(1)

Iż-żieda fl-ekonomija diġitali kellha impatt sinifikanti fuq it-tħaddim tas-sistema tat-taxxa fuq il-valur miżjud (il-VAT) tal-Unjoni, peress li mhijiex adattata għall-mudelli kummerċjali diġitali l-ġodda u ma tippermettix l-użu sħiħ tad-data ġġenerata mid-diġitalizzazzjoni. Jenħtieġ li d-Direttiva tal-Kunsill 2006/112/KE (3) tiġi emendata biex tqis dik l-evoluzzjoni.

(2)

L-obbligi ta’ rapportar tal-VAT jenħtieġ li jiġu adattati biex jindirizzaw l-isfidi tal-ekonomija tal-pjattaformi u biex titnaqqas il-ħtieġa għal reġistrazzjonijiet multipli tal-VAT fl-Unjoni.

(3)

Id-“diskrepanza tal-VAT” hija d-differenza totali bejn id-dħul tal-VAT mistenni ibbażat fuq il-leġiżlazzjoni tal-VAT u regolamenti anċillari u l-ammont effettivament miġbur. Fl-2020, id-diskrepanza tal-VAT kienet stmata EUR 93 biljun fl-Unjoni. Parti sinifikanti tad-diskrepanza tal-VAT tikkonsisti fi frodi, b’mod partikolari frodi intra-Komunitarja b’negozjant nieqes, stmata bejn EUR 40-60 biljun. Fir-rapport dwar l-eżitu finali tal-Konferenza dwar il-Futur tal-Ewropa, li ġie ppublikat f’Mejju 2022, iċ-ċittadini appellaw għal miżuri biex jiġu armonizzati u kkoordinati l-politiki tat-taxxa fl-Istati Membri għall-prevenzjoni tal-evażjoni u l-evitar tat-taxxa, kif ukoll miżuri biex tiġi promossa l-kooperazzjoni bejn l-Istati Membri biex jiġi żgurat li l-kumpaniji kollha fl-Unjoni jħallsu s-sehem ġust tagħhom ta’ taxxi. L-inizjattiva tal-VAT fl-Era Diġitali hija konsistenti ma’ dawk l-għanijiet.

(4)

Sabiex jiżdied il-ġbir tat-taxxa fuq tranżazzjonijiet transfruntieri u biex tintemm il-frammentazzjoni eżistenti li tirriżulta mill-implimentazzjoni mill-Istati Membri ta’ sistemi ta’ rapportar diverġenti, jenħtieġ li jiġu stabbiliti regoli għar-rekwiżiti ta’ rapportar diġitali tal-Unjoni. Tali regoli jenħtieġ li jiżguraw l-għoti ta’ informazzjoni lill-amministrazzjonijiet tat-taxxa fuq bażi ta’ kull tranżazzjoni, sabiex jippermettu t-tqabbil reċiproku tad-data, iżidu l-kapaċitajiet ta’ kontroll tal-amministrazzjonijiet tat-taxxa u joħolqu effett ta’ deterrent fir-rigward tan-nuqqas ta’ konformità, filwaqt li jitnaqqsu l-kostijiet ta’ konformità għan-negozji li joperaw fi Stati Membri differenti u jiġu eliminati l-ostakli fis-suq intern.

(5)

Sabiex tiġi ffaċilitata l-awtomatizzazzjoni tal-proċess ta’ rapportar kemm għall-persuni taxxabbli kif ukoll għad-dipartimenti tat-taxxa, it-tranżazzjonijiet li għandhom jiġu rrapportati lid-dipartimenti tat-taxxa jenħtieġ li jiġu ddokumentati b’mod elettroniku. L-użu tal-fatturazzjoni elettronika jenħtieġ li jsir is-sistema prestabbilita għall-ħruġ tal-fatturi. Madankollu, l-Istati Membri jenħtieġ li jitħallew jawtorizzaw fatturi oħra għall-provvisti domestiċi.

(6)

Sabiex tiġi massimizzata l-interoperabbiltà, jenħtieġ li l-fatturi elettroniċi fil-prinċipju jikkonformaw mal-istandard Ewropew stabbilit fid-Deċiżjoni ta’ Implimentazzjoni tal-Kummissjoni (UE) 2017/1870 (4) (“l-istandard Ewropew”), li jissodisfa t-talba magħmula mill-Kummissjoni skont l-Artikolu 3(1) tad-Direttiva 2014/55/UE tal-Parlament Ewropew u tal-Kunsill (5) biex jinħoloq standard Ewropew għall-mudell tad-data semantika tal-elementi ewlenin ta’ fattura elettronika. Madankollu, l-Istati Membri xorta jenħtieġ li ikunu jistgħu jippermettu standards oħra għall-provvisti domestiċi.

(7)

Jenħtieġ li l-Istati Membri kompetenti biex jistabbilixxu r-regoli dwar il-fatturazzjoni jieħdu miżuri li jistgħu jinkludu skemi ta’ akkreditazzjoni, biex jiżguraw li l-fatturi elettroniċi maħruġa minn persuni taxxabbli jikkonformaw mas-sintassi teknika u mas-semantika tal-istandards permessi u jkun fihom id-data kollha meħtieġa ddeterminata minn dawk l-istandards. Dawk il-miżuri jenħtieġ li jittieħdu fir-rigward ta’ persuni taxxabbli li jkunu meħtieġa joħorġu l-fattura jew fir-rigward ta’ fornituri ta’ servizzi terzi, jew fir-rigward tat-tnejn. Il-persuni fil-mira ta’ tali miżuri ser ikunu responsabbli għall-applikazzjoni tagħhom. Madankollu, jenħtieġ li dawk il-miżuri ma jipprevjenux lill-persuni taxxabbli milli jagħżlu l-mezzi biex joħorġu u jibagħtu l-fatturi tagħhom lill-klijent tagħhom, jiġifieri jew direttament waħedhom, jew bl-intermedjazzjoni ta’ partijiet terzi, jew, jekk ikun disponibbli, permezz ta’ portal pubbliku.

(8)

L-effettività tas-sistemi ta’ rapportar diġitali nazzjonali jistgħu jkunu kompromessi jekk il-persuni taxxabbli ma jikkonformawx mal-obbligu li joħorġu fatturi elettroniċi fir-rigward tat-tranżazzjonijiet soġġetti għal obbligu ta’ rapportar. Fid-dawl tad-diġitalizzazzjoni tat-tranżazzjonijiet u tal-iskambji ekonomiċi, u tal-objettivi ta’ din id-Direttiva għad-diġitalizzazzjoni tal-VAT, inkluż bil-ħsieb li tiġi żgurata ġlieda aktar effettiva kontra l-frodi, jenħtieġ li l-Istati Membri jitħallew jipprevedu li l-pussess ta’ fattura elettronika maħruġa f’konformità mal-istandard meħtieġ stabbilit fid-Direttiva 2006/112/KE hija kundizzjoni sostantiva għall-intitolament li wieħed inaqqas jew jitlob lura l-VAT dovuta jew imħallsa.

