EUR-Lex Access to European Union law
This document is an excerpt from the EUR-Lex website
Document 32020R1019
Commission Implementing Regulation (EU) 2020/1019 of 13 July 2020 amending Implementing Regulation (EU) 2015/840
Regolament ta’ implimentazzjoni tal-kummissjoni (UE) 2020/1019 tat-13 ta’ Lulju 2020 li jemenda r-Regolament ta’ Implimentazzjoni (UE) Nru 2015/840
Regolament ta’ implimentazzjoni tal-kummissjoni (UE) 2020/1019 tat-13 ta’ Lulju 2020 li jemenda r-Regolament ta’ Implimentazzjoni (UE) Nru 2015/840
C/2020/4642
OJ L 225, 14.7.2020, p. 13–14
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
14.7.2020 |
MT |
Il-Ġurnal Uffiċjali tal-Unjoni Ewropea |
L 225/13 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/1019
tat-13 ta’ Lulju 2020
li jemenda r-Regolament ta’ Implimentazzjoni (UE) Nru 2015/840
Il-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 514/2014 tas-16 ta’ April 2014 tal-Parlament Ewropew u tal-Kunsill li jistabbilixxi dispożizzjonijiet ġenerali dwar il-Fond għall-Ażil, il-Migrazzjoni u l-Integrazzjoni u dwar l-istrument għal appoġġ finanzjarju għall-kooperazzjoni tal-pulizija, il-prevenzjoni u l-ġlieda kontra l-kriminalità, u l-ġestjoni tal-kriżijiet (1), b’mod partikolari l-Artikolu 27(5) tiegħu,
Billi:
|
(1) |
L-Artikolu 5(2) tar-Regolament ta’ Implimentazzjoni tal-Kummissjoni (UE) Nru 2015/840 (2) jipprovdi li matul sena finanzjarja, l-Awtoritajiet Responsabbli għandhom iwettqu kontrolli operattivi fuq il-post li jkopru minimu ta’ 20 % tal-għadd ta’ proġetti li jkunu qiegħdin jiġu implimentati matul dik is-sena finanzjarja. |
|
(2) |
L-Istati Membri ġew effettwati mill-pandemija tal-COVID-19 b’mod mingħajr preċedent. Il-kriżi ġiegħlet lill-Istati Membri jimponu restrizzjonijiet fuq il-libertà ta’ moviment fuq it-territorju tagħhom li jagħmilha diffiċli biex jitwettqu l-kontrolli fuq il-post. |
|
(3) |
Biex tingħata flessibilità lill-Awtoritajiet Responsabbli biex iwettqu l-kontrolli operattivi meħtieġa fuq il-post, huwa xieraq li jiġu emendati r-regoli eżistenti biex jiġi evitat dewmien fil-proċedura ta’ approvazzjoni tal-kontijiet. Flessibbiltà bħal din għandha tinkiseb billi tingħata l-possibilità lill-Awtoritajiet Responsabbli biex iwettqu r-rekwiżiti għal kontrolli operattivi fuq il-post fi stadju aktar tard matul il-perjodu ta’ programmar meta minħabba l-pandemija tal-COVID-19, il-minimu annwali ta’ 20 % tal-għadd ta’ proġetti implimentati matul sena finanzjarja partikolari ma jkunx jista’ jintlaħaq f’dik is-sena finanzjarja. |
|
(4) |
L-Irlanda hija marbuta bir-Regolament (UE) Nru 514/2014 u b’hekk hija marbuta b’dan ir-Regolament. |
|
(5) |
L-Irlanda hija marbuta bir-Regolament (UE) Nru 514/2014 u b’hekk hija marbuta b’dan ir-Regolament. F’konformità mal-Artikolu 138 tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (3), il-liġi applikabbli tal-Unjoni, inklużi r-regoli dwar il-korrezzjonijiet finanzjarji u dwar l-approvazzjoni tal-kontijiet, se tkompli tapplika għar-Renju Unit wara l-31 ta’ Diċembru 2020 sal-għeluq ta’ dawn il-programmi u attivitajiet tal-Unjoni. |
|
(6) |
Id-Danimarka mhijiex marbuta bir-Regolament (UE) Nru 514/2014 b’dan ir-Regolament. |
|
(7) |
Minħabba l-urġenza tas-sitwazzjoni marbuta mal-pandemija tal-COVID-19, huwa xieraq li dan ir-Regolament jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea. |
|
(8) |
Il-miżuri previsti f’dan ir-Regolament huma f’konformità mal-opinjoni tal-Kumitat tal-Fondi għall-Ażil, il-Migrazzjoni u l-Integrazzjoni u s-Sigurtà Interna, stabbilit permezz tal-Artikolu 59(1) of Regulation (EU) No 514/2014. |
|
(9) |
Għaldaqstant, jenħtieġ li r-Regolament ta’ Implimentazzjoni (UE) Nru 2015/840 jiġi emendat skont dan, |
ADOTTAT DAN IR-REGOLAMENT:
L-Artikolu 1
Fl-Artikolu 5 tar-Regolament ta’ Implimentazzjoni (UE) Nru 2015/840, il-paragrafu 2 jiġi sostitwit b’dan li jmiss:
“2. Il-kontrolli operattivi fuq il-post li jsiru fis-sena finanzjarja N ikopru minn tal-inqas 20 % tal-għadd ta’ proġetti li jkunu qed jiġu implimentati matul dik is-sena finanzjarja, hekk kif iddikjarat fil-kontijiet annwali korrispondenti msemmija fl-Artikolu 39 tar-Regolament (UE) Nru 514/2014. Meta dan il-minimu ma jkunx jista’ jintlaħaq fis-sena finanzjarja N minħabba l-pandemija tal-COVID-19, il-kontrolli li ma jkunux saru fis-sena finanzjarja N għandhom isiru fi stadju aktar tard matul il-perjodu ta’ programmar.”
L-Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u jkun direttament applikabbli fl-Istati Membri skont it-Trattati.
Magħmul fi Brussell, it-13 ta’ Lulju 2020.
Għall-Kummissjoni
Il-President
Ursula VON DER LEYEN
(1) ĠU L 150, 20.5.2014, p. 112.
(2) Ir-Regolament ta’ Implimentazzjoni tal-Kummissjoni (UE) 2015/840 tad-29 ta’ Mejju 2015 dwar il-kontrolli li jsiru mill-Awtoritajiet Responsabbli skont ir-Regolament (UE) Nru 514/2014 tal-Parlament Ewropew u tal-Kunsill li jistabbilixxi dispożizzjonijiet ġenerali dwar il-Fond għall-Ażil, il-Migrazzjoni u l-Integrazzjoni u dwar l-istrument għal appoġġ finanzjarju għall-kooperazzjoni tal-pulizija, il-prevenzjoni u l-ġlieda kontra l-kriminalità, u l-ġestjoni tal-kriżijiet (ĠU L 134, 30.5.2015, p. 1).