Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32025R0520

Regolament ta’ Implimentazzjoni tal-Kummissjoni (UE) 2025/520 tal-20 ta’ Marzu 2025 li jemenda r-Regolament ta’ Implimentazzjoni (UE) 2018/1048 fir-rigward tal-użu ta’ speċifikazzjonijiet tan-navigazzjoni bbażati fuq il-prestazzjoni għall-operazzjonijiet oċeaniċi

C/2025/1623

ĠU L, 2025/520, 21.3.2025, ELI: http://data.europa.eu/eli/reg_impl/2025/520/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2025/520/oj

European flag

Il-Ġurnal Uffiċjali
ta'l-Unjoni Ewropea

MT

Is-serje L

2025/520

21.3.2025

REGOLAMENT TA’ IMPLIMENTAZZJONI TAL-KUMMISSJONI (UE) 2025/520

tal-20 ta’ Marzu 2025

li jemenda r-Regolament ta’ Implimentazzjoni (UE) 2018/1048 fir-rigward tal-użu ta’ speċifikazzjonijiet tan-navigazzjoni bbażati fuq il-prestazzjoni għall-operazzjonijiet oċeaniċi

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (1), u b’mod partikolari l-Artikolu 44(1)(a) tiegħu,

Billi:

(1)

Ir-Regolament ta’ Implimentazzjoni tal-Kummissjoni (UE) 2018/1048 (2) li jistipula rekwiżiti dwar l-użu tal-ispazju tal-ajru u l-proċeduri operattivi dwar navigazzjoni bbażata fuq il-prestazzjoni (PBN, Performance-Based Navigation).

(2)

Ir-Regolament ta’ Implimentazzjoni (UE) 2018/1048 jirrikjedi l-implimentazzjoni tar-rotot tas-servizzi tat-traffiku tal-ajru (ATS, Air Traffic Services) f’konformità mar-rekwiżiti tal-ispeċifikazzjoni 5 tan-navigazzjoni tal-erja (RNAV, Area Navigation) għall-operazzjonijiet kollha en route tal-Ajru Uniku Ewropew (SES, Single European Sky).

(3)

L-ispeċifikazzjoni RNAV 5 ġiet żviluppata biex tappoġġa l-operazzjonijiet fl-ispazju tal-ajru kontinentali. Ir-rekwiżiti tal-ispeċifikazzjoni għat-telf tal-funzjoni tan-navigazzjoni tal-inġenju tal-ajru mhumiex kompatibbli mal-operazzjonijiet fl-ispazju tal-ajru oċeaniku jew kontinentali remot en route, u għalhekk l-użu ta’ tali speċifikazzjoni jista’ jirriżulta f’rigressjoni potenzjali tas-sikurezza.

(4)

Kemm l-RNAV 10 kif ukoll il-prestazzjoni tan-navigazzjoni meħtieġa (RNP, Required Navigation Performance) 4 huma speċifikazzjonijiet tan-navigazzjoni li tfasslu speċifikament mill-Organizzazzjoni tal-Avjazzjoni Ċivili Internazzjonali (ICAO, International Civil Aviation Organization), li hija wkoll parti mill-SES, biex jappoġġaw l-operazzjonijiet en route fl-ispazju tal-ajru kontinentali oċeaniku u remot. Għalhekk, jistgħu jiżguraw konsistenza bejn ir-rekwiżiti tal-prestazzjoni tal-inġenju tal-ajru (l-ispeċifikazzjoni PBN) u l-prestazzjoni tan-navigazzjoni meħtieġa għal tali operazzjonijiet.

(5)

L-użu tal-ispeċifikazzjonijiet RNAV 10 jew RNP 4 fl-ispazju tal-ajru oċeaniku u kontinentali remot jiżgura l-implimentazzjoni armonizzata tar-rotot ATS.

(6)

L-użu tal-funzjonalità tar-raġġ sa punt ta’ tmiem fiss (RF, Radius to Fix) u/jew ir-restrizzjonijiet tal-altitudni flimkien mar-rotot tat-tluq strumentali standard (SID, Standard Instrument Departure) tal-RNP 1 u tal-wasla strumentali standard (STAR, Standard Instrument Arrival) jenħtieġ li jkunu soġġetti għall-ħtiġijiet lokali.

(7)

Ir-Regolament ta’ Implimentazzjoni tal-Kummissjoni (UE) 2021/2237 (3) introduċa l-klassifikazzjoni l-ġdida tal-avviċinament tal-ICAO, li ma għadhiex tiddistingwi bejn l-operazzjonijiet CAT IIIA u CAT IIIB; l-allinjament mad-definizzjoni attwali tal-operazzjonijiet CAT III fil-leġiżlazzjoni tal-UE huwa meqjus neċessarju.

(8)

Għalhekk jenħtieġ li r-Regolament ta’ Implimentazzjoni (UE) 2018/1048 jiġi emendat skont dan.