(9)

Id-definizzjoni ta’ “fattura elettronika” jenħtieġ li tiġi allinjata ma’ dik użata fid-Direttiva 2014/55/UE, sabiex tinkiseb standardizzazzjoni fil-qasam tar-rapportar tal-VAT. B’riżultat ta’ dan, id-definizzjoni ta’ “fattura elettronika” jenħtieġ li tkopri biss fatturi elettroniċi li jinħarġu, jiġu trażmessi u riċevuta f’format elettroniku strutturat li jippermetti l-ipproċessar awtomatizzat u elettroniku tagħhom. Jenħtieġ li l-obbligu li jintuża format strutturat ikopri, mill-inqas, id-data li għandha tiġi rrapportata. Għalhekk, jenħtieġ li l-fatturi ibridi li jikkombinaw id-data inkorporata f’format strutturat u d-data inkorporata f’format mhux strutturat u li jista’ jinqara mill-bniedem ikunu koperti mid-definizzjoni jekk tali fatturi jinkludu d-data kollha li għandha tiġi rrapportata f’format strutturat.

(10)

Sabiex is-sistema ta’ rapportar tal-VAT tiġi implimentata b’mod effiċjenti, huwa meħtieġ li l-informazzjoni tasal għand id-dipartiment tat-taxxa mingħajr dewmien. Għalhekk, l-iskadenza għall-ħruġ ta’ fattura għal tranżazzjonijiet transfruntieri jenħtieġ li tiġi stabbilita għal 10 ijiem wara li jkun seħħ l-avveniment li jagħti lok għal ħlas.

(11)

Jenħtieġ li l-fattura elettronika tiffaċilita t-trażmissjoni awtomatizzata lid-dipartiment tat-taxxa tad-data meħtieġa għall-finijiet ta’ kontroll. Għal dak il-għan, jenħtieġ li l-fattura elettronika jkun fiha d-data kollha li trid tiġi trażmessa lid-dipartiment tat-taxxa skont ir-rekwiżiti ta’ rapportar diġitali f’format strutturat.

(12)

L-implimentazzjoni tal-fattura elettronika bħala l-metodu prestabbilit għad-dokumentazzjoni tat-tranżazzjonijiet għall-finijiet tal-VAT ma tkunx possibbli jekk l-użu tal-fattura elettronika jibqa’ soġġett għall-aċċettazzjoni mir-riċevitur, b’mod partikolari f’kuntest minn negozju għal negozju (“business-to-business”Għalhekk, għall-fatturi maħruġa lil persuni taxxabbli u lil persuni ġuridiċi mhux taxxabbli, jenħtieġ li tali aċċettazzjoni ma tibqax meħtieġa għall-ħruġ ta’ fatturi elettroniċi li jikkonformaw mal-istandard Ewropew, sakemm Stat Membru ma jkunx għamel użu mill-għażla li jippermetti fatturi stampati jew fatturi f’formati elettroniċi għajr il-fatturi elettroniċi. F’każijiet fejn Stat Membru jippermetti l-użu ta’ standards oħra għal provvisti ta’ merkanzija jew servizzi fit-territorju tiegħu, dak l-Istat Membru jenġtieġ li jkun jista’ jipprevedi li l-aċċettazzjoni mir-riċevitur ta’ fatturi maħruġa f’konformità ma’ dawk l-istandards ma tkunx meħtieġa. Meta jinħarġu fatturi elettroniċi lil persuni oħra, jenħtieġ li jkun possibbli għalihom li jibqgħu soġġetti għall-aċċettazzjoni mir-riċevitur.

(13)

Il-Kummissjoni kkonformat mal-obbligu tagħha li tippreżenta rapport lill-Parlament Ewropew u lill-Kunsill dwar l-impatt tar-regoli dwar il-fatturazzjoni applikabbli mill-1 ta’ Jannar 2013 u b’mod partikolari dwar kemm dawn effettivament wasslu għal tnaqqis fil-piżijiet amministrattivi għan-negozji, kif meħtieġ mill-Artikolu 237 tad-Direttiva 2006/112/KE. Peress li dak l-obbligu diġà ġie sodisfatt, jenħtieġ li jitneħħa minn dik id-Direttiva.

(14)

L-obbligu li jiġu ppreżentati dikjarazzjonijiet rikapitolattivi għar-rapportar ta’ tranżazzjonijiet intra-Komunitarji jenħtieġ li jitneħħa, peress li dawk it-tranżazzjonijiet ser jiġu koperti taħt il-kamp ta’ applikazzjoni tar-rekwiżiti ta’ rapportar diġitali għall-provvisti transfruntieri ta’ merkanzija u servizzi, iżda b’informazzjoni aktar dettaljata u aktar fil-ħin.

(15)

Sabiex tiġi ffaċilitata t-trażmissjoni tad-data tal-lill-amministrazzjoni tat-taxxa minn persuni taxxabbli, jenħtieġ li l-Istati Membri jqiegħdu għad-dispożizzjoni tal-persuni taxxabbli l-mezzi meħtieġa għal tali trażmissjoni. Dawk il-mezzi jenħtieġ li jippermettu d-data tintbagħat mill-persuni taxxabbli direttament jew minn partijiet terzi f’isimhom, jew permezz ta’ portal pubbliku, jekk ikun disponibbli.

(16)

Filwaqt li l-informazzjoni li għandha tiġi trażmessa permezz tar-rekwiżiti ta’ rapportar diġitali għall-provvisti transfruntieri ta’ merkanzija u servizzi jenħtieġ li tkun simili għal dik li tkun ġiet trażmessa permezz tad-dikjarazzjonijiet rikapitolattivi, huwa neċessarju li l-persuni taxxabbli jjiġi meħtieġa li jipprovdu data addizzjonali, inkluż id-dettalji bankarji, sabiex l-amministrazzjonijiet tat-taxxa jkunu jistgħu jsegwu mhux biss il-merkanzija iżda wkoll il-flussi finanzjarji.

(17)

Jenħtieġ li jiġi evitat it-tqegħid ta’ piż amministrattiv bla bżonn fuq il-persuni taxxabbli li joperaw fi Stati Membri differenti. Għalhekk, jenħtieġ li tali persuni taxxabbli jkunu jistgħu jipprovdu l-informazzjoni meħtieġa lid-dipartimenti tat-taxxa tagħhom bl-użu tal-istandard Ewropew. Jenħtieġ li l-Istati Membri jitħallew jipprevedu formati addizzjonali ta’ rappurtar tad-data sabiex jagħmluha aktar faċli biex ċerti persuni taxxabbli jipprovdu l-informazzjoni meħtieġa.

(18)

Sabiex tinkiseb l-armonizzazzjoni meħtieġa fir-rapportar ta’ data dwar il-provvisti transfruntieri ta’ merkanzija u servizzi, jenħtieġ li d-data li għandha tiġi rrapportata tkun l-istess fl-Istati Membri kollha, mingħajr il-possibbiltà li l-Istati Membri jitolbu data addizzjonali.

