EUR-Lex Access to European Union law
This document is an excerpt from the EUR-Lex website
Document 52016DC0419
REPORT FROM THE COMMISSION TO THE EUROPEAN PARLIAMENT AND THE COUNCIL concerning the implementation and the results of the Pericles 2020 programme for the protection of the euro against counterfeiting in 2015
RAPPORT TAL-KUMMISSJONI LILL-PARLAMENT EWROPEW U LILL-KUNSILL rigward l-implimentazzjoni u r-riżultati tal-programm Pericles 2020 għall-protezzjoni tal-euro kontra l-falsifikazzjoni fl-2015
RAPPORT TAL-KUMMISSJONI LILL-PARLAMENT EWROPEW U LILL-KUNSILL rigward l-implimentazzjoni u r-riżultati tal-programm Pericles 2020 għall-protezzjoni tal-euro kontra l-falsifikazzjoni fl-2015
COM/2016/0419 final
IL-KUMMISSJONI EWROPEA
Brussell, 27.6.2016
COM(2016) 419 final
RAPPORT TAL-KUMMISSJONI LILL-PARLAMENT EWROPEW U LILL-KUNSILL
rigward l-implimentazzjoni u r-riżultati tal-programm Pericles 2020 għall-protezzjoni tal-euro kontra l-falsifikazzjoni fl-2015
RAPPORT TAL-KUMMISSJONI LILL-PARLAMENT EWROPEW U LILL-KUNSILL
dwar l-implimentazzjoni u r-riżultati tal-programm Pericles 2020 għall-protezzjoni tal-euro kontra l-falsifikazzjoni fl-2015
1.Ġenerali
Il-programm "Pericles 2020" huwa programm ta' skambju, assistenza u taħriġ għall-protezzjoni tal-euro kontra l-falsifikazzjoni. Huwa jissostitwixxi l-programm Pericles li ġie stabbilit fl-2001 u li kien jopera fil-perjodu 2002-2013. Il-programm kien stabbilit permezz tar-Regolament (UE) Nru 331/2014 tal-Parlament Ewropew u tal-Kunsill tal-11 ta' Marzu 2014 1 . L-applikazzjoni tiegħu ġiet estiża għal Stati Membri li mhux qed jipparteċipaw permezz tar-Regolament tal-Kunsill (UE) Nru 2015/768 tal-11 ta' Mejju 2015 2 . Ir-Regolament (UE) Nru 331/2014 jistabbilixxi t-tul ta' żmien tal-programm sal-31 ta' Diċembru 2020. L-Artikolu 13(3) tar-Regolament jirrikjedi li l-Kummissjoni tipprovdi informazzjoni annwali dwar ir-riżultati tal-programm lill-Parlament Ewropew u lill-Kunsill. Dan it-tieni Rapport Annwali jwieġeb għal dan ir-rekwiżit għas-sena 2015.
2.L-implimentazzjoni tal-programm u r-riżultati ta’ azzjonijiet impenjati tal-programm Pericles fl-2015
Il-baġit annwali għall-implimentazzjoni tal-programm “Pericles 2020” għas-sena 2015 ġie stabbilit għal EUR 1 024 800 u kien iffinanzjat mil-linja baġitarja 24 03 01 tal-baġit ġenerali tal-Unjoni Ewropea għall-2015. It-total ta’ EUR 967 739,33 ġew impenjati fl-2015.
L-implimentazzjoni tal-programm tirrifletti l-impenn tal-Istati Membri li jħarsu l-euro kontra l-falsifikazzjoni. Id-diskussjonijiet dwar l-istrateġija pluriennali fil-laqgħat tal-Grupp ta’ Esperti dwar il-Falsifikazzjoni tal-Euro (ECEG) iffaċilitaw l-impenn ta' 94,4 % tal-baġit globali fl-2015. Meta jiġu kkunsidrati l-kwalità u l-kwantità tal-applikazzjonijiet ta' għotjiet irċevuti fl-2015, kellhom jiġu ttrasferiti EUR 44 496 minn "azzjonijiet tal-Kummissjoni" għal għotjiet.
