Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32022R0247

Regolament Delegat tal-Kummissjoni (UE) 2022/247 tal-14 ta’ Diċembru 2021 li jemenda r-Regolament (UE) 2018/956 tal-Parlament Ewropew u tal-Kunsill fir-rigward tad-data dwar vetturi heavy-duty ġodda li għandha tiġi mmonitorjata u rrapportata mill-Istati Membri u mill-manifatturi u l-proċedura ta’ rapportar (Test b’rilevanza għaż-ŻEE)

C/2021/8909

OJ L 41, 22.2.2022, p. 11–13 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_del/2022/247/oj

22.2.2022   

MT

Il-Ġurnal Uffiċjali tal-Unjoni Ewropea

L 41/11

REGOLAMENT DELEGAT TAL-KUMMISSJONI (UE) 2022/247

tal-14 ta’ Diċembru 2021

li jemenda r-Regolament (UE) 2018/956 tal-Parlament Ewropew u tal-Kunsill fir-rigward tad-data dwar vetturi heavy-duty ġodda li għandha tiġi mmonitorjata u rrapportata mill-Istati Membri u mill-manifatturi u l-proċedura ta’ rapportar

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2018/956 tal-Parlament Ewropew u tal-Kunsill tat-28 ta’ Ġunju 2018 dwar il-monitoraġġ u r-rapportar tal-emissjonijiet ta’ CO2 u tal-konsum ta’ fjuwil minn vetturi heavy-duty ġodda (1), u b’mod partikolari l-Artikolu 11(1)(a) u (d) tiegħu,

Billi:

(1)

Il-Parti A tal-Anness I tar-Regolament (UE) 2018/956 tispeċifika d-data li għandha tiġi mmonitorjata u rrapportata mill-Istati Membri relatata mal-vetturi heavy-duty ġodda rreġistrati għall-ewwel darba fl-Unjoni.

(2)

Sabiex tiġi prevista analiżi bir-reqqa f’konformità mal-Artikolu 10 tar-Regolament (UE) 2018/956, l-Istati Membri għandhom jimmonitorjaw u jirrapportaw id-data li tippermetti li tiġi ddeterminata l-konfigurazzjoni tal-fus tal-vettura tal-vetturi rrapportati fuq il-bażi tal-għadd ta’ fusien motorizzati. Tali data hija rreġistrata fl-entrata 3 taċ-ċertifikat ta’ konformità ta’ vettura heavy-duty ġdida.

(3)

Dik l-informazzjoni tippermetti lill-Kummissjoni tidentifika l-vetturi li jaqgħu fi ħdan il-kamp ta’ applikazzjoni tad-data rrapportata mill-manifatturi skont l-Artikolu 5 tar-Regolament (UE) 2018/956, abbażi tal-informazzjoni rrapportata mill-Istati Membri mingħajr il-ħtieġa ta’ skambji addizzjonali mal-manifatturi.

(4)

Abbażi tal-esperjenza miksuba mit-tħejjija tar-rapport f’konformità mal-Artikolu 10 għall-perjodu ta’ rapportar tas-sena 2019 u sabiex tiġi pprovduta analiżi bir-reqqa tad-data rrapportata fis-snin li ġejjin, huwa neċessarju li l-manifatturi jirrapportaw data speċifika dwar l-imġiba ta’ komponenti individwali tal-vettura waqt il-prova tal-għodda ta’ simulazzjoni kif irreġistrat fil-“fajl tad-data sum exec”.

(5)

L-Anness II tar-Regolament (UE) 2018/956 jistabbilixxi l-proċedura ta’ monitoraġġ u ta’ rapportar.

(6)

Abbażi tal-esperjenza miksuba mill-applikazzjoni tar-Regolament (UE) 2018/956, jenħtieġ li l-Aġenzija Ewropea għall-Ambjent ikollha l-flessibbiltà li tadatta l-istruttura u l-karattru tal-bażijiet tad-data għall-progress tekniku u ma għandhiex tkun limitata minn determinazzjonijiet tekniċi speċifiċi. Għaldaqstant, jenħtieġ li l-ismijiet deskrittivi tal-bażijiet tad-data jitneħħew mill-Anness II.

