This document is an excerpt from the EUR-Lex website
Document 32024R0896
Commission Delegated Regulation (EU) 2024/896 of 5 December 2023 amending Directive (EU) 2016/97 of the European Parliament and of the Council as regards the regulatory technical standards adapting the base amounts in euro for professional indemnity insurance and for financial capacity of insurance, reinsurance and ancillary insurance intermediaries
Regolament Delegat tal-Kummissjoni (UE) 2024/896 tal-5 ta’ Diċembru 2023 li jemenda d-Direttiva (UE) 2016/97 tal-Parlament Ewropew u tal-Kunsill fir-rigward ta’ standards tekniċi regolatorji li jadattaw l-ammonti bażi tal-euro għal assigurazzjoni ta’ indennizz professjonali u għall-kapaċità finanzjarja tal-intermedjarji tal-assigurazzjoni u r-riassigurazzjoni
Regolament Delegat tal-Kummissjoni (UE) 2024/896 tal-5 ta’ Diċembru 2023 li jemenda d-Direttiva (UE) 2016/97 tal-Parlament Ewropew u tal-Kunsill fir-rigward ta’ standards tekniċi regolatorji li jadattaw l-ammonti bażi tal-euro għal assigurazzjoni ta’ indennizz professjonali u għall-kapaċità finanzjarja tal-intermedjarji tal-assigurazzjoni u r-riassigurazzjoni
C/2023/8171
ĠU L, 2024/896, 20.3.2024, ELI: http://data.europa.eu/eli/reg_del/2024/896/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Il-Ġurnal Uffiċjali |
MT Is-serje L |
|
2024/896 |
20.3.2024 |
REGOLAMENT DELEGAT TAL-KUMMISSJONI (UE) 2024/896
tal-5 ta’ Diċembru 2023
li jemenda d-Direttiva (UE) 2016/97 tal-Parlament Ewropew u tal-Kunsill fir-rigward ta’ standards tekniċi regolatorji li jadattaw l-ammonti bażi tal-euro għal assigurazzjoni ta’ indennizz professjonali u għall-kapaċità finanzjarja tal-intermedjarji tal-assigurazzjoni u r-riassigurazzjoni
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva (UE) 2016/97 tal-Parlament Ewropew u tal-Kunsill tal-20 ta’ Jannar 2016 dwar id-distribuzzjoni tal-assigurazzjoni (1), u b’mod partikolari l-Artikolu 10(7) tiegħu,
Billi:
|
(1) |
L-Awtorità Ewropea tal-Assigurazzjoni u l-Pensjonijiet tax-Xogħol (EIOPA) meħtieġa tirrevedi regolarment l-ammonti bażi għall-assigurazzjoni ta’ indennizz professjonali u l-kapaċità finanzjarja ta’ intermedjarji tal-assigurazzjoni, tar-riassigurazzjoni u tal-assigurazzjoni anċillari biex jitqiesu l-bidliet fl-indiċi Ewropew ta’ prezzijiet tal-konsumatur kif ippubblikat mill-Eurostat. Mill-1 ta’ Jannar 2018 sal-31 ta’ Diċembru 2022, l-indiċi Ewropew tal-prezzijiet għall-konsumatur prodott mill-Eurostat għall-Unjoni żdied b’20,32 %. Għalhekk jeħtieġ li l-ammonti bażi f’euro għall-assigurazzjoni ta’ indennizz professjonali u għall-kapaċità finanzjarja tal-intermedjarji tal-assigurazzjoni, tar-riassigurazzjoni u tal-assigurazzjoni anċillari jiġu adattati b’dik iż-żieda perċentwali. |
|
(2) |
Għalhekk jenħtieġ li d-Direttiva (UE) 2016/97 tiġi emendata skont dan. |
|
(3) |
Sabiex l-Istati Membri jkunu jistgħu jadattaw l-ammonti bażi rilevanti fid-dispożizzjonijiet nazzjonali tagħhom u biex l-intermedjarji tal-assigurazzjoni, tar-riassigurazzjoni u tal-assigurazzjoni anċillari jingħataw żmien biżżejjed biex jieħdu l-miżuri ta’ implimentazzjoni meħtieġa, l-applikazzjoni ta’ dan ir-Regolament jenħtieġ li tiġi differita. |
|
(4) |
Dan ir-Regolament huwa bbażat fuq l-abbozz tal-istandards tekniċi regolatorji ppreżentati mill-EIOPA lill-Kummissjoni. |
|
(5) |
L-EIOPA wettqet konsultazzjonijiet pubbliċi miftuħin dwar l-abbozz ta’ standards tekniċi regolatorji li dan ir-Regolament huwa bbażat fuqu, analizzat il-kostijiet u l-benefiċċji potenzjali relatati u talbet il-parir tal-Grupp ta’ Partijiet Ikkonċernati tal-Assigurazzjoni u tar-Riassigurazzjoni stabbilit bl-Artikolu 37 tar-Regolament (UE) Nru 1094/2010 tal-Parlament Ewropew u tal-Kunsill (2), |
ADOTTAT DAN IR-REGOLAMENT:
Artikolu 1
Emendi għad-Direttiva (UE) 2016/97
L-Artikolu 10 tad-Direttiva (UE) 2016/97 huwa emendat kif ġej:
|
(1) |
il-paragrafu 4 huwa sostitwit b’dan li ġej: “4. L-intermedjarji tal-assigurazzjoni u tar-riassigurazzjoni għandu jkollhom assigurazzjoni ta’ indennizz professjonali li tkopri t-territorju kollu tal-Unjoni jew xi garanzija oħra komparabbli kontra responsabbiltà li tirriżulta minn negliġenza professjonali, għal tal-anqas EUR 1 564 610 applikabbli għal kull pretensjoni u aggregat ta’ EUR 2 315 610 fis-sena għall-pretensjonijiet kollha, sakemm dik l-assigurazzjoni jew garanzija komparabbli ma tkunx diġà pprovduta minn impriża tal-assigurazzjoni, impriża tar-riassigurazzjoni jew impriża oħra li l-intermedjarju tal-assigurazzjoni jew tar-riassigurazzjoni qiegħed jaġixxi għan-nom tagħha jew li l-intermedjarju tal-assigurazzjoni jew tar-riassigurazzjoni jkollu s-setgħa li jaġixxi għaliha jew dik l-impriża tkun assumiet ir-responsabbiltà sħiħa għall-azzjonijiet tal-intermedjarju.” |
|
(2) |
fil-paragrafu 6, it-tieni subparagrafu, il-punt (b) huwa sostitwit b’dan li ġej:
|
Artikolu 2
Dħul fis-seħħ u data tal-applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-9 ta' Ottubru 2024.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta’ Diċembru 2023.
Għall-Kummissjoni
Il-President
Ursula VON DER LEYEN
(2) Ir-Regolament (UE) Nru 1094/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Ewropea tal-Assigurazzjoni u l-Pensjonijiet tax-Xogħol), u li jemenda d-Deċiżjoni Nru 716/2009/KE u li jħassar id-Deċiżjoni tal-Kummissjoni 2009/79/KE (ĠU L 331, 15.12.2010, p. 48).
ELI: http://data.europa.eu/eli/reg_del/2024/896/oj
ISSN 1977-074X (electronic edition)