EUR-Lex Access to European Union law
This document is an excerpt from the EUR-Lex website
Document 52005AG0004
Common Position (EC) No 4/2005 of 21 October 2004 adopted by the Council, acting in accordance with the procedure referred to in Article 251 of the Treaty establishing the European Community, with a view to the adoption of a Decision of the European Parliament and of the Council amending Decision No 1419/1999/EC establishing a Community action for the European Capital of Culture event for the years 2005 to 2019
Pożizzjoni komuni (KE) Nru 4/2005, tal-21 ta' Ottubru 2004, adottata mill-Kunsill, waqt li jaġixxi skond il-proċedura stabbilita fl-Artikolu 251 tat-Trattat li jistabbilixxi l-Komunità Ewropea, bil-ħsieb ta' l-adozzjoni ta' Deċiżjoni tal-Parlament Ewropew u tal-Kunsill li temenda d-Deċiżjoni 1419/1999/KE li tistabbilixxi azzjoni Komunitarja għall-avveniment tal-“Kapitali Ewropea tal-Kultura” għas-snin 2005-2019
Pożizzjoni komuni (KE) Nru 4/2005, tal-21 ta' Ottubru 2004, adottata mill-Kunsill, waqt li jaġixxi skond il-proċedura stabbilita fl-Artikolu 251 tat-Trattat li jistabbilixxi l-Komunità Ewropea, bil-ħsieb ta' l-adozzjoni ta' Deċiżjoni tal-Parlament Ewropew u tal-Kunsill li temenda d-Deċiżjoni 1419/1999/KE li tistabbilixxi azzjoni Komunitarja għall-avveniment tal-“Kapitali Ewropea tal-Kultura” għas-snin 2005-2019
OJ C 25E, 1.2.2005, p. 41–43
(ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV)
|
1.2.2005 |
MT |
Il-Ġurnal Uffiċjali ta’ l-Unjoni Ewropea |
CE 25/41 |
POŻIZZJONI KOMUNI (KE) Nru 4/2005
adottata mill-Kunsill fil-21 ta' Ottubru 2004
bil-ħsieb ta' l-adozzjoni tad-Deċiżjoni Nru.../2005/CE tal-Parlament Ewropew u tal-Kunsill, ta'....., li temenda d-Deċiżjoni 1419/1999/KE li tistabbilixxi azzjoni Komunitarja għall-avveniment tal-“Kapitali Ewropea tal-Kultura” għas-snin 2005-2019
(2005/C 25E/04)
IL-PARLAMENT EWROPEW U L-KUNSILL TA' L-UNJONI EWROPEA,
Wara li kkunsidraw it-Trattat li jistabbilixxi l-Komunità Ewropea, u b'mod partikolari l-Artikolu 151 tiegħu,
Wara li kkunsidraw il-proposta mill-Kummissjoni,
Wara li kkunsidraw l-opinjoni tal-Kumitat tar-Reġjuni (1),
Waqt li jaġixxu skond il-proċedura stabbilita fl-Artikolu 251 tat-Trattat (2),
Billi:
|
(1) |
Id-Deċiżjoni Nru 1419/1999/KE tal-Parlament Ewropew u tal-Kunsill tal-25 ta' Mejju 1999 li tistabbilixxi azzjoni tal-Komunità għall-avveniment Kapitali Ewropea tal-Kultura għas-snin 2005 sa 2019 (3) timmira li titfa dawl fuq il-ġid, id-diversità u l-karatteristiċi maqsuma tal-kulturi Ewropej u li tikkontribwixxi għat-titjib ta' l-għarfien reċiproku taċ-ċittadini Ewropej. |
|
(2) |