(19)

Huwa importanti li l-amministrazzjonijiet tat-taxxa jkollhom għad-dispożizzjoni tagħhom id-data meħtieġa dwar it-tranżazzjonijiet kollha soġġetti għal obbligu ta’ rapportar. Biex tiġi assigurata l-kisba ta’ dak l-objettiv, jidher prudenti li l-klijent ikun meħtieġ li jirrapporta t-tranżazzjoni. Dan jippermetti l-kontroverifika tad-data ma’ dik li tingħata mill-fornitur u jaċċerta li l-amministrazzjonijiet tat-taxxa jkollhom id-data meħtieġa f’każijiet fejn il-fornitur ma jkunx ikkonforma mal-obbligu ta’ rapportar. Madankollu, huwa possibbli li l-miżuri adottati mill-Istati Membri fir-rigward tal-ħruġ ta’ fatturi u r-rapportar jagħtu biżżejjed garanziji li l-fornitur ser jipprovdi d-data lid-dipartiment tat-taxxa kull meta tinħareġ fattura. F’dawk iċ-ċirkostanzi, jenħtieġ li l-Istati Membri jitħallew jagħżlu li ma jipparteċipawx f’dik ir-regola u jeskludu l-akkwirent tal-merkanzija u r-riċevitur tas-servizzi mill-obbligu li jirrapportaw id-data dwar dawk it-tranżazzjonijiet.

(20)

Diversi Stati Membri daħħlu fis-seħħ rekwiżiti ta’ rapportar diverġenti għat-tranżazzjonijiet fit-territorji tagħhom, li wasslu għal piżijiet amministrattivi sinifikanti għal persuni taxxabbli li joperaw fi Stati Membri differenti, peress li dawn jeħtieġ li jadattaw is-sistemi kontabilistiċi tagħhom biex jikkonformaw ma’ dawk ir-rekwiżiti. Sabiex jiġu evitati l-kostijiet li jirriżultaw minn tali diverġenza, is-sistemi implimentati fl-Istati Membri biex jirrapportaw il-provvisti ta’ merkanzija u servizzi bi ħlas bejn persuni taxxabbli fit-territorju tagħhom jenħtieġ li jikkonformaw mal-karatteristiċi tas-sistema implimentata għal provvisti transfruntieri ta’ merkanzija u servizzi. Jenħtieġ li l-Istati Membri jipprevedu l-mezzi elettroniċi għat-trażmissjoni tal-informazzjoni u, kif inhu l-każ għall-provvisti transfruntieri ta’ merkanzija u servizzi, jenħtieġ li jkun possibbli għall-persuna taxxabbli li tissottometti d-data f’konformità mal-istandard Ewropew, minkejja li l-Istat Membru rilevanti jista’ jipprevedi standards addizzjonali biex tiġi trażmessa d-data. Jenħtieġ li l-Istati Membri jħallu li d-data tintbagħat jew mill-persuna taxxabbli direttament jew minn parti terza f’isem dik il-persuna taxxabbli, u jistgħu jippermettu l-użu ta’ portal pubbliku, jekk ikun disponibbli.

(21)

Jenħtieġ li l-Istati Membri ma jkunux obbligati jimplimentaw rekwiżit ta’ rapportar diġitali f’ħin reali bbażat fuq it-tranżazzjonijiet għall-provvisti ta’ merkanzija u servizzi bi ħlas fit-territorju tagħhom, għajr dawk soġġetti għar-rekwiżiti ta’ rapportar għall-provvisti transfruntieri ta’ merkanzija u servizzi. Madankollu, jekk jimplimentaw tali rekwiżit fil-futur, jenħtieġ li jagħmlu dan f’konformità mar-regoli l-ġodda dwar ir-rekwiżiti ta’ rapportar diġitali għal provvisti proprji u provvisti magħmula bejn persuni taxxabbli ta’ merkaniija u servizzi fit-territorju ta’ Stat Membru li l-liġijiet u r-regolamenti tiegħu jkun allinjati mar-rekwiżiti ta’ rapportar diġitali għall-provvisti transfruntieri ta’ merkanzija u servizzi. Jenħtieġ li l-Istati Membri li diġà għandhom sistema ta’ rapportar għal dawn it-tranżazzjonijiet fis-seħħ jadattaw tali sistemi biex jiżguraw li d-data tiġi rrapportata f’konformità mar-rekwiżiti ta’ rapportar diġitali għal provvisti proprji u provvisti magħmula bejn persuni taxxabbli ta’ merkaniija u servizzi fit-territorju ta’ Stat Membru.

(22)

Sabiex tiġi evalwata l-effettività tar-rekwiżiti ta’ rapportar diġitali, jenħtieġ li l-Kummissjoni tħejji rapport ta’ valutazzjoni li jevalwa l-impatt tal-fatturazzjoni elettronika u kemm ir-rekwiżiti ta’ rapportar diġitali intra-Kommunitarji kif ukoll dawk domestiċi fuq l-effettività tal-ġbir tal-VAT u t-tnaqqis tad-diskrepanza tal-VAT u fuq il-kostijiet ta’ implimentazzjoni u konformità għall-persuni taxxabbli u għad-dipartimenti tat-taxxa, sabiex jiġi vverifikat jekk is-sistema laħqitx l-objettivi tagħha jew teħtieġx aktar aġġustamenti.

(23)

Jenħtieġ li l-Istati Membri jkunu jistgħu jkomplu jimplimentaw miżuri oħra biex jiżguraw il-ġbir korrett tal-VAT u biex jipprevjenu l-evażjoni. Madankollu, jenħtieġ li ma jkunux jistgħu jimponu obbligi ta’ rapportar ġenerali addizzjonali bbażati fuq it-tranżazzjonijiet fuq it-tranżazzjonijiet li jkunu koperti mir-rekwiżiti ta’ rapportar diġitali, sakemm dan ma jkunx meħtieġ fil-livell nazzjonali sabiex titħejja u tiġi ppreżentata denunzja tal-VAT jew għal finijiet ta’ awditjar. Dan ifisser li jenħtieġ li l-Istati Membri jistgħu jitħallew iżommu, flimkien mal-obbligi ta’ rapportar f’ħin reali stabbiliti f’din id-Direttiva, l-għodod ta’ rapportar domestiċi tagħhom ibbażati, pereżempju, fuq sistema SAF-T, kif ukoll obbligi ta’ rapportar li mhumiex ġenerali, bħal dawk li jikkonċernaw il-cash registers. Barra minn hekk, jenħtieġ li l-possibbiltà li l-Istati Membri jitolbu informazzjoni minn persuni taxxabbli waqt l-awditi ma jkunx limitat, peress li tali informazzjoni tinkiseb biss fuq talba mill-Istat Membru u mhijiex riżultat ta’ rapportar attiv mill-persuni taxxabbli.

(24)

Sabiex tiġi ssimplifikata l-proċedura għall-ġbir tal-VAT jew biex jiġu evitati ċerti forom ta’ evażjoni jew evitar tat-taxxa, diversi Stati Membri stabbilew, b’awtorizzazzjoni preċedenti abbażi tal-Artikolu 395 tad-Direttiva 2006/112/KE fejn meħtieġ, obbligu ta’ rapportar diġitali domestiku bbażat fuq it-tranżazzjonijiet f’ħin reali. Dawk l-Istati Membri u l-persuni taxxabbli stabbiliti fit-territorji tagħhom reċentement għamlu investimenti sinifikanti biex jaċċertaw il-funzjonament ta’ dawk is-sistemi u l-kisba ta’ dawk l-objettivi. Għalhekk, jenħtieġ li dawk l-Istati Membri jadattaw is-sistemi tagħhom fuq bażi eċċezzjonali biex jiżguraw li d-data tiġi rrapportata f’konformità mar-rekwiżiti ta’ rapportar diġitali għal provvisti proprji u provvisti magħmula bejn persuni taxxabbli ta’ merkaniija u servizzi fit-territorju tagħhom biss sal-2035, sakemm ir-rapport ta’ valutazzjoni mill-Kummissjoni ma jiżvelax nuqqasijiet fil-funzjonament tas-sistema ta’ rapportar diġitali transfruntiera. Tali nuqqasijiet jistgħu jwasslu għal estensjoni ulterjuri tal-iskadenza għall-allinjament tas-sistemi ta’ rapportar domestiku tagħhom, jekk ikun meħtieġ.

