This document is an excerpt from the EUR-Lex website
Document 32026D0434
Council Decision (EU) 2026/434 of 17 February 2026 on the signing of the Agreement between the European Union and Iceland laying down the rules for participation of Iceland in the GOVSATCOM component of the Union Space Programme and in the Union Secure Connectivity Programme, and for access to GOVSATCOM services and to the governmental services of the Union Secure Connectivity Programme
Deċiżjoni tal-Kunsill (UE) 2026/434 tas-17 ta’ Frar 2026 dwar l-iffirmar tal-Ftehim bejn l-Unjoni Ewropea u l-Iżlanda li jistabbilixxi r-regoli għall-parteċipazzjoni tal-Iżlanda fil-komponent tal-GOVSATCOM tal-Programm Spazjali tal-Unjoni u fil-Programm tal-Unjoni għal Konnettività Sigura, u għall-aċċess għal servizzi ta’ GOVSATCOM u għas-servizzi governattivi tal-Programm tal-Unjoni għal Konnettività Sigura
Deċiżjoni tal-Kunsill (UE) 2026/434 tas-17 ta’ Frar 2026 dwar l-iffirmar tal-Ftehim bejn l-Unjoni Ewropea u l-Iżlanda li jistabbilixxi r-regoli għall-parteċipazzjoni tal-Iżlanda fil-komponent tal-GOVSATCOM tal-Programm Spazjali tal-Unjoni u fil-Programm tal-Unjoni għal Konnettività Sigura, u għall-aċċess għal servizzi ta’ GOVSATCOM u għas-servizzi governattivi tal-Programm tal-Unjoni għal Konnettività Sigura
ST/5274/2026/INIT
ĠU L, 2026/434, 23.2.2026, ELI: http://data.europa.eu/eli/dec/2026/434/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Il-Ġurnal Uffiċjali |
MT Is-serje L |
|
2026/434 |
23.2.2026 |
DEĊIŻJONI TAL-KUNSILL (UE) 2026/434
tas-17 ta’ Frar 2026
dwar l-iffirmar tal-Ftehim bejn l-Unjoni Ewropea u l-Iżlanda li jistabbilixxi r-regoli għall-parteċipazzjoni tal-Iżlanda fil-komponent tal-GOVSATCOM tal-Programm Spazjali tal-Unjoni u fil-Programm tal-Unjoni għal Konnettività Sigura, u għall-aċċess għal servizzi ta’ GOVSATCOM u għas-servizzi governattivi tal-Programm tal-Unjoni għal Konnettività Sigura
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 189 flimkien mal-Artikolu 218(5) tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
Permezz ta’ ittra tal-14 ta’ Diċembru 2023, l-Iżlanda esprimiet l-interess formali tagħha li tibda negozjati dwar ftehim bil-ħsieb li tipparteċipa fil-komponent tal-GOVSATCOM tal-Programm Spazjali tal-Unjoni u fil-Programm tal-Unjoni għal Konnettività Sigura, u għall-aċċess għal servizzi ta’ GOVSATCOM u għas-servizzi governattivi tal-Programm tal-Unjoni għal Konnettività Sigura. |
|
(2) |
Fil-25 ta’ Frar 2025, il-Kunsill awtorizza l-ftuħ ta’ negozjati f’isem l-Unjoni għall-Ftehim bejn l-Unjoni Ewropea u l-Iżlanda li jistabbilixxi r-regoli għall-parteċipazzjoni tal-Iżlanda fil-komponent tal-GOVSATCOM tal-Programm Spazjali tal-Unjoni u fil-Programm tal-Unjoni għal Konnettività Sigura, u għall-aċċess għal servizzi ta’ GOVSATCOM u għas-servizzi governattivi tal-Programm tal-Unjoni għal Konnettività Sigura (il-“Ftehim”). In-negozjati ġew konklużi b’suċċess fis-16 ta’ Ġunju 2025. |
|
(3) |
L-Iżlanda għandha kooperazzjoni fit-tul mal-Unjoni fil-qasam tal-ispazju, u qed tipparteċipa f’diversi komponenti tal-Programm Spazjali tal-Unjoni. |
|
(4) |
L-Unjoni u l-Iżlanda kkonkludew ftehim dwar proċeduri tas-sigurtà għall-iskambju ta’ informazzjoni klassifikata (1). |
|
(5) |
Minn perspettiva ġeopolitika, il-parteċipazzjoni tal-Iżlanda fil-komponent tal-GOVSATCOM tal-Programm Spazjali tal-Unjoni u fil-Programm tal-Unjoni għal Konnettività Sigura, u l-aċċess tal-Iżlanda hħal servizzi ta’ GOVSATCOM u għas-servizzi governattivi tal-Programm tal-Unjoni għal Konnettività Sigura, se tikkontribwixxi għat-tisħiħ tar-rwol tal-Ewropa bħala attur globali u se tippromwovi l-kooperazzjoni internazzjonali kif definit fl-Istrateġija Spazjali għall-Ewropa. Ftehim mal-Iżlanda jsaħħaħ il-postura strateġika tal-Unjoni, li hija objettiv tal-Istrateġija Spazjali tal-Unjoni Ewropea għas-Sigurtà u d-Difiża. |
|
(6) |
Għaldaqstant, jenħtieġ li l-Ftehim jiġi ffirmat, |
ADOTTA DIN ID-DEĊIŻJONI:
Artikolu 1
L-iffirmar tal-Ftehim bejn l-Unjoni Ewropea u l-Iżlanda, li jistabbilixxi r-regoli għall-parteċipazzjoni tal-Iżlanda fil-komponent tal-GOVSATCOM tal-Programm Spazjali tal-Unjoni u fil-Programm tal-Unjoni għal Konnettività Sigura, u għall-aċċess għal servizzi ta’ GOVSATCOM għas-servizzi governattivi tal-Programm tal-Unjoni għal Konnettività Sigura, huwa b’dan awtorizzat, soġġett għall-konklużjoni ta’ dak il-Ftehim (2).
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, is-17 ta’ Frar 2026.
Għall-Kunsill
Il-President
M. KERAVNOS
(1) Il-Ftehim bejn ir-Repubblika tal-Iżlanda u l-Unjoni Ewropea dwar proċeduri ta’ sigurtà għall-iskambju ta’ informazzjoni klassifikata (ĠU L 184, 6.7.2006, p. 35, ELI: http://data.europa.eu/eli/agree_internation/2006/467/oj).
(2) It-test tal-Ftehim għandu jiġi ppubblikat flimkien mad-deċiżjoni fil-konklużjoni tiegħu.
ELI: http://data.europa.eu/eli/dec/2026/434/oj
ISSN 1977-074X (electronic edition)