(1)

Fit-Taqsima 2.1.1, it-tieni paragrafu huwa sostitwit b’dan li ġej:

“Il-kalkoli jsiru f’baned ta’ ottavi għall-istorbju ġġenerat mit-traffiku fit-toroq, mit-traffiku ferrovjarju u mill-attività industrijali, ħlief għall-potenza akustika tas-sors tal-istorbju mill-ferroviji, li tuża baned ta’ terz ta’ ottava. Għall-istorbju ġġenerat mit-traffiku fit-toroq, mit-traffiku ferrovjarju u mill-attività industrijali, fuq il-bażi ta’ dawn ir-riżultati ta’ baned ta’ ottava, il-livell medju tal-pressjoni akustika fit-tul ponderat A għall-perjodu ta’ matul il-jum, filgħaxija u billejl, kif definit fl-Anness I u msemmi fl-Artikolu 5 tad-Direttiva 2002/49/KE, huwa kkalkulat bil-metodu deskritt fit-taqsima 2.1.2, 2.2, 2.3, 2.4 u 2.5. Għat-traffiku fit-toroq u dak ferrovjarju f’agglomerazzjonijiet, il-livell medju tal-pressjoni akustika fit-tul ponderat A huwa determinat mill-kontribut mis-segmenti tat-toroq u ferrovjarji fihom, inklużi toroq ewlenin u linji ferrovjarji ewlenin.”

(2)

It-Taqsima 2.2.1 hija emendata kif ġej:

(3)

It-Tabella 2.3.b hija emendata kif ġej:

(4)

It-Taqsima 2.3.2 hija emendata kif ġej:

(5)

Fit-Taqsima 2.3.3, il-paragrafu taħt l-intestaturi “Korrezzjoni għal radjazzjoni strutturali (pontijiet u vijadotti)” huwa sostitwit b’dan li ġej:

“Korrezzjoni għal radjazzjoni strutturali (pontijiet u vijadotti)

Fil-każ fejn is-sezzjoni tal-binarju hija fuq pont, hemm bżonn li jiġi kkunsidrat l-istorbju addizzjonali ġġenerat mill-vibrazzjoni tal-pont bħala riżultat tal-eċitazzjoni kkawżata mill-preżenza tal-ferrovija. L-istorbju tal-pont jiġi mudellat bħala sors addizzjonali li l-potenza akustika għal kull vettura għalih tingħata kif ġej

fejn LH, bridge ,i hija l-funzjoni ta’ trasferiment tal-pont. L-istorbju tal-pont LW,0, bridge ,i jirrappreżenta biss il-ħoss irradjat mill-kostruzzjoni tal-pont. L-istorbju tad-dawrien minn vettura fuq il-pont jiġi kkalkulat bl-użu ta’ (2.3.8) sa (2.3.10), billi tintgħażel il-funzjoni tat-trasferiment tal-binarju li tikkorrispondi mas-sistema tal-binarji li hija preżenti fuq il-pont. L-ostakli mal-ġnub tal-pont ġeneralment ma jitqisux.”

(6)

It-Taqsima 2.4.1 hija emendata kif ġej:

(7)

Fit-Taqsima 2.5.1, is-seba’ paragrafu huwa sostitwit b’dan li ġej:

“Oġġetti b’inklinazzjoni ta’ aktar minn 15° fir-rigward tal-vertikali ma jitqisux bħala rifletturi iżda jitqiesu fl-aspetti l-oħra kollha ta’ propagazzjoni, bħall-effetti fuq l-art u d-diffrazzjoni.”

(8)

It-Taqsima 2.5.5 hija emendata kif ġej:

(9)

It-Taqsima 2.5.6 hija emendata kif ġej:

(e)	l-Illustrazzjoni 2.5.d hija sostitwita b’dan li ġej:

(g)

fil-paragrafu taħt l-intestaturi “Kundizzjonijiet Favorevoli”, is-subparagrafi bejn il-formula (2.5.28) u l-formula (2.5.29) (iż-żewġ formuli inklużi), huma sostitwiti b’dan li ġej: “ (2.5.28)” F’kundizzjonijiet favorevoli, il-passaġġ ta’ propagazzjoni fil-pjan ta’ propagazzjoni vertikali dejjem jikkonsisti minn segmenti ta’ ċirku li r-raġġ tagħhom jingħata mid-distanza 3D bejn is-sors u r-riċevitur, jiġifieri, is-segmenti kollha ta’ passaġġ ta’ propagazzjoni għandhom l-istess raġġ ta’ kurvatura. Jekk l-ark dirett li jgħaqqad is-sors u r-riċevitur ikun ostakolat, il-passaġġ ta’ propagazzjoni jiġi definit bħala l-iqsar kombinazzjoni konvessa ta’ arki li tinkludi l-ostakli kollha. F’dan il-kuntest konvess ifisser li f’kull punt ta’ diffrazzjoni, is-segment tar-raġġ li ħiereġ jiġi difless ’l isfel fir-rigward tas-segment tar-raġġ li dieħel. Fix-xenarju ppreżentat fl-Illustrazzjoni 2.5.f, id-differenza tal-passaġġ hija: (2.5.29)

(10)

It-Taqsima 2.7.5 “Storbju u prestazzjoni tal-inġenju tal-ajru” hija sostitwita b’dan li ġej:

“2.7.5    Storbju u prestazzjoni tal-inġenju tal-ajru

Il-bażi tad-data tal-ANP mogħtija fl-Appendiċi I fiha l-koeffiċjenti tal-prestazzjoni tal-inġenji tal-ajru u tal-magni, il-profili tat-tluq u tal-avviċinament kif ukoll ir-relazzjonijiet bejn l-NPD għal proporzjon sostanzjali ta’ inġenji tal-ajru ċivili li joperaw minn ajruporti tal-Unjoni Ewropea. Għal tipi jew varjanti ta’ inġenji tal-ajru li għalihom bħalissa ma hemmx data elenkata, dawn jistgħu jkunu rappreżentati l-aħjar minn data għal inġenji tal-ajru oħrajn, ġeneralment simili li huma elenkati.

Din id-data ġiet derivata biex jiġu kkalkulati l-kontorni tal-istorbju għal flotta medja jew rappreżentattiva u għal taħlita ta’ traffiku f’ajruport. Jista’ ma jkunx xieraq li wieħed jipprevedi livelli assoluti ta’ storbju ta’ mudell ta’ inġenju tal-ajru individwali u mhuwiex xieraq li wieħed iqabbel il-prestazzjoni tal-istorbju u l-karatteristiċi ta’ tipi, mudelli jew flotta speċifika ta’ inġenji tal-ajru. Minflok, biex jiġi ddeterminat liema tipi, mudelli jew flotta speċifika ta’ inġenji tal-ajru huma l-aktar kontributuri storbjużi, għandhom jiġu eżaminati ċ-ċertifikati tal-istorbju.

Il-bażi tad-data tal-ANP tinkludi profil prestabbiliti wieħed jew aktar tat-tlugħ u tal-landjar għal kull tip ta’ inġenju tal-ajru elenkat. L-applikabbiltà ta’ dawn il-profili għall-ajruport taħt kunsiderazzjoni għandha tiġi eżaminata, u għandhom jiġu determinati l-profili b’punt fiss jew inkella l-passi proċedurali li jirrappreżentaw l-aħjar l-operazzjonijiet tat-titjir f’dan l-ajruport.”

