32022R0694

English (current language)
Language
My EUR-Lex
- My EUR-Lex
- Sign in
- Register
- My recent searches (0)

This document is an excerpt from the EUR-Lex website

Search tips

Need more search options? Use the Advanced search

Document 32022R0694

Regolament ta’ Implimentazzjoni tal-Kummissjoni (UE) 2022/694 tat-2 ta’ Mejju 2022 li jemenda r-Regolament (UE) 2016/403 fir-rigward ta’ ksur serju ġdid tar-regoli tal-Unjoni li jista’ jwassal għat-telf ta’ reputazzjoni tajba mill-operatur tat-trasport bit-triq

C/2022/2742

OJ L 129, 3.5.2022, p. 22–32 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

In force

ELI: http://data.europa.eu/eli/reg_impl/2022/694/oj

Languages, formats and link to OJ

HTML

PDF

Official Journal

To see if this document has been published in an e-OJ with legal value, click on the icon above (For OJs published before 1st July 2013, only the paper version has legal value).

Multilingual display

Text

3.5.2022

Il-Ġurnal Uffiċjali tal-Unjoni Ewropea

L 129/22

REGOLAMENT TA’ IMPLIMENTAZZJONI TAL-KUMMISSJONI (UE) 2022/694

tat-2 ta’ Mejju 2022

li jemenda r-Regolament (UE) 2016/403 fir-rigward ta’ ksur serju ġdid tar-regoli tal-Unjoni li jista’ jwassal għat-telf ta’ reputazzjoni tajba mill-operatur tat-trasport bit-triq

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1071/2009 tal-Parlament Ewropew u tal-Kunsill tal-21 ta’ Ottubru 2009 li jistabbilixxi regoli komuni dwar il-kondizzjonijiet li għandhom jiġu rispettati għall-eżerċizzju tal-professjoni ta’ operatur tat-trasport bit-triq u li jħassar id-Direttiva tal-Kunsill 96/26/KE (1), u b’mod partikolari l-Artikolu 6(2a) tiegħu,

Billi:

(1)

Ir-Regolament (KE) Nru 1071/2009 ġie emendat bir-Regolament (UE) 2020/1055 tal-Parlament Ewropew u tal-Kunsill (2) li żied ksur serju ġdid fir-rigward tal-liġi applikabbli għall-obbligi kuntrattwali, il-kabotaġġ u l-istazzjonar ta’ ħaddiema fit-trasport bit-triq mal-lista ta’ ksur li jista’ jwassal għat-telf ta’ reputazzjoni tajba stabbilita fl-Artikolu 3(1), il-punt (b), tar-Regolament (KE) Nru 1071/2009.

(2)	Ir-Regolament (UE) 2020/1055 introduċa wkoll kriterju addizzjonali li għandu jitqies mill-Kummissjoni meta tiddefinixxi l-grad ta’ serjetà ta’ ksur serju, billi żied ir-referenza għar-riskju ta’ distorsjoni tal-kompetizzjoni fis-suq tat-trasport bit-triq.

(3)

Ir-Regolament (UE) 2020/1055 emenda wkoll ir-Regolament (KE) Nru 1071/2009 sabiex jipprevedi li, meta tiġi stabbilita l-frekwenza tal-okkorrenza li lil hinn minnha l-ksur ripetut għandu jitqies bħala aktar serju, il-Kummissjoni jenħtieġ tqis l-għadd ta’ vetturi, u mhux l-għadd ta’ sewwieqa, użati għall-attivitajiet tat-trasport.

(4)

Ir-Regolament (UE) 2020/1054 tal-Parlament Ewropew u tal-Kunsill (3) introduċa dispożizzjonijiet ġodda fir-rigward ta’ ksur li jwassal għal riskji ta’ korrimenti serji jew fatalitajiet jew distorsjoni tal-kompetizzjoni fis-suq tat-trasport bit-triq. Jenħtieġ li dak il-ksur jiżdied mal-lista ta’ ksur serju tar-regoli tal-Unjoni msemmi fl-Artikolu 6(1), it-tielet subparagrafu, il-punt (b), tar-Regolament (KE) Nru 1071/2009, li jista’ jaffettwa r-reputazzjoni tajba tal-impriża tat-trasport bit-triq jew tal-maniġer tat-trasport.

(5)	Għalhekk, ir-Regolament tal-Kummissjoni (UE) 2016/403 (4) jenħtieġ jiġi emendat biex jinkludi l-ksur il-ġdid u jqis il-kriterji l-ġodda għad-definizzjoni tal-livell ta’ serjetà u l-frekwenza tal-okkorrenza tagħhom.