L-Anness I għad-Deċiżjoni Nru 1419/1999/KE jistabbilixxi l-ordni kronoloġiku skond liema l-Istati Membri jistgħu jippreżentaw nominazzjonijiet għal dan l-avveniment. L-Anness imsemmi huwa limitat għall-Istati Membri fiż-żmien li d-Deċiżjoni ġiet adottata fil-25 ta' Mejju 1999. |
|
(3) |
L-Artikolu 6 tad-Deċiżjoni Nru 1419/1999/KE jgħid li dik id-deċiżjoni tista' tiġi riveduta, b'mod partikolari bil-ħsieb tat-tkabbir futur ta' l-Unjoni Ewropea. |
|
(4) |
Fid-dawl tat-tkabbir tal-2004, huwa importanti li l-Istati Membri l-ġodda jkunu wkoll jistgħu, f'perjodu ta' żmien qasir, jippreżentaw nominazzjonijiet fil-kuntest ta' l-avveniment Kapitali Ewropea tal-Kultura, mingħajr ma jinbidel l-ordni eżistenti għall-Istati Membri l-oħrajn sabiex, mill-2009 'il quddiem u sa l-aħħar ta' l-azzjoni attwali tal-Komunità, żewġ kapitali jistgħu jkunu magħżula kull sena fl-Istati Membri. |
|
(5) |
Id-Deċiżjoni Nru 1419/1999/KE għandha tiġi hekk emendata, |
IDDEĊIDEW KIF ĠEJ:
Artikolu 1
Id-Deċiżjoni Nru 1419/1999/KE qegħda hawn tiġi emendata kif ġej:
|
1) |
Għandha tiġi mdaħħla l-premessa li ġejja:
|
|
(2) |
L-Artikolu 2(1) għandu jiġi mibdul bis-segwenti: “1. Bliet fl-Istati Membri għandhom jintgħażlu bħala ”Kapitali Ewropea tal-Kultura“, meta jkun imisshom, skond kif stabbilit fil-lista li tidher fl-Anness 1. Sa l-2008, inkluż l-għażla għandha tapplika għal belt waħda ta' l-Istat Membru li jidher fuq il-lista. Mill-2009 'il quddiem, l-għażla għandha tapplika għal belt waħda ta' kull Stat Membru li jidher fuq il-lista. L-ordni kronoloġiku stabbilit fl-Anness I jista' jiġi mibdul bi ftehim reċiproku bejn l-Istati Membri kkonċernati. Kull Stat Membru involut għandu jippreżenta, meta jmissu, in-nominazzjoni ta' belt waħda jew aktar lill-Parlament Ewropew, il-Kunsill, il-Kummissjoni u l-Kumitat tar-Reġjuni. Din in-nominazzjoni għandha tiġi preżentata mhux aktar tard minn erba' snin qabel m'għandu jibda l-avveniment in kwistjoni u tista' tiġi akkumpanjata minn rakkomandazzjoni mill-Istat Membru konċernat.”; |
|
(3) |
L-Anness I għandu jiġi mibdul bit-test li jidher fl-Anness għal din id-Deċiżjoni. |
Artikolu 2
Din id-Deċiżjoni għandha tidħol fis-seħħ fl-20 jum wara l-pubblikazzjoni tagħha fil-Ġurnal Uffiċjali ta' l-Unjoni Ewropea.
Għandha tapplika mill-1 ta' Mejju 2004.
Magħmula fil-Lussemburgu,
Għall-Parlament Ewropew
Il-President
Għall-Kunsill
Il-President
(1) ĠU C 121, 30.4.2004, p. 15.
(2) Opinjoni tal-Parlament Ewropew tat-22 ta' April 2004 (ĠU C 104E, 30.4.2004), Pożizzjoni Komuni tal-Kunsill tal-..(għadha mhux pubblikata fil-ĠU) u Pożizzjoni tal-Parlament Ewropew tal- (għadha mhux pubblikata fil-ĠU).
