EUR-Lex Access to European Union law
This document is an excerpt from the EUR-Lex website
Document 52013PC0812
Proposal for a REGULATION OF THE EUROPEAN PARLIAMENT AND OF THE COUNCIL on information provision and promotion measures for agricultural products on the internal market and in third countries
Proposta għal REGOLAMENT TAL-PARLAMENT EWROPEW U TAL-KUNSILL dwar azzjonijiet ta’ informazzjoni u ta’ promozzjoni għall-prodotti agrikoli fis-suq intern u fil-pajjiżi terzi
Proposta għal REGOLAMENT TAL-PARLAMENT EWROPEW U TAL-KUNSILL dwar azzjonijiet ta’ informazzjoni u ta’ promozzjoni għall-prodotti agrikoli fis-suq intern u fil-pajjiżi terzi
/* COM/2013/0812 final - 2013/0398 (COD) */
Proposta għal REGOLAMENT TAL-PARLAMENT EWROPEW U TAL-KUNSILL dwar azzjonijiet ta’ informazzjoni u ta’ promozzjoni għall-prodotti agrikoli fis-suq intern u fil-pajjiżi terzi /* COM/2013/0812 final - 2013/0398 (COD) */
MEMORANDUM TA’ SPJEGAZZJONI 1. KUNTEST TAL-PROPOSTA Il-produzzjoni u l-kummerċ tal-prodotti
agrikoli u agroalimentari jikkostitwixxu ass importanti għall-Unjoni
Ewropea. B’madwar 18 % tal-esportazzjonijiet u b’20 %
tal-importazzjonijiet globali, l-Unjoni tista’ ssostni li qiegħda
fl-istess livell mal-Istati Uniti, fl-ewwel post bħala importatur u
esportatur tal-prodotti agrikoli. Is-settur agroalimentari jinsab fuq quddiem
nett fl-industrija Ewropea tal-manifattura; dan jirrappreżenta 13,5 %
tal-impjiegi u jikkontribwixxi għal 12,9 % tal-bejgħ
totali. Din l-industrija hija magħmula minn 310 000
intrapriża li minnhom 99,1 % huma intrapriżi żgħar u
medji[1].
Matul is-snin, is-settur Ewropew beda jiffoka fuq il-kwalità u fuq il-valur
miżjud tal-prodotti pproċessati li qed jiġu apprezzati dejjem
aktar mhux biss fl-Ewropa, iżda wkoll madwar id-dinja. Dawn il-prodotti
jirrappreżentaw aktar minn żewġ terzi fil-valur
tal-esportazzjonjiet agrikoli totali tal-UE, b’potenzjal ta’ żvilupp
saħansitra aktar konsiderevoli. Huwa essenzjali li l-agrikoltura Ewropea u
l-industrija agroalimentari, li tiddependi ħafna fuqha, jippreservaw u
jżidu l-kompetittività u l-ishma tagħhom fis-suq, kemm fis-suq intern
kif ukoll fis-suq tal-esportazzjoni, sabiex jitħarsu l-impenji meħuda
mill-UE fil-qafas tar-relazzjonijiet kummerċjali internazzjonali
tagħha. Madankollu l-agrikoltura Ewropea llum qed taffronta ambjent
ħafna aktar kompetittiv l-aktar minħabba l-globalizzazzjoni
tas-swieq. Din ix-xejra għandha tkompli fis-snin li ġejjin u għandha
tintemm fiċ-ċiklu ta’ Doha u fi ftehimiet bilaterali u reġjonali
li qed jiġu nnegozjati attwalment. Ta’ sikwit mhux mixtieqa, dawn
il-ftehimiet jistgħu jissarfu wkoll f’opportunitajiet kbar għal dan
is-settur. Madankollu, fis-suq intern, minorità żgħira
biss ta’ konsumaturi Ewropej huma konxji dwar l-isforzi mwettqa
mill-agrikolturi Ewropej biex jipprovdu produzzjoni ta’ kwalita tajba, li hija
tajba għas-saħħa u bla riskju. Huma 14 % biss tal-Ewropej
li jirrikonoxxu l-lowgos tal-prodotti li jibbenefikaw minn denominazzjoni
protetta tal-oriġini (DPO) jew minn indikazzjoni ġeografika protetta
(IĠP), l-iskemi Ewropej tal-kwalità ewlenin stabbiliti mill-Unjoni.
Bl-istess mod, l-isforz tal-investiment fir-reklamar u fil-kummerċjalizzazzjoni
fi swieq imbiegħda jirrappreżenta sfida għal settur magħmul
l-aktar minn intrapriżi żgħar u medji, u saħansitra
mikrointrapriżi. Din il-qagħda ċertament
tikkostitwixxi sfida għall-agrikolturi Ewropej, iżda tiftaħ
ukoll perspettivi li jkun jaqbel li jissegwew b’mod effikaċi, notevolment
permezz tal-istrumenti tal-Politika Agrikola Komuni. Dan minħabba li
s-suċċess tas-settur agrikolu Ewropew se jiddependi minn kemm ikun
kapaċi jkabbar is-sehem tiegħu fis-suq u minn kemm dan is-settur ferm
kompetittiv tal-industrija alimentari ikun jista’ jżomm il-pożizzjoni
prominenti tiegħu fl-UE mil-lat ekonomiku u kummerċjali. Dan il-kuntest jeħtieġ politika ta’
promozzjoni li tkun moderna u ambizzjuża, u li jittieħdu
t-tagħlimiet tal-programmi ta’ promozzjoni li ġew implimentati sal-lum
u jikkostitwixxi stadju ieħor fil-modernizzazzjoni tal-politika agrikola
komuni. L-għan huwa l-appoġġ tas-settur agrikolu, u
prinċipalment l-intrapriżi żgħar u medji u
l-organizzazzjonijiet tal-produtturi li jikkostitwixxu l-pilastru ta’ dan
is-settur, sabiex ikunu jistgħu jagħtu kontribut qawwi u dinamiku
għat-tkabbir ekonomiku lill-Unjoni kollha kemm hi u l-aktar
liż-żoni rurali. Dan jeħtieġ politika ta’ promozzjoni
ristrutturata għall-benefiċjarji tiegħu (l-organizzazzjonjiet
tal-produtturi, dawk professjonali u interprofessjonali, nazzjonali jew
Ewropej), b’miżuri addizzjonali, u li tintegra approċċi
ċari kemm għas-suq intern kif ukoll għall-pajjiżi terzi. L-iffinanzjar ta’ din il-proposta, li
tipprevedi żieda gradwali iżda sinifikanti fil-baġit allokat
għall-azzjonijiet ta’ promozzjoni, se jsir fil-qafas tal-ammonti previsti
għall-Politika Agrikola Komuni tal-UE għall-perjodu 2014 sal-2020.
Din in-nefqa hija stmata fuq il-bażi
tal-opportunitajiet li għandhom jiġu sfruttati fil-pajjiżi terzi
minħabba d-domanda li qed tikber, pereżempju fl-Asja fejn sal-2050,
għall-pajjiżi membri tal-ASEAN[2]
biss, l-importazzjonijiet agrikoli huma mistennija li jiżdiedu b’aktar
minn 17-il biljun dollaru[3]. Flimkien mad-domanda li qed tikber tas-swieq
emerġenti b’mod partikolari, billi dawn huma diġà importanti
ħafna għall-esportazzjonijiet agroalimentari tal-UE, l-aċċcess
għas-swieq se jittejjeb fil-livell globali bis-saħħa
tal-konklużjoni tal-bosta negozjati kummerċjali li jinsabu
għaddejjin bħalissa. Il-ftehimiet tal-kummerċ ħieles li qed
jiġu nnegozjati attwalment jirrappreżentaw swieq b’valur attwali ta’
madwar EUR 35 biljun fis-sena għas-settur agroalimentari Ewropew.
Iż-żieda fid-domanda u l-liberalizzazzjoni tal-kummerċ
tal-kummerċ sostanzjali kollu permezz ta’ dawn in-negozjati probabbilment
se jwasslu għal żieda sostanzjali f’din iċ-ċifra. Pereżempju,
sal-2027 ftehim ambizzjuż dwar il-kummerċ ħieles mal-Istati
Uniti jista’ jżid l-esportazzjonijiet agrikoli tal-UE b’madwar 15 % (aktar
minn EUR 1,7 biljun fis-sena) u dawk ta’ prodotti agrikoli
pproċessati b’45 % (aktar minn EUR 13,4 biljun fis-sena)[4]. Fir-rigward tal-Ġappun
f’każ ta’ ftehim ambizzjuż dwar il-kummerċ ħieles
l-esportazzjonijiet agoalimentari jkunu jiżdiedu b’137 % fuq perjodu
ta’ żmien twil (aktar minn EUR 5,9 biljun fis-sena)[5]. Dan għalhekk jikkostitwixxi opportunità strateġika
u fundamentali għas-settur agroalimetnari Ewropew li, minħabba
l-importanza tal-Intrapriżi Żgħar u Medji Ewropej f’dan
is-settur, għandha tiġi sfruttata bis-saħħa ta’ politika ambizzjuża
u innovattiva. Dawn l-intrapriżi jeħtieġu l-appoġġ,
l-għarfien espert u l-inkoraġġiment biex jieħdu
vantaġġ minn din l-opportunità kbira. Dan jeħtieġ politika
pubblika fuq firxa wiesgħa li tkun tista’ tilqa’ l-isfida ta’ din
l-opportunita. L-ammonti inklużi f’din il-proposta se jiffaċilitaw
l-istabbiliment ta’ din il-politika b’mod kredibbli fis-snin li ġejjin. Kuntest ġenerali Il-politika agrikola komuni (PAK) tgħin
biex jinħeles u jiġi sfruttat il-potenzjal tas-settur agrikolu u
agroalimentari Ewropew. Bħalissa għaddej proċess ta’ riforma li
se jiżgura, b’seħħ mill-2013, li din il-politika tikkontribwixxi
bis-sħiħ għall-Istrateġija Ewropea 2020 għat-tkabbir
intelliġenti, sostenibbli u inklussiv, billi tippromwovi settur
tal-agrikoltura li jkun kapaċi jwassal is-sigurtà tal-ikel, l-użu
sostenibbli tar-riżorsi naturali u d-dinamiżu liż-żoni rurali. B’mod parallel, jeħtieġ li tiġi riformata
l-politika ta’ informazzjoni u ta’ promozzjoni dwar il-prodotti agrikoli li
hija waħda mill-istrumenti tal-PAK. Bħala għodda tal-politika agrikola komuni (PAK) tal-UE,
il-politika Ewropea tal-promozzjoni tal-prodotti agrikoli għandha ssegwi
l-għanijiet tar-riforma tal-PAK għall-programm Orizzont 2020 u
prinċipalment, l-għan tat-tisħiħ tal-kompetittività
tal-agrikoltura Ewropea kemm fis-suq intern kif ukoll fil-pajjiżi terzi,
billi timmira għal dawn l-għanijiet speċifiċi: –
Żieda fil-livell tal-għarfien
tal-konsumaturi dwar il-vantaġġi tal-prodotti agrikoli Ewropej; –
Żvilupp u ftuħ ta’ swieq ġodda
għall-prodotti agrikoli Ewropej fis-suq intern u fil-pajjiżi terzi. –
Titjib fl-effikaċja u fl-effiċjenza
tal-politika. Fil-qafas tal-PAK, l-appoġġ
tal-Unjoni relatat mal-informazzjoni u l-promozzjoni tal-prodotti agrikoli
ġie żviluppat. Qabel l-2000, l-azzjonijiet ta’ informazzjoni u ta’
promozzjoni kienu previsti fil-livell settorjali. Fl-2000, il-miżuri
settorjali ngħaqdu fi skema orizzontali. Mill-2000 sal-2007, dawn
l-attivitajiet kienu rregolati minn żewġ Regolamenti separati,
wieħed li jikkonċerna s-suq intern u l-ieħor immirat
għall-pajjiżi terzi[6].
Mill-2008, ingħaqdu ż-żewġ approċċi fi skema
orizzontali uniku (Ir-Regolament tal-Kunsill (KE) Nru°3/2008[7] u r-Regolament tal-Kummissjoni
(KE) Nru°501/2008[8])
mingħajr emenda sinifikanti f’termini ta’ kontenut. Għanijiet tal-proposta Din il-proposta għandha l-għan li
tiffaċilita r-realizzazzjoni ta’ azzjonijiet ta’ informazzjoni u ta’
promozzjoni fis-suq intern u fil-pajjiżi terzi, li huma neċessarji
għas-settur agrikolu sabiex jingħelbu l-ħafna sfidi li qed
jiffaċċja f’kuntest ta’ kompetizzjoni li qed tikber u tal-ftuħ
tas-swieq. Is-suċċess tal-agrikoltura Ewropea se jiddependi
mill-ħila tagħha li tkabbar is-sehem tagħha fis-suq u billi
s-settur ferm kompetittiv tal-industrija alimentari (il-katina alimentari
tirrappreżenta 6 % tal-prodott domestiku gross (PDG) tal-Unjoni) ikun
jista’ jżomm pożizzjoni importanti fi ħdan l-ekonomija u
l-kummerċ tal-Unjoni. L-azzjonijiet se jsegwu strateġija
Ewropea ta’ informazzjoni u ta’ promozzjoni li tistabbilixxi prijoritajiet
għas-swieq u għall-prodotti jew għall-messaġġi li
għandhom jiġu enfasizzati (pereżempju prodotti b’valur
miżjud għoli), filwaqt li jittieħdu f’kunsiderazzjoni
n-negozjati tal-ftehim tal-kummerċ ħieles, is-swieq l-aktar
importanti, u b’hekk jiġu evitati t-tifrix u l-frammentazzjoni tal-mezzi.
Din il-proposta mistennnija li twassal għal ibbilanċjar
mill-ġdid tal-azzjonijiet mmirati għall-pajjiż terzi. Sabiex jiżdied l-għadd ta’
azzjonjiet u l-kwalità tagħhom, f’koerenza mar-riforma tal-PAK 2020
li tinkoraġġixxi lill-agrikolturi biex jistrutturaw, ikun jaqbel li
l-isekma tinfetaħ għal benefiċjarji ġodda bħal dawk
tal-organizzazzjonijiet tal-produtturi. Bl-istess mod ikun jaqbel ukoll li nfittxu
niksbu l-aħjar ritorn fuq l-investiment għal dawn l-azzjonijiet u li
nipprevedu regolazzjoni stretta tar-referenzi possibbli għall-oriġini
tal-prodotti jew għall-marki kummerċjali bil-għan
tal-promozzjoni tal-messaġġ prinċipali ġeneriku billi
jiġu enfasizzati l-karatteristiċi intrinsiċi tal-prodotti
agrikoli Ewropej. Il-programmi sottometti minn operaturi
tal-Istati Membri differenti jikkontribwixxu sostanzjalment għall-valur
miżjud Ewropew; dawn jivvalorizzaw id-diversità tal-prodotti agrikoli
Ewropej u se jiġu mħeġġa fil-qafas tar-riforma. L-inizjattivi tal-Kummissjoni
bħaż-żjarat kummerċjali ta’ livell għoli jew
il-partiċipazzjonijiet fil-fieri ta’ importanza internazzjonali
jiffaċilitaw il-ftuħ ta’ swieq ġodda għall-prodotti
agrikoli Ewropej. Il-proposta tipprevedi l-iżvilupp ta’
servizzi ġodda ta’ appoġġ tekniku għall-partijiet involuti
li jiffavorixxu l-iskambju tal-informazzjoni dwar l-azzjonijiet ta’
informazzjoni u ta’ promozzjoni jew ta’ prattiki tajbin, u li jippermetti
l-iżvilupp tal-għarfien espert tagħhom. Il-proposta hija mmirata biex tissemplifika
l-ġestjoni tal-politika ta’ informazzjoni u ta’ promozzjoni. Din
tipproponi li l-Kummissjoni tkun aktar attiva fil-ġestjoni tal-programmi
tal-pajjiżi multipli biex tiffaċilita l-ħolqien u
l-implimentazzjoni tagħhom. Ir-rwoli rispettivi tal-Istat Membru u
tal-Kummissjoni fil-monitoraġġ u fil-kontroll tal-azzjonijiet iridu
jiġu ċċarati sabiex jiġu evitati d-duplikazzjoni u
d-dewmien fil-proċeduri. Qed tiġi proposta għażla
fil-livell tal-Kummissjoni biss. Fl-aħħar, valutazzjoni sistematika
tal-impatt se ssegwi kull azzjoni sabiex jiġi kkonfermat li għanijiet
previsti ntlaħqu b’mod tajjeb. Qafas ta’ evalwazzjoni se jiġi
implimentat bil-għan li titkejjel il-prestazzjoni tal-politika ta’
promozzjoni bl-għajnuna ta’ sett ta’ indikaturi komuni marbuta mal-għanijiet
strateġiċi tagħha, f’konformita mal-qafas komuni ta’
monitoraġġ u ta’ evalwazzjoni tal-PAK. Valur miżjud tal-UE Il-politika agrikola hija politika Ewropea. Minflok 28 politika agrikola, l-Istati Membri jiġbru flimkien
ir-riżorsi tagħhom biex iħaddmu politika Ewropea b’baġit komuni. L-agrikolturi
hija l-uniku settur immexxi minn politika komuni u li fiha regoli komuni,
inklużi dawk marbuta mal-promozzjoni, huma previsti fit-Trattat.
