1.

Il-proġett għandu l-għan li jagħmel disponibbli l-informazzjoni aġġornata dwar esportaturi rreġistrati stabbiliti f’pajjiżi tas-Sistema Ġeneralizzata ta’ Preferenzi (GSP) li jesportaw il-merkanzija lejn l-Unjoni. Is-sistema hija trans-Ewropea u tinkludi wkoll data dwar l-operaturi ekonomiċi tal-UE, bil-għan li tappoġġa l-esportazzjonijiet lejn il-pajjiżi tal-GSP. Id-data meħtieġa ddaħħlet fis-sistema gradwalment sal-31 ta’ Diċembru 2017.

2.

Il-proġett għandu l-għan li jipprovdi aġġornament tas-sistema trans-Ewropea EBTI-3 biex jiġi żgurat dan li ġej:

Il-proġett huwa implimentat f’żewġ fażijiet.

L-ewwel fażi (pass 1) tipprovdi l-funzjonalità li tirċievi gradwalment is-sett tad-data tad-dikjarazzjoni mill-1 ta’ Marzu 2017 sal-implimentazzjoni tal-proġetti elenkati fil-punti 10 u 14. L-implimentazzjoni sħiħa ta’ dan il-proġett tiddependi mill-implimentazzjoni tal-proġetti elenkati fil-punti 10 u 14. Il-pass 2 jissodisfa l-obbligu tal-kontroll tal-użu tal-BTI abbażi tas-sett tad-data tad-dikjarazzjoni l-ġdid meħtieġ u l-allinjament mal-proċess tad-deċiżjonijiet doganali.

3.

Il-proġett għandu l-għan li jarmonizza l-proċessi għall-applikazzjonijiet għal deċiżjoni doganali, għat-teħid tad-deċiżjonijiet u għall-ġestjoni tad-deċiżjonijiet permezz tal-istandardizzazzjoni u tal-ġestjoni elettronika tad-data tal-applikazzjoni u tad-deċiżjoni/tal-awtorizzazzjoni madwar l-Unjoni. Il-proġett huwa relatat mad-deċiżjonijiet nazzjonali u mad-deċiżjonijiet bejn diversi Stati Membri definiti mill-Kodiċi u jkopri l-komponenti tas-sistema żviluppati ċentralment fil-livell tal-Unjoni kif ukoll l-integrazzjoni mal-komponenti nazzjonali meta l-Istati Membri jagħżlu din l-opzjoni. Din is-sistema trans-Ewropea tiffaċilita l-konsultazzjoni matul il-proċess tat-teħid tad-deċiżjonijiet u l-ġestjoni tal-proċess tal-awtorizzazzjoni.

4.

L-għan ta’ dan il-proġett huwa li jipprovdi soluzzjonijiet funzjonabbli għal aċċess dirett u armonizzat għall-kummerċjanti bħala servizz biex l-interfaċċi utent/sistema jiġu integrati fis-sistemi doganali elettroniċi kif definit fil-proġetti speċifiċi tal-KDU. Il-Ġestjoni Uniformi tal-Utenti u l-Firma Diġitali se tiġi integrata fil-portali tas-sistemi kkonċernati, u se tinkludi appoġġ għall-identità, għall-aċċess u għall-ġestjoni tal-utenti f’konformità mal-politiki tas-sigurtà meħtieġa. L-ewwel varar seħħ flimkien mas-sistema tad-Deċiżjonijiet Doganali tal-KDU.

5.

Dan il-proġett għandu l-għan li jtejjeb il-proċessi tan-negozju relatati mal-applikazzjonijiet u mal-awtorizzazzjonijiet tal-AEO, filwaqt li jqis il-bidliet fid-dispożizzjonijiet legali tal-KDU.

Fl-ewwel fażi, il-proġett għandu l-għan li jimplimenta t-titjib ewlieni fis-sistema tal-AEO bħala parti mill-armonizzazzjoni tal-proċedura doganali tat-teħid tad-deċiżjonijiet.

Fit-tieni fażi, il-proġett jimplimenta l-formola elettronika tal-applikazzjoni u tad-deċiżjoni tal-AEO u jipprovdi lill-operaturi ekonomiċi b’interfaċċa armonizzata biex jissottomettu l-applikazzjoni tal-AEO u jirċievu d-deċiżjoni tal-AEO elettronikament. Is-sistema aġġornata se tiġi varata f’żewġ rilaxxi: il-parti 1 għas-sottomissjoni tal-applikazzjoni tal-AEO u l-proċess tat-teħid tad-deċiżjonijiet, u l-parti 2 għall-proċessi sussegwenti l-oħra.

