swieq Kapitali, li tidentifika l-ostakli li baqa’ u kwalunkwe miżuri addizzjonali meħtieġa. Aħna se nipproponu prodott tal-pensjoni personali tal-UE sempliċi, effiċjenti u kompetittiv bil-għan li nnaqqsu l-ostakli għall-forniment ta’ servizzi transfruntieri tal-pensjoni u nżidu l-kompetizzjoni bejn dawk li jipprovdu l-pensjonijiet, reviżjoni REFIT tar-Regolament dwar l-Infrastruttura tas-Suq Ewropew (European Market Infrastructure Regulation, EMIR), strateġija dwar finanzi sostenibbli, miżuri sabiex jiffaċilitaw il-finanzjament ta' korporattivi tal-infrastruttura u pjan ta’ azzjoni għas-servizzi finanzjarji bl-imnut li jegħleb l-ostakli nazzjonali li jżommu lill-konsumaturi milli jiksbu l-aqwa valur, għażla u prezzijiet u milli jibbenefikaw minn teknoloġiji ġodda. Il-Kummissjoni se tiżgura wkoll segwitu dwar sejħa għall-evidenza dwar l-impatt kumulattiv ta' leġiżlazzjoni finanzjarja filwaqt li titqies ukoll l-opinjoni tal-Pjattaforma REFIT dwar ir-rekwiżiti ta’ rapportar. U aħna se nippreżentaw il-proposti li fadal li diġà ġew imħabbra, inkluża l-leġiżlazzjoni dwar ir-ristrutturazzjoni tan-negozju u t-tieni opportunità biex jiġi żgurat li meta n-negozju jfalli jiġu stralċjati b’mod ġust u effiċjenti u l-intraprendituri jingħataw bidu ġdid.

Ambjent tat-taxxa sod irid ikun sempliċi u effiċjenti għall-kumpaniji li joperaw bejn il-fruntieri filwaqt li jiżguraw li dawn il-kumpaniji qed jikkontribwixxu b’mod ġust u effettiv għat-taxxi fil-postijiet fejn jagħmlu l-profitti tagħhom. B’mod parallel ma’ dan il-Programm ta’ Ħidma, il-Kummissjoni qed tniedi mill-ġdid il-Bażi Komuni Kkonsolidata tat-Taxxa Korporattiva b’bażi tat-taxxa komuni obbligatorja bħala l-ewwel pass 28 . Il-Kummissjoni qed tippreżenta wkoll aktar miżuri kontra l-frodi u l-evażjoni tat-taxxa, inkluż permezz ta’ pajjiżi terzi 29 . Filwaqt li titqies il-konsultazzjoni li għaddejja, miżuri addizzjonali fil-qasam tat-trasparenza fiskali matul is-sena d-dieħla jistgħu jinkludu proposta biex jiżdiedu s-sorveljanza tal-promoturi u l-faċilitaturi ta' iskemi ta’ ppjanar tat-taxxa aggressiv. Bħala element ewlieni ta’ strateġija esterna għal tassazzjoni effettiva, il-Kummissjoni se taħdem mal-Istati Membri biex tiffinalizza lista tal-UE ta’ ġurisdizzjonijiet ta’ pajjiżi terzi li jonqsu milli jikkonformaw ma’ standards internazzjonali ta’ governanza tajba fil-qasam tat-taxxa u l-implimentazzjoni tal-ftehimiet internazzjonali rilevanti dwar l-aħjar prattiki kontra t-trasferiment tal-profitt u l-erożjoni tal-bażi.

Kull sena, frodi transfruntieri fuq il-VAT jiswew lill-kontribwenti tat-taxxi fl-Istati Membri tagħna madwar EUR 50 biljun. Fl-istess ħin, il-piż amministrattiv ta’ konformità tal-VAT għal negozji żgħar huwa għoli u l-innovazzjoni teknika tippreżenta sfidi ġodda għall-ġbir effettiv tat-taxxa. Għaldaqstant il-Kummissjoni se tippreżenta miżuri biex timplimenta l-Pjan ta’ Azzjoni dwar il-VAT, biex tissimplifika l-VAT għal kumpaniji iżgħar u tistabbilixxi s-sisien għal sistema definittiva tal-VAT aktar moderna, effiċjenti, reżistenti għall-frodi u favorevoli għall-kummerċ madwar l-Ewropa, filwaqt li jitqiesu l-opinjonijiet tal-Pjattaforma REFIT. Approċċ aktar effettiv u proporzjonat lejn ir-rati tal-VAT huwa element ewlieni ta’ din ir-riforma.

5.    Unjoni Ekonomika u Monetarja Aktar Profonda u Aktar Ġusta

Ewropa li tipproteġi l-ekonomiji tagħna u tiżgura kompetizzjoni ġusta għall-ħaddiema u l-intrapriżi. Bħala munita globali stabbilita l-euro ġġib benefiċċji ekonomiċi kbar u spiss inviżibbli. Il-pajjiżi taż-żona euro ffrankaw EUR 50 biljun din is-sena f’pagamenti ta’ imgħax fuq id-dejn tagħhom, permezz ta’ rati ta’ interessi baxxi u l-politika monetarja tal-Bank Ċentrali Ewropew. Il-Kummissjoni tappoġġa l-ambizzjoni u l-pjanijiet direzzjonali ppreżentati fir-rapport tal-Ħames Presidenti dwar it-tlestija tal-Unjoni Ekonomika u Monetarja (UEM).

Il-White Paper dwar il-Futur tal-Ewropa li tistabbilixxi passi konkreti dwar kif għandha tiġi rriformata UE ta’ 27 Stat Membru 60 sena wara t-Trattati ta’ Ruma se tinkludi wkoll il-futur tal-UEM biex tipprepara t-tieni fażi tal-approfondiment tal-UEM fil-kuntest ġdid politiku u demokratiku, inkluż rieżami orjentat lejn l-istabbiltà tal-Patt ta’ Stabbiltà u Tkabbir u s-segwitu għall-Artikolu 16 tat-Trattat dwar l-Istabbiltà, il-Koordinazzjoni u l-Governanza fl-Unjoni Ekonomika u Monetarja (li tinkorpora s-sustanza tat-Trattat fil-qafas legali tal-Unjoni Ewropea). Aħna se nirrieżaminaw ukoll is-Sistema Ewropea ta’ Superviżjoni Finanzjarja (SESF) li ssaħħaħ l-effettività u l-effiċjenza ta’ superviżjoni kemm fil-livell prudenzjali makro kif ukoll dak mikro. L-adozzjoni tal-proposta għal rappreżentanza unifikata taż-żona tal-ewro fil-Fond Monetarju Internazzjonali 30 jenħtieġ li jkunu aċċelerati.

It-tlestija tal-Unjoni Bankarja u f’dak il-kuntest, l-ilħiq ta' qbil dwar il-proposta għal Skema Ewropea ta’ Assigurazzjoni tad-Depożiti komuni 31 , tibqa’ prijorità. Il-Kummissjoni, fid-dawl tal-aħħar konsiderazzjonijiet f’livell internazzjonali, se tirrieżamina wkoll partijiet mill-leġiżlazzjoni bankarja u tipproponi emendi mmirati lejn ir-Regolament dwar ir-Rekwiżiti Kapitali u d-Direttiva, kif ukoll id-Direttiva dwar l-Irkupru u r-Riżoluzzjoni tal-Banek, sabiex tagħmel il-banek iktar reżiljenti filwaqt li tissimplifika r-regoli għal dawk b’mudell tal-negozju anqas kumpless, tippromwovi l-investiment, speċjalment fl-SMEs, u ssaħħaħ miżuri eżistenti tat-tnaqqis tar-riskju b’mod partikolari permezz tal-implimentazzjoni tal-istandards globali dwar il-kapaċità totali ta’ assorbiment tat-telf għall-banek sistemiċi. Iż-żieda tal-progress fit-twettiq tal-Unjoni tas-Swieq Kapitali huwa fundamentali biex jitħeġġeġ livell ogħla ta’ kondiviżjoni tar-riskju fis-settur privat fl-UEM. L-adozzjoni ta’ proposti pendenti dwar it-titolizzazzjoni 32 u l-prospett 33 irid jiġi aċċellerat.

Il-Kummissjoni hija impenjata li tippromwovi konverġenza soċjali vertikali u li ssaħħaħ id-dimensjoni soċjali tal-integrazzjoni Ewropea. Abbażi tal-evidenza miġbura permezz tal-konsultazzjoni pubblika ta’ din is-sena, aħna se nipproponu Pilastru Ewropew tad-Drittijiet Soċjali li jistabbilixxi prinċipji għal Unjoni mibnija fuq il-ġustizzja soċjali. Il-Pilastru se jistabbilixxi qafas ta’ prinċipji għall-promozzjoni ta’ kompetizzjoni ġusta f’ekonomija tas-suq soċjali Ewropea. Dan se joffri politika fiskali għal swieq tax-xogħol ġusti u dinamiċi, fejn kulħadd ikollu ċ-ċans li jagħmel użu tat-talent tagħhom, u għal sistema li jkunu sostenibbli, jaħdmu tajjeb u li jirriflettu r-realtajiet jinbidlu b’rata mgħaġġla ta' llum. Se jkun akkumpanjat minn inizjattivi relatati, bħal inizjattivi li jindirizzaw l-isfidi ta' bilanċ bejn ix-xogħol u l-ħajja li qed iħabbtu wiċċhom magħhom il-familji tal-ħaddiema.

6.    Il-kummerċ: Ftehim ta' Kummerċ Ħieles Raġonevoli u Bbilanċjat mal-Istati Uniti

Ewropa miftuħa u li tinnegozja mas-sħab tagħna filwaqt li ssaħħaħ l-istrumenti għad-difiża tagħha. Fl-ekonomija globali tal-lum, il-kummerċ huwa essenzjali għat-tkabbir, l-impjiegi u l-kompetittività. Il-kummerċ jissarraf f'xogħlijiet – għal kull EUR 1 biljun li niksbu f'esportazzjonijiet, 14 000 impjieg addizzjonali jinħolqu madwar l-UE. U aktar minn 30 miljun impjieg, wieħed minn kull seba' impjiegi fl-UE, issa jiddependu fuq l-esportazzjonijiet lejn il-bqija tad-dinja. Huwa għalhekk li l-UE tibqa’ impenjata għal sistema kummerċjali miftuħa u bbażata fuq ir-regoli.

Filwaqt li tibni fuq in-netwerk tal-Unjoni ta’ ftehimiet ta’ kummerċ ħieles li rnexxiet, il-Kummissjoni se tkompli n-negozjati mal-Istati Uniti, il-Ġappun, il-Mercosur, il-Messiku, it-Tuneżija u l-pajjiżi tal-ASEAN. Aħna se nfittxu mandati ġodda sabiex niftħu n-negozjati mat-Turkija, l-Awstralja, New Zealand u ċ-Ċilì. Aħna se nkomplu naħdmu fl-Organizzazzjoni Dinjija tal-Kummerċ (WTO), inkluż ftehimiet plurilaterali, kif ukoll għal ratifika rapida tal-Ftehim Ekonomiku u Kummerċjali Komprensiv (Comprehensive Economic and Trade Agreement, CETA) mal-Kanada.