(25)

L-ekonomija tal-pjattaformi ħolqot ċerti diffikultajiet għall-applikazzjoni tar-regoli tal-VAT, b’mod partikolari rigward l-istabbiliment tal-istatus taxxabbli tal-fornitur tas-servizz u kundizzjonijiet ekwivalenti ta’ kompetizzjoni bejn l-impriżi żgħar u ta’ daqs medju (SMEs) u negozji oħra.

(26)

L-ekonomija tal-pjattaformi wasslet għal distorsjoni mhux ġustifikata tal-kompetizzjoni bejn il-provvisti mwettqa permezz ta’ pjattaformi online li jevitaw it-tassazzjoni tal-VAT, u l-provvisti mwettqa fl-ekonomija tradizzjonali li huma soġġetti għall-VAT. Id-distorsjoni kienet l-aktar akuta fl-akbar żewġ setturi tal-ekonomija tal-pjattaformi wara l-kummerċ elettroniku, jiġifieri s-settur tal-kiri ta’ akkomodazzjoni għal żmien qasir u s-settur tat-trasport tal-passiġġieri bit-triq. Madankollu, huwa magħruf li dik id-disparità tista’ tkun aktar evidenti f’xi Stati Membri milli f’oħrajn.

(27)

Sabiex tiġi indirizzata d-distorsjoni tal-kompetizzjoni fis-setturi tal-kiri ta’ akkomodazzjoni għal żmien qasir u fis-settur tat-trasport tal-passiġġieri bit-triq, jenħtieġ li jiġu stabbiliti regoli biex jinbidel ir-rwol li l-pjattaformi għandhom fil-ġbir tal-VAT, li jsiru l-“fornitur preżunt”. Skont il-mudell tal-fornitur preżunt, li huwa finzjoni ġuridika li ma għandha l-ebda impatt fuq ir-regoli minbarra il-leġiżlazzjoni tal-VAT, jenħtieġ li l-pjattaformi jkunu meħtieġa jimponu l-VAT meta l-fornituri sottostanti ma jimponux il-VAT minħabba li jkunu, pereżempju, persuni mhux taxxabbli jew persuni taxxabbli li jagħmlu użu mill-iskema speċjali għall-impriżi ż-żgħar.

(28)

Biex tiġi ppreservata n-newtralità tal-VAT, jenħtieġ li l-pjattaformi ma jitqisux bħala “fornitur preżunt”, u għalhekk jenħtieġ li ma jimponux il-VAT meta l-fornituri sottostanti jipprovdu numru ta’ identifikazzjoni għall-finijiet tal-VAT u jiddikjaraw li ser jimponu l-VAT li normalment tiġi imposta mill-fornitur preżunt.

(29)

Madankollu, meta l-Istati Membri jqisu li ma jkun hemm l-ebda distorsjoni tal-kompetizzjoni bħal din fit-territorju tagħhom, huwa xieraq li dawn jingħataw il-possibbiltà li jeskludu mill-kamp ta’ applikazzjoni ta’ dik ir-regola lill-persuni taxxabbli li jagħmlu użu mill-iskema speċjali għall-impriżi ż-żgħar fit-territorju tagħhom, li normalment tkun taqa’ b’mod sistematiku taħt ir-regola tal-“fornitur preżunt”. L-Istati Membri għandhom ikunu jistgħu jistabbilixxu l-kundizzjonijiet li skonthom tiġi eżerċitata dik l-għażla. Meta jeżerċitaw dik l-għażla, jenħtieġ li l-Istati Membri jkunu jistgħu japplikawha b’mod li ma jikkawża l-ebda piż amministrattiv sproporzjonat fuq il-persuna li tipprovdi servizzi ta’ kiri ta’ akkomodazzjoni għal żmien qasir jew servizzi ta’ trasport tal-passiġġieri bit-triq, jew fuq il-persuna taxxabbli li tiffaċilita tali provvista. F’dak ir-rigward, il-ħtieġa ta’ informazzjoni meħtieġa biex jiġi stabbilit jekk il-fornitur sottostanti jagħmilx użu mill-iskema speċjali għall-impriżi ż-żgħar ma għandhiex titqies bħala sproporzjonata. Madankollu, meta Stat Membru jagħmel użu minn tali għażla, dan huwa mingħajr preġudizzju għar-responsabbiltà ġenerali tal-pjattaformi li jikkonformaw mar-regola tal-fornitur preżunt.

(30)

Sabiex jiġi żgurat grad minimu ta’ konsistenza bejn sistemi nazzjonali differenti tal-VAT fir-rigward tat-trattament tal-forniment ta’ servizzi ta’ kiri ta’ akkomodazzjoni għal żmien qasir, jenħtieġ li tali servizz ta’ kiri jitqies li għandu funzjoni simili għas-settur tal-lukandi jekk ma jkunx interrott, jingħata lill-istess persuna u jingħata għal massimu ta’ 30 lejl. Madankollu, biex jadattaw għall-ispeċifiċitajiet nazzjonali differenti tas-settur, jenħtieġ li l-Istati Membri jkollhom il-possibbiltà li jagħmlu s-servizzi ta’ kiri ta’ akkomodazzjoni għal żmien qasir soġġett għal ċerti kriterji, kundizzjonijiet u limitazzjonijiet f’konformità mal-liġijiet nazzjonali tagħhom.

(31)

L-Istati Membri jinterpretaw il-post tal-provvista tas-servizz ta’ faċilitazzjoni pprovdut mill-pjattaformi lill-persuni mhux taxxabbli b’mod differenti. Huwa għalhekk meħtieġ li dik ir-regola tiġi ċċarata u li jiġi żgurat kriterju komuni.

(32)

Sabiex jiġu evitati sitwazzjonijiet li fihom il-pjattaformi jiġu inklużi fl-iskema speċjali għall-aġenti tal-ivvjaġġar b’rispett għal tanżazzjonijiet li fihom jitqiesu bħala l-“fornitur preżunt”, jenħtieġ li jiġi ċċarat li dawk it-tranżazzjonijiet ma jaqgħux fil-kamp ta’ applikazzjoni ta’ dik l-iskema speċjali. Bl-istess mod, jenħtieġ li jiġi żgurat li l-aġenti tal-ivvjaġġar ma jiġux inklużi fir-regola tal-fornitur preżunt.

(33)

B’kont meħud tal-prattiki diverġenti eżistenti fis-seħħ fl-Istati Membri rigward l-identifikazzjoni tal-persuni taxxabbli, huwa xieraq li tiġi prevista perjodu ta’ tranżizzjoni itwal għad-dħul fis-seħħ tar-regola tal-fornitur preżunt sabiex tiġi żgurata tranżizzjoni bla xkiel lejn ir-regola l-ġdida.

