EUR-Lex Access to European Union law
This document is an excerpt from the EUR-Lex website
Document 32019R0977
Commission Regulation (EU) 2019/977 of 13 June 2019 amending Annexes II and IV to Regulation (EC) No 396/2005 of the European Parliament and of the Council as regards maximum residue levels for aclonifen, Beauveria bassiana strain PPRI 5339, Clonostachys rosea strain J1446, fenpyrazamine, mefentrifluconazole and penconazole in or on certain products (Text with EEA relevance.)
Regolament tal-Kummissjoni (UE) 2019/977 tat-13 ta' Ġunju 2019 li jemenda l-Annessi II u IV tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta' residwu għal aclonifen, Beauveria bassiana tar-razza PPRI 5339, Clonostachys rosea tar-razza J1446, fenpyrazamine, mefentrifluconazole u penconazole f'ċerti prodotti jew fuqhom (Test b'rilevanza għaż-ŻEE.)
Regolament tal-Kummissjoni (UE) 2019/977 tat-13 ta' Ġunju 2019 li jemenda l-Annessi II u IV tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta' residwu għal aclonifen, Beauveria bassiana tar-razza PPRI 5339, Clonostachys rosea tar-razza J1446, fenpyrazamine, mefentrifluconazole u penconazole f'ċerti prodotti jew fuqhom (Test b'rilevanza għaż-ŻEE.)
C/2019/4256
OJ L 159, 17.6.2019, p. 1–25
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
17.6.2019 |
MT |
Il-Ġurnal Uffiċjali tal-Unjoni Ewropea |
L 159/1 |
REGOLAMENT TAL-KUMMISSJONI (UE) 2019/977
tat-13 ta' Ġunju 2019
li jemenda l-Annessi II u IV tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta' residwu għal aclonifen, Beauveria bassiana tar-razza PPRI 5339, Clonostachys rosea tar-razza J1446, fenpyrazamine, mefentrifluconazole u penconazole f'ċerti prodotti jew fuqhom
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta' Frar 2005 dwar il-livelli massimi ta' residwu ta' pestiċidi fi jew fuq ikel u għalf li joriġina minn pjanti u annimali u li jemenda d-Direttiva tal-Kunsill 91/414/KEE (1), u b'mod partikulari l-Artikolu 5(1) u l-Artikolu 14(1)(a) tiegħu,
Billi:
|
(1) |
Għal aclonifen, fenpyrazamine u penconazole, il-livelli massimi ta' residwi (MRLs) ġew stipulati fl-Anness II tar-Regolament (KE) Nru 396/2005. Għal Beauveria bassiana tar-razza PPRI 5339 u mefentrifluconazole, ma ġie stipulat ebda MRL speċifiku u dawk is-sustanzi lanqas ma ġew inklużi fl-Anness IV ta' dak ir-Regolament, u għaldaqstant japplika l-valur prestabbilit ta' 0,01 mg/kg stipulat fl-Artikolu 18(1)(b). Clonostachys rosea tar-razza J1446 ġiet inkluża fl-Anness IV tar-Regolament (KE) Nru 396/2005 taħt l-entrata Gliocladium catenulatum tar-razza J1446. |
|
(2) |
Fit-22 ta' Lulju 2017, il-Kummissjoni Codex Alimentarius (CAC) adottat il-limiti massimi ta' residwi tal-Codex (CXLs) għal penconazole (2). Fis-6 ta' Lulju 2018, CAC adotta s-CXLs għal fenpyrazamine (3). |
|
(3) |
