Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32021R1225

Regolament ta’ Implimentazzjoni tal-Kummissjoni (UE) 2021/1225 tas-27 ta’ Lulju 2021 li jispeċifika l-arranġamenti għall-iskambji tad-data skont ir-Regolament (UE) 2019/2152 tal-Parlament Ewropew u tal-Kunsill u li jemenda r-Regolament ta’ Implimentazzjoni tal-Kummissjoni (UE) 2020/1197, fir-rigward tal-Istat Membru tal-esportazzjoni barra mill-Unjoni u l-obbligi tal-unitajiet tar-rappurtar (Test b’rilevanza għaż-ŻEE)

C/2021/5404

OJ L 269, 28.7.2021, p. 58–64 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2021/1225/oj

28.7.2021   

MT

Il-Ġurnal Uffiċjali tal-Unjoni Ewropea

L 269/58

REGOLAMENT TA’ IMPLIMENTAZZJONI TAL-KUMMISSJONI (UE) 2021/1225

tas-27 ta’ Lulju 2021

li jispeċifika l-arranġamenti għall-iskambji tad-data skont ir-Regolament (UE) 2019/2152 tal-Parlament Ewropew u tal-Kunsill u li jemenda r-Regolament ta’ Implimentazzjoni tal-Kummissjoni (UE) 2020/1197, fir-rigward tal-Istat Membru tal-esportazzjoni barra mill-Unjoni u l-obbligi tal-unitajiet tar-rappurtar

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2019/2152 tal-Parlament Ewropew u tal-Kunsill dwar l-istatistika Ewropea tan-negozju, li tħassar 10 atti legali fil-qasam tal-istatistika tan-negozju (1), u b’mod partikolari l-Artikolu 5(5) u l-Artikolu 7(1) tiegħu,

Billi:

(1)

Huwa meħtieġ li jiġu speċifikati l-arranġamenti għall-iskambju tad-data ta’ informazzjoni statistika relatata mal-esportazzjonijiet u mal-importazzjonijiet ta’ oġġetti li għandhom jiġu pprovduti mill-awtoritajiet doganali u tat-taxxa ta’ kull Stat Membru lill-Awtoritajiet Nazzjonali tal-Istatistika (NSAs) kompetenti.

(2)

Ir-Regolament (UE) 2019/2152 jistabbilixxi l-iskambju ta’ mikrodata minn dikjarazzjonijiet doganali bejn l-NSAs tal-Istati Membri għal finijiet statistiċi, sabiex tiġi prodotta statistika armonizzata dwar il-kummerċ internazzjonali ta’ oġġetti u sabiex tittejjeb il-kwalità ta’ dik l-istatistika. Huwa meħtieġ li jiġu speċifikati l-arranġamenti għal dan l-iskambju ta’ mikrodata bejn l-NSAs, sabiex jiġi definit l-ambitu tiegħu, sabiex tiġi elenkata l-mikrodata li għandha tiġi skambjata u sabiex jiġu stabbiliti l-format, il-miżuri tas-sigurtà u l-proċedura għall-iskambju ta’ din id-data.

(3)

Jeħtieġ li jiġi emendat ir-Regolament ta’ Implimentazzjoni tal-Kummissjoni (UE) 2020/1197 (2) fir-rigward tal-ewwel perjodu referenzjarju għall-applikazzjoni tad-definizzjoni tal-Istat Membru tal-esportazzjoni ’l barra mill-Unjoni, billi l-applikazzjoni tiegħu tiġi differita b’sentejn. Dan sabiex jiġi żgurat li l-NSAs ikunu kapaċi jidentifikaw oġġetti fi kważi esportazzjoni u jiddeterminaw l-Istat Membru tal-esportazzjoni reali b’mod koerenti, bl-għajnuna tal-mikrodata li għandha tiġi skambjata, u sabiex l-NSAs ikunu jistgħu jiżguraw il-kwalità tal-istatistika prodotta.

