(1)

Skont l-Artikolu 7(1) tar-Regolament (KE) Nru 2533/98, il-Bank Ċentrali Ewropew (BĊE) jista’ jimponi sanzjonijiet fuq aġenti li jirrapportaw għal nuqqas ta’ konformità mar-rekwiżiti tar-rapportar statistiku.

(2)

L-Artikolu 2(2) tar-Regolament (KE) Nru 2532/98 jipprovdi li l-BĊE, huwa hu jiddetermina jekk jimponix sanzjoni u huwa hu jiddetermina s-sanzjoni xierqa, għandu jiġi gwidat mill-prinċipju tal-proporzjonalità. Barra minn hekk, l-Artikolu 2(3) ta’ dak ir-Regolament jistabbilixxi lista mhux eżawrjenti ta’ ċirkostanzi li l-BĊE għandu jikkunsidra, fejn rilevanti, f’każ speċifiku.

(3)

Ir-Regolament tal-Bank Ċentrali Ewropew (KE) Nru 2157/1999 (BĊE/1999/4) (3) jistabbilixxi l-proċedura għas-sottomissjoni ta’ proposta mill-unità investigattiva indipendenti tal-BĊE jew mill-bank ċentrali nazzjonali kompetenti lill-Bord Eżekuttiv tal-BĊE għall-finijiet ta’ determinazzjoni ta’ jekk l-aġent li jirrapporta wettaqx ksur allegat u jispeċifika l-ammont propost tas-sanzjoni li għandha tiġi imposta, u jippermetti proċedura ta’ ksur simplifikata għas-sanzjonar ta’ ksur minuri.

(4)

Fl-interess tat-trattament ugwali tal-aġenti li jirrapportaw, [u kif meħtieġ mill-Artikolu 9 tar-Regolament (UE) 2022/1917 tal-Bank Ċentrali Ewropew (BĊE/2022/31) (4), il-BĊE għandu jistabbilixxi l-metodoloġija li għandha tiġi segwita mill-banek ċentrali tal-Eurosistema kompetenti fil-kalkolu tal-ammont propost tas-sanzjoni. Il-kalkolu għandu jsir f’żewġ stadji. L-ewwel nett, ammont bażi huwa kkalkolat fuq il-bażi ta’ aspetti kwantitattivi tal-ksur allegat u, it-tieni nett, ċirkustanzi u informazzjoni rilevanti oħra jittieħdu inkunsiderazzjoni li b’riżultat tagħhom l-ammont bażi jista’ jiġi aġġustat.

(5)

Għal dik ir-raġuni, u sabiex jiġu żgurati t-trasparenza u l-imparzjalità tad-deċiżjonijiet tal-BĊE meta jiġu imposti sanzjonijiet fuq aġenti li jirrapportaw, dik il-metodoloġija għandha tagħti dettalji dwar l-aspetti kwantitattivi użati fil-kalkolu tal-ammont bażi. Barra minn hekk, dik il-metodoloġija għandha tipprovdi gwida fir-rigward taċ-ċirkostanzi u l-informazzjoni li għandhom jiġu kkunsidrati, fejn rilevanti, minn bank ċentrali tal-Eurosistema kompetenti fil-kalkolu l-ammont propost tas-sanzjoni.

(6)

Għalkemm b’mod ġenerali l-assi totali ta’ aġent li jirrapporta għandhom jintużaw biex jiġi ddeterminat id-daqs ekonomiku ta’ aġent li jirrapporta li jonqos milli jikkonforma mar-rekwiżiti ta’ rapportar statistiku, meta jiġi ddeterminat id-daqs ekonomiku ta’ aġent li jirrapporta li jonqos milli jikkonforma ma’ ċerti tipi ta’ rekwiżiti ta’ rapportar, pereżempju dwar statistika tal-ħlasijiet stabbilita fir-Regolament (UE) Nru 1409/2013 tal-Bank Ċentrali Ewropew (BĊE/2013/43) (5) u dwar titoli f’kustodja stabbiliti fir-Regolament (UE) Nru 1011/2012 tal-Bank Ċentrali Ewropew (BĊE/2012/24) (6), l-għadd totali ta’ klijenti tiegħu, il-valur totali tat-tranżazzjonijiet ta’ ħlas tiegħu jew il-valur totali tat-titoli depożitati għand il-kustodju huma miżuri tad-daqs ekonomiku tiegħu aktar xierqa għall-għan li jiġi kkalkolat l-ammont bażi. Għal dawn l-għanijiet, huwa xieraq ukoll li jitqies id-daqs ekonomiku ta’ aġent li jirrapporta li jonqos milli jikkonforma mar-rekwiżiti ta’ rapportar statistiku meta mqabbel mad-daqs ekonomiku ta’, fil-każ tal-istatistika tas-suq monetarju stabbilit fir-Regolament (UE) Nru 1333/2014 tal-Bank Ċentrali Ewropew (BĊE/2014/48) (7), il-popolazzjoni ta’ rapportar ta’ referenza jew, fi kwalunkwe każ ieħor, il-popolazzjoni ta’ rapportar attwali rilevanti.