F'konformità mal-Artikolu 5(3) tar-Regolament (KE) Nru 178/2002 tal-Parlament Ewropew u tal-Kunsill (4), fejn jeżistu standards internazzjonali jew fejn it-tlestija tagħhom tkun imminenti, dawn għandhom jitqiesu fl-iżvilupp jew fl-adattament tal-liġi dwar l-ikel, ħlief fejn dawn l-istandards jew partijiet relevanti jkunu mezz ineffettiv jew mhux adattat għat-twettiq tal-għanijiet leġittimi tal-liġi dwar l-ikel jew fejn ikun hemm ġustifikazzjoni xjentifika, jew fejn dawn jirriżultaw f'livell differenti ta' protezzjoni minn dak stabbilit bħala xieraq fl-Unjoni. Barra minn hekk, f'konformità mal-punt (e) tal-Artikolu 13 ta' dak ir-Regolament, l-Unjoni għandha tippromwovi l-konsistenza bejn l-istandards tekniċi internazzjonali u l-liġi dwar l-ikel waqt li tiżgura li l-livell għoli ta' protezzjoni adottat fl-Unjoni ma jitnaqqasx. |
|
(4) |
Dawk is-CXLs għal penconazole u fenpyrazamine huma sikuri għall-konsumaturi fl-Unjoni (5) u għaldaqstant jenħtieġ li jiġu inklużi fir-Regolament (KE) Nru396/2005 bħala MRLs. |
|
(5) |
Fil-kuntest ta' proċedura għall-awtorizzazzjoni tal-użu ta' prodott għall-protezzjoni tal-pjanti li fih is-sustanza attiva aclonifen fuq “ħxejjex aromatiċi u fjuri li jittieklu” u celeriacs, tressqet applikazzjoni f'konformità mal-Artikolu 6(1) tar-Regolament (KE) Nru 396/2005 biex jiġu emendati l-MRLs eżistenti. |
|
(6) |
F'konformità mal-Artikolu 8 tar-Regolament (KE) Nru 396/2005, dik l-applikazzjoni ġiet evalwata mill-Istat Membru kkonċernat u r-rapport tal-evalwazzjoni ntbagħat lill-Kummissjoni. |
|
(7) |
L-Awtorità Ewropea dwar is-Sigurtà fl-Ikel, (“l-Awtorità”) ivvalutat l-applikazzjoni u r-rapport tal-evalwazzjoni, u b'mod partikolari eżaminat ir-riskji għall-konsumaturi u, fejn kien rilevanti, għall-annimali, u tat opinjoni motivata dwar l-MRLs proposti (6). Għaddiet dik l-opinjoni lill-applikant, lill-Kummissjoni u lill-Istat Membru kkonċernat u ppubblikatha. |
|
(8) |
L-Awtorità kkonkludiet li kienu ġew issodisfati r-rekwiżiti kollha rigward id-data u li l-modifiki tal-MRLs mitlubin mill-applikant kienu aċċettabbli fir-rigward tas-sikurezza tal-konsumatur abbażi ta' valutazzjoni tal-esponiment tal-konsumaturi għas-27 grupp Ewropew speċifiku tal-konsumatur. L-Awtorità qieset l-aktar informazzjoni riċenti dwar il-karatteristiċi tossikoloġiċi tas-sustanza. La l-esponiment tul il-ħajja għal dik is-sustanza mill-konsum tal-prodotti tal-ikel kollha li jista' jkun fihom dik is-sustanza, u lanqas l-esponiment għal perjodu qasir minħabba konsum għoli tal-prodott rilevanti ma wera li kien hemm riskju li jinqabeż il-konsum aċċettabbli ta' kuljum jew id-doża akuta ta' referenza. |
|
(9) |
Fil-kuntest tal-approvazzjoni tas-sustanza attiva mefentrifluconazole, fis-sommarju tad-dossier ġiet inkluża applikazzjoni għal MRL skont l-Artikolu 8(1)(g) tar-Regolament (KE) Nru 1107/2009 tal-Parlament Ewropew u tal-Kunsill (7). L-applikazzjoni ġiet evalwata mill-Istat Membru kkonċernat f'konformità mal-Artikolu 11(2) ta' dak ir-Regolament. L-Awtorità vvalutat l-applikazzjoni u tat konklużjoni dwar l-evalwazzjoni bejn il-pari tal-valutazzjoni tar-riskju tal-pestiċidi tas-sustanza attiva, fejn irrakkomandat li jiġu stabbiliti MRLs li jkopru l-użi rappreżentattivi fuq ix-xgħir, il-ħafur, is-segala u l-qamħ skont il-Prattiki Agrikoli Tajbin (GAPs) fl-Unjoni (8). |