(7)

Għalhekk, jenħtieġ li r-Regolament (UE) 2018/956 jiġi emendat skont dan,

ADOTTAT DAN IR-REGOLAMENT:

Artikolu 1

Emendi għar-Regolament (UE) 2018/956

L-Annessi I u II tar-Regolament (UE) 2018/956 huma emendati f’konformità mal-Anness ta’ dan ir-Regolament.

Artikolu 2

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-14 ta’ Diċembru 2021.

Għall-Kummissjoni

Il-President

Ursula VON DER LEYEN

(1)  ĠU L 173, 9.7.2018, p. 1.

ANNESS

L-Annessi I u II tar-Regolament (UE) 2018/956 huma emendati kif ġej:

(1)

L-Anness I huwa emendat kif ġej:

(a)

fil-Parti A, jiżdied il-punt (p) li ġej:

“(p)

għall-vetturi rreġistrati mill-1 ta’ Lulju 2021, l-għadd ta’ fusien motorizzati, kif speċifikat fl-entrata 3 taċ-ċertifikat ta’ konformità.”;

(b)

fil-Parti B, il-punt 2, it-tabella hija emendata kif ġej:

(i)

tiżdied l-entrata li ġejja f’:

“102

Għall-vetturi b’data tas-simulazzjoni mill-1 ta’ Lulju 2021, il-fajl comma separated values tal-istess isem bħall-jobfajl u b’estensjoni.vsum li tinkludi r-riżultati aggregati għal kull profil tal-missjoni u kundizzjoni ta’ tagħbija simulati (10)

Fajl iġġenerat bl-għodda ta’ simulazzjoni msemmija fl-Artikolu 5(1)(a) tar-Regolament (UE) 2017/2400 fil-verżjoni grafika tiegħu tal-interfaċċa tal-utent (GUI)

“il-fajl tad-data sum exec””;

(ii)

In-nota 10 hija sostitwita b’dan li ġej:

“(10)

Din l-entrata ma għandhiex titqiegħed għad-dispożizzjoni tal-pubbliku fir-Reġistru Ċentrali fuq vetturi heavy-duty.”;

(2)

L-Anness II huwa emendat kif ġej:

(a)

fil-punt 1.1, l-ewwel subparagrafu huwa sostitwit b’dan li ġej:

“1.1.

Id-data speċifikata fil-Parti A tal-Anness I għandha tiġi trażmessa f’konformità mal-Artikolu 4 mill-punt ta’ kuntatt tal-awtorità kompetenti permezz tat-trasferiment elettroniku tad-data lill-Aġenzija Ewropea għall-Ambjent (“l-Aġenzija”).”;

(b)

il-punt 2.1(c) huwa sostitwit b’dan li ġej:

“(c)

il-punt ta’ kuntatt responsabbli għat-trażmissjoni tad-data lill-Aġenzija.”;

(c)

fil-punt 2.3, l-ewwel subparagrafu huwa sostitwit b’dan li ġej:

“2.3.

Id-data speċifikata fil-punt 2 tal-Parti B tal-Anness I, għandha tiġi trażmessa f’konformità mal-Artikolu 5(1) mill-punt ta’ kuntatt tal-manifattur permezz tat-trasferiment elettroniku tad-data lill-Aġenzija.”;

(d)

il-punt 3.3 huwa sostitwit b’dan li ġej:

“3.3.

Fejn awtorità kompetenti jew il-manifattur jidentifikaw żbalji fid-data sottomessa, dawn għandhom jinnotifikawhom mingħajr dewmien lill-Kummissjoni u lill-Aġenzija billi jissottomettu rapport ta’ notifika ta’ żball lill-Aġenzija u bil-posta elettronika mibgħuta lill-indirizzi msemmija fil-punt 1.1.”.
Top