Ir-riforma għaddejja tal-PAK għandha tħalli l-effett tagħha
fl-għodda kollha ta’ din il-politika. B’mod partikolari, f’suq uniku, azzjoni
fil-livell tal-UE se jkollha effett ta’ ingranaġġ importanti biex (a)
tiġi ffaċilitata l-implimentazzjoni ta’ programmi ta’ informazzjoni
ġenerika, li minħabba n-natura tagħhom ftit li xejn jiġu
esegwiti mill-Istati Membri jew mill-intrapriżi u attwalment
saħansitra anqas fil-kuntest tal-kriżi ekonomika, u (b) jiġu
implimentati programmi tal-pajjiżi multipli li jikkostitwixxu sors
għall-iskambju tal-esperjenzi bejn l-Istati Membri u l-ekonomiji ta’
skala. 2. RIŻULTATI TA’
KONSULTAZZJONIJIET MAL-PARTIJIET INTERESSATI U VALUTAZZJONIJIET TAL-IMPATT Konsultazzjoni mal-partijiet interessati Il-partijiet interessati ġew ikkonsultati
b’mod estensiv. Green Paper li ġie mniedi mill-Kummissjoni fl-14 ta’
Lulju 2011 fetaħ dibattitu li r-riżultati tiegħu
tħabbru waqt Konferenza dwar il-promozzjoni organizzata mill-Presidenza
Polakka tal-Unjoni Ewropea f’Novembru 2011. Il-Kunsill adotta
konklużjonijiet dwar il-Green Paper waqt il-laqgħa ta’ Diċembru 2011.
Fl-20 ta’ Novembru 2012 il-Parlament Ewropew adotta Riżoluzzjoni
wara l-adozzjoni mill-Kummissjoni ta’ Komunikazzjoni dwar is-suġġett.
Bl-istess mod saru konsultazzjonijiet fil-qafas tal-Kumitat Konsultattiv dwar
il-promozzjoni u fi grupp ta’ esperti dwar is-simplifikazzjoni tal-PAK waqt
il-laqgħat li saru f’Marzu 2012. Evalwazzjoni tal-iskema attwali F’Jannar 2012 ġiet ippubblikata
evalwazzjoni mitluba mill-Kummissjoni Ewropea u li kienet ġiet
implimentata minn konsulent estern. L-evalwazzjoni
pprovdiet analiżi globali u indipendenti tal-iskema attwali. Din
eżaminat il-pertinenza u l-effikaċja tal-politika ta’ informazzjoni u
ta’ promozzjoni tal-UE għall-prodotti agrikoli Ewropej b’rabta
mal-għanijiet stabbiliti fir-Regolament tal-Kunsill (KE) Nru 3/2008
kif ukoll il-koerenza tagħha ma’ miżuri oħra ta’ promozzjoni
realizzati fil-qafas tal-PAK. Il-perjodu ta’ analiżi jkopri s-snin 2002 sa
2010. Valutazzjoni tal-impatt Abbażi tal-evalwazzjoni tal-qafas ta’
politika attwali u ta’ analiżi tal-isfidi u l-ħtiġijiet
tal-futur, il-valutazzjoni tal-impatt tevalwa u tqabbel l-impatt ta’ tliet
xenarji alternattivi. Dawn ix-xenarji ta’ riforma ġew żviluppatti
skont tliet fatturi distinti li ħarġu mid-dibattitu pubbliku u
mill-pożizzjonijiet adottati mill-partijiet interessati varji,
jiġifieri: is-suq (swieq) fil-mira, l-eżistenza jew le ta’
strateġija Ewropea ta’ promozzjoni, u fl-aħħar nett ir-regoli
dwar il-marki kummerċjali privati u dwar l-oriġini tal-prodotti.
Ġew ifformulati tliet xenarji biex jikkontribwixxu għall-process
tat-teħid ta’ deċiżjonijiet: • Ix-xenarju tal-“istatus quo
imtejjeb” jinvolvi l-adatament limitat tal-politika ta’ promozzjoni. Dan
jirrikonoxxi l-valur miżjud tal-politika ta’ promozzjoni u jfittex biex
jagħmel tajjeb għan-nuqqasijiet identifikati bil-għan li l-politika
tiġi ssimplifikata u jagħmilha aktar aċċessibbli, li
jippermetti lill-benefiċjarji jieħdu l-aħjar li jistgħu
mill-għodod offruti, u li dawn jiġu msaħħa minn
appoġġ tekniku adegwat. • Ix-xenarju “immirat”, minbarra
l-arranġamenti offruti mill-istatus quo imtejjeb, joffri mmirar
aħjar tal-azzjonijiet ta’ promozzjoni fis-swieq interni u esterni permezz
tal-iżvilupp u l-implimentazzjoni ta’ strateġija. Dan jiffavorixxi
wkoll il-kollaborazzjoni bejn l-operaturi ta’ Stati Membri differenti (permezz
(tal-programmi tal-pajjiżi multipli ġestiti b’mod dirett). Barra minn
hekk l-istrateġija tippermetti wkoll li jkunu estiżi l-prodotti u
t-temi eliġibbli skont l-iskema ta’ promozzjoni. Fl-aħħar nett
dan ix-xenarju jipproponi l-użu aħjar tal-indikazzjonijiet
tal-oriġini tal-prodotti u tal-marki kummerċjali (pereżempju:
marki “ta’ riklamar”). • Ix-xenarju “esklussivament
għall-pajjiżi terzi” jaqsam l-istess livell ta’ ambizzjoni ta’
prestazzjoni bħax-xenarju “mmirat” iżda jikkonċentra biss fuq
il-pajjiżi terzi, fejn l-azzjonijiet ta’ promozzjoni huma ġestiti
direttament mill-Kummissjoni, f’konformità ma’ strateġija ta’
għażla. It-titjib propost mix-xenarju tal-istatus quo imtejjeb
jiddaħħlu wkoll f’dan ix-xenarju. Barra minn hekk, lil hinn mill-promozzjoni
ġenerika, l-azzjonijiet kummerċjali għall-marki individwali
privati jkunu eliġibbli wkoll għall-iskema u jistgħu jkollhom
lista estiża ta’ prodotti u temi eliġibbli. Filwaqt li x-xenarju tal-istatus quo
imtejjeb jidher li ma jimmirax suffiċjentement l-azzjonijiet b’valur miżjud
għoli għall-Unjoni Ewropea, u x-xenarju esklussiv
għall-pajjiżi terzi jidher wisq ta’ riskju minħabba l-livell
baxx ta’ għarfien dwar il-prodotti agrikoli fl-Ewropa, skont
il-valutazzjoniji tal-impatt ix-“xenarju mmirat” joħroġ bħala
l-aktar xenarju bbilanċjat għall-finijiet tad-definizzjoni ta’ qafas
ta’ skema ta’ promozzjoni li tkun aktar immirata lejn il-ħtiġijiet
tat-tkabbir ekonomiku tas-settur u tas-swieq agrikoli iżda li, fl-istess
ħin itejjeb il-livell ta’ għarfien fost il-konsumaturi Ewropej li
huma affrontati minn għażla dejjem tiżdied ta’ prodotti. 3. Gestjoni tal-iskema L-iskema hija attwalment immexxija fuq
il-bażi ta’ gestjoni kondiviża (nefqa prinċipali marbuta
mal-implimentazzjoni tal-programmi) u ta’ ġestjoni diretta (azzjonijiet ta’
informazzjoni u ta’ promozzjoni fuq l-inizjattiva tal-Kummissjoni).
Ir-Regolament attwali għandu jwassal għal żieda sinfikanti
fl-għadd ta’ azzjonijiet implimentati u għalhekk għal żieda
fin-nefqa soġġetta kemm għall-ġestjoni kondiviża kif
ukoll għall-ġestjoni diretta, b’żieda konsiderevoli fis-sehem
ta’ azzjonijiet ġestiti b’mod dirett wara xift lejn dan it-tip ta’
ġestjoni għall-programmi tal-pajjiżi multipli bil-għan li
titħeġġeġ l-implimentazzjoni tagħhom. Fuq il-bażi ta’ analiżi
tal-kost/tal-effiċjenza, il-Kummissjoni tista’ tiddeċiedi tiddelega
l-ġestjoni tal-programmi bis-sħiħ jew parzjalment lil
aġenzija eżekuttiva, soġġett għall-konformità
mal-Artikolu 62 tar-Regolament (UE, Euratom) Nru 966/2012
tal-Parlament Ewropew u tal-Kunsill [9].
Fil-Komunikazzjoni tal-Kummissjoni intitolata “Baġit għall-Ewropea
2020”[10],
il-Kummissjoni pproponiet li tisfrutta l-possibbiltà li jsir aktar użu
mill-aġenziji eżekuttivi eżistenti. F’dan l-isfond u f’konformità
mad-dispożizzjonijiet tal-Artikolu 3(4) tar-Regolament tal-Kunsill
(KE) Nru 58/2003[11]
u mal-Artikolu 6(g) tar-Regolament (UE) Nru xxx/xxxx dwar
il-finanzjament, l-immaniġġjar u l-monitoraġġ tal-PAK[12] [Ir-Regolament orizzontali
tal-PAK], il-Kummissjoni għandha l-intenzjoni li testernalizza ċerti
kompiti marbuta mal-ġestjoni diretta tal-programmi ta’ informazzjoni u ta’
promozzjoni, l-aktar għall-programmi ta’ pajjiżi multipli, u
mal-evalwazzjoni tal-proposti ta’ programmi sempliċi, lil aġenzija
eżekuttiva eżistenti, bil-għan li tipprovdi servizz ta’ kwalità
aħjar u li tissaħħaħ il-viżibbiltà tal-UE
fl-azzjonijiet tagħha ta’ informazzjoni u ta’ promozzjoni tal-prodotti
agrikoli. 4. ELEMENTI ĠURIDIĊI
TAL-PROPOSTA Bażi legali Il-proposta hija bbażata fuq
l-Artikoli 42 u 43 tat-Trattat dwar il-Funzjonament tal-Unjoni Ewropea. Prinċipji tas-sussidjarjetà u
tal-proporzjonalità · Il-prinċipju tas-sussidjarjetà Il-politika ta’ promozzjoni u ta’
informazzjoni tal-UE tissupplimenta u tirrinforza b’mod utli l-iskemi mmexxijin
mill-Istati Membri billi tagħti spinta lid-dehra tal-prodotti
f’għajnejn il-konsumaturi fl-UE u f’pajjiżi terzi, b’mod partikolari
fir-rigward tal-kwalità, il-valur ta’ nutrizzjoni u s-sikurezza
fl-oġġetti tal-ikel u l-metodi tal-produzzjoni. Meta tgħin biex
jinfetħu swieq ġodda f’pajjiżi terzi, azzjoni bħal din
aktarx li jkollha effett multiplikatur fuq inizjattivi nazzjonali u privati. Il-proposta taqa’ taħt kompetenza
kondiviża bejn l-UE u l-Istati Membri u hija konformi mal-prinċipju
tas-sussidjarjetà. · Il-prinċipju tal-proporzjonalità Minħabba li l-liberalizzazzjoni
fil-kummerċ qed tiżdied, inkluż il-kummerċ fi prodotti
agrikoli u tal-ikel, l-iskambju fil-kummerċ bejn l-Istati Membri tal-UE u
pajjiżi terzi jsir aktar u aktar importanti. F’kuntest bħal dan u
meta wieħed iqis l-orjentazzjoni mis-suq tal-PAK, ir-regolament dwar
azzjonijiet ta’ informazzjoni u ta’ promozzjoni għal prodotti agrikoli
fis-suq intern u f’pajjiżi terzi huwa, għalhekk, strument
kruċjali li huwa konsistenti mal-qafas il-ġdid tal-Ftehim tad-WTO
dwar l-agrikoltura. Naturalment huwa wkoll dmir tal-UE li
tippromwovi l-istandards ta’ kwalità għolja ta’ prodotti agrikoli tal-UE u
li tinkoraġġixxi programmi promozzjonali konġunti li jinvolvu
aktar minn pajjiż wieħed tal-UE jew aktar minn settur agrikolu wieħed.
Il-proposta tikkonforma mal-prinċipju
tal-proporzjonalità: 5. IMPLIKAZZJONI BAĠITARJA Rigward il-qagħda attwali, il-proposta
tipprevedi żieda gradwali iżda sinifikanti fil-baġit allokat
għall-azzjonijiet ta’ informazzjoni u ta’ promozzjoni favur il-prodotti
agrikoli (minn EUR 61,5 miljun fil-baġit tal-2013 għal
EUR 200 miljun fl-2020). Id-dejta dettaljata dwar l-implikazzjoni
finanzjarja tal-proposta tidher fid-dikjrazzjoni finanzjarja. Il-proposta dwar il-qafas finanzjarju
pluriennali (QFP) għall-2014-2020 tinkludi
għall-ewwel pilastru tal-PAK l-ammonti tal-pagamenti diretti u tal-infiq
marbuta mal-miżuri tas-suq. Bħala miżura
ta’ prekawzjoni, il-Kummissjoni qieset il-konklużjonijiet tal-Kunsill
Ewropew tat-8 ta’ Frar 2013, dwar il-qafas finanzjarju pluriennali.
Soġġett għall-adozzjoni tar-Regolament dwar il-qafas finanzjarju
pluriennali, l-iffinanzjar ta’ miżuri ta’ informazzjoni u ta’ promozzjoni
se jsir fil-limitu tal-ammonti miftiehma mill-Kunsill Ewropew. 2013/0398 (COD) Proposta għal REGOLAMENT TAL-PARLAMENT EWROPEW U
TAL-KUNSILL dwar azzjonijiet ta’ informazzjoni u ta’
promozzjoni għall-prodotti agrikoli fis-suq intern u fil-pajjiżi
terzi IL-PARLAMENT EWROPEW U L-KUNSILL
TAL-UNJONI EWROPEA, Wara li kkunsidraw it-Trattat dwar
il-Funzjonament tal-Unjoni Ewropea, u b’mod partikolari l-Artikoli 42
u 43(2) tiegħu, Wara li kkunsidraw il-proposta
mill-Kummissjoni Ewropea, Wara t-trażmissjoni tal-abbozz tal-att
leġiżlattiv lill-Parlamenti nazzjonali, Wara li kkunsidraw l-opinjoni tal-Kumitat
Ekonomiku u Soċjali Ewropew[13], Wara li kkunsidraw l-opinjoni tal-Kumitat
tar-Reġjuni[14], Filwaqt li jaġixxu skont
il-proċedura leġiżlattiva ordinarja , Billi: (1) Skont ir-Regolament
tal-Kunsill (KE) Nru°3/2008[15],
l-Unjoni tista’ timplimenta azzjonijiet ta’ informazzjoni u ta’ promozzjoni
fis-suq intern u fil-pajjiż terzi għall-prodotti agrikoli u l-metodu
tal-produzzjoni tagħhom, kif ukoll għal ċerti prodotti
alimentari bbażati fuq prodotti agrikoli. (2) L-għan ta’ dawn
l-azzjonijiet huwa li tissaħħaħ il-kompetittività
tal-agrikoltura Ewropea, kemm fis-suq intern kif ukoll fil-pajjiżi terzi,
billi jiżdied il-livell tal-għarfien tal-konsumaturi dwar il-merti
tal-prodotti agrikoli u tal-prodotti alimentari bbażati fuq il-prodotti
agrikoli tal-Unjoni kif ukoll billi jinfetħu u jiġu żviluppati
swieq ġodda. Dawn jikkomplementaw u jsaħħu b’mod utli
l-azzjonijiet mmexxija mill-Istati Membri. (3) Meta wieħed iqis mil-lat
tal-esperjenza miksuba, u mil-lat l-ieħor il-perspettivi tal-evoluzzjoni
tas-settur agrikolu u tas-suq intern kif ukoll estern tal-Unjoni, hemm lok
għar-reviżjoni tal-iskema stabbilita bir-Regolament (KE)
Nru 3/2008 biex dan ikun aktar effikaċi u koerenti. Huwa xieraq
għalhekk li jitħassar ir-Regolament (KE) Nru 3/2008 u li
jinbidel b’wieħed ġdid. (4) Fir-rigward tar-regoli
tal-kompetizzjoni, l-azzjonijiet immirati għas-suq intern għandhom
ikunu limitati għal azzjonijiet ta’ informazzjoni dwar
il-partikolaritajiet tal-metodi tal-produzzjoni agrikola tal-Unjoni jew dwar
it-temi li huma ta’ interess għall-Unjoni bħall-iskemi Ewropej
tal-kwalità stabbiliti bir-Regolament (UE) Nru°1151/2012 tal-Parlament Ewropew
u tal-Kunsill[16]. (5) Huma meħtieġa wkoll
azzjonijiet li jtejbu l-awtentiċità tal-prodotti tal-Unjoni sabiex
jissaħħaħ l-għarfien tal-konsumaturi dwar il-kwalitajiet
ta’ prodotti ġenwini meta mqabbla ma’ imitazzjonijiet u prodotti foloz;
dan se jikkontribwixxi b’mod sinifikanti għall-għarfien fl-Unjoni kif
ukoll fil-pajjiżi terzi dwar is-simboli, l-indikazzjonijiet u
l-abbrevjazzjonijiet li jixhdu l-parteċipazzjoni fl-iskemi Ewropej
tal-kwalità stabbiliti bir-Regolament (UE) Nru°1151/2012. (6) L-Unjoni prinċipalment
tesporta prodotti agrikoli finali, inklużi prodotti agrikoli mhux elenkati
fl-Anness I tat-Trattat dwar il-Funzjonament tal-Unjoni Ewropea
(“it-Trattatt”). Għalhekk l-iskema ta’ informazzjoni u ta’ promozzjoni
għandha tinfetaħ għal ċerti prodotti alimentari
bbażati fuq prodotti agrikoli, b’koerenza mal-iskemi l-oħra
tal-politika agrikola komuni (“PAK”) bħall-iskemi Ewropej tal-kwalità, li
diġà jipprovdu mekkaniżmi li huma miftuħa għal dawn
il-prodotti. (7) L-informazzjoni u
l-promozzjoni tal-inbejjed tal-Unjoni hija waħda mill-miżuri ewlenin
tal-programmi ta’ għajnuna fis-settur tal-inbid previsti fil-PAK. Konsegwentement, l-eliġibbiltà
ta’ nbid għal azzjonijiet ta’ informazzjoni u promozzjoni previsti skont
din l-iskema għandha tkun limitata biss għal inbid li huwa
assoċjat ma’ ieħor agrikolu jew prodott tal-ikel. (8) Għall-perjodu 2001-2011,
bilkemm 30 % tal-baġit allokat għall-azzjonijiet ta’
informazzjoni u ta’ promozzjoni skont ir-Regolament (KE) Nru 3/2008
intefaq fuq misuri għall-pajjiżi terzi, meta dawn is-swieq joffru
potenzjal kbir għat-tkabbir. Għalhekk huma meħtieġa
arranġamenti speċifiċi sabiex jitħeġġu,
bil-għan li jintlaħaq 75 % tan-nefqa stmata, għadd akbar
ta’ azzjonijiet ta’ informazzjoni u ta’ promozzjoni favur il-prodotti agrikoli
tal-Unjoni fil-pajjiżi terzi, l-aktar permezz ta’ aktar appoġġ
finanzjarju. (9) Biex jiġi ggarantit
l-impatt tal-azzjonijiet ta’ informazzjoni u ta’ promozzjoni implimentati, dawn
għandhom jiġu żviluppati fil-kuntest ta’ programmi ta’
informazzjoni u ta’ promozzjoni. Programmi bħal dawn s’issa ġew
sottomessi minn organizzazzjonijiet professjonali jew interprofessjonali.