(4)

Jeħtieġ ukoll li jiġi emendat ir-Regolament ta’ Implimentazzjoni (UE) 2020/1197 fir-rigward tal-obbligi tal-importaturi u tal-esportaturi li jassistu lill-NSAs biex jiċċaraw kwistjonijiet relatati mal-kwalità tad-data.

(5)

Il-miżuri previsti f’dan ir-Regolament huma skont l-opinjoni tal-Kumitat tas-Sistema Ewropea tal-Istatistika, stabbilit permezz tal-Artikolu 7 tar-Regolament (KE) Nru 223/2009 tal-Parlament Ewropew u tal-Kunsill (3),

ADOTTAT DAN IR-REGOLAMENT:

Artikolu 1

Suġġett

Dan ir-Regolament jispeċifika l-arranġamenti għall-iskambji tad-data bejn l-awtoritajiet doganali u l-awtoritajiet nazzjonali tal-istatistika (NSAs), u għall-iskambji tad-data bejn l-awtoritajiet tat-taxxa u l-NSAs. Jispeċifika wkoll l-arranġamenti għall-iskambju ta’ mikrodata minn dikjarazzjonijiet doganali relatati mal-esportazzjonijiet u mal-importazzjonijiet ta’ oġġetti bejn l-NSAs.

Artikolu 2

Definizzjonijiet

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

(a)

“żdoganar ċentralizzat fil-perjodu tranżizzjonali” tfisser żdoganar ċentralizzat skont it-tifsira tal-Artikolu 179 tar-Regolament (UE) Nru 952/2013 tal-Parlament Ewropew u tal-Kunsill (4), li jinvolvi l-awtoritajiet doganali ta’ iktar minn Stat Membru wieħed, u fejn il-mezz ta’ skambju tal-informazzjoni bejn l-awtoritajiet doganali huwa stabbilit mill-Artikolu 18 tar-Regolament Delegat tal-Kummissjoni (UE) 2016/341 (5);

(b)

“Stat Membru mittenti” tfisser l-Istat Membru fejn tiġi ppreżentata d-dikjarazzjoni doganali, fejn ir-rekords mid-dikjarazzjonijiet doganali jirreferu għal żdoganar ċentralizzat fil-perjodu tranżizzjonali jew għal oġġetti fi kważi esportazzjoni;

(c)

“Stat Membru riċeventi” tfisser l-Istat Membru li jikseb mikrodata mill-Istat Membru mittenti.

Artikolu 3

Arranġamenti għall-iskambju tad-data bejn l-awtoritajiet doganali u l-NSAs

1.   Ir-rekords mid-dikjarazzjonijiet doganali, kif imsemmi fil-punt (c) tal-Anness VI tar-Regolament (UE) 2019/2152, għandhom jiġu pprovduti mill-awtoritajiet doganali lill-NSAs tagħhom mingħajr dewmien u, l-iktar tard, matul ix-xahar ta’ wara x-xahar li fih id-dikjarazzjonijiet doganali ġew aċċettati jew kienu soġġetti għal deċiżjonijiet mid-dwana li jappartjenu lilhom.

2.   Meta r-rekords mid-dikjarazzjonijiet doganali pprovduti jiġu emendati jew mibdula, l-awtoritajiet doganali għandhom jipprovdu lill-NSAs tagħhom b’informazzjoni riveduta.

3.   L-awtoritajiet doganali għandhom jivverifikaw, fuq talba tal-NSAs tagħhom, il-korrettezza u l-kompletezza tar-rekords mid-dikjarazzjonijiet doganali pprovduti minnhom.

Artikolu 4

Arranġamenti għall-iskambju tad-data bejn l-awtoritajiet tat-taxxa u l-awtoritajiet nazzjonali tal-istatistika

1.   L-informazzjoni msemmija fl-Anness V tar-Regolament (UE) 2019/2152 għandha tiġi pprovduta mill-awtoritajiet tat-taxxa lill-NSAs tagħhom malli tasal l-informazzjoni u, l-iktar tard, matul ix-xahar ta’ wara x-xahar li fih l-informazzjoni tkun saret disponibbli.

