This document is an excerpt from the EUR-Lex website
Document 32025R0259
Commission Implementing Regulation (EU) 2025/259 of 10 February 2025 amending Annex XIII to Implementing Regulation (EU) 2021/404 as regards the entry for Japan in the lists of third countries or territories or zones thereof authorised for the entry into the Union of consignments of fresh meat of ungulates
Regolament ta’ Implimentazzjoni tal-Kummissjoni (UE) 2025/259 tal-10 ta’ Frar 2025 li jemenda l-Anness XIII tar-Regolament ta’ Implimentazzjoni (UE) 2021/404 fir-rigward tal-entrata għall-Ġappun fil-listi tal-pajjiżi terzi, territorji jew żoni tagħhom awtorizzati għad-dħul fl-Unjoni tal-kunsinni tal-laħam frisk tal-ungulati
Regolament ta’ Implimentazzjoni tal-Kummissjoni (UE) 2025/259 tal-10 ta’ Frar 2025 li jemenda l-Anness XIII tar-Regolament ta’ Implimentazzjoni (UE) 2021/404 fir-rigward tal-entrata għall-Ġappun fil-listi tal-pajjiżi terzi, territorji jew żoni tagħhom awtorizzati għad-dħul fl-Unjoni tal-kunsinni tal-laħam frisk tal-ungulati
C/2025/784
ĠU L, 2025/259, 11.2.2025, ELI: http://data.europa.eu/eli/reg_impl/2025/259/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Il-Ġurnal Uffiċjali |
MT Is-serje L |
|
2025/259 |
11.2.2025 |
REGOLAMENT TA’ IMPLIMENTAZZJONI TAL-KUMMISSJONI (UE) 2025/259
tal-10 ta’ Frar 2025
li jemenda l-Anness XIII tar-Regolament ta’ Implimentazzjoni (UE) 2021/404 fir-rigward tal-entrata għall-Ġappun fil-listi tal-pajjiżi terzi, territorji jew żoni tagħhom awtorizzati għad-dħul fl-Unjoni tal-kunsinni tal-laħam frisk tal-ungulati
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trażmissibbli tal-annimali u li jemenda u jħassar ċerti atti fil-qasam tas-saħħa tal-annimali (“Liġi dwar is-Saħħa tal-Annimali”) (1), u b’mod partikolari l-Artikoli 230(1) u 232(1) tiegħu.
Billi:
|
(1) |
Ir-Regolament (UE) 2016/429 jipprevedi li biex jidħlu fl-Unjoni, il-kunsinni tal-annimali, tal-prodotti ġerminali u tal-prodotti li joriġinaw mill-annimali jridu jkunu ġejjin minn pajjiż terz jew territorju, jew minn żona jew kompartiment tiegħu, elenkati f’konformità mal-Artikolu 230(1) ta’ dak ir-Regolament. |
|
(2) |
Ir-Regolament Delegat tal-Kummissjoni (UE) 2020/692 (2) jistabbilixxi r-rekwiżiti tas-saħħa tal-annimali li l-konsenji ta’ ċerti speċijiet u kategoriji tal-annimali, tal-prodotti ġerminali u tal-prodotti li joriġinaw mill-annimali, li jkunu ġejjin minn pajjiżi terzi jew territorji, jew minn żoni tagħhom, jew minn kompartimenti tagħhom fil-każ tal-annimali tal-akkwakultura, iridu jkunu konformi magħhom sabiex jidħlu fl-Unjoni. |
|
(3) |
Ir-Regolament ta’ Implimentazzjoni tal-Kummissjoni (UE) 2021/404 (3) jistabbilixxi l-listi tal-pajjiżi terzi, jew territorji, jew żoni tagħhom, li minnhom huwa permess id-dħul fl-Unjoni tal-ispeċijiet u l-kategoriji tal-annimali, tal-prodotti ġerminali u tal-prodotti li joriġinaw mill-annimali li jaqgħu fil-kamp ta’ applikazzjoni tar-Regolament Delegat (UE) 2020/692. Dawk il-listi u ċerti regoli ġenerali li jikkonċernaw dawk il-listi huma stabbiliti fl-Annessi II sa XXII, u fl-Anness I ta’ dak ir-Regolament ta’ Implimentazzjoni, rispettivament. |
|
(4) |
