EUR-Lex Access to European Union law
This document is an excerpt from the EUR-Lex website
Document 52013SC0477
COMMISSION STAFF WORKING DOCUMENT EXECUTIVE SUMMARY OF THE IMPACT ASSESSMENT Accompanying the document Directive of the European Parliament and of the Council on provisional legal aid for suspects or accused persons deprived of liberty and legal aid in European arrest warrant proceedings
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT Li jakkumpanja d-dokument Direttiva tal-Parlament Ewropew u tal-Kunsill dwar l-għajnuna legali proviżorja għal persuni ssuspettati jew mixlija mċaħħda mil-libertà u l-għajnuna legali fi proċedimenti ta’ mandat ta’ arrest Ewropew
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT Li jakkumpanja d-dokument Direttiva tal-Parlament Ewropew u tal-Kunsill dwar l-għajnuna legali proviżorja għal persuni ssuspettati jew mixlija mċaħħda mil-libertà u l-għajnuna legali fi proċedimenti ta’ mandat ta’ arrest Ewropew
/* SWD/2013/0477 final */
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT Li jakkumpanja d-dokument Direttiva tal-Parlament Ewropew u tal-Kunsill dwar l-għajnuna legali proviżorja għal persuni ssuspettati jew mixlija mċaħħda mil-libertà u l-għajnuna legali fi proċedimenti ta’ mandat ta’ arrest Ewropew /* SWD/2013/0477 final */
DOKUMENT TA’ ĦIDMA TAL-PERSUNAL
TAL-KUMMISSJONI SOMMARJU EŻEKUTTIV TAL-VALUTAZZJONI
TAL-IMPATT Li jakkumpanja d-dokument Direttiva tal-Parlament Ewropew u
tal-Kunsill dwar l-għajnuna legali
proviżorja għal persuni ssuspettati jew mixlija
mċaħħda mil-libertà u l-għajnuna legali fi
proċedimenti ta’ mandat ta’ arrest Ewropew
1. Definizzjoni tal-problema Il-problema ġenerali indirizzata
f’din il-valutazzjoni tal-impatt għandha żewġ aspetti: (a)
m’hemmx biżżejjed protezzjoni tad-drittijiet fundamentali ta’ persuni
ssuspettati u mixlija fl-UE u (b) hemm bżonn li tissaħħaħ
il-fiduċja reċiproka bejn l-Istati Membri minħabba n-nuqqas ta’
standards fl-għajnuna legali. Attwalment m’hemm l-ebda strument legali
tal-UE li jipprovdi għall-persuni ssuspettati u mixlija d-dritt għal
għajnuna legali fi proċedimenti kriminali. Minkejja standards komuni
fuq livell Ewropew[1]
u l-fatt li l-Istati Membri kollha għandhom sistema ta’ għajnuna
legali, hemm livell għoli ta’ varjazzjonijiet bejn id-diversi sistemi ta’
għajnuna legali tal-Istati Membri fil-liġi u fil-prattika. Dan
iwassal għal nuqqasijiet fil-protezzjoni tad-dritt għal proċess
ġust. Id-dritt limitat għal għajnuna legali f’ċerti Stati
Membri għandu l-potenzjal li jtellef mill-fiduċja reċiproka u
fil-kooperazzjoni ġudizzjarja reċiproka fil-qasam
tal-proċedimenti kriminali, kif ukoll ifixkel id-dritt għal
proċess ġust skont il-Karta tad-Drittijiet Fundamentali tal-Unjoni
Ewropea (il-Karta). Id-dritt għall-għajnuna legali huwa intrinsikament marbut
mad-dritt ta’ aċċess għas-servizzi ta' avukat.
