(1)

L-Artikolu 9(2) tad-Deċiżjoni (PESK) 2017/2315 jipprevedi li l-Kunsill għandu jiddeċiedi f’konformità mal-Artikolu 46(6) tat-Trattat jekk Stat terz, li l-Istati Membri parteċipanti li qed jieħdu sehem fi proġett jixtiequ jistiednu biex jieħu sehem f’dak il-proġett, jissodisfax ir-rekwiżiti li għandhom jiġu stabbiliti mill-Kunsill.

(2)

Fis-6 ta’ Marzu 2018, il-Kunsill adotta d-Deċiżjoni (PESK) 2018/340 (3). L-Artikolu 1 ta’ dik id-Deċiżjoni jipprevedi li proġett intitolat “Mobbiltà Militari” (il-“proġett PESCO Mobbiltà Militari”) għandu jiġi żviluppat taħt il-PESCO minn 24 membru tal-proġett, inkluż in-Netherlands bħala koordinatur tal-proġett.

(3)

Fil-5 ta’ Novembru 2020, il-Kunsill adotta d-Deċiżjoni (PESK) 2020/1639, li stabbiliet il-kondizzjonijiet ġenerali li skonthom Stati terzi jkunu jistgħu b’mod eċċezzjonali jiġu mistiedna jipparteċipaw fi proġetti individwali tal-PESCO. L-Artikolu 2(4) ta’ dik id-Deċiżjoni jipprevedi li, abbażi ta’ notifika mill-koordinatur jew il-koordinaturi ta’ proġett tal-PESCO, u wara opinjoni mill-Kumitat Politiku u ta’ Sigurtà (KPS), il-Kunsill għandu jieħu deċiżjoni f’konformità mal-Artikolu 46(6) tat-Trattat u l-Artikolu 9(2) tad-Deċiżjoni (PESK) 2017/2315 dwar jekk il-parteċipazzjoni tal-Istat terz f’dak il-proġett tissodisfax il-kondizzjonijiet stabbiliti fl-Artikolu 3 tad-Deċiżjoni (PESK) 2020/1639.

(4)

Fil-15 ta’ Frar 2021, il-Kanada bagħtet lill-koordinatur tal-proġett PESCO Mobbiltà Militari t-talba tagħha għall-parteċipazzjoni f’dak il-proġett, f’konformità mal-Artikolu 2(1) tad-Deċiżjoni (PESK) 2020/1639. Il-membri tal-proġett imbagħad ivvalutaw, abbażi tal-informazzjoni pprovduta mill-Kanada, jekk hija tikkonformax mal-kondizzjonijiet ġenerali, skont l-Artikolu 2(2) ta’ dik id-Deċiżjoni.

(5)

Fis-17 ta’ Marzu 2021, il-koordinatur tal-proġett PESCO Mobbiltà Militari innotifika lill-Kunsill u lir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà, f’konformità mal-Artikolu 2(3) tad-Deċiżjoni (PESK) 2020/1639, li l-membri ta’ dak il-proġett kienu qablu b’mod unanimu f’dik id-data li jixtiequ jistiednu lill-Kanada biex tipparteċipa f’dak il-proġett. Il-membri tal-proġett qablu b’mod unanimu wkoll dwar l-ambitu, il-forma u l-istadji rilevanti tal-parteċipazzjoni tal-Kanada f’dak il-proġett, u li l-Kanada tikkonforma mal-kondizzjonijiet ġenerali stabbiliti fl-Artikolu 3 ta’ dik d-Deċiżjoni.

(6)

Fit-30 ta’ Marzu 2021, il-KPS qabel dwar opinjoni dwar in-notifika rigward it-talba mill-Kanada biex tipparteċipa fil-proġett PESCO Mobbiltà Militari. B’mod partikolari, il-KPS ħa nota tad-deskrizzjoni ta’ dak il-proġett kif ipprovduta fin-notifika, inkluż l-objettivi, l-organizzazzjoni u t-teħid ta’ deċiżjonijiet tiegħu kif ukoll l-oqsma ta’ prijorità ta’ ħidma tiegħu. Il-KPS innota wkoll li l-ebda informazzjoni klassifikata jew sensittiva tal-UE ma tiġi kondiviża f’dak il-proġett u li l-proġett mhuwiex implimentat bl-appoġġ tal-Aġenzija Ewropea għad-Difiża fis-sens tal-Artikolu 3(g) tad-Deċiżjoni (PESK) 2020/1639. Barra minn hekk, il-KPS innota li l-proġett PESCO Mobbiltà Militari ma jinvolvix l-akkwist ta’ armamenti, ir-riċerka u l-iżvilupp tal-kapaċitajiet, jew l-użu u l-esportazzjoni ta’ armi jew kapaċitajiet u teknoloġija u li ma jinvolvix entitajiet, investimenti, finanzjament mill-Istati Membri parteċipanti tal-PESCO, jew talbiet għal finanzjament mill-Unjoni għal attivitajiet tal-proġett.

(7)

Fl-opinjoni tiegħu, il-KPS qabel ukoll mal-ambitu, il-forma u l-firxa proposti tal-parteċipazzjoni tal-Kanada fil-proġett PESCO Mobbiltà Militari kif deskritti fin-notifika. Huwa rrikonoxxa li l-Kanada kienet esprimiet li hija tappoġġa bis-sħiħ l-ambitu ta’ dak il-proġett kif definit fin-notifika.

(8)

Fl-istess opinjoni, il-KPS ikkonferma l-fehma maqbula b’mod unanimu mill-membri tal-proġett PESCO Mobbiltà Militari li l-Kanada tikkonforma mal-kondizzjonijiet ġenerali stabbiliti fl-Artikolu 3 tad-Deċiżjoni (PESK) 2020/1639, kif ġej:

(9)

Il-KPS irrakkomanda fl-opinjoni tiegħu tat-30 ta’ Marzu 2021 li l-Kunsill jieħu deċiżjoni pożittiva dwar jekk il-parteċipazzjoni tal-Kanada fil-proġett PESCO Mobbilità Militari tissodisfax il-kondizzjonijiet stabbiliti fl-Artikolu 3 tad-Deċiżjoni (PESK) 2020/1639.

(10)

Il-Kunsill għandu għalhekk jiddeċiedi li l-parteċipazzjoni tal-Kanada fil-proġett PESCO Mobbilità Militari tissodisfa l-kondizzjonijiet stabbiliti fl-Artikolu 3 tad-Deċiżjoni (PESK) 2020/1639. Sussegwentament, il-koordinatur tal-proġett għandu jibgħat stedina għall-parteċipazzjoni f’dak il-proġett lill-Kanada, f’isem il-membri tal-proġett. Il-Kanada għandha tingħaqad ma’ dak il-proġett fid-data speċifikata fl-arranġament amministrattiv li għandhom jidħlu fih il-membri tal-proġett u l-Kanada, skont l-Artikolu 2(7) tad-Deċiżjoni (PESK) 2020/1639, u għandu jkollha d-drittijiet u l-obbligi ddeterminati f’dak l-arranġament, f’konformità mal-Artikolu 4(1) ta’ dik id-Deċiżjoni. Il-Kunsill għandu jeżerċita s-sorveljanza tiegħu f’konformità mal-Artikolu 5(2) tad-Deċiżjoni (PESK) 2020/1639, u fil-każ li jseħħu ċ-ċirkostanzi msemmija fl-Artikolu 6(2) jew (3) ta’ dik id-Deċiżjoni il-Kunsill jista’ jieħu deċiżjonijiet ulterjuri,