Fl-2015, il-programm iffinanzja b'kollox 12-il proġett. Mit-12-il applikazzjoni li joriġinaw mill-awtoritajiet kompetenti tal-Istati membri, disa' (9) għotjiet ingħataw b'suċċess, meta mqabbla ma' sitt (6) għotjiet li ngħataw fl-2014. Barra min hekk, ġew iffinanzjati tliet (3) inizjattivi tal-Kummissjoni, meta mqabbla ma' erba' (4) inizjattivi tal-Kummissjoni fis-sena preċedenti. Żewġ (2) azzjonijiet ġew implimentati fl-2015, filwaqt li għaxar (10) azzjonijiet qed jintbagħtu / se jkunu implimentati fl-2016.
Fl-2015, l-applikanti għall-programm irrappreżentaw ħames Stati Membri, jiġifieri l-Italja, Franza, Spanja, il-Ġermanja u l-Kroazja. Din il-firxa tirrifletti l-aktar il-fatt li l-pajjiżi l-aktar affettwati mill-falsifikazzjoni tal-euro huma dawk li jużaw il-fondi ta' Pericles b'mod aktar frekwenti. Minħabba l-adozzjoni tard tar-Regolament tal-Kunsill (UE) Nru 2015/768, kien hemm biss applikazzjoni ta' għotja waħda minn Stati Membri li mhux qed jipparteċipaw, li kienet applikazzjoni Kroata.
Graff I u Graff II: L-għadd ta' azzjonijiet iffinanzjati għal kull Stat Membru u t-tip ta' azzjoni ffinanzjata (azzjonijiet impenjati fl-2015, ara l-Anness I)
L-azzjonijiet li għalihom saru impenji fl-2015 kienu jikkonsistu f'seba' seminars, taħriġ tekniku wieħed (workshop) u erba' skambji tal-persunal.
Dawn l-azzjonijiet twettqu 3 kemm fl-UE kif ukoll barra minnha, skont il-ħtiġijiet speċifiċi, sabiex l-euro jiġi protett kontra l-falsifikazzjoni. Sa mill-bidu tiegħu, Pericles ikkonsolida l-approċċ reġjonali tiegħu billi implimenta azzjonijiet li jinvolvu reġjuni partikolarment sensittivi tad-dinja. L-oqsma fejn sar fowkus speċifiku fl-2015 kienu l-Amerika Latina (żewġ azzjonijiet organizzati minn Spanja), ix-Xlokk tal-Ewropa (l-azzjonijiet organizzati mill-Kroazja, l-Italja u l-Kummissjoni), ir-reġjun Mediterranju (l-azzjoni organizzata mill-Italja) u ċ-Ċina (l-azzjonijiet organizzati minn Franza, l-Italja u l-Kummissjoni).
Il-graffs III u IV li ġejjin jipprovdu diżaggregazzjoni tal-oriġini u l-isfond professjonali tal-parteċipanti tal-programm “Pericles 2020”:
Graff III u Graff IV: L-oriġini tal-parteċipanti u l-isfond professjonali tal-parteċipanti 4 (azzjonijiet impenjati fl-2015, ara l-Anness I)
Huwa stmat li 618-il espert ħadu sehem fl-azzjonijiet ta’ Pericles li għalihom saru impenji fl-2015.
F’termini ta’ oriġini, il-parteċipanti ġew minn 59 pajjiż. Il-maġġoranza tal-apprendisti (65 %) huma parteċipanti Ewropej: 44 % ġejjin mill-Istati Membri, filwaqt li l-pajjiżi Ewropej mhux fl-UE jirrappreżentaw it-tieni l-akbar grupp ta’ 24 %; 14 % tal-apprendisti huma mill-Amerika Latina (prinċipalment il-Kolombja u l-Perù), u 7 % ġejjin mil-Lvant Nofsani u l-Afrika ta’ Fuq. Ta' min jinnota speċjalment iż-żieda fil-parteċipanti mill-Asja, li jirrappreżentaw 4 %, bil-parteċipanti kollha ġejjin miċ-Ċina.