Sabiex jiżdied in-numru u sabiex tittejjeb il-kwalità tal-azzjonijiet proposti,
il-firxa ta’ benefiċjarji għandha titwessa’ biex tinkludi
organizzazzjonijiet tal-produtturi. Barra minn hekk, il-Kummissjoni
għandha tkun tista’ tissupplimenta l-programmi billi timplimenta
l-azzjonijiet fuq l-inizjattiva tagħha stess, partikolarment biex dan
jikkontribwixxi għall-ftuħ ta’ swieq ġodda. (10) L-azzjonijiet ta’
informazzjoni u ta’ promozzjoni kkofinanzjati mill-Unjoni għandhom
jagħtu dimensjoni Ewropea speċifika. Għal dan il-għan, u
sabiex ikun evitat sparpaljar ta’ riżorsi u sabiex tiżdied
il-viżibbiltà tal-Ewropa permezz ta’ dawn l-azzjonijiet ta’ informazzjoni
u ta’ promozzjoni għal prodotti agrikoli, jeħtieġ li jiġi
stabbilit programm ta’ ħidma li jiddefinixxi l-prijoritajiet
strateġiċi għal dawn l-azzjonijiet f’termini ta’ popolazzjonijiet,
ta’ prodotti, ta’ temi jew ta’ swieq fil-mira kif ukoll il-karatteristiċi
tal-messaġġi ta’ informazzjoni u ta’ promozzjoni. B’mod partikolari
l-Kummissjoni se tqis il-pożizzjoni predominanti tal-intrapriżi
żgħar u medji fis-settur agroalimentari, tas-setturi li jibbenefikaw
minn miżuri eċċezzjonali previsti fl-Artikoli 154, 155 u
156 tar-Regolament (UE) XXX/20… [tal-Parlament Ewropew u tal-Kunsill tal-… li
jistabbilixxi organizzazzjoni komuni tas-swieq fi prodotti agrikoli (ir-Regolament
dwar l-OKS Unika) (COM(2011)626)] u tal-ftehimiet tal-kummerċ ħieles
fil-qafas tal-politika kummerċjali tal-Unjoni Ewropea
għall-azzjonijiet immirati għall-pajjiżi terzi. (11) Sabiex jiġi żgurat
li azzjonijiet ta’ informazzjoni u ta’ promozzjoni huma implimentati b’mod
effettiv, dawn għandhom jiġu fdati lil korpi ta’ implimentazzjoni
magħżula kif xieraq. (12) Lil hinn mil-limiti
tal-azzjonijiet ta’ informazzjoni u ta’ promozzjoni, jeħtieġ li
l-Kummissjoni tiżviluppa u tikkoordina servizzi ta’ appoġġ
tekniku fil-livell Ewropew bil-għan li tgħin lill-operaturi
jieħdu sehem fi programmi kofinanzjati, biex iwettqu kampanji
effiċjenti jew biex jiżviluppaw l-attivitajiet tal-esportazzjoni
tagħhom. (13) L-azzjonijiet ta’
informazzjoni u ta’ promozzjoni għal prodotti agrikoli li huma
kkofinanzjati mill-Unjoni ma għandhomx ikunu orjentati lejn marki
kummerċjali u lanqas lejn l-oriġini speċifika tagħhom.
Madankollu, ir-referenza għal marki jew għall-oriġini jista’
jkollha effett ta’ ingranaġġ fil-kuntest ta’ azzjonijiet ta’ promozzjoni,
b’mod partikulari fil-pajjiżi terzi. Filwaqt li jiġu rispettati
kundizzjonijiet speċifiċi li għandhom jiġu stabbiliti,
b’mod partikolari d-drittijiet mal-protezzjoni tal-proprjetà intellettwali,
għandu għalhekk ikun possibbli li jagħti viżibilità akbar
lill-marki u l-oriġini u, fl-istess ħin, iżżomm bilanċ
tajjeb mal-prominenza ta’ messaġġi ġeneriċi iffokati fuq
is-sistema tal-karatteristiċi intrinsiċi tal-Unjoni dwar prodotti
agrikoli u prodotti tal-ikel ibbażati fuq prodotti agrikoli. (14) L-Unjoni hija ħerqana li
tissemplifika l-ambjent regolatorju tal-PAK. Dan l-approċċ
għandu jiġi applikat ukoll għar-Regolament dwar għoti ta’
informazzjoni u miżuri ta’ promozzjoni għal prodotti agrikoli. B’mod
partikolari, il-prinċipji ta’ tmexxija amministrattiva tal-programmi ta’
informazzjoni u promozzjoni għandhom jiġu riveduti bil-għan li
jiġu semplifikati u li jippermettu lill-Kummissjoni tistabbilixxi r-regoli
u l-proċeduri li japplikaw il-preżentazzjoni u l-għażla ta’
proposti għal programmi. (15) Il-kooperazzjoni bejn atturi
ekonomiċi ta’ Stati Membri differenti tikkontribwixxi b’mod sostanzjali
għall-valur miżjud Ewropew u għall-viżibbiltà akbar
tad-diversità tal-prodotti agrikoli. Minkejja l-prijorità mogħtija lil
programmi li ġew żviluppati b’mod konġunt bejn
l-organizzazzjonijiet proponenti fi Stati Membri differenti, fil-perjodu
2001-11 dawn tal-aħħar kienu responsabbli biss għal 16 %
tal-baġit allokat għal azzjonijiet ta’ informazzjoni u ta’
promozzjoni skont ir-Regolament (KE) Nru 3/2008. Arranġamenti
ġodda għandhom għalhekk jiġu introdotti, partikolarment
fir-rigward tal-ġestjoni baġitarja, sabiex jingħelbu l-ostakli
eżistenti għall-implimentazzjoni. (16) Jeħtieġ li jiġu
ddefiniti l-kriterji tal-finanzjament ta-azzjonijiet. Bħala regola
ġenerali, l-Unjoni għandha tkopri biss parti mill-ispejjeż
tal-programmi, bil-għan li l-organizzazzjonijiet proponenti interessati
jieħdu f’idejhom ir-responsabbiltà. Ċerti spejjeż
amministrattivi u tal-persunal li mhumiex marbuta mal-implimentazzjoni tal-PAK
jiffurmaw parti integrali ta’ azzjonijiet ta’ informazzjoni u ta’ promozzjoni u
jistgħu jkunu eliġibbli għal finanzjament mill-Unjoni. (17) Kull miżura għandha
tkun suġġetta għal monitoraġġ u evalwazzjoni sabiex
tittejjeb il-kwalità tiegħu u tingħata prova tal-kisbiet tiegħu.
F’dan il-kuntest għandha tiġi ddeterminata lista ta’ indikaturi u
l-impatt tal-politika tal-promozzjoni għandu jiġi vvalutat
mill-Kummissjoni b’rabta mal-objettivi strateġiċi tagħha.
Il-Kummissjoni għandha tistabbilixxi qafas ta’ monitoraġġ u ta’
evalwazzjoni għal din il-politika li jkun konsistenti mal-qafas ta’
monitoraġġ u evalwazzjoni komuni tal-PAK. (18) Sabiex ikunu żgurati
l-koerenza, l-effettività u l-ġestjoni soda tal-miżuri previsti f’dan
ir-Regolament, kif ukoll l-użu effiċjenti tal-fondi tal-Unjoni,
il-Kummissjoni għandha tingħata s-setgħa li tadotta atti ta’
delega skont l-Artikolu 290 tat-Trattat, fir-rigward tal-kundizzjonijiet
speċifiċi ta’ viżibilità tal-marki u l-indikazzjoni
tal-oriġini tal-prodotti, il-kriterja biex tkun iddeterminata
l-eliġibilità tal-organizzazzjonijiet proponenti, il-kondizzjonijiet li
jirregolaw offerti kompetittivi bejn l-organizzazzjonijiet implimentattivi u
l-kundizzjonijiet skont liema l-organizzazzzjoni proponenti tista’ tkun
awtorizzata timplimenta hija stess ċerti partijiet tal-programm, u fl-aħħar nett, il-kundizzjonijiet
speċifiċi li jiddeterminaw l-eliġibbiltà tal-ispejjeż ta’
azzjonijiet ta’ informazzjoni u ta’ promozzjoni għal programmi
sempliċi. Huwa partikolarment importanti li l-Kummissjoni twettaq
konsultazzjonijiet xierqa matul il-ħidma preparatorja tagħha,
inkluż l-użu ta' esperti esterni. Il-Kummissjoni, hija u tipprepara u
tfassal atti ta’ delega, għandha tiżgura illi d-dokumenti rilevanti
jintbagħtu simultanjament, fil-ħin u kif suppost lill-Parlament
Ewropew u lill-Kunsill. (19) Sabiex tiġi
ffaċilitata t-tranżizzjoni mis-sistema stabbilita mir-Regolament (KE)
Nru 3/2008 għas-sistema stabbilita minn dan ir-Regolament, xieraq li
s-setgħa li jiġu adottati atti skont l-Artikolu 290 tat-Trattat
tiġi ddelegata lill-Kummissjoni, fir-rigward tal-istabbiliment ta’
dispożizzjonijiet tranżitorji bejn id-dispożizzjonijiet
tar-Regolament (KE) Nru°3/2008 u dawk ta’ dan ir-Regolament. (20) Sabiex tiġi żgurata
l-applikazzjoni uniformi tal-kundizzjonijiet ta’ implimentazzjoni skont dan
ir-Regolament, il-Kummissjoni għandha tingħata setgħat ta’
implimentazzjoni għall-finijiet tal-adozzjoni ta’ atti ta’
implimentazzjoni dwar il-programmi ta’ ħidma li jistabbilixxu
l-prijoritajiet strateġiċi, l-għażla ta’ programmi
sempliċi, il-monitoraġġ u l-kontroll ta’ programmi
sempliċi, ir-regoli dwar il-konklużjoni ta’ kuntratti
għall-implimentazzjoni ta’ programmi sempliċi magħżula
skont dan ir-Regolament, kif ukoll qafas komuni għall-valutazzjoni
tal-impatt tal-programmi. Dawn is-setgħat għandhom jiġu
eżerċitati skont ir-Regolament (UE) Nru 182/2011 tal-Parlament
Ewropew u tal-Kunsill.[17].
(21) Sabiex tinkiseb aktar
konsistenza bejn miżuri ta’ promozzjoni differenti taħt l-ewwel
pilastru tal-PAK, għandu jiġi żgurat li l-azzjonijiet ta’
informazzjoni u ta’ promozzjoni eżistenti li jaqgħu fil-qafas
tar-Regolament (UE) Nru …/20… [COM(2011)626] tal-Parlament Ewropew u
tal-Kunsill [18] huma kompatibbli
mal-prijoritajiet strateġiċi li għandhom jiġu ddefiniti
fil-livell orizzontali fuq il-bażi ta’ dan ir-Regolament. (22) Minħabba r-rabtiet li
jeżistu bejn il-politika ta’ promozzjoni u l-istrumenti l-oħra
tal-PAK, l-għanijiet ta’ dan ir-Regolament jistgħu jintlaħqu
b’mod aktar effettiv fil-livell tal-Unjoni minħabba l-garanzija pluriennali
tal-finanzjament mill-Unjoni u minħabba l-iffokar ta’ dawn fuq
prijoritajiet definiti b’mod ċar. Dan ir-Regolament, għalhekk, huwa
skont il-prinċipju tas-sussidjarjetà, kif stipulat fl-Artikolu 5(3)
tat-Trattat dwar l-Unjoni Ewropea. Billi l-kamp ta’ applikazzjoni ta’ dan
ir-Regolament huwa limitat għal dak li huwa meħtieġ sabiex
jinkisbu l-objettivi tiegħu, jirrispetta wkoll il-prinċipju ta’
proporzjonalità stipulat fl-Artikolu 5(4) ta’ dak it-Trattat. ADOTTAW DAN IR-REGOLAMENT: Kapitolu I DISPOŻIZZJONIJIET
ĠENERALI Artikolu 1 Suġġett L-azzjonijiet ta’ informazzjoni u ta’
promozzjoni tal-prodotti agrikoli u ta’ ċerti prodotti alimentari
bbażati fuq prodotti agrikoli (minn hawn ’l quddiem imsejħa
“azzjonijiet ta’ informazzjoni u ta’ promozzjoni’), implimentati fis-suq intern
jew fil-pajjiżi terzi jistgħu jiġu ffinanzjati mill-baġit
tal-Unjoni, kollha kemm huma jew parzjalment, bil-kundizzjonijiet previsti
b’dan ir-Regolament. Artikolu 2 Azzjonijiet fis-suq intern 1. It-tipi ta’ azzjonijiet eliġibbli
fis-suq intern huma dawn li ġejjin: a) l-azzjonijiet ta’ informazzjoni
bil-għan li jenfasizzaw il-karatteristiċi speċifiċi
tal-metodi tal-produzzjoni agrikola tal-Unjoni, partikolarment f’termini ta’
sigurtà tal-ikel, tal-awtentiċità, tal-aspetti nutrittivi u
tas-saħħa, tal-benesseri tal-annimali u tar-rispett
għall-ambjent; b) l-azzjonijiet ta’ informazzjoni dwar it-temi
rilevanti għall-Unjoni, imsemmija fl-Artikolu 5(4). Artikolu 3 Azzjonijiet fil-pajjiżi terzi L-azzjonijiet eliġibbli fil-pajjiżi terzi
huma dawn li ġejjin: a) l-azzjonijiet ta’ informazzjoni
bil-għan li jenfasizzaw il-karatteristiċi tal-prodotti agrikoli u
tal-ikel u dwar it-temi msemmija fl-Artikolu 5(4); b) l-azzjonijiet ta’ promozzjoni
bil-għan li jżidu l-bejgħ tal-prodotti agrikoli u tal-ikel li
joriġinaw mill-UE. Artikolu 4 Karatteristiċi tal-azzjonijiet 1. L-azzjonijiet ta’
informazzjoni u ta’ promozzjoni mhumiex orjentati skont marki kummerċjali.