(11)

Fit-Taqsima 2.7.11, it-titolu tat-tieni paragrafu taħt l-intestaturi “Dispersjoni tat-trajettorja” huwa sostitwit b’dan li ġej:

“ Dispersjoni laterali tat-trajettorja ”

(12)

Fit-Taqsima 2.7.12, wara s-sitt subparagrafu u qabel is-seba’ u l-aħħar subparagrafu, jiddaħħal is-subparagrafu li ġej:

“Sors ta’ storbju minn inġenju tal-ajru jenħtieġ li jiddaħħal f’għoli minimu ta’ 1,0 m (3,3 pied) ’il fuq mil-livell tal-ajrudrom, jew ’il fuq mil-livelli ta’ elevazzjoni tat-terren tar-runway, skont kif rilevanti.”

(13)

It-Taqsima 2.7.13, “Tiswir tas-segmenti tar-rotta tat-titjira” hija sostitwita b’dan li ġej:

“2.7.13    Tiswir tas-segmenti tat-trajettorja tat-titjira

Kull trajettorja tat-titjira trid tiġi definita minn sett ta’ koordinati tas-segmenti (nodi) u parametri tat-titjira. Il-punt tal-bidu jingħata sabiex jiġu stabbiliti l-koordinati tas-segmenti tat-trajettorja tal-art. Imbagħad jiġi kkalkulat il-profil tat-titjira, filwaqt li ta’ min ifakkar li għal sett partikolari ta’ passi proċedurali, il-profil jiddependi mit-trajettorja tal-art; eż. bl-istess forza propulsiva u veloċità, ir-rata tat-tlugħ tal-inġenju tal-ajru hija inqas f’liwjiet milli f’titjira dritta. L-Imbagħad issir subsegmentazzjoni għall-inġenju tal-ajru fuq ir-runway (tidwir fuq l-art għall-qtugħ jew għal-landjar), u għall-inġenju tal-ajru qrib ir-runway (tlugħ inizjali jew avviċinament finali). Imbagħad jenħtieġ li ssir subsegmentazzjoni tas-segmenti fl-ajru b’veloċitajiet ferm differenti fil-punti tat-tluq u tat-tmiem tagħhom. Il-koordinati bidimensjonali tas-segmenti tat-trajettorja tal-art (*) jiġu determinati u magħquda mal-profil bidimensjonali tat-titjira sabiex jiġu determinati s-segmenti tridimensjonali tat-trajettorja tat-titjira. Fl-aħħar nett, punti tat-trajettorja tat-titjira li jkunu qrib wisq ta’ xulxin jitneħħew.

Profil tat-titjira

Il-parametri li jiddeskrivu kull segment tal-profil tat-titjira fil-bidu (suffiss 1) u fit-tmiem (suffiss 2) tas-segment huma:

Biex jinbena profil tat-titjira minn sett ta’ passi proċedurali (sinteżi tar-rotta tat-titjira), is-segmenti jinbnew f’sekwenza biex jinkisbu l-kundizzjonijiet meħtieġa fil-punti tat-tmiem. Il-parametri tal-punt tat-tmiem għal kull segment isiru l-parametri tal-punt tal-bidu għas-segment li jmiss. Fi kwalunkwe kalkolu tas-segment, il-parametri jkunu magħrufin mill-bidu; il-kundizzjonijiet meħtieġa fit-tmiem huma speċifikati mill-passi proċedurali. Il-passi nfushom huma definiti jew mill-elementi prestabbiliti tal-ANP jew mill-utent (eż. minn manwali tat-titjir tal-inġenju tal-ajru). Il-kundizzjonijiet tat-tmiem normalment ikunu l-għoli u l-veloċità; il-kompitu ta’ bini tal-profil huwa biex tiġi determinata d-distanza tat-trajettorja koperta fl-ilħuq ta’ dawk il-kundizzjonijiet. Il-parametri mhux definiti jiġu determinati bil-kalkoli tal-prestazzjoni tat-titjira deskritti fl-Appendiċi B.

Jekk it-trajettorja tal-art tkun dritta, il-punti ta’ profil u l-parametri tat-titjira assoċjati jistgħu jiġu determinati indipendentement mit-trajettorja tal-art (l-angolu ta’ inklinazzjoni laterali huwa dejjem żero). Madankollu, it-trajettorji tal-art rari jkunu dritti; normalment jinkorporaw liwjiet u, sabiex jinkisbu l-aħjar riżultati, dawn għandhom jiġu kkunsidrati meta jiġi determinat profil tat-titjira bidimensjonali, billi meta jkun hemm bżonn is-segmenti tal-profil jinqasmu f’nodi tat-trajettorja tal-art biex jiddaħħlu l-bidliet fl-angolu ta’ inklinazzjoni laterali. Bħala regola, it-tul tas-segment li jmiss ma jkunx magħruf mill-bidu nett u jiġi kkalkulat b’mod provviżorju bis-suppożizzjoni li ma jkunx hemm tibdil fl-angolu ta’ inklinazzjoni laterali. Jekk imbagħad jinstab li s-segment provviżorju jestendi tul nodu wieħed jew iktar tat-trajettorja tal-art, bl-ewwel wieħed f’s, jiġifieri s1 < s < s2 , is-segment jiġi tronkat f’s, u l-parametri hemmhekk jiġu kkalkulati permezz ta’ interpolazzjoni (ara aktar ’l isfel). Dawn isiru l-parametri tal-punt tat-tmiem tas-segment attwali u l-parametri tal-punt tal-bidu ta’ segment ġdid - li xorta jkollu l-istess kundizzjonijiet tat-tmiem fil-mira. Jekk ma jkunx hemm nodu ta’ intervent tat-trajettorja tal-art is-segment provviżorju jiġi kkonfermat.

Jekk l-effetti tal-liwjiet fuq il-profil tat-titjira jkollhom jiġu injorati, tiġi adottata s-soluzzjoni ta’ segment uniku f’titjira dritta għalkemm l-informazzjoni dwar l-angolu ta’ inklinazzjoni laterali tinżamm għal użu sussegwenti.

Kemm jekk l-effetti tal-liwja jiġu mmudellati bis-sħiħ kif ukoll jekk le, kull trajettorja tat-titjira tridimensjonali tiġi ġġenerata permezz tal-amalgamazzjoni tal-profil tat-titjira bidimensjonali tagħha mat-trajettorja tal-art bidimensjonali tagħha. Ir-riżultat huwa sekwenza ta’ settijiet ta’ koordinati (x,y,z), li kull wieħed huwa jew nodu tat-trajettorja tal-art segmentata, nodu tal-profil tat-titjira jew it-tnejn li huma, u l-punti ta’ profil jkunu akkumpanjati mill-valuri tal-għoli korrispondenti z, il-veloċità fuq l-art V, l-angolu ta’ inklinazzjoni laterali ε u l-potenza tal-magna P. Għal punt fuq trajettorja (x,y) li jaqa’ bejn il-punti tat-tmiem ta’ segment ta’ profil tat-titjira, il-parametri tat-titjira jiġu interpolati kif ġej:

fejn

Għandu jiġi nnotat illi filwaqt li huwa preżunt li z u ε ivarjaw b’mod lineari mad-distanza, huwa preżunt li V u P ivarjaw b’mod lineari maż-żmien (jiġifieri aċċellerazzjoni kostanti (**)).