Għall-persuni li m’għandhomx mezzi u f’ċerti sitwazzjonijiet
(pereżempju meta ma tingħatax il-libertà), l-aċċess
għas-servizzi ta' avukat ma jistax ikun effettiv jekk l-Istat ma jipprovdix
għajnuna legali b'mod prattiku u finanzjarju sabiex jiżguralhom
assistenza legali. Filwaqt li d-Direttiva proposta tal-UE dwar
l-aċċess għas-servizzi ta' avukat[2],
li l-adozzjoni formali tagħha għadha pendenti, tipprevedi d-dritt ta’
aċċess għas-servizzi avukat, ma fiha l-ebda dispożizzjoni
dwar min iħallas jew jipprokura avukat. Għaldaqstant, mingħajr
l-intervent tal-UE sabiex jiġu stabbiliti standards minimi komuni dwar
l-għajnuna legali, id-dritt ta’ aċċess għas-servizzi avukat
kif previst mid-Direttiva jista' ma jkunx prattiku u effettiv. In-nuqqas ta’ standards xierqa dwar l-għajnuna legali jaffettwa
l-fiduċja reċiproka bejn l-awtoritajiet ġudizzjarji u jtellef
fil-kooperazzjoni ġudizzjarja ta' bejn l-Istati Membri. Dan huwa ta'
ħsara għar-rikonoxximent reċiproku tad-deċiżjonijiet u
tas-sentenzi ġudizzjarji, u għal każijiet oħra ta’
kooperazzjoni ġudizzjarja bejn l-Istati Membri, kif ukoll itellef
mill-fiduċja fl-istrumenti transkonfinali. Jekk l-awtoritajiet
ġudizzjarji jkollhom dubju dwar kemm ġurisdizzjoni oħra hija
konformi mad-drittijiet għal proċess ġust, u jemmnu li hemm
ir-riskju li persuna ssuspettata jew mixlija mhux se jkollha aċċess
effettiv għall-pariri legali minħabba n-nuqqas ta’ għajnuna
legali, it-talbiet għall-kooperazzjoni ġudizzjarja minn dik
il-ġurisdizzjoni jistgħu jiġu rrifjutati. Minħabba li
l-prinċipju tar-rikonoxximent reċiproku huwa l-pedament tal-qasam
tal-Ġustizzja, huwa meħtieġ li tiżdied il-fiduċja
reċiproka sabiex ikun effettiv. Il-problema speċifika indirizzata
hija li hemm nuqqas ta’ aċċess għal għajnuna legali effettiva
għall-persuni ssuspettati jew mixlija fl-UE, li jagħmel ħsara
lill-fiduċja reċiproka u għat-tħaddim bla xkiel tas-sistema
tar-rikonoxximent reċiproku. Hemm żewġ raġunijiet għal
din il-problema: ·
Il-possibbiltajiet ta' aċċess għal
għajnuna legali fi proċedimenti ta’ Mandat ta’ Arrest Ewropew (MAE)
fl-Istati Membri mhumiex biżżejjed; ·
L-assistenza permezz ta' għajnuna legali mhix
dejjem disponibbli fl-istadji bikrin tal-proċedimenti, speċjalment
qabel ma tkun ittieħdet deċiżjoni dwar għajnuna legali, għalkemm
id-dritt ta’ aċċess għas-servizzi ta' avukat japplika minn meta
l-persuna tiġi mgħarrfa mill-awtoritajiet li hija persuna
ssuspettata; Barra minn hekk, hemm żewġ elementi
oħra li għandhom ukoll il-potenzjal li jtellfu mill-fiduċja
reċiproka: ·
Kriterji ta’ eliġibbilità restrittivi wisq
sabiex tingħata għajnuna legali; ·
Nuqqasijiet fil-kwalità u fl-effettività
tal-assistenza legali li tingħata permezz ta’ skemi ta’ għajnuna
legali. L-ewwel raġuni – L-għajnuna legali fi proċedimenti ta'
MAE: Id-Direttiva dwar l-aċċess
għas-servizzi ta' avukat se tagħti d-dritt għal
rappreżentazzjoni doppja fil-proċedimenti ta' estradizzjoni taħt
il-MAE.[3]
Meta persuna tiġi arrestata b’MAE hija jkollha d-dritt ta’
aċċess għas-servizzi ta' avukat fl-Istat Membru li
jeżegwixxi l-proċedimenti ta’ estradizzjoni, u d-dritt li taħtar
it-tieni avukat fl-Istat Membru li ħareġ il-MAE sabiex jikkoordina
mal-avukat fl-Istat Membru li jeżegwixxihom. Madankollu, id-Direttiva ma
teħtieġx li din l-assistenza legali tkun koperta b'għajnuna legali.