(6)	Il-miżuri previsti f’dan ir-Regolament huma skont l-opinjoni tal-Kumitat dwar it-Trasport bit-Triq,

ADOTTAT DAN IR-REGOLAMENT:

Artikolu 1

Ir-Regolament (UE) Nru 2016/403 huwa emendat kif ġej:

(1)	L-Anness I huwa emendat f’konformità mal-Anness I ta’ dan ir-Regolament;

(2)	L-Anness II huwa sostitwit mit-test tal-Anness II ta’ dan ir-Regolament.

Artikolu 2

Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-2 ta’ Mejju 2022.

Għall-Kummissjoni

Il-President

Ursula VON DER LEYEN

(1) ĠU L 300, 14.11.2009, p. 51.

(2) Ir-Regolament (UE) 2020/1055 tal-Parlament Ewropew u tal-Kunsill tal-15 ta’ Lulju 2020 li jemenda r-Regolamenti (KE) Nru 1071/2009, (KE) Nru 1072/2009 u (UE) Nru 1024/2012 bl-għan li jiġu adattati għall-iżviluppi fis-settur tat-trasport bit-triq (ĠU L 249, 31.7.2020, p. 17).

(3) Ir-Regolament (UE) 2020/1054 tal-Parlament Ewropew u tal-Kunsill tal-15 ta’ Lulju 2020 li jemenda r-Regolament (KE) Nru 561/2006 fir-rigward ta’ rekwiżiti minimi dwar il-ħinijiet massimi ta’ sewqan kuljum u kull ġimgħa, il-pawżi minimi u l-perjodi ta’ mistrieħ kuljum u kull ġimgħa u r-Regolament (UE) Nru 165/2014 fir-rigward tal-pożizzjonament permezz ta’ takografi (ĠU L 249, 31.7.2020, p. 1).

(4) Ir-Regolament tal-Kummissjoni (UE) 2016/403 tat-18 ta’ Marzu 2016 li jissupplimenta r-Regolament (KE) Nru 1071/2009 tal-Parlament Ewropew u tal-Kunsill fir-rigward tal-klassifikazzjoni ta’ ksur serju tar-regoli tal-Unjoni, li jista’ jwassal għat-telf ta’ reputazzjoni tajba tal-operatur tat-trasport bit-triq u li jemenda l-Anness III tad-Direttiva 2006/22/KE tal-Parlament Ewropew u tal-Kunsill (ĠU L 74, 19.3.2016, p. 8).

ANNESS I

L-Anness I għar-Regolament (UE) 2016/403 huwa emendat kif ġej:

(1)

il-paragrafi introduttorji u t-Taqsima 1 huma sostitwiti b’dan li ġej:

“Kategorizzazzjoni ta’ ksur serju

(imsemmija fl-Artikolu 1)

It-tabelli li ġejjin fihom il-kategoriji u t-tipi ta’ ksur serju tar-regoli tal-UE tat-trasport bit-triq kummerċjali, maqsuma fi tliet kategoriji ta’ gradi ta’ serjetà skont il-potenzjal tagħhom li joħolqu riskju ta’ fatalitajiet jew ta’ korrimenti gravi u/jew iwasslu għal distorsjoni tal-kompetizzjoni fis-suq tat-trasport bit-triq.

1. Gruppi ta’ ksur tar-Regolament (KE) Nru 561/2006 tal-Parlament Ewropew u tal-Kunsill (*1) (Ħin ta’ sewqan u ta’ mistrieħ)