Madankollu, il-marki tal-prodotti jistgħu jkunu viżibbli matul
wirjiet jew avvennimenti ta’ tidwiq tal-prodotti u fuq l-informazzjoni u
l-materjal promozzjonali f’konformità ma’ kundizzjonijiet speċifiċi
li għandhom jiġu adottati skont l-Artikolu 6(a). 2. L-azzjonijiet ta’
informazzjoni ma għandhomx iħajru l-konsum ta’ prodott minħabba
l-oriġini tiegħu. Madankollu, l-oriġini ta’ prodotti
jistgħu jkunu viżibbli fuq informazzjoni u materjal promozzjonali
f’konformità ma’ kundizzjonijiet speċifiċi li għandhom jiġu
adottati skont l-Artikolu 6(b). 3. L-azzjonijiet ta’
informazzjoni u ta’ promozzjoni huma implimentat fil-qafas ta’: a) programmi ta’ informazzjoni u ta’
promozzjoni (minn hawn’ il quddiem imsejħa “programmi”) li jimmiraw, fuq
il-bażi ta’ sett ta’ operazzjonijiet koerenti, biex itejbu l-informazzjoni
dwar it-temi jew il-prodotti inkwistjoni kif ukoll il-bejgħ ta’ dawn
il-prodotti; b) inizjattivi tal-Kummissjoni. Artikolu 5 Prodotti u temi eliġibbli 1. Il-prodotti
li ġejjin jistgħu jkunu s-suġġett ta’ azzjonijiet ta’
informazzjoni u ta’ promozzjoni msemmija fl-Artikolu 3 u juru l-metodi
tal-produzzjoni u t-temi msemmija fl-Artikolu 2
u fil-punt (a) tal-Artikolu 3: a) il-prodotti agrikoli elenkati fl-Anness I
tat-Trattat dwar il-Funzjonament tal-Unjoni Ewropea (minn hawn’ il quddiem
imsejjaħ “it-Trattat”), esklużi l-prodotti tas-sajd u
tal-akkwakultura elenkati fl-Anness I tar-Regolament (UE) Nru [COM
(2011)416] tal-Parlament Ewropew u tal-Kunsill[19]
u t-tabakk; b) il-prodotti tal-ikel ibbażati fuq
prodotti agrikoli elenkati fil-paragrafu I tal-Anness I tar-Regolament
(UE) Nru 1151/2012 tal-Parlament Ewropew u tal-Kunsill; c) xorb spirituż (spirti tax-xorb)
b’indikazzjoni ġeografika protetta skont ir-Regolament (KE)
Nru 110/2008 tal-Parlament Ewropew u tal-Kunsill.[20]. 2. L-inbid jista’ jkun
is-suġġett ta’ azzjonijiet ta’ informazzjoni u ta’ promozzjoni sakemm
prodotti oħra kif imsemmija fil-paragrafu 1(a) jew (b) huma wkoll koperti
mill-programm inkwistjoni. 3. Fir-rigward tal-ispirti
tax-xorb kif imsemmi fil-paragrafu 1(c) u tal-inbid kif imsemmi
fil-paragrafu 2, l-azzjonijiet li jimmiraw is-suq intern huma limitati
biex jgħarrfu lill-konsumaturi dwar l-iskemi Ewropej tal-kwalità dwar
l-indikazzjonijiet ġeografiċi. 4. It-temi msemmija
fl-Artikolu 2, il-punt (b) u fl-Artikolu 3, il-punt (a) huma dawn li
ġejjin: a) l-iskemi tal-kwalità stabbiliti
fir-Regolament (UE) Nru 1151/2012, ir-Regolament (KE) Nru 110/2008 u
fl-Artikolu 70 tar-Regolament (UE) XXX/20… tal-Parlament Ewropew u
tal-Kunsill [ta’... li jistabbilixxi organizzazzjoni komuni tas-swieq fi
prodotti agrikoli (Ir-Regolament dwar l-OKS Unika) (COM (2011)626)]; b) il-metodu ta’ produzzjoni organika kif
definit bir-Regolament tal-Kunsill (KE) Nru 834/2007[21]; c) is-simbolu grafiku tal-prodotti agrikoli
ta’ kwalità li huma speċifiċi għar-reġjuni
ultraperiferiċi kif definiti fl-Artikolu 21 tar-Regolament (UE)
Nru 228/2013 tal-Parlament Ewropew u tal-Kunsill[22]. Artikolu 6 Setgħat ta’ delega Il-Kummissjoni għandha s-setgħa li
tadotta atti ta’ delega skont l-Artikolu 23 fir-rigward ta’: a) il-kundizzjonijiet
speċifiċi tal-viżibbiltà tal-marki kummerċjali waqt wirjiet
jew avvenimenti ta’ tidwiq ta’ prodotti u dwar il-materjal ta’ informazzjoni u
ta’ promozzjoni kif deskritti fl-Artikolu 4(1). b) il-kundizzjonijiet marbuta
mar-referenza tal-oriġini tal-prodotti kif imsemmija fl-Artikolu 4(2). Kapitolu II Implimentazzjoni
tal-AZZJONIJIET TA’ INFORMAZZJONI U TA’ PROMOZZJONI Taqsima 1 Dispożizzjonijiet komuni Artikolu 7 L-entitajiet proponenti Il-programm jista’ jiġi propost minn: a) organizzazzjonijiet professjonali
jew interprofessjonali nazzjonali; b) organizzazzjonijiet professjonali
jew interprofessjonali tal-Unjoni; c) l-organizzazzjonijiet tal-produtturi
jew assoċjazzjonijiet ta’ organizzazzjonijiet tal-produtturi, kif definiti
fl-Artikoli 106 u 107 tar-Regolament (UE) XXX/20.. tal-Parlament Ewropew u
tal-Kunsill [ta’... li jistabbilixxi organizzazzjoni komuSni tas-swieq fi
prodotti agrikoli (Ir-Regolament dwar l-OKS Unika) (COM(2011)626)]. Artikolu 8 Programm ta’ Ħidma 1. L-azzjonijiet ta’
informazzjoni u ta’ promozzjoni għandhom jikkontribwixxi
għat-tisħiħ tal-kompetittività tal-agrikoltura Ewropea kemm
fis-suq intern kif ukoll fil-pajjiżi terzi. L-għanijiet li
għandhom jintlaħqu se jiġu stabbiliti fil-programm ta’
ħidma msemmi fil-paragrafu 2. 2. Permezz ta’ att ta’
implimentazzjoni, il-Kummissjoni tadotta programm ta’ ħidma li
jistabbilixxu l-għanijiet li jiġu segwiti, il-prijoritajiet, ir-riżultati
mistennija, l-arranġamenti ta’ implimentazzjoni u l-ammont totali tal-pjan
ta’ finanzjament. Dan jinkludi wkoll il-kriterji prinċipali għall-evalwazzjoni,
deskrizzjoni tal-azzjonijiet li għandhom jiġu ffinanzjati,
indikazzjoni tal-ammont allokat għal kull azzjoni, skeda indikattiva
tal-implimentazzjoni u fil-każ tal-għotjiet, ir-rata massima ta’
kofinanzjament. L-att ta’ implimentazzjoni msemmi fl-ewwel
subparagrafu huwa adottat skont il-proċedura ta’ konsultazzjoni msemmija
fl-Artikolu 24(3). 3. Il-programm ta’ ħidma
msemmi fil-paragrafu 1 huwa implimentat permezz tal-pubblikazzjoni
mill-Kummissjoni: a) għall-programmi sempliċi,
sejħa għal proposti li tindika, notevolment il-kundizzjonijiet
għall-parteċipazzjoni u l-kriterji ewleni għall-valutazzjoni. b) għall-programmi multi, ta’ sejħa
għal proposti skont it-Titolu VI tal-Parti I tar-Regolament (UE,
Euratom) Nru 966/2012[23].
Artikolu 9 Il-programmi Għall-finijiet ta’ dan ir-Regolament,
japplikaw id-definizzjonijiet li ġejjin: a) “programm sempliċi’: programm
li jista’ jitressaq minn organizzazzjoni proponenti waħda jew aktar, kif
imsemmija fl-Artikolu 7(a) jew (c), u ġejjin minn wieħed u l-istess
Stat Membru; b) “programm multi”: programm li jista’
jitressaq minn bosta organizzazzjonijiet proponenti, kif imsemmija fl-Artikolu 7(a)
jew (c), u ġejjin minn bosta Stati Membri, jew minn organizzazzjoni
Ewropea jew aktar, kif imsemmija fl-Artikolu 7(b). Artikolu 10 Azzjonijiet bl-inizjattiva tal-Kummissjoni 1. Il-Kummissjoni tista’
timplimenta azzjonijiet ta’ informazzjoni u ta’ promozzjoni kif deskritti fl-Artikoli 2
u 3. Dawn l-azzjonijiet jistgħu jieħdu l-forma b’mod partikolari, ta’
parteċipazzjoni f’fieri kummerċjali u f’esponimenti ta’
importanza internazzjonali, bil-ħolqien ta’ stands jew operazzjonijiet maħsuba
biex jippromwovu r-reputazzjoni tal-prodotti tal-Unjoni. 2. Il-Kummissjoni
tiżviluppa s-servizzi ta’ appoġġ tekniku, b’mod partikolari
bil-ħsieb li trawwem l-għarfien dwar swieq differenti, li
żżomm netwerk kummerċjali dinamiku madwar politika ta’
informazzjoni u ta’ promozzjoni u li ttejjeb l-għarfien dwar
dispożizzjonijiet leġiżlattivi li jikkonċernaw
l-iżvilupp u l-implimentazzjoni tal-programmi. Artikolu 11 Esklużjoni ta’ fffinanzjar doppju L-azzjonijiet ta’ informazzjoni u ta’
promozzjoni li jirċievu appoġġ finanzjarju Ewropew ieħor, b’mod
partikolari skont ir-Regolament (UE) XXXX/20.. tal-Parlament Ewropew u
tal-Kunsill [ta’ … dwar l-appoġġ għall-iżvilupp rurali
mill-Fond Agrikolu Ewropew għall-Iżvilupp Rurali (FAEŻR)
(COM(2011)627)[24]]
jew skont ir-Regolament (UE) XXX/20… [tal-Parlament Ewropew u tal-Kunsill ta’
... li jistabbilixxi organizzazzjoni komuni tas-swieq fi prodotti agrikoli
(Ir-Regolament dwar l-OKS Unika) (COM(2011)626)], ma jistgħux
jirċievu finanzjament mill-Unjoni skont dan ir-Regolament. Taqsima 2 Implimentazzjoni u ġestjoni ta’ programmi
sempliċi Artikolu 12 Għażla ta’ programmi sempliċi 1. Il-Kummissjoni għandha
tevalwa u tagħżel proposti għal programmi sempliċi wara s-sejħa
għal proposti msemmija fl-Artikolu 8(3)(a). 2. Permezz ta’ atti ta’
implimentazzjoni, il-Kummissjoni tiddeċiedi dwar il-programmi
sempliċi magħżula, dwar it-tibdiliet li għandhom isiru
lilhom, u dwar il-baġits korrispondenti. Dawk l-atti ta’ implimentazzjoni
huma adottati skont il-proċedura tal-eżami msemmija fl-Artikolu 24(2). Artikolu 13 Korpi
inkarigati bit-twettiq tal-programmi sempliċi Wara sejħa għall-offerti
kompetittiva bil-proċedura xierqa, l-organizzazzjoni proponenti
għandha tagħżel il-korpi li se jimplimentaw programmi
sempliċi magħżula bil-ħsieb, b’mod partikolari, biex
jiġi żgurat li l-miżuri huma implimentati b’mod effikaċi. Artikolu 14 Implimentazzjoni, monitoraġġ u kontroll tal-programmi
sempliċi 1. L-Istati Membri
kkonċernati huma responsabbli għat-twettiq tajjeb tal-programmi
sempliċi magħżula msemmija skont l-Artikolu 12, kif ukoll
għall-pagamenti relatati. L-Istati Membri għandhom jieħdu
ħsieb li l-materjal ta’ informazzjoni u ta’ promozzjoni li jiġi
prodott fil-kuntest tal-programmi msemmija jikkonformaw mar-regoli tal-Unjoni. 2. L-Istati Membri jimplimentaw,
jissorveljaw u jikkontrollaw il-programmi sempliċi f’konformita
mar-Regolament (UE) Nru XXXX/20.. tal-Parlament Ewropew u tal-Kunsill
[ta’... dwar il-finanzjament, l-immaniġġjar u l-monitoraġġ
tal-politika agrikola komuni (COM(2011) 628] u skont l-arranġamenti li
għandhom jiġu adotatti skont il-punt (a) tal-ewwel paragrafu
tal-Artikolu 22. Artikolu 15 Dispożizzjonijiet finanzjarji relatati mal-programmi sempliċi 1. Il-kontribuzzjoni finanzjarja
tal-Unjoni għal programmi sempliċi ma għandhiex taqbeż
il-50 % tal-infiq eliġibbli għall-għajnuna. In-nefqa li
tibqa’ titħallas esklussivament mill-organizzazzjonijiet proponenti. 2. Il-perċentwal imsemmi
fil-paragrafu 1 jiżdied għal 60 % għal: a) programm sempliċi wieħed jew
aktar f’pajjiż terz jew aktar; b) l-azzjonijiet ta’ informazzjoni u ta’ promozzjoni
dwar il-frott u l-ħaxix destinati speċifikament għat-tfal
fl-istabbilimenti edukattivi tal-Unjoni, 3. L-istudji sabiex jiġu
evalwati r-riżultati tal-azzjonijiet ta’ informazzjoni u ta’ promozzjoni
skont l-Artikolu 23 huma eliġibbli għall-finanzjament tal-Unjoni
bil-kundizzjonijiet simili għal dawk li jirregolaw il-programm
sempliċi. 4. L-Unjoni tiffinanzja
għalkollox l-ispejjeż ta’ konsulenza marbuta mal-għażla
tal-programm f’konformità mal-Artikolu 4(2)(a) tar-Regolament (UE)
Nru XXXX/20.. tal-Parlament Ewropew u tal-Kunsill [ta’... dwar
il-finanzjament, l-immaniġġjar u l-monitoraġġ tal-politika
agrikola komuni (COM(2011) 628]. 5. Sabiex tiġi żgurata
l-implimentazzjoni xierqa tal-programmi sempliċi, l-organizzazzjonijiet
proponenti għandhom jipprovdu garanziji. 7. L-Unjoni għandha
tiffinanzja azzjonijiet ta’ informazzjoni u ta’ promozzjoni implimentati
permezz tal-programmi sempliċi skont l-Artikolu 4(1)(c)
tar-Regolament (UE) Nru XXXX/20.. tal-Parlament Ewropew u tal-Kunsill
[ta’... dwar il-finanzjament, l-immaniġġjar u l-monitoraġġ
tal-politika agrikola komuni (COM (2011) 628)]. Taqsima 3 Implimentazzjoni u ġestjoni tal-programmi multi
u tal-azzjonijiet bl-inizjattiva tal-Kummissjoni Artikolu 16 Tipi
ta’ finanzjament 1. Il-finanzjament jista’
jieħu wieħed jew aktar mill-forom previsti mir-Regolament (UE,
Euratom) Nru 966/2012, u b’mod partikolari dan jikkonsist fi: a) għotjiet għall-programmi multi; b) swieq għall-azzjonijiet
bl-inizjattiva tal-Kummissjoni. 2. Il-finanzjament mill-Unjoni ta’
azzjonijiet ta’ informazzjoni u ta’ promozzjoni implimentati permezz
tal-programmi multi jew bl-inizjattiva tal-Kummissjoni jsir skont l-Artikolu
4(2)(a) tar-Regolament (UE) Nru XXXX/20.. tal-Parlament Ewropew u
tal-Kunsill [ta’... dwar il-finanzjament, l-immaniġġjar u
l-monitoraġġ tal-politika agrikola komuni (COM(2011) 628)]. Artikolu 17 Evalwazzjoni tal-programmi multi Il-proposti għal programmi multi huma
evalwati u magħżula fuq il-bażi tal-għażla u
tal-għoti imħabbrin fis-sejħa għal proposti msemmija
fl-Artikolu 8(3)(b). Artikolu 18 Dispożizzjonijiet finanzjarji relatati mal-programmi multi Ir-rata massima ta’ kofinanzjament hija
stabbilita għal 60 % tal-ispejjeż totali eliġibbli
għall-programmi multi. In-nefqa li tibqa’ titħallas esklussivament
mill-organizzazzjonijiet proponenti. Artikolu 19 L-akkwist għal azzjonijiet
implimentati bl-inizjattiva tal-Kummissjoni Kwalunkwe akkwist effettwat mill-Kummissjoni
f’isimha stess jew flimkien ma’ Stati Membri huwa soġġett
għar-regoli dwar l-akkwist stipulati fir-Regolament (UE) Nru 966/2012
u fir-Regolament ta’ delega (UE) Nru 1268/2012. Artikolu 20 Protezzjoni tal-interessi finanzjarji tal-Unjoni 1. Il-Kummissjoni tieħu
miżuri xierqa sabiex tiżgura li, meta jiġu implimentati
azzjonijiet iffinanzjati skont din it-taqsima, l-interessi finanzjarji
tal-Unjoni jiġu mħarsa bl-applikazzjoni ta’ miżuri preventivi
kontra l-frodi, il-korruzzjoni u kwalunkwe attività illegali oħra,
b’kontrolli effikaċi u, jekk jiġu skoperti irregolaritajiet,
bl-irkupru tal-ammonti li jkunu tħallsu bi żball u, fejn xieraq,
b’penali amministrattivi u finanzjarji effikaċi, proporzjonali u
dissważivi. 2. Il-Kummissjoni jew
ir-rappreżentanti tagħha u l-Qorti tal-Awdituri jkollhom
is-setgħa li jawditjaw, abbażi tad-dokumenti u fuq il-post,