2.   Meta l-informazzjoni pprovduta mill-awtoritajiet tat-taxxa tiġi emendata jew mibdula, l-awtoritajiet tat-taxxa għandhom jipprovdu lill-NSAs tagħhom b’informazzjoni riveduta.

3.   L-awtoritajiet tat-taxxa għandhom jivverifikaw, fuq talba tal-NSAs tagħhom, il-korrettezza u l-kompletezza tal-informazzjoni pprovduta minnhom.

Artikolu 5

Arranġamenti għall-iskambju tal-mikrodata minn dikjarazzjonijiet doganali bejn l-Istati Membri għal finijiet statistiċi

1.   Meta r-rekords mid-dikjarazzjonijiet doganali jirreferu għal żdoganar ċentralizzat fil-perjodu tranżizzjonali jew għal oġġetti fi kważi esportazzjoni, l-NSA tal-Istat Membru mittenti għandha tipprovdi, lill-NSA tal-Istat Membru riċeventi, bil-mikrodata relatata mal-esportazzjonijiet jew mal-importazzjonijiet ta’ oġġetti pprovduta mill-awtorità doganali tal-Istat Membru mittenti.

2.   Meta r-rekords mid-dikjarazzjonijiet doganali jirreferu għal żdoganar ċentralizzat fil-perjodu tranżizzjonali, l-Istat Membru riċeventi għandu jkun l-Istat Membru li fit-territorju statistiku tiegħu jkunu jinsabu l-oġġetti fil-ħin tar-rilaxx fil-proċedura doganali jew fil-mument tar-riesportazzjoni.

3.   Meta r-rekords mid-dikjarazzjonijiet doganali jirreferu għal oġġetti fi kważi esportazzjoni, kif imsemmi fit-Taqsima 1(1) tal-Anness V tar-Regolament (UE) 2020/1197, l-Istat Membru riċeventi għandu jkun l-Istat Membru tal-esportazzjoni reali, kif imsemmi fit-tieni subparagrafu tat-Taqsima 17(2) tal-Anness V tar-Regolament (UE) 2020/1197.

4.   Il-mikrodata msemmija fil-paragrafu 1 għandha tinkludi:

(a)

meta r-rekords mid-dikjarazzjonijiet doganali jirreferu għall-importazzjonijiet fil-qafas tal-iżdoganar ċentralizzat fil-perjodu tranżizzjonali, il-mikrodata kif stabbilita fil-kolonna C1 tal-Anness;

(b)

meta r-rekords mid-dikjarazzjonijiet doganali jirreferu għall-esportazzjonijiet fil-qafas tal-iżdoganar ċentralizzat fil-perjodu tranżizzjonali, il-mikrodata kif stabbilita fil-kolonna C2 tal-Anness;

(c)

meta r-rekords mid-dikjarazzjonijiet doganali jirreferu għal oġġetti fi kważi esportazzjoni, il-mikrodata kif stabbilita fil-kolonna C3 tal-Anness.

5.   L-NSA tal-Istat Membru mittenti għandha tipprovdi lill-NSA tal-Istat Membru riċeventi bil-metadata rilevanti għall-użu tal-mikrodata skambjata fil-kompilazzjoni tal-istatistika.

6.   Il-paragrafi 1 sa 5 ma għandhomx japplikaw meta l-Istat Membru mittenti jkun l-Istat Membru tal-esportazzjoni reali, kif imsemmi fit-tieni subparagrafu tat-Taqsima 17(2) tal-Anness V tar-Regolament (UE) 2020/1197.

Artikolu 6

Skeda għall-iskambju ta’ mikrodata bejn l-Istati Membri

1.   L-NSA tal-Istat Membru mittenti għandha tipprovdi lill-NSA tal-Istat Membru riċeventi bil-mikrodata msemmija fl-Artikolu 5 mhux iktar tard minn 30 jum kalendarju wara tmiem ix-xahar referenzjarju.