Meta s-segmenti tal-profil tat-titjira jitqabblu mad-data mir-radar (analiżi tat-trajettorja tat-titjira) id-distanzi, l-għoli, il-veloċitajiet u l-angoli ta’ inklinazzjoni laterali tal-punt tat-tmiem jiġu determinati direttament mid-data; huma biss il-parametri tal-potenza li jridu jiġu kkalkulati billi jintużaw l-ekwazzjonijiet tal-prestazzjoni. Peress li l-koordinati tat-trajettorja tal-art u tal-profil tat-titjira jistgħu jitqabblu kif xieraq ukoll, normalment dan ikun pjuttost sempliċi.

Tidwir fuq l-art għall-qtugħ

Waqt li jkun qed jinqata’ mill-art, meta inġenju tal-ajru jaċċellera bejn il-punt ta’ rilaxx tal-brejkijiet (magħruf ukoll bħala l-Bidu tat-Tidwir SOR) u l-punt tal-qtugħ mill-art, il-veloċità tinbidel b’mod drammatiku tul distanza ta’ 1 500 sa 2 500 m, minn żero għal bejn madwar 80 u 100 m/s.

B’hekk, it-tidwir għall-qtugħ jinqasam f’segmenti b’tulijiet varjabbli li matulhom il-veloċità tal-inġenju tal-ajru tinbidel b’inkrement speċifiku ΔV ta’ mhux aktar minn 10 m/s (madwar 20kt). Għalkemm fil-fatt tvarja matul it-tidwir għall-qtugħ, suppożizzjoni ta’ aċċellerazzjoni kostanti hija adegwata għal dan il-għan. F’dan il-każ, għall-fażi tal-qtugħ, V1 hija l-veloċità inizjali, V2 hija l-veloċità tal-qtugħ, nTO hija l-għadd ta’ segmenti tal-qtugħ u sTO hija d-distanza tal-qtugħ ekwivalenti. Għal distanza tal-qtugħ ekwivalenti sTO (ara l-Appendiċi B) u l-veloċità tal-qtugħ V1 u l-veloċità tal-qtugħ VTO , l-għadd nTO ta’ segmenti għat-tidwir fuq l-art huwa

u għalhekk il-bidla fil-veloċità tul segment hija

u l-ħin Δt f’kull segment huwa (b’suppożizzjoni ta’ aċċellerazzjoni kostanti)

Imbagħad, it-tul sTO,k ta’ segment k (1 ≤ k ≤ nTO) tat-tidwir tal-qtugħ huwa:

Eżempju: Għal distanza tal-qtugħ sTO  = 1 600 m, V1=0m/s u V2 = 75 m/s, dan iwassal għal nTO  = 8 segmenti b’tulijiet li jvarjaw bejn 25 u 375 metru (ara l-Illustrazzjoni 2.7.g):

B’mod simili għat-tibdil fil-veloċità, il-forza propulsiva ta’ inġenju tal-ajru tinbidel ma’ kull segment permezz ta’ inkrement kostanti ΔP, ikkalkulat hekk

fejn PTO u P init rispettivament jiddeżinjaw il-forza propulsiva tal-inġenju tal-ajru fil-punt tal-qtugħ mill-art u l-forza propulsiva tal-inġenju tal-ajru fil-bidu tat-tidwir għall-qtugħ.

L-użu ta’ dan l-inkrement kostanti fil-forza propulsiva (minflok l-użu tal-ekwazzjoni tal-forma kwadratika 2.7.6) għandu l-għan li jkun konsistenti mar-relazzjoni lineari bejn il-forza propulsiva u l-veloċità fil-każ ta’ inġenju tal-ajru b’magna ġett.

Nota importanti: L-ekwazzjonijiet u l-eżempju ta’ hawn fuq jassumu b’mod impliċitu li l-veloċità inizjali tal-inġenju tal-ajru fil-bidu tal-fażi tal-qtugħ mill-art hija żero. Din tikkorrispondi għas-sitwazzjoni komuni fejn l-inġenju tal-ajru jibda jdur fuq l-art u jaċċellera mill-punt tar-rilaxx tal-brejk. Madankollu, hemm ukoll sitwazzjonijiet fejn l-inġenju tal-ajru jista’ jibda jaċċellera mill-veloċità tat-taxiing tiegħu, mingħajr ma jieqaf fil-limitu tar-runway. F’dak il-każ ta’ veloċità inizjali mhux ta’ żero Vinit,, jenħtieġ li jintużaw l-ekwazzjonijiet “ġeneralizzati” li ġejjin minflok l-ekwazzjonijiet 2.7.8, 2.7.9. 2.7.10 u 2.7.11.

F’dan il-każ, għall-fażi tal-qtugħ mill-art, V1  hija l-veloċità inizjali Vinit , V2  hija l-veloċità tal-qtugħ mill-art VTO , n huwa n-numru tas-segment tal-qtugħ nTO , s hija d-distanza tal-qtugħ ekwivalenti sTO  u sk  huwa t-tul sTO,k  tas-segment k (1[Simbolu]k[Simbolu]n).

It-tidwir fuq l-art għal-landjar

Għalkemm it-tidwir fuq l-art għal-landjar huwa essenzjalment l-oppost tat-tidwir fuq l-art għall-qtugħ, għandu jittieħed kont speċjali ta’

Għall-kuntrarju tad-distanza tat-tidwir għall-qtugħ, li tinkiseb mill-parametri tal-prestazzjoni tal-inġenju tal-ajru, id-distanza tal-waqfien sstop (jiġifieri d-distanza mit-touchdown sal-punt li fih l-inġenju tal-ajru jitlaq mir-runway) mhijiex purament speċifika għall-inġenju tal-ajru. Minkejja li distanza minima tal-waqfien tista’ tiġi stmata mill-massa u mill-prestazzjoni tal-inġenju tal-ajru (u l-forza propulsiva invertita disponibbli), id-distanza tal-waqfien reali tiddependi wkoll fuq il-pożizzjoni tat-taxiways, fuq is-sitwazzjoni tat-traffiku, u fuq ir-regolamenti speċifiċi tal-ajruporti dwar l-użu ta’ forza propulsiva invertita.

L-użu ta’ forza propulsiva invertita mhuwiex proċedura standard - tiġi applikata biss jekk id-deċelerazzjoni meħtieġa ma tistax tinkiseb bl-użu tal-brejkijiet tar-roti. (Il-forza propulsiva invertita tista’ tkun ta’ xkiel eċċezzjonali peress li bidla rapida fil-potenza tal-magna minn aċċellerazzjoni minima għal rivers tipproduċi tifqigħa f’daqqa ta’ storbju.)

Madankollu, ħafna mir-runways jintużaw għat-tluq kif ukoll għal-landjar b’tali mod li l-forza propulsiva invertita għandha effett żgħir ħafna fuq il-kontorni tal-istorbju peress li l-enerġija akustika totali fil-viċinanza tar-runway hija ddominata mill-istorbju prodott mill-operazzjonijiet ta’ qtugħ. Il-kontribuzzjonijiet tal-forza propulsiva invertita għall-kontorni jistgħu jkunu sinifikanti biss meta l-użu tar-runway ikun limitat għal operazzjonijiet ta’ llandjar.

