(1)

Ir-Regolament tal-Kunsill (KE) Nru 2580/2001 (2) jagħti effett għall-Pożizzjoni Komuni tal-Kunsill 2001/931/PESK (3).

(2)

Fid-19 ta’ Frar 2024, il-Kunsill adotta d-Deċiżjoni (PESK) 2024/628 (4), li fil-Pożizzjoni Komuni 2001/931/PESK żiedet, għal perijodu inizjali ta’ 12-il xahar, eżenzjoni umanitarja għal miżuri ta’ ffriżar tal-assi applikabbli għal, u għar-restrizzjonijiet fuq it-tqegħid ta’ fondi u riżorsi ekonomiċi għad-dispożizzjoni lil, persuni, gruppi u entitajiet deżinjati, għall-benefiċċju tal-atturi msemmija fir-Riżoluzzjoni 2664 (2022) tal-Kunsill tas-Sigurtà tan-Nazzjonijiet Uniti, ta’ organizzazzjonijiet u aġenziji li lilhom l-Unjoni tat iċ-Ċertifikat ta’ Sħubija Umanitarja, u ta’ organizzazzjonijiet u aġenziji li huma ċċertifikati jew rikonoxxuti minn Stat Membru, jew minn aġenzija speċjalizzata ta’ Stat Membru.Barra minn hekk, id-Deċiżjoni (PESK) 2024/628 introduċiet mekkaniżmu ta’ deroga għal dawk l-organizzazzjonijiet u l-atturi involuti f’attivitajiet umanitarji li ma jistgħux jibbenefikaw minn dik l-eżenzjoni umanitarja, u klawżola ta’ rieżami relatata ma’ dawk l-eċċezzjonijiet.

(3)

Fit-30 ta’ Jannar 2025, il-Kunsill adotta d-Deċiżjoni (PESK) 2025/204, li temenda l-Pożizzjoni Komuni 2001/931/PESK biex tittawwal l-applikazzjoni tal-eżenzjoni umanitarja sat-22 ta’ Frar 2027.

(4)

Dawn il-miżuri jaqgħu fil-kamp ta’ applikazzjoni tat-Trattat dwar il-Funzjonament tal-Unjoni Ewropea u, għaldaqstant, notevolment bil-ħsieb li tiġi żgurata l-applikazzjoni uniformi tagħhom fl-Istati Membri kollha, meħtieġa azzjoni regolatorja fil-livell tal-Unjoni għall-implimentazzjoni tagħhom.

(5)

Għalhekk, jenħtieġ li r-Regolament (KE) Nru 2580/2001 jiġi emendat skont dan.

(1)

fil-paragrafu (7), il-kliem “12-il xahar” huwa sostitwit bil-kliem “24 xahar”;

(2)

fil-paragrafu (8) id-data “sat-22 ta’ Frar 2025” hija sostitwita bid-data “sat-22 ta’ Frar 2027”.