EUR-Lex Access to European Union law
This document is an excerpt from the EUR-Lex website
Document 32021R1961
Commission Delegated Regulation (EU) 2021/1961 of 5 August 2021 amending Annex I to Regulation (EU) 2019/631 of the European Parliament and of the Council in order to take into account the evolution of the mass of new passenger cars registered in 2017, 2018 and 2019 (Text with EEA relevance)
Regolament Delegat tal-Kummissjoni (UE) 2021/1961 tal-5 ta’ Awwissu 2021 li jemenda l-Anness I tar-Regolament (UE) 2019/631 tal-Parlament Ewropew u tal-Kunsill sabiex iqis l-evoluzzjoni tal-massa tal-karozzi ġodda tal-passiġġieri rreġistrati fl-2017, l-2018 u l-2019 (Test b’rilevanza għaż-ŻEE)
Regolament Delegat tal-Kummissjoni (UE) 2021/1961 tal-5 ta’ Awwissu 2021 li jemenda l-Anness I tar-Regolament (UE) 2019/631 tal-Parlament Ewropew u tal-Kunsill sabiex iqis l-evoluzzjoni tal-massa tal-karozzi ġodda tal-passiġġieri rreġistrati fl-2017, l-2018 u l-2019 (Test b’rilevanza għaż-ŻEE)
C/2021/5744
OJ L 400, 12.11.2021, p. 14–15
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
12.11.2021 |
MT |
Il-Ġurnal Uffiċjali tal-Unjoni Ewropea |
L 400/14 |
REGOLAMENT DELEGAT TAL-KUMMISSJONI (UE) 2021/1961
tal-5 ta’ Awwissu 2021
li jemenda l-Anness I tar-Regolament (UE) 2019/631 tal-Parlament Ewropew u tal-Kunsill sabiex iqis l-evoluzzjoni tal-massa tal-karozzi ġodda tal-passiġġieri rreġistrati fl-2017, l-2018 u l-2019
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/631 tal-Parlament Ewropew u tal-Kunsill tas-17 ta’ April 2019 li jistabbilixxi standards ta’ rendiment fir-rigward tal-emissjonijiet ta’ CO2 tal-karozzi ġodda tal-passiġġieri u tal-vetturi kummerċjali ħfief ġodda, u li jħassar ir-Regolamenti (KE) Nru 443/2009 u (UE) Nru 510/2011 (1), u b’mod partikolari l-Artikolu 14(2) tiegħu,
Billi:
(1) |
Jenħtieġ li l-valur M0 għas-snin 2022, 2023 u 2024 imsemmi fil-punt (a) tal-Artikolu 14(1) jiġi stabbilit abbażi tal-massa medja fi stat operattiv tal-karozzi ġodda tal-passiġġieri kollha rreġistrati fl-Unjoni fl-2017, 2018 u 2019. |
(2) |
Abbażi tal-valuri speċifikati fid-Deċiżjonijiet ta’ Implimentazzjoni tal-Kummissjoni (UE) 2019/582 (2), (UE) 2020/1035 (3) u (UE) 2021/973 (4), ponderati skont l-għadd ta’ reġistrazzjonijiet ġodda f’kull waħda minn dawk is-snin, il-massa medja fi stat operattiv ta’ karozzi ġodda tal-passiġġieri rreġistrati fis-snin kalendarji 2017, 2018 u 2019 kienet ta’ 1 398,50 kg. |
(3) |
Għaldaqstant, jenħtieġ li l-miri ta’ emissjonijiet speċifiċi għall-manifatturi ta’ karozzi ġodda tal-passiġġieri, għas-snin kalendarji 2022, 2023 u 2024 jiġu kkalkulati f’konformità mal-formula stabbilita fil-punt 4 tal-Parti A tal-Anness I tar-Regolament (UE) 2019/631, li juża l-valur 1 398,50 tal-M0. |
(4) |
Għalhekk jenħtieġ li r-Regolament (UE) 2019/631 jiġi emendat skont dan, |
ADOTTAT DAN IR-REGOLAMENT:
Artikolu 1
Fil-punt 4 tal-Parti A tal-Anness I tar-Regolament (UE) 2019/631, l-entrata M0 hija sostitwita b’dan li ġej:
“M0 hija 1 379,88 fl-2021 u 1 398,50 fl-2022, 2023 u 2024”.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta’ Awwissu 2021.
Għall-Kummissjoni
Il-President
Ursula VON DER LEYEN
(1) ĠU L 111, 25.4.2019, p. 13.
(2) Id-Deċiżjoni ta’ Implimentazzjoni tal-Kummissjoni (UE) 2019/582 tat-3 ta’ April 2019 li tikkonferma jew temenda l-kalkolu proviżorju tal-emissjonijiet speċifiċi medji ta’ CO2 u l-miri tal-emissjonijiet speċifiċi għall-manifatturi ta’ vetturi kummerċjali ħfief ġodda għas-sena kalendarja 2017 u għall-konsorzju Volkswagen inkluż il-membri tiegħu għas-snin kalendarji 2014, 2015 u 2016 skont ir-Regolament (UE) Nru 510/2011 tal-Parlament Ewropew u tal-Kunsill (ĠU L 100, 11.4.2019, p. 47).
(3) Id-Deċiżjoni ta’ Implimentazzjoni tal-Kummissjoni (UE) 2020/1035 tat-3 ta’ Ġunju 2020 li tikkonferma jew temenda l-kalkolu proviżorju tal-emissjonijiet speċifiċi medji tas-CO2 u l-miri ta’ emissjonijiet speċifiċi għall-manifatturi tal-karozzi tal-passiġġieri u tal-vetturi kummerċjali ħfief għas-sena kalendarja 2018 skont ir-Regolament (UE) 2019/631 tal-Parlament Ewropew u tal-Kunsill (ĠU L 227, 16.7.2020, p. 37).
(4) Id-Deċiżjoni ta’ Implimentazzjoni tal-Kummissjoni (UE) 2021/973 tal-1 ta’ Ġunju 2021 li tikkonferma jew temenda l-kalkolu proviżorju tal-emissjonijiet speċifiċi medji ta’ CO2 u l-miri tal-emissjonijiet speċifiċi għall-manifatturi tal-karozzi tal-passiġġieri u tal-vetturi kummerċjali ħfief għas-sena kalendarja 2019 u, għall-manifattur Dr. Ing. h.c. F. Porsche AG u l-konsorzju tal-Volkswagen, għas-snin kalendarji mill-2014 sal-2018 skont ir-Regolament (UE) 2019/631 tal-Parlament Ewropew u tal-Kunsill (ĠU L 215, 17.6.2020, p. 1).