This document is an excerpt from the EUR-Lex website
Document 32023D1409
Commission Decision (EU) 2023/1409 of 4 July 2023 instructing the Central Administrator of the Union Registry to return to the Member States and the United Kingdom the Union surplus at the end of the second commitment period of the Kyoto Protocol
Deċiżjoni tal-Kummissjoni (UE) 2023/1409 tal-4 ta’ Lulju 2023 li tagħti struzzjonijiet lill-Amministratur Ċentrali tar-Reġistru tal-Unjoni biex jirritorna l-eċċess tal-Unjoni lill-Istati Membri u lir-Renju Unit, fi tmiem it-tieni perjodu ta’ impenn tal-Protokoll ta’ Kjoto
Deċiżjoni tal-Kummissjoni (UE) 2023/1409 tal-4 ta’ Lulju 2023 li tagħti struzzjonijiet lill-Amministratur Ċentrali tar-Reġistru tal-Unjoni biex jirritorna l-eċċess tal-Unjoni lill-Istati Membri u lir-Renju Unit, fi tmiem it-tieni perjodu ta’ impenn tal-Protokoll ta’ Kjoto
C/2023/4379
ĠU L 170, 5.7.2023, p. 100–101
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version: 30/08/2023
|
5.7.2023 |
MT |
Il-Ġurnal Uffiċjali tal-Unjoni Ewropea |
L 170/100 |
DEĊIŻJONI TAL-KUMMISSJONI (UE) 2023/1409
tal-4 ta’ Lulju 2023
li tagħti struzzjonijiet lill-Amministratur Ċentrali tar-Reġistru tal-Unjoni biex jirritorna l-eċċess tal-Unjoni lill-Istati Membri u lir-Renju Unit, fi tmiem it-tieni perjodu ta’ impenn tal-Protokoll ta’ Kjoto
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Deċiżjoni tal-Kunsill (UE) 2015/1339 tat-13 ta’ Lulju 2015 dwar il-konklużjoni, f’isem l-Unjoni Ewropea, tal-Emenda ta’ Doha għall-Protokoll ta’ Kjoto għall-Konvenzjoni Qafas tan-Nazzjonijiet Uniti dwar it-Tibdil fil-Klima u t-twettiq konġunt tal-impenji taħtha (1), u b’mod partikolari l-Artikolu 4 tagħha,
Billi:
|
(1) |
L-Unjoni kkonkludiet l-Emenda ta’ Doha għall-Protokoll ta’ Kjoto għall-Konvenzjoni Qafas tan-Nazzjonijiet Uniti dwar it-Tibdil fil-Klima. L-emenda ta’ Doha stabbiliet it-tieni perjodu ta’ impenn tal-Protokoll ta’ Kjoto, li jibda fl-1 ta’ Jannar 2013 u jintemm fil-31 ta’ Diċembru 2020. |
|
(2) |
F’konformità mal-Artikolu 4 tad-Deċiżjoni (UE) 2015/1339, l-unitajiet kollha tal-ammont assenjat maħruġa għat-tieni perjodu ta’ impenn li jkunu disponibbli fir-reġistru tal-Unjoni wara li l-Unjoni tkun ikkonformat mal-obbligu tagħha stabbilit fl-Artikolu 11(3) tar-Regolament (UE) Nru 525/2013 tal-Parlament Ewropew u tal-Kunsill (2) u wara li jkun sar kwalunkwe trasferiment tal-unitajiet tal-ammont assenjat skont l-atti ta’ implimentazzjoni adottati abbażi tal-Artikolu 10(7) tar-Regolament (UE) Nru 525/2013 (“eċċess tal-Unjoni”) għandhom jiġu rritornati lill-Istati Membri fi tmiem it-tieni perjodu ta’ impenn. |
|
(3) |
Wara t-trasferiment tas-sehem applikabbli ta’ rikavati lill-Fond ta’ Adattament, l-eċċess nett tal-Unjoni fir-Reġistru tal-Unjoni tela’ għal 2 215 147 885 unità tal-ammont assenjat. Dawn l-unitajiet jenħtieġ li jiġu rritornati lill-Istati Membri u lir-Renju Unit (3) f’konformità mar-regoli stabbiliti fl-Artikolu 4(2) tad-Deċiżjoni tal-Kunsill (UE) 2015/1339. |
|
(4) |
Jenħtieġ li l-Kummissjoni tagħti struzzjonijiet lill-amministratur ċentrali tar-Reġistru tal-Unjoni biex jirritorna l-unitajiet lill-Istati Membri u lir-Renju Unit, |
IDDEĊIDIET KIF ĠEJ:
Artikolu Uniku
Il-Kummissjoni tagħti struzzjonijiet lill-amministratur ċentrali tar-Reġistru tal-Unjoni biex jirritorna l-unitajiet tal-ammont assenjat stabbiliti fl-Anness fil-kontijiet tal-Awstrija, tal-Belġju, tal-Bulgarija, tal-Kroazja, ta’ Ċipru, taċ-Ċekja, tad-Danimarka, tal-Estonja, tal-Finlandja, ta’ Franza, tal-Ġermanja, tal-Greċja, tal-Ungerija, tal-Irlanda, tal-Italja, tal-Latvja, tal-Litwanja, tal-Lussemburgu, ta’ Malta, tan-Netherlands, tal-Polonja, tal-Portugall, tar-Rumanija, tas-Slovakkja, tas-Slovenja, ta’ Spanja, tal-Iżvezja u tar-Renju Unit.
Magħmul fi Brussell, l-4 ta’ Lulju 2023.
Għall-Kummissjoni
Frans TIMMERMANS
Viċi President Eżekuttiv
(2) Ir-Regolament (UE) Nru 525/2013 tal-Parlament Ewropew u tal-Kunsill tal-21 ta’ Mejju 2013 dwar mekkaniżmu għall-monitoraġġ u r-rapportar ta’ emissjonijiet ta’ gassijiet serra u għar-rapportar ta’ informazzjoni oħra relatata mat-tibdil fil-klima fil-livelli nazzjonali u tal-Unjoni u li jħassar id-Deċiżjoni Nru 280/2004/KE (ĠU L 165, 18.6.2013, p. 13)
ANNESS
|
Stat Membru |
Unitajiet tal-ammont assenjat tal-eċċess tal-Unjoni allokati |
|
L-Awstrija |
13 779 438 |
|
Il-Belġju |
21 010 620 |
|
Il-Bulgarija |
129 595 427 |
|
Il-Kroazja |
7 379 327 |
|
Ċipru |
1 611 575 |
|
Iċ-Ċekja |
136 916 575 |
|
Id-Danimarka |
13 496 692 |
|
L-Estonja |
52 162 070 |
|
Il-Finlandja |
8 895 367 |
|
Franza |
102 390 482 |
|
Il-Ġermanja |
200 540 800 |
|
Il-Greċja |
16 329 385 |
|
L-Ungerija |
110 193 391 |
|
L-Irlanda |
11 665 373 |
|
L-Italja |
81 862 104 |
|
Il-Latvja |
41 199 008 |
|
Il-Litwanja |
72 359 623 |
|
Il-Lussemburgu |
2 472 803 |
|
Malta |
315 853 |
|
In-Netherlands |
31 245 242 |
|
Il-Polonja |
306 866 601 |
|
Il-Portugall |
13 660 512 |
|
Ir-Rumanija |
503 842 880 |
|
Is-Slovakkja |
77 068 229 |
|
Is-Slovenja |
3 376 854 |
|
Spanja |
60 009 461 |
|
L-Iżvezja |
13 580 833 |
|
Ir-Renju Unit |
181 321 357 |