2.   Meta jsiru disponibbli rekords addizzjonali, emendati jew mibdula mid-dikjarazzjonijiet doganali għall-NSA tal-Istat Membru mittenti wara l-iskadenza msemmija fil-paragrafu 1, l-NSA tal-Istat Membru mittenti għandha tipprovdi lill-NSA tal-Istat Membru riċeventi bil-mikrodata riveduta malajr kemm jista’ jkun u mhux iktar tard minn 30 jum kalendarju wara tmiem ix-xahar li fih saru disponibbli r-rekords addizzjonali, emendati jew mibdula mid-dikjarazzjonijiet doganali.

Artikolu 7

Miżuri tas-sigurtà

F’konformità mal-Artikolu 10(2) tad-Deċiżjoni tal-Kummissjoni (UE, Euratom) 2015/443 (6), sabiex ikunu intitolati jirċievu mikrodata u metadata f’konformità mal-Artikolu 5 ta’ dan ir-Regolament, l-NSAs li jirċievu jew li jipproċessaw din il-mikrodata u l-metadata fl-Istat Membru riċeventi jridu jiżguraw li s-sistemi tal-IT tagħhom ikunu protetti b’livell ekwivalenti għall-politika tas-sigurtà tas-sistemi ta’ komunikazzjoni u ta’ informazzjoni tal-Kummissjoni, kif stabbilit fid-Deċiżjoni tal-Kummissjoni (UE, Euratom) 2017/46 (7), għar-regoli ta’ implimentazzjoni tagħha u għall-istandards tas-sigurtà korrispondenti.

Artikolu 8

Protezzjoni tad- data

Fir-rigward tal-ipproċessar tad-data personali, l-NSAs għandhom iwettqu l-kompiti tagħhom għall-finijiet ta’ dan ir-Regolament f’konformità mar-Regolament (UE) 2016/679 tal-Parlament Ewropew u tal-Kunsill (8).

Fir-rigward tal-ipproċessar tad-data personali mill-Kummissjoni (Eurostat), dan għandu jikkonforma mar-Regolament (UE) 2018/1725 tal-Parlament Ewropew u tal-Kunsill (9).

Artikolu 9

Format tal-mikrodata u tal-metadata skambjati u proċedura għall-iskambju

1.   Il-mikrodata u l-metadata skambjati f’konformità mal-Artikolu 5 għandhom jiġu skambjati b’mod elettroniku u għandhom jiġu trażmessi jew jittellgħu permezz tal-punt tad-dħul uniku tal-Kummissjoni (Eurostat) għall-mikrodata u, meta jkun xieraq, għall-metadata.

2.   Jenħtieġ li l-Istati Membri jimplimentaw l-istandards ta’ skambju f’konformità mal-linji gwida dwar l-implimentazzjoni pprovduti mill-Kummissjoni (Eurostat).

Artikolu 10

Emenda għar-Regolament ta’ Implimentazzjoni (UE) 2020/1197

Ir-Regolament ta’ Implimentazzjoni (UE) 2020/1197 huwa emendat kif ġej:

(a)

fit-Taqsima 2(2) tal-Anness V, il-punt (a) huwa sostitwit b’dan li ġej:

“(a)

Stat Membru tal-esportazzjoni ’l barra mill-Unjoni” tfisser l-Istat Membru li fit-territorju statistiku tiegħu jkunu jinsabu l-oġġetti fil-ħin tar-rilaxx fil-proċedura doganali jew fil-mument tar-riesportazzjoni.

Madankollu, fil-każ ta’ oġġetti fi kważi esportazzjoni, jekk ikun jista’ jiġi ddeterminat l-“Istat Membru tal-esportazzjoni attwali” kif speċifikat fit-tieni subparagrafu tat-Taqsima 17(2) ta’ dan l-Anness, l-“Istat Membru tal-esportazzjoni ’l barra mill-Unjoni” mill-perjodu referenzjarju ta’ Jannar 2024 ’il quddiem għandu jkun l-Istat Membru tal-esportazzjoni reali.”;

(b)

fl-Anness V, it-Taqsima 8(3) hija sostitwita b’dan li ġej:

“3.

 L-importatur fl-Istat Membru tal-importazzjoni jew l-esportatur fl-Istat Membru tal-esportazzjoni għandhom ikunu obbligati jassistu lill-NSA fl-Istat Membru tal-importazzjoni jew fl-Istat Membru tal-esportazzjoni, rispettivament, biex jiġu ċċarati kwistjonijiet ta’ kwalità tad-data relatati mal-informazzjoni statistika, esklużivament għall-fini tal-assigurazzjoni tal-kwalità tad-data dwar il-kummerċ internazzjonali ta’ oġġetti.”.

Artikolu 11

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-1 ta’ Jannar 2022.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-27 ta’ Lulju 2021.

Għall-Kummissjoni

Il-President

Ursula VON DER LEYEN

(1)  ĠU L 327, 17.12.2019, p. 1.

(2)  Ir-Regolament ta’ Implimentazzjoni tal-Kummissjoni (UE) 2020/1197 tat-30 ta’ Lulju 2020 li jistabbilixxi l-ispeċifikazzjonijiet u l-arranġamenti tekniċi skont ir-Regolament (UE) 2019/2152 tal-Parlament Ewropew u tal-Kunsill dwar l-istatistika Ewropea tan-negozju, li tħassar 10 atti legali fil-qasam tal-istatistika tan-negozju (ĠU L 271, 18.8.2020, p. 1).

(3)  Ir-Regolament (KE) Nru 223/2009 tal-Parlament Ewropew u tal-Kunsill tal-11 ta’ Marzu 2009 dwar l-Istatistika Ewropea u li jħassar ir-Regolament (Euratom, KE) Nru 1101/2008 tal-Parlament Ewropew u tal-Kunsill dwar it-trażmissjoni ta’ data suġġetta għall-kunfidenzjalità statistika lill-Uffiċċju tal-Istatistika tal-Komunitajiet Ewropej, ir-Regolament tal-Kunsill (KE) Nru 322/97 u d-Deċiżjoni tal-Kunsill 89/382/KEE, Euratom li tistabbilixxi Kumitat dwar il-Programmi tal-Istatistika tal-Komunitajiet Ewropej (ĠU L 87, 31.3.2009, p. 164).

(4)  Ir-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (ĠU L 269, 10.10.2013, p. 1).

(5)  Ir-Regolament Delegat tal-Kummissjoni (UE) 2016/341 tas-17 ta’ Diċembru 2015 li jissupplimentaw ir-Regolament (UE) Nru 952/2013 tal-Parlament Ewropew u tal-Kunsill fir-rigward tar-regoli tranżizzjonali għal ċerti dispożizzjonijiet tal-Kodiċi Doganali tal-Unjoni meta s-sistemi elettroniċi relevanti ma jkunux għadhom bdew jitħaddmu u li jemenda r-Regolament Delegat (UE) 2015/2446 (ĠU L 69, 15.3.2016, p. 1).

(6)  Id-Deċiżjoni tal-Kummissjoni (UE, Euratom) 2015/443 tat-13 ta’ Marzu 2015 dwar is-Sigurtà fil-Kummissjoni (ĠU L 72, 17.3.2015, p. 41).

(7)  Id-Deċiżjoni tal-Kummissjoni (UE, Euratom) 2017/46 tal-10 ta’ Jannar 2017 dwar is-sigurtà tas-sistemi ta’ komunikazzjoni u informazzjoni fil-Kummissjoni Ewropea (ĠU L 6, 11.1.2017, p. 40).

(8)  Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).

(9)  Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).

