1.   Il-BĊNi għandhom jirrapportaw lill-BĊE t-tagħrif statistiku aggregat li ġej dwar l-assi u l-obbligazzjonijiet miżmuma u maħruġa minn fondi ta’ investiment (FI):

(a)	It-tabella 1 tal-Anness I tar-Regolament (UE) 2024/1988 (BĊE/2024/17);

(b)	Parti 1, Tabella 1, tal-Anness I ta’ din il-Linja Gwida fuq bażi tal-aħjar stima, fejn id-data hija disponibbli;

(c)	Il-ħruġ u t-tifdija ta’ ishma/unitajiet IF fit-Taqsima 9, it-Tabella 2, tal-Anness I tar-Regolament (UE) 2024/1988 (BĊE/2024/17).

2.   It-tagħrif statistiku msemmia fil-paragrafu 1, il-punti (a) u (b), għandu jkopri dan kollu li ġej:

(a)	ammonti pendenti;

(b)	aġġustamenti ta’ rivalwazzjoni minħabba bidliet kemm fil-prezz kif ukoll fir-rata tal-kambju; u

(c)	aġġustamenti ta’ riklassifikazzjoni.

3.   It-tagħrif statistiku dwar l-aġġustamenti tar-rivalwazzjoni u l-aġġustamenti ta’ riklassifikazzjoni msemmija fil-paragrafu 2 għandu jiġi rrapportat f’konformità skont mal-Anness II. Meta tkun disponibbli informazzjoni titolu b’titolu (s-b-s), il-BĊNi jistgħu jiksbu approssimazzjonijiet tal-valur tal-aġġustamenti tar-rivalwazzjoni tat-titoli minħabba bidliet kemm fil-prezz kif ukoll fir-rata tal-kambju.

Il-BĊNi għandhom jipprovdu spjegazzjonijiet dwar aġġustamenti ta’ riklassifikazzjoni rrapportati f’konformità mal-Anness II u fuq talba mill-BĊE.

4.   It-tagħrif statistiku rrapportat skont il-paragrafu 1 għandu jiġi rrapportat għal kull wieħed mit-tipi ta’ IF li ġejjin, abbażi tal-politika ta’ investiment tagħhom kif deskritt fil-Parti 5, it-Tabella E, tal-Anness II tar-Regolament (UE) 2024/1988 (BĊE/2024/17):

(a)	fondi ta’ ekwità;

(b)	fondi ta’ bonds;

(c)	fondi mħallta;

(d)	fondi ta’ proprjetà immobbli;

(e)	fondiħeġġ;

(f)	fondi ta’ self/kreditu;

(g)	fondi tal-komoditajiet;

(h)	fondi ta’ infrastruttura;

(i)	fondi oħra;

(j)	fondi nnegozjati fil-borża (ETFs), bħala pożizzjoni ‘li minnhom’ ta’ ‘fondi totali’;

(k)	fondi ta’ ekwità privata (inklużi fondi ta’ kapital spekulattiv), li bħala pożizzjoni ‘li minnhom’ ta’ ‘fondi totali’.

L-IFs imsemmija fil-punti (a) sa (i) tal-ewwel subparagrafu għandhom jinqasmu f’(i) fondi miftuħa u fondi magħluqa, u (ii) impriżi għal investimenti kollettivi f’fondi ta’ titoli trasferibbli (UCITS) u fondi mhux UCITS kif deskritt fil-Parti 5, Tabella E, tal-Anness II tar-Regolament (UE) 2024/1988 (BĊE/2024/17).

5.   Il-BĊNi għandhom jirrapportaw lill-BĊE tagħrif statistiku dwar ishmatal-portatur. Meta l-informazzjoni dwar l-ishma tal-portatur irrapportata minn FI, MFIs u/jew OFIs skont l-Artikolu 6(3) tar-Regolament (UE) 2024/1988 (BĊE/2024/17) ma tkunx kompluta jew tkun għadha mhix disponibbli, il-BĊNi għandhom jirrapportaw dak it-tagħrif statistiku lill-BĊE fuq bażi tal-aħjar stima, b’referenza għall-klassifikazzjoni ġeografika u settorjali fit-Tabella 1 tal-Anness I tar-Regolament (UE) 2024/1988 (BĊE/2024/17) u l-Parti 1, it-Tabella 1, tal-Anness I għal din il-Linja Gwida.

6.   Meta l-BĊNi jagħtu derogi lill-FI skont l-Artikolu 10(1) u (2) tar-Regolament (UE) 2024/1988 (BĊE/2024/17), huma għandhom jingrossaw sa 100 % it-tagħrif statistiku li għandu jiġi rrapportat skont il-paragrafu 1 ta’ dan l-Artikolu.

Meta l-BĊNi jingrossaw skont l-ewwel subparagrafu, huma jistgħu jagħżlu l-proċedura għall-ingrossar sa 100 % tar-rekwiżiti ta’ rapportar abbażi tad-data miġbura skont l-Artikolu 10(3) tar-Regolament (UE) 2024/1988 (BĊE/2024/17), u għandhom japplikaw dawn it-tnejn li ġejjin:

(a)	għal tagħrif statistiku nieqes dwaril-klassifikazzjoni, l-istimi għandhom jiġu dderivati bl-applikazzjoni ta’ proporzjonijiet ibbażati fuq is-subsettur tal-FI korrispondenti msemmi fil-paragrafu 2 ta’ dan l-Artikolu;

(b)	l-ebda subsettur tal-FI imsemmi fil-paragrafu 2 ta’ dan l-Artikolu ma għandu jiġi eskluż.

7.   Meta l-BĊNi jagħtu derogi lill-FI skont l-Artikolu 10(5), 10(6), 10(7) jew 10(10) tar-Regolament (UE) 2024/1988 (BĊE/2024/17), huma għandhom jingrossaw sa 100 % it-tagħrif statistiku li għandu jiġi rrapportat skont il-paragrafu 1 ta’ dan l-Artikolu.

8.   Il-BĊNi jistgħu jirrevedu t-tagħrif statistiku rrapportat skont il-paragrafu 1 fi kwalunkwe ħin ħlief matul il-perijodu ta’ produzzjoni ta’ kull xahar (il-perijodu mill-iskadenza speċifikata fl-Artikolu 4 sad-data li fiha l-BĊE jagħlaq ir-riċeviment tad-data għal dak il-perijodu ta’ produzzjoni), li matulu l-BĊNi jistgħu jirrevedu biss it-tagħrif statistiku ta’ kull xahar l-aktar reċenti u dak preċedenti.

Għall-finijiet tal-ewwel subparagrafu, il-BĊNi jistgħu jirrevedu t-tagħrif statistiku li jkopri perijodi ta’ referenza preċedenti fi kwalunkwe ħin meta dan itejjeb b’mod sinifikanti l-kwalità tal-informazzjoni.

Għall-finijiet ta’ dan il-paragrafu, il-BĊNi għandhom jipprovdu spjegazzjonijiet lill-BĊE għaż-żewġ affarijiet li ġejjin:

(a)	reviżjonijiet li jtejbu b’mod sinifikanti l-kwalità tat-tagħrif statistiku rrapportat lill-BĊE;

(b)	reviżjonijiet fit-tagħrif statistiku rrapportat lill-BĊE barra mill-perijodi ta’ produzzjoni msemmija fl-ewwel subparagrafu.”

1.   Il-BĊNi għandhom jirrapportaw lill-BĊE tagħrif statistiku stabbilit fl-Artikolu 5b għal FI magħżula li huma residenti fl-Istati Membri taż-żona tal-euro tagħhom. Il-bord ta’ FI koperti fir-rapportar għandu jinkludi mill-inqas l-akbar FI f’kull UCITS u kategorija mhux tal-UCITS speċifikata fl-Artikolu 3(4), li jammontaw għal mill-inqas 60 % tal-valur tal-ishma/unitajiet IF totali maħruġa f’kull UCITS u f’kull kategorija mhux tal-UCITS f’kull Stat Membru. Il-FI mogħtija derogi skont l-Artikolu 10(1), (2), (5) u (6) tar-Regolament (UE) 2024/1988(BĊE/2024/17), għandhom jiġu esklużi mill-valur tal-ishma/unitajiet FI totali maħruġa u għandhom jiġu esklużi mill-bord.

2.   Il-BĊNi jistgħu jagħżlu li ma jirrapportawx lill-FI tal-BĊE b’ishma/unitajiet FI totali maħruġa inqas minn EUR 50 miljun, irrispettivament mil-limitu perċentwali msemmi fil-paragrafu 1.

3.   Il-BĊNi għandhom jirrevedu l-kompożizzjoni tal-bord mill-inqas kull sentejn.

4.   il-Fi inklużi fil-bord għandhom sussegwentement jiġu esklużi mill-bord biss meta jħallu l-popolazzjoni attwali li tirrapporta tal-FI minħabba l-għeluq, il-fużjoni jew ir-riklassifikazzjoni f’settur ieħor.

1.   Il-BĊNi għandhom jirrapportaw lill-BĊE tagħrif statistiku miġbur skont l-Artikolu 5(1), il-punti (a) u (b), tar-Regolament (UE) 2024/1988 (BĊE/2024/17) dwar l-ammonti pendenti tal-aħħar tax-xahar ta’ assi u obbligazzjonijiet u l-ħruġ u t-tifdija ta’ ishma/unitajiet FImaħruġa speċifikati fil-Parti 1, Tabella 2, tal-Anness I ta’ din il-Linja Gwida, tal-FI msemmija fl-Artikolu 5a ta’ din il-Linja Gwida.

2.   Meta l-BĊNi jirrevedu t-tagħrif statistiku aggregat skont l-Artikolu 3(8), huma għandhom jirrevedu wkoll it-tagħrif statistiku dwar l-istatistika FIindividwali skont il-paragrafu 1 fejn meħtieġ. Il-BĊNi għandhom jittrażmettu dawn ir-reviżjonijiet lill-BĊE fi żmien xahar wara t-trażmissjoni tar-reviżjonijiet tat-tagħrif statistiku aggregat skont l-Artikolu 3(8).

1.   Il-BĊNi għandhom jirrapportaw lill-BĊE t-tagħrif statistiku skont l-Artikolu 5b(1) sad-dati li ġejjin:

(a)	għall-perijodi ta’ referenza fl-2026, sal-għeluq tan-negozju fil-50 jum ta’ xogħol wara l-perijodu ta’ referenza li għalih jirrelata t-tagħrif statistiku;

(b)	għall-perijodi ta’ referenza fl-2027 u l-2028, sal-għeluq tan-negozju fil-35 jum ta’ xogħol wara l-perijodu ta’ referenza li għalih jirrelata t-tagħrif statistiku;

(c)	għall-perijodi ta’ referenza mill-2029 ’il quddiem, sal-għeluq tan-negozju fit-28 jum ta’ xogħol wara l-perijodu ta’ referenza li għalih jirrelata t-tagħrif statistiku.

2.   Il-BĊNi għandhom jirrapportaw lill-BĊE tagħrif statistiku skont l-Artikolu 5b(1) ta’ din il-Linja Gwida fejn jingħataw derogi lil FI skont l-Artikolu 10(7) tar-Regolament (UE) 2024/1988 (BĊE/2024/17) sad-dati li ġejjin:

(a)	għall-perijodi ta’ referenzafl-2026, sal-għeluq tan-negozju fil-50 jum ta’ xogħol wara l-perijodu ta’ referenza li għalih jirrelata t-tagħrif statistiku.

(b)	għall-perijodi ta’ referenza fl-2027 u l-2028, sal-għeluq tan-negozju fil-35 jum ta’ xogħol wara l-aħħar perijodu ta’ referenza li għalih it-tagħrif statistiku jkun disponibbli;

(c)	għall-perijodi ta’ referenza mill-2029 ’il quddiem, sal-għeluq tan-negozju fit-28 jum ta’ xogħol wara l-aħħar perijodu ta’ referenza li għalih ikun disponibbli t-tagħrif statistiku.”