(1)

Fl-4 ta’ April 2017, il-Bank Ċentrali Ewropew (BĊE) adotta l-Linja Gwida (UE) Nru 2017/697 tal-Bank Ċentrali Ewropew (BĊE/2017/9) (2) (minn hawn ’il quddiem ‘il-Linja Gwida O&D’), li fiha stabbilixxa politiki ġenerali għall-eżerċizzju ta’ ċerti opzjonijiet u diskrezzjonijiet disponibbli fid-dritt tal-Unjoni mill-awtoritajiet nazzjonali kompetenti fir-rigward ta’ istituzzjonijiet inqas sinifikanti. Il-leġiżlazzjoni introdotta mill-adozzjoni tal-Linja Gwida O&D emendat jew ħassret xi wħud mill-opzjonijiet u d-diskrezzjonijiet previsti fid-dritt tal-Unjoni li kienu inklużi fil-Linja Gwida O&D. Għalhekk, ċerti emendi konsegwenzjali għal-Linja Gwida O&D huma meħtieġa.

(2)

Fir-rigward tar-rati tal-flussi ta’ ħruġ li għandhom jiġu applikati għal depożiti stabbli fil-livell tal-konsumatur, ċerti fatturi impedixxew l-applikazzjoni prattika tad-diskrezzjoni msemmija fl-Artikolu 13 tar-Regolament (UE) 2016/445 tal-Bank Ċentrali Ewropew (BĊE/2016/4) (3) u fl-Artikolu 7 tal-Linja Gwida O&D li permezz tagħha l-awtoritajiet kompetenti jistgħu jawtorizzaw lill-istituzzjonijiet biex japplikaw rata ta’ fluss ta’ ħruġ ta’ 3 % għal depożiti stabbli fil-livell tal-konsumatur koperti minn skema ta’ garanzija tad-depożiti (DGS), soġġett għall-approvazzjoni minn qabel tal-Kummissjoni Ewropea f’konformità mal-Artikolu 24(4) u (5) tar-Regolament Delegat tal-Kummissjoni (UE) 2015/61 (4). Hemm bżonn ta’ aktar evidenza u analiżi sabiex jintwera li r-rati ta’ run-off għal depożiti stabbli fil-livell tal-konsumatur koperti minn DGS kif imsemmi fl-Artikolu 24(5) tar-Regolament Delegat (UE) 2015/61 ikunu inqas minn 3% matul kwalunkwe perjodu ta’ stress esperjenzat b’mod konsistenti max-xenarji msemmija fl-Artikolu 5 tar-Regolament Delegat (UE) 2015/61. Fin-nuqqas ta’ tali evidenza u analiżi, il-politika ġenerali li tawtorizza l-applikazzjoni ta’ rata ta’ fluss ta’ ħruġ ta’ 3 % jenħtieġ li titneħħa mir-Regolament (UE) 2016/445 u għalhekk mil-Linja Gwida O&D.

(3)

L-opzjoni mogħtija lill-awtoritajiet kompetenti skont l-Artikolu 12(1)(c)(i) tar-Regolament Delegat (UE) 2015/61 dwar l-identifikazzjoni ta’ indiċijiet tal-borża ewlenin għall-finijiet tal-identifikazzjoni l-ishma li jistgħu jikkwalifikaw bħala assi tal-Livell 2B fil-proporzjon tal-kopertura tal-likwidità jenħtieġ li tiġi eżerċitata b’mod konsistenti għall-istituzzjonijiet sinifikanti u inqas sinifikanti. Id-diskrezzjoni għandha l-għan li tiżġura li istituzzjonijiet ta' kreditu jinkludu fir-riżerva ta’ likwidità dawk l-ishma li huma inklużi f’indiċi li għalihom likwidità tas-suq tal-ishma sottostanti jista’ jiġi assunt. Peress li la s-sinifikanza u lanqas id-daqs ta’ istituzzjoni ta’ kreditu ma għandhom impatt dirett fuq il-likwidità tas-suq tal-ishma sottostanti fl-indiċi rilevanti, ma jkunx xieraq li jiġi applikat trattament differenzjat għal istituzzjonijiet sinifikanti u inqas sinifikanti.

(4)

Id-diskrezzjoni mogħtija lill-awtoritajiet kompetenti skont l-Artikolu 12(3) tar-Regolament Delegat (UE) 2015/61 li jidderogaw mill-punti (ii) u (iii) tal-paragrafu 1(b) tal-istess Artikolu fil-każ ta’ istituzzjonijiet ta’ kreditu li skont l-istatuti ta’ inkorporazzjoni tagħhom ma jkunux jistgħu għal raġunijiet ta’ osservanza reliġjuża jżommu assi li jrendu l-imgħax għandha tiġi eżerċitata b’mod konsistenti għal istituzzjonijiet sinifikanti u inqas sinifikanti, sabiex jiġu armonizzati l-kriterji biex jiġu identifikati l-assi tal-livell 2B fir-rigward tat-titoli tad-dejn korporattiv.