(34)

Din id-Direttiva hija mingħajr preġudizzju għar-regoli stabbiliti minn atti legali oħrajn tal-Unjoni b’mod partikolari r-Regolament (UE) 2022/2065 tal-Parlament Ewropew u tal-Kunsill (6), li jirregola aspetti oħra tal-forniment ta’ servizzi minn pjattaformi online, bħall-obbligi applikabbli għall-fornituri ta’ pjattaformi online li jippermettu lill-konsumaturi jikkonkludu kuntratti mill-bogħod man-negozjanti.

(35)

Id-Direttivi tal-Kunsill (UE) 2017/2455 (7) u (UE) 2019/1995 (8) emendaw id-Direttiva 2006/112/KE fir-rigward tar-regoli tal-VAT li jirregolaw it-tassazzjoni ta’ attività transfruntiera tal-kummerċ elettroniku min-negozju għall-konsumatur fl-Unjoni. Dawk id-Direttivi emendatorji naqqsu d-distorsjonijiet tal-kompetizzjoni, tejbu l-kooperazzjoni amministrattiva u introduċew għadd ta’ simplifikazzjonijiet. Filwaqt li l-biċċa l-kbira tal-emendi introdotti minn dawk id-Direttivi, li ilhom li applikaw mill-1 ta’ Lulju 2021, kienu ta’ suċċess, hemm ħtieġa għal ċertu titjib.

(36)

Jenħtieġ li jiġu ċċarati ċerti regoli eżistenti. Dan jinkludi r-regola dwar il-kalkolu tal-limitu ta’ EUR 10 000 għal sena kalendarja stabbilita fl-Artikolu 59c tad-Direttiva 2006/112/KE, li taħtu provvisti ta’ servizzi ta’ telekomunikazzjoni, xandir u servizzi elettroniċi (TBE) u bejgħ mill-bogħod intra-Komunitarju ta’ merkanzija, fornuti minn fornitur stabbilit fl-Unjoni stabbilit fi Stat Membru wieħed biss, jistgħu jibqgħu soġġetti għall-VAT fl-Istat Membru fejn tkun stabbilita dik il-persuna taxxabbli li tipprovdi dawk is-servizzi ta’ TBE, jew fejn dik il-merkanzija tkun tinsab fil-mument li fih tibda tintbagħat jew tiġi ttrasportata. L-Artikolu 59c tad-Direttiva 2006/112/KE jenħtieġ li jiġi emendat biex jiġi żgurat li l-bejgħ mill-bogħod intra-Komunitarju biss ta’ merkanzija li tiġi fornuta mill-Istat Membru fejn tkun stabbilita l-persuna taxxabbli jiġi inkluż fil-kalkolu tal-limitu ta’ EUR 10 000, iżda mhux bejgħ mill-bogħod magħmul minn stokk ta’ merkanzija fi Stat Membru ieħor. Huma meħtieġa emendi żgħar oħra sabiex jiġu ċċarati ċerti aspetti prattiċi bħall-forniment ta’ indirizz ta’ sit web.

(37)

Id-Direttiva 2006/112/KE jenħtieġ li tiġi emendata wkoll biex jiġi ċċarat li l-provvisti kollha ta’ servizzi min-negozju għall-konsumatur, fornuti fl-Unjoni minn persuni taxxabbli stabbiliti barra l-Unjoni, jaqgħu fil-kamp ta’ applikazzjoni tal-iskema speċjali għal servizzi fornuti minn persuni taxxabbli mhux stabbiliti fl-Unjoni, jiġifieri l-iskema tal-punt uniku ta’ servizz (OSS) mhux tal-Unjoni (“l OSS mhux tal-Unjoni”), u mhux biss il-provvisti ta’ servizzi lil klijenti stabbiliti fl-Unjoni. Wara l-introduzzjoni tar-regoli l-ġodda dwar ir-rati tal-VAT permezz tad-Direttiva tal-Kunsill (UE) 2022/542 (9) u sabiex jiġu koperti l-eżenzjonijiet skont l-Artikolu 151 tad-Direttiva 2006/112/KE dwar il-provvisti ta’ merkanzija u servizzi, fost l-oħrajn, taħt arranġamenti diplomatiċi u konsulari u lil ċerti korpi internazzjonali oħra, huwa meħtieġ ukoll li l-iskemi tal- OSS jitwessgħu skont it-Titolu XII, il-Kapitolu 6, tad-Direttiva 2006/112/KE billi jiġi żgurat li l-provvisti b’rati żero u eżentati mill-VAT bi dritt għal tnaqqis jaqgħu fil-kamp ta’ applikazzjoni ta’ dawk l-iskemi. Barra minn hekk, jenħtieġ li d-Direttiva 2006/112/KE tiġi emendata biex jiġi ċċarat iż-żmien sa meta jistgħu jsiru emendi mill-persuna taxxabbli li tkun qed tagħmel użu mill-iskemi speċjali għad-denunzji rilevanti tal-VAT fit-tliet skemi ta’ simplifikazzjoni eżistenti: l-OSS mhux tal-Unjoni, l-OSS tal-Unjoni u l-OSS għall-importazzjonijiet (“IOSS”). Dik il-kjarifika għandha tippermetti lill-persuni taxxabbli rreġistrati għall-iskemi jagħmlu emendi fid-denunzji rilevanti tal-VAT sal-iskadenza tas-sottomissjoni ta’ dawk id-denunzji. Barra minn hekk, jenħtieġ li jiġi ċċarat li l-emendi fid-denunzji preċedenti tal-VAT jistgħu jsiru biss fid-denunzji tal-VAT għal perjodi tat-taxxa sussegwenti. Fl-aħħar nett, iż-żmien tal-avveniment li jagħti lok għal ħlas fir-rigward tal-provvisti taħt l-iskemi ta’ simplifikazzjoni tal-OSS tal-Unjoni u mhux tal-Unjoni jenħtieġ li jiġi stabbilit b’mod ċar sabiex jiġu evitati differenzi fl-applikazzjoni tar-regoli fost l-Istati Membri.

(38)

B’mod ġenerali, l-identifikazzjoni tal-VAT hija meħtieġa f’kull Stat Membru fejn isiru tranżazzjonijiet taxxabbli. Madankollu, biex jitnaqqsu l-każijiet li fihom huma meħtieġa reġistrazzjonijiet multipli tal-VAT, id-Direttiva (UE) 2017/2455 introduċiet fid-Direttiva 2006/112/KE għadd ta’ miżuri biex tiġi mminimizzata l-ħtieġa għal reġistrazzjonijiet multipli tal-VAT. Sabiex tkompli titnaqqas il-ħtieġa għal reġistrazzjonijiet multipli tal-VAT, ġew identifikati għadd ta’ miżuri ta’ estensjoni biex jiġi appoġġat l-objettiv ta’ reġistrazzjoni unika tal-VAT fl-Unjoni. Għalhekk jenħtieġ li jiġu stabbiliti regoli li jipprevedu dawk il-miżuri ta’ estensjoni.