Rigward l-isfond professjonali tal-parteċipanti, il-membri mill-forzi tal-pulizija jirrappreżentaw 53 % mit-total. Din il-preżenza prominenti hija dovuta għall-fatt li l-awtoritajiet tal-pulizija jinsabu fuq quddiem nett fil-ġlieda kontra l-falsifikazzjoni tal-euro, u li l-persunal tal-pulizija jinkludi kemm investigaturi u kemm persunal tekniku. Madankollu, għandha tiġi enfasizzata tendenza kontinwa ta' divrenzjar fost il-kategoriji l-oħra differenti ta' parteċipanti (47 %), Kien hemm parteċipazzjoni kbira minn Banek Ċentrali (19 %), u żieda fil-parteċipazzjoni ta' persunal ġudizzjarju (10 %) 5 u doganali (4 %).
Bħala riżultat, l-implimentazzjoni ta’ Pericles tissodisfa d-dimensjonijiet transnazzjonali u multidixxiplinari tal-programm meħtieġa skont ir-Regolament (UE) Nru 331/2014.
3. Ħarsa ġenerali lejn l-azzjonijiet imwettqa fl-2015: punti ewlenin 6
L-implimentazzjoni tal-programm “Pericles 2020” fl-2015 turi xejra pożittiva lejn divrenzjar dejjem jiżdied fl-isfondi professjonali tal-parteċipanti. B'mod partikolari, l-involviment dejjem jiżdied tal-ġudikatura f'ħames azzjonijiet, kif ukoll il-parteċipazzjoni doganali li dejjem tiżdied huma sinifikanti.
Il-programm irnexxielu jżomm u jkompli jsaħħaħ il-kooperazzjoni reġjonali u internazzjonali tiegħu b’saħħithom fl-2014, b’għadd ta’ azzjonijiet li jseħħu fl-Amerika Latina, iż-żona tal-Mediterran u r-reġjun tal-Balkani, kif ukoll tliet azzjonijiet li jinvolvu rappreżentanti miċ-Ċina. Barra minn hekk, l-impenji ta' Pericles 2015 jirriflettu aktar diversifikazzjoni fl-awtoritajiet nazzjonali kompetenti tal-Istati Membri li japplikaw għall-programm; il-"Polizeipräsident in Berlin, Landeskriminalamt" qiegħed japplika għall-ewwel darba għal fondi ta' Pericles.
Diversi azzjonijiet skont il-baġit "Pericles 2020" tal-2015, ipprovaw isaħħu l-kooperazzjoni multidixxiplinari fil-qasam kontra l-falsifikazzjoni u fl-iskambju tal-kompetenza teknika u tal-aħjar prattiki bejn l-Istati Membri u l-Istituzzjonijiet tal-Unjoni, minn naħa, u l-awtoritajiet nazzjonali kompetenti taċ-Ċina, min-naħa l-oħra. F'Jannar 2016, f'Pariġi kien hemm il-konferenza ffinanzjata minn Pericles bl-isem "Kooperazzjoni Sino-Ewropea fil-ġlieda kontra l-falsifikazzjoni tal-Euro". Barra minn hekk, l-Uffiċċju Ċentrali Nazzjonali inkluda l-parteċipazzjoni tar-rappreżentanti Ċiniżi fl-azzjoni tagħhom iffinanzjata minn Pericles. Finalment, il-"Workshop UE-Ċina dwar il-protezzjoni tal-muniti" huwa azzjoni li se ssir fi Brussell bil-parteċipazzjoni tal-Ministeru Ċiniż tas-Sigurtà Pubblika. Dan jipprova jikseb kooperazzjoni aktar strutturata dwar kwistjonijiet strateġiċi u operazzjonali fil-qasam kontra l-falsifikazzjoni bejn l-Istati Membri, l-Istituzzjonijiet tal-Unjoni u l-awtoritajiet nazzjonali kompetenti Ċiniżi.
Il-Kummissjoni tkompli s-serje ta' Konferenzi "Euro South East", fejn it-12-il konferenza se ssir f'Ottubru 2016 f'Zagreb, fil-Kroazja. Dawn il-konferenzi kienu vitali biex jirrinforzaw il-kooperazzjoni fost l-awtoritajiet nazzjonali kompetenti fix-Xlokk tal-Ewropa li għandha diversi hotspots rigward it-tranżitu u l-produzzjoni possibbli ta' euros foloz.
Il-Kummissjoni taqsam konstatament ir-riżultati tal-azzjonijiet appoġġati skont il-programm ta' esperti tal-Grupp ta' Esperti dwar l-il-Falsifikazzjoni tal-Euro (ECEG). Fl-2015, kien hemm tliet laqgħat tal-ECEG.