Aħna impenjati wkoll biex niżguraw li l-kummerċ jibqa’ ġust billi naġġornaw u nimmodernizzaw l-istrumenti ta’ difiża kummerċjali tal-Ewropa sabiex niżguraw li dawn ikunu kompletament sostenibbli fid-dawl ta’ sfidi ekonomiċi ġodda bħall-kapaċità żejda u t-tibdil fir-realtajiet legali, bħalma huma l-iskadenza ta’ ċerti protokolli ta’ adeżjoni tad-WTO. Issa huwa urġenti li l-Kunsill isolvi l-istaġnar tal-proposta tagħna tal-2013 sabiex jiġu mmodernizzati l-Istrumenti tal-Ħarsien tal-Kummerċ, inkluża riforma tar-regola tad-dazju inferjuri 34 . Fil-21 ta’ Ottubru 2016, il-Kunsill Ewropew appella għal azzjoni urġenti u ftehim ibbilanċjat dwar il-pożizzjoni tal-Kunsill għal modernizzazzjoni komprensiva tal-istrumenti ta’ difiża kummerċjali kollha sal-aħħar tal-2016.

Meta tqis il-valuri komuni bejn l-UE u l-Istati Uniti, kif ukoll l-importanza strateġika, politika u ekonomika tar-relazzjoni transatlantika, il-Kummissjoni tinsab lesta biex tikkonkludi Ftehim ta’ Sħubija ta’ Kummerċ u Investiment ambizzjuż, ibbilanċjat u ta’ standards għoljin. Minħabba l-elezzjonijiet li ġejjin fl-Istati Uniti u t-tnaqqis inevitabbli fil-pass tan-negozjati, iż-żewġ partijiet se jagħmlu ħilithom biex jikkonsolidaw il-progress li ntlaħaq sa issa. Il-Kummissjoni tinsab lesta li timpenja ruħha mal-amministrazzjoni l-ġdida tal-Istati Uniti malajr kemm jista’ jkun abbażi tal-mandat mogħti lill-Kummissjoni, li reġa’ ġie kkonfermat mill-Kunsill Ewropew fil-21 ta’ Ottubru 2016 35 .

Il-Kummissjoni se jkollha wkoll irwol ewlieni fl-implimentazzjoni tal-Forum Globali dwar il-kapaċità żejda tal-azzar, taħt l-awspiċju tal-G20.

7.    Żona ta’ Ġustizzja u Drittijiet Fundamentali Bbażata fuq il-Fiduċja Reċiproka

Ewropa li tiddefendi u tippreserva l-valuri tal-libertà, tad-demokrazija u tal-istat tad-dritt. Is-sigurtà fil-fruntieri tagħna kif ukoll fi ħdanhom hija tħassib kruċjali u komuni fid-dawl tat-theddidiet attwali li qed taffaċċja l-Ewropa. It-theddida tat-terroriżmu qatt ma kienet tinħass daqshekk fl-Ewropa. Aħna biħsiebna nsegwu l-Aġenda tal-UE dwar is-Sigurtà b’azzjonijiet li jwittu t-triq lejn Unjoni ta’ Sigurtà u jsaħħu l-kontrolli fil-fruntieri tagħna. Din se tinkludi informazzjoni dwar Sistema Ewropea ta’ Informazzjoni u ta’ Awtorizzazzjoni għall-Ivvjaġġar (ETIAS - European Travel Information and Authorisation System) sabiex ikun hemm kontroll awtomatizzat ta’ ċittadini minn pajjiżi terzi eżentati mill-viża li biħsiebhom jivvjaġġaw fiż-Żona ta’ Schengen, li se jikkomplementa s-sistema tad-dħul u l-ħruġ ta’ ċittadini ta’ pajjiż terz li l-Kummissjoni diġà pproponiet 36 u li, flimkien mal-proposta tagħna ta’ kontrolli sistematiċi fuq ċittadini tal-UE li jaqsmu l-fruntieri esterni tal-UE, jinħtieġ li jintlaħaq qbil malajr 37 . Aħna se nippreżentaw ukoll titjib għas-Sistema ta’ Informazzjoni ta’ Schengen u se nagħmlu s-sistemi eżistenti u futuri tagħna tal-infurzar tal-liġi u ta’ ġestjoni tal-fruntieri aktar interoperabbli, b’segwitu tal-ħidma li għaddejja fil-Grupp ta’ Livell Għoli dwar sistemi ta’ Informazzjoni u l-interoperabbiltà. U se nippreżentaw inizjattiva dwar l-aċċess għal evidenza elettronika, minħabba l-importanza dejjem tikber tagħha sabiex jiġu żgurati investigazzjonijiet u prosekuzzjonijiet kriminali effettivi fil-ġlieda kontra l-kriminalità serja u t-terroriżmu.

Fix-xhur li ġejjin il-Kummissjoni se tkompli timplimenta l-Pjan ta’ Azzjoni tal-UE dwar il-ġlieda kontra l-finanzjament tat-terroriżmu, bi proposti dwar sanzjonijiet armonizzati sabiex jiġu evitati l-ħasil tal-flus, il-movimenti ta’ flus illeċiti, il-kummerċ illeċitu ta’ oġġetti kulturali u l-iffriżar u l-konfiska tal-assi kriminali. Qed naħdmu wkoll sabiex nistimulawl-Europol u b’mod partikolari l-għoti ta' riżorsi liċ-Ċentru Ewropew Kontra t-Terroriżmu. Aħna se nirrappurtaw kull xahar dwar il-progress lejn Unjoni ta’ Sigurtà 38 u se naħdmu mal-Parlament Ewropew u l-Kunsill għal qbil f’waqtu dwar miżuri kontra l-abbuż tal-armi tan-nar u sabiex nikkriminalizzaw imġiba terrorista inkluż l-ivvjaġġar ta' ġellieda terroristi barranin.