Fiżikament, l-istorbju mill-forza propulsiva invertita huwa proċess ferm kumpless iżda minħabba s-sinifikanza relattivament żgħira tiegħu għall-kontorni tal-istorbju fl-arja, jista’ jiġi mmudellat b’mod issimplifikat - billi l-bidla rapida fil-potenza tal-magna tittieħed f’kunsiderazzjoni permezz ta’ segmentazzjoni xierqa.

Huwa ċar li l-immudellar tat-tidwir fuq l-art għal-landjar huwa inqas sempliċi meta mqabbel ma’ storbju tat-tidwir għall-qtugħ. Is-suppożizzjonijiet simplifikati li ġejjin għall-immudellar huma rrakkomandati għall-użu ġenerali, meta ma jkunx hemm informazzjoni dettaljata disponibbli (ara l-Illustrazzjoni 2.7.h.1).

L-inġenju tal-ajru jaqsam il-limitu tal-inżul (li għandu l-koordinati s = 0 tul it-trajettorja tal-art ta’ avviċinament) f’altitudni ta’ 50 pied, u mbagħad ikompli jinżel fuq it-trajettorja tal-inżul tiegħu sakemm jillandja fuq ir-runway. Għal trajettorja ta’ nżul ta’ 3°, il-punt tat-touchdown huwa ta’ 291 m lil hinn mil-limitu tal-landjar (kif muri fl-Illustrazzjoni 2.7.h.1). Imbagħad l-inġenju tal-ajru jiddeċellera tul distanza tal-waqfien sstop - li l-valuri speċifiċi għall-inġenju tal-ajru huma mogħtija fil-bażi tad-data tal-ANP - mill-veloċità tal-avviċinament finali Vfinal għal 15 m/s. Minħabba t-tibdil rapidu fil-veloċità tul dan is-segment, dan jenħtieġ li jiġi subsegmentat bl-istess mod bħat-tidwir fuq l-art għall-qtugħ (jew għal segmenti fl-ajru b’tibdil rapidu fil-veloċità), billi jintużaw l-ekwazzjonijiet ġeneralizzati 2.7.13 (peress li l-veloċità tax-taxiing mhijiex żero). It-tibdil fil-potenza tal-magna mill-potenza tal-avviċinament finali fit-touchdown għal parametru tal-potenza tal-forza propulsiva invertita Prev tul distanza 0,1•sstop , imbagħad jonqos għal 10 % tal-potenza massima disponibbli tul id-90 fil-mija li jifdal tad-distanza tal-waqfien. Sa tmiem ir-runway (f’s = -s RWY) il-veloċità tal-inġenju tal-ajru tibqa’ kostanti.

Attwalment il-kurvi tal-NPD għall-forza propulsiva invertita mhumiex inklużi fid-bażi tad-data tal-ANP, u għaldaqstant hemm bżonn li jintużaw il-kurvi konvenzjonali għall-immudellar ta’ dan l-effett. Tipikament, il-potenza tal-forza propulsiva invertita Prev hija ta’ madwar 20 % tal-parametru tal-potenza sħiħa u din hija rrakkomandata meta ma jkunx hemm informazzjoni operattiva disponibbli. Madankollu, t-tendenza hi li f’parametru tal-potenza partikolari, il-forza propulsiva invertita tiġġenera ħafna iktar storbju milli forza propulsiva ’l quddiem u għandu jiġi applikat inkrement ΔL għal-livell ta’ event derivat mill-NPD, li jiżdied minn żero għal valur ΔLrev (5dB hija r-rakkomandazzjoni provviżorja (***)) tul 0,1•sstop u mbagħad jonqos b’mod lineari għal żero tul il-bqija tad-distanza tal-waqfien.

Segmentazzjoni tas-segmenti tat-tlugħ inizjali u tal-avviċinament finali

Il-ġeometrija bejn is-segment u r-riċevitur tinbidel rapidament tul is-segmenti tal-ajru tat-tlugħ inizjali u tal-avviċinament finali, b’mod partikolari fir-rigward tal-punti ta’ osservazzjoni mal-ġenb tat-trajettorja tat-titjira, fejn anke l-angolu ta’ elevazzjoni (l-angolu beta) jinbidel rapidament meta l-inġenju tal-ajru jitla’ jew jinżel minn ġo dawn is-segmenti inizjali/finali. It-tqabbil ma’ kalkoli ta’ segment żgħar ħafna juri li l-użu ta’ segment tal-ajru uniku (jew ta’ għadd limitat ta’ segmenti) tat-tlugħ jew tal-avviċinament taħt ċertu għoli (relattiv għar-runway) iwassal għal approssimazzjoni fqira tal-istorbju fuq in-naħa tat-trajettorja tat-titjira għal metrija integrata. Dan huwa minħabba l-applikazzjoni ta’ aġġustament uniku ta’ attenwazzjoni laterali fuq kull segment, li jikkorrispondi għal valur uniku tal-angolu tal-elevazzjoni speċifiku għal kull segment, filwaqt li t-tibdil rapidu ta’ dan il-parametru jwassal għal varjazzjonijiet sinifikanti fl-effett ta’ attenwazzjoni laterali tul kull segment. L-akkuratezza tal-kalkolu tittejjeb permezz ta’ subsegmentazzjoni tas-segmenti tal-ajru tat-tlugħ inizjali u dawk tal-aħħar avviċinament. L-għadd ta’ subsegmenti u t-tul ta’ kull wieħed minnhom jiddeterminaw il-“granularità” tal-bidla fl-attenwazzjoni laterali li se tittieħed f’kunsiderazzjoni. Meta wieħed josserva l-espressjoni tal-attenwazzjoni laterali totali għal inġenji tal-ajru b’magni mmuntati fil-fuselaġġ, jista’ jintwera li għal bidla ta’ limitazzjoni fl-attenwazzjoni laterali ta’ 1.5 dB għal kull subsegment, is-segmenti tal-ajru tat-tlugħ u tal-approssimazzjoni f’għoli li ma jaqbiżx l-1 289,6 m (4 231 pied) ’il fuq mir-runway jenħtieġ li jiġu subsegmentati abbażi tas-sett ta’ valuri tal-għoli li ġej:

Għal kull segment oriġinali ta’ inqas minn 1 289,6 m (4 231 pied), l-għoli ta’ hawn fuq jiġi implimentat billi jiġi identifikat liema għoli fis-sett ta’ hawn fuq jqarreb l-aktar l-għoli tal-punt tat-tmiem oriġinali (għal segment tat-tlugħ) jew l-għoli tal-punt tal-bidu (għal segment tal-avviċinament). Imbagħad, l-għoli proprju tas-subsegmenti zi, jiġi kkalkulat bl-użu ta’:

fejn:

Eżempju għal segment tat-tlugħ inizjali:

Jekk l-għoli tal-punt ta’ tmiem tas-segment oriġinali huwa ze = 304.8 m, allura mis-sett ta’ valuri tal-għoli, 214.9 m < ze < 334.9 m u l-eqreb għoli mis-sett sa ze huwa z’7 = 334.9 m. Imbagħad, l-għoli tal-punti tat-tmiem tas-subsegmenti jiġi kkomputat hekk:

(filwaqt li jiġi nnotat li f’dak il-każ k =1, peress li dan huwa segment tat-tlugħ inizjali)

B’hekk z1 ikun ta’ 17,2 m u z2 ikun ta’ 37,8 m, eċċ.