Il-programm juri livell għoli ta’ konsistenza u ta' kumplimentarjetà ma’ programmi u azzjonijiet rilevanti oħra fil-livell tal-Unjoni għax huwa ddedikat esklussivament għall-prevenzjoni u l-ġlieda kontra forom speċifiċi ta’ kriminalità organizzata u jiffoka fuqhom, b’mod partikolari l-falsifikazzjoni tal-euro. Għalhekk huwa komplementari u konsistenti mal-programm Hercule III tal-OLAF 7 li jipproteġi l-interessi finanzjarji tal-Unjoni, u dan juri livell għoli ta’ kumplimentarjetà, inter alia, mal-Fond għas-Sigurtà Interna - Pulizija tad-DĠ HOME 8 , li jkopri l-prevenzjoni u l-ġlieda kontra l-kriminalità b’mod ġenerali.
4. L-implimentazzjoni ta’ azzjonijiet tal-programm Pericles fl-2015 li twettqu skont il-programm "Pericles 2020" tal-2014 jew il-programm "Pericles"
Fis-sena 2015 ġew implimentati għaxar (10) azzjonijiet ta' Pericles li twettqu skont il-programm Pericles 2020 jew skont il-baġits tal-programm "Pericles" 9 . Minn dawn il-proġetti, ħamsa (5) oriġinaw mill-awtoritajiet kompetenti nazzjonali tal-Istati Membri – rispettivament il-Latvja, l-Italja u Franza - filwaqt li ħames (5) proġetti kienu mibdija mill-Kummissjoni. Il-proġetti kienu jikkonsistu f'żewġ (2) seminars, żewġ (2) taħriġiet tekniċi, tliet (3) skambji ta’ persunal u l-aġġornament tal-Istruzzjonijiet dwar il-Ġlieda kontra l-Falsifikazzjoni tal-Euro. Żoni ta’ fowkus partikolari kienu fl-Ewropa tax-Xlokk u r-reġjun tal-Mediterran.
5. Konklużjoni u t-triq fil-futur
Il-programm “Pericles 2020” jibqa’ strument importanti u effettiv fil-ġlieda kontra l-falsifikazzjoni. Din il-konklużjoni hija appoġġata mill-valutazzjoni tal-Kummissjoni li meta mqabbel mas-sena preċedenti, ngħataw aktar azzjonijiet kofinanzjati taħt il-programm "Pericles 2020" 10 . Il-programm jifforma l-bażi għall-appoġġ ta’ studji, iż-żamma u l-iżvilupp ta’ kooperazzjoni, u l-iskambju tal-aħjar prattiki fost l-atturi kollha involuti fil-ġlieda kontra l-falsifikazzjoni tal-euro. Abbażi tar-riżultati tal-implimentazzjoni tal-programm u tal-analiżi kontinwa ta’ theddid emerġenti diskussi fl-ECEG, il-prijoritajiet għall-2015 huma dawn li ġejjin 11 :
1.l-attivitajiet ta' appoġġ kellhom l-għan li titjieb il-kooperazzjoni bejn l-Istati Membri li huma milquta b'mod partikolari mill-produzzjoni u mid-distribuzzjoni ta' flus foloz;
2.trawwim ta' kooperazzjoni aktar mill-qrib mal-awtoritajiet ta’ dawk it-terzi pajjiżi fejn hemm suspett jew evidenza tal-preżenza ta’ produzzjoni ta' flus foloz;
3.żamma ta' qafas effiċjenti għall-protezzjoni tal-euro fix-Xlokk tal-Ewropa;
4.żviluppi ġodda: il-karatteristiċi ta' sigurtà jew il-metodi ta' awtentikazzjoni, id-distribuzzjoni ta' kontrafazzjonijiet u ta' materja prima fuq l-internet u l-involviment tal-awtoritajiet doganali tal-Istati Membri fil-ġlieda kontra l-kontrafazzjoni tal-munita.
Ir-Regolament (UE) Nru 513/2014 tal-Parlament Ewropew u tal-Kunsill tas-16 ta' April 2014 li jistabbilixxi, bħala parti mill-Fond għas-Sigurtà Interna, l-istrument għal appoġġ finanzjarju għall-kooperazzjoni tal-pulizija, il-prevenzjoni u l-ġlieda kontra l-kriminalità, u l-ġestjoni tar-riskji u li jħassar id-Deċiżjoni tal-Kunsill 2007/125/ĠAI (ĠU L 150, 20.5.2014, p. 93).