L-ebda Stat Membru attwalment ma jagħti għajnuna legali
għas-servizzi ta' avukat fl-Istat Membru emittenti. Id-dritt
għall-għajnuna legali għadu esklussivament rregolat
mil-liġi nazzjonali fl-Istati Membri ta' eżekuzzjoni u dawk
emittenti, u dan jaffettwa l-effettività ta’ dan id-dritt u l-applikazzjoni
konsistenti tiegħu, minkejja d-dritt ta’ aċċess
għas-servizzi ta' avukat previst mid-Direttiva. Dan jista’
jippreġudika d-drittijiet tal-konvenut fi proċedimenti ta' MAE,
jikkawża dewmien u spejjeż żejda kif ukoll jista’
fl-aħħar mill-aħħar jtellef mill-fiduċja
reċiproka li hija meħtieġa sabiex l-istrument ta' MAE
jaħdem bla xkiel. It-tieni raġuni – L-għażla taż-żmien: Huwa ta’ importanza kbira li jkun hemm aċċess
għas-servizzi ta' avukat mill-aktar fis possibbli fl-istadji
investigattivi tal-proċedimenti sabiex jiġi protett d-dritt għal
proċess ġust tal-persuni ssuspettati, sabiex tiġi żgurata
l-kwalità tal-evidenza u biex ikun hemm protezzjoni kontra l-intimidazzjoni u
t-trattament ħażin. Fil-fatt, id-Direttiva dwar l-aċċess
għas-servizzi ta' avukat tiżgura assistenza legali mill-mument meta
persuna tiġi mgħarrfa mill-awtoritajiet li hija ssuspettata jew
mixlija b’reat kriminali – iżda ma tiggarantix li din l-għajnuna hija
koperta mill-għajnuna legali. Għadd ta’ Stati Membri ma
għandhomx sistema li tiffunzjona ssanzjonata mill-Istat li tiżgura li
jkun hemm aċċess effettiv bla ħlas għas-servizzi ta' avukat
fl-istadji l-aktar bikrija tal-proċedimenti, speċjalment
għall-persuni f’detenzjoni. Dawn in-nuqqasijiet huma rikonoxxuti b’mod
mifrux mill-partijiet interessati[4]
u jfixklu serjament il-qofol tad-dritt ta’ aċċess għas-servizzi
ta' avukat. It-tielet raġuni – L-eliġibbiltà:
Kif previst fil-Karta u fil-KEDB, l-Istati Membri jistgħu jużaw
żewġ kundizzjonijiet sabiex jiddeterminnaw jekk persuna għandiex
id-dritt għall-għajnuna legali b'xejn: il-persuna ma jkollhiex
biżżejjed mezzi (it-test tal-mezzi); u fl-interess tal-ġustizzja
tkun meħtieġa l-għajnuna legali (it-test tal-merti).[5] Hemm varjazzjoni
wiesgħa fil-mod ta' kif issir valutazzjoni tal-eliġibbiltà fl-Istati
Membri. Hemm ukoll diverġenza wiesgħa dwar kif il-kriterji ta'
“mezzi” u ta' “merti” jinfthiemu. Il-kriterji restrittivi ta’ eliġibbiltà
jirriżultaw f’ħafna persuni ssuspettati jew mixlija li ma jkollhomx
biżżejjed mezzi sabiex ma jibbenefikawx mill-għajnuna legali
anke meta huwa fl-interess tal-ġustizzja. Konsegwentement, id-drittijiet
tagħhom għal difiża mhux se jiġu garantiti sew. Ir-raba' raġuni – Il-kwalità: Il-QEDB stipulat li l-obbligu tal-Istat li jipprovdi assistenza legali
b'xejn ma jiġix sodisfatt billi jiġi sempliċiment maħtur
avukat iffinanzjat mill-fondi pubbliċi, huwa għandu jiżgura li
l-assistenza mogħtija mill-avukati tal-għajnuna legali hija prattika
u effettiva, u ta' certu kwalità.[6]
Il-kwalità tal-assistenza koperta mill-għajnuna legali tista’ tiġi
żgurata permezz ta’: (1) il-kwalifiki u l-akkreditament; (2)
it-taħriġ tal-avukati u (3) il-monitoraġġ tal-xogħol
kopert bl-għajnuna legali. F’ħafna Stati Membri, ftit li xejn hemm garanzija
ta' kwalità, jew kważi xejn. Min jintlaqat bil-miżuri? Potenzjalment il-persuni ssuspettati jew mixlija kollha fi
proċedimenti kriminali fl-UE huma affettwati. Madwar 10 miljuni
proċedimenti kriminali jseħħu fl-UE kull sena, iżda ma jkun
hemm l-ebda dejta disponibbli dwar l-għadd ta’ proċedimenti li fihom
persuna suspettata jew mixlija ma ngħatatx għajnuna legali.
