EUR-Lex Access to European Union law
This document is an excerpt from the EUR-Lex website
Document 32021R1446
Commission Implementing Regulation (EU) 2021/1446 of 3 September 2021 correcting Implementing Regulations (EU) No 540/2011 and (EU) No 563/2014 as regards the CAS number of the basic substance chitosan hydrochloride (Text with EEA relevance)
Regolament ta’ Implimentazzjoni tal-Kummissjoni (UE) 2021/1446 tat-3 ta’ Settembru 2021 li jikkoreġi r-Regolamenti ta’ Implimentazzjoni (UE) Nru 540/2011 u (UE) Nru 563/2014 rigward in-numru CAS tas-sustanza attiva idroklorur tal-kitosan (Test b’rilevanza għaż-ŻEE)
Regolament ta’ Implimentazzjoni tal-Kummissjoni (UE) 2021/1446 tat-3 ta’ Settembru 2021 li jikkoreġi r-Regolamenti ta’ Implimentazzjoni (UE) Nru 540/2011 u (UE) Nru 563/2014 rigward in-numru CAS tas-sustanza attiva idroklorur tal-kitosan (Test b’rilevanza għaż-ŻEE)
C/2021/6448
OJ L 313, 6.9.2021, p. 9–12
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
6.9.2021 |
MT |
Il-Ġurnal Uffiċjali tal-Unjoni Ewropea |
L 313/9 |
REGOLAMENT TA’ IMPLIMENTAZZJONI TAL-KUMMISSJONI (UE) 2021/1446
tat-3 ta’ Settembru 2021
li jikkoreġi r-Regolamenti ta’ Implimentazzjoni (UE) Nru 540/2011 u (UE) Nru 563/2014 rigward in-numru CAS tas-sustanza attiva idroklorur tal-kitosan
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b’mod partikolari l-Artikolu 23(5) flimkien mal-Artikolu 13(2) u l-Artikolu 78(2) tiegħu,
Billi:
|
(1) |
Ir-Regolament ta’ Implimentazzjoni tal-Kummissjoni (UE) Nru 563/2014 (2) approva s-sustanza attiva idroklorur tal-kitosan u daħħalha fl-Anness tar-Regolament ta’ Implimentazzjoni tal-Kummissjoni (UE) Nru 540/2011 (3). |
|
(2) |
Wara li daħal fis-seħħ ir-Regolament ta’ Implimentazzjoni (UE) Nru 563/2014, ġie nnutat żball li jikkonċerna n-numru CAS (Chemical Abstracts Number of the American Chemical Society) użat għas-sustanza attiva idroklorur tal-kitosan fl-Annessi tar-Regolament ta’ Implimentazzjoni (UE) Nru 563/2014. |
|
(3) |
In-numru CAS huwa identifikatur uniku tas-sustanzi kimiċi li jintuża wkoll għall-identifikazzjoni tas-sustanzi attivi li jintużaw għall-protezzjoni tal-pjanti; jintuża bħala referenza għas-sustanzi kimiċi b’mod ġenerali għall-iskop tal-attivitajiet kummerċjali u regolatorji u mhuwiex limitat biss għas-sustanzi li hemm preżenti fil-pestiċidi. |
|
(4) |
Il-kolonna dwar l-isem komuni u n-numri ta’ identifikazzjoni ssemmi “Idroklorur tal-kitosan Nru CAS: 9012-76-4”. Madankollu, in-numru CAS 9012-76-4 huwa assenjat lis-sustanza kitosan, filwaqt li l-idroklorur tal-kitosan għandu n-numru CAS 70694-72-3. Għalhekk, peress li tista’ tinħoloq konfużjoni dwar l-identità tas-sustanza fil-ġestjoni u l-kummerċ tas-sustanzi kimiċi, tinħtieġ korrezzjoni tan-numru CAS imsemmi fir-Regolament ta’ Implimentazzjoni (UE) Nru 563/2014 u b’hekk, anki fir-Regolament ta’ Implimentazzjoni (UE) Nru 540/2011. |
|
(5) |
Għal raġunijiet ta’ ċarezza, jixraq li jiġu sostitwiti l-Anness I tar-Regolament ta’ Implimentazzjoni (UE) Nru 563/2014 u l-entrata rilevanti fil-Parti C tal-Anness tar-Regolament ta’ Implimentazzjoni (UE) Nru 540/2011. |
|
(6) |
Fl-interess taċ-ċarezza u taċ-ċertezza legali għall-operaturi ekonomiċi u għall-awtoritajiet tal-infurzar, jenħtieġ li dan ir-Regolament jidħol fis-seħħ b’urġenza. |
|
(7) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Korrezzjoni tar-Regolament ta’ Implimentazzjoni (UE) Nru 563/2014
L-Anness I tar-Regolament ta’ Implimentazzjoni (UE) Nru 563/2014 huwa kkoreġut skont l-Anness I ta’ dan ir-Regolament.