fir-rigward tal-benefiċjarji kollha tal-għotja, kuntratturi u
subkuntratturi li jkunu rċevew il-fondi tal-Unjoni. 3. L-Uffiċċju Ewropew Kontra
l-Frodi (OLAF) jista’ jwettaq investigazzjonijiet, inklużi kontrolli u
spezzjonijiet fuq il-post, skont id-dispożizzjonijiet u l-proċeduri
stipulati fir-Regolament (UE, Euratom) Nru 883/2013 tal-Parlament Ewropew
u tal-Kunsill[25]
u r-Regolament tal-Kunsill (Euratom, KE) Nru 2185/96[26] bil-għan li jistabbilixxi
jekk kienx hemm frodi, korruzzjoni jew kwalunkwe attività illegali oħra li
taffettwa l-interessi finanzjarji tal-Unjoni b’rabta ma’ ftehim ta’ għotja
jew ma’ deċiżjoni ta’ għotja jew ma’ kuntratt iffinanzjat
mill-Unjoni. 4. Bla preġudizzju
għall-paragrafi 1, 2 u 3, il-ftehimiet ta’ kooperazzjoni ma’
pajjiżi terzi u ma’ organizzazzjonijiet internazzjonali, kuntratti,
ftehimiet ta’ għotja u deċiżjonijiet ta’ għotja, li
jirriżultaw mill-implimentazzjoni ta’ dan il-Programm fihom
dispożizzjonijiet li espressament jagħtu s-setgħa
lill-Kummissjoni, lill-Qorti tal-Awdituri u lill-OLAF biex iwettqu tali
awditjar u investigazzjonijiet, skont il-kompetenzi rispettivi tagħhom. Taqsima 4 Setgħat ta’ delega u setgħat ta’
implimentazzjoni Artikolu 21 Setgħat ta’ delega Il-Kummissjoni għandha s-setgħa li
tadotta atti ta’ delega skont l-Artikolu 23 fir-rigward ta’: (a)
il-kondizzjonijiet speċifiċi skont liema
kull waħda mill-organizzazzjonijiet proponenti msemmija fl-Artikolu 7
tista’ tissottometti programm, b’mod partikolari bil-għan li tiggarantixxi
li r-rappreżentanza tal-organizzazzjonijiet u l-programm huwa ta’ skala
sinifikanti; (b)
il-kondizzjonijiet skont liema l-organizzazzjoni
proponenti tista’ tkun awtorizzata timplimenta hija stess ċerti partijiet
tal-programm permezz ta’ deroga mill-Artikolu 13; (c)
il-kondizzjonijiet li jirregolaw offerti
kompetittivi min-naħa tal-korpi ta’ implimentazzjoni msemmija
fl-Artikolu 13; (d)
il-kondizzjonijiet speċifiċi ta’
eliġibbiltà għall-programmi sempliċi, l-ispejjeż
tal-azzjonijiet ta’ informazzjoni u ta’ promozzjoni u, fejn meħtieġ,
l-ispejjeż amministrattivi u tal-persunal. Artikolu 22 Setgħat ta’ implimentazzjoni Il-Kummissjoni tadotta, permezz ta’ atti ta’
implimentazzjoni: a) l-arranġamenti
għall-implimentazzjoni, ta’ monitoraġġ u ta’ kontroll imsemmija
fl-Artikolu 14(2); b) ir-regoli li jikkonċernaw
il-konklużjoni ta’ kuntratti għall-implimentazzjoni tal-programmi
sempliċi approvati skont dan ir-Regolament, Dawn l-atti ta’ implimentazzjoni huma adottati
skont il-proċedura tal-eżami msemmija fl-Artikolu 24(2). Kapitolu III DELEGI TA’ SETGĦAT,
DISPOŻIZZJONIJIET TA’ IMPLIMENTAZZJONI, TRANSITORJI U FINALI Taqsima 1 Delega tas-setgħat u dispożizzjonijiet ta’
implimentazzjoni Artikolu 23 Eżerċizzju tad-delega 1. Is-setgħa li tadotta
atti ta’ delega hija mogħtija lill-Kummissjoni soġġett
għall-kundizzjonijiet stabbiliti f’dan l-Artikolu. 2. Is-setgħa li jiġu
adottati l-atti ta’ delega msemmija f’dan ir-Regolament għandha
tingħata lill-Kummissjoni għal perjodu ta’ żmien mhux determinat
mid-data tad-dħul fis-seħħ ta’ dan ir-Regolament. 3. Id-delega ta’ setgħa
msemmija f’dan ir-Regolament tista’ tiġi revokata fi kwalunkwe ħin
mill-Parlament Ewropew jew mill-Kunsill. Id-Deċiżjoni ta’ revoka
għandha ttemm id-delega ta’ setgħa speċifikata
f’dik id-Deċiżjoni. Ir-revoka
tieħu effett fil-jum wara dak tal-publikazzjoni tad-Deċiżjoni f’Il-Ġurnal
Uffiċjali tal-Unjoni Ewropea jew f’data oħra li tkun
speċifikata fiha. M’għandhiex taffettwa l-validità ta’ atti ta’
delega diġà fis-seħħ. 4. Hekk kif tadotta att ta’
delega, il-Kummissjoni għandha tinnotifika dan simultanjament
lill-Parlament Ewropew u lill-Kunsill. 5. Att ta’ delega adottat skont
dan ir-Regolament għandu jidħol fis-seħħ biss jekk ma tkun
tqajmet l-ebda oġġezzjoni mill-Parlament jew mill-Kunsill fi
żmien perjodu ta’ xahrejn min-notifika ta’ dak l-att lill-Parlament
Ewropew u lill-Kunsill, jew jekk, qabel ma jiskadi dak il-perjodu, il-Parlament
Ewropew u l-Kunsill it-tnejn ikunu għarrfu lill-Kummissjoni li mhumiex se
joġġezzjonaw. Dak il-perjodu għandu jiġi estiż
b’xahrejn fuq inizjattiva tal-Parlament Ewropew jew tal-Kunsill. Artikolu 24 Proċedura
ta’ kumitat 1. Il-Kummissjoni hija assistita
mill-Kumitat għall-organizzazzjoni komuni tas-swieq agrikoli stabbilit
bl-Artikolu 162 tar-Regolament (UE) XXXX/20.. [tal-Parlament Ewropew u
tal-Kunsill ta’ …. li jistabbilixxi organizzazzjoni komuni tas-swieq fi
prodotti agrikoli (ir-Regolament dwar l-OKS Unika)].
Dak il-kumitat huwa kumitat skont it-tifsira tar-Regolament (UE)
Nru 182/2011. 2. Fejn issir referenza
għal dan il-paragrafu, japplika l-Artikolu 5
tar-Regolament (UE) Nru 182/2011. 3. Fejn issir referenza
għal dan il-paragrafu, japplika l-Artikolu 4
tar-Regolament (UE) Nru 182/2011. Taqsima 2 Konsultazzjoni, evalwazzjoni u rapport Artikolu 25
Konsultazzjoni Fil-qafas tal-implimentazzjoni ta’ dan
ir-Regolament, il-Kummissjoni tista’ tikkonsulta l-grupp konsultattiv
“promozzjoni tal-prodotti agrikoli” stabbilti bid-Deċiżjoni
tal-Kummissjoni 2004/391/KE[27]. Artikolu 26 Evalwazzjoni tal-impatt tal-miżuri B’mod koerenti mal-qafas komuni ta’
monitoraġġ u ta’ evalwazzjoni tal-politika agrikola komuni previst
bl-Artikolu 110 tar-Regolament (UE) Nru …/20.. [COM(2011)628], skont
l-Artikolu 24(2), il-Kummissjoni tiddetermina l-qafas komuni
għall-valutazzjoni tal-impatt tal-programmi ta’ informazzjoni u ta’
promozzjoni ffinanzjati skont dan ir-Regolament, kif ukoll sistema ta’
indikaturi. Il-partijiet kollha kkonċernati
jikkomunikaw lill-Kummissjoni t-tagħrif u l-informazzjoni kollha
neċessarji biex tkun tista’ ssir il-valutazzjoni tal-impatt
tal-azzjonijiet. Artikolu 27
Rapport Qabel il-31 ta’ Diċembru [2020],
il-Kummissjoni tippreżenta lill-Parlament Ewropew u lill-Kunsill rapport
dwar l-applikazzjoni ta’ dan ir-Regolament, akkumpannjat minn proposti xierqa,
skont il-każ. Taqsima 3 Dispożizzjonijiet transitorji u finali Artikolu 28
Emenda tar-Regolament (UE)
Nru …/20… [COM(2011)626] Ir-Regolament (KE) Nru …/20…
[COM(2011)626] huwa emendat kif ġej: a) fl-Artikolu 34(2), jiżdied
is-subparagrafu l-ġdid li ġej: “L-istrateġija nazzjonali trid tkun
kompatibbli mal-prijoritajiet strateġiċi definiti fil-programm ta’
ħidma msemmi fl-Artikolu 6 tar-Regolament (UE) Nru XXX
tal-Parlament Ewropew u tal-Kunsill*. * Ir-Regolament (UE) Nru XXX
tal-Parlament Ewropew u tal-Kunsill ta’ …. dwar azzjonijiet ta’ informazzjoni u
ta’ promozzjoni għall-prodotti agrikoli fis-suq intern u fil-pajjiżi
terzi (ĠU L……..)” b) il-paragrafu li ġej
jiżdied mal-Artikolu 43: “5. Il-miżuri msemmija
fil-paragrafu 1 huma kompatibbli mal-prijoritajiet strateġiċi
definiti fil-programm ta’ ħidma msemmi fl-Artikolu 6 tar-Regolament
(UE) Nru°XXX.” Artikolu 29 Għajnuna
mill-Istat B’deroga
mill-Artikolu 146 tar-Regolament (UE) XXXX/20.. [tal-Parlament Ewropew u
tal-Kunsill * ta’... li jistabbilixxi organizzazzjoni komuni tas-swieq fi
prodotti agrikoli (Ir-Regolament dwar l-OKS Unika) (COM(2011) 626)] u
mill-Artikolu 3 tar-Regolament tal-Kunsill (KE) Nru 1184/2006[28], u bis-saħħa
tal-Artikolu 42, l-ewwel subparagrafu, tat-Trattat, l-Artikoli 107,
108 u 109 tat-Trattat ma għandhomx japplikaw għal pagamenti
magħmulin mill-Istati Membri skont dan ir-Regolament u f’konformità
mad-dispożizzjonijiet tagħha, u lanqas mal-kontribuzzjonijiet
finanzjarji li ġejjin minn dħul parafiskali jew minn kontributi
obbligatorji tal-Istati Membri, fil-każ ta’ programmi eliġibbli
għall-appoġġ tal-Unjoni skont l-Artikolu 42, it-tieni
subparagrafu, tat-Trattat li l-Kummissjoni tkun għażlet f’konformità
ma’ dan ir-Regolament. Artikolu 30
Tħassir Ir-Regolament (KE) Nru 3/2008 huwa
mħassar. Ir-referenzi għar-Regolament
imħassar jinftiehmu bħala referenzi għal dan ir-Regolament u
jinqraw skont it-tabella ta’ korrelazzjoni mniżżla fl-Anness ta’ dan
ir-Regolament. Artikolu 31 Dispożizzjonijiet
transitorji Il-Kummissjoni għandha s-setgħa li
tadotta l-atti ta’ delega f’konformita mal-Artikolu 21 biex tiżgura
t-tranżizzjoni bejn id-dispożizzjonijiet tar-Regolament (KE)
Nru 3/2008 u dawk ta’ dan ir-Regolament. Artikolu 32 Dħul
fis-seħħ u data tal-applikazzjoni Dan ir-Regolament jidħol
fis-seħħ fl-għoxrin jum wara dak tal-pubblikazzjoni tiegħu
f’Il-Ġurnal Uffiċjali tal-Unjoni Ewropea. [Ir-Regolament japplika minn ……] Dan ir-Regolament jorbot fl-intier tiegħu
u japplika direttament fl-Istati Membri kollha. Magħmul fi Brussell, Għall-Parlament Ewropew Għall-Kunsill Il-President Il-President ANNESS IT-TABELLA TA’ KORRELAZZJONI msemmija
fl-Artikolu 30 Ir-Regolament (KE) Nru 3/2008 || Dan ir-Regolament L-Artikolu 1 (1), l-ewwel subparagrafu L-Artikolu 1 (1) it-tieni subparagrafu L-Artikolu 1(2) L-Artikolu 2 L-Artikoli 3 u 4. L-Artikolu 5 L-Artikolu 6(1) L-Artikolu 6(2) L-Artikolu 7 L-Artikolu 8 L-Artikolu 9 L-Artikolu 10 L-Artikolu 11 L-Artikolu 12(1) L-Artikolu 12(2) L-Artikolu 13(1) L-Artikolu 13 (2), l-ewwel subaragrafu L-Artikolu 13(2), it-tieni subparagrafu L-Artikolu 13(2), it-tielet subparagrafu L-Artikolu 13(3), (4) u (5) L-Artikolu 13(6) L-Artikolu 14 L-Artikoli 15 u 16. L-Artikolu 17 L-Artikolu 18 L-Artikolu 19 L-Artikolu 20 || L-Artikolu 1 L-Artikolu 4(3)(a) L-Artikolu 4(1) u (2) L-Artikolu 2 u 3 Artikolu 5 L-Artikolu 8(1) L-Artikolu 7 --- --- L-Artikoli 12 u 17. --- L-Artikolu 10 L-Artikolu 13 --- L-Artikolu 14 L-Artikolu 16(1)(b) L-Artikolu 15(1) L-Artikolu 15(2) --- --- L-Artikolu 29 L-Artikoli 15(6) u 16(2) L-Artikoli 23 u 24. L-Artikolu 25 L-Artikolu 27 L-Artikolu 30 L-Artikolu 32 Ir-Regolament (KE) Nru 3/2008 kif allinjati mad-dispożizzjonijiet tat-Trattat ta’ Liżbona fuq il-proposta għal Regolament (UE) Nru° XXX/20.. [COM(2011)663] || Dan ir-Regolament L-Artikolu 1(1), l-ewwel subparagrafu L-Artikolu 1(1), it-tieni u t-tielet subparagrafi L-Artikolu 1(2) L-Artikolu 1(3) L-Artikolu 1(4) L-Artikolu 2 L-Artikoli 3 u 4. L-Artikolu 5 L-Artikolu 6(1) L-Artikolu 6(2) L-Artikolu 7 L-Artikolu 8 L-Artikolu 9 L-Artikolu 10 L-Artikolu 11 L-Artikolu 12(1) L-Artikolu 12(2) u (3) L-Artikolu 13(1) L-Artikolu 13 (2), l-ewwel subparagrafu L-Artikolu 13(2), it-tieni subparagrafu L-Artikolu 13(2), it-tielet subparagrafu L-Artikolu 13(3), (4) u (5) L-Artikolu 13(6) L-Artikolu 13(7) L-Artikolu 13(8) L-Artikolu 13(9) L-Artikolu 14 L-Artikolu 15(a) L-Artikolu 16(a) L-Artikolu 16(b) L-Artikolu 17 L-Artikolu 18 L-Artikolu 19 L-Artikolu 20 || L-Artikolu 1 L-Artikoli 4(3) u 8(2) L-Artikolu 4(1) u (2) L-Artikolu 8(2) --- L-Artikoli 2 u 3 L-Artikolu 5 L-Artikolu 8(2) L-Artikolu 7 --- --- L-Artikoli 12, 17 u 18 --- L-Artikolu 10 L-Artikoli 13, 19 u 21(b) 14 L-Artikolu 16(2) L-Artikolu 15 L-Artikolu 15(2) L-Artikolu 29 L-Artikolu 11 L-Artikolu --- L-Artikolu 15(5) L-Artikolu 22 L-Artikoli 15(6) u 16(2) --- L-Artikolu 23 L-Artikolu 24 L-Artikolu 25 L-Artikolu 27 L-Artikolu 30 L-Artikolu 32 DIKJARAZZJONI FINANZJARJA
LEĠIŻLATTIVA 1. QAFAS TAL-PROPOSTA/INIZJATTIVA 1.1. Titolu tal-proposta Proposta
għal Regolament tal-Parlament Ewropew u tal-Kunsill (KE) dwar azzjonijiet
ta’ informazzjoni u ta’ promozzjoni għall-prodotti agrikoli fis-suq intern
u fil-pajjiżi terzi 1.2. Qasam/oqsma ta’ politika
kkonċernata/i fl-istruttura ABM/ABB[29] Titolu
tal-Qasam ta’ Politika 05 tal-Intestatura 2 1.3. Natura tal-proposta X
Il-proposta hija relatata
ma’ azzjoni ġdida ¨ Il-proposta hija relatata ma’ azzjoni ġdida li ssegwi
proġett pilota/azzjoni preparatorja[30]
X Il-proposta hija
relatata mal-estensjoni ta’ azzjoni eżistenti ¨ Il-proposta hija relatata ma’ azzjoni diretta mill-ġdid lejn
azzjoni ġdida Il-proposta tikkonċerna estensjoni ta’
azzjoni eżistenti iżda bl-introduzzjoni ta’ aspetti ġodda. 1.4. Għan(ijiet) 1.4.1. Għan(ijiet)
strateġiċi pluriennali tal-Kummissjoni fil-mira tal-proposta Il-proposta
għandha fil-mira tagħha l-użu effikaċi tar-riżorsi,
għall-fini ta’ tkabbir intelliġenti, sostenibbli u inklussiv
għas-settur tal-agrikoltura tal-UE f’konformità mal-Istrateġia
Ewropa 2020. B’mod
simili bħall-politika agrikola komuni (PAK) tal-UE, il-politika
tal-promozzjoni Ewropea favur il-prodotti agrikoli ssegwi l-għanijiet
tar-riforma tal-PAK għall-programm Orizzont 2020 u b.mod partikolari,
l-għan tat-tisħiħ tal-kompetittività tas-settur agrikolu kemm
fis-suq intern kif ukoll fil-pajjiżi terzi. 1.4.2. Għan(ijiet)
speċifiku(iċi) u attività(jiet) ABM/ABB ikkonċernati L-għan speċifiku Li
titjieb il-kompetittività tas-settur agrikolu u jissaħħaħ
is-sehem tal-valur tagħha fil-katina alimentari Attività(jiet) ABM/ABB ikkonċernata(i) 05
02 “Interventi fis-swieq agrikoli” 1.4.3. Riżultat(i) u impatt(i)
mistennija Skont
din il-proposta, il-politika tal-promozzjoni se jkollha strateġija globali
li bis-saħħa tagħha tkun tista’ twieġeb b’mod immirat u
effikaċi għall-opportunitajiet ekonomiċi fil-pajjiż terzi,
pereżempju b’rabta mal-ftehimiet tal-kummerċ liberu, u