Id-dritt għas-sigurtà qatt ma jista' jikkompromettu r-rispett ta’ drittijiet fundamentali oħra, inkluż id-dritt għall-protezzjoni tad-data personali. Ir-Regolament Ewropew dwar il-Protezzjoni tad-Data 39 se japplika mill-2018 u l-Kummissjoni se tiżgura li l-istess livell għoli ta’ protezzjoni tad-data personali jiġi estiż għall-istituzzjonijiet, korpi, aġenziji u uffiċċji. Fl-istess spirtu, il-Kummissjoni se tesplora wkoll deċiżjonijet ta’ adegwatezza ġodda dwar l-iskambju ta’ data personali ma’ pajjiżi terzi sabiex tiżgura standards għoljin meta data personali tiġi trasferita lil pajjiżi terzi. Aħna se nippreżentaw rieżami REFIT tad-Direttiva dwar il-privatezza elettronika sabiex naġġornawha fid-dawl tal-aħħar żviluppi teknoloġiċi u b’kont meħud tal-opinjoni tal-Pjattaforma REFIT. Aħna se nivvalutaw ukoll il-kamp ta’ applikazzjoni għal azzjoni ulterjuri jew orizzontali settorjali fil-livell tal-UE għall-protezzjoni tal-informaturi li jesponu kondotta illegali.

Aħna se nkomplu naħdmu għall-adeżjoni tal-Unjoni mal-Konvenzjoni Ewropea dwar id-Drittijiet tal-Bniedem, filwaqt li nieħu inkonsiderazzjoni b'mod totali l-Opinjoni tal-Qorti tal-Ġustizzja. U billi sistemi ġudizzjarji effettivi u indipendenti jappoġġaw it-tkabbir ekonomiku u jsostnu d-drittijiet fundamentali, se inkomplu naħdmu flimkien mal-Parlament Ewropew u mal-Istati Membri biex nippromwovu u niddefendu l-istat tad-dritt.

8.    Lejn Politika Ġdida dwar il-Migrazzjoni

Ewropa li tipproteġi l-fruntieri tagħna u twettaq politika ta’ migrazzjoni responsabbli. Il-ġestjoni tal-flussi migratorji filwaqt li niżguraw li dawk li jkunu qed ifittxu rifuġju dejjem isibu rifuġju sikur hawnhekk tibqa’ sfida ta’ kuljum. Matul l-aħħar sena l-Kummissjoni aċċellerat il-ħidma mal-Parlament Ewropew, il-Kunsill u l-Istati Membri skont l-Aġenda Ewropea dwar il-Migrazzjoni sabiex tippermetti reazzjoni rapida u koordinata għall-kriżi tar-refuġjati u tfassal qafas fit-tul ibbażat fuq is-solidarjetà u r-responsabbiltà.

Id-determinazzjoni tal-UE li tindirizza l-impatt tal-kriżi wassal għal involviment fuq il-post ta' kuljum bla preċedent. Il-Kummissjoni, l-aġenziji tal-UE u l-Istati Membri ħadmu flimkien biex isalvaw il-ħajjiet fuq il-baħar u biex jappoġġaw lill-Istati Membri l-aktar esposti. Aktar minn EUR 15-il biljun mill-baġit tal-UE ġew allokati lir-rispons tal-UE għall-kriżi tar-refuġjati. Id-dikjarazzjoni UE-Turkija qed turi li kienet pass deċiżiv biex jitwaqqaf il-kuntrabandu tal-migranti, iġġib ordni fil-flussi u tipprevjeni t-telf ta’ ħajjiet. Fl-2017 il-Kummissjoni se ssostni l-intensità tal-ħidma tagħha sabiex tipprovdi appoġġ dirett lir-refuġjati u l-integrazzjoni tagħhom fil-komunitajiet ospitanti fl-Ewropa u f’pajjiżi terzi, ittejjeb il-ġestjoni tal-migrazzjoni fl-iktar żoni tal-fruntiera esposti, tiġġieled kontra l-kuntrabandu u t-traffikar tal-migranti, b’mod partikolari ta’ minorenni mhux akkumpanjati, u fuq ir-ritorn tal-migranti irregolari.

F’żona ta’ moviment ħieles intern, il-fruntieri esterni tagħna huma aktar minn qatt qabel kwistjoni ta’ responsabbiltà komuni. Ittieħdu passi biex iż-Żona Schengen ta’ moviment ħieles tal-persuni terġa' titpoġġa fuq it-triq lura għan-normalità. F’inqas minn sena l-UE bniet sistema permanenti biex tiżgura d-difiża tal-fruntieri u tipprevjeni u tindirizza dgħufijiet fil-kontrolli fuq persuni li jidħlu fl-UE permezz ta’ Gwardja Ewropea tal-Fruntiera u l-Kosta operattiva.

Il-kapaċità permanenti biex tiġi ġestita l-migrazzjoni b’mod kredibbli u sostenibbli tirrikjedi firxa sħiħa ta’ strumenti ta’ migrazzjoni li jkunu f’posthom. Il-pedamenti kollha meħtieġa issa jinsabu fuq il-mejda tal-Parlament Ewropew u tal-Kunsill. Adozzjoni rapida ta' proposti ewlenin, bħar-riforma tar-regoli ta' Dublin għas-Sistema Ewropea Komuni tal-Asil 40 , it-trasformazzjoni tal-Uffiċċju Ewropew ta' Appoġġ fil-qasam tal-Asil f'Aġenzija tal-UE għall-Asil kompluta 41 , it-tisħiħ tal-Eurodac 42 , il-qafas ġdid ta' risistemazzjoni 43 , kif ukoll miżura għal migrazzjoni legali ġestita kif jixraq 44 , hija essenzjali sabiex tipprovdi l-approċċ komprensiv u koerenti li l-Unjoni Ewropea teħtieġ sabiex tindirizza l-isfida tal-migrazzjoni.