|
(10) |
Fil-kuntest tat-tiġdid tal-approvazzjoni tas-sustanza attiva Gliocladium catenulatum tar-razza J1446, l-Awtorità rrakkomandat l-inklużjoni tagħha fl-Anness IV tar-Regolament (KE) Nru 396/2005 (9). Minħabba bidliet riċenti fir-regoli tassonomiċi, ir-razza J1446 ġiet trasferita lill-ispeċi Clonostachys rosea. |
|
(11) |
Fil-kuntest tal-approvazzjoni tas-sustanza attiva Beauveria bassiana tar-razza PPRI 5339, l-Awtorità bagħtet konklużjoni dwar l-evalwazzjoni bejn il-pari tal-valutazzjoni tar-riskju tal-pestiċidi (10). F'dak il-qafas, l-Awtorità ma setgħetx tilħaq konklużjoni dwar il-valutazzjoni tar-riskju fuq id-dieta tal-konsumaturi billi ma kinitx disponibbli ċerta informazzjoni u kien hemm ħtieġa li l-maniġers tar-riskju jkomplu jistudjaw din is-sustanza. Tali kunsiderazzjoni ulterjuri kienet riflessa fir-rapport ta' rieżami (11) li kkonkluda li l-organiżmu mhuwiex patoġeniku għall-bniedem u li l-ebda tossin jew metabolit tossiku ma huma mistennija li jokkorru fl-ikel wara l-użu tas-sustanza attiva. Fid-dawl ta' dawk il-konklużjonijiet, il-Kummissjoni tqis li l-Beauveria bassiana tar-razza PPRI 5339 jenħtieġ li tiġi inkluża fl-Anness IV tar-Regolament (KE) Nru 396/2005. |
|
(12) |
Fir-rigward ta' penconazole, ġew modifikati diversi MRLs bir-Regolament tal-Kummissjoni (UE) 2019/89 (12). Dak ir-Regolament inaqqas l-MRLs għal diversi prodotti sal-limitu tad-determinazzjoni mit-13 ta' Awwissu 2019. Fl-interess taċ-ċertezza ġuridika, huwa xieraq li l-MRLs għal penconazole, previsti f'dan ir-Regolament jibdew japplikaw mill-istess data. |
|
(13) |
Abbażi tal-opinjonijiet motivati u tal-konklużjonijiet tal-Awtorità u filwaqt li jitqiesu l-fatturi rilevanti tas-suġġett ikkunsidrat, il-modifiki xierqa tal-MRLs jissodisfaw ir-rekwiżiti tal-Artikolu 14(2) tar-Regolament (KE) Nru 396/2005. |
|
(14) |
Għaldaqstant, jenħtieġ li r-Regolament (KE) Nru 396/2005 jiġi emendat skont dan. |
|
(15) |
Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Annessi II u IV tar-Regolament (KE) Nru 396/2005 huma emendati skont l-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Madankollu għandu japplika mit-13 ta' Awwissu 2019 għall-MRLs għal penconazole.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-13 ta' Ġunju 2019.
Għall-Kummissjoni
Il-President
Jean-Claude JUNCKER
(2) http://www.fao.org/fao-who-codexalimentarius/sh-proxy/en/?lnk=1&url=https%253A%252F%252Fworkspace.fao.org%252Fsites%252Fcodex%252FMeetings%252FCX-718-49%252FREPORT%252FREP17_PRe.pdf.
Il-programm konġunt tal-FAO u tal-WHO dwar l-istandards tal-ikel tal-Kummissjoni Codex Alimentarius. L-Appendiċi III. Is-Sessjoni Nru 40. Ġinevra, l-Iżvizzera, mis-17 sat-22 ta' Lulju 2017.