mal-ħtieġa ta’ informazzjoni dwar il-vantaġġi ta’ prodotti
agrikoli Ewropej. L-istrateġija
tal-promozzjoni se tiddefinixxi l-messaġġi li għandhom
jitwasslu, li b’mod partikolari se jisħqu fuq l-elementi
speċifiċi tal-PAK jiġifieri l-metodi tal-produzzjoni sostenibbli
u l-iskemi tal-kwalita tagħha. F’termini
ta’ impjiegi, l-impatt se jkun marbut ma’ riperkussjonijiet ekonomiċi
mistennija, iżda din il-proposta għandha tikkontribwixxu biex
jinżammu l-impjiegi fis-settur agrikolu u tal-ikel, speċjalment
fl-intrapriżi żgħar u medji (bis-saħħa tal-prijorità
li l-istrateġija tagħti lilhom), li jirrappreżentaw 99 %
tal-intrapriżi agroalimentari u 63 % tal-impjiegi f’dan is-settur. Żieda
fl-għadd ta’ programmi li jinvolvu organizzazzjonijiet minn pajjiżi
differenti tal-UE (imsejħa programmi ta’ pajjiżi multipli), b’valur
miżjud Ewropew għoli, hija mistennija b’konsegwenza
tas-semplifikazzjoni tal-għażla u tal-ġestjoni, realizzati
fil-livell tal-Kummissjoni, mingħajr ma l-Istati Membri jkunu involuti fi
stadju intermedjarju. 1.4.4. Indikaturi tar-riżultati
u tal-impatti L-indikaturi
ġew stabbiliti fi tliet livelli differenti skont l-għanijiet: Indikaturi tal-impatt: - Il-Bilanċ
Kummerċjali Agrikolu Ewropew; - Dħul
agrikolu. Indikaturi tar-riżultati: - L-esportazzjonijiet
agrikoli Ewropej; - Il-valur
tal-produzzjoni ta’ prodotti bid-denominazzjonijiet Ewropej ta’ kwalità u
l-importanza tal-biedja organika (indikaturi li jkejlu indirettament
is-suċċess tal-istrateġija — temi ta’ prijorità...); - Il-perċezzjoni
tal-konsumaturi tar-reputazzjoni tal-prodotti (stħarriġ, rapporti
tal-Eurobarometer, eċċ.). Indikaturi tal-implimentazzjoni: - L-għadd
ta’ programmi (Suq intern/Pajjiżi terzi); - Benefiċjarji
ġodda (l-organizzazzjonijiet proponenti bħala proporzjon tan-numru
totali ta’ organizzazzjonijiet proponenti); - L-għadd
ta’ programmi ta’ pajjiżi multipli. 1.5. Raġuni(jiet)
għall-proposta 1.5.1. Rekwiżit(i) li
għandhom jiġu ssodisfati fuq perjodu qasir jew twil Il-problema
prinċipali hija aktar pressjoni fuq il-kompetittività tas-settur agrikolu
li tirriżulta minn tliet fatturi differenti: - Kompetizzjoni
qawwija min-naħa tal-pajjiżi terzi vis-a-vis il-prodotti agrikoli
Ewropej; - Żieda
fir-rekwiżiti li għandhom jiġu rispettati mill-agrikolturi u
fl-ispejjeż għall-ekonomija agrikola fl-UE. Pereżempju,
fil-perjodu 2000-12 il-prezzijiet agrikoli dinjin, żdiedu bi 82 %
filwaqt li l-prezzijiet tal-enerġija żdiedu b’261 % u
l-prezzijiet tal-fertilizzanti b’286 %, u b’hekk is-settur qed
jiffaċċja l-ogħla livell ta’ volatilità f’dawn l-aħħar
tliet deċennji; - Livell
baxx ta’ għarfien dwar il-merti tal-prodotti agrikoli tal-UE,
speċjalment fuq is-suq intern. Pereżempju,
il-maġġoranza tal-Ewropej iqisu li l-prijorità ewlenija
għall-Unjoni Ewropea f’termini tal-politika agrikola u l-politika dwar
l-iżvilupp rurali hija li jiġi żgurat li prodotti agrikoli huma
ta’ kwalità tajba, b’saħħithom u sikuri. Fl-istess ħin,
14 % biss tal-Ewropej jirrikonoxxu l-lowgos DPO[31]/IĠP[32], li jikkostitwixxu wieħed
mill-fatturi ewlenin ta’ skemi Ewropej ta’ kwalità stabbilita mill-Unjoni. 1.5.2. Valur miżjud
tal-involviment tal-UE Il-politika
agrikola komuni hija politika Ewropea ġenwina. Minflok 28 politika
agrikola, l-Istati Membri jikkondividu r-riżorsi tagħhom sabiex
iħaddmu politika Ewropea b’baġit komuni u b’regoli komuni,
inkluż dwar il-kwistjoni ta’ promozzjoni. B’mod partikolari, f’suq uniku
azzjoni fil-livell tal-UE se jkollha effett importanti ta’ ingranaġġ
biex (a) ikun eħfef li wieħed iwaqqaf programmi ta’ informazzjoni
ġenerika li, min-natura tagħhom stess, rarament huma implimentati
mill-Istati Membri jew mill-intrapriżi, u fil-kuntest attwali b’mod
partikolari minħabba l-kriżi ekonomika, u (b) jiġu implimentati
programmi ta’ pajjiżi multipli li jwasslu biex ikun hemm skambju ta’
esperjenzi bejn l-Istati Membri kif ukoll ekonomiji ta’ skala. 1.5.3. Tagħlimiet minn
esperjenzi simili fl-imgħoddi Azzjonijiet
ta’ informazzjoni u ta’ promozzjoni dejjem iffurmaw parti mill-PAK. Sa
mill-1999, il-PAK b’mod speċifiku ssostni azzjonijiet ta’ informazzjoni u
ta’ promozzjoni fi ħdan is-setturi agrikoli u agroalimentari Ewropej
fis-suq intern u fil-pajjiżi terzi permezz ta’ skema orizzontali ta’
informazzjoni u ta’ promozzjoni tal-prodotti agrikoli. Hemm
bosta indikazzjonijiet li politika ta’ promozzjoni Ewropea għandha rwol
pożittiv, u fl-aħħar mill-aħħar tippermetti
lill-produtturi agrikoli Ewropej li jiġu kkumpensati għall-isforzi
tagħhom biex jikkonformaw mal-istandards għoljin tal-PAK: - Fl-2009,
il-Qorti Ewropea tal-Awdituri wettqet awditjar tal-iskema, li kien iffoka fuq
l-effikaċja tal-azzjonijiet ta’ informazzjoni u ta’ promozzjoni u fuq
ir-regolarità tan-nefqa. Il-Qorti Ewropea tal-Awdituri għandha opinjoni
favorevoli tal-iskema, ukoll jekk huwa diffiċli biex jiġi
kkwantifikat l-impatt tagħha[33]; - Il-konklużjonijiet
tal-evalwazzjoni tal-iskema ppermettew ukoll analiżi tal-iskema attwali[34]; - Għalkemm
hija rilevanti għal politika pubblika differenti, analiżi
tal-kostbenefiċċju tal-programmi tal-iżvilupp tas-swieq
ġestiti mill-USDA kkonkludiet li l-esportazzjonijiet agrikoli tal-Istati
Uniti żdiedu b’USD 35 għal kull dollaru żejjed minfuq
permezz ta’ dawn il-programmi ta’ promozzjoni, u li tnaqqis fil-baġit pubbliku
għall-promozzjoni jirriżulta fi tnaqqqis ta’ 50 %
tal-esportazzjonijiet agrikoli li huwa stmat għal USD 9 biljun.
Għalkemm il-valur ta’ dawn il-proporzjonijiet mhuwiex garantit, huwa
interessanti li wieħed jinnota l-aspett pożittiv ċar ħafna
tagħhom li appoġġja l-valur pożittiv tal-politiki
pubbliċi ta’ informazzjoni u ta’ promozzjoni tal-prodotti agrikoli[35]. 1.5.4. Kompatibilità u sinerġija
possibbli ma’ strumenti oħra rilevanti Meta
wieħed iqis il-karatteristiċi speċifiċi tas-setturi
differenti, il-proposta tipprevedi li ssaħħaħ is-sinerġiji
bejn din l-iskema orizzontali ta’ promozzjoni u l-iskemi settorjali li
jeżistu fil-PAK permezz tal-istrateġija ta’ promozzjoni u
l-iżvilupp ta’ identità komuni, billi tinkludi l-elementi viżwali u
l-kontenut għall-azzjonijiet kollha ta’ promozzjoni. 1.6. Tul ta’ żmien u impatt
finanzjarju: ¨ Proposta b’tul ta’ żmien limitat:
–
¨ Il-proposta fis-seħħ minn … sa … –
¨ Impatt finanzjarju minn … sa … X Proposta b’tul ta’ żmien mhux limitat –
Implimentazzjoni b’perjodu tal-bidu fi: (Ara l-punt
3.2.1 hawn taħt), –
segwita minn operazzjoni fuq skala sħiħa. 1.7. Metodu(i) ta’ ġestjoni
ppjanat(i)[36] X Ġestjoni diretta mill-Kummissjoni –
¨ mid-dipartimenti tagħha, inkluż mill-persunal tagħha
fid-delegazzjonijiet tal-Unjoni; –
X mill-aġenziji eżekuttivi X Ġestjoni kondiviża mal-Istati
Membri ¨ Ġestjoni indiretta permezz tad-delega tal-kompiti ta’ implimentazzjoni baġitarja
lil: –
¨ pajjiżi terzi jew il-korpi li jkunu nnominaw; –
¨ organizzazzjonijet internazzjonali u l-aġenziji tagħhom
(jridu jiġu speċifikati); –
¨il-BEI u l-Fond Ewropew tal-Investiment; –
¨ korpi msemmijin fl-Artikoli 208 u 209 tar-Regolament Finanzjarju; –
¨ korpi tal-liġi pubblika; –
¨ korpi rregolati mil-liġi privata b’missjoni ta’ servizz pubbliku
safejn jipprovdu garanziji finanzjarji adegwati; –
¨ korpi rregolati mil-liġi privata ta’ Stat Membru li huma
inkarigati biex jimplimentaw sħubija pubblika-privata u li jipprovdu
garanziji finanzjarji adegwati; –
¨ persuni li huma inkarigati biex jimplimentaw azzjonijiet
speċifiċi fil-PESK skont it-Titolu V tat-Trattat dwar l-Unjoni
Ewropea, identifikati fl-att bażiku rilevanti. – Jekk ikun indikat aktar minn metodu wieħed
ta’ ġestjoni, jekk jogħġbok agħti d-dettalji fit-taqsima
“Kummenti”. Kummenti L-iskema hija
attwalment ġestita fuq il-bażi ta’ ġestjoni kondiviża
(in-nefqa ewlenija marbuta mal-implimentazzjoni tal-programmi) u ta’
ġestjoni diretta ċentralizzata (azzjonijiet ta’ informazzjoni u ta’
promozzjoni bl-inizjattiva tal-Kummissjoni). Il-metodi ta’
ġestjoni involuti fil-proposta huma l-ġestjoni kondiviża u
l-ġestjoni diretta. B’konformità
mal-Artikolu 3(4) tar-Regolament (KE) Nru 58/2003, il-Kummissjoni
għandha l-intenzjoni li testernalizza ċerti kompiti dwar
il-ġestjoni diretta tal-programmi ta’ informazzjoni u ta’ promozzjoni,
b’mod partikolari għall-programmi ta’ pajjiżi multipli, lil
aġenzija eżekuttiva eżistenti, bil-għan li jipprovdu
servizz aktar effiċjenti u jtejbu l-viżibilità tal-UE fl-azzjonijiet
ta’ informazzjoni u ta’ promozzjoni tal-prodotti agrikoli. 2. MIŻURI TA’ ĠESTJONI 2.1. Regoli ta’
monitoraġġ u ta’ rappurtar: Ir-regoli jipprovdu
għall-evalwazzjoni tal-programmi. Attwalment dawn l-evalwazzjonijiet isiru
kull sena u huma ssupplimentati minn valutazzjoni globali fi tmiem il-programm.
Qafas komuni għall-valutazzjoni tal-impatt tal-azzjonijiet se jiġi
stabbilit f’konformità mal-qafas komuni ta’ monitoraġġ u ta’
evalwazzjoni tal-PAK. L-evalwazzjoni ta’ azzjonijiet ta’
informazzjoni u ta’ promozzjoni se tiġi ssupplimentata minn
evalwazzjonijiet regolari esterni tal-iskema. Rapport mill-Kummissjoni lill-Parlament
u lill-Kunsill dwar l-applikazzjoni tal-iskema huwa previst għal mhux
aktar tard mill-31 ta’ Diċembru [2020]. 2.2. Sistema ta’ ġestjoni u
ta’ kontroll 2.2.1. Riskju/i identifikat/i L-iskema
orizzontali ta’ informazzjoni u ta’ promozzjoni tal-prodotti agrikoli ilha
teżisti mis-sena 2000. Din hija kkontrollata regolarment, u jsiru
aġġustamenti fil-proċeduri ta’ monitoraġġ u ta’
kontroll kull meta jitqiesu neċessarji. Fuq il-bażi tal-awditi
mwettqa mid-DĠ AGRI u tal-awditi tal-Qorti Ewropea tal-Awdituri, ir-riskji
ewlenin li ġew identifikati għall-azzjonijiet ta’ informazzjoni u ta’
promozzjoni huma marbutin man-natura intanġibbli ta’ ċerti nfiq u
mal-implimentazzjoni ta’ azzjonijiet lil hinn mill-fruntieri tal-UE. 2.2.2. Informazzjoni li tikkonċerna
s-sistema stabbilita ta’ kontroll intern Sabiex
ikunu limitati r-riskji, se jiġu definiti l-proċeduri
tal-għażla, tal-implimentazzjoni, tal-monitoraġġ,
tal-kontroll u tal-evalwazzjoni. B’mod
partikolari, il-Kummissjoni se tistabbilixxi proċeduri għall-għażla
tal-aħjar programmi u mbagħad dawn tbiddilhom għal strumenti
ġuridiċi. Hija se tistabbilixxi wkoll il-kundizzjonijiet
speċifiċi ta’ eliġibbiltà tal-ispejjeż tal-azzjonijiet u,
skont in-natura tan-nefqa, jista’ jkun il-każ li japplikaw somom f’daqqa,
skali ta’ spejjeż, eċċ. Hija se tqis ukoll l-implimentazzjoni
ta’ programmi mill-korpi ta’ implimentazzjoni speċjalizzati, li wħud
minnhom se jkunu ġejjin minn barra l-Unjoni Ewropea. Il-proċeduri ta’
kontroll se jiġu stabbiliti għal kull metodu ta’ ġestjoni
baġitarja fir-rigward tan-nefqa. Fil-każ
tal-ġestjoni kondiviża, il-qafas tal-kontroll se jkun
ibbażat fuq proċeduri komuni ta’ kontroll għall-PAK, kif
riveduti fil-qafas tar-riforma (COM (2011) 628), u b’mod partikolari
d-dikjarazzjoni ta’ assigurazzjoni li għandha tiġi pprovduta kull
sena minn kull aġenzija ta’ pagamenti. Fil-każ
tal-ġestjoni diretta, il-qafas tal-kontroll tal-għotjiet se
jkun ibbażat fuq ir-regoli stabbiliti fir-Regolament Finanzjarju (UE,
Euratom) Nru 966/2012, b’mod partikolari rigward l-implimentazzjoni
tal-istandards ta’ kontroll intern tal-Kummissjoni, il-kontrolli ex ante
tad-dikjarazzjonijiet kollha u ċ-ċertifikazzjoni
tal-metodoloġiji tal-kostijiet, l-awditi ex post fuq kampjun ta’
dikjarazzjonijiet. Fil-kuntest
tal-esternalizzazzjoni tal-ġestjoni tal-programm ta’ promozzjoni,
il-Kummissjoni se twettaq ukoll il-miżuri ta’ kontroll meħtieġa
għall-Aġenziji Eżekuttivi skont l-Artikolu 65 tar-Regolament
Finanzjarju. Hija se tissorvelja u tikkontrolla li l-Aġenzija
Eżekuttiva tikseb l-objettivi ta’ kontroll xierqa għall-azzjonijiet
li se tkunu fdata biex tamministra. Dan il-monitoraġġ se jkun previst
fl-arranġamenti ta’ kooperazzjoni bejn id-Direttorat Ġenerali u
l-Aġenzija. Il-Kummissjoni
se tkompli tagħmel awditjar tan-nefqa agrikola, billi tuża
approċċ ibbażat fuq ir-riskju sabiex tiżgura li
l-eżerċizzji tal-awditjar huma mmirati lejn dawk l-oqsma bl-akbar
riskju. 2.2.3. Stima tal-kosti u
tal-benefiċċji tal-kontrolli u valutazzjoni tal-livell mistenni
tar-riskju ta’ żball Il-miżuri
ta’ informazzjoni u ta’ promozzjoni se jkunu koperti dejjem bis-sistema
eżistenti ta’ ġestjoni u ta’ kontroll għan-nefqa tal-FAEG. Fir-rigward
tal-kostijiet għall-Istati Membri għall-kontrolli, fl-Anness 8 qed
tingħata analiżi tal-valutazzjoni tal-impatt li takkumpanja
l-proposti leġiżlattivi dwar ir-riforma tal-PAK (COM (2011) 626). Fir-rigward
tal-kostijiet għall-Kummissjoni, dawn se jkunu ogħla milli
fil-preżent minħabba żieda globali fin-nefqa (inkluż
irduppjar fin-nefqa attwali taħt ġestjoni kondiviża) u, b’mod
partikolari, in-nefqa marbuta ma’ programmi taħt ġestjoni diretta. Il-ġestjoni
diretta tal-programmi ta’ pajjiżi multipli se tkun fattur ġdid
għal din l-iskema. Stima bbażata biss fuq il-kostijiet
għall-kontroll ta’ programm tal-istess tip se tkun possibbli.