Nru	BAŻI ĠURIDIKA	TIPI TA’ KSUR		GRAD TA’ SERJETÀ (1)
Nru	BAŻI ĠURIDIKA	TIPI TA’ KSUR		KAS	KSĦ	KS
	Ekwipaġġ
1.	Artikolu 5(1)	Ma jitħarsux l-etajiet minimi tas-sewwieqa				X
Perjodi ta’ sewqan
2.	Artikolu 6(1)	Aktar minn disa’ (9) sigħat ta’ sewqan kuljum meta mhux permessa l-possibbiltà tal-estensjoni għal limitu ta’ 10 sigħat	10h ≤ … < 11h			X
3.			11h≤ …		X
4.		Jinqabeż il-ħin ta’ sewqan ta’ disa’ (9) sigħat kuljum b’50 % jew aktar	13h30 ≤ …	X
5.		Jinqabeż il-ħin estiż ta’ sewqan kuljum ta’ 10 sigħat jekk l-estensjoni hija permessa	11h ≤ … < 12h			X
6.			12h ≤ …		X
7.		Jinqabeż il-ħin ta’ sewqan ta’ 10 sigħat ta' sewqan kuljum b’50 % jew aktar	15h ≤ …	X
8.	Artikolu 6(2)	Jinqabeż il-ħin ta’ sewqan permess fil-ġimgħa	60h ≤ … < 65h			X
9.		Jinqabeż il-ħin ta’ sewqan permess fil-ġimgħa	65h ≤ … < 70h		X
10.		Jinqabeż il-ħin ta’ sewqan permess fil-ġimgħa b’25 % jew aktar	70h ≤ …	X
11.	Artikolu 6(3)	Jinqabeż il-ħin ta’ sewqan massimu totali f’ġimgħatejn (2) konsekuttivi	100h ≤ … < 105h			X
12.			105h ≤ … < 112h30		X
13.		Jinqabeż il-ħin ta’ sewqan massimu totali f’ġimgħatejn (2) konsekuttivi b’25 % jew aktar	112h30 ≤ …	X
Pawsi
14.	Artikolu 7	Jinqabeż il-ħin ta’ sewqan mhux interrott ta’ 4,5 sigħat qabel il-brejk	5h ≤ … < 6h			X
15.	Artikolu 7		6h ≤ …		X
Perjodi ta’ mistrieħ
16.	Artikolu 8(2)	Perjodu insuffiċjenti ta’ mistrieħ ta’ inqas minn 11-il siegħa meta mhux permess perjodu mnaqqas ta’ mistrieħ ta’ kuljum	8h30 ≤ … < 10h			X
17.			… < 8h30		X
18.		Perjodu mnaqqas insuffiċjenti ta’ mistrieħ ta’ kuljum ta’ inqas minn disa’ (9) sigħat meta t-tnaqqis huwa permess	7h ≤ … < 8h			X
19.			… < 7h		X
20.		Perjodu maqsum insuffiċjenti ta’ mistrieħ ta’ kuljum ta’ inqas minn 3s + 9s	3h + [7h ≤ … < 8h]			X
21.			3h + [… < 7h]		X
22.	Artikolu 8(5)	Perjodu insuffiċjenti ta’ mistrieħ ta’ kuljum ta’ inqas minn disa’ (9) sigħat għal vettura b’aktar minn sewwieq wieħed	7h ≤ … < 8h			X
23.	Artikolu 8(5)		… < 7h		X
24.	Artikolu 8(6)	Perjodu mnaqqas insuffiċjenti ta’ mistrieħ fil-ġimgħa ta’ inqas minn 24 siegħa	20h ≤ … < 22h			X
25.			… < 20h		X
26.		Perjodu insuffiċjenti ta’ mistrieħ fil-ġimgħa ta’ inqas minn 45 siegħa meta mhux permess perjodu mnaqqas ta’ mistrieħ fil-ġimgħa	36h ≤ … < 42h			X
27.			… < 36h		X
28.	Artikolu 8(6)	Aktar minn sitt (6) perjodi konsekuttivi ta’ 24 siegħa wara l-perjodu preċedenti ta’ mistrieħ fil-ġimgħa	3h ≤ … < 12h			X
29.			3h ≤ … < 12h			X
29.			12h ≤ …		X
30.	Artikolu 8(6b)	L-ebda mistrieħ ta’ kumpens għal żewġ perjodi mnaqqsa konsekuttivi ta’ mistrieħ ta’fil-ġimgħa			X
31.	Artikolu 8(8)	Perjodu regolari ta’ mistrieħ fil-ġimgħa jew kwalunkwe perjodu ta’ mistrieħ fil-ġimgħa ta’ aktar minn 45 siegħa meħud f’vettura			X
32.	Artikolu 8(8)	L-impjegatur ma jkoprix l-ispejjeż għall-akkomodazzjoni barra mill-vettura				X
	Deroga mir-regola ta’ 12-il jum
33.	Artikolu 8(6a)	Aktar minn 12-il perjodu konsekuttiv ta’ 24 siegħa wara perjodu preċedenti ta’ serhan fil-ġimgħa	3h ≤ … < 12h			X
34.	Artikolu 8(6a)		12h ≤ …		X
35.	Artikolu 8(6a), Punt (b)(ii)	Perjodu ta’ mistrieħ fil-ġimgħa meħud wara 12-il perjodu konsekuttiv ta’ 24 siegħa	65h < … ≤ 67h			X
36.	Artikolu 8(6a), Punt (b)(ii)		… ≤ 65h		X
37.	Artikolu 8(6a), punt (d)	Perjodu ta’ sewqan, bejn l-22.00 u s-6.00, ta’ aktar minn tliet sigħat qabel il-brejk, jekk il-vettura ma jkollhiex aktar minn sewwieq wieħed	3h < … < 4,5 h			X
38.	Artikolu 8(6a), punt (d)		4,5s ≤ …		X
Organizzazzjoni tax-xogħol
39.	Artikolu 8(8 a)	Impriża tat-trasport li ma tkunx qed torganizza x-xogħol tas-sewwieqa b’tali mod li s-sewwieqa jkunu jistgħu jirritornaw lejn iċ-ċentru operazzjonali tal-impjegatur, jew jirritornaw lejn il-post ta’ residenza tas-sewwieqa			X
40.	Artikolu 10(1)	Relazzjoni bejn il-paga/ħlas u d-distanza misjuqa, il-veloċità tat-twassil u/jew l-ammont ta’ merkanzija trasportata			X
41.	Artikolu 10(2)	L-ebda organizzazzjoni jew organizzazzjoni mhux xierqa tax-xogħol tas-sewwieq, l-ebda struzzjoni jew struzzjonijiet mhux xierqa mogħtija lis-sewwieq li jippermettulu jikkonforma mal-liġi			X