Segmentazzjoni ta’ segmenti fl-ajru

Għal segmenti fl-ajru meta jkun hemm tibdil sinifikanti fil-veloċità tul segment, dan għandu jiġi suddiviż bħal fil-każ tat-tidwir fuq l-art, jiġifieri

fejn V1 u V2 huma l-veloċitajiet tal-bidu u tat-tmiem tas-segment rispettivament. Il-parametri tas-subsegmenti korrispondenti jiġu kkalkulati b’mod simili bħat-tidwir fuq l-art għall-qtugħ, billi jintużaw l-ekwazzjonijiet 2.7.9 sa 2.7.11.

Trajettorja tal-art

Trajettorja tal-art, kemm jekk trajettorja taċ-ċentru jew subtrajettorja dispersa, hija definita minn serje ta’ koordinati (x,y) fil-pjan tal-art (eż. minn informazzjoni mir-radar) jew minn sekwenza ta’ kmandi vettorjali li jiddeskrivu segmenti dritti u arki ċirkolari (liwjiet b’raġġ definit r u tibdil fid-direzzjoni Δξ).

Għall-immudellar tas-segmentazzjoni, ark huwa rappreżentat minn sekwenza ta’ segmenti dritti mdaħħlin f’subarki. Għalkemm ma jidhrux espliċitament fis-segmenti tat-trajettorja tal-art, l-inklinazzjoni laterali tal-inġenju tal-ajru matul il-liwjiet tinfluwenza d-definizzjoni tagħhom. L-Appendiċi B4 jispjega kif jiġu kkalkulati l-angoli ta’ inklinazzjoni laterali waqt liwja kostanti iżda ovvjament dawn ma jiġux effettivament applikati jew jitneħħew f’daqqa. Mhuwiex prestabbilit kif wieħed għandu jieħu ħsieb tranżizzjonijiet bejn titjira dritta u f’liwja, jew bejn liwja u oħra li tiġi eżatt warajha. Bħala regola, id-dettalji, li jitħallew f’idejn l-utent (ara t-Taqsima 2.7.11), x’aktarx għandhom effett negliġibbli fuq il-kontorni finali; ir-rekwiżit huwa li primarjament jiġu evitati inkonsistenzi kbar fit-tmiem tal-liwja u dan jista’ jinkiseb b’mod sempliċi billi, pereżempju, jiddaħħlu segmenti ta’ tranżizzjoni qosra li matulhom l-angolu ta’ inklinazzjoni laterali jinbidel b’mod lineari mad-distanza. Sempliċiment fil-każ speċjali fejn liwja partikolari jista’ jkollha effett dominanti fuq il-kontorni finali jkun hemm bżonn li tiġi mmudellata d-dinamika tat-transizzjoni b’mod iktar realistiku, sabiex l-angolu ta’ inklinazzjoni laterali jiġi relatat ma’ tipi partikolari ta’ inġenji tal-ajru u sabiex jiġu adottati rati ta’ tidwir xierqa. Hawnhekk huwa biżżejjed li jiġi ddikjarat li s-subarki tat-tmiem Δξtrans f’kull liwja huma dettati mir-rekwiżiti dwar it-tibdil fl-angolu ta’ inklinazzjoni laterali. Il-bqija tal-ark b’tibdil fil-gradi tad-direzzjoni Δξ - 2·Δξtrans tinqasam f’subarki nsub skont l-ekwazzjoni:

fejn int(x) hija funzjoni li tirritorna l-parti intiġer ta’ x. Imbagħad il-bidla fid-direzzjoni Δξ sub ta’ kull subark tinħadem hekk

fejn nsub trid tkun kbira biżżejjed biex jiġi żgurat li Δξ sub ≤ 10 gradi. Is-segmentazzjoni ta’ ark (esklużi s-subsegmenti ta’ tranżizzjoni ta’ tmiem) hija murija fl-Illustrazzjoni 2.7.h.2  (****).

Ladarba s-segmenti tat-trajettorja tal-art ikunu ġew stabbiliti fil-pjan x-y, is-segmenti tal-profil tat-titjira (fil-pjan s-z) jiġu sovrapposti sabiex jiġu prodotti s-segmenti tridimensjonali (x, y, z) tat-trajettorja.

It-trajettorja tal-art jenħtieġ li dejjem testendi mir-runway u lil hinn mill-medda tal-grilja ta’ kalkolu. Dan jista’ jinkiseb, jekk ikun hemm bżonn, billi jiżdied segment dritt ta’ tul xieraq mal-aħħar segment tat-trajettorja tal-art.

It-tul totali tal-profil tat-titjira, ladarba jingħaqad mat-trajettorja tal-art, irid jestendi wkoll mir-runway u lil hinn mill-medda tal-grilja ta’ kalkolu. Dan jista’ jinkiseb, jekk ikun meħtieġ, billi jiżdied punt ta’ profil ieħor:

Aġġustamenti fis-segmentazzjoni ta’ segmenti fl-ajru

Wara li s-segmenti tat-trajettorja tat-titjira 3-D ikunu nkisbu skont il-proċedura deskritta fit-Taqsima 2.7.13, jistgħu jkunu meħtieġa aġġustamenti ulterjuri tas-segmentazzjoni sabiex jitneħħew il-punti tat-trajettorja tat-titjira li huma qrib wisq ta’ xulxin.

Meta l-punti kontigwi jkunu inqas minn 10 metri minn xulxin, u meta l-veloċitajiet u l-forzi propulsivi assoċjati jkunu l-istess, wieħed mill-punti jenħtieġ li jiġi eliminat.”

(*)  Għal dan l-għan, it-tul totali tat-trajettorja tal-art jenħtieġ li dejjem jaqbeż dak tal-profil tat-titjira. Dan jista’ jinkiseb, jekk ikun hemm bżonn, billi jiżdiedu segmenti dritti ta’ tul xieraq mal-aħħar segment tat-trajettorja tal-art."

(**)  Anki jekk il-parametri tal-potenza tal-magna jibqgħu kostanti tul segment, il-forza propulsiva u l-aċċellerazzjoni jistgħu jinbidlu minħabba varjazzjoni fid-densità tal-arja mal-għoli. Madankollu, għall-finijiet ta’ mmudellar tal-istorbju, normalment dawn il-bidliet ikunu negliġibbli."

(***)  Dan kien rakkomandat fl-edizzjoni ta’ qabel tad-Dok 29 tal-ECAC iżda għadu meqjus provviżorju sakemm tinkiseb data sperimentali korroborattiva ulterjuri."

(****)  Definit b’dan il-mod sempliċi, it-tul totali tat-trajettorja segmentata huwa ftit inqas minn dak tat-trajettorja ċirkolari. Madankollu, l-iżball konsegwenti tal-kontorn huwa negliġibbli jekk l-inkrementi angolari huma taħt it-30°."

(14)

Taqsima 2.7.16. “Stabbiliment tal-livelli tal-event mid-data NPD”, hija sostitwita b’dan li ġej:

“2.7.16    Stabbiliment tal-livelli tal-event mid-data NPD

Is-sors ewlieni tad-data dwar l-istorbju tal-inġenji tal-ajru huwa l-bażi tad-data internazzjonali dwar il-Prestazzjoni u l-Istorbju tal-Inġenji tal-Ajru (ANP). Din tippreżenta f’forma tabulari Lmax u LE bħala funzjonijiet tad-distanza ta’ propagazzjoni d - għal tipi speċifiċi ta’ inġenji tal-ajru, varjanti, konfigurazzjonijiet tat-titjir (avviċinament, tluq, parametri tal-flaps), u parametri tal-potenza P. Jittrattaw titjir kostanti b’veloċitajiet ta’ referenza speċifiċi Vref tul trajettorja tat-titjira dritta nozzjonalment infinita (*).

