This document is an excerpt from the EUR-Lex website
Document 32023R1719
Commission Regulation (EU) 2023/1719 of 8 September 2023 amending Annexes II and IV to Regulation (EC) No 396/2005 of the European Parliament and of the Council as regards maximum residue levels for isoxaben, metaldehyde, Metarhizium brunneum strain Ma 43, paclobutrazol and Straight Chain Lepidopteran Pheromones (SCLP) in or on certain products (Text with EEA relevance)
Regolament tal-Kummissjoni (UE) 2023/1719 tat-8 ta’ Settembru 2023 li jemenda l-Annessi II u IV tar-Regolament (KE) Nru 396/2005 tal-Parlament Ewropew u tal-Kunsill rigward il-livelli massimi għar-residwi tal-isoksaben, tal-metaldeid, tar-razza Ma 43 tal-Metarhizium brunneum, tal-paklobutrażol, u tal-Feromoni b’Katina Dritta tal-Lepidotteri (SCLP) f’ċerti prodotti jew fuqhom (Test b’rilevanza għaż-ŻEE)
Regolament tal-Kummissjoni (UE) 2023/1719 tat-8 ta’ Settembru 2023 li jemenda l-Annessi II u IV tar-Regolament (KE) Nru 396/2005 tal-Parlament Ewropew u tal-Kunsill rigward il-livelli massimi għar-residwi tal-isoksaben, tal-metaldeid, tar-razza Ma 43 tal-Metarhizium brunneum, tal-paklobutrażol, u tal-Feromoni b’Katina Dritta tal-Lepidotteri (SCLP) f’ċerti prodotti jew fuqhom (Test b’rilevanza għaż-ŻEE)
C/2023/6009
ĠU L 223, 11.9.2023, p. 9–25
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
11.9.2023 |
MT |
Il-Ġurnal Uffiċjali tal-Unjoni Ewropea |
L 223/9 |
REGOLAMENT TAL-KUMMISSJONI (UE) 2023/1719
tat-8 ta’ Settembru 2023
li jemenda l-Annessi II u IV tar-Regolament (KE) Nru 396/2005 tal-Parlament Ewropew u tal-Kunsill rigward il-livelli massimi għar-residwi tal-isoksaben, tal-metaldeid, tar-razza Ma 43 tal-Metarhizium brunneum, tal-paklobutrażol, u tal-Feromoni b’Katina Dritta tal-Lepidotteri (SCLP) f’ċerti prodotti jew fuqhom
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta’ Frar 2005 dwar il-livelli massimi ta’ residwu ta’ pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (1), u b’mod partikolari l-Artikolu 5 u l-Artikolu 14(1)(a) tiegħu,
Billi:
|
(1) |
Il-livelli massimi għar-residwi (MRLs) tal-isoksaben, tal-metaldeid u tal-paklobutrażol, ġew stabbiliti fl-Anness II tar-Regolament (KE) Nru 396/2005. Ma ġewx stabbiliti MRLs speċifiċi għar-razza Ma 43 tal-Metarhizium brunneum u għall-Feromoni b’Katina Dritta tal-Lepidotteri (SCLP), u dawk is-sustanzi ma ddaħħlux fl-Anness IV ta’ dak ir-Regolament, għaldaqstant japplika l-valur prestabbilit stipulat fl-Artikolu 18(1)(b) tiegħu. |
|
(2) |
Fir-rigward tal-metaldeid tressqet applikazzjoni skont l-Artikolu 6(1) tar-Regolament (KE) Nru 396/2005 fejn intalbet bidla fl-MRLs eżistenti għall-brassica li tagħmel il-fjuri u għall-brassika bil-weraq. |
|
(3) |
Barra minn hekk, fil-qafas ta’ applikazzjoni oħra skont l-Artikolu 6(1) tar-Regolament (KE) Nru 396/2005, applikant ieħor kien issottometta informazzjoni waqt ir-rieżami mwettaq f’konformità mal-Artikolu 12 tar-Regolament (KE) Nru 396/2005 dwar studju tal-idroliżi li investiga l-effett tal-isterilizzazzjoni fuq in-natura tar-residwu, li qabel ma kinitx disponibbli. Dan l-istudju wera li l-MRLs eżistenti għall-metaldeid fil-patata, fi ħxejjex oħra tal-għeruq u tat-tuberi għajr il-pitravi ħelwa (ħlief is-swedes), it-tadam, il-brunġiel, il-ħxejjex tal-brassika (ħlief l-għeruq u l-għelejjel tal-brassika tal-weraq żgħir), il-pjanti tal-ħass u tal-insalata, l-ispinaċi u pjanti mwerrqa simili, u l-qaqoċċ, huma msostnija sew mid-data. |
|
(4) |
Rigward il-paklobutrażol, kien hemm applikant li ressaq informazzjoni waqt ir-rieżami li twettaq f’konformità mal-Artikolu 12 tar-Regolament (KE) Nru 396/2005 dwar studju rappreżentattiv li investiga l-metaboliżmu primarju fl-għelejjel tal-frott, li preċedentement ma kinitx disponibbli. Dan l-istudju wera li l-MRLs eżistenti għal dik is-sustanza fit-tuffieħ, fil-lanġas, fl-isfarġel, fin-naspli, fin-naspli tal-Ġappun, fil-berquq u fil-ħawħ huma msostnija sew mid-data. |