Artikolu 2
Korrezzjoni tar-Regolament ta’ Implimentazzjoni (UE) Nru 540/2011
L-Anness tar-Regolament ta’ Implimentazzjoni (UE) Nru 540/2011 huwa kkoreġut skont l-Anness II għal dan ir-Regolament.
Artikolu 3
Id-dħul fis-seħħ
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-3 ta’ Settembru 2021.
Għall-Kummissjoni
Il-President
Ursula VON DER LEYEN
(1) ĠU L 309, 24.11.2009, p. 1.
(2) Ir-Regolament ta’ Implimentazzjoni tal-Kummissjoni (UE) Nru 563/2014 tat-23 ta’ Mejju 2014 li japprova s-sustanza bażika idroklorur tal-kitosan, skont ir-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti, u li jemenda r-Regolament ta’ Implimentazzjoni tal-Kummissjoni (UE) Nru 540/2011 (ĠU L 156, 24.5.2014, p. 5).
(3) Ir-Regolament ta’ Implimentazzjoni tal-Kummissjoni (UE) Nru 540/2011 tal-25 ta’ Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f’dak li għandu x’jaqsam mal-lista ta’ sustanzi attivi approvati (ĠU L 153, 11.6.2011, p. 1).
ANNESS I
L-Anness I tar-Regolament ta’ Implimentazzjoni (UE) Nru 563/2014 huwa sostitwit b’dan li ġej:
|
“Isem Komuni, Numri tal-Identifikazzjoni |
Isem tal-IUPAC |
Purità (1) |
Data tal-approvazzjoni |
Dispożizzjonijiet speċifiċi |
|
Idroklorur tal-kitosan Nru CAS: 70694-72-3 |
Ma japplikax |
Farmakopea Ewropea Kontenut massimu ta’ metalli tqal: 40 ppm |
fl-1 ta’ Lulju 2014 |
L-idroklorur tal-kitosan għandu jikkonforma mar-Regolament (KE) Nru 1069/2009 tal-Parlament Ewropew u tal-Kunsill (2) u mar-Regolament tal-Kummissjoni (UE) Nru 142/2011 (3). L-idroklorur tal-kitosan jista’ jintuża f’konformità mal-kundizzjonijiet speċifiċi li jinsabu fil-konklużjonijiet tar-rapport ta’ rieżami dwar l-idrokolur tal-kitosan (SANCO/12388/2013) u b’mod partikolari fl-Appendiċijiet I u II tiegħu, kif ġew iffinalizzati mill-Kumitat Permanenti dwar il-Katina Alimentari u s-Saħħa tal-Annimali fl-20 ta’ Marzu 2014. |
(1) Fir-rapport ta’ rieżami jinsabu aktar dettalji dwar l-identità, l-ispeċifikazzjoni u l-modalitajiet tal-użu tas-sustanza bażika.
ANNESS II
Fil-Parti C tal-Anness tar-Regolament ta’ Implimentazzjoni (UE) Nru 540/2011, l-entrata 2 dwar l-idroklorur tal-kitosan hija sostitwita b’dan li ġej:
|
Nru |
Isem Komuni, Numri tal-Identifikazzjoni |
Isem tal-IUPAC |
Purità (1) |
Data tal-approvazzjoni |
Dispożizzjonijiet speċifiċi |
|
“2 |
Idroklorur tal-kitosan Nru CAS: 70694-72-3 |
Ma japplikax |
Farmakopea Ewropea Kontenut massimu ta’ metalli tqal: 40 ppm |
fl-1 ta’ Lulju 2014 |
L-idroklorur tal-kitosan għandu jikkonforma mar-Regolament (KE) Nru 1069/2009 u mar-Regolament (UE) Nru 142/2011. L-idroklorur tal-kitosan jista’ jintuża f’konformità mal-kundizzjonijiet speċifiċi li jinsabu fil-konklużjonijiet tar-rapport ta’ rieżami dwar l-idrokolur tal-kitosan (SANCO/12388/2013) u b’mod partikolari fl-Appendiċijiet I u II tiegħu, kif ġew iffinalizzati mill-Kumitat Permanenti dwar il-Katina Alimentari u s-Saħħa tal-Annimali fl-20 ta’ Marzu 2014. |
(1) Fir-rapport ta’ rieżami jinsabu aktar dettalji dwar l-identità, l-ispeċifikazzjoni u l-modalitajiet tal-użu tas-sustanza bażika.”