(*1) Ir-Regolament (KE) Nru 561/2006 tal-Parlament Ewropew u tal-Kunsill tal-15 ta’ Marzu 2006 dwar l-armonizzazzjoni ta’ ċerta leġiżlazzjoni soċjali li għandha x’taqsam mat-trasport bit-triq u li jemenda r-Regolamenti tal-Kunsill (KEE) Nru 3821/85 u (KE) Nru 2135/98 u li jħassar ir-Regolament tal-Kunsill (KEE) Nru 3820/85 (ĠU L 102, 11.4.2006, p. 1).”."

(2)

It-Taqsima 2 hija sostitwita b’ dan li ġej:

“2.	Gruppi ta’ ksur tar-Regolament (UE) Nru 165/2014 tal-Parlament Ewropew u tal-Kunsill (*2) (Takografu)

Nru	BAŻI ĠURIDIKA	TIPI TA’ KSUR	GRAD TA’ SERJETÀ
Nru	BAŻI ĠURIDIKA	TIPI TA’ KSUR	KAS	KSĦ	KS
L-installazzjoni ta’ takografu
1.	Artikolu 3(1), (4), (4a) u l-Artikolu 22	Li ma jkollux takografu ta' tip approvat installat u użat	X
Użu tat-takografu, tal-karta tas-sewwieq jew tal-folja ta’ reġistrazzjoni
2.	Artikolu 23(1)	L-użu ta’ takografu mhux spezzjonat minn workshop approvat		X
3.	Artikolu 27	Is-sewwieq għandu fil-pussess tiegħu u/jew juża aktar minn karta tas-sewwieq waħda li hija tiegħu		X
4.		Sewqan b’karta tas-sewwieq falsifikata (meqjus bħala sewqan mingħajr karta tas-sewwieq)	X
5.		Sewqan b’karta tas-sewwieq li tagħha s-sewwieq mhuwiex id-detentur (meqjus bħala sewqan mingħajr karta tas-sewwieq)	X
6.		Sewqan b’karta tas-sewwieq li ġiet akkwistata abbażi ta’ dikjarazzjonijiet foloz u/jew ta’ dokumenti ffalsifikati (meqjus bħala sewqan mingħajr karta tas-sewwieq)	X
7.	Artikolu 32(1)	It-takografu ma jaħdimx sew (eż.: it-takografu ma ġiex spezzjonat, ikkalibrat u ssiġillat b’mod tajjeb)		X
8.	Artikolu 32(1) u Artikolu 33(1)	It-takografu ma ntużax kif suppost (eż.: l-użu ħażin b’mod intenzjonat, volontarju jew impost, nuqqas ta’ struzzjonijiet dwar l-użu korrett, eċċ.)		X
9.	Artikolu 32(3)	Il-pussess fil-vettura u/jew l-użu ta’ apparat frodulenti li jkun kapaċi jimmodifika r-reġistrazzjonijiet tat-takografu	X
10.	Artikolu 32(3)	Falsifikazzjoni, ħabi, suppressjoni jew qerda tad-data rreġistrata fuq il-folji tar-reġistrazzjoni jew tad-dejta maħżuna u ddawnlowdjata mit-takografu u/jew mill-karta tas-sewwieq	X
11.	Artikolu 33(2)	L-impriża ma żżommx folji tar-reġistrazzjoni, karti stampati u data ddawnlowdjata		X
12.	Artikolu 33(2)	Id-data rreġistrata jew maħżuna mhix disponibbli għal mill-inqas sena		X
13.	Artikolu 34(1)	Użu ħażin tal-folji ta' reġistrazzjoni/il-karta tas-sewwieq		X
14.	Artikolu 34(1)	Irtirar mhux awtorizzat tal-folji ta' reġistrazzjoni jew tal-karta tas-sewwieq li jħalli impatt fuq ir-reġistrazzjoni tad-data rilevanti		X
15.	Artikolu 34(1 a)	Tintuża folja tar-reġistrazzjoni jew karta tas-sewwieq biex tkopri perjodu itwal minn dak li hija intenzjonata għalih u tintilef xi data		X
16.	Artikolu 34(2)	Jintużaw folji tar-reġistrazzjoni jew karti tas-sewwieqa maħmuġin jew bil-ħsara u d-data mhijiex leġġibbli		X
17.	Artikolu 34(3)	Ma jsirx input manwali meta dan ikun meħtieġ		X