Il-mod kif jiġu speċifikati l-valuri tal-varjabbli indipendenti P u d huwa deskritt iktar ’il quddiem. F’look-up waħda, b’valuri tal-input P u d, il-valuri tal-output meħtieġa huma l-livelli bażi Lmax(P,d) u/jew LE ∞(P,d) (applikabbli għal trajettorja tat-titjira infinita). Sakemm il-valuri ma jinzertawx tabulati għal P u/jew għal d bl-eżatt, ġeneralment ikun hemm bżonn li l-livell jew il-livelli tal-istorbju ta’ event jiġu stmati permezz ta’ interpolazzjoni. Bejn parametri tal-potenza tabulari tintuża interpolazzjoni lineari, filwaqt li bejn distanzi tabulari tintuża interpolazzjoni logaritmika (ara l-Illustrazzjoni 2.7.i).

Jekk Pi u Pi+ 1 huma l-valuri tal-potenza tal-magna li għalihom id-data dwar il-livell tal-istorbju kontra d-distanza hija tabulata, il-livell tal-istorbju L(P) f’distanza partikolari għal potenza intermedja P, bejn Pi u Pi+ 1,tingħata hekk:

Jekk, f’xi parametru tal-potenza, di u di+ 1 huma distanzi li għalihom id-data dwar l-istorbju hija tabulari, il-livell tal-istorbju L(d) għal distanza intermedja d, bejn di u di+ 1 tingħata hekk

Bl-użu tal-ekwazzjonijiet (2.7.19) u (2.7.20), jista’ jinkiseb livell ta’ storbju L(P,d) għal kwalunkwe parametru tal-potenza P u kwalunkwe distanza d li jaqgħu fi ħdan l-envelopp tal-bażi tad-data tal-NPD.

Għal distanzi d li jaqgħu barra l-envelopp tal-NPD, tintuża l-ekwazzjoni 2.7.20 biex issir estrapolazzjoni mill-aħħar żewġ valuri, jiġifieri ’l ġewwa minn L(d1) u L(d2) jew ’il barra minn L(dI-1) u L(dI) fejn I huwa l-għadd totali ta’ punti tal-NPD fuq il-kurva. B’hekk

’Il ġewwa:

’Il barra:

Peress li, fuq distanzi qosra d, il-livelli tal-istorbju jiżdiedu malajr ħafna bi tnaqqis fid-distanza ta’ propagazzjoni, huwa rrakkomandat li jiġi impost limitu inferjuri ta’ 30 m fuq d, jiġifieri d = max(d, 30 m).

Aġġustament tal-impedenza tad-data NPD standard

Id-data NPD ipprovduta fil-bażi tad-data tal-ANP hija normalizzata għal kundizzjonijiet atmosferiċi ta’ referenza (temperatura ta’ 25 °C u pressjoni ta’ 101.325 kPa). Qabel ma jiġi applikat il-metodu ta’ interpolazzjoni/estrapolazzjoni deskritt qabel, għandu jiġi applikat aġġustament tal-impedenza akustika għal dik id-data NPD standard.

L-impedenza akustika hija relatata mal-propagazzjoni tal-mewġ tal-ħoss f’midjum akustiku, u hija definita bħala l-prodott tad-densità tal-arja u l-veloċità akustika. Għal intensità tal-ħoss partikolari (potenza għal kull żona unitarja) perċepita minn distanza speċifika mis-sors, il-pressjoni akustika assoċjata (użata biex jiġu definiti l-metriċi SEL u LAmax) tiddependi fuq l-impedenza akustika tal-arja fil-post tal-kejl. Hija funzjoni tat-temperatura, il-pressjoni atmosferika (u indirettament l-altitudni). Għaldaqstant hemm bżonn li tiġi aġġustata d-data NPD standard tal-bażi tad-data tal-ANP sabiex jittieħed kont tat-temperatura u tal-kundizzjonijiet tal-pressjoni proprji fil-punt riċeventi, li ġeneralment ikunu differenti mill-kundizzjonijiet normalizzati tad-data tal-ANP.

L-aġġustament tal-impedenza li jrid jiġi applikat għal-livelli standard tal-NPD jinkiseb kif ġej:

fejn:

L-impedenza ρ·c tiġi kkalkulata kif ġej:

L-aġġustament tal-impedenza akustika normalment ikun inqas minn ftit deċimi ta’ dB. B’mod partikolari, jenħtieġ li jiġi nnotat li f’kundizzjonijiet atmosferiċi standard (p0 = 101,325 kPa u T0 = 15,0 °C), l-aġġustament tal-impedenza huwa inqas minn 0,1 dB (0,074 dB). Madankollu, meta jkun hemm varjazzjoni importanti fit-temperatura u fil-pressjoni atmosferika relattivi għall-kundizzjonijiet atmosferiċi ta’ referenza tad-data NPD, l-aġġustament jista’ jkun iktar sostanzjali.”

(*)  Għalkemm il-kunċett ta’ trajettorja ta’ titjira infinitament twila huwa importanti għad-definizzjoni tal-livelli ta’ esponiment akustiku ta’ event LE , għandu inqas rilevanza fil-każ ta’ livell massimu ta’ event Lmax li huwa rregolat mill-istorbju emess mill-inġenju tal-ajru meta jkun f’pożizzjoni partikolari jew fl-eqreb punt ta’ avviċinament għall-osservatur jew fil-viċin. Għall-finijiet ta’ mmudellar, il-parametru tad-distanza tal-NPD jitqies li huwa d-distanza minima bejn l-osservatur u s-segment."

(15)

Fit-Taqsima 2.7.18. “Parametri tas-segment tar-rotta tat-titjira”, il-paragrafu taħt l-intestaturi “Potenza tas-segment P” huwa sostitwit b’dan li ġej:

“Potenza tas-segment P

Id-data tabulari NPD tiddeskrivi l-istorbju ta’ inġenju tal-ajru f’titjira dritta kostanti fuq trajettorja ta’ titjira infinita, jiġifieri b’potenza tal-magna kostanti P. Il-metodoloġija rakkomandata taqsam it-trajettorji tat-titjir proprji, li matulhom il-veloċità u d-direzzjoni jvarjaw, f’għadd ta’ segmenti finiti, li mbagħad kull wieħed minnhom jittieħed bħala parti minn trajettorja tat-titjira uniformi u infinita li għaliha d-data NPD hija valida. Iżda l-metodoloġija tipprovdi għal bidliet fil-potenza tul segment; din titqies li tinbidel kwadratikament skont id-distanza minn P1 fil-bidu tagħha sa P2 fit-tmiem tagħha. Għalhekk hemm bżonn li jiġi definit valur kostanti ekwivalenti tas-segment P. Dan jitqies li huwa l-valur fil-punt fuq is-segment li huwa l-eqreb għall-osservatur. Jekk l-osservatur ikun maġenb is-segment (Illustrazzjoni 2.7.k), dan jinkiseb b’interpolazzjoni kif mogħti mill-ekwazzjoni 2.7.8 bejn il-valuri ta’ tmiem, jiġifieri

Jekk l-osservatur ikun qiegħed wara jew quddiem is-segment, huwa dak fl-eqreb punt ta’ tmiem, P1 jew P2 .”

(16)

It-Taqsima 2.7.19 hija emendata kif ġej

(17)

It-Taqsima 2.8 hija sostitwita b’dan li ġej:

“2.8   Esponiment għall-istorbju

Determinazzjoni taż-żona esposta għall-istorbju

Il-valutazzjoni taż-żona esposta għall-istorbju hija bbażata fuq punti ta’ valutazzjoni tal-istorbju f’4 m ± 0,2 ’il fuq mill-art, li jikkorrispondu għall-punti riċeventi kif definiti f’2.5, 2.6 u 2.7, ikkalkulati fuq grilja għal sorsi individwali.

Il-punti tal-grilja li jinsabu ġewwa binjiet għandhom jiġu assenjati riżultat tal-livell tal-istorbju billi jiġu assenjati l-punti riċeventi tal-istorbju fil-qrib l-aktar silenzjużi barra l-binjiet, ħlief għall-istorbju mill-inġenji tal-ajru fejn il-kalkolu jsir mingħajr ma titqies il-preżenza ta’ binjiet u f’liema każ jintuża direttament il-punt riċevitur tal-istorbju li jinsab f’bini.

Skont ir-riżoluzzjoni tal-grilja, l-erja korrispondenti tiġi assenjata għal kull punt ta’ kalkolu fil-grilja. Pereżempju, fil-każ ta’ grilja ta’ 10 m x 10 m, kull punt ta’ valutazzjoni jirrappreżenta żona ta’ 100 metru kwadru li hija esposta għal-livell tal-istorbju kkalkulat.

Assenjazzjoni ta’ punti ta’ valutazzjoni tal-istorbju lil binjiet li ma jkunx fihom abitazzjonijiet

Il-valutazzjoni tal-esponiment tal-binjiet li ma fihomx abitazzjonijiet bħal pereżempju skejjel u sptarijiet għall-istorbju hija bbażata fuq punti ta’ valutazzjoni tal-istorbju ta’ 4 ± 0,2 m ’il fuq mill-art, li jikkorrispondu għall-punti riċeventi kif definiti f’2.5, 2.6 u 2.7

Għall-valutazzjoni tal-binjiet li ma jkunx fihom abitazzjonijiet u li jkunu esposti għall-istorbju tal-inġenji tal-ajru, kull bini huwa assoċjat mal-punt tar-riċevitur tal-istorbju l-aktar storbjuż li jinsab fil-bini nnifsu jew, jekk ma jkunx preżenti, fil-grilja ta’ madwar il-bini.

Għall-valutazzjoni tal-binjiet li ma jkunx fihom abitazzjonijiet u li jkunu esposti għal sorsi ta’ storbju bbażati fuq l-art, il-punti riċeventi jitqiegħdu madwar 0,1 m quddiem il-faċċata tal-bini. Ir-riflessjonijiet mill-faċċata li tkun qed tiġi kkunsidrata għandhom jiġu esklużi mill-kalkolu. Il-bini mbagħad jiġi assoċjat mal-punt riċeventi l-aktar storbjuż fuq il-faċċati tiegħu.

Determinazzjoni tal-abitazzjonijiet u tal-abitanti li jgħixu f’abitazzjonijiet esposti għall-istorbju

Għall-valutazzjoni tal-esponiment ta’ abitazzjonijiet u ta’ abitanti li jgħixu f’abitazzjonijiet għall-istorbju, għandhom jitqiesu biss binjiet residenzjali. L-ebda abitazzjoni jew abitant ma għandu jiġi assenjat lil binjiet oħra mingħajr użu residenzjali bħal binjiet li jintużaw esklussivament bħala skejjel, sptarijiet, uffiċċji jew fabbriki. L-assenjazzjoni tal-abitazzjonijiet u tal-abitanti li jgħixu f’abitazzjonijiet għall-binjiet residenzjali għandha tkun ibbażata fuq l-aħħar data uffiċjali (skont ir-regolamenti rilevanti tal-Istati Membri).

L-għadd ta’ abitazzjonijiet u abitanti li jgħixu f’abitazzjonijiet f’binjiet residenzjali huma parametri intermedji importanti għall-istima tal-esponiment għall-istorbju. Sfortunatament, data dwar dawn il-parametri mhux dejjem tkun disponibbli. Hawn taħt, huwa speċifikat kif dawn il-parametri jistgħu jinkisbu minn data aktar faċilment disponibbli.

Is-simboli użati f’dawn li ġejjin huma:

BA = l-erja bażi tal-bini

DFS = l-ispazju tal-art tal-abitazzjoni

DUFS = l-ispazju tal-art tal-unità tal-abitazzjoni

H = l-għoli tal-bini

FSI = l-ispazju tal-art tal-abitazzjoni għal kull abitant li jgħix f’abitazzjoni

Dw = l-għadd ta’ abitazzjonijiet

Inh = l-għadd ta’ abitanti li jgħixu f’abitazzjonijiet

NF = l-għadd ta’ sulari

V = = il-volum ta’ binjiet residenzjali

Għall-kalkolu tal-għadd ta’ abitazzjonijiet u ta’ abitanti li jgħixu f’abitazzjonijiet, għandhom jintużaw il-proċedura tal-Każ 1 jew inkella l-proċedura tal-Każ 2 li ġejjin, skont id-disponibbiltà tad-data.

Każ 1: id-data dwar l-għadd ta’ abitazzjonijiet u ta’ abitanti li jgħixu f’abitazzjonijiet hija disponibbli

1A:

L-għadd ta’ abitanti li jgħixu f’abitazzjonijiet huwa magħruf jew ġie stmat abbażi tal-għadd ta’ unitajiet ta’ abitazzjoni. F’dan il-każ l-għadd ta’ abitanti li jgħixu f’abitazzjonijiet għal bini partikolari huwa s-somma tal-għadd ta’ abitanti fl-unitajiet ta’ abitazzjoni kollha fil-bini:

1B:

L-għadd ta’ abitazzjonijiet jew abitanti li jgħixu f’abitazzjonijiet huwa magħruf biss għal entitajiet akbar minn binja, eż. żoni ta’ enumerazzjoni, blokok fi bliet, f’distretti jew saħansitra muniċipalità sħiħa. F’dan il-każ l-għadd ta’ abitazzjonijiet u ta’ abitanti li jgħixu f’abitazzjonijiet f’bini jiġi stmat abbażi tal-volum tal-bini:

L-indiċi ‘total’ hawnhekk jirreferi għall-entità rispettiva kkunsidrata. Il-volum tal-bini jiġi kkalkulat bil-multiplikazzjoni tal-erja tal-bażi tiegħu u l-għoli tiegħu:

Jekk l-għoli tal-bini ma jkunx magħruf, għandu jiġi stmat abbażi tal-għadd ta’ sulari NFbuilding , billi jiġi supponut għoli medju ta’ 3 m kull sular:

Jekk lanqas l-għadd ta’ sulari ma jkun magħruf, għandu jintuża valur prestabbilit għall-għadd ta’ sulari, rappreżentattiv għad-distrett jew għall-borough. Il-volum totali ta’ binjiet residenzjali fl-entità kkunsidrata Vtotal jiġi kkalkulat bħala s-somma tal-volumi tal-binjiet residenzjali kollha fl-entità:

(2.8.5)

Każ 2: ma hemm l-ebda data disponibbli dwar l-għadd ta’ abitanti li jgħixu f’abitazzjonijiet

F’dan il-każ, l-għadd ta’ abitanti li jgħixu f’abitazzjonijiet jiġi stmat abbażi tal-ispazju medju tal-art tal-abitazzjoni għal kull abitant f’FSI. Jekk dan il-parametru ma jkunx magħruf, għandu jintuża valur prestabbilit.