(5)

Id-diskrezzjoni mogħtija lill-awtoritajiet kompetenti skont l-Artikolu 428p(10) tar-Regolament (UE) Nru 575/2013 tal-Parlament Ewropew u tal-Kunsill (5) b’rabta mar-rekwiżit tal-proporzjon ta’ finanzjament stabbli nett (NSFR), skont liema l-awtoritajiet kompetenti jistgħu jiddeterminaw il-fatturi ta’ finanzjament stabbli meħtieġa li għandhom jiġu applikati għal skoperturi li ma jidhrux fil-karta tal-bilanċ li mhumiex imsemmija xi mkien ieħor fil-Kapitolu 4 tat-Titolu IV tal-Parti Sitta ta’ dak ir-Regolament, jenħtieġ li jiġu eżerċitati b’mod konsistenti kemm għall-istituzzjonijiet sinifikanti kif ukoll għal dawk inqas sinifikanti. Il-politika fir-rigward ta’ istituzzjonijiet sinifikanti torbot il-fatturi ta’ finanzjament stabbli meħtieġa fl-NSFR mar-rati tal-flussi ta’ ħruġ applikati fil-proporzjon tal-kopertura tal-likwidità (LCR), filwaqt li tħalli flessibbiltà għall-BĊE biex jiddetermina fatturi differenti ta’ finanzjament stabbli meħtieġa. Dan l-approċċ joħloq bilanċ, għal raġunijiet ta’ sempliċità u prudenza, bejn l-allinjament tal-fatturi li għandhom jiġu applikati fil-kalkolu tal-NSFR mal-fatturi ddeterminati għall-finijiet tal-LCR, filwaqt li xorta jippermetti trattament differenti f’każijiet fejn dan l-irbit ma jirriflettix sew ir-riskju ta’ finanzjament assoċjat. Mhuwiex meħtieġ jew xieraq li wieħed jiddevja minn dak l-approċċ fir-rigward ta’ istituzzjonijiet inqas sinifikanti, peress li l-metodoloġija għall-applikazzjoni tal-fatturi ta’ finanzjament stabbli meħtieġa għal dawn l-iskoperturi li ma jidhrux fil-karta tal-bilanċ ma għandhiex, fil-prinċipju, tvarja minn istituzzjoni ta’ kreditu għal oħra. Għall-istess raġuni, id-diskrezzjoni mogħtija lill-awtoritajiet kompetenti skont l-Artikolu 428aq(10) tar-Regolament (UE) Nru 575/2013 b’rabta mal-NSFR ikkalkulata skont l-approċċ simplifikat għandha tiġi eżerċitata b’mod simili.

(6)

Id-diskrezzjoni mogħtija lill-awtoritajiet kompetenti skont l-Artikolu 428q(2) tar-Regolament (UE) Nru 575/2013 li biha jiddeterminaw it-terminu ta’ aggravar fir-rigward ta’ assi segregati skont l-iskopertura sottostanti ta’ dawk l-assi għandha tiġi eżerċitata bl-istess mod għal istituzzjonijiet sinifikanti u inqas sinifikanti. Assi li jkunu ġew segregati u li ma jkunux liberament disponibbli jenħtieġ li jitqiesu bħala aggravati għal perjodu li jikkorrispondi mat-terminu tal-obbligazzjonijiet lejn il-klijenti tal-istituzzjonijiet li magħhom huwa relatat ir-rekwiżit ta’ segregazzjoni, u għalhekk ikunu ffinanzjati kif xieraq matul dak il-perjodu. Dan ir-raġunament japplika irrispettivament mid-daqs tal-istituzzjoni kkonċernata. Id-diskrezzjoni mogħtija lill-awtoritajiet kompetenti skont l-Artikolu 428ar(2) tar-Regolament (UE) Nru 575/2013 b’rabta mal-NSFR ikkalkulat skont l-approċċ simplifikat għandha tiġi eżerċitata b’mod simili għall-istess raġunijiet deskritti hawn fuq u wkoll minħabba li ma hemm l-ebda raġuni prudenzjali li tiġġustifika differenza fl-approċċ fir-rigward tal-NSFR ikkalkulat skont l-approċċ simplifikat. Id-dispożizzjonijiet li jimplimentaw l-opzjonijiet u d-diskrezzjonijiet fir-rigward tal-eżenzjoni ta’ skoperturi intragrupp mill-applikazzjoni tal-limiti ta’ skoperturi kbar stabbiliti fl-Artikolu 400(2) tar-Regolament (UE) Nru 575/2013 f’din il-Linja Gwida għandhom jiġu emendati u eżerċitati b’mod konsistenti għal istituzzjonijiet sinifikanti u inqas sinifikanti. Mill-adozzjoni tar-Regolament (UE) 2016/445 (BĊE/2016/4) il-livell tat-tħassib prudenzjali tal-BĊE dwar il-prattiki ta’ prenotazzjoni tal-istituzzjonijiet ta’ kreditu li jinvolvu entitajiet stabbiliti f’pajjiżi terzi żdied. Il-kamp ta’ applikazzjoni ta’ din l-opzjoni għandu għalhekk ikun limitat għal skoperturi intragrupp għal entitajiet stabbiliti fl-Unjoni, bl-effett li l-iskoperturi intragrupp għal entitajiet f’pajjiżi terzi jistgħu jiġu eżentati mil-limiti rilevanti tal-iskoperturi l-kbar biss wara valutazzjoni superviżorja minn qabel każ b’każ.

