(1)

(2)

1.

Il-Kunsill Ewropew fir-Riżoluzzjoni tiegħu tas-16 ta’ Ġunju 1997 (minn hawn ’il quddiem “ir-Riżoluzzjoni”) qabel li jistabbilixxi mekkaniżmu għal rata tal-kambju (minn hawn ’il quddiem “l-ERM II”) meta beda t-tielet stadju tal-Unjoni Ekonomika u Monetarja fl-1 ta’ Jannar 1999. Skont it-termini tar-Riżoluzzjoni, l-ERM II huwa mfassal biex jgħin jiżgura li l-Istati Membri barra ż-żona tal-euro li qed jipparteċipaw fl-ERM II jidderieġu l-politika tagħhom lejn l-istabbiltà, jinkoraġġixxu l-konverġenza u b’hekk jgħin lill-Istati Membri barra ż-żona tal-euro fl-isforzi tagħhom biex jadottaw l-euro. Kif imsemmi fil-premessi għar-Riżoluzzjoni, il-proċeduri operattivi tal-ERM II kellhom jiġu stabbiliti fi ftehim bejn il-Bank Ċentrali Ewropew u l-banek ċentrali nazzjonali tal-Istati Membri barra miż-żona tal-euro.

2.

Il-Bank of England huwa parti għall-Ftehim tas-16 ta’ Marzu 2006 bejn il-Bank Ċentrali Ewropew u l-banek ċentrali nazzjonali tal-Istati Membri barra miż-żona tal-euro li jistabbilixxi l-proċeduri operattivi għal mekkaniżmu tar-rata tal-kambju fit-tielet stadju tal-Unjoni Ekonomika u Monetarja (1), kif emendat bil-Ftehim tal-21 ta’ Diċembru 2006 (2), bil-Ftehim tal-14 ta’ Diċembru 2007 (3), bil-Ftehim tat-8 ta’ Diċembru 2008 (4), bil-Ftehim tat-13 ta’ Diċembru 2010 (5), bil-Ftehim tal-21 ta’ Ġunju 2013 (6), bil-Ftehim tas-6 ta’ Diċembru 2013 (7) u bil-Ftehim tat-13 ta’ Novembru 2014 (8) (iktar ’il quddiem imsejħin flimkien “il-Ftehim tal-Bank Ċentrali dwar l-ERM II”).

3.

Fid-29 ta’ Marzu 2017, ir-Renju Unit tal-Gran Brittanja u l-Irlanda ta’ Fuq (ir-“Renju Unit”) ressaq in-notifika tal-intenzjoni tiegħu li joħroġ mill-Unjoni Ewropea skont l-Artikolu 50 tat-Trattat dwar l-Unjoni Ewropea. Skont dan l-Artikolu, it-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea se jieqfu milli japplikaw għar-Renju Unit mid-data tad-dħul fis-seħħ ta’ ftehim dwar il-ħruġ jew, fin-nuqqas ta’ dan, sentejn wara dik in-notifika, jiġifieri mit-30 ta’ Marzu 2019, sakemm il-Kunsill Ewropew, bi ftehim mar-Renju Unit, ma jiddeċidix b’mod unanimu li jestendi dan il-perjodu.

4.

Bid-Deċiżjoni tal-Kunsill Ewropew (UE) 2019/476 meħuda bi qbil mar-Renju Unit tat-22 ta’ Marzu 2019 li testendi t-terminu taħt l-Artikolu 50(3) TUE (9), fost oħrajn, il-Kunsill Ewropew iddeċieda li jestendi tali terminu sat-12 ta’ April 2019.

5.

Bid-Deċiżjoni tal-Kunsill Ewropew (UE) 2019/584 meħuda bi qbil mar-Renju Unit tal-11 ta’ April 2019 li testendi t-terminu taħt l-Artikolu 50(3) TUE (10), fost oħrajn, il-Kunsill Ewropew iddeċieda li jestendi tali terminu ulterjorment, kif estiż bid-Deċiżjoni tal-Kunsill Ewropew (UE) 2019/476, sal-31 ta’ Ottubru 2019.

6.

Bid-Deċiżjoni tal-Kunsill Ewropew (UE) 2019/1810 meħuda bi qbil mar-Renju Unit tad-29 ta’ Ottubru 2019 li testendi t-terminu taħt l-Artikolu 50(3) TUE (11), fost oħrajn, il-Kunsill Ewropew iddeċieda li jestendi tali terminu ulterjorment sal-31 ta’ Jannar 2020.

7.

Wara l-ħruġ tar-Renju Unit mill-Unjoni Ewropea mill-1 ta’ Frar 2020, il-Bank of England (BoE) ma jibqax bank ċentrali nazzjonali ta’ Stat Membru. Għaldaqstant, minn dak il-mument, il-BoE ma jistax ikun parti għall-Ftehim tal-Bank Ċentrali dwar l-ERM II. Jenħtieġ għalhekk li l-Ftehim tal-Bank Ċentrali dwar l-ERM II jiġi emendat sabiex jirrifletti t-tluq tal-BoE mill-Ftehim tal-Bank Ċentrali dwar l-ERM II. Jenħtieġ ukoll li l-Anness II “Limiti Massimi għall-Aċċess għall-Faċilità Finanzjarja għal Żmien Qasir Ħafna Msemmija fl-Artikoli 8, 10 u 11 tal-Ftehim tal-Banek Ċentrali dwar l-ERM II” (iktar ’il quddiem l-“Anness II”) jiġi ssostitwit biex jitqies dan it-tluq.

8.

Dan il-Ftehim għandu japplika biss mill-1 ta’ Frar 2020 jekk, minn dik id-data, il-BoE ma jibqax bank ċentrali nazzjonali ta’ Stat Membru,