(1)

Fil-31 ta' Mejju 2013, il-Kunsill adotta d-Deċiżjoni 2013/255/PESK (1).

(2)

Fis-27 ta' Mejju 2024, il-Kunsill adotta d-Deċiżjoni (PESK) 2024/1510 (2) li testendi l-miżuri restrittivi li jinsabu fid-Deċiżjoni 2013/255/PESK sal-1 ta' Ġunju 2025.

(3)

Wara l-waqgħa tar-reġim ta' al-Assad fis-Sirja, fl-24 ta' Frar 2025, il-Kunsill taffa għadd ta' miżuri restrittivi tal-Unjoni fid-dawl tas-sitwazzjoni fis-Sirja sabiex jiffaċilita l-involviment mal-pajjiż, mal-poplu u man-negozji tiegħu fl-oqsma tal-enerġija, tat-trasport u tar-rikostruzzjoni, kif ukoll biex jiffaċilita t-tranżazzjonijiet finanzjarji u bankarji assoċjati.

(4)

Fl-istess jum, il-Kunsill ħareġ dikjarazzjoni li tiddikjara li d-deżinjazzjonijiet relatati mar-reġim al-Assad, mas-settur tal-armi kimiċi u mal-kummerċ illeċitu tad-droga jenħtieġ li jinżammu. Il-Kunsill iddikjara wkoll li ser ikompli jeżamina jekk is-sospensjonijiet għadhomx adatti, abbażi tal-monitoraġġ mill-qrib tas-sitwazzjoni fil-pajjiż, u ser jikkunsidra l-passi meħuda mis-Sirja għal tranżizzjoni inklużiva f'konformità mad-dikjarazzjonijiet tal-awtoritajiet tranżizzjonali, inkluż l-irfigħ tar-responsabbiltà għar-reati tar-reġim ta' al-Assad, ir-rispett għad-drittijiet tal-bniedem u l-libertajiet fundamentali tas-Sirjani kollha b'ebda tip ta' distinzjoni, u l-istat tad-dritt u d-dritt internazzjonali. Il-Kunsill appella biex tintemm l-interferenza fil-pajjiż ta' atturi barranin destabbilizzanti, filwaqt li fakkar fir-rispett għas-sovranità, l-integrità territorjali u l-għaqda tas-Sirja.

(5)

Fl-20 ta' Marzu 2025, il-Kunsill Ewropew issottolinja l-importanza ta' tranżizzjoni paċifika u inklużiva fis-Sirja, ħielsa minn interferenza barranija dannuża, u l-protezzjoni tad-drittijiet tas-Sirjani minn kull sfond etniku u reliġjuż mingħajr diskriminazzjoni. Il-Kunsill Ewropew enfasizza ukoll li l-ġustizzja tranżizzjonali komprensiva, b'mod partikolari, hija essenzjali fit-triq lejn ir-rikonċiljazzjoni. Il-Kunsill Ewropew iddeskriva s-sospensjoni tal-miżuri restrittivi mill-Unjoni bħala parti minn approċċ gradwali u riversibbli abbażi ta' monitoraġġ mill-qrib tas-sitwazzjoni fis-Sirja.

(6)

Fl-20 ta' Mejju 2025, il-Kunsill ħabbar id-deċiżjoni politika tiegħu li jneħħi s-sanzjonijiet ekonomiċi tiegħu fuq is-Sirja, biex jappoġġa lill-poplu Sirjan fir-riunifikazzjoni u l-bini mill-ġdid ta' Sirja ġdida, inklużiva, pluralistika u paċifika ħielsa minn interferenza barranija dannuża.

(7)

Abbażi ta' dan, il-Kunsill iqis li l-miżuri restrittivi settorjali kollha jenħtieġ li jitneħħew, bl-eċċezzjoni ta' dawk ibbażati fuq raġunijiet ta' sigurtà.

(8)

Minkejja l-waqgħa tar-reġim ta' al-Assad u l-istabbiliment tal-awtoritajiet tranżizzjonali, is-sitwazzjoni fis-Sirja għadha instabbli u n-network ta' al-Assad, mifrux ġewwa s-Sirja u barra, għadu ma nżammx responsabbli u ma jistax jitqies bħala xolt. Għad hemm riskju kredibbli ta' destabbilizzazzjoni u qawmien mill-ġdid potenzjali tal-influwenza tar-reġim preċedenti, kif muri mill-inċidenti b'appoġġ għar-reġim ta' al-Assad immirati biex idgħajfu l-proċess tranżitorju, li wasslu għat-tixrid tad-demm fir-reġjun kostali tas-Sirja. L-individwi u l-entitajiet iddeżinjati marbuta mar-reġim ta' al-Assad għad għandhom rwoli influwenti qawwija u, permezz ta' finanzjament jew mezzi oħra, jippreżentaw ir-riskju li jappoġġaw kunflitt armat ulterjuri, u jista' jkollhom sehem f'tentattivi biex titreġġa' lura t-tranżizzjoni. Fid-dikjarazzjoni tagħha tal-11 ta' Marzu 2025 f'isem l-Unjoni, ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà esprimiet tħassib serju dwar il-vjolenza mifruxa fir-reġjun kostali tas-Sirja u kkundannat bil-qawwa l-attakki mill-milizzji favur Assad kontra l-forzi tas-sigurtà u d-delitti orribbli mwettqa kontra persuni ċivili, inkluż qtil sommarju, u enfasizzat f'dan ir-rigward li għandhom jittieħdu miżuri effettivi biex jiġi evitat li tali delitti jerġgħu jseħħu.