18.	Artikolu 34(4)	Ma tintużax il-folja korretta jew il-karta tas-sewwieq tkun fi slott ħażin (aktar minn sewwieq wieħed)			X
19.	Artikolu 34(5)	Il-mekkaniżmu ta’ kommutazzjoni jintuża ħażin		X
Produzzjoni tal-informazzjoni
20.	Artikolu 34(5), il-punt (b)(v)	Użu ħażin jew nuqqas ta’ użu tas-sinjal tal-lanċa/tal-ferrovija			X
21.	Artikolu 34(6)	Informazzjoni meħtieġa mhux imdaħħla fil-folja ta’ reġistrazzjoni		X
22.	Artikolu 34(7)	Rekords ma jurux is-simboli tal-pajjiżi li l-fruntieri tagħhom ikunu nqasmu mis-sewwieq matul il-perjodu tax-xogħol ta’ kuljum			X
23.	Artikolu 34(7)	Rekords ma jurux is-simboli tal-pajjiżi fejn beda u ntemm il-perjodu tax-xogħol ta’ kuljum tas-sewwieq			X
24.	Artikolu 36	Rifjut li ssir verifika		X
25.	Artikolu 36	Preżentazzjoni mhux possibbli tar-reġistrazzjonijiet manwali u tal-karti stampati li saru matul dik il-ġurnata u matul it-28 jum preċedenti (sat-30 ta’ Diċembru 2024) Preżentazzjoni mhux possibbli tar-reġistrazzjonijiet manwali u tal-karti stampati li saru matul dik il-ġurnata u matul is-56 jum preċedenti (sal-31 ta’ Diċembru 2024)		X
26.	Artikolu 36	Preżentazzjoni mhux possibbli tal-karta tas-sewwieq, meta s-sewwieq ikollu waħda		X
Funzjonament ħażin
27.	Artikolu 37(1) u Artikolu 22(1)	Takografu mhux imsewwi minn installatur jew minn workshop pprovat		X
28.	Artikolu 37(2)	Is-sewwieq ma jniżżilx l-informazzjoni kollha meħtieġa għal dawk il-perjodi ta’ ħin li matulhom ma sarux reġistrazzjonijiet meta t-takografu ma jkunx jista’ jissewwa jew ikun qed jaħdem ħażin		X

(*2) Ir-Regolament (UE) Nru 165/2014 tal-Parlament Ewropew u tal-Kunsill tal-4 ta’ Frar 2014 dwar takografi fit-trasport bit-triq, li jħassar ir-Regolament tal-Kunsill (KEE) Nru 3821/85 dwar apparat ta’ reġistrazzjoni għat-trasport bit-triq u li jemenda r-Regolament (KE) Nru 561/2006 tal-Parlament Ewropew u tal-Kunsill dwar l-armonizzazzjoni ta’ ċerta leġiżlazzjoni soċjali li għandha x’taqsam mat-trasport bit-triq (ĠU L 60, 28.2.2014, p. 1).”"

(3)

It-Taqsima 6 hija sostitwita b’dan li ġej:

“6.	Gruppi ta’ ksur tad-Direttiva tal-Kunsill 92/6/KEE (*3) (Apparat li jillimita l-veloċità)

Nru	BAŻI ĠURIDIKA	TIPI TA’ KSUR	GRAD TA’ SERJETÀ
Nru	BAŻI ĠURIDIKA	TIPI TA’ KSUR	KAS	KSĦ	KS
1.	Artikolu 2 u 3	L-apparat li jillimita l-veloċità mhux installat	X
2.	Artikolu 5	L-apparat li jillimita l-veloċità ma jissodisfax ir-rekwiżiti tekniċi applikabbli		X
3.	Artikolu 5	L-apparat li jillimita l-veloċità mhux installat minn workshop approvat			X
4.		Pussess u/jew użu ta’ apparat frodulenti li jkun kapaċi jiffalsifika d-data tal-apparat li jillimita l-veloċità u/jew l-użu ta’ apparat li jillimita l-veloċità frodulenti	X

(*3) Id-Direttiva tal-Kunsill 92/6/KEE tal-10 ta’ Frar 1992 dwar l-istallazzjoni u l-użu ta’ apparat li jillimita l-veloċità għal ċerti kategoriji ta’ vetturi tal-mutur fil-Komunità (ĠU L 57, 2.3.1992, p. 27)”."