(9)

L-Aġenzija tas-Sikurezza tal-Avjazzjoni tal-Unjoni Ewropea pproponiet miżuri fl-Opinjoni Nru 03/2024 (4) tagħha f’konformità mal-Artikolu 76(1) tar-Regolament (UE) 2018/1139.

(10)

Il-miżuri previsti f’dan ir-Regolament huma f’konformità mal-opinjoni tal-kumitat stabbilit f’konformità mal-Artikolu 127 tar-Regolament (UE) 2018/1139,

ADOTTAT DAN IR-REGOLAMENT:

Artikolu 1

Emendi tar-Regolament ta’ Implimentazzjoni (UE) 2018/1048

Ir-Regolament ta’ Implimentazzjoni (UE) 2018/1048 huwa emendat kif ġej:

(1)

fl-Artikolu 5, il-paragrafu 2 huwa sostitwit b’dan li ġej:

“2.   Il-paragrafu 1 għandu jkun mingħajr preġudizzju għall-Artikolu 6 u għall-possibbiltà li l-fornituri ta’ ATM/ANS li jipprovdu s-servizzi tagħhom bl-użu ta’ sistemi ta’ nżul li jippermettu operazzjonijiet CAT II jew CAT III skont it-tifsira tal-punt (120e) tal-Anness I tar-Regolament (UE) Nru 965/2012.”

;

(2)

fl-Anness, il-punt AUR.PBN.2005 huwa emendat kif ġej:

(a)

il-punt (5) huwa sostitwit b’dan li ġej:

“(5)

Permezz ta’ deroga mill-punt (4), meta l-fornituri ta’ ATM/ANS ikunu stabbilew rotot SID jew rotot STAR u meta r-rekwiżiti ta’ prestazzjoni ogħla minn dawk imsemmija f’dak il-punt ikunu meħtieġa sabiex tinżamm il-kapaċità tat-traffiku tal-ajru u s-sikurezza f’ambjenti b’densità għolja ta’ traffiku, b’kumplessità tat-traffiku jew b’karatteristiċi tat-terren, huma għandhom jimplimentaw dawk ir-rotot f’konformità mar-rekwiżiti tal-ispeċifikazzjoni RNP 1. Barra minn hekk, meta x-xenarju operazzjonali jirrikjedi dan, fit-tfassil tar-rotot il-fornituri ta’ATM/ANS għandhom jikkunsidraw waħda jew aktar mill-funzjonalitajiet tan-navigazzjoni li ġejjin:

(a)

operazzjonijiet tul passaġġ vertikali u bejn żewġ punti ta’ tmiem fissi u bl-użu ta’:

(i)

restrizzjoni tal-altitudni ‘AT’;

(ii)

restrizzjoni tal-altitudni ‘AT OR ABOVE’;

(iii)

restrizzjoni tal-altitudni ‘AT OR BELOW’;

(iv)

restrizzjoni ‘WINDOW’;

(b)

ir-raġġ sa punt ta’ tmiem fiss (RF, Radius to Fix) għat-trajettorja.”;

(b)

jiżdied il-punt (8) li ġej:

“(8)

Permezz ta’ deroga mill-punt (6), u mingħajr preġudizzju għall-punt (7), meta l-fornituri ta’ ATM/ANS ikunu stabbilew rotot ATS fl-ispazju tal-ajru kontinentali oċeaniku jew remot, huma għandhom jimplimentaw dawk ir-rotot f’konformità mar-rekwiżiti tal-ispeċifikazzjonijiet RNAV 10 jew RNP 4.”.

Artikolu 2

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-20 ta’ Marzu 2025.

Għall-Kummissjoni

Il-President

Ursula VON DER LEYEN

(1)   ĠU L 212, 22.8.2018, p. 1, ELI: http://data.europa.eu/eli/reg/2018/1139/oj.

(2)  Ir-Regolament ta’ Implimentazzjoni tal-Kummissjoni (UE) 2018/1048 tat-18 ta’ Lulju 2018 li jistipula rekwiżiti dwar l-użu tal-ispazju tal-ajru u l-proċeduri operattivi dwar navigazzjoni bbażata fuq il-prestazzjoni (ĠU L 189, 26.7.2018, p. 3, ELI: http://data.europa.eu/eli/reg_impl/2018/1048/oj).

(3)  Ir-Regolament ta’ Implimentazzjoni tal-Kummissjoni (UE) 2021/2237 tal-15 ta’ Diċembru 2021 li jemenda r-Regolament (UE) Nru 965/2012 fir-rigward tar-rekwiżiti għall-operazzjonijiet f’kull tip ta’ temp u għat-taħriġ u l-kontroll tal-ekwipaġġ tat-titjira (ĠU L 450, 16.12.2021, p. 21, ELI: http://data.europa.eu/eli/reg_impl/2021/2237/oj).

(4)   https://www.easa.europa.eu/en/document-library/opinions/opinion-no-032024.

ELI: http://data.europa.eu/eli/reg_impl/2025/520/oj

ISSN 1977-074X (electronic edition)

Top