EUR-Lex Access to European Union law
This document is an excerpt from the EUR-Lex website
Document 32020R0443
Commission Implementing Regulation (EU) 2020/443 of 25 March 2020 authorising the change of the specifications of the novel food spermidine-rich wheat germ extract (Triticum aestivum) under Regulation (EU) 2015/2283 of the European Parliament and of the Council and amending Commission Implementing Regulation (EU) 2017/2470 (Text with EEA relevance)
Regolament ta’ Implimentazzjoni tal-Kummissjoni (UE) 2020/443 tal-25 ta’ Marzu 2020 li jawtorizza t-tibdil tal-ispeċifikazzjonijiet tal-ikel ġdid “Estratt tas-sufara tal-qamħ li fih ħafna spermidina (Triticum aestivum)” skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) 2017/2470 (Test b’rilevanza għaż-ŻEE)
Regolament ta’ Implimentazzjoni tal-Kummissjoni (UE) 2020/443 tal-25 ta’ Marzu 2020 li jawtorizza t-tibdil tal-ispeċifikazzjonijiet tal-ikel ġdid “Estratt tas-sufara tal-qamħ li fih ħafna spermidina (Triticum aestivum)” skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) 2017/2470 (Test b’rilevanza għaż-ŻEE)
C/2020/1798
OJ L 92, 26.3.2020, p. 7–9
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
26.3.2020 |
MT |
Il-Ġurnal Uffiċjali tal-Unjoni Ewropea |
L 92/7 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/443
tal-25 ta’ Marzu 2020
li jawtorizza t-tibdil tal-ispeċifikazzjonijiet tal-ikel ġdid “Estratt tas-sufara tal-qamħ li fih ħafna spermidina (Triticum aestivum)” skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) 2017/2470
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2015/2283 tal-Parlament Ewropew u tal-Kunsill tal-25 ta’ Novembru 2015 dwar ikel ġdid, li jemenda r-Regolament (UE) Nru 1169/2011 tal-Parlament Ewropew u tal-Kunsill u li jħassar ir-Regolament (KE) Nru 258/97 tal-Parlament Ewropew u tal-Kunsill u r-Regolament tal-Kummissjoni (KE) Nru 1852/2001 (1), u b’mod partikolari l-Artikolu 12 tiegħu,
Billi:
(1) |
Ir-Regolament (UE) 2015/2283 jipprevedi li l-ikel ġdid awtorizzat u inkluż fil-lista tal-Unjoni biss jista’ jitqiegħed fis-suq fl-Unjoni. |
(2) |
Skont l-Artikolu 8 tar-Regolament (UE) 2015/2283, ġie adottat ir-Regolament ta’ Implimentazzjoni tal-Kummissjoni (UE) 2017/2470 (2) li jistabbilixxi lista tal-Unjoni ta’ ikel ġdid awtorizzat. |
(3) |
Skont l-Artikolu 12 tar-Regolament (UE) 2015/2283, il-Kummissjoni trid tiddeċiedi dwar l-awtorizzazzjoni u t-tqegħid ta’ ikel ġdid fis-suq tal-Unjoni u dwar l-aġġornament tal-lista tal-Unjoni. |
(4) |
Fis-6 ta’ Diċembru 2017, il-kumpanija TLL The Longevità Labs GmbH (“l-applikant”), għarrfet lill-Kummissjoni, f’konformità mal-Artikolu 5 tar-Regolament (KE) Nru 258/97 tal-Parlament Ewropew u tal-Kunsill (3), dwar l-intenzjoni tagħha li tqiegħed l-estratt tas-sufara tal-qamħ li fih ħafna spermidina (Triticum aestivum) fis-suq bħala ingredjent ta’ ikel ġdid. Għaldaqstant, l-estratt tas-sufara tal-qamħ li fih ħafna spermidina kien inkluż fil-lista tal-Unjoni ta’ ikel ġdid. |
(5) |
Fis-6 ta’ Awwissu 2019, l-applikant għamel talba lill-Kummissjoni biex tibdel l-ispeċifikazzjonijiet tal-estratt tas-sufara tal-qamħ li fih ħafna spermidina f’konformità mal-Artikolu 10(1) tar-Regolament (UE) 2015/2283. L-applikant talab biex il-livell ta’ kadaverina jiżdied minn dak kurrenti ta’ < 0,1 μg/g għal ≤ 16,0 μg/g. |
(6) |
L-applikant iġġustifika t-talba billi indika li l-bidla hi meħtieġa biex tirrifletti l-livelli naturali ta’ kadaverina, sa ≤ 16,0 μg/g, li tista’ ssir detezzjoni analitika tagħhom, fis-sufara tal-qamħ tal-pjanta Triticum aestivum. Il-livell attwalment awtorizzat ta’ < 0,1 μg/g ta’ kadaverina fl-estratt tas-sufara tal-qamħ li fih ħafna spermidina, jirrappreżenta l-limitu ta’ detezzjoni bil-metodu analitiku li l-applikant kien niżżel bi żball fin-notifika inizjali bħala l-limitu ta’ speċifikazzjoni tal-kadaverina, u li tniżżel sussegwentement fl-ispeċifikazzjonijiet tal-lista tal-Unjoni ta’ dan l-ikel ġdid. |