(4)

it-Taqsima 10 hija sostitwita b’dan li ġej:

“10.	Gruppi ta’ ksur tar-Regolament (KE) Nru 1072/2009 tal-Parlament Ewropew u tal-Kunsill (*4) (Aċċess għas-suq internazzjonali tat-trasport bit-triq tal-merkanzija)

Nru	BAŻI ĠURIDIKA	TIPI TA’ KSUR	GRAD TA’ SERJETÀ
Nru	BAŻI ĠURIDIKA	TIPI TA’ KSUR	KAS	KSĦ	KS
Liċenzja komunitarja
1.	Artikolu 3 u Artikolu 8(1)	Il-ġarr ta’ merkanzija mingħajr il-pussess ta’ liċenzja Komunitarja valida (jiġifieri: liċenzja li hija ineżistenti, iffalsifikata, irtirata, skaduta, eċċ.)	X
2.	Artikolu 4	Mhux possibbli għall-impriża tal-ġarr jew is-sewwieq li jippreżenta liċenzja Komunitarja valida jew kopja awtentika ċċertifikata valida tal-liċenzja Komunitarja lill-uffiċjal tal-ispezzjoni (jiġifieri: Liċenzja Komunitarja jew kopja awtentika ċċertifikata tal-liċenzja Komunitarja mitlufa, minsija, bil-ħsara, eċċ.)		X
Attestazzjoni tas-sewwieq
3.	Artikolu 3 u Artikolu 8(1)	Il-trasport ta’ merkanzija mingħajr liċenzja Komunitarja valida (jiġifieri attestazzjoni tas-sewwieq ineżistenti jew ffalsifikata; irtirata, skaduta, eċċ.)		X
4.	Artikolu 5	Ma jkunx possibbli għas-sewwieq jew għall-impriża tat-trasport bit-triq tal-merkanzija, li jippreżentaw ċertifikat tas-sewwieq validu jew kopja attestata valida taċ-ċertifikat tas-sewwieq lill-uffiċjal tal-ispezzjoni (jiġifieri ċertifikat tas-sewwieq jew kopja attestata awtentika taċ-ċertifikat tas-sewwieq mitlufin, minsijin, danneġġati eċċ.)			X
Kabotaġġ
5.	Artikolu 8(2)	It-twettiq ta’ operazzjoni ta’ kabotaġġ li ma tkunx konformi mal-liġijiet, ir-regolamenti u d-dispożizzjonijiet amministrattivi fis-seħħ fl-Istat Membru ospitanti		X
6.	Artikolu 8(2a)	It-twettiq ta’ operazzjonijiet ta’ kabotaġġ fl-istess Stat Membru fi żmien erbat (4) ijiem wara t-tmiem tal-aħħar operazzjoni ta’ kabotaġġ leġittimu f’dak l-Istat Membru		X
7.	Artikolu 8(3) u (4)	It-trasportatur ma jkunx jista’ jipproduċi evidenza ċara tat-trasport internazzjonali preċedenti u/jew ta’ kull operazzjoni ta’ kabotaġġ konsekuttiva mwettqa, u/jew tal-operazzjonijiet kollha mwettqa f’każijiet fejn il-vettura tkun preżenti fl-Istat Membru ospitanti fil-perjodu ta’ erbat (4) ijiem qabel it-trasport internazzjonali, u li jippreżenta dawn il-provi matul il-perjodu tal-kontroll fil-ġenb tat-triq.		X

(*4) Ir-Regolament (KE) Nru 1072/2009 tal-Parlament Ewropew u tal-Kunsill tal-21 ta’ Ottubru 2009 dwar regoli komuni għall-aċċess għas-suq internazzjonali tat-trasport bit-triq tal-merkanzija ĠU L 300, 14.11.2009, p. 72).”;"

(5)

It-Taqsima 11 hija sostitwita b’dan li ġej:

“11.	Gruppi ta’ ksur tar-Regolament (KE) Nru 1073/2009 tal-Parlament Ewropew u tal-Kunsill (*5) (L-aċċess għas-suq tas-servizzi tal-kowċ u tax-xarabank)