6.

Dan il-proġett għandu l-għan li jipprovdi aġġornament minuri lis-sistema EORI trans-Ewropea eżistenti li tippermetti r-reġistrazzjoni u l-identifikazzjoni ta’ operaturi ekonomiċi tal-Unjoni u ta’ pajjiżi terzi, kif ukoll persuni oħra li mhumiex operaturi ekonomiċi li huma attivi fi kwistjonijiet doganali fl-Unjoni.

7.

Dan il-proġett għandu l-għan li jipprovdi aġġornament tas-sistema tas-Sorveljanza 2+ sabiex jiġi żgurat l-allinjament tagħha mar-rekwiżiti tal-KDU bħall-iskambju standard ta’ informazzjoni permezz ta’ metodi elettroniċi tal-proċessar tad-data u l-istabbiliment tal-funzjonalitajiet meħtieġa għall-proċessar u għall-analiżi tas-sett sħiħ tad-data tas-sorveljanza miksub mill-Istati Membri.

Għaldaqstant, dan jinkludi aktar kapaċitajiet għall-estrazzjoni tad-data u funzjonalitajiet tar-rappurtar li għandhom isiru disponibbli lill-Istati Membri u lill-Kummissjoni.

L-implimentazzjoni sħiħa ta’ dan il-proġett hija dipendenti mill-proġetti elenkati fil-punti 10 u 14. Id-data tal-varar ta’ din is-sistema hija stabbilita mill-Istati Membri bħala parti mill-pjanijiet nazzjonali tagħhom.

8.

Il-proġett għandu l-għan li joħloq sistema trans-Ewropea ġdida biex taħżen, timmaniġġja u tirkupra l-Provi tal-Istatus tal-Unjoni T2L/F u l-manifest doganali tal-oġġetti (maħruġ minn emittent mhux awtorizzat).

Peress li l-implimentazzjoni tal-manifest doganali tal-merkanzija jrid jintrabat mas-Single Window Marittima Ewropea, din il-parti tal-proġett se tkun koperta fil-fażi 2.

9.

L-għan ta’ dan il-proġett huwa li jallinja s-sistema trans-Ewropea eżistenti tal-NCTS mal-KDU l-ġdid.

Komponent 1 – “Fażi 5 tal-NCTS”: l-għan ta’ din il-fażi huwa li tallinja s-sistema tal-NCTS mar-rekwiżiti l-ġodda tal-KDU ħlief fl-elementi tas-sikurezza u tas-sigurtà tad-data fid-dikjarazzjonijiet doganali ta’ tranżitu tal-merkanzija li tiddaħħal fit-territorju doganali tal-Unjoni.

Hija tkopri r-reġistrazzjoni tal-eventi “en route” u l-allinjament tal-iskambji tal-informazzjoni mar-rekwiżiti tad-data tal-KDU u l-aġġornament u l-iżvilupp ta’ interfaċċi ma’ sistemi oħra.

Il-proġett se jiġi implimentat f'żewġ passi.

Pass 1: Il-funzjonalitajiet ewlenin għall-NCTS-Fażi 5 li se jiżguraw il-kontinwità operazzjonali tas-sistema, bħad-dikjarazzjoni ta’ tranżitu standard (fluss ċentrali), il-proċedura simplifikata fi tluq/destinazzjoni (konsenjatur/konsenjatarju awtorizzat), emenda/invalidazzjoni, devjazzjoni (fl-uffiċċju tat-tranżitu u tad-destinazzjoni), proċessi ta’ inkjesta/irkupru u t-trażmissjoni ta’ data tal-istatistika tan-negozju. Dan il-pass jista’ jkopri wkoll il-funzjonalitajiet mhux ewlenin kif definiti fil-pass 2.

Pass 2: dan l-istadju jkopri l-funzjonalitajiet li jifdal bħall-iżvilupp ta’ interfaċċa armonizzata mal-AES, id-dikjarazzjoni ppreżentata qabel il-preżentazzjoni tal-oġġetti, id-dikjarazzjoni b’sett ta’ data mnaqqas, l-Inċident “en route” u bħall-formalitajiet fl-Uffiċċju tal-Ħruġ għat-Tranżitu.