|
(5) |
F’konformità mal-Artikolu 8 tar-Regolament (KE) Nru 396/2005, dawk l-applikazzjonijiet kollha ġew evalwati mill-Istati Membri kkonċernati u r-rapporti tal-evalwazzjonijiet intbagħtu lill-Kummissjoni u lill-Awtorità Ewropea dwar is-Sigurtà fl-Ikel (“l-Awtorità”). |
|
(6) |
L-Awtorità vvalutat l-applikazzjonijiet u r-rapporti tal-evalwazzjonijiet, u b’mod partikolari eżaminat ir-riskji għall-konsumaturi, u fejn kien rilevanti, ir-riskji għall-annimali, u tat opinjonijiet motivati dwar l-MLRs proposti (2). Dawk l-opinjonijiet bagħtithom lill-applikanti, lill-Kummissjoni, u lill-Istati Membri, u ppubblikathom. |
|
(7) |
L-Awtorità kkonkludiet li kienu ġew issodisfati r-rekwiżiti kollha rigward il-kompletezza tat-tressiq tad-data, u li l-modifiki tal-MRLs li talbu l-applikanti kienu aċċettabbli mil-lat tas-sikurezza tal-konsumaturi, abbażi ta’ valutazzjoni tal-esponiment tal-konsumaturi mwettqa fuq 27 grupp speċifiku ta’ konsumaturi Ewropej. B’din il-konklużjoni, l-Awtorità qieset l-aktar data riċenti dwar il-proprjetajiet tossikoloġiċi tas-sustanzi. La l-esponiment fit-tul għal dawn is-sustanzi permezz tal-konsum tal-prodotti tal-ikel kollha li jista’ jkun fihom minnhom, u lanqas l-esponiment għal żmien qasir minħabba konsum għoli tal-prodotti rilevanti ma wrew riskju li jinqabżu d-doża aċċettabbli ta’ kuljum jew id-doża akuta ta’ referenza. |
|
(8) |
Rigward l-isoksaben, tressqet applikazzjoni li titlob modifika tal-MRL eżistenti għall-isoksaben fil-ħjar tal-pikles skont l-Artikolu 6(1) tar-Regolament (KE) Nru 396/2005. |
|
(9) |
Dwar dik l-applikazzjoni, Stat Membru għamel talba biex juża l-proċedura rapida, prevista fil-Linji Gwida Tekniċi dwar il-proċedura tal-iffissar tal-MRLs (3), biex jistabbilixxi MRL ibbażat fuq provi tar-residwi fuq iz-zukkini. |
|
(10) |
L-Awtorità vvalutat il-provi tar-residwi fuq iz-zukkini fil-qafas tar-rieżami tal-MRLs eżistenti għall-isoksaben, u tat opinjoni motivata dwar l-MRL propost (4). Dik l-opinjoni hija bbażata fuq l-għarfien xjentifiku u tekniku attwali dwar is-suġġett. Billi jixraq li mir-riżultati tal-provi tar-residwi fuq iz-zukkini, jiġu estrapolati r-riżultati għall-ħjar tal-pikles, kif ikkonfermat mil-linji gwida tal-Unjoni dwar l-estrapolazzjoni tal-MRLs (5), mhuwiex meħtieġ li l-Awtorità tintalab tagħti opinjoni motivata speċifika dwar il-ħjar tal-pikles. |
|
(11) |
Għalhekk jixraq li l-MRL għall-isoksaben fil-ħjar tal-pikles jiġi stabbilit għal 0,05 mg/kg abbażi tal-provi tar-residwi mwettqa fuq iz-zukkini. |
|
(12) |
Ir-razza Ma 43 tal-Metarhizium brunneum u l-Feromoni b’Katina Dritta tal-Lepidotteri (SCLP) iġġeddew bħala sustanzi attivi b’riskju baxx permezz tar-Regolamenti ta’ Implimentazzjoni tal-Kummissjoni (UE) 2022/383 (6) u (UE) 2022/1251 (7), rispettivament. Il-kundizzjonijiet tal-użu ta’ dawk is-sustanzi mhumiex mistennija li jwasslu għall-preżenza ta’ residwi fil-prodotti tal-ikel jew tal-għalf li jistgħu jkunu ta’ riskju għall-konsumaturi, u għalhekk, mhumiex meħtieġa MRLs. Għalhekk jixraq li dawk is-sustanzi jiddaħħlu fl-Anness IV tar-Regolament (KE) Nru 396/2005. |
|
(13) |
Abbażi tal-opinjonijiet motivati tal-Awtorità, u filwaqt li jitqiesu l-fatturi rilevanti elenkati fl-Artikolu 14(2) tar-Regolament (KE) Nru 396/2005, il-modifiki proposti lill-MRLs jissodisfaw ir-rekwiżiti tal-Artikolu 14(2) ta’ dak ir-Regolament. |
|
(14) |
Għalhekk jenħtieġ li r-Regolament (KE) Nru 396/2005 jiġi emendat skont dan. |
|
(15) |
Għal raġunijiet tekniċi, jenħtieġ li l-emendi għall-MRLs proposti japplikaw aktar tard minn dawk tar-Regolament tal-Kummissjoni (UE) 2023/466 (8). |
|
(16) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Annessi II u IV tar-Regolament (KE) Nru 396/2005 huma emendati f’konformità mal-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mis-27 ta’ Settembru 2023.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta’ Settembru 2023.
Għall-Kummissjoni
Il-President
Ursula VON DER LEYEN
(2) L-Awtorità Ewropea dwar is-Sigurtà fl-Ikel. Reasoned Opinion on the modification of the existing maximum residue levels for metaldehyde in flowering brassica and leafy brassica. EFSA Journal 2023;21(3):7885.
L-Awtorità Ewropea dwar is-Sigurtà fl-Ikel. Reasoned opinion on the modification of the existing MRLs for metaldehyde in certain legume vegetables and pulses. EFSA Journal 2014;12(1):3537.
L-Awtorità Ewropea dwar is-Sigurtà fl-Ikel. Reasoned Opinion on the evaluation of confirmatory data following the Article 12 MRL review for paclobutrazol. EFSA Journal 2022;20(11):7651.
(3) Il-Linji Gwida Tekniċi dwar il-proċedura tal-istabbiliment tal-MRLs f’konformità mal-Artikoli 6 sa 11 tar-Regolament (KE) Nru 396/2005 u l-Artikolu 8 tar-Regolament (KE) Nru 1107/2009 (SANTE/2015/10595 Rev. 6.1).
(4) L-Awtorità Ewropea dwar is-Sigurtà fl-Ikel. Reasoned opinion on the review of the existing maximum residue levels for isoxaben according to Article 12 of Regulation (KE) Nru 396/2005. EFSA Journal 2022;20(1):7062.
(5) Technical guidelines on data requirements for setting maximum residue levels, comparability of residue trials and extrapolation of residue data on products from plant and animal origin (SANTE/2019/12752 – 23 November 2020).
(6) Ir-Regolament ta’ Implimentazzjoni tal-Kummissjoni (UE) 2022/383 tal-4 ta’ Marzu 2022 li jġedded l-approvazzjoni tas-sustanza attiva b’riskju baxx Metarhizium brunneum tar-razza Ma 43 (li qabel kienet Metarhizium anisopliae var. anisopliae tar-razza BIPESCO 5/F52) f’konformità mar-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti, u li jemenda l-Anness tar-Regolament ta’ Implimentazzjoni tal-Kummissjoni (UE) Nru 540/2011 (ĠU L 76, 7.3.2022, p. 1).
(7) Ir-Regolament ta’ Implimentazzjoni tal-Kummissjoni (UE) 2022/1251 tad-19 ta’ Lulju 2022 li jġedded l-approvazzjoni tas-sustanzi attivi Feromoni tal-Lepidotteri ta’ Katina Dritta (aċetati) bħala sustanzi attivi b’riskju baxx, u Feromoni tal-Lepidotteri ta’ Katina Dritta (aldeidi u alkoħols) f’konformità mar-Regolament (KE) Nru 1107/2009 tal-Parlament Ewropew u tal-Kunsill, u li jemenda l-Anness tar-Regolament ta’ Implimentazzjoni tal-Kummissjoni (UE) Nru 540/2011 (ĠU L 191, 20.7.2022, p. 35).
(8) Ir-Regolament tal-Kummissjoni (UE) 2023/466 tat-3 ta’ Marzu 2023 li jemenda l-Annessi II, III u V tar-Regolament (KE) Nru 396/2005 tal-Parlament Ewropew u tal-Kunsill dwar il-livelli massimi ta’ residwi għall-isoksaben, in-novaluron u t-tetrakonażol f’ċerti prodotti jew fuqhom (ĠU L 68, 6.3.2023, p. 55).
ANNESS
Ir-Regolament (KE) Nru 396/2005 huwa emendat kif ġej:
|
(1) |
fl-Anness II, il-kolonni għall-isoksaben, għall-metaldeid u għall-paklobutrażol huma ssostitwiti b’dan li ġej: “ANNESS II Ir-residwi tal-pestiċidi u l-livelli massimi tar-residwi (mg/kg)
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
(2) |
fl-Anness IV, jiddaħħlu l-entrati li ġejjin f’ordni alfabetika: “Ir-razza Ma 43 tal-Metarhizium brunneum”, “Feromoni b’Katina Dritta tal-Lepidotteri (SCLP). |
(*1) Jindika l-aktar limitu baxx tal-kwantifikazzjoni analitika
(1) Għal-lista sħiħa tal-prodotti li joriġinaw mill-pjanti u mill-annimali li japplikaw l-MRLs għalihom, għandha ssir referenza għall-Anness I