Il-miżuri jaffettwaw ukoll lill-avukati li jipprovdu jew jistgħu
jipprovdu assistenza, permezz ta' għajnuna legali, lil dawn il-persuni. 2. Analiżi
tas-sussidjarjetà Hemm
bżonn ta' azzjoni tal-UE abbażi tat-tliet fatturi li ġejjin: (1)
Il-problema għandha dimensjoni transkonfinali
għaliex jekk ċerti Stati Membri ma jirrispettawx id-dritt
proċedurali għall-għajnuna legali, dan joħloq problemi
għall-Istati Membri l-oħra.[7] (2)
Iċ-ċittadini tal-UE jistgħu jkunu
involuti fi proċedimenti kriminali barra mill-Istat Membru tagħhom, u
l-ħtiġijiet ta’ dawn il-persuni ssuspettati jew mixlija għandhom
jiġu indirizzati fil-livell tal-UE. (3)
Il-KEDB diġà tistipula standards għal
proċessi ġusti fl-Ewropa, iżda l-mekkaniżmi ta’ infurzar
tagħha ma jiggarantixxux livell suffiċjenti u konsistenti ta’
protezzjoni jew ta' konformità mill-Istati firmatarji tagħha, inklużi
l-Istati Membri tal-UE. 3. L-objettivi tal-inizjattiva
tal-UE Kull miżura li tittieħed fil-livell
tal-UE dwar l-għajnuna legali, li ġiet żviluppata abbażi
tal-problemi ġenerali u speċifiċi identifikati hawn fuq,
għandha tilħaq l-objettivi ġenerali, speċifiċi u
operattivi li ġejjin. Ġenerali: || · Sabiex tiggarantixxi liċ-ċittadini tal-UE standard ta’ livell għoli fil-protezzjoni tad-drittijiet proċedurali fundamentali fi proċedimenti kriminali. · Sabiex tissaħħaħ il-fiduċja reċiproka u b’hekk ir-rikonoxximent reċiproku tas-sentenzi u tad-deċiżjonijiet ġudizzjarji fl-UE jkun aġevolat, u sabiex titjieb il-kooperazzjoni ġudizzjarja fl-UE. Speċifiċi: || · Sabiex jiġi żgurat li l-persuni ssuspettati jew mixlija jkollhom aċċess għall-għajnuna legali u jingħataw għajnuna legali adegwata matul il-proċedimenti kriminali, f’livell li jiżgura fiduċja reċiproka msaħħa. · Sabiex jiġi żgurat li d-dritt ta’ aċċess għas-servizzi ta' avukat, kif previst mid-Direttiva dwar id-Dritt ta’ Aċċess għas-Servizzi ta' Avukat għall-persuni ssuspettati u mixlija u għall-persuni suġġetti għall-proċedimenti ta' MAE, ikun effettiv, billi tiġi żgurata l-għajnuna legali. Operattivi: || 1) Sabiex jiġi żgurat li l-għajnuna legali hija disponibbli għall-persuni suġġetti għal MAE, 2) Sabiex jiġi żgurat l-aċċess għall-assistenza koperta mill-għajnuna legali (“id-difiża f'emerġenza”) fl-ewwel stadji tal-proċedimenti, 3) Sabiex jiġi żgurat l-aċċess effettiv għall-għajnuna legali għal persuni ssuspettati u mixlija li m’għandhomx mezzi suffiċjenti (it-test tal-mezzi), u fejn huwa meħtieġ sabiex jiġi żgurat aċċess effettiv għall-ġustizzja (it-test tal-mertu), 4) Sabiex jiġi żgurat li l-Istati Membri jieħdu miżuri biex itejbu l-kwalità tas-servizzi koperti mill-għajnuna legali. 4. Għażliet ta’