(7) |
Il-kadaverina hija diammina li flimkien mal-istamina, mat-tirammina u mal-putrexxina jagħmlu parti mill-klassi tal-ammini bijoġeniċi li jifformaw b’mod naturali b’riżultat tal-metaboliżmu batteriku tal-proteini. |
(8) |
Ir-riskji għas-saħħa tal-ammini bijoġeniċi ġew evalwati mill-Awtorità Ewropea dwar is-Sigurtà fl-Ikel (“l-Awtorità”) fl-2011 (4). Fl-opinjoni xjentifika, l-Awtorità osservat li t-tagħrif analitiku u d-data dwar il-konsum tal-ikel mill-Istati Membri wrew li l-kadaverina tinstab f’ikel differenti (xorb alkoħoliku, kondimenti, ħut u prodotti tal-ħut, laħam, prodotti tal-ħalib, ħxejjex u prodotti tal-ħxejjex) f’livelli medji li jistgħu jilħqu l-184 mg/kg ta’ ikel b’konsegwenza li d-doża tista’ tilħaq il-116,1 mg kadaverina kuljum. |
(9) |
Meta jitqies li l-livelli massimi proposti tal-kadaverina fl-ikel ġdid u d-doża li tirriżulta minnu abbażi tal-kundizzjonijiet awtorizzati tal-użu tal-ikel ġdid se jkunu mill-inqas tliet ordnijiet ta’ kobor inqas mil-livelli ta’ kadaverina li jiġu kkunsmati f’dieta normali, il-Kummissjoni tqis li l-bidliet proposti fil-livelli tal-kadaverina fl-ispeċifikazzjonijiet tal-estratt tas-sufara tal-qamħ li fih ħafna spermidina ma jbiddlux il-kundizzjonijiet tas-sikurezza li appoġġaw l-awtorizzazzjoni ta’ dan l-ikel ġdid, u li evalwazzjoni tas-sikurezza tal-applikazzjoni attwali mill-Awtorità f’konformità mal-Artikolu 10(3) tar-Regolament (UE) 2015/2283 mhix meħtieġa. Huwa għalhekk meħtieġ li jiġu emendati l-ispeċifikazzjonijiet tal-estratt tas-sufara tal-qamħ li fih ħafna spermidina bħala ikel ġdid, bil-livell ta’ kadaverina kif mitlub mill-applikant. |
(10) |
Għalhekk, jenħtieġ li l-Anness tar-Regolament ta’ Implimentazzjoni (UE) 2017/2470 jiġi emendat skont dan. |
(11) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-entrata fil-lista tal-Unjoni tal-ikel ġdid awtorizzat, kif previst fl-Artikolu 6 tar-Regolament (UE) 2015/2283, u inkluża fir-Regolament ta’ Implimentazzjoni (UE) 2017/2470, li tirreferi għall-estratt tas-sufara tal-qamħ li fih ħafna spermidina (Triticum aestivum) bħala ikel ġdid, hija emendata kif speċifikat fl-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-25 ta’ Marzu 2020.
Għall-Kummissjoni
Il-President
Ursula VON DER LEYEN
(1) ĠU L 327, 11.12.2015, p. 1.
(2) Ir-Regolament ta’ Implimentazzjoni tal-Kummissjoni (UE) 2017/2470 tal-20 ta’ Diċembru 2017 li jistabbilixxi l-lista tal-Unjoni tal-ikel ġdid skont ir-Regolament (UE) 2015/2283 tal-Parlament Ewropew u tal-Kunsill dwar ikel ġdid (ĠU L 351, 30.12.2017, p. 72).
(3) Ir-Regolament (KE) Nru 258/97 tal-Parlament Ewropew u tal-Kunsill tas-27 ta’ Jannar 1997 dwar l-ikel il-ġdid u l-ingredjenti ġodda tal-ikel (ĠU L 43, 14.2.1997, p. 1).
(4) EFSA Journal 2011;9(10):2393
ANNESS
Fl-Anness tar-Regolament ta’ Implimentazzjoni (UE) 2017/2470, l-entrata għal “Estratt tas-sufara tal-qamħ li fih ħafna spermidina (Triticum aestevium )” fit-Tabella 2 (Speċifikazzjonijiet) tiġi sostitwita b’dan li ġej:
Ikel Ġdid Awtorizzat |
Speċifikazzjonijiet |
“Estratt tas-sufara tal-qamħ li fih ħafna spermidina (Triticum aestivum) |
Deskrizzjoni/Definizzjoni: L-estratt tas-sufara tal-qamħ li fih ħafna spermidina jinkiseb mis-sufara tal-qamħ li mhux iffermentata u li ma tkunx qed tinbet (Triticum aestivum) permezz tal-proċess ta’ estrazzjoni solidu-likwidu li jimmira speċifikament, iżda mhux esklużivament, il-poliammini. Spermidina:(N- (3-amminopropil)butan-1,4-diammina): 0,8–2,4 mg/g Spermina: 0,4-1,2 mg/g Triklorur tal-ispermidina < 0,1 μg/g Putrexxina: < 0,3 mg/g Kadaverina: ≤ 16,0 μg/kg Mikotossini: Aflatossini (total): < 0,4 μg/kg Kriterji mikrobijoloġiċi: Batterji aerobiċi totali: < 10 000 CFU/g Ħmira u moffa: < 100 CFU/g Escherichia coli: < 10 CFU/g Salmonella: Assenti f’25 g Listeria monocytogenes: Assenti f’25 g” |