(39)

Fost miżuri oħra, id-Direttiva (UE) 2017/2455 estendiet il-kamp ta’ applikazzjoni tal-OSS Żgħir biex isir OSS usa’, li jkopri l-provvisti transfruntieri kollha ta’ servizzi lil persuni mhux taxxabbli li jseħħu fl-Unjoni u l-bejgħ mill-bogħod intra-Komunitarju kollu ta’ merkanzija. B’mod eċċezzjonali, l-interfaċċi elettroniċi, bħall-postijiet tas-suq u l-pjattaformi, li jsiru fornituri preżunti għal ċerti provvisti ta’ merkanzija fl-Unjoni jistgħu jiddikjaraw ukoll ċerti provvisti domestiċi ta’ merkanzija fl-iskema tal-OSS tal-Unjoni. Biex jiġi appoġġat l-objettiv ta’ reġistrazzjoni unika tal-VAT fl-Unjoni, jenħtieġ li l-kamp ta’ applikazzjoni tal-iskema tal-OSS tal-Unjoni jiġi estiż aktar biex ikopri provvisti oħra ta’ merkanzija, inkluż provvisti domestiċi ta’ merkanzija min-negozju għall-konsumatur fl-Unjoni minn persuni taxxabbli li ma jkunux stabbiliti fl-Istat Membru tal-konsum, filwaqt li jiġi żgurat li n-negozji ma jkollhomx għalfejn jirreġistraw għall-VAT f’kull Stat Membru fejn iseħħu tali provvisti ta’ merkanzija lill-konsumaturi.

(40)

Il-VAT normalment tiġi imposta u kkunsidrata mill-fornitur tal-merkanzija jew tas-servizzi. Madankollu, f’ċerti ċirkostanzi, l-Istati Membri jistgħu jipprevedu li, taħt il-mekkaniżmu tar-reverse charge, ir-riċevitur tal-provvista, u mhux il-fornitur, ikun obbligat li jikkunsidra l-VAT dovuta. Sabiex jiġi appoġġat aktar l-objettiv ta’ reġistrazzjoni unika tal-VAT fl-Unjoni, jenħtieġ li jiġu stabbiliti regoli għall-applikazzjoni obbligatorja tal-mekkaniżmu tar-reverse charge f’sitwazzjonijiet fejn il-fornituri ma jkunux stabbiliti u ma jkunux identifikati għall-finijiet tal-VAT fl-Istat Membru li fih tkun dovuta l-VAT. Meta jfornu merkanzija jew servizzi lil persuna li tkun identifikata għall-finijiet tal-VAT fl-Istat Membru fejn il-provvista tkun taxxabbli, jenħtieġ li dawk il-fornituri japplikaw ir-reverse charge. Għall-finijiet ta’ kontroll, jenħtieġ li tali provvisti jiġu rrapportati fid-dikjarazzjoni rikapitolattiva. Minbarra l-użu obbligatorju, jenħtieġ li l-Istati Membri jistgħu jkunu japplikaw ukoll il-mekkaniżmu tar-reverse charge għal provvisti minn negozjanti mhux stabbiliti li jipprovdu merkanzija jew servizzi lil klijent, irrispettivament mill-istatus ta’ dan tal-aħħar. Madankollu, jenħtieġ li l-provvisti li huma soġġetti għall-iskema ta’ marġni kif stabbilita fit-Titolu XII, il-Kapitolu 4, tad-Direttiva 2006/112/KE jiġu esklużi mill-mekkaniżmu tar-reverse charge.

(41)

Id-Direttiva (UE) 2017/2455 introduċiet fid-Direttiva 2006/112/KE simplifikazzjoni speċifika, jiġifieri l-IOSS, li kien tfassal biex inaqqas il-piż regolatorju tal-VAT assoċjat mal-importazzjoni ta’ ċerta merkanzija ta’ valur baxx lill-konsumaturi fl-Unjoni. Sabiex jiġu żgurati kundizzjonijiet uniformi għall-implimentazzjoni tad-Direttiva 2006/112/KE, jenħtieġ li l-Kummissjoni tingħata setgħat ta’ implimentazzjoni biex tiżgura aħjar l-użu korrett u l-proċess ta’ verifika tan-numri ta’ identifikazzjoni tal-VAT tal-IOSS għall-finijiet tal-eżenzjoni prevista f’dik id-Direttiva. Jenħtieġ li dak l-għoti tas-setgħa jippermetti lill-Kummissjoni tadotta att ta’ implimentazzjoni biex tintroduċi miżuri speċjali għall-prevenzjoni ta’ ċerti forom ta’ evażjoni jew evitar tat-taxxa. Tali miżuri speċjali jinkludu, fost l-oħrajn, ir-rabta tan-numru uniku tal-kunsinna man-numru ta’ identifikazzjoni tal-VAT tal-IOSS. Jenħtieġ li dawk is-setgħat jiġu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill (10).

(42)

Ir-reġistrazzjoni tal-VAT ta’ fornitur hija meħtieġa meta dak il-fornitur ma jiġix identifikat għall-finijiet tal-VAT fl-Istat Membru fejn tkun dovuta l-VAT. B’mod partikolari, it-trasferiment tal-merkanzija proprja ta’ persuna taxxabbli lejn Stat Membru ieħor, fost l-oħrajn għall-finijiet tal-attività relatata mal-kummerċ elettroniku ta’ dik il-persuna jiskatta l-ħtieġa li jiġi rreġistrat fl-Istati Membri minn fejn tiġi trasferita l-merkanzija proprja u lejn fejn tiġi trasferita. F’konformità mal-objettiv ta’ reġistrazzjoni unika tal-VAT fl-Unjoni, jenħtieġ li l-każijiet li fihom huma meħtieġa reġistrazzjonijiet multipli tal-VAT jitnaqqsu aktar billi tiġi prevista l-applikazzjoni ta’ skema ġdida fil-qafas tal-iskemi tal-OSS. Tali skema ġdida għandha tkun imfassla speċifikament biex tissimplifika l-obbligi ta’ konformità mal-VAT assoċjati ma’ ċerti trasferimenti ta’ merkanzija proprja. Barra minn hekk, meta trasferiment ta’ merkanzija proprja jitwettaq minn persuna taxxabbli f’isem persuna taxxabbli oħra, u sakemm it-trasferiment ma jsirx fuq talba espliċita ta’ din tal-aħħar, dik tal-ewwel għandha tkun obbligata tikkomunika ċerta informazzjoni dwar it-trasferiment lis-sid ta’ dik il-merkanzija.

(43)

Id-Direttiva 2006/112/KE tipprevedi t-trattament simplifikat tal-VAT tal-merkanzija ttrasferita skont arranġamenti ta’ stokks b’kuntratt ta’ ħżin fejn jiġu sodisfatti ċerti kundizzjonijiet. Peress li l-iskema ta’ simplifikazzjoni tal-OSS għat-trasferimenti ta’ merkanzija proprja hija komprensiva u tinkludi movimenti transfruntieri ta’ merkanzija li bħalissa huma koperti minn arranġamenti ta’ stokks b’kuntratt ta’ ħżin skont l-Artikolu 17a tad-Direttiva 2006/112/KE, jeħtieġ li dawk l-arranġamenti jitneħħew gradwalment billi tiġi inkluża data tat-tmiem qabel it-tneħħija sħiħa tad-dispożizzjonijiet dwar l-istokks b’kuntratt ta’ ħżin f’dik id-Direttiva. Għalhekk, huwa xieraq li tiġi stabbilita d-data tat-tmiem tat-30 ta’ Ġunju 2028 li warajha ma jkunx aktar possibbli li jsir arranġament ġdid ta’ stokks b’kuntratt ta’ ħżin. Għall-arranġamenti ta’ stokks b’kuntratt ta’ ħżin li jibdew fit-30 ta’ Ġunju 2028 jew qabel, jenħtieġ li jkomplu japplikaw il-kundizzjonijiet rilevanti, inkluż il-limitu ta’ żmien ta’ 12-il xahar għat-trasferiment tas-sjieda ta’ dik il-merkanzija lix-xerrej maħsub. B’mod parallel mal-inklużjoni tad-data tat-tmiem il-ġdida, jenħtieġ li jiġi previst li dawk l-arranġamenti ma jibqgħux japplikaw fit-30 ta’ Ġunju 2029, peress li mhux ser jibqgħu meħtieġa wara dik id-data.