Komponent 2 - “Fażi 6 tal-NCTS”: l-għan ta’ din il-fażi huwa li timplimenta r-rekwiżiti l-ġodda speċifiċi għall-elementi tas-sikurezza u tas-sigurtà tad-data fid-dikjarazzjonijiet doganali ta’ tranżitu tal-oġġetti li jiddaħħlu fit-territorju doganali tal-Unjoni li jirriżultaw mill-proġett 17 (UCC ICS2). Dan ikopri l-iżvilupp tal-interfaċċa mal-ICS2, biex tiġi ffaċilitata l-preżentazzjoni ta’ dikjarazzjoni ta’ tranżitu li jkun fiha d-dettalji tad-dikjarazzjoni sommarja tad-dħul billi jiġi applikat l-Artikolu 130(1) tal-KDU.

10.

Dan il-proġett għandu l-għan li jimplimenta r-rekwiżiti tal-KDU għall-esportazzjoni u l-ħruġ.

Komponent 1 —“AES Trans-Ewropea”. L-għan tal-proġett huwa li jiżviluppa aktar is-Sistema ta’ Kontroll tal-Esportazzjoni trans-Ewropea eżistenti sabiex tiġi implimentata AES sħiħa li tkopri r-rekwiżiti tan-negozju għall-proċessi u għad-data li joriġinaw mill-KDU. Il-komponent 1 se jiġi implimentat fi tliet passi.

Pass 1: Il-funzjonalitajiet ewlenin għall-AES li se jippermettu l-awtomazzjoni sħiħa tal-proċeduri ta’ esportazzjoni u tal-formalitajiet ta’ ħruġ. L-AES tkopri l-partijiet li għandhom jiġu żviluppati fuq livell ċentrali u nazzjonali, inklużi l-komponenti nazzjonali li fihom tiġi ppreżentata u pproċessata d-dikjarazzjoni tal-esportazzjoni u li jippermettu l-iskambju sussegwenti ta’ informazzjoni mal-uffiċċju doganali tal-ħruġ permezz tal-komponenti komuni tal-AES. Dan il-pass jinkludi wkoll il-funzjonijiet tal-formalitajiet ta’ ħruġ li huma meħtieġa biex l-oġġetti jiġu rilaxxati għall-ħruġ. Dan il-pass jista’ jkopri wkoll il-funzjonalitajiet definiti fil-passi 2 u 3.

Pass 2: Dan il-pass ikopri l-iżvilupp ta’ interfaċċa armonizzata mas-Sistema tal-Moviment u l-Kontroll tas-Sisa (EMCS). Dan il-pass jista’ jkopri wkoll il-funzjonalitajiet mhux ewlenin kif definiti fil-pass 3.

Pass 3: Dan il-pass ikopri funzjonalitajiet oħra bħal dikjarazzjonijiet simplifikati u supplimentari, l-iżvilupp ta’ interfaċċa armonizzata mal-NCTS, l-iżdoganar ċentralizzat, id-dikjarazzjoni ppreżentata qabel il-preżentazzjoni tal-oġġetti.

Komponent 2 —“Aġġornament tas-Sistemi Nazzjonali ta’ Esportazzjoni”. Permezz ta’ proċess li jaqa’ barra mill-ambitu tal-AES iżda li huwa marbut mill-qrib miegħu, is-sistemi nazzjonali separati jridu jiġu aġġornati għall-elementi nazzjonali speċifiċi relatati mal-formalitajiet tal-esportazzjoni u/jew tal-ħruġ. Fejn dawn l-elementi ma jkollhom l-ebda impatt fuq id-dominju komuni għall-AES, jistgħu jiġu koperti minn dan il-komponent.

11.

L-għan ta’ dan il-proġett huwa li jiżviluppa sistema trans-Ewropea ġdida biex tappoġġa u tissimplifika l-proċessi tal-ġestjoni tad-data tal-INF u t-trattament elettroniku tad-data tal-INF fil-qasam tal-Proċeduri Speċjali.

12.

Dan il-proġett għandu l-għan li jaċċellera, jiffaċilita u jarmonizza l-Proċeduri Speċjali madwar l-Unjoni billi jipprovdi mudelli komuni ta’ proċessi ta’ negozju. Is-sistemi nazzjonali se jimplimentaw il-bidliet tal-KDU kollha meħtieġa għall-ħżin doganali, għall-użu aħħari, għad-dħul temporanju u għall-proċessar attiv u passiv.

Dan il-proġett se jiġi implimentat f'żewġ partijiet.

Komponent 1 - “SP EXP Nazzjonali”. Jipprovdi s-soluzzjonijiet elettroniċi nazzjonali meħtieġa għall-attivitajiet relatati mal-esportazzjoni tal-proċeduri speċjali.

Komponent 2 - “SP IMP Nazzjonali”. Jipprovdi s-soluzzjonijiet elettroniċi nazzjonali meħtieġa għall-attivitajiet relatati mal-importazzjoni tal-proċeduri speċjali.

L-implimentazzjoni ta’ dawn il-proġetti se ssir permezz tal-proġetti elenkati fil-punti 10 u 14.

13.

Notifika tal-Wasla tal-KDU, Notifika tal-Preżentazzjoni u tal-Ħażna Temporanja

L-għan ta' dan il-proġett huwa li jiddefinixxi l-proċessi għan-Notifika tal-Wasla tal-mezz tat-trasport, il-Preżentazzjoni tal-oġġetti (in-Notifika tal-Preżentazzjoni) u d-Dikjarazzjoni tal-Ħżin Temporanju kif deskritt fil-KDU u li jappoġġa l-armonizzazzjoni f'dan ir-rigward fost l-Istati Membri fir-rigward tal-iskambju tad-data bejn il-kummerċ u d-dwana.

Il-proġett ikopri l-awtomizzazzjoni tal-proċessi fil-livell nazzjonali.

14.

Aġġornament tas-Sistemi Nazzjonali tal-Importazzjoni tal-KDU

Il-proġett għandu l-għan li jimplimenta r-rekwiżiti kollha tal-proċess u tad-data li jirriżultaw mill-KDU li huma relatati mad-dominju tal-importazzjoni (u li mhumiex koperti minn proġetti oħra definiti fil-programm ta’ ħidma). Dan jirrelata prinċipalment mal-bidliet fil-proċedura tar-“Rilaxx għal ċirkolazzjoni libera” (proċedura standard + simplifikazzjonijiet), iżda jkopri wkoll l-impatt li jirriżulta minn migrazzjonijiet oħra tas-sistema. Dan il-proġett huwa relatat mad-dominju tal-importazzjoni nazzjonali li jkopri s-sistemi tal-proċessar tad-dikjarazzjonijiet doganali nazzjonali kif ukoll sistemi oħra bħal sistemi tal-kontabbiltà nazzjonali u tal-pagament.

15.

Żdoganar Ċentralizzat għall-Importazzjoni (CCI) tal-KDU

Il-proġett għandu l-għan li jippermetti li l-oġġetti jitqiegħdu taħt proċedura doganali billi permezz ta’ żdoganar ċentralizzat, u dan jippermetti lill-operaturi ekonomiċi jiċċentralizzaw in-negozju tagħhom mill-perspettiva doganali. Il-proċessar tad-dikjarazzjoni doganali u r-rilaxx fiżiku tal-oġġetti jenħtieġ li jkunu kkoordinati bejn l-uffiċċji doganali relatati. Dan jikkonċerna sistema trans-Ewropea li jkun fiha komponenti żviluppati ċentralment u b’mod nazzjonali.

Il-proġett se jiġi implimentat f'żewġ fażijiet.

Fażi 1: Din il-fażi se tkopri l-iżdoganar ċentralizzat b’dikjarazzjonijiet doganali standard u tista’ tkopri l-iżdoganar ċentralizzat b’dikjarazzjonijiet doganali simplifikati u d-dikjarazzjonijiet supplimentari ġenerali jew perjodiċi rispettivi (li jirregolarizzaw dikjarazzjoni doganali simplifikata waħda). Barra minn hekk, se tkopri t-tqegħid tal-oġġetti taħt il-proċeduri doganali li ġejjin: ir-rilaxx għal ċirkolazzjoni libera, il-ħażna doganali, il-proċessar attiv u l-użu aħħari. Rigward it-tip ta’ oġġetti, din il-fażi se tkopri t-tipi kollha ta’ oġġetti bl-eċċezzjoni tal-oġġetti soġġetti għas-sisa, tal-oġġetti tal-UE fil-kuntest tal-kummerċ mat-territorji fiskali speċjali u tal-oġġetti soġġetti għall-miżuri tal-politika agrikola komuni.

Fażi 2: L-għan ta’ din il-fażi hi li timplimenta l-funzjonalitajiet kollha fl-ambitu kollu tas-CCI: id-dikjarazzjonijiet simplifikati u supplimentari (jekk mhumiex implimentati mill-Fażi 1), id-dikjarazzjonijiet doganali permezz ta’ entrata fir-rekords tad-dikjarant u d-dikjarazzjonijiet rikapitolattivi supplimentari (li jirregolarizzaw aktar minn dikjarazzjoni doganali simplifikata waħda jew aktar minn entrata waħda fir-rekords tad-dikjarant), it-tqegħid tal-oġġetti taħt il-proċedura ta’ ammissjoni temporanja, l-oġġetti soġġetti għas-sisa, l-oġġetti tal-UE fil-kuntest tal-kummerċ mat-territorji fiskali speċjali u l-oġġetti soġġetti għall-miżuri tal-politika agrikola komuni.