Pereżempju, wieħed jista’ jikkwota l-programmi
għall-kompetittività tal-intrapriżi u tal-intrapriżi
żgħar u medji (COM (2011)834) Mhuwiex
maħsub li l-proposta se twassal għal żieda fir-rata ta’
żball għall-FAEG . 2.3. Miżuri għall-prevenzjoni
ta’ frodi u irregolaritajiet Il-pakkett
leġiżlattiv għar-riforma tal-PAK, b’mod partikolari l-proposta
għal Regolament dwar il-finanzjament, l-immaniġġjar u
l-monitoraġġ tal-politika agrikola komuni, għandu l-għan li
jżomm u jsaħħaħ is-sistemi dettaljati attwali ta’ kontroll
u l-penalitajiet li għandhom jiġu applikati mill-aġenziji ta’
pagamenti, b’karatteristiċi bażiċi komuni u regoli
speċifiċi magħmula apposta skont il-partikolaritajiet ta’ kull
skema ta’ għajnuna. Ir-Regolament dwar il-finanzjament,
l-immaniġġjar u l-monitoraġġ tal-PAK se japplika wkoll
għar-regolament futur dwar il-politika ta’ promozzjoni. Ġeneralment,
is-sistemi ta’ kontroll jistipulaw kontrolli amministrattivi eżawrjenti
ta’ 100 % tal-applikazzjonijiet tal-għajnuna, kontrolli reċiproċi
ma’ bażijiet ta’ dejta oħra fejn dan huwa meqjus xieraq kif ukoll
kontrolli fuq il-post ta’ ħlas minn qabel ta’ għadd minimu ta’
tranżazzjonijiet, skont ir-riskju assoċjat mas-sistema inkwistjoni.
Jekk dawn il-kontrolli fuq il-post jiżvelaw għadd kbir ta’
irregolaritajiet, għandhom jitwettqu kontrolli addizzjonali. Il-pakkett
leġiżlattiv għar-riforma tal-PAK, fost l-oħrajn,
għandu l-għan li l-Istati Membri jipprevjenu, jidentifikaw u
jikkoreġu l-irregolaritajiet u l-frodi, li jimponu penalitajiet effettivi,
dissważivi u proporzjonati kif inhu stabbilit fil-leġiżlazzjoni
tal-Unjoni jew fil-liġi nazzjonali, u li jirkupraw kwalunkwe pagament
irregolari flimkien mal-imgħax. Il-pakkett jinkludi mekkaniżmu
awtomatiku ta’ approvazzjoni għall-każijiet ta’ irregolarità, li
jipprevedi li jekk l-irkupru ma jkunx seħħ fi żmien erba’ snin
mid-data tat-talba tal-irkupru, jew fi żmien tmien snin f’każ ta’
proċedimenti legali, l-ammonti li ma jiġux irkuprati għandhom
jitħallsu mill-Istat Membru konċernat. Dan il-mekkaniżmu se jkun
inċentiv qawwi biex l-Istati Membru jirkupraw pagamenti irregolari malajr
kemm jista’ jkun. Barra minn hekk, fir-rigward tal-kompiti esternalizzati
relatati mal-ġestjoni tal-politika futura ta’ promozzjoni, l-Aġenzija
Eżekuttiva se tkun meħtieġa li tinnotifika lill-Kummissjoni
każijiet potenzjali ta’ frodi u ta’ irregolaritajiet, fuq il-bażi ta’
każ b’każ u fir-rapporti regolari li hi tippubblika. Proċedura
ta’ kontroll rigoruża hija dejjem iktar importanti minħabba li
l-implimentazzjoni ta’ azzjonjiet ta’ promozzjoni hija fdata lil korpi ta’
implimentazzjoni li l-benefiċjarji, magħhom biss ikollhom rabta
kuntrattwali. Billi l-korpi ta’ implimentazzjoni huma entitajiet
kummerċjali li għandhom id-dritt li jagħmlu profitti,
jenħtieġ azzjoni intensiva biex ikun żgurat li l-azzjonijiet
huma implimentati b’mod regolari. 3. IMPATT FINANZJARJU STMAT TAL-PROPOSTA 3.1. Intestatura/i tal-qafas
finanzjarju pluriennali u tal-linja/i baġitarja/i tan-nefqa affettwata/i: · Linji baġitarji eżistenti Skont l-ordni
tal-intestaturi tal-qafas finanzjarju pluriennali u tal-linji baġitarji. Intestatura tal-qafas finanzjarju pluriennali || Linja baġitarja || Tip ta' nefqa || Kontribuzzjoni Numru [Deskrizzjoni………………...……………] || Diff/mhux diff. ([37]) || mill-pajjiżi tal-EFTA[38] || mill-pajjiżi kandidati[39] || minn pajjiżi terzi || skont it-tifsira tal-Artikolu 18(1)(aa), tar-Regolament Finanzjarju 2 || 05 02 10 01 – Azzjonijiet ta’ promozzjoni — Pagamenti mill-Istati by Membri 05 02 10 02 – Azzjonijiet ta’ promozzjoni — Pagamenti Diretti mill-Unjoni || Mhux diff. Diff. || LE LE || LE LE || LE LE || LE LE · Linji baġitarji ġodda mitluba Skont l-ordni tal-intestaturi
tal-qafas finanzjarju pluriennali u tal-linji baġitarji. Intestatura tal-qafas finanzjarju pluriennali || Linja baġitarja || Tip ta’ nefqa || Kontribuzzjoni Numru [Intestatura………………………………………] || Diff/Mhux diff. || mill-pajjiżi tal-EFTA || mill-pajjiżi kandidati || minn pajjiżi terzi || skont it-tifsira tal-Artikolu 18(1)(aa), tar-Regolament Finanzjarju 2 || 05 01 04 xx – Aġenzija Eżekuttiva || Mhux diff. || LE || LE || LE || LE Noti: Il-Kummissjoni qed tippjana biex tiddelega
parti mill-implimentazzjoni lil Aġenzija Eżekuttiva. Jekk
tagħmel dan, iridu jinħolqu xi linji baġitarji fi ħdan
it-titolu 05. 3.2. Impatt stmat fuq in-nefqa 3.2.1. Sommarju tal-istima tal-impatt
fuq in-nefqa F’miljuni ta’ EUR Intestatura tal-qafas finanzjarju pluriennali: || 2 || Tkabbir Sostenibbli: riżorsi naturali: Sublimitu “Nefqa relatata mas-suq u pagamenti diretti” DG: AGRI || || || 2014[40] || 2015[41] || 2016 || 2017 || 2018 || 2019 || 2020 || TOTAL Approprjazzjonijiet operazzjonali || || || || || || || || 05 02 10 01 || Impenji || (1) || 0,0 || 0,0 || 4,0 || 5,0 || 9,0 || 36,0 || 36,0 || 90,0 Pagamenti || (2) || 0,0 || 0,0 || 4,0 || 5,0 || 9,0 || 36,0 || 36,0 || 90,0 05 02 10 02 || Impenji || (1a) || 0,5 || 0,5 || 15,0 || 54,0 || 90,0 || 103,0 || 103,0 || 366,0 Pagamenti || (2a) || 0,2 || 0,2 || 0,5 || 12,7 || 31,1 || 58,6 || 84,2 || 187,5 Approprjazzjonijiet ta’ natura amministrattiva ffinanzjati mill-pakkett għall-programmi speċifiċi[42] || || || || || || || || 05 01 04 xx || || (3) || pm || pm || pm || pm || pm || pm || pm || pm TOTAL tal-approprjazzjonijiet għad-DĠ AGRI || Impenji || =1+1a +3 || 0,5 || 0,5 || 19,0 || 59,0 || 99,0 || 139,0 || 139,0 || 456, 0 Pagamenti || =2+2a +3 || 0,2 || 0,2 || 4,5 || 17,7 || 40,1 || 94,6 || 120,2 || 277,5 TOTAL tal-approprjazzjonijiet operazzjonali || Impenji || (4) || 0,5 || 0,5 || 19,0 || 59,0 || 99,0 || 139,0 || 139,0 || 456,0 Pagamenti || (5) || 0,2 || 0,2 || 4,5 || 17,7 || 40,1 || 94,6 || 120,2 || 277,5 TOTAL tal-approprjazzjonijiet ta’ natura amministrattiva ffinanzjati mill-pakkett għall-programmi speċifiċi || (6) || pm || pm || pm || pm || pm || pm || pm || pm TOTAL tal-approprjazzjonijiet għall-INTESTATURA 2 Intestatura tal-qafas finanzjarju pluriennali || Impenji || =4+ 6 || 0,5 || 0,5 || 19,0 || 59,0 || 99,0 || 139,0 || 139,0 || 456,0 Pagamenti || =5+ 6 || 0,2 || 0,2 || 4,5 || 17,7 || 40,1 || 94,6 || 120,2 || 277,5 Noti: - L-ammonti indikati huma stima tal-impatt
finanzjarju addizzjonali mqabbla mal-baġit tal-2013. It-tqassim
tal-ammonti bejn il-linji baġitarji jistgħu jiġu
aġġustati skont l-implimentazzjoni tal-programm. - Il-Kummissjoni
qed tippjana li mill-2016 tiddelega parti mill-implimentazzjoni lil
Aġenzija Eżekuttiva. Jista’ jkun li l-ammonti u r-rendikont
tal-kostijiet stmati jkollhom jiġu aġġustati skont il-livell ta’
delega finalment approvat. Għall-informazzjoni: Stima tan-nefqa totali || || || || || || || || || || || || || || || || || || || || || || || || F’miljuni ta’ EUR Is-sena || || || || || || Baġit 2013 || 2014 || 2015 || 2016 || 2017 || 2018 || 2019 || 2020 || Total 2014-2020 || || || || || || || || || || || || || || || 05 02 10 01 - Azzjonijiet ta’ promozzjoni - Pagamenti mill-Istati Membri || || 60,0 || 60,0 || 60,0 || 64,0 || 65,0 || 69,0 || 96,0 || 96,0 || 510,0 05 02 10 02 - Azzjonijiet ta’ promozzjoni - Pagamenti mill-Unjoni || Impenji || 1,0 || 1,5 || 1,5 || 16,0 || 55,0 || 91,0 || 104,0 || 104,0 || 373,0 || || || || || || Pagamenti || 1,1 || 1,4 || 1,4 || 1,6 || 13,9 || 32,2 || 59,8 || 85,4 || 195,5 || || || || || || || || || || || || || || || 05 01 04 XX – Aġenzija Eżekuttiva || || || || || || pm || pm || pm || pm || pm || pm || pm || pm || || || || || || || || || || || || || || || TOTAL || || || || || || Impenji || 61,0 || 61,5 || 61,5 || 80,0 || 120,0 || 160,0 || 200,0 || 200,0 || 883,0 || || || || || || Pagamenti || 61,1 || 61,4 || 61,4 || 65,6 || 78,9 || 101,2 || 155,8 || 181,4 || 705,5 Intestatura tal-qafas finanzjarju pluriennali: || 5 || “Nefqa amministrattiva” (imqabbla mal-baġit tal-2013) F’miljuni
ta’ EUR (sa 3 ċifri wara l-punt deċimali) || || || 2014 || 2015 || 2016 || 2017 || 2018 || 2019 || 2020 || TOTAL DĠ: AGRI || Riżorsi umani || 0,019 || 0,099 || -0.499 || -0.147 || 0.188 || 0.675 || 0,922 || 1,257 Nefqa amministrattiva oħra || 0,000 || 0,000 || 0,002 || 0,006 || 0,003 || -0,001 || -0,001 || 0,009 TOTAL DĠ AGRI || Approprjazzjonijiet || 0,019 || 0,099 || -0,497 || -0,141 || 0,191 || 0,674 || 0,921 || 1,266 TOTAL tal-approprjazzjonijiet għall-INTESTATURA 5 Intestatura tal-qafas finanzjarju pluriennali || (Total tal-impenji = Total tal-pagamenti) || 0,019 || 0,099 || -0,497 || -0,141 || 0,191 || 0,674 || 0,921 || 1,266 F’miljuni
ta’ EUR (sa 3 ċifri wara l-punt deċimali) || || || 2014 || 2015 || 2016 || 2017 || 2018 || 2019 || 2020 || TOTAL TOTAL tal-approprjazzjonijiet għall-INTESTATURI 1 sa 5 Intestatura tal-qafas finanzjarju pluriennali || Impenji || 0,519 || 0,559 || 18,501 || 58,583 || 99,188 || 139,675 || 139,922 || 457,266 Pagamenti || 0,219 || 0,299 || 4,003 || 17,559 || 40,291 || 95,274 || 121,122 || 278,766 3.2.2. Impatt stmat fuq
l-approprjazzjonijiet operazzjonali –
¨ Il-proposta/inizjattiva ma teħtieġ l-ebda użu ta’
approprjazzjonijiet operazzjonali –
X Il-proposta/inizjattiva teħtieġ
l-użu ta’ approprjazzjonijiet operazzjonali, kif spjegat hawn taħt: Approprjazzjonijiet ta’ impenn f’miljuni ta’ EUR Indika l-għanijiet u r-riżultati || || || 2014 || 2015 || 2016 || 2017 || 2018 || 2019 || 2020 || TOTAL RIŻULTATI (outputs) Tip[43] || Kost medju || Numru || Kost || Numru || Kost || Numru || Kost || Numru || Kost || Numru || Kost || Numru || Kost || Numru || Kost || Numru totali || Kost totali GĦAN SPEĊIFIKU[44] || Li titjieb il-kompetittività tas-settur agrikolu u li jissaħħaħ il-valur miżjud tiegħu fil-katina alimentari Riżultat[45] || Numru ta’ programmi (suq intern/pajjiżi terzi) || || || || || || || || || || || || || || || || RiżultatError! Bookmark not defined. || Benefiċjarji ġodda (il-proporzjon ta’ organizzazzjonijiet proponenti ġodda imqabbel man-numru totali tal-organizzazzjonijiet proponenti) || || || || || || || || || || || || || || || || RiżultatError! Bookmark not defined. || Numru ta’ programmi ta’ pajjiż multipli || || || || || || || || || || || || || || || || KOST TOTALI || || || || || || || || || || || || || || || || 3.2.3. Impatt stmat fuq
l-approprjazzjonijiet ta’ natura amministrattiva 3.2.3.1. Sommarju –
¨ Il-proposta/inizjattiva ma teħtieġ l-ebda użu ta’
approprjazzjonijiet amministrattivi –
X Il-proposta teħtieġ l-użu
tal-approprjazzjonijiet amministrattivi, kif spjegat hawn taħt: F’miljuni ta’ EUR (sa 3 ċifri wara
l-punt deċimali) || 2014 || 2015 || 2016 || 2017 || 2018 || 2019 || 2020 || TOTAL INTESTATURA nru 5 tal-qafas finanzjarju pluriennali || || || || || || || || Riżorsi umani || 2,508 || 2,588 || 1,990 || 2,342 || 2,677 || 3,164 || 3,411 || 18,680 Nefqa amministrattiva oħra || 0,110 || 0,110 || 0,111 || 0,116 || 0,113 || 0,109 || 0,109 || 0,778 Subtotal għall-INTESTATURA 5 tal-qafas finanzjarju pluriennali || 2,618 || 2,698 || 2,101 || 2,458 || 2,790 || 3,273 || 3,520 || 19,458 Minbarra l-INTESTATURA 5[46] tal-qafas finanzjarju pluriennali || || || || || || || || Riżorsi umani || || || || || || || || Nefqa amministrattiva oħra || || || || || || || || Subtotal minbarra l-INTESTATURA 5 tal-qafas finanzjarju pluriennali || || || || || || || || TOTAL (*) || 2,618 || 2,698 || 2,101 || 2,458 || 2,790 || 3,273 || 3,520 || 19,458 (*) Dawn
iċ-ċifri jistgħu jiġu aġġustati bħala
riżultat tal-proċedura ta’ delega prevista. 3.2.3.2. Stima tar-riżorsi
umani meħtieġa –
¨ Il-proposta/inizjattiva ma teħtieġ l-ebda użu ta’
riżorsi umani –
X Il-proposta teħtieġ l-użu ta’
riżorsi umani, kif spjegat hawn taħt: L-istima trid tiġi espressa f’ammonti
sħaħ (jew sa mhux aktar minn ċifra waħda wara l-punt