politika Erba’ għażliet ta’ politika ewlenin
tqiesu fid-dettall: Għażla 1 – Status quo || Iż-żamma tal-istatus quo. L-ebda azzjoni fil-livell tal-UE. Għażla 2 – Livell ta' obbligu baxx || Azzjoni mhux leġislattiva: Azzjonijiet għat-tisħiħ tal-kapaċitajiet, tal-għoti tal-informazzjoni, tal-iskambju tal-aħjar prattiki bejn l-Istati Membri (billi jinħoloq grupp ta’ esperti biex jiġbor l-aħjar prattiki għal-linji gwida tal-prattikanti). Għażla 3 – Livell ta' obbligu medju || L-istrument legali L-għażla sekondarja 3(a) permezz ta' Rakkomandazzjoni; L-għażla sekondarja 3(b) permezz ta' Direttiva; jew permezz ta' taħlita tat-tnejn li huma: Bejn billi jiġu stabbiliti standards kwalitattivi minimi kif inhuma previsti fil-KEDB u fil-Karta, u bejn billi tissaħħaħ il-prevedibilità tal-istandards nazzjonali kif ukoll jogħla l-livell tagħhom. L-istrument legali, b’mod partikolari, ikun jinkludi dispożizzjonijiet li jiżguraw li l-persuni ssuspettati u mixlija jistgħu jibbenefikaw minn għajnuna legali fi proċedimenti ta' MAE u fl-ewwel stadji tal-proċedura. Madankollu, mhux se jkun hemm azzjoni ddettaljata preskrittiva, hija fid-diskrezzjoni tal-Istati Membri kif jimplimentawh. Iż-żewġ għażliet sekondarji jistgħu jiġu kkumbinati billi xi elementi jkunu previsti fi strument legali vinkolanti, filwaqt li elementi oħra jkunu previsti fi strument legali nonvinkolanti. Għażla 4 – Livell għoli ta' obbligu || L-istrument legali Permezz ta’ Direttiva li tipprevedi kriterji ddettaljati minimi armonizzati dwar l-aċċess u l-kwalità tal-għajnuna legali, li sa ċertu punt jmorru lil hinn mill-istandards kwalitattivi stipulati fil-KEDB. 5. Il-valutazzjoni tal-impatti 5.1. L-effettività sabiex
jintlaħqu tal-objettivi politiċi ·
Għażla 1:
L-aċċess insuffiċjenti għall-għajnuna legali jibqa'
l-istess jew imur għall-agħar. ·
Għażla 2:
L-inċentiv għall-Istati Membri sabiex itejbu l-aċċess
għall-għajnuna legali huwa insuffiċjenti, ladarba ma hemmx
azzjoni leġiżlattiva. ·
Għażla 3(a) – Rakkomandazzjoni: Għandha impatt medju minħabba li din
l-għażla se tikkontribwixxi sabiex jintlaħqu l-objettivi
ġenerali. Madankollu, minħabba n-natura nonvinkolanti ta’ dan
l-istrument, hemm ir-riskju li din l-għażla ma jkollha l-ebda impatt
tanġibbli peress li tista’ ma tiġix implimentata kollha kemm hi
mill-Istati Membri kollha. ·
Għażla 3(b) – Direttiva: Għandha impatt kbir minħabba li din l-għażla