(3) http://www.fao.org/fao-who-codexalimentarius/sh-proxy/en/?lnk=1&url=https%253A%252F%252Fworkspace.fao.org%252Fsites%252Fcodex%252FMeetings%252FCX-701-41%252FReport%252FFINAL%252FREP18_CACe.pdf.
Il-programm konġunt tal-FAO u tal-WHO dwar l-istandards tal-ikel tal-Kummissjoni Codex Alimentarius. L-Appendiċi II. Il-wieħed u erbgħin sessjoni. Ruma, l-Italja, mit-2 sas-6 ta' Lulju 2018.
(4) Ir-Regolament tal-Parlament Ewropew u tal-Kunsill (KE) Nru 178/2002 tat-28 ta' Jannar 2002 li jistabbilixxi l-prinċipji ġenerali u l-ħtiġijiet tal-liġi dwar l-ikel, li jistabbilixxi l-Awtorità Ewropea dwar is-Sigurtà fl-Ikel u jistabbilixxi l-proċeduri fi kwistjonijiet ta' sigurtà tal-ikel (ĠU L 31, 1.2.2002, p. 1).
(5) Scientific support for preparing an EU position in the 49th Session of the Codex Committee on Pesticide Residues (CCPR). EFSA Journal 2017;15(7):4929.
Scientific support for preparing an EU position in the 50th Session of the Codex Committee on Pesticide Residues (CCPR). EFSA Journal 2018;16(7):5306.
(6) Ir-rapporti xjentifiċi tal-EFSA jinsabu online fuq: http://www.efsa.europa.eu:
Reasoned opinion on the modification of the existing maximum residue levels for aclonifen in celeriacs and certain fresh herbs. EFSA Journal 2019;17(1):5545.
(7) Ir-Regolament (KE) Nru 1107/2009 tal-Parlament Ewropew u tal-Kunsill tal-21 ta' Ottubru 2009 dwar it-tqegħid fis-suq ta' prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (ĠU L 309, 24.11.2009, p. 1).
(8) Conclusion on the peer review of the pesticide risk assessment of the active substance BAS 750 F (mefentrifluconazole). EFSA Journal 2018;16(7):5379.
(9) Conclusion on the Peer review of the pesticide risk assessment of the active substance Clonostachys rosea strain J1446 (approved in Regulation (EU) No 540/2011 as Gliocladium catenulatum strain J1446). EFSA Journal 2017;15(7):4905.
(10) Conclusion on the peer review of the pesticide risk assessment of the active substance Beauveria bassiana strain PPRI 5339. EFSA Journal 2018;16(4):5230.
(11) Review report for the active substance Beauveria bassiana strain PPRI 5339 (SANTE/11265/2018).
(12) Ir-Regolament tal-Kummissjoni (UE) 2019/89 tat-18 ta' Jannar 2019 li jemenda l-Annessi II, III u V tar-Regolament (KE) Nru 396/2005 tal-Parlament Ewropew u tal-Kunsill dwar il-livelli massimi ta' residwi għall-bromadijolon, għall-etofenproks, għall-paklobutrażol u għall-penkonażol f'ċerti prodotti jew fuqhom (ĠU L 22, 24.1.2019, p. 13).
ANNESS
L-Annessi II u IV tar-Regolament (KE) Nru 396/2005 huma emendati kif ġej:
|
(1) |
L-Anness II huwa emendat kif ġej:
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
(2) |
L-Anness IV huwa emendat kif ġej:
|
(*1) Limitu tal-kwantifikazzjoni analitika
(1) Il-lista sħiħa tal-prodotti li joriġinaw mill-pjanti u mill-annimali li għalihom japplikaw l-MRLs, tinsab fl-Anness I.
(*2) Limitu tal-kwantifikazzjoni analitika
(2) Il-lista sħiħa tal-prodotti li joriġinaw mill-pjanti u mill-annimali li għalihom japplikaw l-MRLs, tinsab fl-Anness I.”