This document is an excerpt from the EUR-Lex website
Document 32022R1267
Commission Implementing Regulation (EU) 2022/1267 of 20 July 2022 specifying the procedures for the designation of Union testing facilities for the purposes of market surveillance and verification of product compliance in accordance with Regulation (EU) 2019/1020 of the European Parliament and of the Council
Regolament ta’ Implimentazzjoni tal-Kummissjoni (UE) 2022/1267 tal-20 ta’ Lulju 2022 li jispeċifika l-proċeduri għad-deżinjazzjoni tal-faċilitajiet tal-ittestjar tal-Unjoni għall-finijiet tas-sorveljanza tas-suq u tal-verifika tal-konformità tal-prodotti skont ir-Regolament (UE) 2019/1020 tal-Parlament Ewropew u tal-Kunsill
Regolament ta’ Implimentazzjoni tal-Kummissjoni (UE) 2022/1267 tal-20 ta’ Lulju 2022 li jispeċifika l-proċeduri għad-deżinjazzjoni tal-faċilitajiet tal-ittestjar tal-Unjoni għall-finijiet tas-sorveljanza tas-suq u tal-verifika tal-konformità tal-prodotti skont ir-Regolament (UE) 2019/1020 tal-Parlament Ewropew u tal-Kunsill
C/2022/5048
ĠU L 192, 21.7.2022, p. 21–22
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
21.7.2022 |
MT |
Il-Ġurnal Uffiċjali tal-Unjoni Ewropea |
L 192/21 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/1267
tal-20 ta’ Lulju 2022
li jispeċifika l-proċeduri għad-deżinjazzjoni tal-faċilitajiet tal-ittestjar tal-Unjoni għall-finijiet tas-sorveljanza tas-suq u tal-verifika tal-konformità tal-prodotti skont ir-Regolament (UE) 2019/1020 tal-Parlament Ewropew u tal-Kunsill
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/1020 tal-Parlament Ewropew u tal-Kunsill tal-20 ta’ Ġunju 2019 dwar is-sorveljanza tas-suq u l-konformità tal-prodotti u li jemenda d-Direttiva 2004/42/KE u r-Regolamenti (KE) Nru 765/2008 u (UE) Nru 305/2011, (1), u b’mod partikolari l-Artikolu 21(9) tiegħu,
Billi:
|
(1) |
Wieħed mill-objettivi tal-faċilitajiet tal-ittestjar tal-Unjoni huwa li jassistu lill-awtoritajiet nazzjonali tas-sorveljanza tas-suq fl-attivitajiet tagħhom billi jikkontribwixxu għat-titjib tal-kapaċità tal-laboratorji għal kategoriji speċifiċi ta’ prodotti jew għal riskji speċifiċi relatati ma’ kategorija ta’ prodotti. Il-proċeduri għad-deżinjazzjoni tal-faċilitajiet tal-ittestjar tal-Unjoni jenħtieġ li jiżguraw b’mod partikolari li l-faċilitajiet tal-ittestjar tal-Unjoni jiġu deżinjati fejn ikun hemm skarsezzi tal-kapaċità tal-ittestjar laboratorju. |
|
(2) |
Biex tkun evitata skarsezza ta’ kapaċità laboratorja, jenħtieġ jingħata aċċess wiesa’ għad-deżinjazzjoni. Biex jingħata dan l-aċċess u tkun żgurata t-trasparenza fil-proċess li jwassal għad-deżinjazzjoni, jenħtieġ li jiġi ddeterminat liema faċilitajiet tal-ittestjar pubbliku tal-Istati Membri jridu jiġu deżinjati bħala faċilitajiet tal-ittestjar tal-Unjoni wara sejħiet għal espressjoni ta’ interess. |
|
(3) |
Id-deżinjazzjoni tal-faċilitajiet tal-ittestjar tal-Kummissjoni bħala faċilitajiet tal-ittestjar tal-Unjoni jenħtieġ li ssir b’appuntar dirett mill-Kummissjoni. |