(44)

F’konformità mad-Dikjarazzjoni Politika Konġunta tat-28 ta’ Settembru 2011 tal-Istati Membri u l-Kummissjoni dwar id-dokumenti ta’ spjegazzjoni (11), l-Istati Membri impenjaw ruħhom li f’każijiet ġustifikati, in-notifika tal-miżuri ta’ traspożizzjoni tagħhom tkun akkumpanjata b’dokument wieħed jew iktar, fejn tiġi spjegata l-korrelazzjoni bejn il-komponenti ta’ direttiva u l-partijiet ekwivalenti tal-istrumenti nazzjonali ta’ traspożizzjoni. Fir-rigward ta’ din id-Direttiva, il-leġiżlatur iqis li t-trażmissjoni ta’ dawk id-dokumenti hija ġustifikata.

(45)

Peress li l-objettivi ta’ din id-Direttiva, jiġifieri li s-sistema tal-VAT tiddaħħal fl-era diġitali, ma jistgħux jintlaħqu b’mod suffiċjenti mill-Istati Membri iżda minflok jistgħu, minħabba l-ħtieġa li jiġi armonizzat u mħeġġeġ l-użu tar-rekwiżiti ta’ rapportar diġitali, biex itejbu t-trattament tal-VAT tal-pjattaformi, u jnaqqsu l-każijiet li fihom negozju jkun meħtieġ jirreġistra fi Stati Membri oħra, jintlaħqu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità kif stabbilit f’dak l-Artikolu, din id-Direttiva ma tmurx lil hinn minn dak li huwa meħtieġ sabiex jintlaħqu dawk l-objettivi.

(46)

Jenħtieġ għalhekk li d-Direttiva 2006/112/KE tiġi emendata skont dan,

(1)

fl-Artikolu 143, jiddaħħal il-paragrafu li ġej:

(*1)  Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13, ELI: http://data.europa.eu/eli/reg/2011/182/oj)."

(*2)  Regolament tal-Kunsill (UE) Nru 904/2010 tas- 7 ta’ Ottubru 2010 dwar il-kooperazzjoni amministrattiva u l-ġlieda kontra l-frodi fil-qasam tat-taxxa fuq il-valur miżjud (ĠU L 268, 12.10.2010, p. 1, ELI: http://data.europa.eu/eli/reg/2010/904/oj).”;"

(2)

fl-Artikolu 218, jiżdied il-paragrafu li ġej:

“B’deroga mill-ewwel paragrafu ta’ dan l-Artikolu, l-Istati Membri jistgħu, f’konformità mal-kundizzjonijiet li jistabbilixxu, jeħtieġu persuni taxxabbli stabbiliti fit-territorju tagħhom li joħorġu fatturi elettroniċi għall-provvisti ta’ merkanzija u servizzi fit-territorju tagħhom, minbarra dawk imsemmija fl-Artikolu 262.”

(3)

fl-Artikolu 232, jiżdied il-paragrafu li ġej:

“B’deroga mill-ewwel paragrafu ta’ dan l-Artikolu, l-Istati Membri li jeżerċitaw l-għażla imsemmija fl-Artikolu 218, it-tieni paragrafu, jistgħu jipprevedu li l-użu ta’ fatturi elettroniċi maħruġa minn persuni taxxabbli stabbiliti fit-territorju tagħhom m’għandux ikun soġġett għall-aċċettazzjoni mir-riċevitur stabbilit fit-territorju tagħhom.”.

(1)

l-Artikolu 14a huwa sostitwit b’dan li ġej:

(2)

l-Artikolu 17a huwa emendat kif ġej:

(3)

fit-Titolu V, il-Kapitolu 3a, l-intestatura hija sostitwita b’dan li ġej:

(4)

l-Artikolu 59c huwa emendat kif ġej:

(5)

l-Artikolu 66 huwa sostitwit b’dan li ġej:

(6)

fl-Artikolu 167a, l-ewwel paragrafu huwa sostitwit b’dan li ġej:

“L-Istati Membri jistgħu jipprevedu, fi skema fakultattiva, li d-dritt għal tnaqqis ta’ persuna taxxabbli li l-VAT tagħha tiġi imposta biss f’konformità mal-Artikolu 66(1), il-punt (b), jiġi pospost sakemm il-VAT fuq il-merkanzija jew is-servizzi fornuti lil dik il-persuna taxxabbli tkun tħallset lill-fornitur.”

(7)

fl-Artikolu 226, il-punt (7a) huwa sostitwit b’dan li ġej:

;

(8)

l-Artikolu 237 jitħassar;

(9)

l-Artikolu 359 huwa sostitwit b’dan li ġej:

(10)

fl-Artikolu 361(1), il-punt (c) huwa sostitwit b’dan li ġej:

;

(11)

l-Artikolu 368 huwa sostitwit b’dan li ġej:

(12)

jiddaħħal l-Artikolu li ġej:

(13)

fl-Artikolu 369j, l-ewwel paragrafu huwa sostitwit b’dan li ġej:

“Il-persuna taxxabbli li tagħmel użu minn din l-iskema speċjali ma tistax, fir-rigward tal-attivitajiet taxxabbli tagħha koperti minn din l-iskema speċjali, tnaqqas il-VAT imposta fl-Istati Membri tal-konsum skont l-Artikolu 168 ta’ din id-Direttiva. Minkejja l-Artikolu 1, il-punt (1), tad-Direttiva 86/560/KEE u l-Artikolu 2, il-punt (1), l-Artikolu 3 u l-Artikolu 8(1), il-punt (e), tad-Direttiva 2008/9/KE, il-persuna taxxabbli inkwistjoni għandha tiġi rimborżata f’konformità ma’ dawk id-Direttivi. L-Artikolu 2(2) u l-Artikolu 4(2) tad-Direttiva 86/560/KEE ma għandhomx japplikaw għal rifużjonijiet li jirrigwardaw merkanzija jew servizzi użati għall-finijiet tal-provvisti ta’ merkanzija koperti minn din l-iskema speċjali.”