ANNESS

Mikrodata li għandha tiġi skambjata

L-entrati mmarkati “M” huma obbligatorji, l-oġġetti mmarkati “C” huma obbligatorji jekk ikunu disponibbli fis-sistema doganali nazzjonali u l-oġġetti mmarkati “O” huma fakultattivi. L-entrati mmarkati “-” mhumiex applikabbli.

A

B

C1

C2

C3

 

Mikrodata li għandha tiġi skambjata  (1)

Importazzjonijiet fil-qafas tal-iżdoganar ċentralizzat

Esportazzjonijiet fil-qafas tal-iżdoganar ċentralizzat

Oġġetti fi kważi esportazzjoni

 

Grupp 1 — Ġenerali

 

 

 

1.1.

Data tal-aċċettazzjoni tad-dikjarazzjoni doganali

C

C

C

1.2.

Perjodu referenzjarju

M

M

M

1.3.

Fluss

M

M

M

1.4.

Anness tad-data doganali applikata

M

M

M

1.5.

Stat Membru riċeventi

M

M

M

1.6.

Tip ta’ dikjarazzjoni

C

C

C

1.7.

Tip ta’ dikjarazzjoni addizzjonali

C

C

C

1.8.

Proċedura

C

C

C

1.9.

Proċeduri addizzjonali

C

C

C

1.10.

Numru tal-awtorizzazzjoni tad-detentur tal-awtorizzazzjoni

C

C

-

 

Grupp 2 — Unitajiet ta’ kejl

 

 

 

2.1.

Valur statistiku

C

C

C

2.2.

Massa netta

C

C

C

2.3.

Unitajiet supplimentari

C

C

C

 

Grupp 3 — Diżaggregazzjoni

 

 

 

3.1.

Kodiċi tal-oġġetti fil-livell tat-TARIC (kodiċi b’10 ċifri)

C

-

-

3.2.

Kodiċi tal-oġġetti fil-livell tan-NM (kodiċi bi tmien ċifri)

-

C

C

3.3.

Kodiċi tal-pajjiż tal-oriġini

C

-

-

3.4.

Kodiċi tal-pajjiż tal-oriġini preferenzjali

C

-

-

3.5.

Kodiċi tal-pajjiż tad-dispaċċ/tal-esportazzjoni

[Pajjiż tal-kunsinna]

C

-

-

3.6.

Kodiċi tal-pajjiż tad-destinazzjoni

[Pajjiż tal-aħħar destinazzjoni magħrufa]

-

C

C

3.7.

Kodiċi tal-pajjiż tad-destinazzjoni

[Stat Membru tad-destinazzjoni preżunta]

C

-

-

3.8.

Kodiċi tal-pajjiż tad-dispaċċ/tal-esportazzjoni

[Stat Membru tal-esportazzjoni reali]

-

-

C

3.9.

Natura tat-tranżazzjoni

C

C

C

3.10.

Preferenza

C

-

-

3.11.

Kontejner

C

C

C

3.12.

Modalità tat-trasport fil-fruntiera

C

C

C

3.13.

Modalità tat-trasport intern

C

C

C

3.14.

Munita tal-fattura

C

C

C

 

Grupp 4 — Partijiet

 

 

 

4.1.

Numru ta’ identifikazzjoni tal-importatur

C

-

-

4.2.

Numru ta’ identifikazzjoni tax-xerrej

C

-

-

4.3.

Numru ta’ identifikazzjoni tad-destinatarju (2)

C

-

-

4.4.

Numru ta’ identifikazzjoni tal-esportatur

 

C

C

 

Grupp 5 — Data fakultattiva

 

 

 

5.1.

Ammont totali fatturat

O

O

O

5.2.

Rata tal-kambju

O

-

-

5.3

Termini tal-konsenja

O

O

O

5.4

Ammont fatturat tal-entrata

O

-

-

(1)  It-test fil-parentesi jindika l-element ta’ data statistika korrispondenti kif speċifikat fl-Anness V tar-Regolament (UE) 2020/1197.

(2)  Għar-rekwiżiti tad-data doganali skont ir-Regolament (UE) 2016/341 biss.

Top