|
(4) |
Minħabba l-għadd kbir ta’ kategoriji ta’ prodotti u ta’ riskji speċifiċi relatati ma’ kategorija ta’ prodotti, jenħtieġ li jiġi kkonsultat in-Network tal-Unjoni għall-Konformità tal-Prodotti stabbilit skont l-Artikolu 29 tar-Regolament (UE) 2019/1020 biex tkun żgurata l-prijoritizzazzjoni korretta ta’ dawn il-kategoriji u r-riskji speċifiċi. |
|
(5) |
Id-deżinjazzjoni tal-faċilitajiet tal-ittestjar tal-Unjoni jenħtieġ li tiġi rieżaminata b’mod regolari biex jiġi vverifikat li dawn jiżguraw livell konsistentement għoli ta’ ttestjar tal-prodotti, u li jipprovdu konsulenza teknika u xjentifika ta’ kwalità għolja. |
|
(6) |
Il-miżuri previsti f’dan ir-Regolament huma konformi mal-opinjoni tal-Kumitat stabbilit bl-Artikolu 43(1) tar-Regolament (UE) 2019/1020, |
ADOTTAT DAN IR-REGOLAMENT:
Artikolu 1
Proċeduri għad-deżinjazzjoni tal-faċilitajiet tal-ittestjar tal-Unjoni
1. Il-faċilitajiet tal-ittestjar pubbliku tal-Istati Membri għandhom jiġu ddeżinjati bħala faċilitajiet tal-ittestjar tal-Unjoni wara sejħa għal espressjoni ta’ interess li tistabbilixxi l-kundizzjonijiet għad-deżinjazzjoni tagħhom.
2. Il-faċilitajiet tal-ittestjar tal-Kummissjoni għandhom jiġu deżinjati bħala faċilitajiet tal-ittestjar tal-Unjoni b’appuntar dirett mill-Kummissjoni, li jistabbilixxi l-kundizzjonijiet għad-deżinjazzjoni tagħhom.
3. Qabel id-deżinjazzjoni, in-Network tal-Unjoni għall-Konformità tal-Prodotti stabbilit skont l-Artikolu 29 tar-Regolament (UE) 2019/1020 (in-“Network”) għandu jiġi kkonsultat dwar dawn it-tnejn li ġejjin:
|
(a) |
il-kategoriji speċifiċi ta’ prodotti u dwar ir-riskji speċifiċi relatati ma’ kategorija ta’ prodotti li għalihom jeħtieġ jiġu deżinjati l-faċilitajiet tal-ittestjar tal-Unjoni; |
|
(b) |
il-kundizzjonijiet għad-deżinjazzjoni tal-faċilitajiet tal-ittestjar tal-Unjoni, biex ikunu żgurati livell konsistentement għoli ta’ ttestjar tal-prodotti u pariri tekniċi u xjentifiċi ta’ livell għoli. |
Artikolu 2
Rieżami tad-deżinjazzjoni
1. Il-Kummissjoni, b’konsultazzjoni man-Network, għandha tirrevedi d-deżinjazzjoni tal-faċilitajiet tal-ittestjar tal-Unjoni b’mod regolari biex taċċerta li l-faċilitajiet tal-ittestjar tal-Unjoni jissodisfaw il-kundizzjonijiet għad-deżinjazzjoni tagħhom u r-rekwiżiti stabbiliti fl-Artikoli 21(3), 21(5) u 21(6) tar-Regolament (UE) 2019/1020.
2. Fid-deċiżjoni biex tiġi ddeżinjata l-faċilità tal-ittestjar tal-Unjoni għandu jiġi stabbilit limitu ta’ żmien għar-rieżami tad-deżinjazzjoni tal-faċilità tal-ittestjar.
3. Meta faċilità tal-ittestjar tal-Unjoni tonqos milli tikkonforma mal-kundizzjonijiet għad-deżinjazzjoni tagħha u mar-rekwiżiti stabbiliti fl-Artikoli 21(3), 21(5) u 21(6) tar-Regolament (UE) 2019/1020, il-Kummissjoni, wara konsultazzjoni man-Network, għandha, meta xieraq, tirtira d-deżinjazzjoni.
Artikolu 3
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-20 ta’ Lulju 2022.
Għall-Kummissjoni
Il-President
Ursula VON DER LEYEN