This document is an excerpt from the EUR-Lex website
Document 32024D2967
Council Decision (EU) 2024/2967 of 21 November 2024 on the position to be adopted on behalf of the European Union within the Joint Committee established by the Euro-Mediterranean Interim Association Agreement on trade and cooperation between the European Community, of the one part, and the Palestinian Liberation Organisation (PLO) for the benefit of the Palestinian Authority of the West Bank and Gaza Strip, of the other part, with regard to a decision concerning the amendment of Protocol 3 to that Agreement as regards permeability between the Regional Convention on pan-Euro-Mediterranean preferential rules of origin and the Transitional rules of origin
Deċiżjoni tal-Kunsill (UE) 2024/2967 tal-21 ta’ Novembru 2024 dwar il-pożizzjoni li għandha tiġi adottata f’isem l-Unjoni Ewropea fi ħdan il-Kumitat Konġunt stabbilit mill-Ftehim ta’ Assoċjazzjoni Interim Ewro-Mediterranju dwar kummerċ u kooperazzjoni bejn il-Komunità Ewropea min-naħa waħda, u l-Organizzazzjoni għal-Liberazzjoni tal-Palestina (PLO) għall-benefiċċju tal-Awtorità Palestinjana tax-Xatt tal-Punent u l-Medda ta’ Gaża, min-naħa l-oħra, fir-rigward ta’ deċiżjoni li tikkonċerna l-emenda tal-Protokoll 3 ta’ dak il-Ftehim fir-rigward tal-permeabbiltà bejn il-Konvenzjoni Reġjonali dwar ir-regoli preferenzjali tal-oriġini pan-Ewro-Mediterranji u r-Regoli tal-oriġini tranżitorji
Deċiżjoni tal-Kunsill (UE) 2024/2967 tal-21 ta’ Novembru 2024 dwar il-pożizzjoni li għandha tiġi adottata f’isem l-Unjoni Ewropea fi ħdan il-Kumitat Konġunt stabbilit mill-Ftehim ta’ Assoċjazzjoni Interim Ewro-Mediterranju dwar kummerċ u kooperazzjoni bejn il-Komunità Ewropea min-naħa waħda, u l-Organizzazzjoni għal-Liberazzjoni tal-Palestina (PLO) għall-benefiċċju tal-Awtorità Palestinjana tax-Xatt tal-Punent u l-Medda ta’ Gaża, min-naħa l-oħra, fir-rigward ta’ deċiżjoni li tikkonċerna l-emenda tal-Protokoll 3 ta’ dak il-Ftehim fir-rigward tal-permeabbiltà bejn il-Konvenzjoni Reġjonali dwar ir-regoli preferenzjali tal-oriġini pan-Ewro-Mediterranji u r-Regoli tal-oriġini tranżitorji
ST/13308/2024/INIT
ĠU L, 2024/2967, 28.11.2024, ELI: http://data.europa.eu/eli/dec/2024/2967/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Il-Ġurnal Uffiċjali |
MT Is-serje L |
|
2024/2967 |
28.11.2024 |
DEĊIŻJONI TAL-KUNSILL (UE) 2024/2967
tal-21 ta’ Novembru 2024
dwar il-pożizzjoni li għandha tiġi adottata f’isem l-Unjoni Ewropea fi ħdan il-Kumitat Konġunt stabbilit mill-Ftehim ta’ Assoċjazzjoni Interim Ewro-Mediterranju dwar kummerċ u kooperazzjoni bejn il-Komunità Ewropea min-naħa waħda, u l-Organizzazzjoni għal-Liberazzjoni tal-Palestina (PLO) għall-benefiċċju tal-Awtorità Palestinjana tax-Xatt tal-Punent u l-Medda ta’ Gaża, min-naħa l-oħra, fir-rigward ta’ deċiżjoni li tikkonċerna l-emenda tal-Protokoll 3 ta’ dak il-Ftehim fir-rigward tal-permeabbiltà bejn il-Konvenzjoni Reġjonali dwar ir-regoli preferenzjali tal-oriġini pan-Ewro-Mediterranji u r-Regoli tal-oriġini tranżitorji
