(1)

Ir-Regolament ta’ Implimentazzjoni tal-Kummissjoni (UE) 2025/1082 (2) jistabbilixxi deroga mir-Regolament ta’ Implimentazzjoni tal-Kummissjoni (UE) 2019/2072 (3) dwar l-introduzzjoni fit-territorju tal-Unjoni ta’ biċċiet mingħajr għeruq għat-tħawwil ta’ Calibrachoa spp., ta’ Petunia spp. u tal-ibridi tagħhom mill-Kenja.

(2)

Fit-3 ta’ Lulju 2025, l-Awtorità Ewropea dwar is-Sigurtà fl-Ikel ippubblikat addendum għall-opinjoni xjentifika dwar il-valutazzjoni tar-riskju ta’ pjanti mingħajr għeruq ta’ Petunia spp. u Calibrachoa spp. mill-Kenja (4), billi evidenza ġdida kkonfermat il-preżenza tal-virus S tal-patata u tal-virus X tal-patata fil-Kenja u inkludiet dawn il-viruses bħala pesti relevanti għall-biċċiet mingħajr għeruq ta’ Petunia spp., Calibrachoa spp. u l-ibridi tagħhom prodotti fil-Kenja.

(3)

Għalhekk, jenħtieġ li l-iżolati mhux tal-UE tal-virus S tal-patata u l-iżolati mhux tal-UE tal-virus X tal-patata jitqiesu bħala pesti speċifikati skont it-tifsira tal-Artikolu 1 tar-Regolament ta’ Implimentazzjoni (UE) 2025/1082. Konsegwentement, u għal raġunijiet ta’ protezzjoni fitosanitarja tat-territorju tal-Unjoni, id-dispożizzjonijiet rispettivi ta’ dak ir-Regolament li jikkonċernaw il-kampjunar, l-ittestjar molekulari u l-ispezzjonijiet tal-pjanti speċifikati jenħtieġ li jindirizzaw ukoll ir-riskju ta’ dawk il-viruses.

(4)

Għalhekk, jenħtieġ li r-Regolament ta’ Implimentazzjoni (UE) 2025/1082 jiġi emendat kif xieraq.

(5)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

fl-Artikolu 1, il-punt (1) huwa sostitwit b’dan li ġej:

(2)

fl-Artikolu 3(4), l-ewwel subparagrafu huwa sostitwit b’dan li ġej:

“Il-pjanti li jiffurmaw l-għeruq jew jitkabbru direttament mill-pjanti speċifikati għandhom jinżammu separati minn kwalunkwe pjanta oħra suxxettibbli għall-pesti speċifikati. Għandhom ikunu soġġetti għal spezzjonijiet uffiċjali mill-inqas darba qabel ma jiġu mċaqilqa għall-ewwel darba barra mill-bini tal-operatur professjonist ikkonċernat u qrib kemm jista’ jkun tal-ħin tal-moviment tagħhom. Dawk l-ispezzjonijiet għandhom jinkludu, f’każ ta’ suspett ta’ infezzjoni, kampjunar u ttestjar molekulari għall-virus tat-tbajja’ ħfief tal-fażola tal-għajn (Cowpea mild mottle virus), għall-virus tat-tbajja’ tal-vini tal-bżar (Pepper veinal mottle virus), għall-virus tal-weraq mibruma tal-patata (Potato leafroll virus), għall-virus S tal-patata (iżolati mhux tal-UE), għall-virus X tal-patata (iżolati mhux tal-UE), għall-virus tat-tbajja’ ħfief tat-tadam (Tomato mild mottle virus) u għall-virus taċ-ċrieki sofor tat-tadam (Tomato yellow ring virus).”;

(3)

L-Anness I huwa emendat kif ġej: