1.   Għall-kooperazzjoni transkonfinali, ir-reġjuni li għandhom jiġu appoġġati mill-FEŻR għandhom ikunu r-reġjuni tal-Unjoni tal-livell NUTS 3 tul il-fruntieri tal-art interni u esterni kollha ma' pajjiżi terzi jew ma' pajjiżi sħab u r-reġjuni kollha tal-Unjoni tal-livell NUTS 3 tul il-fruntieri marittimi separati b'massimu ta' 150 kilometru baħar, mingħajr preġudizzju għall-aġġustamenti potenzjali meħtieġa biex jiġu żgurati l-koerenza u l-kontinwità taż-żoni tal-programmi ta' kooperazzjoni u fejn effettivament tista' sseħħ l-interazzjoni transkonfinali.

2.   Il-programmi Interreg ta' kooperazzjoni transkonfinali interna jistgħu jkopru reġjuni fin-Norveġja, l-Iżvizzera u r-Renju Unit li huma ekwivalenti għal reġjuni tal-livell NUTS 3 kif ukoll Andorra, il-Liechtenstein, Monaco u San Marino.

3.   Għall-kooperazzjoni transkonfinali esterna, ir-reġjuni li għandhom jiġu appoġġati mill-IPA III jew l-NDICI għandhom ikunu reġjuni tal-livell NUTS 3 tal-pajjiż sieħeb rispettiv jew, fin-nuqqas ta' klassifikazzjoni NUTS, żoni ekwivalenti tul il-fruntieri fuq l-art u marittimi kollha bejn l-Istati Membri u pajjiżi sħab eliġibbli skont l-IPA III jew l-NDICI, mingħajr preġudizzju għall-aġġustamenti potenzjali meħtieġa biex jiġu żgurati l-koerenza u l-kontinwità ta' żoni ġeografiċi tal-programm ta' kooperazzjoni.

1.   Għall-kooperazzjoni tranżnazzjonali, ir-reġjuni li għandhom jiġu appoġġati mill-FEŻR għandhom ikunu r-reġjuni tal-livell NUTS 2 tal-Unjoni, inkluż ir-reġjuni ultraperiferiċi li jkopru territorji tranżnazzjonali ikbar u b'kont meħud, fejn applikabbli, tal-istrateġiji makroreġjonali jew l-istrateġiji tal-baċiri tal-baħar.

2.   Fuq it-talba tal-Istat Membru ikkonċernat jew tal-Istati Membri kkonċernati mal-preżentazzjoni ta' programm ta' kooperazzjoni tranżnazzjonali, dak il-programm jista' jinkludi wkoll reġjun ultraperiferiku wieħed jew aktar mill-Istat Membru kkonċernat jew mill-Istati Membri kkonċernati.

3.   Il-kooperazzjoni tranżnazzjonali tal-programmi tista' tkopri t-territorji li ġejjin, irrispettivament minn jekk humiex appoġġati jew le mill-baġit tal-Unjoni:

4.   Ir-reġjuni, il-pajjiżi terzi, il-pajjiżi sħab jew PTEE msemmija fil-paragrafu 3 għandhom ikunu reġjuni tal-livell NUTS 2 jew, fin-nuqqas ta' klassifikazzjoni NUTS, żoni ekwivalenti.

1.   Fir-rigward tal-kooperazzjoni interreġjonali, it-territorju kollu tal-Unjoni, inklużi r-reġjuni ultraperiferiċi, għandu jkun appoġġat mill-FEŻR.

2.   Il-programmi ta' kooperazzjoni interreġjonali jistgħu jkopru t-territorju kollu ta’ pajjiżi terzi, pajjiżi sħab u territorji oħrajn, jew xi parti minnhom, jew PTEE msemmija fl-Artikoli 4, 5 u 7, irrispettivament minn jekk humiex appoġġati jew le mill-istrumenti ta' finanzjament estern tal-Unjoni.

1.   Għall-kooperazzjoni mar-reġjuni ultraperiferiċi, ir-reġjuni kollha elenkati fl-ewwel paragrafu tal-Artikolu 349 TFUE għandhom jiġu appoġġati mill-FEŻR.

2.   Il-programmi Interreg li jinvolvu r-reġjuni ultraperiferiċi jistgħu jkopru pajjiżi sħab jew partijiet minnhom appoġġati mill-NDICI jew PTEE appoġġati mill-Programm għall-Pajjiżi u t-Territorji ekstra-Ewropej (PTEE), jew it-tnejn li huma.

1.   Għall-finijiet tal-Artikoli 4 sa 7, il-Kummissjoni għandha tadotta atti ta' implimentazzjoni li jistabbilixxu l-lista ta' żoni tal-programm Interreg li għandhom jirċievu appoġġ, maqsuma għal kull fergħa u għal kull programm Interreg. Dawk l-atti ta' implimentazzjoni għandhom jiġu adottati skont il-proċedura konsultattiva msemmija fl-Artikolu 63(2).

Il-programmi transkonfinali esterni għandhom jiġu elenkati bħala "programmi Interreg A IPA III-CBC" (IPA III-CBC) jew "programmi Interreg A NEXT" (NDICI-CBC).

2.   L-atti ta' implimentazzjoni msemmijin fl-ewwel subparagrafu tal-paragrafu 1 għandhom jinkludu wkoll lista li tispeċifika dawk ir-reġjuni tal-livell NUTS 3 tal-Unjoni kkunsidrati għall-allokazzjoni mill-FEŻR għall-kooperazzjoni transkonfinali fuq il-fruntieri interni kollha u dawk il-fruntieri esterni koperti mill-istrumenti ta' finanzjament estern tal-Unjoni.

3.   Ir-reġjuni ta' pajjiżi terzi jew sħab jew territorji barra mill-Unjoni li ma jirċevux appoġġ mill-FEŻR jew minn strument ta' finanzjament estern tal-Unjoni, jew li jikkontribwixxu għall-baġit tal-Unjoni permezz ta' dħul assenjat estern, għandhom jissemmew ukoll fil-lista msemmija fit-tieni subparagrafu tal-paragrafu 1.

1.   Ir-riżorsi tal-FEŻR għall-programmi Interreg għandhom jammontaw għal EUR 8 050 000 000 fi prezzijiet tal-2018 tar-riżorsi globali disponibbli għall-impenn baġitarju mill-FEŻR, il-FSE+ u l-Fond ta' Koeżjoni għall-perjodu ta' programmazzjoni 2021-2027 u stabbiliti fl-Artikolu 109(1) tar-Regolament (UE) 2021/1060.

2.   Ir-riżorsi msemmija fil-paragrafu 1 għandhom jiġu allokati kif ġej:

3.   Il-Kummissjoni għandha tikkomunika lil kull Stat Membru s-sehem tiegħu fl-ammonti globali għall-fergħat A, B u D, skont il-metodoloġija prevista fil-punt 8 tal-Anness XXVI tar-Regolament (UE) 2021/1060, maqsum sena b'sena.

4.   Kull Stat Membru jista' jittrasferixxi sa 15 % tal-allokazzjoni finanzjarja tiegħu għal kull waħda mill-fergħat A, B u D minn waħda minn dawk il-fergħat lil waħda jew aktar mill-oħrajn.

5.   Fuq il-bażi tal-ammonti kkomunikati skont il-paragrafu 3, kull Stat Membru għandu jinforma lill-Kummissjoni jekk u kif ikun uża l-opzjoni ta' trasferiment prevista fil-paragrafu 4 u d-distribuzzjoni riżultanti tas-sehem tiegħu fost il-programmi Interreg li l-Istat Membru jipparteċipa fihom.

1.   Il-Kummissjoni għandha tadotta atti ta' implimentazzjoni li jistabbilixxu dokumenti ta' strateġija pluriennali fir-rigward tal-programmi ta' kooperazzjoni transkonfinali esterni u tranżnazzjonali appoġġati mill-FEŻR u l-NDICI, jew mill-FEŻR u l-IPA III, jew mill-FEŻR, l-NDICI u l-IPA III. Dawk l-atti ta' implimentazzjoni għandhom jiġu adottati skont il-proċedura konsultattiva msemmija fl-Artikolu 63(2) ta’ dan ir-Regolament u, fejn adatt, b’rispett debitu għall-proċedura stabbilita fir-Regolament tal-IPA III.

Fir-rigward tal-programmi Interreg appoġġati mill-FEŻR u l-NDICI, l-att ta' implimentazzjoni għandu jistabbilixxi l-elementi msemmija fl-Artikolu 14(2) tar-Regolament (UE) 2021/947.

Fir-rigward tal-programmi Interreg appoġġati mill-FEŻR u l-IPA III, l-att ta' implimentazzjoni għandu jkopri wkoll, fejn rilevanti, il-parteċipazzjoni tal-benefiċjarji tal-IPA III jew tal-pajjiżi sħab fil-programmi Interreg C u D.

2.   Il-kontribuzzjoni mill-FEŻR għall-programmi Interreg transkonfinali esterni li jridu jiġu appoġġati wkoll mill-pakkett finanzjarju taħt l-IPA III-CBC jew mill-pakkett finanzjarju taħt l-NDICI-CBC għandha tiġi stabbilita mill-Kummissjoni u l-Istati Membri kkonċernati. Il-kontribuzzjoni tal-FEŻR stabbilita għal kull Stat Membru ma għandhiex tiġi sussegwentement riallokata bejn l-Istati Membri kkonċernati.

Il-kontribuzzjonijiet rispettivi mill-IPA III u l-NDICI għall-programmi Interreg B, C u D għandhom iqisu l-kompożizzjoni tas-sħubija tal-programm bejn l-Istati Membri, il-benefiċjarji tal-IPA III u l-pajjiżi sħab. Dawk il-kontribuzzjonijiet jistgħu jiġu stabbiliti fid-dokumenti ta' strateġija pluriennali koperti mill-ewwel subparagrafu tal-paragrafu 1.

3.   L-appoġġ mill-FEŻR għandu jingħata lil programmi transkonfinali esterni individwali dment li minn tal-inqas jiġu pprovduti ammonti ekwivalenti mill-IPA III-CBC u l-NDICI-CBC taħt id-dokument ta' strateġija pluriennali rilevanti. Dik il-kontribuzzjoni għandha tkun soġġetta għal ammont massimu stabbilit fir-Regolament tal-IPA III jew fir-Regolament (UE) 2021/947.

Madankollu, fejn ir-rieżami tad-dokumenti ta' programmazzjoni strateġika rilevanti skont l-IPA III jew l-NDICI jirriżulta fit-tnaqqis tal-ammont korrispondenti għas-snin li jifdal, kull Stat Membru kkonċernat għandu jagħżel mill-opzjonijiet li ġejjin:

4.   L-approprjazzjonijiet annwali li jikkorrispondu għall-appoġġ mill-FEŻR, l-IPA III-CBC jew l-NDICI-CBC għall-programmi Interreg transkonfinali esterni għandhom jiddaħħlu fl-intestaturi tal-baġit rilevanti għall-eżerċizzju baġitarju tal-2021.

5.   Fejn il-Kummissjoni tkun inkludiet allokazzjoni finanzjarja speċifika biex tassisti lil pajjiżi jew reġjuni sħab taħt ir-Regolament (UE) 2021/947 u l-PTEE taħt id-Deċiżjoni 2013/755/UE, jew it-tnejn li huma, biex issaħħu l-kooperazzjoni tagħhom ma' reġjuni ultraperiferiċi tal-viċinat tal-Unjoni f'konformità mal-Artikolu 33(2) tar-Regolament (UE) 2021/947 jew l-Artikolu 87 tad-Deċiżjoni 2013/755/UE, jew it-tnejn li huma, il-FEŻR jista' jikkontribwixxi wkoll skont dan ir-Regolament, fejn ikun xieraq u fuq il-bażi ta' reċiproċità u proporzjonalità fir-rigward tal-livell ta' finanzjament mill-NDICI jew mill-programm għall-PTEE jew it-tnejn li huma, għal azzjonijiet implimentati minn pajjiż jew reġjun sieħeb jew kwalunkwe entità oħra taħt ir-Regolament (UE) 2021/947, minn pajjiż, territorju, jew kwalunkwe entità oħra taħt id-Deċiżjoni 2013/755/UE jew minn reġjun ultraperiferiku tal-Unjoni skont, b'mod partikolari, programm Interreg B, C jew D konġunt wieħed jew aktar jew skont miżuri ta' kooperazzjoni msemmija fl-Artikolu 59 ta’ dan ir-Regolament stabbiliti u implimentati skont dan ir-Regolament.

1.   Fuq il-bażi tal-informazzjoni pprovduta mill-Istati Membri skont l-Artikolu 9(5), il-Kummissjoni għandha tadotta atti ta' implimentazzjoni li jistabbilixxu lista tal-programmi Interreg kollha u jindikaw għal kull programm l-ammont globali tal-appoġġ totali mill-FEŻR u, fejn applikabbli, l-appoġġ totali minn kull strument ta' finanzjament estern tal-Unjoni. Dawk l-atti ta' implimentazzjoni għandhom jiġu adottati f'konformità mal-proċedura konsultattiva msemmija fl-Artikolu 63(2).

2.   Dawk l-att ta' implimentazzjoni għandhom jinkludu wkoll lista tal-ammonti trasferiti skont l-Artikolu 9(4) imqassmin skont l-Istat Membru.

1.   Jekk għall-2022 jew għall-2023 ma jkunx ġie ppreżentat programm transkonfinali estern lill-Kummissjoni sal-31 ta' Marzu tas-sena kkonċernata, il-kontribuzzjoni annwali mill-FEŻR għal dak il-programm li ma ġietx riallokata lil programm ieħor ippreżentat taħt l-istess kategorija ta' programmi Interreg transkonfinali esterni għandha tiġi allokata lill-programmi Interreg transkonfinali interni li fihom l-Istat Membru kkonċernat jipparteċipa.

2.   Jekk, sal-31 ta' Marzu 2024, ikun għad hemm programmi Interreg transkonfinali esterni li ma jkunux ġew ippreżentati lill-Kummissjoni, il-kontribuzzjoni mill-FEŻR imsemmija fl-Artikolu 9(5) għal dawk il-programmi għas-snin li jifdal sal-2027, li ma tkunx ġiet riallokata lil programm Interreg ieħor appoġġat ukoll mill-IPA III-CBC jew l-NDICI-CBC, rispettivament, għandha tiġi allokata lill-programmi Interreg transkonfinali interni li fihom l-Istat Membru kkonċernat jipparteċipa.

3.   Kwalunkwe programm Interreg transkonfinali estern diġà approvat mill-Kummissjoni għandu jitwaqqaf jew l-allokazzjoni lil dak il-programm għandha titnaqqas, f'konformità mar-regoli u l-proċeduri applikabbli, b'mod partikolari, jekk:

F'tali każijiet, il-kontribuzzjoni mill-FEŻR imsemmija fil-paragrafu 1 li tikkorrispondi għall-pagamenti akkont annwali li jkunu għadhom ma ġewx impenjati, jew pagamenti akkont annwali impenjati u diżimpenjati totalment jew parzjalment fl-istess sena baġitarja, li ma tkunx ġiet riallokata lil programm Interreg ieħor appoġġat ukoll mill-IPA III-CBC jew l-NDICI-CBC, rispettivament, għandha tiġi allokata lill-programmi Interreg transkonfinali interni li fihom l-Istat Membru kkonċernat jipparteċipa.

4.   Fir-rigward ta' programm Interreg B diġà approvat mill-Kummissjoni, il-parteċipazzjoni ta' pajjiż sieħeb jew ta' PTEE għandha titwaqqaf jekk waħda mis-sitwazzjonijiet stabbiliti fil-punti (a) jew (b) tal-ewwel subparagrafu tal-paragrafu 3 tiġi ssodisfata.

L-Istati Membri parteċipanti u, fejn applikabbli, il-bqija tal-pajjiżi sħab parteċipanti, għandhom jitolbu li:

Fejn l-allokazzjoni lill-programm Interreg titnaqqas skont il-punt (b), il-kontribuzzjoni mill-FEŻR li tikkorrispondi għall-pagamenti akkont annwali li jkunu għadhom ma ġewx impenjati, għandha tiġi allokata lil programm Interreg B ieħor fejn Stat Membru wieħed jew aktar minn dawk ikkonċernat jipparteċipa jew, fejn Stat Membru jipparteċipa biss fi programm Interreg B wieħed, lil programm Interreg transkonfinali intern wieħed jew aktar li fih jipparteċipa dak l-Istat Membru.

5.   Il-kontribuzzjoni mill-IPA III, mill-NDICI jew mill-programm għall-PTEE imnaqqsa skont dan l-Artikolu għandha tintuża f'konformità mar-Regolament tal-IPA III, mar-Regolament (UE) 2021/947 jew mad-Deċiżjoni 2013/755/UE, rispettivament.

6.   Fejn pajjiż terz, pajjiż sieħeb jew PTEE li jikkontribwixxu għal programm Interreg b'riżorsi nazzjonali, li ma jikkostitwixxux il-kofinanzjament nazzjonali ta' appoġġ mill-FEŻR jew minn strument ta' finanzjament estern tal-Unjoni, inaqqsu dik il-kontribuzzjoni matul l-implimentazzjoni tal-programm Interreg, jew globalment jew fir-rigward ta' operazzjonijiet konġunti diġà magħżula u wara li jkunu rċevew id-dokument previst fl-Artikolu 22(6), l-Istat Membru jew l-Istati Membri parteċipanti għandhom jitolbu waħda mill-opzjonijiet stipulati fit-tieni subparagrafu tal-paragrafu 4 ta' dan l-Artikolu.

1.   Ir-rata ta' kofinanzjament fil-livell ta' kull programm Interreg ma għandhiex tkun ogħla minn 80 %.

2.   Minkejja l-paragrafu 1 ta’ dan l-Artikolu, ir-rata ta' kofinanzjament għall-programmi Interreg D ma għandhiex tkun ogħla minn 85 % sakemm ma jiġix stabbilit perċentwal ogħla fid-Deċiżjoni 2013/755/UE jew fi kwalunkwe att adottat taħt dik id-Deċiżjoni jew, fejn applikabbli, adottat taħt ir-Regolament (UE) 2021/947, jew fi kwalunkwe att adottat taħt dak ir-Regolament.

3.   Fejn il-programmi Interreg ikunu appoġġati mill-FEŻR u l-IPA III-CBC u fejn l-allokazzjoni mill-FEŻR ikunu 50 % jew inqas tal-allokazzjoni totali tal-Unjoni, jista' jiġi ffissat perċentwal ogħla fir-Regolament tal-IPA III jew fi kwalunkwe att adottat taħt dak ir-Regolament.

4.   Fejn il-programmi Interreg ikunu appoġġati mill-FEŻR u l-NDICI waħdu, jew mill-FEŻR u kemm l-NDICI kif ukoll l-IPA III, u fejn l-allokazzjoni mill-FEŻR tkun 50 % jew inqas tal-allokazzjoni totali tal-Unjoni, jista' jiġi ffissat perċentwal ogħla fir-Regolament (UE) 2021/947 jew fi kwalunkwe att adottat taħt dak ir-Regolament.

1.   Il-FEŻR, skont il-kamp ta' applikazzjoni tiegħu kif stabbilit fl-Artikolu 5 tar-Regolament (UE) 2021/1058, u, fejn applikabbli, l-istrumenti ta' finanzjament estern tal-Unjoni għandhom jikkontribwixxu għall-objettivi ta' politika stabbiliti fl-Artikolu 5(1) tar-Regolament (UE) 2021/1060 permezz ta' azzjonijiet konġunti taħt il-programmi Interreg.

2.   Fil-każ tal-programm transkonfinali PEACE PLUS, fejn ikun qed jaġixxi favur il-paċi u r-rikonċiljazzjoni, il-FEŻR, bħala objettiv speċifiku skont l-objettiv ta' politika 4, għandu jikkontribwixxi wkoll għall-promozzjoni tal-istabbiltà soċjali, ekonomika u reġjonali fir-reġjuni kkonċernati, partikolarment permezz ta' azzjonijiet għall-promozzjoni tal-koeżjoni bejn il-komunitajiet. Prijorità separata għandha tappoġġa dan l-objettiv speċifiku.

3.   Minbarra l-objettivi speċifiċi tal-FEŻR kif stabbiliti fl-Artikolu 3 tar-Regolament (UE) 2021/1058, il-FEŻR u, fejn applikabbli, l-istrumenti ta' finanzjament estern tal-Unjoni għandhom jikkontribwixxu wkoll għall-objettivi speċifiċi (a) sa (l) tal-Artikolu 4(1) tar-Regolament (UE) 2021/1057 permezz ta' azzjonijiet konġunti skont il-programmi Interreg.

4.   Taħt il-programmi Interreg, il-FEŻR u, fejn applikabbli, l-istrumenti ta' finanzjament estern tal-Unjoni, jistgħu jappoġġaw ukoll l-objettiv speċifiku għall-Interreg ta’ "governanza aħjar tal-kooperazzjoni", permezz ta’ waħda jew aktar mill-azzjonijiet li ġejjin:

5.   Taħt il-programmi Interreg, il-FEŻR u, fejn applikabbli, l-istrumenti ta' finanzjament estern tal-Unjoni, jistgħu jikkontribwixxu wkoll għall-objettiv speċifiku għall-Interreg ta’ "Ewropa b'inqas periklu u aktar sigurtà", b'mod partikolari permezz ta' azzjonijiet fl-oqsma tal-ġestjoni tal-qsim tal-fruntieri u l-ġestjoni tal-mobbiltà u l-migrazzjoni, pereżempju l-protezzjoni u l-integrazzjoni ekonomika u soċjali ta' ċittadini ta' pajjiżi terzi inkluż migranti u benefiċjarji ta' protezzjoni internazzjonali.

1.   Tal-anqas 60 % tal-kontribuzzjoni mill-FEŻR u, fejn applikabbli, tal-istrumenti ta' finanzjament estern tal-allokazzjonijiet tal-Unjoni lil kull programm Interreg A, B u D għandhom ikunu allokati għall-objettiv ta' politika 2 u mhux aktar minn żewġ objettivi ta' politika oħrajn stipulati fl-Artikolu 5(1) tar-Regolament (UE) 2021/1060.

Il-programmi Interreg A tul il-fruntieri interni fuq l-art għandhom jallokaw mill-inqas 60 % tal-kontribuzzjoni allokata mill-FEŻR għall-objettivi ta' politika 2 u 4 u għal mhux aktar minn żewġ objettivi ta' politika oħra stipulati fl-Artikolu 5(1) tar-Regolament (UE) 2021/1060.

2.   Sa 20 % tal-kontribuzzjoni mill-FEŻR u, fejn applikabbli, mill-istrumenti ta' finanzjament estern tal-allokazzjonijiet tal-Unjoni lil kull programm Interreg A, B u D, jistgħu jiġu allokati sa 20 % għall-objettiv speċifiku għall-Interreg ta’ "governanza aħjar tal-kooperazzjoni" u sa 5 % għall-objettiv speċifiku għall-Interreg ta’ "Ewropa b'inqas periklu u aktar sigurtà".

3.   Fejn programm Interreg B jappoġġa strateġija makroreġjonali, jew strateġija tal-baċiri tal-baħar, tal-inqas 80 % tal-kontribuzzjoni mill-FEŻR u, fejn applikabbli, parti mill-allokazzjonijiet lill-istrumenti ta' finanzjament estern tal-Unjoni fil-qafas ta' prijoritajiet oħra minbarra l-assistenza teknika għandha tikkontribwixxi għall-objettivi ta' dik l-istrateġija.

4.   L-objettivi ta' politika kollha stabbiliti fl-Artikolu 5(1) tar-Regolament (UE) 2021/1060 u l-objettiv speċifiku għall-Interreg ta’ "governanza aħjar tal-kooperazzjoni" jistgħu jintgħażlu għall-programmi Interreg Ewropa u URBACT. Għall-programmi INTERACT u ESPON, il-kontribuzzjoni totali mill-FEŻR u, fejn applikabbli, l-istrumenti ta' finanzjament estern tal-allokazzjonijiet tal-Unjoni għandhom ikunu allokati lill-objettiv speċifiku għall-Interreg ta’ "governanza aħjar tal-kooperazzjoni".

1.   Il-mira tal-kooperazzjoni territorjali Ewropea (Interreg) għandha tiġi implimentata permezz tal-programmi Interreg taħt ġestjoni kondiviża bl-eċċezzjoni tal-programmi Interreg D, li jistgħu jiġu implimentati fl-intier tagħhom jew parzjalment taħt ġestjoni indiretta bi qbil mal-Istat Membru jew Stati Membri kkonċernati wara konsultazzjoni mal-partijiet ikkonċernati.

2.   L-Istati Membri parteċipanti u, fejn applikabbli, pajjiżi terzi, pajjiżi sħab, PTEE, jew organizzazzjonijiet ta' integrazzjoni u kooperazzjoni reġjonali parteċipanti, għandhom iħejju programm Interreg skont il-mudell stabbilit fl-Anness għall-perjodu mill-1 ta' Jannar 2021 sal-31 ta' Diċembru 2027.

3.   L-Istati Membri parteċipanti għandhom iħejju programm Interreg f'kooperazzjoni mas-sħab tal-programm imsemmija fl-Artikolu 8 tar-Regolament (UE) 2021/1060. Fit-tħejjija tal-programmi Interreg B, li jkopru strateġiji makroreġjonali u tal-baċiri tal-baħar, l-Istati Membri u s-sħab tal-programmi għandhom jieħdu kont tal-prijoritajiet tematiċi tal-istrateġiji makroreġjonali u dawk tal-baċiri tal-baħar rilevanti u jikkonsultaw lill-atturi rilevanti, kif ukoll jiżguraw li dawn l-atturi fil-livell makroreġjonali u tal-baċiri tal-baħar jinġabru flimkien fil-bidu tal-perjodu ta' programmazzjoni skont dak l-Artikolu.

Il-pajjiżi terzi jew pajjiżi sħab jew, fejn applikabbli, il-PTEE parteċipanti għandhom jinvolvu wkoll lis-sħab tal-programm, inkluż l-organizzazzjonijiet ta' integrazzjoni u kooperazzjoni reġjonali, ekwivalenti għal dawk imsemmija f'dak l-Artikolu.

4.   L-Istat Membru li jkun qed jospita l-awtorità ta' ġestjoni prospettiva, għandu jippreżenta programm Interreg lill-Kummissjoni sat-2 ta April 2022 f'isem l-Istati Membri parteċipanti kollha u, fejn applikabbli, pajjiżi terzi, pajjiżi sħab jew PTEE, jew organizzazzjonijiet ta' integrazzjoni u kooperazzjoni reġjonali.

Madankollu, fejn programm Interreg jkopri appoġġ minn strument ta' finanzjament estern tal-Unjoni, l-Istat Membru li jkun qed jospita l-awtorità ta' ġestjoni prospettiva għandu jippreżenta l-programm Interreg lill-Kummissjoni mhux aktar tard minn disa' xhur wara l-adozzjoni mill-Kummissjoni tad-dokumenti ta' strateġija pluriennali rilevanti previsti fl-Artikolu 10(1) jew f’konformità mal-att leġiżlattiv bażiku rispettiv ta' dak l-istrument ta' finanzjament estern tal-Unjoni.

5.   L-Istati Membri parteċipanti, u fejn applikabbli, pajjiżi terzi, pajjiżi sħab jew PTEE parteċipanti, għandhom jikkonfermaw bil-miktub il-qbil tagħhom mal-kontenut ta' programm Interreg qabel il-preżentazzjoni tiegħu lill-Kummissjoni. Dak il-qbil għandu jinkludi wkoll impenn mill-Istati Membri parteċipanti kollha u, fejn applikabbli, mill-pajjiżi terzi, pajjiżi sħab jew PTEE parteċipanti, sabiex jipprovdu l-kofinanzjament meħtieġ għall-implimentazzjoni tal-programm Interreg u, fejn applikabbli, l-impenn għall-kontribuzzjoni finanzjarja tal-pajjiżi terzi, pajjiżi sħab jew PTEE.

B'deroga mill-ewwel subparagrafu, fil-każ tal-programmi Interreg li jinvolvu reġjuni ultraperiferiċi u pajjiżi terzi, pajjiżi sħab jew PTEE, l-Istati Membri kkonċernati għandhom jikkonsultaw lill-pajjiżi terzi, pajjiżi sħab jew PTEE rispettivi qabel ma jippreżentaw il-programmi Interreg lill-Kummissjoni. F'dak il-każ, il-qbil mal-kontenut tal-programmi Interreg u l-kontribuzzjoni finanzjarja possibbli mill-pajjiżi terzi, pajjiżi sħab jew PTEE jistgħu jiġu espressi, minflok, fil-minuti formalment approvati tal-laqgħat ta' konsultazzjoni mal-pajjiżi terzi, pajjiżi sħab jew PTEE kkonċernati jew tad-deliberazzjonijiet tal-organizzazzjonijiet ta' integrazzjoni u kooperazzjoni reġjonali.

6.   Il-Kummissjoni hija mogħtija s-setgħa li tadotta atti delegati f'konformità mal-Artikolu 62 biex temenda l-Anness sabiex tadatta għal bidliet li jkunu qed iseħħu matul il-perjodu ta' programmazzjoni għal elementi mhux essenzjali tiegħu.

1.   Kull programm Interreg għandu jistabbilixxi strateġija konġunta għall-kontribuzzjoni tal-programm lejn l-objettivi ta’ politika stabbiliti fl-Artikolu 5 tar-Regolament (UE) 2021/1060 u, fejn rilevanti, lejn l-objettivi speċifiċi għall-Interreg stipulati fl-Artikolu 14(4) u (5) ta' dan ir-Regolament u jagħti l-komunikazzjoni tar-riżultati tiegħu.

2.   Kull programm Interreg għandu jikkonsisti minn prijoritajiet.

Kull prijorità għandha tikkorrispondi għal objettiv ta' politika uniku jew, fejn applikabbli, għal objettiv wieħed speċifiku għall-Interreg jew għat-tnejn li huma, rispettivament, u għandha tikkonsisti minn objettiv speċifiku wieħed jew aktar. Aktar minn prijorità waħda tista' tikkorrispondi għall-istess politika jew objettiv speċifiku għall-Interreg.

3.   Kull programm Interreg għandu jistabbilixxi:

Meta Stat Membru jippreżenta il-programm, huwa jiżgura li l-programm ikun akkumpanjat, għal finijiet ta' informazzjoni, minn lista ta' operazzjonijiet ippjanati ta' importanza strateġika u skeda ta' żmien.

4.   Fir-rigward tal-informazzjoni msemmija fil-paragrafu 3 għat-tabelli msemmija fil-punt (f) ta’ dan il-paragrafu u f'dak li jikkonċerna l-appoġġ minn strumenti ta' finanzjament estern tal-Unjoni, dawk l-allokazzjonijiet finanzjarji għandhom ikunu stabbiliti kif ġej:

5.   Fir-rigward tal-punt (e)(vi) tal-ewwel subparagrafu tal-paragrafu 3 ta’ dan l-Artikolu, it-tipi ta' intervent għandhom ikunu bbażati fuq nomenklatura stabbilita fl-Anness I tar-Regolament (UE) 2021/1060.

6.   Il-programm Interreg għandu:

7.   L-awtorità ta' ġestjoni għandha tikkomunika lill-Kummissjoni kwalunkwe bidliet fl-informazzjoni msemmija fil-punt (a) jew (b) tal-paragrafu 6 mingħajr ma teħtieġ l-emendar tal-programm.

8.   Fir-rigward ta' programm Interreg A, B jew D, fejn programm A ikopri fruntieri twal bi sfidi u ħtiġijiet ta' żvilupp eteroġenji, l-Istati Membri u, fejn applikabbli, il-pajjiżi terzi, il-pajjiżi sħab u l-PTEE parteċipanti fi programm Interreg jistgħu jiddefinixxu żoni tas-sottoprogramm.

9.   B'deroga mill-paragrafu 3, il-kontenut tal-programmi Interreg C għandu jkun adattat għall-karattru speċifiku ta' dawk il-programmi Interreg, b'mod partikolari kif ġej:

1.   Il-Kummissjoni għandha tivvaluta kull programm Interreg u l-konformità tiegħu mar-Regolamenti (UE) 2021/1060 u (UE) 2021/1058 u dan ir-Regolament u, fil-każ ta' appoġġ minn strument ta' finanzjament estern tal-Unjoni u fejn rilevanti, il-konsistenza tiegħu mad-dokumenti ta' strateġija pluriennali skont l-Artikolu 10(1) ta' dan ir-Regolament jew il-qafas ta' pprogrammar strateġiku rilevanti skont l-att leġiżlattiv bażiku rispettiv ta' wieħed jew aktar minn dawk l-istrumenti.

2.   Il-Kummissjoni tista' tagħmel kummenti fi żmien tliet xhur mid-data ta' preżentazzjoni tal-programm Interreg mill-Istat Membru li jospita l-awtorità ta' ġestjoni prospettiva.

3.   L-Istati Membri u, fejn applikabbli, pajjiżi terzi jew sħab jew l-PTEE parteċipanti għandhom jeżaminaw mill-ġdid il-programm Interreg billi jikkunsidraw il-kummenti magħmulin mill-Kummissjoni.

4.   Il-Kummissjoni għandha tadotta deċiżjoni permezz ta' att ta' implimentazzjoni li japprova kull programm Interreg mhux aktar tard minn ħames xhur wara d-data tal-ewwel preżentazzjoni ta' dak il-programm mill-Istat Membru li jospita l-awtorità ta' ġestjoni prospettiva.

5.   Fir-rigward tal-programmi Interreg transkonfinali esterni, il-Kummissjoni għandha tadotta d-deċiżjonijiet tagħha f'konformità mal-paragrafu 4 ta’ dan l-Artikolu wara konsultazzjoni mal-"Kumitat tal-IPA III" f'konformità mad-dispożizzjoni rilevanti tar-Regolament tal-IPA III u mal-"Kumitat tal-Istrument ta' Viċinat, ta' Kooperazzjoni għall-Iżvilupp u ta' Kooperazzjoni Internazzjonali " f'konformità mal-Artikolu 45 tar-Regolament (UE) 2021/947.

1.   Wara l-konsultazzjoni mal-kumitat ta' monitoraġġ u l-approvazzjoni minnu u f'konformità mal-Artikolu 8 tar-Regolament (UE) 2021/1060, l-awtorità ta' ġestjoni tista' tippreżenta talba motivata għall-emendar ta' programm Interreg flimkien mal-programm emendat, li tippreżenta l-impatt mistenni ta' dik l-emenda fuq it-twettiq tal-objettivi.

2.   Il-Kummissjoni għandha tivvaluta l-konformità tal-emenda mitluba mar-Regolamenti (UE) 2021/1060 u (UE) 2021/1058 u ma’ dan ir-Regolament u tista' tagħmel kummenti fi żmien xahrejn mid-data tal-preżentazzjoni tal-programm emendat.

3.   L-Istati Membri u, fejn applikabbli, pajjiżi terzi, pajjiżi sħab jew l-PTEE parteċipanti għandhom jeżaminaw mill-ġdid il-programm emendat u jikkunsidraw il-kummenti magħmulin mill-Kummissjoni.

4.   Il-Kummissjoni għandha tadotta deċiżjoni permezz ta’ att ta’ implimentazzjoni li japprova l-emendar ta' programm Interreg sa mhux aktar tard minn erba' xhur wara l-preżentazzjoni tiegħu mill-awtorità ta' ġestjoni.

5.   Wara l-konsultazzjoni mal-kumitat ta' monitoraġġ u l-approvazzjoni minnu u f'konformità mal-Artikolu 8 tar-Regolament (UE) 2021/1060, l-awtorità ta' ġestjoni tista' tittrasferixxi matul il-perjodu ta' programmazzjoni ammont sa 10 % tal-allokazzjoni inizjali ta' prijorità u mhux aktar minn 5 % tal-baġit tal-programm lil prijorità oħra tal-istess programm Interreg.

Tali trasferimenti ma għandhomx jaffettwaw snin preċedenti.

It-trasferiment u l-bidliet relatati ma għandhomx ikunu kkunsidrati bħala sostanzjali u ma għandhomx jeħtieġu deċiżjoni tal-Kummissjoni li temenda l-programm Interreg. Iżda, huma għandhom jikkonformaw mar-rekwiżiti regolatorji kollha. L-awtorità ta' ġestjoni għandha tippreżenta lill-Kummissjoni t-tabella riveduta msemmija fil-punt (f)(ii) tal-Artikolu 17(3) flimkien ma' kwalunkwe bidla relatata fil-programm.

6.   L-approvazzjoni tal-Kummissjoni ma għandhiex tkun meħtieġa għal korrezzjonijiet ta' natura purament klerikali jew editorjali li ma jaffettwawx l-implimentazzjoni tal-programm Interreg. L-awtorità ta' ġestjoni għandha tinforma lill-Kummissjoni dwar tali korrezzjonijiet.

1.   L-operazzjonijiet Interreg għandhom jintgħażlu f'konformità mal-istrateġija u l-objettivi tal-programm minn kumitat ta' monitoraġġ stabbilit f'konformità mal-Artikolu 28.

Dak il-kumitat ta' monitoraġġ jista' jistabbilixxi kumitat ta' tmexxija wieħed jew, b'mod partikolari fil-każ ta' sottoprogrammi, għadd ta' kumitati ta' tmexxija li jaġixxu taħt ir-responsabbiltà tiegħu għall-għażla tal-operazzjonijiet. Il-kumitati ta' tmexxija għandhom japplikaw il-prinċipju ta' sħubija kif jinsab fl-Artikolu 8 tar-Regolament (UE) 2021/1060.

Meta operazzjoni sħiħa jew parti minnha tkun implimentata barra miż-żona tal-programm ġewwa jew barra l-Unjoni, l-għażla ta' dik l-operazzjoni għandha teħtieġ l-approvazzjoni espliċita mill-awtorità ta' ġestjoni fil-kumitat ta' monitoraġġ jew, fejn applikabbli, il-kumitat ta' tmexxija.

Meta l-operazzjoni tkun tinvolvi sieħeb wieħed jew aktar li jkunu jinsabu fit-territorju ta' Stat Membru, pajjiż terz, pajjiż sieħeb jew PTEE li ma jkunx rappreżentat fil-kumitat ta' monitoraġġ, l-awtorità ta' ġestjoni għandha tikkundizzjona l-approvazzjoni espliċita tagħha għall-preżentazzjoni ta' aċċettazzjoni bil-miktub mill-Istat Membru, pajjiż terz, pajjiż sieħeb jew PTEE ikkonċernat biex jirrimborża kwalunkwe ammont imħallas indebitament lil dawn is-sħab, f'konformità mal-Artikolu 52(2).

Meta l-aċċettazzjoni bil-miktub imsemmija fir-raba’ subparagrafu ta’ dan il-paragrafu ma tkunx tista' tinkiseb, il-korp li jimplimenta operazzjoni sħiħa jew parti minnha barra ż-żona tal-programm għandu jikseb garanzija minn bank jew istituzzjoni finanzjarja oħra għall-ammont korrispondenti tal-fondi Interreg mogħtija. Tali garanzija għandha tkun inkluża fid-dokument previst fil-paragrafu 6.

2.   Għall-għażla tal-operazzjonijiet, il-kumitat ta' monitoraġġ jew, fejn applikabbli, il-kumitat ta' tmexxija, għandu jistabbilixxi u japplika kriterji u proċeduri mhux diskriminatorji u trasparenti, li jiżguraw l-aċċessibbiltà għall-persuni b'diżabilità u l-ugwaljanza bejn il-ġeneri, u jikkunsidraw il-Karta tad-Drittijiet Fundamentali tal-Unjoni Ewropea u l-prinċipju ta' żvilupp sostenibbli u tal-politika tal-Unjoni dwar l-ambjent f'konformità mal-Artikolu 11 u mal-Artikolu 191(1) TFUE.

Il-kriterji u l-proċeduri għandhom jiżguraw il-prijoritizzazzjoni ta' operazzjonijiet li għandhom jintgħażlu bil-ħsieb li jimmassimizzaw il-kontribuzzjoni tal-finanzjament tal-Unjoni biex jitwettqu l-objettivi tal-programm Interreg u biex tiġi implimentata d-dimensjoni tal-kooperazzjoni tal-operazzjonijiet taħt il-programmi Interreg, kif stabbilit fl-Artikolu 23(1) u (4) ta’ dan ir-Regolament.

3.   Fuq talba tal-Kummissjoni, l-awtorità ta' ġestjoni għandha tinnotifika l-kriterji tal-għażla lill-Kummissjoni qabel l-ewwel preżentazzjoni tagħhom lill-kumitat ta' monitoraġġ jew, fejn applikabbli, il-kumitat ta' tmexxija. L-istess għandu japplika għal kwalunkwe bidla sussegwenti għal dawn il-kriterji.

4.   Fl-għażla tal-operazzjonijiet, il-kumitat ta' monitoraġġ jew, fejn applikabbli, il-kumitat ta' tmexxija għandu:

5.   Il-kumitat ta' monitoraġġ jew, fejn applikabbli, il-kumitat ta' tmexxija għandu japprova l-metodoloġija u l-kriterji użati għall-għażla ta' operazzjonijiet Interreg, inkluż kwalunkwe bidla għalih, mingħajr preġudizzju għall-punt (b) tal-Artikolu 33(3) tar-Regolament (UE) 2021/1060 fir-rigward tas-CLLD u l-Artikolu 24 ta' dan ir-Regolament.

6.   Għal kull operazzjoni Interreg, l-awtorità ta' ġestjoni għandha tipprovdi dokument tas-sieħeb ewlieni jew uniku li jistabbilixxi l-kundizzjonijiet għall-appoġġ tal-operazzjoni Interreg, inkluż r-rekwiżiti speċifiċi li jikkonċernaw il-prodotti jew is-servizzi li għandhom jiġu fornuti, il-pjan ta' finanzjament tagħha, il-limitu ta' żmien għall-eżekuzzjoni tagħha u, fejn applikabbli, il-metodu li għandu jiġi applikat għad-determinazzjoni tal-ispejjeż tal-operazzjoni u l-kundizzjonijiet għall-pagament tal-appoġġ.

Dak id-dokument għandu jistipula wkoll l-obbligi tas-sieħeb ewlieni fir-rigward tal-irkupri skont l-Artikolu 52. Dawk l-obbligi għandhom ikunu definiti mill-kumitat ta' monitoraġġ.

1.   L-operazzjonijiet magħżula taħt il-programmi Interreg A, B u D għandhom jinvolvu sħab minn tal-anqas żewġ pajjiżi parteċipanti jew PTEE, fejn mill-anqas wieħed minnhom għandu jkun benefiċjarju minn Stat Membru.

L-operazzjonijiet magħżula taħt il-programmi Interreg Ewropa u URBACT għandhom jinvolvu sħab minn tal-anqas tliet pajjiżi parteċipanti, fejn mill-anqas tnejn minnhom għandhom ikunu benefiċjarji minn Stati Membri.

Il-benefiċjarji li jirċievu appoġġ minn fondi Interreg u s-sħab li jipparteċipaw fl-operazzjoni iżda li ma jirċievu ebda appoġġ finanzjarju taħt dawk il-fondi (flimkien imsejħin "sħab") jikkostitwixxu sħubija ta' operazzjoni Interreg.

2.   Operazzjoni Interreg tista' tiġi implimentata f'pajjiż jew PTEE wieħed, dment li l-impatt u l-benefiċċji għaż-żona tal-programm huma identifikati fl-applikazzjoni tal-operazzjoni.

3.   Il-paragrafu 1 ma għandux japplika għall-operazzjonijiet taħt il-programm transkonfinali PEACE PLUS fejn il-programm ikun qed jaġixxi biex jappoġġa l-paċi u r-rikonċiljazzjoni.

4.   Is-sħab għandhom jikkooperaw fl-iżvilupp u fl-implimentazzjoni kif ukoll fil-ħatra ta' persunal u jew fil-finanzjament jew it-tnejn li huma ta' operazzjonijiet Interreg.

Għal operazzjonijiet Interreg taħt il-programmi Interreg D, is-sħab minn reġjuni ultraperiferiċi u pajjiżi terzi, pajjiżi sħab jew PTEE għandhom ikunu meħtieġa li jikkooperaw biss fi tnejn mill-erba' dimensjonijiet elenkati fl-ewwel subparagrafu.

5.   Fejn ikun hemm żewġ sħab jew aktar, wieħed minnhom għandu jkun innominat mis-sħab kollha bħala s-sieħeb ewlieni.

6.   Entità legali transkonfinali jew REKT jista' jkun l-uniku sieħeb ta' operazzjoni Interreg taħt il-programmi Interreg A, B u D, dment li l-membri tiegħu jinvolvu sħab minn tal-anqas żewġ pajjiżi parteċipanti.

L-entità legali transkonfinali jew REKT għandu jkollhom membri minn tal-anqas tliet pajjiżi parteċipanti taħt il-programmi Interreg Ewropa u URBACT.

Entità legali li timplimenta strument finanzjarju, fond ta' fondi ta’ parteċipazzjoni, jew fond għal proġetti żgħar, kif applikabbli, tista' tkun l-uniku sieħeb ta' operazzjoni Interreg mingħajr l-applikazzjoni tar-rekwiżiti għall-kompożizzjoni tagħha stipulati fl-ewwel subparagrafu.

7.   Sieħeb uniku għandu jkun irreġistrat fi Stat Membru parteċipanti fil-programm Interreg.

1.   Il-programmi Interreg A, B u D għandhom jappoġġaw proġetti ta' volum finanzjarju limitat:

2.   Fejn programm Interreg B jew D ma jkunx jista' jissodisfa l-obbligu stipulat fil-paragrafu 1, ir-raġunijiet għalfejn l-obbligu ma jistax jiġi sodisfatt għandhom jiġu stabbiliti fid-dokument tal-programm f'konformità mal-punt 6 tal-mudell mogħti fl-Anness.

1.   Il-kontribuzzjoni totali mill-FEŻR jew, fejn applikabbli, strument ta' finanzjament estern tal-Unjoni, għal fondi għal proġetti żgħar fi ħdan programm Interreg ma għandhiex taqbeż 20 % tal-allokazzjoni totali tal-programm Interreg.

Ir-riċevituri finali fl-ambitu ta' fond għal proġett żgħir għandhom jirċievu l-appoġġ mill-FEŻR jew, fejn applikabbli mill-istrumenti ta' finanzjament estern tal-Unjoni permezz tal-benefiċjarju u jimplimentaw proġetti żgħar f'dak il-fond għal proġett żgħir ("proġett żgħir").

2.   Il-fond għal proġett żgħir jikkostitwixxi operazzjoni fis-sens tal-punt 4 tal-Artikolu 2 tar-Regolament (UE) 2021/1060 li għandha tkun ġestita minn benefiċjarju, filwaqt li jitqiesu l-kompiti u r-remunerazzjoni tiegħu.

Il-benefiċjarju għandu jkun entità legali transkonfinali jew REKT jew korp li jkollu personalità ġuridika.

Il-benefiċjarju għandu jagħżel il-proġetti ż-żgħar li jiġu implimentati mir-riċevituri finali fis-sens tal-punt (18) tal-Artikolu 2 tar-Regolament (UE) 2021/1060. Fejn il-benefiċjarju ma jkunx entità legali transkonfinali jew REKT, korp li jinvolvi rappreżentanti minn tal-anqas żewġ pajjiżi parteċipanti, li tal-anqas wieħed minnhom ikun Stat Membru, għandu jagħżel il-proġetti żgħar konġunti.

3.   Id-dokument li jistabbilixxi l-kundizzjonijiet ta' appoġġ għal fond għal proġett żgħir għandu, minbarra l-elementi stabbiliti fl-Artikolu 22(6), jistabbilixxi l-elementi meħtieġa sabiex jiżgura li l-benefiċjarju:

Il-benefiċjarju għandu jiżgura li r-riċevituri finali jikkonformaw mar-rekwiżiti stipulati fl-Artikolu 36.

4.   L-għażla ta' proġetti żgħar ma għandhiex tikkostitwixxi delegazzjoni ta' kompiti mill-awtorità ta' ġestjoni lil korp intermedju kif imsemmi fl-Artikolu 71(3) tar-Regolament (UE) ) 2021/1060.

5.   L-ispejjeż tal-persunal u spejjeż oħra li jikkorrispondu għall-kategoriji tal-ispejjeż fl-Artikoli 39 sa 43 iġġenerati fil-livell tal-benefiċjarju għall-ġestjoni tal-fond jew fondi għal proġett żgħir ma għandhomx jaqbżu 20 % tal-ispiża eliġibbli totali tal-fond jew fondi għal proġett żgħir, rispettivament.

6.   Fejn il-kontribuzzjoni pubblika għal proġett żgħir li ma taqbiżx EUR 100 000, il-kontribuzzjoni mill-FEŻR jew, fejn applikabbli, strument ta' finanzjament estern tal-Unjoni għandhom jieħdu l-forma ta' kost unitarju jew somom f'daqqa jew finanzjament b’rati fissi, minbarra proġetti li għalihom l-appoġġ jikkostitwixxix għajnuna mill-Istat.

Fejn l-ispejjeż totali ta' kull proġett ma jaqbżux il-EUR 100 000, l-ammont ta' appoġġ għal proġett żgħir wieħed jew aktar jista' jiġi stabbilit abbażi ta' abbozz ta' baġit li jkun stabbilit fuq bażi ta' każ b'każ u miftiehem ex ante mill-benefiċjarju li jimmaniġġja l-fond għal proġett żgħir.

Fejn jintuża finanzjament b'rata fissa, il-kategoriji tal-ispejjeż li għalihom tapplika r-rata fissa jistgħu jiġu rimborżati f'konformità mal-punt (a) tal-Artikolu 53(1) tar-Regolament (UE) 2021/1060.

1.   Is-sieħeb ewlieni għandu:

2.   Jekk ma jkunx speċifikat mod ieħor fl-arranġamenti stipulati skont il-punt (a) tal-paragrafu 1, is-sieħeb ewlieni għandu jiżgura li s-sħab l-oħra jirċievu l-ammont totali tal-kontribuzzjoni mill-fond rispettiv tal-Unjoni b'mod sħiħ u f’terminu ta’ żmien miftiehem mis-sħab kollha u wara l-istess proċedura applikata fir-rigward tas-sieħeb ewlieni. L-ebda ammont ma għandu jitnaqqas jew jinżamm u ma għandha tinġabar l-ebda tariffa speċifika jew tariffa oħra b'effett ekwivalenti li ser tkun qed tnaqqas dak l-ammont għas-sħab l-oħra.

3.   Kwalunkwe sieħeb fi Stat Membru, f'pajjiż terz, f'pajjiż sieħeb jew f'PTEE parteċipanti f’operazzjoni Interreg jista' jinħatar bħala s-sieħeb ewlieni.

1.   L-ammont tal-fondi allokati għal assistenza teknika għandu jiġi identifikat bħala parti mill-allokazzjoni finanzjarja ta' kull prijorità tal-programm skont il-punt (f) tal-Artikolu 17(3) u ma għandux jieħu l-forma ta' prijorità separata jew programm speċifiku.

2.   L-assistenza teknika għal kull programm Interreg għandha tiġi rimborżata bl-applikazzjoni tal-perċentwali stipulati fil-paragrafu 3 ta’ dan l-Artikolu għan-nefqa eliġibbli inkluża f'kull applikazzjoni għal pagament skont il-punt (a) jew (c) tal-Artikolu 91(3) tar-Regolament (UE) 2021/1060 kif ikun xieraq.

3.   Il-perċentwal tal-kontribuzzjoni mill-FEŻR u l-istrumenti ta' finanzjament estern tal-Unjoni li għandu jiġu rimborżat għal assistenza teknika għandu jkun kif ġej:

4.   Għal programmi Interreg b'allokazzjoni totali mill-FEŻR bejn EUR 30 000 000 u EUR 50 000 000, l-ammont li jirriżulta mill-perċentwali għal assistenza teknika għandu jiżdied b'ammont addizzjonali ta' EUR 500 000. Il-Kummissjoni għandha żżid dak l-ammont għall-ewwel pagament interim.

5.   Għal programmi Interreg b'allokazzjoni totali mill-FEŻR ta' anqas minn EUR 30 000 000, l-ammont meħtieġ għall-għajnuna teknika espress f'EUR u tal-perċentwali li jirriżulta għandu jiġi stabbilit fid-deċiżjoni tal-Kummissjoni li tapprova l-programm Interreg ikkonċernat skont l-Artikolu 18.

1.   L-Istati Membri u, fejn applikabbli, pajjiżi terzi, pajjiżi sħab u l-PTEE parteċipanti f'dan il-programm għandhom jistabbilixxu, bi qbil mal-awtorità ta' ġestjoni, kumitat biex jimmonitorja l-implimentazzjoni tal-programm Interreg rispettiv (il-"kumitat ta' monitoraġġ") fi żmien tliet xhur mid-data tan-notifika lill-Istati Membri tad-deċiżjoni tal-Kummissjoni li tapprova programm Interreg skont l-Artikolu 18.

2.   Kull kumitat ta' monitoraġġ għandu jadotta r-regoli ta' proċedura tiegħu.

Ir-regoli ta' proċedura tal-kumitat ta' monitoraġġ u, fejn applikabbli, tal-kumitat ta' tmexxija għandhom jipprevjenu kwalunkwe sitwazzjoni ta' kunflitt ta' interess fl-għażla tal-operazzjonijiet Interreg u għandhom jinkludu dispożizzjonijiet dwar id-drittijiet tal-vot u regoli għall-attendenza fil-laqgħat.

3.   Il-kumitat ta' monitoraġġ għandu jiltaqa' tal-anqas darba f'sena u għandu jirrevedi il-kwistjonijiet kollha li jaffettwaw il-progress tal-programm fit-twettiq tal-objettivi tiegħu.

4.   L-awtorità ta' ġestjoni għandha tippubblika r-regoli ta' proċedura tal-kumitat ta' monitoraġġ sommarju kemm tad-data kif ukoll tal-informazzjoni, inkluż deċiżjonijiet, approvati mill-kumitat ta' monitoraġġ fuq is-sit web imsemmi fl-Artikolu 36(2).

1.   Il-kompożizzjoni tal-kumitat ta' monitoraġġ ta' kull programm Interreg għandha tiġi miftiehma mill-Istati Membri u, fejn applikabbli, mill-pajjiżi terzi, il-pajjiżi sħab u l-PTEE parteċipanti f'dak il-programm, u għandha tiżgura rappreżentanza bilanċjata ta':

Il-kompożizzjoni tal-kumitat ta' monitoraġġ għandha tikkunsidra l-għadd ta' Stati Membri, pajjiżi terzi, pajjiżi sħab u PTEE parteċipanti fil-programm Interreg ikkonċernat.

2.   L-awtorità ta' ġestjoni għandha tippubblika lista tal-membri tal-kumitat ta' monitoraġġ fis-sit web imsemmi fl-Artikolu 36(2).

3.   Rappreżentanti tal-Kummissjoni għandhom jipparteċipaw fil-ħidma tal-kumitat ta' monitoraġġ f'kapaċità konsultattiva.

1.   Il-kumitat ta' monitoraġġ għandu jeżamina:

2.   Barra mill-kompiti tiegħu li jikkonċernaw l-għażla tal-operazzjonijiet elenkati fl-Artikolu 22, il-kumitat ta' monitoraġġ għandu japprova:

1.   Jista' jiġi organizzat rieżami mill-Kummissjoni bl-għan li tiġi eżaminata l-prestazzjoni tal-programmi Interreg.

Ir-rieżami jista' jsir bil-miktub.

2.   Fuq talba mill-Kummissjoni, l-awtorità ta' ġestjoni għandha, fi żmien xahar, tipprovdi lill-Kummissjoni informazzjoni fil-qosor dwar l-elementi elenkati fl-Artikolu 30(1). Dik l-informazzjoni għandha tkun ibbażata fuq l-aktar data reċenti disponibbli għall-Istati Membri u, fejn dan japplika, għal pajjiżi terzi, pajjiżi sħab u PTEE.

3.   L-eżitu tar-rieżami għandu jiġi rreġistrat f'minuti miftiehma.

4.   L-awtorità ta' ġestjoni għandha ssegwi l-kwistjonijiet imqajma mill-Kummissjoni u tinforma lill-Kummissjoni, fi żmien tliet xhur mid-data tar-rieżami, dwar il-miżuri meħuda.

1.   Kull awtorità ta' ġestjoni għandha tibgħat b'mod elettroniku lill-Kummissjoni data kumulattiva għall-programm Interreg rispettiv sal-31 ta' Jannar, it-30 ta' April, il-31 ta' Lulju u l-31 ta' Ottubru ta' kull sena f'konformità mal-mudell stabbilit fl-Anness VII għar-Regolament (UE) 2021/1060, bl-eċċezzjoni tal-informazzjoni meħtieġa fil-punt (b) tal-paragrafu 2 u fil-paragrafu 3 ta’ dan l-Artikolu li għandha tiġi trażmessa sal-31 ta' Jannar u l-31 ta' Lulju ta' kull sena.

L-ewwel trażmissjoni għandha tkun dovuta sal-31 ta' Jannar 2022 u l-aħħar waħda sal-31 ta' Jannar 2030.

2.   Id-data msemmija fil-paragrafu 1 għandha tagħti fid-dettall kull prijorità skont kull objettiv speċifiku u għandha tirreferi għal:

3.   Għal strumenti ta' finanzjament, id-data għandha tiġi pprovduta wkoll dwar dawn li ġejjin:

4.   Id-data ppreżentata f'konformità ma' dan l-Artikolu għandha tkun affidabbli u tirrifletti d-data disponibbli fis-sistema elettronika msemmija fil-punt (e) tal-Artikolu 72(1) tar-Regolament (UE) 2021/1060 sa tmiem ix-xahar ta' qabel ix-xahar tal-preżentazzjoni.

5.   L-awtorità ta' ġestjoni għandha tippubblika jew tipprovdi link għad-data kollha trażmessa lill-Kummissjoni fis-sit web imsemmi fl-Artikolu 36(2).

1.   Kull awtorità ta' ġestjoni għandha tippreżenta lill-Kummissjoni rapport finali dwar il-prestazzjoni tal-programm Interreg rispettiv sal-15 ta' Frar 2031.

Ir-rapport finali dwar il-prestazzjoni għandu jkun ippreżentat bl-użu tal-mudell stabbilit f'konformità mal-Artikolu 43(5) tar-Regolament (UE) 2021/1060.

2.   Ir-rapport finali dwar il-prestazzjoni għandu jivvaluta l-kisba tal-objettivi tal-programmi fuq il-bażi tal-elementi elenkati fl-Artikolu 30, bl-eċċezzjoni tal-punt (c) tal-paragrafu 1, u tal-punt (d) tal-paragrafu 2, tiegħu.

3.   Il-Kummissjoni għandha teżamina r-rapport finali dwar il-prestazzjoni u tinforma lill-awtorità ta' ġestjoni dwar kwalunkwe osservazzjoni fi żmien ħames xhur mid-data li fiha tkun irċeviet dak ir-rapport. Jekk ikunu saru osservazzjonijiet, l-awtorità ta' ġestjoni għandha tipprovdi l-informazzjoni kollha meħtieġa fir-rigward ta' dawk l-osservazzjonijiet u, fejn ikun xieraq, tinforma lill-Kummissjoni fi żmien tliet xhur mill-wasla tal-osservazzjonijiet, dwar il-miżuri meħuda. Il-Kummissjoni għandha tinforma lill-awtorità ta' ġestjoni dwar l-aċċettazzjoni tar-rapport fi żmien xahrejn minn meta tkun irċeviet l-informazzjoni kollha meħtieġa mill-awtorità ta' ġestjoni. Fejn il-Kummissjoni ma tinfurmax lill-awtorità ta' ġestjoni sad-dati tal-iskadenza, ir-rapport għandu jitqies bħala aċċettat.

4.   L-awtorità ta' ġestjoni għandha tippubblika r-rapport finali dwar il-prestazzjoni fis-sit web imsemmi fl-Artikolu 36(2).

1.   L-indikaturi tal-output u tar-riżultat komuni, stabbiliti fl-Anness I tar-Regolament (UE) 2021/1058, u, fejn neċessarju, l-indikaturi tal-output speċifiku għal programm u tar-riżultat għandhom ikunu użati f'konformità mal-Artikolu 16(1) tar-Regolament (UE) 2021/1060, u l-punt (e)(ii) tal-Artikolu 17(3) u l-punt (b) tal-Artikolu 32(2) ta' dan ir-Regolament.

2.   Fejn rilevanti, l-indikaturi tal-output speċifiku għal programm u tar-riżultat għandhom jintużaw flimkien mal-indikaturi li ntgħażlu f'konformità mal-paragrafu 1.

L-indikaturi komuni kollha tal-output u tar-riżultati elenkati fit-Tabella 2 tal-Anness I tar-Regolament (UE) 2021/1058 jistgħu jintużaw ukoll minn objettivi speċifiċi taħt kwalunkwe wieħed mill-objettivi ta' politika 1 sa 5 jew, fejn rilevanti, taħt l-objettivi speċifiċi għall-Interreg stipulati fl-Artikolu 14(4) u (5) ta' dan ir-Regolament.

3.   Għall-indikaturi tal-output, il-linji bażi għandhom ikunu stabbiliti fil-livell ta' żero. L-istadji importanti stabbiliti għall-2024 u l-miri stabbiliti għall-2029 għandhom ikunu kumulattivi.

1.   L-Istat Membru jew l-awtorità ta' ġestjoni għandhom iwettqu l-evalwazzjonijiet tal-programmi relatati ma' waħda jew aktar mill-kriterji li ġejjin: l-effikaċja, l-effiċjenza, ir-rilevanza, il-koerenza u l-valur miżjud tal-Unjoni bil-għan li jitjiebu l-kwalità tat-tfassil u l-implimentazzjoni tal-programmi. L-evalwazzjonijiet jistgħu jkopru wkoll kriterji rilevanti oħra, bħall-inklużività, in-nondiskriminazzjoni u l-viżibbiltà, u jistgħu jkopru aktar minn programm wieħed.

2.   Barra mill-evalwazzjonijiet imsemmijin fil-paragrafu 1, sat-30 ta' Ġunju 2029 għandha titwettaq evalwazzjoni għal kull programm biex jiġi vvalutat l-impatt tiegħu.

3.   L-evalwazzjonijiet għandhom jiġu fdati f'idejn esperti interni jew esterni li jkunu funzjonalment indipendenti.

4.   L-awtorità ta' ġestjoni għandha tiżgura l-proċeduri neċessarji biex tipproduċi u tiġbor id-data meħtieġa għall-evalwazzjonijiet.

5.   L-awtorità ta' ġestjoni għandha tfassal pjan ta' evalwazzjoni li jista' jkopri aktar minn programm Interreg wieħed.

6.   L-awtorità ta' ġestjoni għandha tippreżenta l-pjan ta' evalwazzjoni lill-kumitat ta' monitoraġġ mhux aktar tard minn sena wara l-approvazzjoni tal-programm Interreg.

7.   L-awtorità ta' ġestjoni għandha tippubblika l-evalwazzjonijiet kollha fis-sit web imsemmi fl-Artikolu 36(2).

1.   Kull awtorità ta' ġestjoni għandha tidentifika uffiċjal tal-komunikazzjoni għal kull programm Interreg. L-uffiċjal tal-komunikazzjoni jista' jkun responsabbli għal aktar minn programm wieħed.

2.   L-awtorità ta' ġestjoni għandha tiżgura li, fi żmien sitt xhur mill-approvazzjoni tal-programm Interreg skont l-Artikolu 18, ikun hemm sit web fejn informazzjoni dwar kull programm Interreg taħt ir-responsabbiltà tagħha hija disponibbli, li tkopri l-objettivi, l-attivitajiet, l-opportunitajiet ta' finanzjament disponibbli u t-twettiq tal-programm.

3.   L-Artikolu 49 (2) sa (6) tar-Regolament (UE) 2021/1060 dwar ir-responsabbiltajiet tal-awtorità ta' ġestjoni għandu japplika.

4.   Kull sieħeb ta' operazzjoni Interreg jew kull korp li jimplimenta strument ta' finanzjament għandu jirrikonoxxi l-appoġġ minn fond Interreg, inklużi riżorsi użati mill-ġdid għal strumenti finanzjarji f'konformità mal-Artikolu 62 tar-Regolament (UE) ) 2021/1060, għal operazzjoni Interreg billi:

It-terminu "Interreg" għandu jintuża ħdejn l-emblema tal-Unjoni f'konformità mal-Artikolu 47 tar-Regolament (UE) 2021/1060.

5.   Għal fondi għal proġetti żgħar u strumenti finanzjarji, il-benefiċjarju għandu jiżgura permezz tat-termini kuntrattwali li r-riċevituri finali jikkonformaw mar-rekwiżiti li jikkomunikaw pubblikament dwar l-operazzjoni Interreg.

Għal strumenti finanzjarji, ir-riċevitur finali għandu jirrikonoxxi l-oriġini u jiżgura l-viżibbiltà tal-finanzjament tal-Unjoni, b'mod partikolari meta jippromwovi l-azzjonijiet u r-riżultati tagħhom, billi jipprovdi informazzjoni koerenti, effettiva u mmirata lil diversi udjenzi, inkluż il-media u l-pubbliku.

6.   Fejn ma jkunux ġew implimentati azzjonijiet ta' rimedju, l-awtorità ta' ġestjoni għandha tapplika miżuri, filwaqt li tqis il-prinċipju ta' proporzjonalità, billi tikkanċella sa 2 % tal-appoġġ mill-fondi lil:

1.   Operazzjoni Interreg kollha kemm hi jew parti minnha tista' tkun implimentata barra minn Stat Membru, inkluż barra mill-Unjoni, sakemm dik l-operazzjoni Interreg tikkontribwixxi għall-objettivi tal-programm Interreg rispettiv.

2.   Mingħajr preġudizzju għar-regoli tal-eliġibbiltà stipulati fl-Artikoli 53 sa 68 tar-Regolament (UE) 2021/1060, fl-Artikoli 5 u 7 tar-Regolament (UE) 2021/1058 jew f'dan il-Kapitolu, inkluż f'atti adottati taħtu, l-Istati Membri parteċipanti u, fejn applikabbli, pajjiżi terzi, pajjiżi sħab u PTEE għandhom, b'deċiżjoni konġunta fil-kumitat ta' monitoraġġ, jistabbilixxu biss regoli addizzjonali dwar l-eliġibbiltà tan-nefqa għall-programm Interreg fuq il-kategoriji ta' nefqa mhux koperti minn dawk id-dispożizzjonijiet. Dawk ir-regoli addizzjonali għandhom ikopru l-programm Interreg b'mod globali.

Madankollu, fejn programm Interreg jagħżel l-operazzjonijiet ibbażati fuq sejħiet għal proposti, dawn ir-regoli għandhom jiġu adottati qabel ma jiġu ppubblikati l-ewwel sejħiet għall-proposti. Fil-każijiet l-oħra kollha, dawk ir-regoli addizzjonali għandhom ikunu adottati qabel ma jintgħażlu l-operazzjonijiet.

3.   Għal kwistjonijiet mhux koperti mir-regoli dwar l-eliġibbiltà stabbiliti fl-Artikoli 63 sa 68 tar-Regolament (UE) 2021/1060, fl-Artikoli 5 u 7 tar-Regolament (UE) 2021/1058 u f’dan il-Kapitolu, inkluż f'atti adottati taħtu jew regoli stabbiliti f'konformità mal-paragrafu 2 ta’ dan l-Artikolu, ir-regoli nazzjonali tal-Istat Membru u, fejn applikabbli, pajjiżi terzi, pajjiżi sħab u PTEE li fihom issir in-nefqa għandhom japplikaw.

4.   F'każ ta' differenza ta' opinjoni bejn l-awtorità ta' ġestjoni u l-awtorità tal-awditjar fir-rigward tal-eliġibbiltà bħala tali ta' operazzjoni Interreg magħżula taħt programm Interreg, l-opinjoni tal-awtorità ta' ġestjoni għandha tipprevali, b'kunsiderazzjoni xierqa tal-opinjoni tal-kumitat ta' monitoraġġ.

5.   Il-PTEE ma għandhomx ikunu eliġibbli għal appoġġ mill-FEŻR taħt il-programmi Interreg, iżda jistgħu jipparteċipaw f'dawn il-programmi taħt il-kundizzjonijiet stabbiliti f'dan ir-Regolament.

1.   L-Istati Membri parteċipanti u, fejn applikabbli, pajjiżi terzi, pajjiżi sħab u PTEE, jistgħu jaqblu fil-kumitat ta' monitoraġġ ta' programm Interreg li n-nefqa li taqa' taħt waħda jew aktar mill-kategoriji msemmija fl-Artikoli minn 39 sa 44 ma għandhiex tkun eliġibbli taħt prijorità waħda jew aktar ta' programm Interreg.

2.   Kull nefqa eliġibbli f'konformità ma' dan ir-Regolament għandha tkun relatata mal-ispejjeż ta' bidu jew mal-bidu u l-implimentazzjoni ta' operazzjoni jew ta' parti minn operazzjoni.

3.   L-ispejjeż li ġejjin mhumiex eliġibbli:

4.   Fejn ir-rata fissa prevista fl-Artikolu 56(1) tar-Regolament (UE) 2021/1060 tintuża biex jiġu kkalkulati l-ispejjeż eliġibbli minbarra l-ispejjeż diretti tal-persunal ta' operazzjoni, din ma għandhiex tiġi applikata għall-ispejjeż diretti tal-persunal ikkalkulati abbażi ta' rata fissa kif imsemmi fil-punt (c) tal-Artikolu 39(3) ta’ dan ir-Regolament.

5.   B'deroga mill-punt (c) tal-Artikolu 76(1) tar-Regolament (UE) 2021/1060, in-nefqa mħallsa f'munita oħra għandha tiġi konvertita f'euro minn kull benefiċjarju li jkun ġej minn pajjiżi li ma jkunux adottaw l-euro bħala l-munita tagħhom bl-użu tar-rata tal-kambju tal-kontabbiltà tax-xahar tal-Kummissjoni fix-xahar li matulu dik in-nefqa tkun ġiet ippreżentata għall-verifika.

1.   L-ispejjeż tal-persunal għandhom jikkonsistu fi spejjeż ta' impjieg gross tal-persunal impjegat mis-sieħeb Interreg f'waħda mill-modalitajiet li ġejjin:

2.   L-ispejjeż tal-persunal għandhom ikunu limitati għal dawn li ġejjin:

Fir-rigward tal-punt (a) tal-ewwel subparagrafu, il-pagamenti lil persuni fiżiċi li jaħdmu għas-sieħeb Interreg fil-qafas ta' kuntratt ħlief kuntratt tal-impjieg jew tax-xogħol jistgħu jiġu assimilati mal-pagamenti ta' salarji u tali kuntratt għandu jitqies bħala li hu dokument ta' impjieg.

3.   L-ispejjeż marbuta mal-persunal jistgħu jiġu rimborżati taħt kwalunkwe minn dawn li ġejjin:

4.   L-ispejjeż tal-persunal relatati ma' individwi li jkunu assenjati inkarigu part-time waqt operazzjoni jistgħu jkunu kkalkulati bħala kwalunkwe minn dawn li ġejjin:

5.   Għall-persunal impjegat skont il-punt (d) tal-paragrafu 1, ir-rata fis-siegħa għandha tiġi mmultiplikata bl-għadd ta' sigħat attwalment maħduma fuq l-operazzjoni abbażi ta' sistema ta' reġistrazzjoni tal-ħin.

1.   L-ispejjeż għall-uffiċċju u amministrattivi għandhom ikunu limitati għall-elementi li ġejjin:

2.   L-ispejjeż għall-uffiċċju u amministrattivi jistgħu jiġu kkalkulati bħala perċentwali fiss tal-ispiża grossa tal-impjieg f'konformità mal-punt (b) tal-ewwel subparagrafu tal-Artikolu 54 tar-Regolament (UE) 2021/1060.

1.   L-ispejjeż ta' vvjaġġar u ta' akkomodazzjoni, irrispettivament minn jekk tali spejjeż isirux u jitħallsux ġewwa jew barra ż-żona tal-programm, għandhom ikunu limitati għall-elementi ta’ spiża li ġejjin:

2.   Kwalunkwe element ta’ spiża elenkat fil-punti (a) sa (d) tal-paragrafu 1 li jkun kopert minn allowance ta' kuljum ma għandux jiġi rimborżat addizzjonalment għall-allowance ta' kuljum.

3.   L-ispejjeż ta' vvjaġġar u ta' akkomodazzjoni ta' esperti u fornituri tas-servizz esterni jaqgħu taħt l-ispejjeż għall-għarfien espert u s-servizzi esterni elenkati fl-Artikolu 42.

4.   Il-pagament dirett ta' nefqa għal elementi ta’ spiża elenkati fil-punti (a) sa (d) tal-paragrafu 1 minn impjegat tal-benefiċjarju għandu jkun appoġġat bi prova ta' rimborż mill-benefiċjarju lil dak l-impjegat.

5.   L-ispejjeż ta' vvjaġġar u ta' akkomodazzjoni ta' operazzjoni jistgħu jiġu kkalkulati b'rata fissa ta' mhux aktar minn 15 % tal-ispejjeż diretti marbuta mal-persunal ta' dik l-operazzjoni, mingħajr ma jkun hemm obbligu fuq l-Istat Membru li jagħmel kalkolu biex jiddetermina r-rata applikabbli.

1.   L-ispejjeż ta’ tagħmir mixtri, mikri jew meħud taħt lease mill-benefiċjarju tal-operazzjoni, ħlief dawk koperti bl-Artikolu 40, għandhom ikunu limitati għal li ġejjin:

2.   L-ispejjeż tax-xiri ta' tagħmir użat jistgħu jkunu eliġibbli bil-kundizzjonijiet li ġejjin:

1.   L-Istati Membri u, fejn applikabbli, il-pajjiżi terzi, il-pajjiżi sħab u l-PTEE parteċipanti fi programm Interreg għandhom jidentifikaw, għall-finijiet tal-Artikolu 71 tar-Regolament (UE) 2021/1060, awtorità ta' ġestjoni unika u awtorità tal-awditjar unika.

2.   L-awtorità ta' ġestjoni u l-awtorità tal-awditjar għandhom ikunu lokalizzati fl-istess Stat Membru.

3.   Fir-rigward tal-programm transkonfinali PEACE PLUS, il-Korp Speċjali tal-Programmi tal-UE, fejn jiġi identifikat bħala l-awtorità ta' ġestjoni, għandu jkun kkunsidrat li huwa lokalizzat fi Stat Membru.

4.   L-Istati Membri u, fejn applikabbli, u l-pajjiżi terzi, il-pajjiżi sħab u l-PTEE li jipparteċipaw fi programm Interreg jistgħu jidentifikaw REKT bħala awtorità ta' ġestjoni ta' dak il-programm.

5.   Fejn l-awtorità ta' ġestjoni tidentifika korp jew korpi intermedji taħt programm Interreg f'konformità mal-Artikolu 71(3) tar-Regolament (UE) 2021/1060, il-korp jew korpi intermedji għandhom iwettqu dawk il-kompiti f'aktar minn Stat Membru parteċipanti wieħed jew, fejn applikabbli, pajjiż terz, pajjiż sieħeb jew PTEE. Mingħajr preġudizzju għall-Artikolu 22 ta’ dan ir-Regolament, korp intermedjarju wieħed jew aktar jistgħu jwettqu dawk il-kompiti fi Stat Membru parteċipant wieħed biss jew, fejn applikabbli, pajjiż terz, pajjiż sieħeb jew PTEE fejn tali approċċ ikun ibbażat fuq strutturi eżistenti.

1.   L-awtorità ta' ġestjoni ta' programm Interreg għandha twettaq il-funzjonijiet stabbiliti fl-Artikoli 72, 74 u 75 tar-Regolament (UE) 2021/1060, bl-eċċezzjoni tal-kompitu li tagħżel l-operazzjonijiet imsemmija fil-punt (a) tal-Artikolu 72(1) u l-Artikolu 73 ta' dak ir-Regolament u, fejn il-funzjoni tal-kontabbiltà titwettaq minn korp differenti skont l-Artikolu 47 ta' dan ir-Regolament, ta' pagamenti lil benefiċjarji msemmija fil-punt (b) tal-Artikolu 74(1) tar-Regolament (UE) 2021/1060. Dawn il-funzjonijiet għandhom jitwettqu madwar it-territorju kollu kopert minn dak il-programm, suġġett għad-derogi stabbiliti taħt il-Kapitolu VIII ta' dan ir-Regolament.

2.   L-awtorità ta' ġestjoni, wara konsultazzjoni mal-Istati Membri u, fejn applikabbli, kwalunkwe pajjiżi terzi, pajjiżi sħab jew PTEE parteċipanti fil-programm Interreg, għandha tistabbilixxi segretarjat konġunt, b'persunal billi titqies is-sħubija tal-programm.

Is-segretarjat konġunt għandu jassisti lill-awtorità ta' ġestjoni u lill-kumitat ta' monitoraġġ fit-twettiq tal-funzjonijiet rispettivi tagħhom. Is-segretarjat konġunt għandu jipprovdi wkoll informazzjoni lill-benefiċjarji potenzjali dwar l-opportunitajiet ta' finanzjament taħt programmi Interreg u għandu jassisti lill-benefiċċjarji u lis-sħab fl-implimentazzjoni tal-operazzjonijiet.

Għall-programmi Interreg appoġġati wkoll minn strumenti ta' finanzjament estern mill-Unjoni, fergħa waħda jew aktar tas-segretarjat konġunt jistgħu jiġu stabbiliti f'pajjiż sieħeb wieħed jew aktar jew PTEE sabiex iwettaq il-kompiti tiegħu eqreb tal-benefiċjarji potenzjali u s-sħab mill-pajjiż sieħeb jew PTEE, rispettivament.

3.   B'deroga mill-punt (a) tal-Artikolu 74(1) tar-Regolament (UE) 2021/1060 u mingħajr preġudizzju għall-Artikolu 45(5) ta' dan ir-Regolament, l-Istati Membri, u fejn applikabbli, il-pajjiż terz, pajjiż sieħeb jew PTEE, li jipparteċipaw fi programm Interreg, jistgħu jiddeċiedu li l-verifiki ta' ġestjoni msemmija fil-punt (a) tal-Artikolu 74(1) tar-Regolament (UE) 2021/1060 għandhom isiru permezz tal-identifikazzjoni minn kull Stat Membru ta' korp jew persuna responsabbli għal din il-verifika fit-territorju tiegħu (il-"kontrollur").

4.   Il-kontrolluri jistgħu jkunu l-istess korpi responsabbli għat-twettiq ta' tali verifiki għall-programmi taħt l-għan ta' Investiment għat-tkabbir u l-impjiegi jew, fil-każ ta' pajjiżi terzi, pajjiżi sħab jew PTEE għat-twettiq ta' verifiki kumparabbli skont l-istrumenti ta' politika esterna tal-Unjoni. Kwalunkwe kontrollur għandu jkun funzjonalment indipendenti mill-awtorità tal-awditjar jew minn kwalunkwe membru tal-grupp ta' awdituri.

5.   Fejn jiġi deċiż li l-verifiki ta' ġestjoni jsiru minn kontrolluri identifikati taħt il-paragrafu 4, l-awtorità ta' ġestjoni għandha taċċerta ruħha li l-infiq mill-benefiċjarji li jipparteċipaw f'operazzjoni jkun ġie vverifikat minn kontrollur identifikat.

6.   Kull Stat Membru, pajjiż terz, pajjiż sieħeb jew PTEE għandu jiżgura li n-nefqa ta' benefiċjarju tista' tiġi vverifikata fi żmien tliet xhur mill-preżentazzjoni tad-dokumenti mill-benefiċjarju kkonċernat.

7.   Kull Stat Membru, pajjiż terz, pajjiż sieħeb jew PTEE għandu jkun responsabbli għall-verifiki mwettqa fit-territorju tiegħu.

8.   Kull Stat Membru, pajjiż terz, pajjiż sieħeb u PTEE għandu jidentifika bħala kontrollur awtorità nazzjonali jew reġjonali jew korp privat jew persuna fiżika kif stabbilit fil-paragrafu 9.

9.   Fejn il-kontrollur li jwettaq il-verifiki ta' ġestjoni jkun korp privat jew persuna fiżika, dawk il-kontrolluri għandhom jissodisfaw mill-inqas wieħed mir-rekwiżiti li ġejjin:

1.   L-Istati Membri u, fejn applikabbli, l-pajjiżi terzi, il-pajjiżi sħab u l-PTEE li jipparteċipaw fi programm Interreg għandhom jaqblu dwar l-arranġamenti biex titwettaq il-funzjoni tal-kontabbiltà.

2.   Il-funzjoni tal-kontabbiltà għandha tikkonsisti fil-kompiti elenkati fil-punti (a) u (b) tal-Artikolu 76(1) tar-Regolament (UE) 2021/1060 u għandha wkoll tkopri l-pagamenti magħmula mill-Kummissjoni u, bħala regola ġenerali, il-pagamenti magħmula lis-sieħeb ewlieni f'konformità mal-punt (b) tal-Artikolu 74(1) ta’ dak ir-Regolament .

1.   L-awtorità tal-awditjar ta' programm Interreg għandha twettaq il-funzjonijiet previsti f'dan l-Artikolu u fl-Artikolu 49 fit-territorju kollu kopert minn dak il-programm Interreg.

Fejn l-awtorità tal-awditjar ma jkollhiex l-awtorizzazzjoni fit-territorju kollu kopert minn programm ta' kooperazzjoni, din għandha tkun assistita minn grupp ta' awdituri magħmul minn rappreżentant minn kull Stat Membru, u, fejn applikabbli, minn pajjiż terz, pajjiż sieħeb jew PTEE, li jipparteċipa fil-programm Interreg. Kull Stat Membru u, fejn applikabbli, kull pajjiż terz, pajjiż sieħeb jew PTEE għandu jkun responsabbli għall-awditi mwettqa fit-territorju tiegħu.

Kull rappreżentant minn kull Stat Membru u, fejn applikabbli, kull pajjiż terz, pajjiż sieħeb jew PTEE parteċipanti fil-programm Interreg għandu jkun responsabbli li jipprovdi l-elementi fattwali marbuta man-nefqa fit-territorju tiegħu li jkunu meħtieġa mill-awtorità tal-awditjar sabiex titwettaq il-valutazzjoni tagħha.

Il-grupp ta' awdituri għandu jiġi stabbilit fi żmien tliet xhur mid-deċiżjoni li tapprova l-programm Interreg skont l-Artikolu 18. Għandu jfassal ir-regoli ta' proċedura tiegħu stess u jkun presedut mill-awtorità tal-awditjar għall-programm Interreg.

L-awdituri għandhom ikunu funzjonalment indipendenti mill-korpi u l-persuni reponsabbli għall-verifiki tal-ġestjoni taħt l-Artikolu 46(3).

2.   L-awtorità tal-awditjar ta' programm Interreg għandha tkun responsabbli li twettaq awditjar tas-sistema u awditjar fuq operazzjonijiet sabiex tipprovdi assigurazzjoni indipendenti lill-Kummissjoni li s-sistemi ta' ġestjoni u ta' kontroll jiffunzjonaw b'mod effettiv u li n-nefqa inkluża fil-kontijiet ippreżentati lill-Kummissjoni hija legali u regolari.

3.   Fejn programm Interreg ikun inkluż fil-popolazzjoni li minnha l-Kummissjoni tagħżel kampjun komuni taħt l-Artikolu 49(1), l-awtorità tal-awditjar għandha twettaq awditjar ta' operazzjonijiet magħżula mill-Kummissjoni sabiex tipprovdi assigurazzjoni indipendenti lill-Kummissjoni li s-sistemi ta' ġestjoni u kontroll jiffunzjonaw b'mod effettiv.

4.   Il-ħidma tal-awditjar għandha ssir f'konformità mal-istandards tal-awditjar aċċettati internazzjonalment.

5.   L-awtorità tal-awditjar għandha tfassal u tippreżenta lill-Kummissjoni kull sena sal-15 ta' Frar wara tmiem is-sena ta' kontabbiltà opinjoni annwali tal-awditjar f'konformità mal-Artikolu 63(7) tar-Regolament Finanzjarju bl-użu tal-mudell stabbilit fl-Anness XIX tar-Regolament (UE) 2021/1060 u bbażata fuq il-ħidma ta' awditjar kollha mwettqa, fejn ikunu koperti kull wieħed mill-komponenti li ġejjin:

Fejn il-programm Interreg ikun inkluż fil-popolazzjoni li minnha l-Kummissjoni tagħżel kampjun komuni taħt l-Artikolu 49(1), l-opinjoni annwali tal-awditjar għandha tkopri biss l-elementi msemmija fil-punti (a) u (c) tal-ewwel subparagrafu ta’ dan il-paragrafu.

L-iskadenza tal-15 ta' Frar tista' tiġi estiża b'mod eċċezzjonali mill-Kummissjoni sal-1 ta' Marzu, fuq il-bażi ta' komunikazzjoni mill-awtorità tal-awditjar.

6.   L-awtorità tal-awditjar għandha tfassal u tippreżenta lill-Kummissjoni kull sena sal-15 ta' Frar wara tmiem is-sena ta' kontabbiltà rapport ta' kontroll annwali f'konformità mal-punt (b) tal-Artikolu 63(5) tar-Regolament Finanzjarju bl-użu tal-mudell stabbilit fl-Anness XX tar-Regolament (UE) 2021/1060 u, filwaqt li tappoġġa l-opinjoni tal-awditjar prevista fil-paragrafu 5 ta' dan l-Artikolu u tistabbilixxi sommarju tas-sejbiet, tinkludi analiżi tan-natura u l-firxa ta' kwalunkwe żball u nuqqas fis-sistemi kif ukoll l-azzjonijiet korrettivi proposti u implimentati u r-rata ta' żball totali u r-rata ta' żball residwu għan-nefqa li tirriżulta mniżżla fil-kontijiet ippreżentati lill-Kummissjoni.

7.   Fejn il-programm Interreg ikun inkluż fil-popolazzjoni li minnha l-Kummissjoni tagħżel kampjun komuni taħt l-Artikolu 49(1), l-awtorità tal-awditjar għandha tfassal billi tuża l-mudell stabbilit fl-Anness XX għar-Regolament (UE) 2021/1060, ir-rapport annwali ta' kontroll imsemmi fil-paragrafu 6 ta' dan l-Artikolu li jissodisfa r-rekwiżiti tal-punt (b) tal-Artikolu 63(5) tar-Regolament Finanzjarju u tappoġġa l-opinjoni ta' awditjar prevista fil-paragrafu 5 ta' dan l-Artikolu.

Dak ir-rapport għandu jipprovdi sommarju tas-sejbiet, inkluż analiżi tan-natura u l-firxa ta' kwalunkwe żball u nuqqas fis-sistemi kif ukoll l-azzjonijiet korrettivi proposti u implimentati, ir-riżultati tal-awditjar tal-operazzjonijiet imwettqa mill-awtorità tal-awditjar fir-rigward tal-kampjun komuni msemmi fl-Artikolu 49(1) u l-korrezzjonijiet finanzjarji applikati mill-awtoritajiet tal-programm Interreg fir-rigward ta’ kwalunkwe irregolarità individwali misjuba mill-awtorità tal-awditjar għal dawn l-operazzjonijiet.

8.   L-awtorità tal-awditjar għandha tittrażmetti rapporti ta' awditjar tas-sistema lill-Kummissjoni hekk kif il-proċedura kontradittorja meħtieġa mal-awditjati rilevanti tkun konkluża.

9.   Il-Kummissjoni u l-awtorità tal-awditjar għandhom jiltaqgħu fuq bażi regolari u tal-anqas darba fis-sena, sakemm ma jkunx ġie miftiehem mod ieħor, biex jeżaminaw l-istrateġija tal-awditjar, ir-rapport annwali ta' kontroll u l-opinjoni tal-awditjar, jikkoordinaw il-pjanijiet u l-metodi tagħhom ta' awditjar u jiskambjaw fehmiet dwar kwistjonijiet relatati mat-titjib tas-sistemi ta' ġestjoni u ta' kontroll.

1.   Il-Kummissjoni għandha tagħżel kampjun komuni ta' operazzjonijiet, jew unitajiet oħra ta' kampjunar, bl-użu ta' metodu statistiku ta' teħid ta' kampjuni għall-awditjar ta' operazzjonijiet li għandu jitwettaq mill-awtoritajiet tal-awditjar għall-programmi Interreg li jirċievu appoġġ mill-FEŻR jew minn strument ta' finanzjament estern tal-Unjoni fir-rigward ta' kull sena kontabilistika.

Il-kampjun komuni għandu jkun rappreżentattiv tal-programmi Interreg kollha li jikkostitwixxu l-popolazzjoni.

Għall-finijiet tal-għażla tal-kampjun komuni, il-Kummissjoni tista' tistratifika gruppi ta' programmi Interreg skont ir-riskji speċifiċi tagħhom.

2.   L-awtoritajiet tal-programm għandhom jipprovdu l-informazzjoni neċessarja għall-għażla ta' kampjun komuni lill-Kummissjoni sal-1 ta' Awwissu wara t-tmiem ta' kull sena kontabilistika.

Dik l-informazzjoni għandha tkun ippreżentata f'format elettroniku standardizzat, għandha tkun kompleta u għandha tirrikonċilja man-nefqa dikjarata lill-Kummissjoni għas-sena kontabilistika ta' referenza.

3.   Mingħajr preġudizzju għar-rekwiżit li jitwettaq l-awditjar kif imsemmi fl-Artikolu 48(2), l-awtoritajiet tal-awditjar għal programmi Interreg koperti mill-kampjun komuni ma għandhomx iwettqu awditjar addizzjonali ta' operazzjonijiet taħt dawk il-programmi, sakemm ma jkunux mitluba jagħmlu dan mill-Kummissjoni f'konformità mal-paragrafu 8 ta' dan l-Artikolu jew f'każijiet fejn awtorità tal-awditjar tkun identifikat riskji speċifiċi.

4.   Il-Kummissjoni għandha tinforma l-awtoritajiet tal-awditjar tal-programmi Interreg ikkonċernati dwar il-kampjun komuni magħżul f’ħin biżżejjed biex tippermetti lil dawn l-awtoritajiet iwettqu l-awditjar tal-operazzjonijiet, b'mod ġenerali, sal-1 ta' Settembru wara t-tmiem ta' kull sena kontabilistika.

5.   L-awtoritajiet tal-awditjar ikkonċernati għandhom jippreżentaw l-informazzjoni dwar ir-riżultati ta' dan l-awditjar kif ukoll dwar kwalunkwe korrezzjoni finanzjarja meħuda fir-rigward ta' irregolaritajiet individwali misjuba, sa mhux aktar tard milli fir-rapporti annwali ta' kontroll li għandhom jiġu ppreżentati lill-Kummissjoni skont l-Artikolu 48(6) u (7).

6.   Wara l-valutazzjoni tagħha tar-riżultati ta' awditjar tal-operazzjonijiet magħżula skont il-paragrafu 1, il-Kummissjoni għandha tikkalkula rata ta' żball globali estrapolata fir-rigward tal-programmi Interreg inkluż fil-popolazzjoni li minnha ttieħed il-kampjun komuni, għall-finijiet tal-proċess ta' assigurazzjoni tagħha stess.

7.   Fejn ir-rata ta' żball globali estrapolata msemmija fil-paragrafu 6 tkun ogħla minn 2 % tan-nefqa totali ddikjarata għall-programmi Interreg inkluż fil-popolazzjoni li minnha ttieħed il-kampjun komuni, il-Kummissjoni għandha tikkalkula rata ta' żball globali residwu, billi tieħu kont tal-korrezzjonijiet finanzjarji applikati mill-awtoritajiet rispettivi tal-programm Interreg għal irregolaritajiet individwali misjuba mill-awditjar tal-operazzjonijiet magħżula skont il-paragrafu 1.

8.   Fejn ir-rata ta' żball residwu globali msemmija fil-paragrafu 7 tkun aktar minn 2 % tan-nefqa ddikjarata tal-programmi Interreg inkluż fil-popolazzjoni li minnha ttieħed il-kampjun komuni, il-Kummissjoni għandha tiddetermina jekk jeħtieġx li titlob lill-awtorità tal-awditjar ta' programm Interreg speċifiku jew grupp ta' programmi Interreg l-iktar affettwati biex twettaq ħidma ta' awditjar addizzjonali sabiex tkompli tiġi evalwata r-rata ta' żball u jiġu valutati l-miżuri korrettivi meħtieġa għall-programmi Interreg affettwati mill-irregolaritajiet misjuba.

9.   Abbażi tal-valutazzjoni tar-riżultati tal-ħidma ta' awditjar addizzjonali mitluba skont il-paragrafu 8 ta’ dan l-Artikolu, il-Kummissjoni tista' titlob li jiġu applikati korrezzjonijiet finanzjarji addizzjonali fuq il-programmi Interreg affettwati mill-irregolaritajiet misjuba. F'tali każijiet, l-awtoritajiet tal-programm Interreg għandhom iwettqu l-korrezzjonijiet finanzjarji meħtieġa f'konformità mal-Artikolu 103 tar-Regolament (UE) 2021/1060.

10.   Kull awtorità tal-awditjar ta' programm Interreg li għalih l-informazzjoni msemmija fil-paragrafu 2 ta’ dan l-Artikolu tkun nieqsa jew mhux kompleta jew ma ġietx ippreżentata sal-iskadenza stipulata fl-ewwel subparagrafu ta’ dak il-paragrafu għandha twettaq eżerċizzju separat tat-teħid ta' kampjuni għall-programm Interreg rispettiv f'konformità mal-Artikolu 79 tar-Regolament (UE) 2021/1060.

1.   Il-kontribuzzjoni mill-FEŻR u, fejn applikabbli, l-appoġġ minn strumenti ta' finanzjament estern tal-Unjoni għal kull programm Interreg għandhom jitħallsu, f'konformità mal-Artikolu 47(2), f'kont uniku mingħajr ebda subkont nazzjonali.

2.   Il-Kummissjoni għandha tħallas prefinanzjament ibbażat fuq l-appoġġ totali minn kull fond Interreg, kif stabbilit fid-deċiżjoni li tapprova kull programm Interreg taħt l-Artikolu 18, suġġett għad-disponibbiltà ta' fondi, f'pagamenti annwali kif ġej u qabel l-1 ta' Lulju tas-snin 2022 sa 2026, jew, is-sena tad-deċiżjoni ta' approvazzjoni, sa mhux aktar tard minn 60 jum wara li dik id-deċiżjoni tiġi adottata:

3.   Fejn il-programmi Interreg ikunu appoġġati mill-FEŻR u l-IPA III-CBC u fejn il-kontribuzzjoni mill-FEŻR tkun 50 % jew inqas tal-allokazzjoni totali tal-Unjoni, il-Kummissjoni għandha tħallas prefinanzjament f'konformità mad-dispożizzjoni rilevanti tar-Regolament tal-IPA III.

4.   Fejn il-programmi Interreg ikunu appoġġati mill-FEŻR u l-NDICI, jew mill-FEŻR u l-NDICI kif ukoll l-IPA III, u fejn il-kontribuzzjoni mill-FEŻR tkun 50 % jew inqas tal-allokazzjoni totali tal-Unjoni, il-Kummissjoni għandha tħallas prefinanzjament f'konformità mal-Artikolu 22(5) tar-Regolament (UE) 2021/947, b'kont meħud tal-ħtiġijiet finanzjarji attwali.

L-Artikoli 96 u 97 tar-Regolament (UE) 2021/1060 għandhom japplikaw mutatis mutandis għall-prefinanzjament taħt l-ewwel subparagrafu ta’ dan il-paragrafu.

5.   L-ammont imħallas bħala prefinanzjament għandu jiġi approvat mill-kontijiet tal-Kummissjoni kull sena għall-2021 u l-2022 u mhux aktar tard mis-sena kontabilistika finali għall-2023 u s-snin sussegwenti kif ukoll għall-ammonti mħallsa bħala prefinanzjament stabbiliti taħt il-paragrafi 3 u 4.

1.   L-awtorità ta' ġestjoni għandha tiżgura li kwalunkwe ammont imħallas bħala riżultat ta' irregolarità jkun irkuprat mis-sieħeb ewlieni jew uniku. Is-sħab għandhom iħallsu lura lis-sieħeb ewlieni kwalunkwe ammont imħallas indebitament.

2.   L-Istati Membri, il-pajjiżi terzi, il-pajjiżi sħab jew il-PTEE li jipparteċipaw fi programm Interreg partikolari jistgħu jiddeċiedu li s-sieħeb ewlieni jew uniku u l-awtorità ta' ġestjoni tal-programm ma jkunux obbligati jirkupraw ammont imħallas indebitament li ma jaqbiżx EUR 250, esklużi l-interessi, f'kontribuzzjoni minn kwalunkwe wieħed mill-fondi Interreg għal operazzjoni f'sena kontabilistika.

L-ebda informazzjoni ma teħtieġ li tiġi pprovduta lill-Kummissjoni aktar mill-informazzjoni li ttieħdet deċiżjoni taħt l-ewwel subparagrafu.

3.   Fejn is-sieħeb ewlieni ma jirnexxilux jiggarantixxi l-pagament lura minn sħab oħra jew fejn l-awtorità ta' ġestjoni ma jirnexxilhiex tiggarantixxi l-pagament lura mis-sieħeb ewlieni jew uniku, l-Istat Membru, il-pajjiż terz, il-pajjiż sieħeb jew il-PTEE li fit-territorju tiegħu jinsab is-sieħeb ikkonċernat jew, fil-każ ta' REKT, ikun irreġistrat, għandu jirrimborża lill-awtorità ta' ġestjoni kwalunkwe ammont imħallas indebitament lil dak is-sieħeb. L-awtorità ta' ġestjoni għandha tkun responsabbli għar-rimborż tal-ammonti kkonċernati għall-baġit ġenerali tal-Unjoni, f'konformità mat-tqassim tar-responsabbiltajiet fost l-Istati Membri, il-pajjiżi terzi, il-pajjiżi sħab jew il-PTEE parteċipanti stipulat fil-programm Interreg.

4.   Ladarba l-Istat Membru, il-pajjiż terz, il-pajjiż sieħeb jew il-PTEE jkun ħallas lura lill-awtorità ta' ġestjoni kwalunkwe ammont imħallas lura indebitament lil sieħeb, huwa jista' jkompli jew jibda proċedura ta' rkupru kontra dak is-sieħeb taħt il-liġi nazzjonali tiegħu. F'każ ta' rkupru b'suċċess, l-Istat Membru, il-pajjiż terz, il-pajjiż sieħeb jew il-PTEE jista' juża dawk l-ammonti għall-kofinanzjament nazzjonali tal-programm Interreg ikkonċernat. L-Istat Membru, il-pajjiż terz, il-pajjiż sieħeb jew il-PTEE ma għandu jkollu ebda obbligi ta' rappurtar lejn l-awtoritajiet tal-programm, il-kumitat ta' monitoraġġ jew il-Kummissjoni fir-rigward ta' tali rkupri nazzjonali.

5.   Fejn Stat Membru, pajjiż terz, pajjiż sieħeb jew PTEE ma jkun ħallas lura lill-awtorità ta' ġestjoni l-ebda ammont imħallas lura indebitament lil sieħeb skont il-paragrafu 4 ta’ dan l-Artikolu, dawk l-ammonti għandhom jiġu soġġetti għal ordni ta' rkupru maħruġa mill-Kummissjoni li għandha tiġi eżegwita, fejn possibbli, billi jitpaċew l-ammonti lill-Istat Membru, il-pajjiż terz, il-pajjiż sieħeb jew il-PTEE, rispettivament. Tali rkupru ma għandux jikkostitwixxi korrezzjoni finanzjarja u ma għandux inaqqas l-appoġġ mill-FEŻR jew kwalunkwe strument ta' finanzjament estern tal-Unjoni għall-programm Interreg rispettiv. L-ammont irkuprat għandu jikkostitwixxi dħul assenjat f'konformità mal-Artikolu 21(3) tar-Regolament Finanzjarju.

Fir-rigward ta' ammonti mhux imħallsa lura lill-awtorità ta' ġestjoni minn Stat Membru, it-tpaċija għandha tikkonċerna pagamenti sussegwenti lill-istess programm Interreg. L-awtorità ta' ġestjoni għandha mbagħad tpaċi fir-rigward ta' dak l-Istat Membru f'konformità mat-tqassim ta' responsabbiltajiet fost l-Istati Membri parteċipanti stabbilit fil-programm Interreg f'każ ta' korrezzjonijiet finanzjarji imposti mill-awtorità ta' ġestjoni jew mill-Kummissjoni.

Fir-rigward ta' ammonti mhux imħallsa lura lill-awtorità ta' ġestjoni minn pajjiż terz, pajjiż sieħebb jew PTEE, it-tpaċija għandha tikkonċerna pagamenti sussegwenti lil programmi taħt l-istrumenti ta' finanzjament estern rispettivi tal-Unjoni.

1.   Kull pajjiż terz, pajjiż sieħeb u PTEE parteċipanti fi programm Interreg għandhom jidentifikaw awtorità nazzjonali jew reġjonali bħala punt ta' kuntatt għall-awtorità ta' ġestjoni (il-"punt ta' kuntatt").

2.   Il-punt ta' kuntatt, korp ekwivalenti għall-uffiċjal tal-komunikazzjoni tal-programm Interreg kif previst fl-Artikolu 36(1), jew l-uffiċċju jew uffiċċji tal-fergħa, għandhom jappoġġaw lill-awtorità ta' ġestjoni u s-sħab fil-pajjiż terz, il-pajjiż sieħeb jew il-PTEE rispettiv fir-rigward tal-kompiti previsti fl-Artikolu 36 (2) sa (6).

1.   Il-programmi Interreg A appoġġati kemm mill-FEŻR kif ukoll l-IPA III-CBC jew l-NDICI-CBC għandhom jiġu implimentati taħt ġestjoni kondiviża kemm fl-Istati Membri kif ukoll fi kwalunkwe pajjiż terz jew pajjiż sieħeb parteċipanti.

Il-programm transkonfinali PEACE PLUS għandu jkun implimentat taħt ġestjoni kondiviża kemm fl-Irlanda kif ukoll fir-Renju Unit.

2.   Il-programmi Interreg B u C li jikkombinaw kontribuzzjonijiet mill-FEŻR u minn wieħed, jew aktar, mill-istrument ta' finanzjament estern tal-Unjoni għandhom jiġu implimentati taħt ġestjoni kondiviża kemm fl-Istati Membri u fi kwalunkwe pajjiżi terz, pajjiż sieħeb, PTEE parteċipanti jew, f'dak li jirrigwarda l-Interreg D, fi kwalunkwe PTEE, irrispettivament minn jekk dak il-PTEE jirċevix jew le appoġġ taħt wieħed, jew aktar, mill-istrumenti ta' finanzjament estern tal-Unjoni.

3.   Il-programmi Interreg D li jikkombinaw kontribuzzjonijiet mill-FEŻR u wieħed, jew aktar, mill-istrumenti ta' finanzjament estern tal-Unjoni għandhom jiġu implimentati fi kwalunkwe mod li ġej:

Fejn programm Interreg D kollu, jew parti minnu, jiġi implimentat taħt ġestjoni indiretta, għandu japplika l-Artikolu 61.

1.   B'deroga mill-Artikolu 63(2) tar-Regolament (UE) 2021/1060, in-nefqa għandha tkun eliġibbli għal kontribuzzjoni minn strumenti ta' finanzjament estern tal-Unjoni jekk din tkun iġġarrbet u tħallset fit-tħejjija u l-implimentazzjoni ta' operazzjonijiet Interreg mill-1 ta' Jannar 2021 jew mid-data tal-preżentazzjoni tal-programm, skont liema data tiġi l-ewwel, iżda tista' tintalab mill-programm wara d-data meta ġie konkluż il-ftehim ta' finanzjament mal-pajjiż terz, il-pajjiż sieħeb jew il-PTEE rispettiv.

Madankollu, in-nefqa għall-assistenza teknika ġestita mill-awtoritajiet tal-programm li jinsabu fi Stat Membru tista' diġà tintalab mill-programm qabel id-data meta jkun ġie konkluż il-ftehim ta' finanzjament mal-pajjiż terz, il-pajjiż sieħeb jew il-PTEE rispettiv.

2.   Fejn programm Interreg jagħżel l-operazzjonijiet abbażi ta' sejħiet għal proposti, tali sejħiet jistgħu jinkludu applikazzjonijiet għal kontribuzzjoni minn strumenti ta' finanzjament estern tal-Unjoni, anki fejn is-sejħiet tnedew u l-operazzjonijiet intgħażlu qabel ma ġie konkluż il-ftehim ta' finanzjament rilevanti.

L-awtorità ta' ġestjoni tista' tipprovdi d-dokument previst fl-Artikolu 22(6) qabel ma ġie konkluż il-ftehim ta' finanzjament rilevanti.

1.   Il-programmi Interreg taħt dan il-Kapitolu jistgħu jappoġġaw proġetti infrastrutturali kbar jiġifieri operazzjonijiet li jinkludu sett ta' xogħlijiet, attivitajiet jew servizzi intenzjonati biex jissodisfaw funzjoni indiviżibbli ta' natura preċiża li jsegwu objettivi identifikati b'mod ċar ta' interess komuni għall-finijiet tal-implimentazzjoni ta' investimenti li jħallu impatt u benefiċċji transkonfinali u fejn sehem minn baġit ta' kost totali ta' mill-anqas EUR 2 500 000 miljun ikun allokat għall-akkwist, il-kostruzzjoni jew il-modernizzazzjoni ta' infrastruttura.

2.   Kull benefiċjarju li jimplimenta proġett infrastrutturali kbir jew parti minnu għandu japplika r-regoli applikabbli tal-akkwist pubbliku.

3.   L-Istat Membru li jospita l-awtorità ta' ġestjoni tal-programm Interreg rilevanti għandu jibgħat lill-Kummissjoni lista ta' proġetti infrastrutturali kbar ippjanati li tindika l-isem, il-post, il-baġit u s-sieħeb ewlieni prospettivi tagħhom. Dik il-lista għandha tintbagħat bħala dokument separat meta ssir it-trażmissjoni tal-kopja ffirmata tal-ftehim ta' finanzjament jew kopja tal-ftehim dwar l-implimentazzjoni kif imsemmi fl-Artikolu 59 lill-Kummissjoni jew mhux aktar tard minn xahrejn qabel id-data tal-laqgħa tal-kumitat ta' monitoraġġ jew, jekk applikabbli, tal-kumitat ta' tmexxija li jagħżel l-ewwel wieħed mill-proġetti infrastrutturali kbar previsti.

4.   Fejn l-għażla ta' proġett infrastrutturali kbir wieħed jew aktar tkun fuq l-aġenda ta' kumitat ta' monitoraġġ jew, fejn applikabbli, laqgħa tal-kumitat ta' tmexxija, l-awtorità ta' ġestjoni għandha tibgħat dokument kunċettwali għal kull tali proġett lill-Kummissjoni, għall-informazzjoni, sa mhux aktar tard minn xahrejn qabel id-data tal-laqgħa. Id-dokument kunċettwali għandu jkun ta' massimu ta' tliet paġni u għandu jindika l-isem, il-post, il-baġit, is-sieħeb ewlieni u s-sħab kif ukoll l-objettivi ewlenin u r-riżultati tagħhom. Jekk id-dokument kunċettwali dwar proġett infrastrutturali kbir wieħed jew aktar ma jintbagħatx lill-Kummissjoni sa dik l-iskadenza, il-Kummissjoni tista' titlob li l-president tal-kumitat ta' monitoraġġ jew tal-kumitat ta' tmexxija ineħħi l-proġetti kkonċernati mill-aġenda tal-laqgħa.

1.   Fejn l-implimentazzjoni ta' operazzjoni teħtieġ l-akkwist ta' kuntratti ta' servizzi, provvisti jew xogħlijiet minn benefiċjarju, għandhom japplikaw ir-regoli li ġejjin:

2.   Għall-għoti ta' prodotti, xogħlijiet jew servizzi fil-każijiet kollha ħlief dawk imsemmija fil-paragrafu 1 ta’ dan l-Artikolu, il-proċeduri ta' akkwist previsti fl-Artikoli 178 u 179 tar-Regolament Finanzjarju u l-punti minn 36 sa 41 tal-Kapitolu 3 tal-Anness I ta' dak ir-Regolament għandhom japplikaw.

1.   Sabiex jiġi implimentat programm Interreg f'pajjiż terz, pajjiż sieħeb jew PTEE, f'konformità mal-Artikolu 112(4) tar-Regolament Finanzjarju, għandu jiġi konkluż ftehim ta' finanzjament bejn il-Kummissjoni, li tirrappreżenta lill-Unjoni, u kull pajjiż terz, pajjiż sieħeb jew PTEE parteċipanti rappreżentat f'konformità mal-qafas legali nazzjonali tiegħu.

2.   Kwalunkwe ftehim ta' finanzjament għandu jiġi konkluż sal-31 ta' Diċembru tas-sena wara s-sena meta sar l-ewwel impenn baġitarju u għandu jitqies li huwa konkluż fid-data meta tkun iffirmatu l-aħħar parti.

Kwalunkwe ftehim ta' finanzjament għandu jidħol fis-seħħ f’waħda jew l-oħra mid-dati li ġejjin:

3.   Il-Kummissjoni għandha tipprovdi l-abbozz tal-ftehim ta' finanzjament meta tapprova l-programm estern.

Fejn programm Interreg jinvolvi aktar minn pajjiż terz, pajjiż sieħeb jew PTEE wieħed, tal-anqas ftehim ta' finanzjament wieħed għandu jiġi konkluż miż-żewġ partijiet qabel id-data speċifikata fil-paragrafu 2. Il-pajjiżi terzi, il-pajjiżi sħab jew il-PTEE l-oħra jistgħu jiffirmaw il-ftehimiet ta' finanzjament rispettivi tagħhom sa mhux aktar tard mit-30 ta' Ġunju tat-tieni sena wara s-sena meta sar l-ewwel impenn tal-baġit.

4.   L-Istat Membru li jospita l-awtorità ta' ġestjoni tal-programm Interreg rilevanti:

5.   Ftehim dwar l-implimentazzjoni ffirmat skont il-punt (b) tal-paragrafu 4 għandu tal-anqas ikopri l-elementi li ġejjin:

6.   Fejn l-Istat Membru li jospita l-awtorità ta' ġestjoni tal-programm Interreg jiddeċiedi li jiffirma l-ftehim ta' finanzjament skont il-punt (a) tal-paragrafu 4 ta’ dan l-Artikolu, dak il-ftehim ta' finanzjament għandu jitqies bħala li huwa għodda għall-implimentazzjoni tal-baġit tal-Unjoni f'konformità mar-Regolament Finanzjarju u mhux ftehim internazzjonali kif imsemmi fl-Artikoli 216 sa 219 TFUE.

1.   Fejn pajjiż terz, pajjiż sieħeb jew PTEE jittrasferixxi lill-awtorità ta' ġestjoni kontribuzzjoni finanzjarja għall-appoġġ tal-programm Interreg, ħlief il-kofinanzjament tiegħu tal-appoġġ tal-Unjoni għall-programm Interreg, ir-regoli dwar dik il-kontribuzzjoni finanzjarja għandhom jinsabu fid-dokument li ġej:

Għall-finijiet tal-punt (b)(i) tal-ewwel subparagrafu, it-taqsimiet tal-ftehim dwar l-implimentazzjoni jistgħu, fejn applikabbli, ikopru kemm il-kontribuzzjoni finanzjarja trasferita kif ukoll l-appoġġ tal-Unjoni għall-programm Interreg.

2.   Ftehim dwar l-implimentazzjoni previst fil-paragrafu 1 ta’ dan l-Artikolu għandu tal-anqas ikun fih l-elementi dwar il-kofinanzjament tal-pajjiż terz, tal-pajjiż sieħeb jew tal-PTEE elenkati fl-Artikolu 59(5).

Barra minn hekk, għandu jistabbilixxi t-tnejn li ġejjin:

3.   Fir-rigward tal-programm transkonfinali PEACE PLUS, il-kontribuzzjoni finanzjarja għall-attivitajiet tal-Unjoni mir-Renju Unit fil-forma ta' dħul assenjat estern kif imsemmi fil-punt (e) tal-Artikolu 21(2) tar-Regolament Finanzjarju għandha tagħmel parti mill-approprjazzjonijiet tal-baġit għall-Intestatura 2 ''Koeżjoni u Valuri'', sottolimitu ''Koeżjoni ekonomika, soċjali u territorjali''.

Dik il-kontribuzzjoni għandha tkun soġġetta għal ftehim ta' finanzjament speċifiku mar-Renju Unit f'konformità mal-Artikolu 59 ta’ dan ir-Regolament. Il-Kummissjoni u r-Renju Unit kif ukoll l-Irlanda għandhom ikunu partijiet għal dan il-ftehim ta' finanzjament speċifiku.

Il-ftehim ta' finanzjament speċifiku għandu jiġi konkluż qabel il-bidu tal-implimentazzjoni tal-programm, biex b'hekk jippermetti lill-Korp Speċjali tal-Programmi tal-UE biex japplika l-leġiżlazzjoni tal-Unjoni li tkun applikabbli għall-implimentazzjoni tal-programm.

1.   Fejn, bil-ftehim bejn l-Istat Membru u r-reġjuni kkonċernati, parti jew it-totalità ta' programm ta' Interreg D tiġi implimentata taħt ġestjoni indiretta skont il-punt (b) jew (c), rispettivament, tal-Artikolu 55(3) ta’ dan ir-Regolament, il-kompiti ta' implimentazzjoni għandhom ikunu fdati lil wieħed mill-korpi elenkati fil-punt (c) tal-ewwel subparagrafu tal-Artikolu 62(1) tar-Regolament Finanzjarju, b'mod partikolari għal tali korp li jinsab fl-Istat Membru parteċipanti, inkluż l-awtorità ta' ġestjoni tal-programm Interreg ikkonċernat.

2.   F'konformità mal-punt (c) tal-Artikolu 154(6) tar-Regolament Finanzjarju, il-Kummissjoni tista' tiddeċiedi li ma teħtieġx valutazzjoni ex ante kif imsemmi fil-paragrafi 3 u 4 ta' dak l-Artikolu meta l-kompiti ta' implimentazzjoni baġitarja msemmija fil-punt (c) tal-ewwel subparagrafu tal-Artikolu 62(1) ta’ dak ir-Regolament ikunu fdati lil awtorità ta' ġestjoni ta' programm Interreg tar-reġjuni ultraperiferiċi identifikati skont l-Artikolu 45(1) ta' dan ir-Regolament u f'konformità mal-Artikolu 71 tar-Regolament (UE) 2021/1060.

3.   Fejn il-kompiti ta' implimentazzjoni baġitarja msemmija fil-punt (c) tal-ewwel subparagrafu tal-Artikolu 62(1) tar-Regolament Finanzjarju jkunu fdati lil organizzazzjoni ta’ Stat Membru, għandu japplika l-Artikolu 157 ta’ dak ir-Regolament.

4.   Fejn programm jew azzjoni kofinanzjata minn strument ta' finanzjament estern wieħed jew aktar tiġi implimentata minn pajjiż terz, pajjiż sieħeb, PTEE jew xi korp ieħor elenkat fil-punt (c) tal-ewwel subparagrafu tal-Artikolu 62(1) tar-Regolament Finanzjarju jew imsemmija fir-Regolament (UE) 2021/947 jew fid-Deċiżjoni 2013/755/UE, jew it-tnejn li huma, għandhom japplikaw ir-regoli rilevanti ta' dawn l-istrumenti.

Il-kondizzjonijiet għall-implimentazzjoni ta' parti minn programm Interreg tal-fergħa D taħt ġestjoni indiretta skont il-punt (b) jew (c) tal-Artikolu 55(3) ta’ dan ir-Regolament għandhom jiġu definiti permezz ta’ ftehim konkluż bejn il-Kummissjoni, l-awtorità ta' ġestjoni jew l-Istat Membru tagħha, u l-korp fdat.

1.   Is-setgħa ta' adozzjoni ta' atti delegati hija mogħtija lill-Kummissjoni soġġett għall-kondizzjonijiet stipulati f'dan l-Artikolu.

2.   Is-setgħa ta' adozzjoni ta' atti delegati msemmija fl-Artikoli 16(6) hija mogħtija lill-Kummissjoni għal perjodu ta’ żmien indeterminat mill-1 ta’ Lulju 2021.

3.   Id-delega ta' setgħa msemmija fl-Artikolu 16(6) tista' tiġi revokata fi kwalunkwe ħin mill-Parlament Ewropew jew mill-Kunsill. Deċiżjoni ta' revoka għandha ttemm id-delega ta' setgħa speċifikata f'dik id-deċiżjoni. Hija għandha ssir effettiva fil-jum ta' wara l-pubblikazzjoni tad-deċiżjoni f'Il-Ġurnal Uffiċjali tal-Unjoni Ewropea jew f'data aktar tard speċifikata hemmhekk. Hija ma għandhiex taffettwa l-validità ta' kwalunkwe att delegat diġà fis-seħħ.

4.   Qabel ma' tadotta att delegat, il-Kummissjoni għandha tikkonsulta esperti nominati minn kull Stat Membru f'konformità mal-prinċipji stipulati fil-Ftehim Interistituzzjonali tat-13 ta' April 2016 dwar it-Tfassil Aħjar tal-Liġijiet.

5.   Malli tadotta att delegat, il-Kummissjoni għandha tinnotifikah lill-Parlament Ewropew u lill-Kunsill simultanjament.

6.   Att delegat adottat skont l-Artikolu 16(6) għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien xahrejn min-notifika ta' dak l-att lill-Parlament Ewropew u lill-Kunsill jew jekk, qabel l-iskadenza ta' dak il-perjodu, il-Parlament Ewropew u l-Kunsill it-tnejn ikunu informaw lill-Kummissjoni li mhumiex ser joġġezzjonaw. Dak il-perjodu għandu jiġi estiż b'xahrejn fuq inizjattiva tal-Parlament Ewropew jew tal-Kunsill.

1.   Il-Kummissjoni għandha tkun assistita mill-kumitat stabbilit skont l-Artikolu 115(1) tar-Regolament (UE) 2021/1060. Dak il-kumitat għandu jkun kumitat fis-sens tar-Regolament (UE) Nru 182/2011.

2.   Fejn issir referenza għal dan il-paragrafu, għandu japplika l-Artikolu 4 tar-Regolament (UE) Nru 182/2011.