se twassal għal titjib sinifikanti permezz ta' standards minimi komuni
dwar l-għajnuna legali li huma legalment vinkolanti u infurzabbli. ·
Għażla 4:
Għandha impatt kbir ħafna għax ikollha s-saħħa kollha
ta' istrument leġiżlattiv (b'natura vinkolanti, b'eżegwibbiltà
għolja) u jkollha impatt sinifikanti pożittiv li jwassal biex
jintlaħaq l-objettiv tal-politika, madankollu titfa' piż kbir fuq
l-Istati Membri. Din se ttejjeb b’mod sinifikanti l-fiduċja reċiproka
u l-kooperazzjoni. 5.2. Impatt fuq id-Drittijiet
Fundamentali ·
Għażla 1:
Ma għandha l-ebda impatt billi l-aċċess għall-għajnuna
legali se jibqa' jiġi protett fil-livell tal-Istati Membri permezz
tal-KEDB u tal-Karta, u se jibqgħu l-problemi attwali ta' protezzjoni
limitata. ·
Għażla 2:
Għandha impatt żgħir billi t-titjib fil-proċess ġust u
fid-drittijiet tad-difiża se jiddependu fuq kemm l-Istati Membri
jikkonformaw mal-aħjar eżempji ta' prattiki jew linji gwida, fuq kif
l-informazzjoni dwar l-għajnuna legali se tixxerred u kif se jsir
it-taħriġ. ·
Għażla 3(a) – Rakkomandazzjoni: Hija pożittiva iżda għandha impatt
medju żgħir fuq id-drittijiet fundamentali u tiddependi fuq kif
l-Istati Membri jimplimentawha. Xi titjib huwa mistenni fil-proċess
ġust u fid-drittijiet tad-difiża, iżda n-nuqqas ta’ metodu ta’
infurzar jista’ jtejjeb biss ftit s-sitwazzjoni. ·
Għażla 3(b) – Direttiva: Għandha impatt kbir billi din l-għażla
jkollha l-istess impatt pożittiv bħall-għażla 3(a),
iżda permezz ta’ miżura legalment vinkolanti. ·
Għażla 4: Għandha impatt pożittiv sinifikanti fuq id-drittijiet
fundamentali tal-persuni ssuspettati jew mixlija. 5.3. Impatti Soċjali ·
Għażla 1:
Ebda implikazzjoni. ·
Għażla 2:
Hija pożittiva iżda għandha impatt limitat minħabba
azzjonijiet ta' sensibilizzazzjoni, it-tisħiħ tal-kapaċitajiet u
t-taħriġ. ·
Għażla 3(a) – Rakkomandazzjoni: Jekk tiġi implimentata kif suppost
mill-Istati Membri, din l-għażla jkollha impatti soċjali
pożittivi (pereżempju aċċess ugwali
għall-ġustizzja billi tiġi żgurata l-assistenza permezz
tal-għajnuna legali u titjib fil-kwalità ta' din l-assistenza). ·
Għażla 3(b) – Direttiva: Għandha impatt kbir billi din l-għażla
jkollha l-istess impatt pożittiv bħall-għażla 3(a)
iżda permezz ta’ miżura legalment vinkolanti. ·
Għażla 4:
Għandha impatti soċjali kbar peress li se twessa’ l-aċċess
għall-għajnuna legali u konsegwentement il-possibbiltà għal
proċess ġust għal persuni ssuspettati u mixlija fil-bżonn. 5.4. Impatt fuq is-sistemi
nazzjonali tal-ġustizzja ·