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 207(4), l-ewwel subparagrafu, flimkien mal-Artikolu 218(9) tiegħu,
Wara li kkunsidra l-proposta tal-Kummissjoni Ewropea,
Billi:
|
(1) |
Il-Ftehim ta’ Assoċjazzjoni Interim Ewro-Mediterranju dwar kummerċ u kooperazzjoni bejn il-Komunità Ewropea min-naħa waħda, u l-Organizzazzjoni għal-Liberazzjoni tal-Palestina (PLO) għall-benefiċċju tal-Awtorità Palestinjana tax-Xatt tal-Punent u l-Medda ta’ Gaża, min-naħa l-oħra (“il-Ftehim”) ġie konkluż mill-Unjoni permezz tad-Deċiżjoni tal-Kunsill 97/430/KE (1) u daħal fis-seħħ fl-1 ta’ Lulju 1997. |
|
(2) |
Skont l-Artikolu 63 tal-Ftehim, il-Kumitat Konġunt stabbilit skont dak l-Artikolu (“il-Kumitat Konġunt”) jista’ jieħu deċiżjonijiet fil-każijiet previsti fil-Ftehim. Skont l-Artikolu 4 tal-Protokoll 3 tal-Ftehim, il-Kumitat Konġunt jista’ jiddeċiedi li jemenda d-dispożizzjonijiet ta’ dak il-Protokoll. |
|
(3) |
Fil-laqgħa li jmiss tiegħu, il-Kumitat Konġunt għandu jieħu deċiżjoni dwar emenda tal-Protokoll 3 tal-Ftehim. |
|
(4) |
Jixraq li tiġi stabbilita l-pożizzjoni li għandha tiġi adottata f’isem l-Unjoni fil-Kumitat Konġunt, peress li d-deċiżjoni tal-Kumitat Konġunt ser ikollha effetti legali. |
|
(5) |
Il-Konvenzjoni Reġjonali dwar ir-regoli preferenzjali tal-oriġini pan-Ewro-Mediterranji (“il-Konvenzjoni”) ġiet konkluża mill-Unjoni bid-Deċiżjoni tal-Kunsill 2013/94/UE (2) u daħlet fis-seħħ fir-rigward tal-Unjoni fl-1 ta’ Mejju 2012. Permezz tad-Deċiżjoni (UE) 2019/2198 (3), il-Kunsill appoġġa l-emenda tal-Konvenzjoni li tipprevedi sett ġdid ta’ regoli tal-oriġini modernizzati u aktar flessibbli (l-“emenda tal-Konvenzjoni”). L-emenda tal-Konvenzjoni se tidħol fis-seħħ fl-1 ta’ Jannar 2025. |
|
(6) |
Fil-laqgħa teknika li saret fi Brussell fil-5 ta’ Frar 2020, il-maġġoranza tal-Partijiet Kontraenti għall-Konvenzjoni qablu li jimplimentaw sett alternattiv ta’ regoli tal-oriġini, abbażi tal-emenda għall-Konvenzjoni fuq bażi tranżitorja u bilaterali (ir-“Regoli tranżitorji”). Ir-Regoli tranżitorji japplikaw b’mod parallel mar-regoli tal-Konvenzjoni, sakemm tidħol fis-seħħ l-emenda tal-Konvenzjoni. |
|
(7) |
L-applikazzjoni tar-Regoli tranżitorji tiżgura l-adattament tal-flussi kummerċjali u l-prattiki doganali sakemm tidħol fis-seħħ l-emenda tal-Konvenzjoni. |
|
(8) |