deċimali) || || 2014 || 2015 || 2016 || 2017 || 2018 || 2019 || 2020 || || Karigi fil-pjan ta’ stabbiliment (uffiċjali u persunal temporanju) || || XX 01 01 01 (fil-Kwartieri Ġenerali u fl-Uffiċċji tar-Rappreżentanza tal-Kummissjoni) || 19 || 19,5 || 13,7 || 15,3 || 17,1 || 20,1 || 21,6 || || XX 01 01 02 (delegazzjonijiet) || || || || || || || || || XX 01 05 01 (riċerka indiretta) || || || || || || || || || 10 01 05 01 (riċerka diretta) || || || || || || || || Persunal estern (f’unità ekwivalenti għal “full-time” – FTE)[47] || XX 01 02 01 (CA, SNE, INT mill-“pakkett globali”) || 0 || 0.2 || 2.6 || 4.6 || 6.0 || 7.3 || 8.0 || || XX 01 02 02 (CA, INT, JED, LA u SNE fid-Delegazzjonijiet) || || || || || || || || || XX 01 04 ss [48] || - fil-Kwartieri Ġenerali || || || || || || || || || - fid-Delegazzjoni || || || || || || || || || XX 01 05 02 (AC, END, INT fuq riċerka indiretta) || || || || || || || || || 10 01 05 02 (AK, INT, ENS fuq Riċerka diretta) || || || || || || || || || Linji baġitarji oħra (speċifika) || || || || || || || || || TOTAL || 19 || 19.7 || 16.3 || 19.9 || 23.1 || 27.4 || 29.6 || XX huwa l-qasam ta’ politika jew it-titolu tal-baġit
ikkonċernat. Ir-riżorsi umani
meħtieġa se jkunu mill-persunal tad-DĠ li diġà huma
assenjati bil-ġestjoni tal-azzjoni u/jew ġew allokati mill-ġdid
fi ħdan id-DĠ, flimkien ma’, jekk ikun meħtieġ, kwalunkwe
allokazzjoni addizzjonali li tista’ tingħata lid-DĠ ta’ ġestjoni
taħt il-proċedura ta’ allokazzjoni annwali u fid-dawl tal-limiti
baġitarji. (*) Din il-proposta
tifforma parti mill-programmi li għalihom hija prevista d-delega lil
Aġenzija Eżekuttiva. Dawn iċ-ċifri jistgħu
għalhekk jiġu aġġustati bħala riżultat tad-delega
finalment approvata. Deskrizzjoni
tal-kompiti li jridu jitwettqu: Uffiċjali u persunal temporanju || Implimentazzjoni tal-politika tal-promozzjoni ta’ prodotti agrikoli Persunal estern || 3.2.4. Kompatibbiltà mal-qafas
finanzjarju pluriennali –
X Il-proposta/inizjattiva hija kompatibbli
mal-proposti għall-qafas finanzjarju pluriennali 2014-2020. –
¨ Il-proposta se tinvolvi l-ipprogrammar mill-ġdid tal-intestatura
rilevanti fil-qafas finanzjarju pluriennali. –
¨ Il-proposta/inizjattiva teħtieġ l-applikazzjoni
tal-istrument tal-flessibilità jew reviżjoni tal-qafas finanzjarju
pluriennali. Noti: Il-proposta
dwar il-qafas finanzjarju pluriennali (QFP) 2014-2020[49] jinkludi l-ammonti ta’
pagamenti diretti u n-nefqa relatata mal-miżuri tas-suq tal-ewwel pilastru
tal-PAK. Bħala miżura ta’ prekawzjoni, il-Kummissjoni qieset
il-konklużjonijiet tal-Kunsill Ewropew tat-8 ta’ Frar 2013, dwar
il-qafas finanzjarju pluriennali. Soġġett għall-adozzjoni
tar-Regolament dwar il-Qafas Finanzjarju Pluriennali, il-miżuri ta’
promozzjoni se jiġu ffinanzjati fil-limiti tal-ammonti tas-sublimitu
tal-FAEG miftiehma mill-Kunsill Ewropew fit-8 ta’ Frar 2013. 3.2.5. Kontribuzzjonijiet minn
partijiet terzi fil-finanzjament –
Il-proposta ma tipprevedi l-ebda kofinanzjament minn
partijiet terzi –
X Il-proposta/l-inizjattiva tipprovdi
għall-kofinanzjament stmat hawn taħt: Il-kontribuzzjoni
finanzjarja tal-Unjoni għall-miżuri tal-programm hija indikata fl-Artikoli 15
u 18 tal-abbozz tar-Regolament. F’dan l-istadju mhuwiex possibbli li jiġi
kkwantifikat l-ammont totali tal-kontribuzzjoni tal-partijiet terzi,
minħabba li rati ta’ kontribuzzjoni jvarjaw skont il-kundizzjonijiet
definiti fl-Artikoli 15 u 18. 3.3. Impatt stmat fuq id-dħul
–
X Il-proposta ma għandha l-ebda impatt finanzjarju
fuq id-dħul. –
¨ Il-proposta għandha l-impatt finanzjarju li ġej: –
¨ fuq ir-riżorsi proprji –
¨ fuq id-dħul mixxellanju [1] Sors: Rapport annwali tal-IAAC għall-2010 [2] L-Assoċjazzjoni tan-Nazzjonijiet tax-Xlokk tal-Asja.
[3] Ir-rapport "What Asia wants Long-term food
consumption trends in Asia" Australian Bureau of Agricultural and Resource
Economics and Sciences, October 2013. [4] Sors: Centre for Economic Policy Research (2013):
Reducing Transatlantic Barriers to Trade and Investment – An Economic
Assessment (imħejji għad-DĠ TRADE), London. [5] Sors: Copenhagen Economics (2010): Assessment of
Barriers to Trade and Investment between the EU and Japan (final report to DG
TRADE). [6] Ir-Regolament tal-Kunsilll (KE) Nru 2826/2000
tad-19 ta’ Diċembru 2000 dwar l-azzjonijiet ta’ tagħrif u
ta’ promozzjoni għall-prodotti agrikoli fis-suq intern (ĠU L 328, 23.12.2000, p. 2) u
r-Regolament tal-Kunsill (KE) Nru°2702/1999 tal-14 ta’ Diċembru 1999
dwar miżuri sabiex jipprovdu t-tagħrif fuq, u jippromwovu, il-prodotti
agrikoli f’pajjiżi terzi (ĠU L 327, 21.12.1999, p. 7). [7] Regolament tal-Kunsill (KE) Nru 3/2008
tas-17 ta’ Diċembru 2007 dwar azzjonijiet ta’ informazzjoni u
promozzjoni għall-prodotti agrikoli fis-suq intern u fil-pajjiżi
terzi (ĠU L 3, 5.1.2008, p. 1). [8] Regolament tal-Kummissjoni (KE) Nru 501/2008
tal-5 ta’ Ġunju 2008 dwar termini u kundizzjonijiet ta’
applikazzjoni tar-Regolament tal-Kunsill (KE) Nru 3/2008 rigward
azzjonijiet ta’ informazzjoni u promozzjoni għall-prodotti agrikoli
fis-suq intern u fil-pajjiżi terzi (ĠU L 147, 6.6.2008, p. 3). [9] Ir-Regolament (UE, Euratom) Nru 966/2012
tal-Parlament Ewropew u tal-Kunsill tal-25 ta’ Ottubru 2012 dwar
ir-regoli finanzjarji applikabbli għall-baġit ġenerali
tal-Unjoni u li jħassar ir-Regolament tal-Kunsill (KE, Euratom)
Nru 1605/2002, ĠU L 298, 26.10.2012, p. 1). [10] COM(2011)500 (il-punt 6.1.3). [11] Ir-Regolament tal-Kunsill (KE) Nru 58/2003
tad-19 ta’ Diċembru 2002 li jfassal l-istatut
għall-aġenziji eżekuttivi li jridu jiġu fdati b’ċerti
kompiti fit-tmexxija tal-programmi tal-Komunità (ĠU L 11,
16.1.2003, p. 1). [12] Ir-Regolament (UE) Nru …, ĠU… [13] ĠU C , , p. . [14] ĠU C , p. . [15] Regolament tal-Kunsill (KE) Nru 3/2008
tas-17 ta’ Diċembru 2007 dwar azzjonijiet ta’ informazzjoni u
promozzjoni għall-prodotti agrikoli fis-suq intern u fil-pajjiżi
terzi (ĠU L 3, 5.1.2008, p. 1). [16] Ir-Regolament (UE) Nru 1151/2012 tal-Parlament
Ewropew u tal-Kunsill tal-21 ta’ Novembru 2012 dwar skemi ta’ kwalità
għal prodotti agrikoli u oġġetti tal-ikel (ĠU L 343,
14.12.12, p. 1). [17] Ir-Regolament (UE) Nru 182/2011 tal-Parlament Ewropew
u tal-Kunsill tas-16 ta’ Frar 2011 li jistabbilixxi r-regoli u
l-prinċipji ġenerali dwar il-modalitajiet ta’ kontroll mill-Istati
Membri tal-eżerċizzju mill-Kummissjoni tas-setgħat ta’
implimentazzjoni (ĠU L 55, 28.2.2011, p. 13). [18] Ir-Regolament (UE) Nru XXX/20.. tal-Parlament Ewropew u
tal-Kunsill li jistabbilixxi organizzazzjoni komuni tas-swieq fi prodotti
agrikoli, ĠU …. [19] Ir-Regolament (UE) Nru [COM(2011)416] ta’…dwar
l-organizzazzjoni komuni tas-swieq fil-prodotti tas-sajd u l-akkwakultura
ĠU …... [20] Ir-Regolament (KE) Nru 110/2008 tal-Parlament Ewropew
u tal-Kunsill tal-15 ta’ Jannar 2008 dwar id-definizzjoni,
id-deskrizzjoni, il-preżentazzjoni, l-ittikkettar, u l-protezzjoni ta’
indikazzjonijiet ġeografiċi, ta’ xorb spirituż u li jħassar
ir-Regolament tal-Kunsill (KEE) Nru 1576/89 (ĠU L 39,
13.2.2008, p. 16). [21] Ir-Regolament tal-Kunsill (KE) Nru 834/2007
tat-28 ta’ Ġunju 2007 dwar il-produzzjoni organika u
t-tikkettar ta’ prodotti organiċi u li jemenda r-Regolament (KEE)
Nru 2092/91 (ĠU L 189, 20.7.2007, p. 1). [22] Ir-Regolament (UE) Nru 228/2013 tal-Parlament Ewropew
u tal-Kunsill tat-13 ta’ Marzu 2013 li jistabbilixxi miżuri
speċifiċi għall-agrikoltura fir-reġjuni
ultraperiferiċi tal-Unjoni (ĠU L 78, 20.3.2013, p. 23). [23] Ir-Regolament (UE, Euratom) Nru 966/2012
tal-Parlament Ewropew u tal-Kunsill tal-25 ta’ Ottubru 2012 dwar
ir-regoli finanzjarji applikabbli għall-baġit ġenerali
tal-Unjoni Ewropea u li jħassar ir-Regolament tal-Kunsill (KE, Euratom) Nru 1605/2002
(ĠU L 298, 26.10.2012, p. 1). [24] Ir-Regolament (UE) Nru ... tal-Parlament u tal-Kunsill li
jistabbilixxi organizzazzjoni komuni tas-swieq fi prodotti agrikoli (ĠU ....). [25] Ir-Regolament (UE, Euratom) Nru 883/2013 tal-Parlament
Ewropew u tal-Kunsill tal-11 ta’ Settembru 2013 dwar
investigazzjonijiet immexxija mill-Uffiċċju Ewropew Kontra l-Frodi
(OLAF) u li jħassar ir-Regolament tal-Parlament Ewropew u tal-Kunsill (KE)
Nru 1073/1999 u r-Regolament tal-Kunsill (Euratom) Nru 1074/1999 (ĠU
L 248, 18.9.2013, p. 1–22). [26] Ir-Regolament tal-Kunsill (EURATOM, KE) Nru 2185/96 tal-11 ta'
Novembru 1996 dwar il-verifiki u l-ispezzjonijiet fuq il-post imwettqa
mill-Kummissjoni sabiex tipproteġi l-interessi finanzjarji tal-Komunità
Ewropea kontra l-frodi u irregolarijiet oħra (ĠU L 292, 15.11.1996,
p. 2–5). [27] Id-Deċiżjoni tal-Kummissjoni 2004/391/KE
tat-23 ta’ April 2004 dwar il-gruppi ta’ konsulenza li jittrattaw
mal-kwistjonijiet koperti bil-politika agrikola komuni (ĠU L 120,
24.4.2004, p. 50). [28] Ir-Regolament tal-Kunsill (KE) Nru 1184/2006
tal-24 ta’ Lulju 2006 li japplika ċerti regoli ta’ kompetizzjoni
għall-produzzjoni ta’, u l-kummerċ fi, prodotti agrikoli (ĠU L
214, 4.8.2006, p. 7). [29] ABM: Ġestjoni Bbażata fuq l-Attività
(’Activity-Based Management’) – ABB: Baġit Ibbażat fuq
l-Attività (Activity-Based Budgeting). [30] Kif imsemmi fl-Artikolu 54(2)(a) jew (b) tar-Regolament
Finanzjarju. [31] Denominazzjoni tal-oriġini protetta [32] Indikazzjoni ġeografika protetta [33] Il-punt V tas-Sommarju Eżekuttiv tar-Rapport Nru 10/2009
tal-Qorti Ewropea tal-Awdituri dwar “Azzjonijiet ta’ informazzjoni u ta’
promozzjoni għal prodotti agrikoli”. [34] http://ec.europa.eu/agriculture/eval/reports/promotion/index_en.htm
[35] http://www.wheatworld.org/wp-content/uploads/trade-global-insight-map-report-march2010-20100423.pdf
[36] Id-dettalji tal-metodi ta’ ġestjoni u r-referenzi
tar-Regolament Finanzjarju huma disponibbli fuq is-sit elettroniku tal-BudgWeb:
http://www.cc.cec/budg/man/budgmanag/budgmanag_en.html [37] Diff. = Approprjazzjonijiet Differenzjati/ Mhux Diff. =
Approprjazzjonijiet Mhux Differenzjati [38] EFTA: Assoċjazzjoni Ewropea tal-Kummerċ
Ħieles. [39] Pajjiżi kandidati u fejn applikabbli, kandidati
potenzjali mill-Balkani tal-Punent. [40] Is-sena N hija s-sena li fiha tibda l-implimentazzjoni
tal-proposta/inizjattiva. L-istimi huma bbażati fuq is-suppożizzjoni
li l-implimentazzjoni se tibda fl-2016. [41] L-ammonti għall-2015 — skont l-arranġamenti ta’
qabel ir-riforma — li huma ppreżentati bħala gwida, ma nbidlux
mill-2014 u huma bla preġudizzju għall-estimi dettaljati
għall-2015 li se jiġu stabbiliti fil-qafas tal-Abbozz tal-Baġit
tal-2015. [42] Għajnuna teknika u/jew amministrattiva u nefqa
b’appoġġ għall-implimentazzjoni ta’ programmi u/jew azzjonijiet
tal-UE (dawk li qabel kienu linji “BA”), riċerka indiretta u riċerka
diretta. [43] Ir-riżultati jirreferu għall-prodotti u
s-servizzi li se jingħataw (pereżempju: numru ta’ skambji ta’
studenti ffinanzjati, numru ta’ kilometri ta’ toroq mibnija, eċċ.). [44] Kif ġie deskritt fit-Taqsima 1.4.2.
“Għan(ijiet) speċifiku(ċi)...”. [45] Skont il-qafas komuni ta’ monitoraġġ u ta’
evalwazzjoni tal-PAK, kif previst fl-Artikolu 110 tar-Regolament (UE) Nru
[xxx/xxxx] dwar il-finanzjament, l-immaniġġjar u
l-monitoraġġ tal-politika agrikola komuni [fir-Regolament orizzontali
tal-PAK], qafas komuni ta’ monitoraġġ u ta’ evalwazzjoni se jkun
stabbilit, u għalhekk it-tabelli tal-indikaturi se jkunu mimlija fi stadju
aktar tard. [46] Għajnuna teknika u/jew amministrattiva u nefqa
b’appoġġ għall-implimentazzjoni ta’ programmi u/jew azzjonijiet
tal-UE (dawk li qabel kienu linji “BA”), riċerka indiretta u riċerka
diretta. [47] CA= persunal kuntrattwali; AL= aġent locali; SNE =
espert nazzjonali ssekondat; INT = impjegati permezz ta’ aġenzija; JED =
esperti żgħażagħ f’delegazzjonijiet [48] Sublimiti għall-persunal estern kopert minn
approprjazzjonijiet operazzjonali (ex-linji “BA’). [49] COM (2011)500, 29.6.2011