16.

Dan il-proġett għandu l-għan li jiżgura l-ġestjoni effettiv u effiċjenti tat-tipi differenti ta’ garanziji.

Komponent 1 - “GUM”: Il-komponent ċentrali tas-sistema trans-Ewropea se jkopri l-ġestjoni tal-garanziji komprensivi li jistgħu jintużaw f’aktar minn Stat Membru wieħed. Dan se jiġi implimentat fis-Sistema tad-Deċiżjonijiet Doganali tal-KDU u se jinterfaċċa ma’ komponent nazzjonali (ara l-Komponent 2) għall-monitoraġġ tal-ammont ta’ referenza. Dan l-ammont ta’ referenza jista’ jkun relatat ma’ kull dikjarazzjoni doganali, dikjarazzjoni supplimentari jew informazzjoni xierqa oħra dwar id-dettalji meħtieġa għall-monitoraġġ tal-ammonti ta’ referenza tal-garanziji komprensivi għall-ħżin temporanju u l-proċeduri doganali kollha kif previst fil-Kodiċi Doganali tal-Unjoni, bl-eċċezzjoni tat-Tranżitu li jiġi ttrattat bħala parti mill-proġett tal-NCTS.

Komponent 2 - “Ġestjoni tal-Garanzija Nazzjonali”: Dan il-komponent se jiġi implimentat permezz ta’ sistema elettronika nazzjonali fejn il-garanziji komprensivi validi f’aktar minn Stat Membru wieħed se jiġu rreġistrati u ġestiti u l-ammont ta’ referenza tiegħu se jiġi mmonitorjat. Se jintuża wkoll għal garanziji oħra.

Il-komponent se jkun konness mas-sistemi nazzjonali tad-dikjarazzjoni doganali kull meta jiġu invokati garanziji fid-dikjarazzjoni doganali u, f’każ ta’ garanziji komprensivi, jenħtieġ li jirkupra d-data tan-negozju rilevanti mill-awtorizzazzjoni rispettiva biex jipprovdi garanzija komprensiva.

17.

L-għan ta’ dan il-programm huwa li jsaħħaħ is-sikurezza u s-sigurtà ta’ qabel il-wasla tal-oġġetti li jidħlu fl-Unjoni billi jimplimenta r-rekwiżiti l-ġodda tal-KDU rigward il-preżentazzjoni u t-trattament tad-dikjarazzjonijiet sommarji tad-dħul (ENS), jiġifieri l-forniment tad-data tal-ENS f’aktar minn sottomissjoni waħda u/jew minn persuni differenti u l-iskambju ta’ dik id-data u tar-riżultati tal-analiżi tar-riskju fost l-awtoritajiet doganali. L-ICS2 se twassal għal arkitettura kompletament ġdida u għal sostituzzjoni progressiva tas-sistema ICS trans-Ewropea eżistenti.

Il-programm qed jiġi implimentat fi tliet rilaxxi.

Rilaxx 1: Dan ir-rilaxx ikopri l-obbligu fuq l-operaturi ekonomiċi rilevanti (l-operaturi postali u t-trasportaturi express fit-trasport bl-ajru) li jipprovdu d-data minima, jiġifieri s-sett tad-data ta’ qabel it-tagħbija tal-ENS.

Rilaxx 2: Dan ir-rilaxx ikopri l-implimentazzjoni tal-obbligi l-ġodda kompluti tal-ENS, tal-proċessi ta’ negozju u ta’ ġestjoni tar-riskju għall-oġġetti kollha bl-ajru.

Rilaxx 3: Dan ir-rilaxx ikopri l-implimentazzjoni tal-obbligi l-ġodda kompluti tal-ENS, tal-proċessi ta’ negozju u ta’ ġestjoni tar-riskju għall-oġġetti kollha fit-traffiku marittimu u bl-ilmijiet navigabbli interni u stradali u ferrovjarju (dan jinkludi l-oġġetti f’konsenji postali trasportati b’dawn il-mezzi ta’ trasport). L-introduzzjoni tar-Rilaxx 3 se sseħħ kif ġej: l-ewwel se jiġu introdotti t-trasportaturi bil-baħar u bl-ilmijiet navigabbli interni (pass 1), segwiti mill-house filers fit-traffiku marittimu u bl-ilmijiet navigabbli interni (pass 2), segwiti bit-trasportaturi stradali u dawk ferrovjarji (pass 3).