(14)

fl-Artikolu 369 m, jiddaħħal il-paragrafu li ġej:

(15)

l-Artikolu 369p huwa emendat kif ġej:

(16)

fl-Artikolu 369w, l-ewwel paragrafu huwa sostitwit b’dan li ġej:

“Il-persuna taxxabbli li tagħmel użu minn din l-iskema speċjali ma tistax, fir-rigward tal-attivitajiet taxxabbli tagħha koperti minn din l-iskema speċjali, tnaqqas il-VAT imposta fl-Istati Membri tal-konsum skont l-Artikolu 168 ta’ din id-Direttiva. Minkejja l-Artikolu 1, il-punt (1), tad-Direttiva 86/560/KEE, u l-Artikolu 2, il-punt (1), l-Artikolu 3 u l-Artikolu 8(1), il-punt (e), tad-Direttiva 2008/9/KE, il-persuna taxxabbli inkwistjoni għandha tiġi rimborżata f’konformità ma’ dawk id-Direttivi. L-Artikolu 2(2) u l-Artikolu 4(2) tad-Direttiva 86/560/KEE ma għandhomx japplikaw għal rifużjonijiet li jirrigwardaw merkanzija jew servizzi użati għall-finijiet tal-provvisti ta’ merkanzija koperti minn din l-iskema speċjali.”.

(1)

jiddaħħal l-Artikolu li ġej:

(2)

jiddaħħal l-Artikolu li ġej:

(3)

l-Artikolu 135(2) huwa emendat kif ġej:

(4)

jiddaħħal l-Artikolu li ġej:

(5)

l-Artikolu 138 huwa emendat kif ġej:

(6)

jiddaħħal l-Artikolu li ġej:

(7)

l-Artikolu 194 huwa sostitwit b’dan li ġej:

(8)

fl-Artikolu 222, l-ewwel paragrafu huwa sostitwit b’dan li ġej:

“Għal provvisti ta’ merkanzija mwettqa f’konformità mal-kundizzjonijiet speċifikati fl-Artikolu 138 jew għal provvisti ta’ merkanzija jew servizzi li għalihom il-VAT hija pagabbli mill-klijent skont l-Artikoli 194 u 196, għandha tinħareġ fattura mhux aktar tard mill-ħmistax-il jum tax-xahar ta’ wara dak li fih iseħħ l-avveniment li jagħti lok għal ħlas.”

(9)

fl-Artikolu 226, il-punt (4) huwa sostitwit b’dan li ġej:

;

(10)

l-Artikolu 242a huwa emendat kif ġej:

(11)

jiddaħħal l-Artikolu li ġej:

(12)

fl-Artikolu 262, il-paragrafu 1 huwa sostitwit b’dan li ġej:

(13)

fl-Artikolu 288(l), il-punt (c) huwa sostitwit b’dan li ġej:

;

(14)

Fl-Artikolu 306, jiżdied il-paragrafu li ġej:

(15)

fit-Titolu XII, il-Kapitolu 6, l-intestatura hija sostitwita b’dan li ġej:

(16)

l-Artikolu 365 huwa sostitwit b’dan li ġej:

(17)

fit-Titolu XII, il-Kapitolu 6, it-Taqsima 3, l-intestatura 3 hija sostitwita b’dan li ġej:

(18)

L-Artikolu 369a huwa emendat kif ġej:

(19)

l-Artikolu 369b huwa sostitwit b’dan li ġej:

(20)

L-Artikolu 369g huwa sostitwit b’dan li ġej:

(21)

L-Artikolu 369p huwa emendat kif ġej:

(22)

l-Artikolu 369t huwa sostitwit b’dan li ġej:

(23)

fit-Titolu XII, il-Kapitolu 6, tiżdied it-taqsima li ġejja:

(1)

fl-Artikolu 243, jitħassar il-paragrafu 3;

(2)

fl-Artikolu 262, jitħassar il-paragrafu 2.

(1)

fl-Artikolu 42, il-punt (b) huwa sostitwit b’dan li ġej:

;

(2)

fl-Artikolu 138, il-paragrafu 1a huwa sostitwit b’dan li ġej:

(3)

fl-Artikolu 168, jiżdied il-paragrafu li ġej:

“Meta t-tranżazzjoni tkun soġġetta għar-rekwiżiti ta’ rapportar stabbiliti fl-Artikolu 271a(1), l-Istati Membri jistgħu, f’konformità mal-kundizzjonijiet li jistabbilixxu, jipprevedu li l-klijent għandu jkun intitolat biss li jnaqqas jew jitlob lura l-VAT dovuta jew imħallsa biss jekk dak il-klijent jkollu fattura elettronika maħruġa f’konformità mar-rekwiżiti stabbiliti fl-Artikolu 218(3).”

(4)

l-Artikolu 217 huwa sostitwit b’dan li ġej:

(5)

l-Artikolu 218 huwa sostitwit b’dan li ġej:

(*3)  Id-Direttiva 2014/55/UE tal-Parlament Ewropew u tal-Kunsill tas-16 ta’ April 2014 dwar il-fatturazzjoni elettronika fl-akkwist pubbliku (ĠU L 133, 6.5.2014, p. 1, ELI: http://data.europa.eu/eli/dir/2014/55/oj).”;"

(6)

fl-Artikolu 222, l-ewwel paragrafu huwa sostitwit b’dan li ġej:

“Għal provvisti ta’ merkanzija mwettqa f’konformità mal-kundizzjonijiet speċifikati fl-Artikolu 138 jew għal provvisti ta’ merkanzija jew servizzi li għalihom il-VAT hija pagabbli mill-klijent skont l-Artikoli 194 sa 197, fattura għandha tinħareġ mhux aktar tard minn 10 ijiem wara l-avveniment li jagħti lok għal ħlas.

Fil-każ ta’ ħlas ta’ akkont qabel ma jitwettqu l-provvisti ta’ merkanzija jew servizzi li għalihom il-VAT trid titħallas mill-klijent skont l-Artikoli 194 sa 197, għandha tinħareġ fattura mhux aktar tard minn 10 ijiem wara r-riċevuta tal-ħlas ta’ akkont.”

(7)

l-Artikolu 223 huwa sostitwit b’dan li ġej:

(8)

l-Artikolu 226 huwa emendat kif ġej:

(9)

l-Artikolu 232 huwa sostitwit b’dan li ġej:

(10)

Fl-Artikolu 233(2), il-formulazzjoni introduttorja hija emendata kif ġej:

“Apparti permezz tat-tip ta’ kontrolli tan-negozju deskritti fil-paragrafu 1, dawn li ġejjin huma eżempji tat-teknoloġiji li jiżguraw l-awtentiċità tal-oriġini u l-integrità tal-kontenut ta’ fattura elettronika jew ta’ dokumenti jew messaġġi f’formati elettroniċi minbarra fatturi elettroniċi:”

(11)

l-Artikolu 235 huwa sostitwit b’dan li ġej:

(12)

l-Artikolu 236 huwa sostitwit b’dan li ġej:

(13)

fit-Titolu XI, il-Kapitolu 6, l-intestatura hija sostitwita b’dan li ġej:

(14)

fit-Titolu XI, il-Kapitolu 6, tiddaħħal l-intestatura li ġejja tat-Taqsima wara l-intestatura ta’ dak il-Kapitolu:

(15)

l-Artikolu 262 huwa sostitwit b’dan li ġej:

(16)

l-Artikolu 263 huwa sostitwit b’dan li ġej:

(17)

l-Artikolu 264 huwa sostitwit b’dan li ġej:

(18)

L-Artikoli 265 sa 271 jitħassru;

(19)

fit-Titolu XI, il-Kapitolu 6, tiżdied it-taqsima li ġejja:

(20)

l-Artikolu 273 huwa sostitwit b’dan li ġej: