EUR-Lex Access to European Union law
This document is an excerpt from the EUR-Lex website
Document 32020R0106
Commission Implementing Regulation (EU) 2020/106 of 23 January 2020 concerning the authorisation of sodium formate as a feed additive for all animal species (Text with EEA relevance)
Regolament ta’ Implimentazzjoni tal-Kummissjoni (UE) 2020/106 tat-23 ta’ Jannar 2020 li jikkonċerna l-awtorizzazzjoni tal-formjat tas-sodju bħala addittiv fl-għalf għall-ispeċijiet kollha tal-annimali (Test b’rilevanza għaż-ŻEE)
Regolament ta’ Implimentazzjoni tal-Kummissjoni (UE) 2020/106 tat-23 ta’ Jannar 2020 li jikkonċerna l-awtorizzazzjoni tal-formjat tas-sodju bħala addittiv fl-għalf għall-ispeċijiet kollha tal-annimali (Test b’rilevanza għaż-ŻEE)
C/2020/225
OJ L 19, 24.1.2020, p. 15–17
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
24.1.2020 |
MT |
Il-Ġurnal Uffiċjali tal-Unjoni Ewropea |
L 19/15 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/106
tat-23 ta’ Jannar 2020
li jikkonċerna l-awtorizzazzjoni tal-formjat tas-sodju bħala addittiv fl-għalf għall-ispeċijiet kollha tal-annimali
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-additivi għall-użu fl-għalf tal-annimali (1), u b’mod partikolari l-Artikolu 9(2) tiegħu,
Billi:
|
(1) |
Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fl-għalf tal-annimali u r-raġunijiet u l-proċeduri għall-għoti ta’ tali awtorizzazzjoni. |
|
(2) |
F’konformità mal-Artikolu 7 tar-Regolament (KE) Nru 1831/2003, ġiet ippreżentata applikazzjoni għall-awtorizzazzjoni tal-formjat tas-sodju. Dik l-applikazzjoni kienet akkumpanjata mid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
|
(3) |
L-applikazzjoni tikkonċerna l-awtorizzazzjoni tal-formjat tas-sodju bħala addittiv fl-għalf għall-ispeċijiet kollha tal-annimali li jrid jiġi kklassifikat fil-kategorija “addittivi teknoloġiċi”. |
|
(4) |
Fl-opinjonijiet tagħha tat-30 ta’ April 2015 (2) u tas-26 ta’ Frar 2019 (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet proposti tal-użu, il-formjat tas-sodju ma għandux effett avvers fuq is-saħħa tal-annimali, fuq is-sikurezza tal-konsumatur jew fuq l-ambjent. Ikkonkludiet ukoll li s-sustanza hija moderatament irritanti għall-għajnejn u hija sensitizzatur tal-ġilda. Barra minn hekk, billi l-esponiment għall-formjat tas-sodju permezz tal-inalazzjoni jitqies li jippreżenta riskju għall-ħaddiema mingħajr protezzjoni li jkunu qed jimmaniġġaw l-addittiv, ikun prudenti li jitqies li jikkawża irritazzjoni respiratorja. Għalhekk, il-Kummissjoni tqis li jenħtieġ li jittieħdu miżuri protettivi xierqa sabiex jiġu evitati effetti avversi fuq is-saħħa tal-bniedem, b’mod partikolari fir-rigward tal-utenti tal-addittiv. L-Awtorità kkonkludiet ukoll li l-likwidu tal-formjat tas-sodju għandu l-potenzjal li jkun effikaċi bħala tejjieb tal-kundizzjoni iġjenika fl-għalf. L-Awtorità ma tqisx li hemm bżonn ta’ rekwiżiti speċifiċi għas-sorveljanza ta’ wara t-tqegħid fis-suq. Ivverifikat ukoll ir-rapport dwar il-metodi ta’ analiżi tal-addittiv tal-għalf fl-għalf li ġie ppreżentat mil-Laboratorju ta’ Referenza stabbilit bir-Regolament (KE) Nru 1831/2003. |
|
(5) |
Il-valutazzjoni tal-formjat tas-sodju turi li l-kundizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, huma ssodisfati. F’konformità ma’ dan, jenħtieġ li l-użu tal-formjat tas-sodju jiġi awtorizzat kif speċifikat fl-Anness ta’ dan ir-Regolament. |
|
(6) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Awtorizzazzjoni
Is-sustanza speċifikata fl-Anness, li taqa’ taħt il-kategorija tal-addittivi “addittivi teknoloġiċi”, u li hija parti mill-grupp funzjonali “tejjieba tal-kundizzjoni iġjenika”, hija awtorizzata bħala addittiv fl-għalf tal-annimali, soġġetta għall-kundizzjonijiet stabbiliti f’dak l-Anness.
Artikolu 2
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-23 ta’ Jannar 2020.
Għall-Kummissjoni
Il-President
Ursula VON DER LEYEN
(1) ĠU L 268, 18.10.2003, p. 29.
(2) EFSA Journal 2015; 13(5):4113.
(3) EFSA Journal 2019; 17(3):5645.
ANNESS
|
Numru ta’ identifikazzjoni tal-addittiv |
Addittiv |
Formola kimika, deskrizzjoni, metodi ta’ analiżi |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħrajn |
Tmiem il-perjodu ta’ awtorizzazzjoni |
||||||
|
mg ta’ aċidu formiku/kg ta’ għalf komplet b’kontenut ta’ ndewwa ta’ 12 % |
||||||||||||||
|
Addittivi teknoloġiċi: tejjieba tal-kundizzjoni iġjenika |
||||||||||||||
|
1k237 |
Formjat tas-sodju |
Kompożizzjoni tal-addittiv Forma likwida ≥ 15 % formjat tas-sodju ≤ 75 % aċidu formiku ≤ 25 % ilma |
L-ispeċijiet kollha ta’ annimali għajr il-ħnieżer |
— |
— |
10 000 (aċidu formiku ekwivalenti) |
|
It-13 ta’ Frar 2030 |
||||||
|
Karatterizzazzjoni tas-sustanza attiva Formjat tas-sodju ≥ 15 % (forma likwida) Aċidu Formiku ≤ 75 % Prodott bis-sinteżi kimika |
Ħnieżer |
— |
— |
12 000 (aċidu formiku ekwivalenti) |
||||||||||
|
Metodu analitiku (1) Kwantifikazzjoni tas-sodju fl-addittivi tal-għalf: EN ISO 6869: spettrometrija tal-assorbiment atomiku (AAS) jew EN 15510: spettrometrija tal-emissjoni atomika bi plażma akkoppjata induttivament, (ICP-AES). Kwantifikazzjoni tal-formjat totali fl-addittivi tal-għalf: EN 15909: HPLC f’fażi inversa bid-detezzjoni tal-UV (RP-HPLC-UV). Kwantifikazzjoni tal-formjat totali f’taħlitiet lesti minn qabel u fl-għalf: Kromatografija b’fażi likwida bi prestazzjoni għolja li teskludi l-joni bid-detezzjoni tal-UV jew tal-indiċi rifrattiv (HPLC-UV/RI) jew il-metodu tal-kromatografija tal-joni mgħammar bid-detezzjoni tal-konduttività elettrika (IC-ECD). |
||||||||||||||
(1) Id-dettalji tal-metodi analitiċi huma disponibbli fl-indirizz tal-Laboratorju ta’ Referenza li ġej: https://ec.europa.eu/jrc/en/eurl/feed-additives/evaluation-reports