Għażla 1:
Ma għandha l-ebda impatt – is-sistemi nazzjonali jistgħu jevolvu lejn
aktar konverġenza f'konformità mal-ġurisprudenza tal-QEDB, iżda
mhux fuq perjodu ta' żmien qasir jew medju. ·
Għażla 2:
L-impatt globali se jkun limitat ladarba l-azzjonijiet huma nonvinkolanti u ma
għandhomx l-għan dirett li jistabbilixxu standards minimi komuni
fl-UE. ·
Għażla 3(a) – Rakkomandazzjoni: Minħabba n-natura nonvinkolanti tagħha,
huwa diffiċli li jiġi previst l-impatt tagħha, għax
jiddependi fuq kemm l-Istati Membri jridu jikkonformaw. Jekk tiġi
implimentata kif suppost, din l-għażla tkun teħtieġ bidliet
fis-sistemi tal-Istati Membri li attwalment għandhom standards baxxi
tal-għajnuna legali. ·
Għażla 3(b) – Direttiva: Għandha impatt medju kbir billi din
l-għażla tkun teħtieġ riformi leġiżlattivi
f’għadd ta’ Stati Membri, madankollu tippermetti ċerta flessibbiltà
permezz ta' obbligi fformulati b'mod ġenerali. ·
Għażla 4:
Għandha l-aktar impatti sinifikanti fuq is-sistemi tal-ġustizzja
nazzjonali billi l-ġudikatura jkollha l-għodda kollha
meħtieġa sabiex tiggarantixxi d-dritt għall-għajnuna legali
bi standard għoli. Ikun hemm bżonn jitwettqu riformi
leġiżlattivi sinifikanti fis-sistemi tal-għajnuna legali
tal-Istati Membri kollha, sabiex ikunu konformi mal-istrument. 5.5. Impatt finanzjarju u
ekonomiku ·
Għażla 1:
Ma hemm l-ebda piżijiet finanzjarji immedjati assoċjati ma’ din
l-għażla. ·
Għażla 2:
L-ispejjeż għal din l-għażla se jkunu limitati u se
jitħallsu kemm mill-Istati Membri kif ukoll mill-UE. L-ogħla total
tal-ispejjeż finanzjarji huwa stmat li se jkun madwar EUR 23 miljun.
·
Għażla 3(a) – Rakkomandazzjoni: Jekk l-Istati Membri jikkonformaw
mar-rakkomandazzjoni, l-ispejjeż ikunu l-istess bħal
fl-għażla 3(b). ·
Għażla 3(b) – Direttiva: L-ispejjeż totali huma mistennija li jkunu fil-medja
tal-erba’ għażliet, u ħafna minnhom se jitħallsu
mill-amministrazzjonijiet pubbliċi fil-livell lokali u nazzjonali.
L-ispejjeż totali jvarjaw minn EUR 247 sa EUR 382 miljun.
Dawn jinkludu l-ispejjeż għall-miżuri li ġejjin: –
L-għajnuna legali fi proċedimenti ta'
MAE: EUR 0,13-0,24 miljun (fl-UE fis-sena) –
Is-sistema ta’ difiża f'emerġenza: EUR 52-81
miljun (fl-UE fis-sena) –
Il-kriterji ta’ eliġibbilità minimi komuni:
EUR 181-287 miljun (fl-UE fis-sena) –
Il-kontroll tal-kwalità: EUR 13,4 miljun
(fl-UE fis-sena) ·
Għażla 4:
L-ispejjeż totali huma mistennija li jkunu l-ogħla mill-erba’
għażliet, u ħafna minnhom se jitħallsu
mill-amministrazzjonijiet pubbliċi fil-livell lokali u nazzjonali.