Billi tibni fuq l-ewwel riżultati tal-Qafas ta’ Sħubija riċenti ma’ pajjiżi terzi skont l-Aġenda Ewropea dwar il-Migrazzjoni 45 , il-ħidma jeħtieġ li titmexxa ‘l quddiem mill-istituzzjonijiet tal-UE u l-Istati Membri biex b’hekk il-kwistjonijiet tal-migrazzjoni jkunu fil-qalba u kundizzjoni għall-kwalità ta’ relazzjonijiet mas-sħab ewlenin kollha mal-pajjiżi ta’ oriġini u ta’ tranżitu. Il-pajjiżi ta’ oriġini u ta’ tranżitu bdew jinvolvu ruħhom f’kooperazzjoni aktar profonda dwar il-prevenzjoni ta’ migrazzjoni irregolari u r-ritorn. Neħtieġu wkoll li nistabbilixxu mezzi legali effettivi fl-Unjoni, kemm jekk permezz tal-migrazzjoni legali jew risistemazzjoni.

Is-sena d-dieħla se naraw fiex wasalna fid-diversi linji ta’ ħidma taħt l-Istrateġija, sabiex nipprovdu analiżi komprensiva tal-progress li sar lejn ġestjoni tal-migrazzjoni aktar effettiva u sostenibbli, u se nidentifikaw fejn aktar sforzi huma meħtieġa.

9.     Attur Globali Aktar b’Saħħtu

Ewropa li tipproteġi tiddefendi wkoll l-interessi tagħna lil hinn mill-fruntieri tagħna. L-Ewropa hi setgħa ta' persważjoni ta’ importanza globali. Permezz tal-Istrateġija Globali u l-Politika Ewropea tal-Viċinat rieżaminata, l-UE se tkompli tuża l-istrumenti kollha għad-dispożizzjoni tagħha biex tappoġġa lis-sħab tagħha billi fl-istabbilizzazzjoni ekonomika u politika, ir-riformi u l-bini tar-reżiljenza. Il-Kummissjoni se tkompli toħloq stabbiltà u prosperità konġunta mal-pajjiżi kandidati permezz tal-politika tagħha ta’ tkabbir.

Madankollu, is-setgħa ta’ persważjoni mhix biżżejjed f’dinja kunflittwali. Għaldaqstant, il-Kummissjoni se tippreżenta aktar tard din is-sena Pjan ta’ Azzjoni Ewropew għad-Difiża li se jesplora kif politiki u strumenti tal-UE jistgħu jiżguraw li l-bażi industrijali u tal-ħiliet tkun tista' tipprovdi l-kapaċitajiet tad-difiża identifikati fid-dawl tal-isfidi attwali u futuri tas-sigurtà. Wara dan, il-Kummissjoni se tipproponi l-ħolqien ta’ Fond ta’ Difiża Ewropea sabiex tippromwovi r-riċerka u l-innovazzjoni u tikkontribwixxi għat-tisħiħ tal-bażi industrijali u teknoloġika tad-difiża Ewropea u tistimula aktar l-iżvilupp ta’ kapaċitajiet essenzjali ta’ difiża. Barra minn hekk, aktar miżuri se jkunu proposti fil-qasam tal-akkwist pubbliku tad-difiża.

Il-proposta pendenti tal-Kummissjoni biex jiġi emendat l-istrument li jikkontribwixxi għall-istabbiltà u l-paċi għandha l-għan li tindirizza nuqqasijiet fil-kapaċità tal-Unjoni Ewropea biex tappoġġa lil pajjiżi sħab biex jipprevjenu u jiġġestixxu l-kriżijiet waħedhom, b’mod partikolari permezz tat-tisħiħ tal-kapaċitajiet b’appoġġ għas-sigurtà u l-iżvilupp. Minħabba t-theddidiet immedjati għall-istabbiltà u l-paċi u għalhekk għall-iżvilupp f’għadd ta’ pajjiżi sħab ewlenin, huwa importanti li l-Parlament Ewropew u l-Kunsill jadottaw din il-proposta malajr.

L-Unjoni Ewropea se tkompli tagħmel ħilitha biex issolvi l-kunflitti u l-kriżijiet li għaddejjin fil-viċinat tagħha u lil hinn, u tikkontribwixxi għall-isforzi attwali tan-Nazzjonijiet Uniti u ta’ atturi internazzjonali oħra f’dan ir-rigward. Il-Kummissjoni u r-Rappreżentant Għoli se jadottaw Strateġija tal-UE għas-Sirja li se tistabbilixxi kif l-Ewropa tista’ tkompli tagħti appoġġ umanitarju u tikkontribwixxi għal tranżizzjoni politika, stabilizzazzjoni u rikostruzzjoni bil-ħsieb għall-bini mill-ġdid ta’ nazzjon paċifiku Sirjan u soċjetà ċivili tolleranti u pluralistika fis-Sirja.

L-Afrika se tibqa’ wieħed mis-sħab strateġiċi ewlenin tal-UE, u l-kriżi tar-refuġjati riċenti għal darb’oħra ssottolinjat l-importanza ta’ investiment f'relazzjonijiet sostenibbli u sodi mal-pajjiżi Afrikani, immexxijjin minn spirtu ta’ responsabbiltà kondiviża. Il-Qafas ta’ Sħubija u l-fondi speċifiċi mogħtija mill-Fond Fiduċjarju ta’ Emerġenza tal-UE għall-Afrika u l-Pjan ta' Investiment Estern Ewropew ġdid (European External Investment Plan, EIP) 46  jirriflettu l-impenn tagħna li naħdmu id f’id mas-sħab tagħna Afrikani u li niffaċċjaw b’mod konġunt l-isfidi globali tagħna. Fid-dawl tal-Ħames Samit UE-Afrika li se jsir fi tmiem l-2017, aħna se nipproponu approċċ ġdid li jinħtieġ li jiddefinixxi l-għanijiet u l-prijoritajiet strateġiċi tal-UE fir-relazzjonijiet tagħha mal-Afrika. Dan se jikkontribwixxi wkoll għall-pilastru Afrikan tal-qafas ta' wara Cotonou, li l-Kummissjoni se tippreżenta dalwaqt, u jinħtieġ ukoll li jenfasizza l-importanza kruċjali fir-relazzjonijiet kummerċjali tagħna ma’ sħab Afrikani.

Kif tħabbar diġà, il-Kummissjoni se tipproponi wkoll tiġdid tal-Kunsens Ewropew dwar l-Iżvilupp, li jallinja l-politika tal-iżvilupp tagħna mal-Aġenda 2030 għall-Iżvilupp Sostenibbli tan-NU, u jiżgura li din tilgħab il-parti sħiħa tagħha fl-implimentazzjoni tal-Għanijiet ta’ Żvilupp Sostenibbli.

10. Unjoni ta’ Tibdil Demokratiku

Ewropa li tieħu responsabbiltà, tisma’ u tagħti riżultati. Il-kisba ta’ Unjoni ta’ tibdil demokratiku – l-aktar globali mill-għaxar prijoritajiet li din il-Kummissjoni stipulat għaliha nnifisha – qatt ma kienet daqshekk urġenti. F’dan il-mument kritiku, il-futur tal-Unjoni se jiddependi fuq li nagħtu assigurazzjoni liċ-ċittadini Ewropej li flimkien aħna kapaċi nipproteġuhom, nagħtuhom is-setgħa u niddefenduhom, u ngħinu fil-bini ta’ perspettiva pożittiva u sostenibbli għall-futur tagħhom.

Ir-regolamentazzjoni aħjar, l-akkontabilità u t-trasparenza jibqgħu fil-qalba tal-mudell tan-negozju ta’ din il-Kummissjoni u l-istituzzjonijiet kollha tal-UE jeħtieġu japplikaw dawn il-prinċipji b’mod konsistenti u impenjat jekk irridu nerġgħu niksbu l-fiduċja taċ-ċittadini tagħna. Il-Kummissjoni se taħdem mill-qrib mal-Parlament Ewropew u l-Kunsill biex tiżgura li l-Ftehim Interistituzzjonali dwar it-Tfassil Aħjar tal-Liġijiet jiġi implimentat bis-sħiħ u applikat, u se timpenja ruħha f’negozjati kostruttivi maż-żewġ istituzzjonijiet dwar il-proposta riċenti tagħna għal Reġistru ta’ Trasparenza obbligatorju li jkopri l-Parlament Ewropew, il-Kunsill u l-Kummissjoni. Il-Kummissjoni se tippreżenta wkoll emendi għall-Ftehim Qafas mal-Parlament Ewropew sabiex jiżguraw li l-Membri tal-Kummissjoni jistgħu joħorġu għall-elezzjonijiet tal-Parlament Ewropew.

Il-Kummissjoni se tipproponi leġiżlazzjoni biex tallinja atti eżistenti mad-dispożizzjonijiet tat-Trattat dwar atti delegati u ta’ implimentazzjoni, u b’hekk telimina l-proċedura regolatorja bi skrutinju. Aħna se nivvalutaw ukoll il-leġittimità demokratika ta’ proċeduri eżistenti għall-adozzjoni ta’ atti delegati u ta’ implimentazzjoni u tikkunsidra għażliet għat-tibdil ta' proċeduri eżistenti għall-adozzjoni ta’ ċerti atti sekondarji.

Sabiex tiżgura li l-istrumenti legali tal-UE jkollhom l-effett mixtieq, il-Kummissjoni biħsiebha tintensifika l-isforzi tagħha dwar l-applikazzjoni, l-implimentazzjoni u l-infurzar tal-liġi tal-UE. Dan jinkludi l-pakkett ta’ miżuri għal infurzar aħjar tar-regoli tas-suq uniku, u fil-qasam ambjentali, proposta REFIT sabiex tissimplifika r-rappurtar ambjentali b’segwitu tal-Kontroll ta' Idoneità riċenti, u miżuri sabiex tiffaċilita l-aċċess għall-ġustizzja u tappoġġa l-assigurazzjoni ta' konformità ambjentali fl-Istati Membri.

III.    L-aċċellerazzjoni tar-riżultati mill-10 prijoritajiet mit-tliet istituzzjonijiet

L-aġenda tagħna, varata mid-diskors tal-President dwar l-Istat tal-Unjoni tal-14 ta' Settembru 2016 47 , ma tirriflettix biss dak li smajna li ċ-ċittadini jistennew li l-UE tagħmel, u d-djalogu tagħna mal-Membri eletti direttament tal-Parlament Ewropew 48 u l-Kunsill fejn huma rrappreżentati l-gvernijiet nazzjonali kollha 49 , kif ukoll il-fehmiet tal-Kumitat Ekonomiku u Soċjali Ewropew 50 u l-Kumitat tar-Reġjuni 51 , iżda hija wkoll allinjata kompletament mal-prijoritajiet identifikati mis-27 Kap ta' Stat jew Gvern f'Bratislava 52 .

L-enfasi ta’ din il-Kummissjoni matul is-sena li ġejja tinsab direttament fuq ir-riżultati, iżda ma nistgħux naslu waħedna. Id-djalogu kostruttiv tagħna mal-Parlament Ewropew u mal-Kunsill qabel il-preżentazzjoni ta’ dan il-Programm ta’ Ħidma żviluppa fehim komuni tal-prijoritajiet tal-ġejjieni, skont il-Ftehim Interistituzzjonali ġdid dwar it-Tfassil Aħjar tal-Liġijiet 53 . Il-Kummissjoni tqis dan il-Ftehim bħala impenn konġunt sabiex l-enfasi tkun fuq affarijiet kbar u urġenti, filwaqt li jsir sforz għal liġijiet proporzjonati u prevedibbli, sempliċi u bbażati fuq l-evidenza li jiksbu l-akbar benefiċċji għaċ-ċittadini u n-negozji.

Għaldaqstant, aħna ninsabu ħerqana li naħdmu fil-ġimgħat li ġejjin mal-Parlament Ewropew u mal-Kunsill sabiex jintlaħaq ftehim bejn it-tliet Presidenti dwar Dikjarazzjoni Konġunta li se tistipula l-objettivi u prijoritajiet ġenerali għas-sena 2017 u tidentifika l-proposti li jistħoqqilhom trattament prijoritarju fil-proċess leġiżlattiv. Dan huwa impenn ġdid konġunt skont il-Ftehim Interistituzzjonali 54 . Dan il-Programm ta’ Ħidma jipprovdi bażi għal din ir-riflessjoni komuni u jenfasizza l-proposti pendenti 55 li l-Kummissjoni tqis li huwa importanti ħafna li jiġu avvanzati malajr, li tippermetti lill-Unjoni ssarraf il-proposti f’azzjoni u jagħtu riżultati fejn huma l-aktar meħtieġa.

(1)

Anness I.

(2)

Anness II.

(3)

 Bl-eċċezzjoni ta’ dikjarazzjoni standard tal-VAT, li fuqha proposta preċedenti tal-Kummissjoni kellha tiġi rtirata din is-sena minħabba nuqqas ta’ appoġġ min-naħa tal-Kunsill fil-proċedura leġiżlattiva. Eżempji ta’ segwitu tal-Kummissjoni fil-Programm ta’ Ħidma ta’ din is-sena jinkludu: il-proposti għall-emenda tal-leġiżlazzjoni tal-UE dwar il-privatezza elettronika u l-VAT (ara l-Anness I), u l-proposta għal att ta’ implimentazzjoni skont id-Direttiva tal-Iskart ta’ Tagħmir Elettriku u Elettroniku (WEEE) (ara l-Anness II).

(4)

Anness V.

(5)

 Anness IV.

(6)

Id-Deċiżjoni tal-Kummissjoni tal-25.11.2014 dwar il-pubblikazzjoni ta' informazzjoni dwar laqgħat li jsiru bejn id-Direttorati Ġenerali tal-Kummissjoni u organizzazzjonijiet jew persuni impjegati għal rashom (C(2014) 9051 final) u d-Deċiżjoni tal-Kummissjoni tal-25.11.2014 dwar il-pubblikazzjoni ta' informazzjoni dwar laqgħat li jsiru bejn id-Direttorati Ġenerali tal-Kummissjoni u organizzazzjonijiet jew persuni impjegati għal rashom (C(2014) 9048 final).

(7)

COM(2016) 627 final.

(8)

http://ec.europa.eu/priorities/publications/president-junckers-political-guidelines_mt

(9)

F’dan il-kuntest, il-Kummissjoni se tiffoka x-xogħol tagħha ta’ komunikazzjoni fl-2017 fuq il-prijoritajiet tal-Kummissjoni, abbażi tal-azzjoni tal-komunikazzjoni korporattiva fl-2017-18 skont il-Qafas Finanzjarju Pluriennali tal-2014-2020 (C(2016) 6838 tas-25.10.2016).

(10)

COM(2016) 646 final.

(11)

Biex inkomplu nappoġġaw l-implimentazzjoni fil-prattika, aħna riċentement ipproponejna li nżidu l-finanzjament eżistenti għall-Inizjattiva favur l-Impjieg taż-Żgħażagħ b’ammont addizzjonali ta’ EUR 2 biljun għall-2017-2020.

(12)

Kif imsemmi hawn fuq, f’sena biss, il-Fond Ewropew għall-Investimenti Strateġiċi ġie attivat f'27 Stat Membru u wassal għal EUR 138 biljun f’investimenti, inkluż finanzjament ġdid għal kważi 300 000 intrapriża żgħira u ta’ daqs medju.

(13)

COM(2016) 581 final.

(14)

COM(2016) 603 final.

(15)

COM(2015) 634 final, COM(2015) 635/2 final.

(16)

COM(2016) 593 final, COM(2016) 594 final, COM(2016) 595 final, COM(2016) 596 final.

(17)

COM(2016) 289 final.

(18)

COM(2015) 627 final.

(19)

COM(2016) 285 final.

(20)

COM(2016) 287 final.

(21)

COM(2016) 590 final, COM(2016) 591final.

(22)

COM(2016) 43 final.

(23)

COM(2016) 589 final.

(24)

COM(2016) 52 final u COM(2016) 53 final/2.

(25)

COM(2015) 337 final/2.

(26)

COM(2016) 482 final/2.

(27)

COM(2016) 479 final.

(28)

COM(2016) 683 u COM(2016) 685.

(29)

COM(2016) 686 u COM(2016) 687.

(30)

COM(2015) 603 final.

(31)

COM(2015) 586 final/2.

(32)

COM(2015) 472 final/2.

(33)

COM(2015) 583 final.

(34)

COM(2013) 192 final.

(35)

Il-Konklużjoni tal-Kunsill Ewropew – Brussell, 20-21/10/2016, punt 14: "…Hu jistieden ukoll lill-Kummissjoni sabiex tkompli n-negozjati mal-awtoritajiet tal-Istati Uniti sabiex tkun kapaċi tippreżenta ftehim ta' kummerċ ħieles ambizzjuż, ibbilanċjat u komprensiv".

(36)

COM(2016) 194 final u COM(2016) 196 final.

(37)

COM(2015) 670 final.

(38)

L-ewwel rapport tal-Kummissjoni ta’ progress lejn Unjoni ta' Sigurtà reali u effettiva ġie adottat fit-12 ta’ Ottubru 2016 – COM(2016) 670 final.

(39)

Ir-Regolament (UE) 2016/679 tal-Parlament Ewropew u l-Kunsill tas-27 ta' April 2016 dwar il-protezzjoni tal-persuni fiżiċi fir-rigward tal-ipproċessar ta' data personali u dwar il-moviment liberu ta' tali data, u li jħassar id-Direttiva 95/46/KE (ir-Regolament Ġenerali dwar il-Protezzjoni tad-Data) ĠU L 119 tal-4.5.2016.

(40)

COM(2016) 270 final/2.

(41)

COM(2016) 271 final.

(42)

COM(2016) 272 final/2.

(43)

COM(2016) 468 final.

(44)

COM(2016) 378 final.

(45)

COM(2016) 385 final.

(46)

 COM(2016) 581 final.

(47)

  http://ec.europa.eu/priorities/state-union-2016_mt . Ara wkoll l-Ittra ta’ Intenzjoni ffirmata mill-President u mill-Ewwel Viċi President u indirizzata lill-Presidenti tal-Parlament Ewropew u tal-Kunsill. Abbażi ta’ dan, l-Ewwel Viċi President iddiskuta mal-Kunsill tal-Affarijiet Ġenerali fl-20 ta’ Settembru u l-Kummissjoni ltaqgħet mal-Konferenza tal-Presidenti tal-Kumitat fit-3 u l-4 ta’ Ottubru.

(48)

  http://www.europarl.europa.eu/sides/getDoc.do?pubRef=-//EP//TEXT+TA+P8-TA-2016-0312+0+DOC+XML+V0//MT

(49)

L-ittra tal-4 ta’ Ottubru mill-President tal-Kunsill tal-Affarijiet Ġenerali lill-President u l-Ewwel Viċi President tal-Kummissjoni

(50)

  http://www.eesc.europa.eu/resources/docs/eesc_contribution-to-ec--2017-workprogramme_en.pdf

(51)

  https://toad.cor.europa.eu/corwipdetail.aspx?folderpath=RESOL-VI%2f010&id=24254  

(52)

  http://www.consilium.europa.eu/mt/press/press-releases/2016/09/16-bratislava-declaration-and-roadmap/

(53)

  http://eur-lex.europa.eu/legal-content/MT/TXT/PDF/?uri=OJ:L:2016:123:FULL

(54)

Il-punt 7 tal-Ftehim Interistituzzjonali dwar Tfassil Aħjar tal-Liġijiet.

(55)

 Anness III.

IL-KUMMISSJONI EWROPEA

Strasburgu, 25.10.2016

COM(2016) 710 final

ANNESS

għall-

KOMUNIKAZZJONI TAL-KUMMISSJONI LILL-PARLAMENT EWROPEW, IL-KUNSILL, IL-KUMITAT EKONOMIKU U SOĊJALI EWROPEW, U L-KUMITAT TAR-REĠJUNI

Il-Programm ta' Ħidma tal-Kummissjoni 2017

It-twettiq bil-fatti ta’ Ewropa li tipproteġi, li tagħti s-setgħa u li tiddefendi

{SWD(2016) 400 final}

L-Anness I: Inizjattivi ġodda

(1)

F’dan l-Anness il-Kummissjoni tipprovdi aktar informazzjoni, sakemm hija disponibbli, fuq l-inizjattivi inklużi fil-Programm ta’ Ħidma tagħha, f’konformità mal-Ftehim Interistituzzjonali dwar it-Tfassil Aħjar tal-Liġijiet. Din l-informazzjoni li hija pprovduta f’parentesi taħt id-deskrizzjoni ta’ kull inizjattiva, hija biss indikattiva u soġġetta għal tibdil matul il-proċess ta’ tħejjija, b’mod partikolari fid-dawl tal-eżitu ta’ proċess ta’ valutazzjoni tal-impatt.

IL-KUMMISSJONI EWROPEA

Strasburgu, 25.10.2016

COM(2016) 710 final

ANNESS

għall-

KOMUNIKAZZJONI TAL-KUMMISSJONI LILL-PARLAMENT EWROPEW, IL-KUNSILL, IL-KUMITAT EKONOMIKU U SOĊJALI EWROPEW, U L-KUMITAT TAR-REĠJUNI

Il-Programm ta' Ħidma tal-Kummissjoni 2017

It-twettiq bil-fatti ta’ Ewropa li tipproteġi, li tagħti s-setgħa u li tiddefendi

{SWD(2016) 400 final}

Anness II: Inizjattivi REFIT 1

(1)

Dan l-anness jelenka l-inizjattivi leġiżlattivi skont REFIT maħsuba għall-adozzjoni fl-2017. Dan jikkomplementa l-punti elenkati b’inizjattivi ġodda fl-Anness I.

(2)

F’dan l-anness il-Kummissjoni tipprovdi aktar informazzjoni, sakemm hija disponibbli, dwar l-inizjattivi inklużi fil-Programm ta’ Ħidma tagħha, f’konformità mal-Ftehim Interistituzzjonali dwar Tfassil Aħjar tal-Liġijiet. Din l-informazzjoni, li hija pprovduta f’parentesi taħt id-deskrizzjoni ta’ kull inizjattiva, hija biss indikattiva u soġġetta għal tibdil matul il-proċess ta’ tħejjija, b’mod partikolari fid-dawl tal-eżitu ta’ proċess ta’ valutazzjoni tal-impatt.

IL-KUMMISSJONI EWROPEA

Strasburgu, 25.10.2016

COM(2016) 710 final

ANNESS

għall-

KOMUNIKAZZJONI TAL-KUMMISSJONI LILL-PARLAMENT EWROPEW, IL-KUNSILL, IL-KUMITAT EKONOMIKU U SOĊJALI EWROPEW, U L-KUMITAT TAR-REĠJUNI

Il-Programm ta' Ħidma tal-Kummissjoni 2017

It-twettiq bil-fatti ta’ Ewropa li tipproteġi, li tagħti s-setgħa u li tiddefendi

{SWD(2016) 400 final}

Anness III: Proposti pendenti prijoritarji