Mill-1 ta’ Settembru 2021, daħlu fis-seħħ għadd ta’ protokolli bilaterali dwar ir-regoli tal-oriġini fost diversi Partijiet Kontraenti għall-Konvenzjoni (4) li jagħmlu applikabbli r-Regoli tranżitorji. Fir-rigward tal-Organizzazzjoni għal-Liberazzjoni tal-Palestina (PLO) għall-benefiċċju tal-Awtorità Palestinjana tax-Xatt tal-Punent u l-Medda ta’ Gaża (“il-Palestina”), il-Protokoll 3 tal-Ftehim ġie sostitwit bi Protokoll 3 ġdid bid-Deċiżjoni Nru 1/2021 tal-Kumitat Konġunt UE-PLO (5). Ir-Regoli tranżitorji huma stabbiliti fl-Appendiċi A ta’ dak il-Protokoll 3 ġdid. |
|
(9) |
L-objettiv tar-Regoli tranżitorji huwa li jipprevedu regoli inqas stretti, li jagħmluha aktar faċli għall-oġġetti biex jikkwalifikaw għal status oriġinarju preferenzjali. Peress li r-Regoli tranżitorji huma, b’mod ġenerali, inqas stretti minn dawk tal-Konvenzjoni, l-oġġetti li jissodisfaw ir-regoli tal-oriġini stabbiliti fil-Konvenzjoni jistgħu jikkwalifikaw ukoll bħala li joriġinaw skont ir-Regoli tranżitorji, bl-eċċezzjoni ta’ ċerti prodotti agrikoli kklassifikati taħt il-Kapitoli 2, 4 sa 15 u 16 (ħlief għall-prodotti tas-sajd ipproċessati) u l-Kapitoli 17 sa 24 tas-Sistema Armonizzata għad-Deskrizzjoni u Kodifikazzjoni ta’ Merkanzija. Ir-Regoli tranżitorji huma applikabbli b’mod parallel mar-regoli tal-oriġini tal-Konvenzjoni u b’hekk joħolqu żewġ żoni distinti ta’ akkumulazzjoni tal-oriġini. F’dak il-kuntest, jista’ jiġri li l-oġġetti jaqgħu taħt iż-żewġ settijiet ta’ regoli tal-oriġini simultanjament. Skont il-prinċipju tal-permeabbiltà skont l-Artikolu 21(1), il-punt (d), tal-Appendiċi A tal-Protokoll 3 tal-Ftehim (“permeabbiltà”), l-oġġetti li jkunu kisbu status oriġinarju skont sett wieħed ta’ regoli tal-oriġini jistgħu jitqiesu wkoll bħala li joriġinaw skont is-sett l-ieħor ta’ regoli tal-oriġini. Sabiex tiġi ffaċilitata l-applikazzjoni tal-permeabbiltà bejn il-Konvenzjoni u r-Regoli tranżitorji, jenħtieġ li jiġi emendat l-Artikolu 8 tal-Appendiċi A tal-Protokoll 3 tal-Ftehim. |
|
(10) |
Għalhekk, jenħtieġ li l-pożizzjoni tal-Unjoni fi ħdan il-Kumitat Konġunt tkun ibbażata fuq l-abbozz ta’ deċiżjoni mehmuż, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tiġi adottata f’isem l-Unjoni fil-Kumitat Konġunt stabbilit mill-Ftehim ta’ Assoċjazzjoni Interim Ewro-Mediterranju dwar kummerċ u kooperazzjoni bejn il-Komunità Ewropea, min-naħa waħda, u l-Organizzazzjoni għal-Liberazzjoni tal-Palestina (PLO) għall-benefiċċju tal-Awtorità Palestinjana tax-Xatt tal-Punent u l-Medda ta’ Gaża, min-naħa l-oħra, (il-“Ftehim”) fil-laqgħa li jmiss tiegħu, fir-rigward ta’ deċiżjoni li tikkonċerna l-emenda tal-Protokoll 3 tal-Ftehim rigward il-permeabbiltà bejn il-Konvenzjoni Reġjonali dwar ir-regoli preferenzjali tal-oriġini pan-Ewro-Mediterranji min-naħa waħda u r-Regoli tranżitorji tal-oriġini inklużi fl-Appendiċi A tal-Protokoll 3 tal-Ftehim min-naħa l-oħra, għandha tkun ibbażata fuq l-abbozz tad-Deċiżjoni tal-Kumitat Konġunt mehmuża ma’ din id-Deċiżjoni.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha u għandha tiskadi fil-31 ta’ Diċembru 2025.