L-ispejjeż totali jvarjaw minn EUR 1 594 sa
EUR 1 716-il miljun. Dawn ikunu jinkludu l-ispejjeż
għall-miżuri li ġejjin: –
L-għajnuna legali fi proċedimenti ta'
MAE: EUR 0,8-1,1 miljun (fl-UE fis-sena) –
Is-sistema ta’ difiża f'emerġenza:
EUR 180-210 miljun (fl-UE fis-sena) –
Il-kriterji minimi komuni ta’ eliġibbilità: EUR 1.4
biljun (biż-żieda ta’ EUR 92 miljun għall-għajnuna
legali obbligatorja għat-tfal) (fl-UE fis-sena) –
Il-kontroll tal-kwalità: EUR 13,4-il miljun
(fl-UE fis-sena) Għall-għażliet 3 u 4
l-ispejjeż ma jeħdux inkonsiderazzjoni l-iffrankar fl-ispejjeż
li huwa possibbli minn tnaqqis fl-ispejjeż attwali tal-QEDB u tal-appelli
domestiċi, tal-proċessi mill-ġdid, tal-proċedimenti mitmuma
minħabba rappreżentazzjoni legali mhux adegwata. 6. It-tqabbil
tal-għażliet/L-għażla ppreferuta Ma hemm l-ebda għażla ppreferuta. 7. Monitoraġġ u
evalwazzjoni Jekk l-għażla ppreferuta tkun
azzjoni leġiżlattiva fil-forma ta’ Direttiva, iż-żmien
stipulat għat-traspożizzjoni tad-Direttiva mill-Istati Membri se jkun
ta’ 18-il xahar wara d-dħul fis-seħħ tagħha. L-Istati
Membri għandhom jintalbu jiġbru dejta affidabbli sabiex jassistu
f’dan il-proċess, peress li attwalment hemm nuqqas ta’ dejta bħal
din. Jekk l-għażla ppreferuta hija azzjoni fil-forma ta’
Rakkomandazzjoni, il-Kummissjoni tivvaluta l-implimentazzjoni tagħha
l-aktar tard fi żmien erba’ snin minn meta tiġi ppublikata. Barra minn hekk, il-Kummissjoni qed tippjana
li twettaq studju empiriku speċifiku b’enfasi fuq il-ġbir tad-dejta
wara li kull strument tal-Pjan Direzzjonali dwar id-Drittijiet Proċedurali
jkun ilu applikat minn tliet snin sa ħamsa. Sabiex takkwista għarfien
kwantitattiv u kwalitattiv fil-fond dwar l-effikaċja tal-proposti, se
jintużaw indikaturi speċifiċi għall-għajnuna legali. [1] L-Artikolu 47 tal-Karta tad-Drittijiet Fundamentali
tal-UE u l-Artikolu 6(3)(c) tal-Konvenzjoni Ewropea dwar id-Drittijiet
tal-Bniedem (KEDB). [2] COM(2011) 326 final, 8.6.2011. [3] Il-proċedimenti ta' MAE mhumiex per se
meqjusa bħala “proċedimenti kriminali” u mhumiex koperti mill-KEDB. [4] Ara pereżempju Schumann, Bruckmüller, Soyer, Pre-Trial
Emergency Defence Intersentia 2012. Cape et al, Effective Criminal
Defence in Eastern Europe, LARN 2012. Ara wkoll ir-Rapport tal-FTI Defence
Rights in the EU, Ottubru 2012, paragrafi 71-73 fejn hemm irrappurtat
dwar bosta problemi fl-iskemi b'avukati li jkunu fuq servizz fl-Istati Membri u
r-rapport reċenti ta' Justicia, p. 46. Ir-Rapport tal-Konferenza
mill-Konferenza dwar l-għajnuna legali f'Varsavja. Ara wkoll Improving
pre-trial Justice, p. 38 tal-Open Society Institute Sofia 2008, Report
on Civic monitoring of police stations (b'rabta mal-BU). [5] Il-KEDB u l-Karta jħaddnu test kumulattiv dwar
il-mezzi u l-merti, u l-persuni jridu jikkwalifikaw fit-tnejn sabiex jiksbu
l-għajnuna legali. Għalhekk huwa aċċettat li hemm
sitwazzjonijiet fejn persuna ssuspettata li ma jkollhiex biżżejjed
riżorsi ma tikkwalifikax għall-għajnuna legali, pereżempju
meta l-każ ma jkunx wieħed kumpless jew minħabba li s-sanzjoni
li tista' tiġi imposta ma tkunx daqshekk serja. [6] Pavlenko vs Russia, Rikors nru 42371/02,
sentenza tal-4 ta' Ottubru 2010, paragrafu 99. [7] Pereżempju, jekk awtorità ġudizzjarja tintalab
biex teżegwixxi sentenza tal-qorti minn Stat Membru ieħor fejn
l-istandards mhumiex adegwati, tista’ jew tirrifjuta li tagħmel dan, jew
tista’ titlob tagħrif addizzjonali li jwassal biex l-eżekuzzjoni
tiddewwem.