IL-KUMMISSJONI EWROPEA
Brussell, 27.6.2016
COM(2016) 419 final
ANNESS
Ħarsa ġenerali lejn l-azzjonijiet imwettqa fl-2015
tar-
RAPPORT TAL-KUMMISSJONI LILL-PARLAMENT EWROPEW U LILL-KUNSILL
rigward l-implimentazzjoni u r-riżultati tal-programm Pericles 2020 għall-protezzjoni tal-euro kontra l-falsifikazzjoni fl-2015
Anness I: Ħarsa ġenerali lejn l-azzjonijiet imwettqa fl-2015:
|
Organizzatur |
Attività |
Post u data |
Il-Kontribuzzjoni tal-Kummissjoni (ammont totali impenjat f’euro) |
|
Seminars |
|||
|
Franza DCPJ-OCRFM |
Seminar: "Coopération en matière de lutte contre la contrefaçon de l'euro avec la République Populaire de Chine" |
Pariġi, Franza mid-19 sal-20 ta’ Jannar 2016 |
25 106 |
|
L-għan ewlieni tal-azzjoni: it-tisħiħ tal-kooperazzjoni u l-iskambju ta’ għarfien. |
|||
|
L-Italja UCAMP |
Seminar: "A Community Strategy to Protect the Euro in the Mediterranean Area" |
Marrakesh, il-Marokk mill-25 sas-27 ta’ Novembru 2015 |
111 800,53 |
|
L-għan ewlieni tal-azzjoni: l-iżvilupp ta' istituzzjoni (il-ħolqien ta' Uffiċċji Ċentrali Nazzjonali abbażi tal-Konvenzjoni Internazzjonali għat-Trażżin tal-Falsifikazzjoni tal-Flus, f'Ġinevra, l-20 ta' April 1929); it-tisħiħ tal-kooperazzjoni u l-iskambju ta’ għarfien. |
|||
|
Spanja BIBE |
Seminar: "Train the trainers on Euro Currency Counterfeiting in Latin American Countries" |
Lima, il-Perù mill-24 sas-27 ta’ Novembru 2015 |
183 755,79 |
|
L-għan ewlieni tal-azzjoni: l-iżvilupp ta' istituzzjoni (il-ħolqien ta' Uffiċċji Ċentrali Nazzjonali abbażi tal-Konvenzjoni Internazzjonali għat-Trażżin tal-Falsifikazzjoni tal-Flus, f'Ġinevra, l-20 ta' April 1929); it-tisħiħ tal-kooperazzjoni u l-iskambju ta’ għarfien. |
|||
|
L-Italja UCIFM |
Seminar: "Euro Counterfeiting in Europe: Analysis of the situation and possible future threats and measures to adopt" |
Ruma, l-Italja mit-12 sat-13 ta’ April 2016 |
58 480,96 |
|
L-għan ewlieni tal-azzjoni: it-tisħiħ tal-kooperazzjoni u l-iskambju ta’ għarfien. |
|||
|
Il-Kroazja Il-Bank Nazzjonali Kroat |
Seminar: "2nd Balkan Network for Euro Protection" |
Split, il-Kroazja mill-21 sal-24 ta’ Marzu 2016 |
59 115,98 |
|
L-għan ewlieni tal-azzjoni: it-tisħiħ tal-kooperazzjoni u l-iskambju ta’ għarfien. |
|||
|
Il-Ġermanja Landes- kriminalamt Berlin |
Seminar: "Combating Counterfeit Currency - Berlin 2016" |
Berlin, il-Ġermanja mill-24 sas-27 ta' Ottubru 2016 |
22 700 |
|
L-għan ewlieni tal-azzjoni: it-tisħiħ tal-kooperazzjoni u l-iskambju ta’ għarfien. |
|||
|
Il-Kummissjoni ECFIN |
"Pericles 12th Euro South East Conference" |
Zagreb, il-Kroazja mis-17 ta' Marzu sal-21 ta' Ottubru 2016 |
197 199 |
|