Magħmul fi Brussell, il-21 ta’ Novembru 2024.
Għall-Kunsill
Il-President
SZIJJÁRTÓ P.
(1) Id-Deċiżjoni tal-Kunsill 97/430/KE tat-2 ta’ Ġunju 1997 dwar il-konklużjoni tal-Ftehim Proviżorju ta’ Assoċjazzjoni Ewro-Mediterranja dwar il-kummerċ u koperazzjoni bejn il-Komunità Ewropea, min-naħa l-waħda, u l-Organizzazzjoni għal-Liberazzjoni tal-Palestina (PLO) għall-benefiċċju tal-Awtorità Palestinjana tax-Xatt tal-Punent u l-Medda ta’ Gaża (ĠU L 187, 16.7.1997, p. 1).
(2) Id-Deċiżjoni tal-Kunsill 2013/94/UE tas-26 ta’ Marzu 2012 dwar il-konklużjoni tal-Konvenzjoni Reġjonali dwar ir-regoli preferenzjali tal-oriġini pan-Ewro-Mediterranji (ĠU L 54, 26.2.2013, p. 3).
(3) Id-Deċiżjoni tal-Kunsill (UE) 2019/2198 tal-25 ta’ Novembru 2019 dwar il-pożizzjoni li għandha tittieħed f’isem l-Unjoni Ewropea fil-Kumitat Konġunt stabbilit bil-Konvenzjoni Reġjonali dwar ir-regoli preferenzjali tal-oriġini pan-Ewro-Mediterranji fir-rigward tal-emenda tal-Konvenzjoni (ĠU L 339, 30.12.2019, p. 1).
(4) L-Unjoni Ewropea, l-Iżlanda, il-Konfederazzjoni Żvizzera (inkluż il-Liechtenstein), in-Norveġja, il-Gżejjer Faeroe, l-Istat tal-Iżrael, ir-Renju Ħaxemita tal-Ġordan, il-Palestina (din id-deżinjazzjoni ma għandhiex tiġi interpretata bħala rikonoxximent ta’ Stat tal-Palestina u hija mingħajr preġudizzju għall-pożizzjonijiet individwali tal-Istati Membri fuq din il-kwistjoni), ir-Repubblika tal-Albanija, il-Bożnija-Ħerzegovina, il-Kosovo (din id-deżinjazzjoni hija mingħajr preġudizzju għall-pożizzjonijiet dwar l-istatus, u hija konformi mal-UNSCR 1244/1999 u l-Opinjoni tal-QIĠ dwar id-dikjarazzjoni tal-indipendenza tal-Kosovo), ir-Repubblika tal-Maċedonja ta’ Fuq, ir-Repubblika tas-Serbja, il-Montenegro, il-Georgia, ir-Repubblika tal-Moldova u l-Ukrajna.
(5) Id-Deċiżjoni Nru 1/2021 tal-Kumitat Konġunt UE-PLO tat-30 ta’ Awwissu 2021 li temenda l-Ftehim ta’ Assoċjazzjoni Interim Ewro-Mediterranju dwar il-kummerċ u l-kooperazzjoni bejn il-Komunità Ewropea, min-naħa waħda, u l-Organizzazzjoni għal-Liberazzjoni tal-Palestina (PLO) għall-benefiċċju tal-Awtorità Palestinjana tax-Xatt tal-Punent u l-Medda ta’ Gaża, min-naħa l-oħra, billi tissostitwixxi l-Protokoll 3 tiegħu dwar id-definizzjoni tal-kunċett ta’ “prodotti oriġinarji” u l-metodi ta’ kooperazzjoni amministrattiva (2021/1478) (ĠU L 328, 16.9.2021, p. 23).
ELI: http://data.europa.eu/eli/dec/2024/2967/oj
ISSN 1977-074X (electronic edition)