2A:

L-ispazju tal-art tal-abitazzjoni huwa magħruf abbażi tal-unitajiet ta’ abitazzjoni.

F’dan il-każ l-għadd ta’ abitanti f’kull unità ta’ abitazzjoni huwa stmat kif ġej:

L-għadd totali ta’ abitanti li jgħixu f’abitazzjonijiet għall-bini partikolari issa jista’ jiġi stmat bħal fil-Każ 1A.

2B:

L-ispazju tal-art tal-abitazzjoni huwa magħruf għall-binja sħiħa, jiġifieri s-somma tal-ispazji tal-art tal-abitazzjoni tal-unitajiet ta’ abitazzjoni kollha fil-bini hija magħrufa.

F’dan il-każ, l-għadd ta’ abitanti li jgħixu f’abitazzjonijiet huwa stmat kif ġej:

2C:

L-ispazju tal-art tal-abitazzjoni huwa magħruf biss għal entitajiet akbar minn bini, eż. żoni ta’ enumerazzjoni, blokok tal-bliet, f’distretti jew saħansitra muniċipalità sħiħa.

F’dan il-każ l-għadd ta’ abitanti li jgħixu f’abitazzjonijiet għal bini partikolari jiġi stmat abbażi tal-volum tal-bini kif deskritt fil-Każ 1B u l-għadd totali ta’ abitanti li jgħixu f’abitazzjonijiet jiġi stmat kif ġej:

2D:

L-ispazju tal-art tal-abitazzjoni mhuwiex magħruf.

F’dan il-każ l-għadd ta’ abitanti għal bini partikolari jiġi stmat kif deskritt fil-Każ 2B u l-ispazju tal-art tal-abitazzjoni jiġi stmat kif ġej:

(2.8.9)

Il-fattur 0,8 huwa l-fattur ta’ konverżjoni erja tal-art gross → spazju tal-art tal-abitazzjoni. Jekk ikun magħruf li hemm fattur differenti li jirrappreżenta l-erja, dan għandu jintuża minflok u jiġi ddokumentat b’mod ċar. Jekk l-għadd ta’ sulari tal-bini ma jkunx magħruf, għandu jiġi stmat abbażi tal-għoli tal-bini, Hbuilding , li tipikament jirriżulta f’numru mhux sħiħ ta’ sulari:

Jekk la l-għoli tal-bini u lanqas l-għadd ta’ sulari ma jkun magħruf, għandu jintuża valur prestabbilit għall-għadd ta’ sulari li jirrappreżenta d-distrett jew il-borough.

Assenjazzjoni ta’ punti ta’ valutazzjoni tal-istorbju lill-abitazzjonijiet u lill-abitanti li jgħixu f’abitazzjonijiet

Il-valutazzjoni tal-esponiment tal-abitazzjonijiet, u tal-abitanti li jgħixu f’abitazzjonijiet, għall-istorbju hija bbażata fuq punti ta’ valutazzjoni tal-istorbju ta’ 4 ± 0,2 m ’il fuq mill-art, li jikkorrispondu għall-punti riċeventi kif definit f’2.5, 2.6 u 2.7.

Għall-kalkolu tal-għadd ta’ abitazzjonijiet u abitanti li jgħixu f’abitazzjonijiet għall-istorbju mill-inġenji tal-ajru, l-abitazzjonijiet u l-abitanti kollha f’bini huma assoċjati mal-punt riċeventi tal-istorbju l-aktar storbjuż li jaqa’ fl-abitazzjoni nnifsha jew, jekk mhux preżenti, fuq il-grilja ta’ madwar il-bini.

Għall-kalkolu tal-għadd ta’ abitazzjonijiet u abitanti li jgħixu f’abitazzjonijiet għal sorsi ta’ storbju bbażati fuq l-art, il-punti riċeventi jitqiegħdu madwar 0,1 m quddiem il-faċċati ta’ binjiet residenzjali. Ir-riflessjonijiet mill-faċċata li tkun qed tiġi kkunsidrata għandhom jiġu esklużi mill-kalkolu. Biex jiġu lokalizzati l-punti riċeventi għandhom jintużaw il-proċedura tal-Każ 1 jew inkella l-proċedura tal-Każ 2 li ġejjin.

Każ 1: faċċati maqsuma f’intervalli regolari fuq kull faċċata

Każ 2: faċċati maqsuma f’distanza stabbilita mill-bidu tal-poligonu

Assenjazzjoni ta’ abitazzjonijiet u ta’ abitanti li jgħixu f’abitazzjonijiet għall-punti riċeventi

Fejn ikun hemm informazzjoni disponibbli dwar il-lokazzjoni ta’ abitazzjonijiet fi ħdan l-impronti tal-bini, dik l-akkomodazzjoni u l-abitanti tagħha jiġu assenjati lill-punt riċeventi fl-aktar faċċata esposta ta’ dik l-akkomodazzjoni. Pereżempju, għal djar li ma jmissux ma’ bini ieħor, għal djar li kważi maqtugħa għalihom u terrace houses, jew appartamenti, fejn id-diviżjoni interna tal-bini tkun magħrufa, jew għal binjiet b’daqs tal-art li jindika abitazzjoni waħda f’kull pjan; jew għal binjiet b’daqs tal-art u għoli li jindikaw abitazzjoni waħda f’kull bini.

Meta ma jkunx hemm informazzjoni disponibbli dwar il-lokazzjoni tal-abitazzjonijiet fl-impronti tal-bini kif spjegat hawn fuq, għandu jintuża wieħed miż-żewġ metodi li ġejjin, skont kif ikun xieraq, fuq bażi ta’ bini bini sabiex jiġi stmat l-esponiment għall-istorbju tal-abitazzjonijiet u tal-abitanti fil-binjiet.

(*)  Il-valur medju huwa l-valur li jissepara n-nofs ta’ fuq (50 %) min-nofs ta’ isfel (50 %) ta’ sett ta’ data."

(**)  In-nofs ta’ isfel tal-assi tad-data jista’ jiġi assimilat mal-preżenza ta’ faċċati relattivament kalmi. F’każ li jkun magħruf minn qabel, eż. abbażi tal-pożizzjoni tal-binjiet relattiv għas-sorsi dominanti tal-istorbju, liema lokazzjonijiet tar-riċevituri se jagħtu lok għall-ogħla livelli / l-aktar baxxi ta’ storbju, ma hemmx bżonn li jiġi kkalkulat l-istorbju għan-nofs ta’ isfel."

(18)

L-Appendiċi D huwa emendat kif ġej:

(19)

L-Appendiċi F huwa emendat kif ġej:

(20)

L-Appendiċi G huwa emendat kif ġej:

(21)

L-Appendiċi I huwa emendat kif ġej: