This document is an excerpt from the EUR-Lex website
Document 32020D0659
Commission Implementing Decision (EU) 2020/659 of 15 May 2020 on the harmonised standard for the technical documentation required for assessing materials, components and electrical and electronic equipment drafted in support of Directive 2011/65/EU of the European Parliament and of the Council
Deċiżjoni ta’ Implimentazzjoni tal-Kummissjoni (UE) 2020/659 tal-15 ta’ Mejju 2020 dwar l-istandard armonizzat għad-dokumentazzjoni teknika meħtieġa għall-valutazzjoni tal-materjali, il-komponenti u t-tagħmir elettriku u elettroniku mfassal b’appoġġ għad-Direttiva 2011/65/UE tal-Parlament Ewropew u tal-Kunsill
Deċiżjoni ta’ Implimentazzjoni tal-Kummissjoni (UE) 2020/659 tal-15 ta’ Mejju 2020 dwar l-istandard armonizzat għad-dokumentazzjoni teknika meħtieġa għall-valutazzjoni tal-materjali, il-komponenti u t-tagħmir elettriku u elettroniku mfassal b’appoġġ għad-Direttiva 2011/65/UE tal-Parlament Ewropew u tal-Kunsill
C/2020/3213
ĠU L 155, 18.5.2020, p. 12–15
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, RO, SK, SL, FI, SV)
ĠU L 155, 18.5.2020, p. 52–55
(PT)
In force
|
18.5.2020 |
MT |
Il-Ġurnal Uffiċjali tal-Unjoni Ewropea |
L 155/12 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2020/659
tal-15 ta’ Mejju 2020
dwar l-istandard armonizzat għad-dokumentazzjoni teknika meħtieġa għall-valutazzjoni tal-materjali, il-komponenti u t-tagħmir elettriku u elettroniku mfassal b’appoġġ għad-Direttiva 2011/65/UE tal-Parlament Ewropew u tal-Kunsill
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1025/2012 tal-Parlament Ewropew u tal-Kunsill tal-25 ta’ Ottubru 2012 dwar l-Istandardizzazzjoni Ewropea, li jemenda d-Direttivi tal-Kunsill 89/686/KEE u 93/15/KEE u d-Direttivi 94/9/KE, 94/25/KE, 95/16/KE, 97/23/KE, 98/34/KE, 2004/22/KE, 2007/23/KE, 2009/23/KE u 2009/105/KE tal-Parlament Ewropew u tal-Kunsill u li jħassar id-Deċiżjoni tal-Kunsill 87/95/KEE u d-Deċiżjoni Nru 1673/2006/KE tal-Parlament Ewropew u tal-Kunsill (1), u b’mod partikolari l-Artikolu 10(6) tiegħu,
Billi:
|
(1) |
F’konformità mal-Artikolu 16(2) tad-Direttiva 2011/65/UE tal-Parlament Ewropew u tal-Kunsill (2), il-materjali, il-komponenti u t-tagħmir elettriku u elettroniku li fuqhom saru testijiet u kejl li juru l-konformità mar-rekwiżiti tal-Artikolu 4 ta’ dik id-Direttiva, jew li ġew ivvalutati, skont l-istandards armonizzati, li r-referenzi tagħhom ġew ippubblikati f’Il-Ġurnal Uffiċjali tal-Unjoni Ewropea, iridu jitqiesu konformi mar-rekwiżiti tad-Direttiva koperta minn dawk l-istandards. |
|
(2) |
Bl-ittra M/499 tal-21 ta’ Ottubru 2011, il-Kummissjoni talbet lill-Kumitat Ewropew għall-Istandardizzazzjoni (CEN), lill-Kumitat Ewropew għall-Istandardizzazzjoni Elettroteknika (CENELEC) u lill-Istitut Ewropew tal-Istandards tat-Telekomunikazzjoni (ETSI) għal reviżjoni tal-istandards armonizzati eżistenti u, jekk meħtieġ, għal tħejjija ta’ standards ġodda relatati mad-dokumentazzjoni teknika meħtieġa għall-valutazzjoni tal-materjali, il-komponenti u t-tagħmir elettriku u elettroniku għall-konformità mar-rekwiżiti tad-Direttiva 2011/65/UE. |
|
(3) |