Nru	BAŻI ĠURIDIKA	TIPI TA’ KSUR	GRAD TA’ SERJETÀ
Nru	BAŻI ĠURIDIKA	TIPI TA’ KSUR	KAS	KSĦ	KS
Liċenzja Komunitarja
1.	Artikolu 4	Il-ġarr ta’ passiġġieri mingħajr liċenzja Komunitarja valida (jiġifieri: liċenzja ineżistenti, iffalsifikata, irtirata, skaduta, eċċ.)	X
2.	Artikolu 4(3)	Ma jkunx possibbli għas-sewwieq jew għall-impriża tat-trasport li jippreżentaw liċenzja Komunitarja valida jew kopja attestata awtentika valida tal-liċenzja Komunitarja lill-uffiċjal tal-ispezzjoni (jiġifieri l-liċenzja jew il-kopja attestata awtentika huma mitlufin, minsijin, danneġġati eċċ.)		X
Awtorizzazzjoni għal servizzi regolari
3.	Artikoli 5 u 6	Servizzi regolari mingħajr awtorizzazzjoni valida (jiġifieri: l-awtorizzazzjoni hija ineżistenti, iffalsifikata, irtirata, skaduta, użata ħażin, eċċ.)		X
4.	Artikolu 19	Ma jkunx possibbli għas-sewwieq li jippreżenta l-awtorizzazzjoni lill-uffiċjal tal-ispezzjoni (jiġifieri awtorizzazzjoni mitlufa, minsija, danneġġata, eċċ.)			X
5.	Artikoli 5 u 6	Il-waqfiet f’servizzi regolari ta’ Stat Membru ma jikkorrispondux għall-awtorizzazzjoni maħruġa			X
Formola tal-vjaġġ għal servizzi okkażjonali u għal servizzi oħra eżenti mill-awtorizzazzjoni
6.	Artikolu 12	Sewqan mingħajr formola tal-vjaġġ meħtieġa (jiġifieri l-ebda formola tal-vjaġġ jew formola tal-vjaġġ iffalsifikata jew li ma fihiex l-informazzjoni meħtieġa, eċċ.)			X
Regoli applikabbli għall-operazzjonijiet ta’ kabotaġġ
7.	Artikolu 16	It-twettiq ta’ operazzjoni ta’ kabotaġġ mhix konformi mal-liġijiet, ir-regolamenti u d-dispożizzjonijiet amministrattivi fis-seħħ fl-Istat Membru ospitanti		X
8.	Artikolu 17	Li ma jkollux abbord il-vettura jew li ma jkunx jista’ jippreżenta fuq talba ta’ xi uffiċjal awtorizzat li jispezzjona d-dokumenti ta’ kontroll għall-operazzjonijiet ta’ kabotaġġ (il-formola tal-vjaġġ għal servizzi okkażjonali, jew il-kuntratt konkluż bejn it-trasportatur u l-organizzatur tat-trasport jew kopja awtentika ċċertifikata tiegħu fil-każ ta’ servizzi regolari speċjali)		X

(*5) Ir-Regolament (KE) Nru 1073/2009 tal-Parlament Ewropew u tal-Kunsill tal-21 ta’ Ottubru 2009 dwar regoli komuni għall-aċċess għas-suq internazzjonali tas-servizzi tal-kowċ u x-xarabank u li jħassar ir-Regolament (KE) Nru 561/2006 (ĠU L 300, 14.11.2009, p. 88).”;"

(6)

It-Taqsimiet 13 u 14 li ġejjin jiżdiedu:

“13. Ksur tar-Regolament (KE) Nru 593/2008 tal-Parlament Ewropew u tal-Kunsill (*6) (Ruma I) (il-liġi applikabbli għall-obbligazzjonijiet kuntrattwali)

Nru	BAŻI ĠURIDIKA	TIPI TA’ KSUR	GRAD TA’ SERJETÀ
			KAS	KSĦ	KS
1.	Ruma I	Ksur tal-liġi applikabbli għall-obbligi kuntrattwali		X

14. Gruppi ta’ ksur tad-Direttiva (UE) Nru 2020/1057 tal-Parlament Ewropew u tal-Kunsill (*7) (stazzjonar tal-ħaddiema fit-trasport bit-triq)