L-għan ewlieni tal-azzjoni: l-iżvilupp ta' istituzzjoni (il-ħolqien ta' Uffiċċji Ċentrali Nazzjonali abbażi tal-Konvenzjoni Internazzjonali għat-Trażżin tal-Falsifikazzjoni tal-Flus, f'Ġinevra, l-20 ta' April 1929); it-tisħiħ tal-kooperazzjoni u l-iskambju ta’ għarfien. |
|||
|
Taħriġ tekniku |
|||
|
Il-Kummissjoni ECFIN |
"Pericles EU-China Workshop on the protection of currencies" |
Brussell, il-Belġju mill-31 ta’ Mejju sat-2 ta’ Ġunju 2016 (pospost) |
103 549,9 |
|
L-għan ewlieni tal-azzjoni: it-tisħiħ tal-kooperazzjoni u l-iskambju ta’ għarfien. |
|||
|
Skambji ta' persunal |
|||
|
L-Italja CCAFM |
"Staff exchange on investigative techniques: Italy, Albania, Greece, Hungary, Bulgaria, Turkey, Serbia, Croatia, China and Slovenia" |
Diversi postijiet mill-14 ta' Frar sat-18 ta' Ġunju 2016 |
64 696,56 |
|
L-għan ewlieni tal-azzjoni: Taħriġ dwar id-detezzjoni ta’ muniti tal-euro foloz, il-ġbir ta’ evidenza għal segwitu ġudizzjarju u metodoloġiji ta’ investigazzjoni; it-tisħiħ tal-kooperazzjoni u l-iskambju ta’ għarfien. |
|||
|
L-Italja UCIFM |
"Staff-exchange: Italy, Armenia, France, Georgia, Germany, Slovakia, Switzerland" |
Diversi postijiet mill-15 ta' Mejju sat-30 ta' Novembru 2016 |
42 131,50 |
|
L-għan ewlieni tal-azzjoni: it-tisħiħ tal-kooperazzjoni u l-iskambju ta’ għarfien. |
|||
|
Spanja BIBE |
Staff Exchange "Argentina, Colombia, Mexico, Peru, Spain and Belgium" |
Diversi postijiet mill-1 ta’ Jannar 2016 sat-30 ta’ Lulju 2016 |
76 709,03 |
|
L-għan ewlieni tal-azzjoni: it-tisħiħ tal-kooperazzjoni u l-iskambju ta’ għarfien. |
|||
|
Il-Kummissjoni ECFIN |
"Pericles Staff exchange Albania - Kosovo" |
Tirana, l-Albanija u Pristina, il-Kosovo mis-27 ta' Ġunju sal- 1 ta' Lulju, mill-4 sat-8 ta' Lulju 2016 |
22 494,08 |
|
L-għan ewlieni tal-azzjoni: it-tisħiħ tal-kooperazzjoni u l-iskambju ta’ għarfien. |
|||
IL-KUMMISSJONI EWROPEA
Brussell, 27.6.2016
COM(2016) 419 final
ANNESS
Azzjonijiet impenjati skont baġits preċedenti iżda implimentati fl-2015
tar-
RAPPORT TAL-KUMMISSJONI LILL-PARLAMENT EWROPEW U LILL-KUNSILL
rigward l-implimentazzjoni u r-riżultati tal-programm Pericles 2020 għall-protezzjoni tal-euro kontra l-falsifikazzjoni fl-2015
Anness II: Azzjonijiet impenjati skont baġits preċedenti iżda implimentati fl-2015
|
Organizzatur |
Attività |
Data |
Il-Kontribuzzjoni tal-Kummissjoni (ammont totali impenjat f’euro) |
|
Seminars |
|||
|
Il-Kummissjoni ECFIN |
Seminar: L-Iżvilupp ta’ Approċċ Komuni għall-Protezzjoni tal-Euro |
Ankara mit-3 ta' Marzu sal-5 ta' Marzu 2015 |
96 501 |
|
L-għan ewlieni tal-azzjoni: It-tisħiħ tal-kooperazzjoni u l-iskambju ta’ għarfien. |
|||
|
Il-Kummissjoni ECFIN |
Seminar: It-tielet (3) Konferenza Internazzjonali dwar il-Protezzjoni tal-Euro kontra l-Falsifikazzjoni |