(7)

Għall-finijiet tal-produzzjoni regolari ta’ statistika tas-suq monetarju kif meħtieġ mir-Regolament (UE) Nru 1333/2014 tal-Bank Ċentrali Ewropew (BĊE/2014/48), żbalji fid-data dwar is-segment tas-suq mhux garantit li ma jiġux ikkoreġuti qabel l-iskadenza tat-trażmissjoni stabbilita mill-BĊE jew mill-BĊN, jistgħu jiġu sanzjonati minħabba li huwa kritiku li wieħed jirċievi tagħrif statistiku f’waqtu, preċiż u komplet dwar is-segment mhux garantit li jikkonforma ma’ standards għoljin ta’ integrità għat-twettiq tal-kompiti tal-BĊE fil-qasam tal-politika monetarja. Għal din ir-raġuni, u biex tiġi żgurata l-konsistenza mal-applikazzjoni tar-Regolament (UE) 2022/1917 (BĊE/2022/31), huwa xieraq u adegwat li l-banek ċentrali tal-Eurosistema japplikaw din id-Deċiżjoni tliet xhur wara n-notifika f’każijiet ta’ nuqqas ta’ konformità mar-rekwiżiti ta’ rapportar statistiku skont ir-Regolament (UE) Nru 1333/2014 (BĊE/2014/48).

(8)

Sabiex tiġi żgurata l-applikazzjoni koerenti tar-regoli armonizzati, il-BĊNi u l-BĊE għandhom jikkonformaw ma’ din id-Deċiżjoni mill-istess data bħad-data rilevanti tal-applikazzjoni tar-Regolament (UE) 2022/1917 (BĊE/2022/31).

(9)

Madankollu, sabiex jiġu żgurati l-kontinwità u ċ-ċarezza, huwa xieraq li jiġi previst li l-BĊNi kompetenti u l-BĊE għandhom ikomplu jikkonformaw mar-rekwiżiti tad-Deċiżjoni BĊE/2010/10 (8) f’każijiet ta’ ksur allegat li jseħħ qabel id-data rilevanti tal-applikazzjoni ta’ din id-Deċiżjoni, inkluż f’każijiet ta’ nuqqas ta’ konformità ripetut fejn każ wieħed jew aktar ta’ nuqqas ta’ konformità jseħħu qabel u wara d-data rilevanti tal-applikazzjoni ta’ din id-Deċiżjoni.

(10)

Il-prinċipji segwiti mill-BĊE biex jikkalkula s-sanzjonijiet mill-perjodu ta’ referenza ta’ Diċembru 2004 għar-rekwiżiti ta’ rapportar ta’ kull xahar u r-raba’ trimestru tal-2004 għar-rekwiżiti ta’ rapportar trimestrali għal ksur tar-rekwiżiti tar-rapportar statistiku tal-karta tal-bilanċ minħabba nuqqas ta’ konformità mal-istandards minimi stabbiliti fl-Anness IV tar-Regolament (KE) Nru 2423/2001 tal-Bank Ċentrali Ewropew (BĊE/2001/13) (9) ġew stabbiliti fl-Avviż tal-Bank Ċentrali Ewropew dwar l-impożizzjoni ta’ sanzjonijiet għall-ksur tar-rekwiżiti tar-rapportar statistiku tal-karta tal-bilanċ (10). Fl-interess taċ-ċertezza legali, huwa xieraq li l-Avviż jiġi rtirat,

(a)

il-bona fede u l-grad ta’ onesta` tal-aġent li jirrapporta fl-interpretazzjoni u t-twettiq tar-rekwiżiti ta’ rapportar statistiku, inkluż b’referenza għaċ-ċirkostanzi li fihom l-allegat ksur ġie identifikat, bħal jekk dan kien permezz ta’ notifika volontarja mill-aġent li jirrapporta jew bħala riżultat ta’ azzjoni investigattiva;

(b)

il-grad ta’ diliġenza u kooperazzjoni murija mill-aġent li jirrapporta, inkluż b’referenza għall-kondotta tal-aġent li jirrapporta, bħall-parteċipazzjoni tiegħu fi, u l-assistenza fi, kwalunkwe proċedura ta’ ksur jew kwalunkwe proċedura tal-bank ċentrali tal-Eurosistema kompetenti, li għandhom x’jaqsmu mal-iżgurar tal-konformità mar-rekwiżiti tar-rapportar tal-istatistika, u r-rieda tiegħu li jirrimedja l-ksur allegat;

(c)

is-serjetà tal-effetti tal-ksur, inkluż b’referenza għall-konsegwenzi tal-ksur allegat bħall-impatt li l-ksur allegat ikollu fuq ir-riżultati statistiċi rilevanti, jew fuq l-użu tat-tagħrif statistiku għall-kompiti tas-Sistema Ewropea ta’ Banek Ċentrali skont it-Trattat, jew kwalunkwe effett detrimentali ta’ parti terza;

(d)

ir-repetizzjoni tal-ksur, inkluż b’referenza għal kwalunkwe nuqqas min-naħa tal-aġent li jirrapporta li jikkonforma mar-rekwiżiti ta’ rapportar statistiku tiegħu fuq bażi ripetuta barra mill-perjodu ta’ nuqqas ta’ konformità li miegħu huwa relatat l-allegat ksur, li ma kienx is-suġġett ta’ proċedura oħra ta’ ksur.