Abbażi tat-talba M/499 tal-21 ta’ Ottubru 2011, is-CENELEC irreveda l-istandard armonizzat eżistenti EN 50581:2012, li wassal għall-adozzjoni tal-istandard IEC 63000:2018 li jistabbilixxi l-ispeċifikazzjonijiet għad-dokumentazzjoni teknika meħtieġa għall-valutazzjoni tal-materjali, il-komponenti u t-tagħmir elettriku u elettroniku fir-rigward tar-restrizzjoni tal-użu ta’ ċerti sustanzi perikolużi. Dak l-istandard ġdid EN IEC 63000:2018 hu bbażat fuq l-istandard internazzjonali eżistenti IEC 63000:2016 li hu stess hu bbażat fuq l-istandard armonizzat EN 50581:2012. |
|
(4) |
Il-Kummissjoni flimkien mas-CEN u s-CENELEC ivvalutaw jekk l-istandard EN IEC 63000:2018 abbozzat mis-CENELEC hux konformi mat-talba M/499 tal-21 ta’ Ottubru 2011. |
|
(5) |
L-istandard EN IEC 63000:2018 abbozzat mis-CENELEC jissodisfa r-rekwiżiti li għandu l-għan li jkopri u li huma stabbiliti fid-Direttiva 2011/65/UE. Għalhekk jixraq li r-referenza ta’ dak l-istandard tiġi ppubblikata f’Il-Ġurnal Uffiċjali tal-Unjoni Ewropea. |
|
(6) |
L-istandard EN IEC 63000:2018 jissostitwixxi l-istandard EN 50581:2012 u għalhekk jenħtieġ li r-referenza tal-istandard EN 50581:2012 minn tiġi rtirata Il-Ġurnal Uffiċjali tal-Unjoni Ewropea (3). Biex il-manifatturi jkollhom biżżejjed żmien biex jadattaw il-prodotti tagħhom għall-istandard il-ġdid, jenħtieġ tiġi rtirata r-referenza tal-istandard armonizzat EN 50581:2012. |
|
(7) |
Il-konformità ma’ standard armonizzat tikkonferixxi preżunzjoni ta’ konformità mar-rekwiżiti essenzjali korrispondenti stabbiliti fil-leġiżlazzjoni tal-Unjoni dwar l-armonizzazzjoni mid-data tal-pubblikazzjoni tar-referenza ta’ dak l-istandard f’Il-Ġurnal Uffiċjali tal-Unjoni Ewropea. Għaldaqstant, jenħtieġ li din id-Deċiżjoni tidħol fis-seħħ fil-jum tal-pubblikazzjoni tagħha, |
ADOTTAT DIN ID-DEĊIŻJONI:
Artikolu 1
Ir-referenza tal-istandard armonizzat għad-dokumentazzjoni teknika meħtieġa għall-valutazzjoni tal-materjali, il-komponenti u t-tagħmir elettriku u elettroniku mfassal b’appoġġ għad-Direttiva 2011/65/UE kif elenkat fl-Anness I hija b’dan ippubblikata f’Il-Ġurnal Uffiċjali tal-Unjoni Ewropea.
Artikolu 2
Ir-referenza tal-istandard armonizzat għad-dokumentazzjoni teknika meħtieġa għall-valutazzjoni tal-materjali, il-komponenti u t-tagħmir elettriku u elettroniku abbozzat b’appoġġ għad-Direttiva 2011/65/UE kif elenkat fl-Anness II ta’ din id-Deċiżjoni, hija b’dan irtirata minn Il-Ġurnal Uffiċjali tal-Unjoni Ewropea mid-data stipulata f’dak l-Anness.
Artikolu 3
Din id-Deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, il-15 ta’ Mejju 2020.
Għall-Kummissjoni
Il-President
Ursula VON DER LEYEN
(1) ĠU L 316, 14.11.2012, p. 12.
(2) Id-Direttiva 2011/65/UE tal-Parlament Ewropew u tal-Kunsill tat-8 ta’ Ġunju 2011 dwar ir-restrizzjoni tal-użu ta’ ċerti sustanzi perikolużi fit-tagħmir elettriku u elettroniku (ĠU L 174, 1.7.2011, p. 88).
ANNESS I
|
Nru |
Referenza tal-istandard |
|
1. |
EN IEC 63000:2018 Dokumentazzjoni teknika għall-valutazzjoni tal-prodotti elettriċi u elettroniċi fir-rigward tar-restrizzjoni tas-sustanzi perikolużi (IEC 63000:2016) |
ANNESS II
|
Nru |
Referenza tal-istandard |
Data tal-irtirar |
|
1. |
EN 50581:2012 Dokumentazzjoni teknika għall-valutazzjoni tal-prodotti elettriċi u elettroniċi fir-rigward tar-restrizzjoni tas-sustanzi perikolużi |
tat-18 ta' Novembru 2021 |