L-Anness XIII tar-Regolament ta’ Implimentazzjoni (UE) 2021/404 jistabbilixxi l-listi tal-pajjiżi terzi, territorji jew żoni tagħhom li minnhom huwa awtorizzat id-dħul fl-Unjoni tal-kunsinni tal-laħam frisk tal-ungulati, inkluż tal-annimali bovini. F’konformità mal-Artikolu 2(43) tar-Regolament Delegat (UE) 2020/692, id-definizzjoni tal-laħam frisk tinkludi l-ġewwieni. L-istandards internazzjonali, bħall-Kodiċi tas-Saħħa tal-Annimali Terrestri (4) tal-Organizzazzjoni Dinjija għas-Saħħa tal-Annimali (WOAH, World Organisation for Animal Health) ma jqisux il-ġewwieni bħala komodità sikura fil-każ ta’ infezzjoni bil-virus tal-marda tal-infafet fil-ġilda (LSD, Lumpy Skin Disease). Barra minn hekk, l-Anness VII tar-Regolament Delegat tal-Kummissjoni (UE) 2020/687 (5) jipprevedi t-trattament ta’ mitigazzjoni tar-riskji għall-prodotti ta’ oriġini mill-annimali miż-żona ristretta u għal-laħam, fil-każ ta’ tifqigħa tal-LSD, għat-tneħħija tal-ġewwieni. |
|
(5) |
Il-Ġappun għarraf lill-Kummissjoni dwar it-tifqigħat ikkonfermati tal-LSD fl-annimali bovini fit-territorju tiegħu. Għaldaqstant, jenħtieġ li tiddaħħal il-kundizzjoni speċifika “Mingħajr ġewwieni” fl-entrata għall-Ġappun fil-Parti 1, fit-tabella, fil-kolonna 5 tal-Anness XIII tar-Regolament ta’ Implimentazzjoni (UE) 2021/404 biex jiġi sospiż id-dħul fl-Unjoni tal-ġewwieni mill-annimali bovini li joriġinaw minn dak il-pajjiż terz. Għalhekk, jenħtieġ li l-Anness XIII tar-Regolament ta’ Implimentazzjoni (UE) 2021/404 jiġi emendat kif xieraq. |
|
(6) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Anness XIII tar-Regolament ta’ Implimentazzjoni (UE) 2021/404 huwa emendat f’konformità mal-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-10 ta’ Frar 2025.
Għall-Kummissjoni
Il-President
Ursula VON DER LEYEN
(1) ĠU L 84, 31.3.2016, p. 1, ELI: http://data.europa.eu/eli/reg/2016/429/oj.
(2) Ir-Regolament Delegat tal-Kummissjoni (UE) 2020/692 tat-30 ta’ Jannar 2020 li jissupplimenta r-Regolament (UE) 2016/429 tal-Parlament Ewropew u tal-Kunsill fir-rigward tar-regoli għad-dħul fl-Unjoni, u l-moviment u l-immaniġġjar wara d-dħul ta’ konsenji ta’ ċerti annimali, prodotti ġerminali u prodotti li joriġinaw mill-annimali (ĠU L 174, 3.6.2020, p. 379, ELI: http://data.europa.eu/eli/reg_del/2020/692/oj).
(3) Ir-Regolament ta’ Implimentazzjoni tal-Kummissjoni (UE) 2021/404 tal-24 ta’ Marzu 2021 li jistabbilixxi l-listi ta’ pajjiżi terzi, territorji jew żoni tagħhom li minnhom huwa permess id-dħul fl-Unjoni ta’ annimali, prodotti ġerminali u prodotti li joriġinaw mill-annimali skont ir-Regolament (UE) 2016/429 tal-Parlament Ewropew u tal-Kunsill (ĠU L 114, 31.3.2021, p. 1, ELI: http://data.europa.eu/eli/reg_impl/2021/404/oj).
(4) Il-Kodiċi Terrestri tad-WOAH, il-31 Edizzjoni, 2023. Il-volumi I u II ISBN 978-92-95121-74-4 https://www.woah.org/en/what-we-do/standards/codes-and-manuals/terrestrial-code-online-access/.
(5) Ir-Regolament Delegat tal-Kummissjoni (UE) 2020/687 tas-17 ta’ Diċembru 2019 li jissupplimenta r-Regolament (UE) 2016/429 tal-Parlament Ewropew u tal-Kunsill fir-rigward tar-regoli għall-prevenzjoni u l-kontroll ta’ ċertu mard elenkat (ĠU L 174, 3.6.2020, p. 64, ELI: http://data.europa.eu/eli/reg_del/2020/687/oj).
ANNESS
Fl-Anness XIII, il-Parti 1 tar-Regolament ta’ Implimentazzjoni (UE) 2021/404, l-entrata għall-Ġappun hija sostitwita b’dan li ġej:
|
“JP Il-Ġappun |
JP-0 |
Annimali bovini |
BOV, RUM-MSM |
Mingħajr ġewwieni |
|
|
28.3.2013”. |
ELI: http://data.europa.eu/eli/reg_impl/2025/259/oj
ISSN 1977-074X (electronic edition)