ANNESS
ORDNI TAD-DRITT GĦAN-NOMINA TA' “KAPITALI EWROPEA TAL-KULTURA”
|
2005 |
L-Irlanda |
|
|
2006 |
Il-Greċja (1) |
|
|
2007 |
Il-Lussemburgu |
|
|
2008 |
Ir-Renju Unit |
|
|
2009 |
L-Awstrija |
Il-Litwanja |
|
2010 |
Il-Ġermanja |
L-Ungerija |
|
2011 |
Il-Finlandja |
L-Estonja |
|
2012 |
Il-Portugall |
Is-Slovenja |
|
2013 |
Franza |
Is-Slovakkja |
|
2014 |
L-Isvezja |
Il-Latvja |
|
2015 |
Il-Belġju |
Ir-Repubblika Ċeka |
|
2016 |
Spanja |
Il-Polonja |
|
2017 |
Id-Danimarka |
Ċipru |
|
2018 |
L-Olanda (1) |
Malta |
|
2019 |
L-Italja |
|
(1) Il-Kunsill tal-Kultura/Awdjoviżwali, fil-laqgħa tiegħu tat-28 ta' Mejju 1998, innota l-iskambju ta' pożizzjonijiet bejn il-Greċja u l-Olanda skond l-Artikolu 2(1) tad-Deċiżjoni 1419/1999/KE.
DIKJARAZZJONI TAR-RAĠUNIJIET TAL-KUNSILL
I. INTRODUZZJONI
|
1. |
Fis-17 ta' Novembru 2003, il-Kummissjoni ssottomettiet proposta għal deċizjoni lill-Parlament Ewropew u lill-Kunsill, ibbażata fuq l-artikolu 151 tat-Trattat KE, li temenda d-Deċiżjoni 1419/1999/KE li tistabbilixxi azzjoni Komunitarja għall-avveniment “Kapitali Ewropea tal-Kultura” għas-snin 2005 sa 2019. |
|
2. |
Il-Parlament Ewropew ta l-opinjoni tiegħu fl-ewwel qari fit-22 April 2004. Il-Kummissjoni għamlet preżentazzjoni orali tal-proposta modifikata tagħha fid-29 ta' April 2004. |
|
3. |
Il-Kumitat tar-Reġjuni ta l-opinjoni tiegħu fl-21 ta' April 2004 (1). |
|
4. |
Fil-21 ta' Ottubru 2004, il-Kunsill adotta l-pożizzjoni komuni tiegħu skond l-Artikolu 251(2) tat-Trattat KE. |
II. L-GĦAN TAL-PROPOSTA
Il-proposta għandha l-għan li tippermetti lill-Istati Membri l-ġodda jipparteċipaw fl-avveniment tal-Kapitali Ewropea tal-Kultura qabel ma tiskadi d-deċiżjoni attwali fl-2019. Ma tbiddilx l-ordni eżistenti ta' dritt għal nomini mill-Istati Membri, iżda tistabbilixxi sistema ġdida li taħtar żewġ Stati Membri eliġibbli li jissottomettu nomini kull sena mill-2009 'il quddiem, sabiex żewġ kapitali jistgħu jiġu magħżula fl-Istati Membri.
III. ANALIŻI TAL-POŻIZZJONI KOMUNI
1. Kummenti ġenerali
Il-Kunsill ma għamel l-ebda emenda lill-proposta tal-Kummissjoni. Il-Kummissjoni aċċettat b'mod sħiħ 1 mill-5 emendi proposti mill-Parlament (emenda 1).
2. Emendi magħmula mill-Parlament Ewropew
2.1. Emendi aċċettati mill-Kunsill
Il-Kunsill approva b'mod sħiħ l-emenda proposta mill-Parlament u aċċettata mill-Kummissjoni (emenda 1).
2.2. Emendi mhux integrati mill-Kunsill
Il-Kunsill, bħall-Kummissjoni, ikkunsidra li l-emendi 2, 3, 4 u 5 marru lil hinn mill-fini tal-proposta u ma qisux li kien xieraq li jinkorporawhom.
III. KONKLUŻJONIJIET
Il-Kunsill ikkunsidra li l-pożizzjoni komuni tiegħu hi bilanċata u tikkonforma b'mod sħiħ ma' l-għan prinċipali tal-proposta tal-Kummissjoni, u b'hekk tiffaċilita l-parteċipazzjoni ta' l-Istati Membri l-ġodda fl-avveniment tal-Kapitali Ewropea tal-Kultura kemm jista' jkun malajr.