Nru	BAŻI ĠURIDIKA	TIPI TA’ KSUR	GRAD TA’ SERJETÀ
Nru	BAŻI ĠURIDIKA	TIPI TA’ KSUR	KAS	KSĦ	KS
1.	Artikolu 1(11), punt (a)	Informazzjoni mhux kompluta dwar id-dikjarazzjoni ta’ stazzjonar			X
2.	Artikolu 1(11), punt (a)	Nuqqas ta’ preżentazzjoni ta’ dikjarazzjoni ta’ stazzjonar lill-Istat Membru li fih jiġi stazzjonat ix-xufier mhux aktar tard mill-bidu tal-istazzjonar		X
3.	Artikolu 1(11), punt (b)	Dikjarazzjoni ta’ stazzjonar iffalsifikata għas-sewwieqa		X
4.	Artikolu 1(11), punt (b)	Impossibbiltà għas-sewwieq li jippreżenta dikjarazzjoni ta’ stazzjonar valida		X
5.	Artikolu 1(11), punt (b)	Nuqqas ta’ tqegħid għad-dispożizzjoni tas-sewwieq ta’ dikjarazzjoni valida ta’ stazzjonar		X
6.	Artikolu 1(11), punt (c)	Nuqqas ta’ sottomissjoni tad-dokumenti mitluba lill-Istat Membru ospitanti fi żmien tmien ġimgħat mid-data tat-talba		X
7.	Artikolu 1(12)	Nuqqas min-naħa tal-operatur li jżomm id-dikjarazzjonijiet tal-istazzjonar aġġornati fl-interfaċċa pubblika konnessa mal-IMI			X

(*6) Ir-Regolament (KE) Nru 593/2008 tal-Parlament Ewropew u tal-Kunsill tas-17 ta’ Ġunju 2008 dwar il-liġi applikabbli għall-obbligazzjonijiet kuntrattwali (ĠU L 177, 4.7.2008, p. 6)."

(*7) Id-Direttiva (UE) 2020/1057 tal-Parlament Ewropew u tal-Kunsill tal-15 ta’ Lulju 2020 li tistabbilixxi regoli speċifiċi rigward id-Direttiva 96/71/KE u d-Direttiva 2014/67/UE għall-istazzjonar tax-xufiera fis-settur tat-trasport bit-triq u li temenda d-Direttiva 2006/22/KE fir-rigward ta’ rekwiżiti tal-infurzar u r-Regolament (UE) Nru 1024/2012 (ĠU L 249, 31.7.2020, p. 49).”"

(*6) Ir-Regolament (KE) Nru 593/2008 tal-Parlament Ewropew u tal-Kunsill tas-17 ta’ Ġunju 2008 dwar il-liġi applikabbli għall-obbligazzjonijiet kuntrattwali (ĠU L 177, 4.7.2008, p. 6).

(1) KAS = Ksur l-Aktar Serju/KSĦ = Ksur Serju Ħafna/KS = Ksur Serju.

ANNESS II

“ANNESS II

Frekwenza tal-okkorrenza ta’ ksur serju

Il-Ksur Serju (KS) u l-Ksur Serju Ħafna (KSĦ) elenkati fl-Anness I, meta jitwettaq b’mod ripetut għandu jitqies bħala iżjed serju mill-awtorità kompetenti ta’ Stat Membru ta’ stabbiliment. Meta tiġi kkalkolata l-frekwenza tal-okkorrenza ta’ ksur ripetut l-Istati Membri għandhom iqisu l-fatturi li ġejjin:

(a)	il-grad ta’ serjetà tal-ksur (KS jew KSĦ);

(b)	il-ħin (mill-inqas sena ta’ tnax il-xahar konsekuttivi mid-data ta’ kontroll partikolari);

(c)	l-għadd ta’ vetturi li jintużaw għall-attivitajiet tat-trasport immexxija mill-maniġer tat-trasport (medja għal kull sena)

Filwaqt li jitqies il-potenzjal li jinħoloq riskju għas-sikurezza stradali, il-frekwenza massima ta’ ksur serju li tmur lil hinn minn dak li għandu jitqies bħala iżjed serju għandha tiġi stabbilita kif ġej:

3 KS/kull vettura/fis-sena = 1 KSĦ

3 KSĦ/kull vettura/fis-sena = tnedija tal-proċedura nazzjonali dwar ir-reputazzjoni tajba

L-għadd ta’ ksur għal kull vettura fis-sena huwa ċ-ċifra medja kkalkulata permezz tad-diviżjoni tal-għadd totali tal-ksur kollha tal-istess grad ta’ serjetà (KS jew KSĦ) bl-għadd medju ta’ vetturi użati matul is-sena. Il-formula tal-frekwenza tistipula limitu massimu għall-okkorrenza tal-ksur serju li lil hinn minnu dawn għandhom jitqiesu bħala aktar serji. L-Istati Membri jistgħu jistabbilixxu limiti iktar stretti jekk dawn huma previsti fil-proċedura amministrattiva nazzjonali tagħhom għall-valutazzjoni ta’ reputazzjoni tajba.

”

Top