(7)

Barra minn hekk, il-Linja Gwida O&D għandha tiġi emendata biex tippermetti li, minbarra l-eżenzjoni sħiħa disponibbli bħalissa, l-istituzzjonijiet ta’ kreditu li jikkonformaw mal-kriterji rilevanti billi josservaw limitu kwantitattiv fuq il-valur tal-iskoperturi rilevanti jkunu jistgħu jagħmlu użu minn eżenzjoni parzjali. Tali applikazzjoni estiża tad-diskrezzjoni għandha tikkontribwixxi għaż-żamma ta’ kundizzjonijiet ugwali għall-istituzzjonijiet ta’ kreditu fl-Istati Membri parteċipanti, kif ukoll tillimita r-riskji ta’ konċentrazzjoni li jirriżultaw minn skoperturi speċifiċi u tiżgura li l-istess standards minimi jiġu applikati fil-Mekkaniżmu Superviżorju Uniku.

(8)

Għaldaqstant, il-Linja Gwida (UE) 2017/697 (BĊE/2017/9) għandha tiġi emendata kif xieraq,

1.

L-Artikolu 5 huwa mħassar;

2.

L-Artikolu 6 huwa sostitwit b’dan li ġej:

(*1)  Direttiva 2002/87/KE tal-Parlament Ewropew u tal-Kunsill tas-16 ta’ Diċembru 2002 dwar is-superviżjoni supplimentari ta’ istituzzjonijiet ta’ kreditu, impriżi tal-assigurazzjoni u ditti tal-investiment f’konglomerat finanzjarju u li temenda d-Direttivi tal-Kunsill 73/239/KEE, 79/267/KEE, 92/49/KEE, 92/96/KEE, 93/6/KEE u 93/22/KEE, u d-Direttivi 98/78/KE u 2000/12/KE tal-Parlament Ewropew u tal-Kunsill (ĠU L 35, 11.2.2003, p. 1).”;"

3.

L-Artikolu 7 huwa mħassar;

4.

Fit-Taqsima IV, wara l-intestatura “Likwidità”, jiddaħħlu l-intestaturi u l-Artikoli 7a sa 7f li ġejjin:

(*2)  Ir-Regolament ta’ Delega tal-Kummissjoni (UE) Nru 2015/61 tal-10 ta' Ottubru 2014 li jissupplimenta r-Regolament (UE) Nru 575/2013 tal-Parlament Ewropew u tal-Kunsill rigward ir-rekwiżit ta' kopertura tal-likwidità għall-Istituzzjonijiet ta' Kreditu (ĠU L 11, 17.1.2015, p. 1)."

(*3)  Ir-Regolament ta’ Implimentazzjoni tal-Kummissjoni (UE) 2016/1646 tat-13 ta’ Settembru 2016 li jistabbilixxi standards tekniċi ta' implimentazzjoni dwar indiċijiet ewlenin u boroż rikonoxxuti skont ir-Regolament (UE) Nru 575/2013 tal-Parlament Ewropew u tal-Kunsill dwar ir-rekwiżiti prudenzjali għall-istituzzjonijiet ta' kreditu u ditti tal-investiment (ĠU L 245, 14.9.2016, p. 5)."

(*4)  Regolament (UE) Nru 648/2012 tal-Parlament Ewropew u tal-Kunsill tal-4 ta’ Lulju 2012 dwar derivati OTC, kontropartijiet ċentrali u repożitorji tad-data dwar it-tranżazzjonijiet (ĠU L 201, 27.7.2012, p. 1).’;"

5.

L-Artikolu 8 huwa mħassar;

6.

L-Anness huwa emendat skont l-Anness I ta’ din il-Linja Gwida.

7.

L-Anness II huwa miżjud skond l-Anness II ta’ din il-Linja Gwida.