(9)

Il-membri tal-familji al-Assad u Makhlouf u l-individwi assoċjati għad iridu jinżammu responsabbli għall-involviment tagħhom fir-repressjoni brutali kontra l-popolazzjoni ċivili fis-Sirja u jippreżentaw riskju li jippruvaw jeskalaw il-kunflitt u jfixklu t-tranżizzjoni paċifika fis-Sirja.

(10)

Il-Ministri tal-Gvern Sirjan fil-poter wara Mejju 2011 taħt ir-reġim preċedenti ta' al-Assad għandhom jitqiesu responsabbli in solidum għall-politika ta' repressjoni li biha mexa r-reġim preċedenti ta' al-Assad u jkomplu jippreżentaw riskju għat-tranżizzjoni paċifika fis-Sirja.

(11)

Il-milizzji, il-gruppi armati, il-forzi tas-sigurtà u l-korpi tal-intelligence marbuta mar-reġim preċedenti ta' al-Assad u leali għar-reġim preċedenti jippreżentaw riskju ta' eskalazzjoni u repressjoni ulterjuri kontra l-popolazzjoni ċivili fis-Sirja.

(12)

Fadal aktar minn 100 sit suspettat ta' armi kimiċi fis-Sirja wara l-waqgħa tar-reġim ta' al-Assad, għadd ferm ogħla minn kemm qatt kienu rikonoxxuti qabel il-waqgħa tar-reġim ta' al-Assad. Il-qerda tal-ħażniet ta’ armi kimiċi li fadal tas-Sirja tibqa' prijorità biex tiġi żgurata l-protezzjoni tal-popolazzjoni Sirjana, kif deskritt fil-konklużjonijiet tal-Kunsill Ewropew tad-19 ta' Diċembru 2024.

(13)

Negozjanti ewlenin li joperaw fis-Sirja marbuta mar-reġim ta' al-Assad u li akkwistaw ġid u poter sostanzjali minħabba din il-konnessjoni għadhom influwenti u n-networks tagħhom għadhom hemm. Għalhekk, dawn l-individwi jippreżentaw riskju inerenti ta' repressjoni vjolenti tas-soċjetà ċivili u t-tranżizzjoni paċifika fis-Sirja.

(14)

Abbażi ta' rieżami tad-Deċiżjoni 2013/255/PESK, jenħtieġ li l-miżuri restrittivi li jinsabu fiha jiġu estiżi sal-1 ta' Ġunju 2026.

(15)

Għalhekk, jenħtieġ li d-Deċiżjoni 2013/255/PESK tiġi emendata skont dan,

(1)

fl-Artikolu 27, il-paragrafi 1 u 2 huma sostitwiti b'dan li ġej:

(*1)  Deċiżjoni tal-Kunsill (PESK) 2015/1836 tat-12 ta' Ottubru 2015 li temenda d-Deċiżjoni 2013/255/PESK dwar miżuri restrittivi kontra s-Sirja (ĠU L 266, 13.10.2015, p. 75, ELI: http://data.europa.eu/eli/dec/2015/1836/oj)."

(*2)  Deċiżjoni tal-Kunsill (PESK) 2025/1096 tas-27 ta’ Mejju 2025 li temenda d-Deċiżjoni 2013/255/PESK dwar miżuri restrittivi kontra s-Sirja (ĠU L, 2025/1096, 28.5.2025, ELI: http://data.europa.eu/eli/dec/2025/1096/oj).”;"

(2)

l-Artikolu 28 huwa emendat kif ġej:

(3)

Artikolu 28a huwa emendat kif ġej:

(4)

Artikolu 29 huwa sostitwit b'dan li ġej:

(5)

fl-Artikolu 30, il-paragrafu 1 huwa sostitwit b'dan li ġej:

(6)

Artikolu 31 huwa sostitwit b'dan li ġej:

(7)

Artikolu 34 huwa sostitwit b’dan li ġej:

(8)

Artikoli 5, 6, 7, 7a, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26 u 28b jitħassru;

(9)

Anness II jitħassar;

(10)

Anness III jitħassar.