Frankfurt mill-24 sas-27 ta’ Marzu 2015 |
79 000 |
|
L-għan ewlieni tal-azzjoni: L-iżvilupp ta' istituzzjoni (il-ħolqien ta' Uffiċċji Ċentrali Nazzjonali abbażi tal-Konvenzjoni Internazzjonali għat-Trażżin tal-Falsifikazzjoni tal-Flus, f'Ġinevra, l-20 ta' April 1929); it-tisħiħ tal-kooperazzjoni u l-iskambju ta’ għarfien. |
|||
|
Taħriġ tekniku |
|||
|
Il-Kummissjoni ECFIN |
Taħriġ Tekniku Tattiku: Il-Protezzjoni tal-Euro kontra l-Falsifikazzjoni |
Cali mit-22 sal-24 ta’ April 2015 |
138 649 |
|
L-għan ewlieni tal-azzjoni: Taħriġ dwar id-detezzjoni ta’ muniti tal-euro foloz, il-ġbir ta’ evidenza għal segwitu ġudizzjarju u metodoloġiji ta’ investigazzjoni. |
|||
|
Il-Kummissjoni ECFIN |
Taħriġ tekniku: It-tisħiħ tal-ħarsien tal-euro |
Tirana mid-19 sal-21 ta’ Marzu 2015 |
109 967 |
|
L-għan ewlieni tal-azzjoni: Taħriġ dwar id-detezzjoni ta’ muniti tal-euro foloz. |
|||
|
Studji/manwali |
|||
|
Franza DCPJ-OCRFM Għotja |
Studju dwar il-Falsifikazzjoni tal-Munita tal-Euro fi Franza - Atturi u Organizzazzjonijiet |
Pariġi mis-16 ta' Settembru 2014 sal-31 ta' Diċembru 2015 |
41 371 |
|
L-għan ewlieni tal-azzjoni: Ir-riċerka |
|||
|
Franza Monnaie de Paris Għotja |
Studju: Polimeri Fotokromiċi Nanostrutturati b’karatteristiċi ta’ sigurtà ġodda għal użu fil-muniti tal-euro “Nanoguard Project” |
Pariġi mis-27 ta’ Jannar 2015 sal-31 ta’ Diċembru 2015 |
100 500 |
|
L-għan ewlieni tal-azzjoni: Ir-riċerka |
|||
|
Il-Kummissjoni ECFIN |
Il-ġlieda kontra l-falsifikazzjoni tal-euro manwal (aġġornament tal-lista tal-awtoritajiet kompetenti) |
Ġurnal Uffiċjali tal-UE Nru C 264: it-12 ta' Awissu 2015 |
1 500 |
|
L-għan ewlieni tal-azzjoni: aġġornament tal-lista tal-awtoritajiet nazzjonali kompetenti. |
|||
|
Skambji ta' persunal |
|||
|
Pulizija Latvjana Għotja |
Skambju ta' Persunal Pulizija Latvjana |
Madrid, Lisbona, Tallinn mill-10 ta' Frar 2015 sas-16 ta' Marzu 2015 |
23 373 |
|
L-għan ewlieni tal-azzjoni: taħriġ tekniku u skambju ta' għarfien. |
|||
|
L-Italja CCAFM Għotja |
Skambju tal-Persunal dwar Tekniki Investigattivi kontra l-Falsifikazzjoni tal-Flus |
Ruma mill-4 ta' Diċembru 2014 sal-31 ta' Lulju 2015 |
57 794 |
|
L-għan ewlieni tal-azzjoni: Taħriġ dwar id-detezzjoni ta’ muniti tal-euro foloz, il-ġbir ta’ evidenza għal segwitu ġudizzjarju u metodoloġiji ta’ investigazzjoni; it-tisħiħ tal-kooperazzjoni u l-iskambju ta’ għarfien. |
|||
|
L-Italja Banca D'Italia Għotja |
Skambju ta’ Persunal Banca D’Italia/Bank tal-Albanija |
Ruma mis-17 ta' Diċembru 2014 sal-31 ta' Awissu 2015 |
6 674 |
|
L-għan ewlieni tal-azzjoni: it-tisħiħ tal-kooperazzjoni u l-iskambju ta’ għarfien. |
|||
