Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32019R0839

Regolament Delegat tal-Kummissjoni (UE) 2019/839 tas-7 ta' Marzu 2019 li jemenda r-Regolament (UE) Nru 540/2014 tal-Parlament Ewropew u tal-Kunsill dwar il-livell ta' ħoss tal-vetturi bil-mutur u s-sostituzzjoni tas-sistemi tas-sajlenser (Test b'rilevanza għaż-ŻEE.)

C/2019/1774

ĠU L 138, 24.5.2019, pp. 70–73 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_del/2019/839/oj

24.5.2019   

MT

Il-Ġurnal Uffiċjali tal-Unjoni Ewropea

L 138/70

REGOLAMENT DELEGAT TAL-KUMMISSJONI (UE) 2019/839

tas-7 ta' Marzu 2019

li jemenda r-Regolament (UE) Nru 540/2014 tal-Parlament Ewropew u tal-Kunsill dwar il-livell ta' ħoss tal-vetturi bil-mutur u s-sostituzzjoni tas-sistemi tas-sajlenser

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 540/2014 tal-Parlament Ewropew u tal-Kunsill tas-16 ta' April 2014 dwar il-livell ta' ħoss tal-vetturi bil-mutur u s-sostituzzjoni tas-sistemi tas-sajlenser, u li jemenda d-Direttiva 2007/46/KE u li jħassar id-Direttiva 70/157/KEE (1), u b'mod partikolari t-tieni paragrafu tal-Artikolu 8 u l-Artikolu 9 tiegħu,

Billi:

(1)

Ir-Regolament (UE) Nru 540/2014 jistabbilixxi r-rekwiżiti għall-approvazzjoni tat-tip tal-UE għall-vetturi ġodda kollha tal-kategoriji M (vetturi użati għall-ġarr tal-passiġġieri) u N (vetturi użati għall-ġarr ta' merkanzija) fir-rigward tal-livell tal-ħoss tagħhom. Dak ir-Regolament jistabbilixxi wkoll miżuri dwar is-Sistema ta' Twissija Akustika tal-Vettura (AVAS) għal vetturi elettriċi ibridi u għal vetturi purament elettriċi, bil-għan li l-utenti vulnerabbli tat-triq jiġu mwissija dwar dawn il-vetturi.

(2)

Id-dokument ta' informazzjoni skont l-Anness I tad-Direttiva 2007/46/KE tal-Parlament Ewropew u tal-Kunsill (2) dwar l-approvazzjoni tat-tip tal-UE ta' vettura fir-rigward tal-livell permissibbli tal-ħoss jenħtieġ li jiġi rieżaminat biex jirrifletti r-rekwiżiti dettaljati relatati mal-AVAS.

(3)

Wara l-adozzjoni, fil-171 sessjoni tal-Forum Dinji għall-Armonizzazzjoni tar-Regolamenti dwar il-Vetturi tal-Kummissjoni Ekonomika għall-Ewropa tan-Nazzjonijiet Uniti (NU/KEE), tas-serje ta' emendi 01 tar-Regolament tan-NU Nru 138 dwar l-approvazzjoni ta' vetturi tat-trasport bit-triq li ma jagħmlux storbju, l-Anness VIII tar-Regolament (UE) Nru 540/2014 jenħtieġ li jiġi rieżaminat bil-għan li tiddaħħal projbizzjoni ufq il-funzjoni pause tal-AVAS.

(4)

Għalhekk, jenħtieġ li r-Regolament (UE) Nru 540/2014 jiġi emendat skont dan.

(5)

Filwaqt li jitqies li dan ir-Regolament jinkludi adattament li jirriflettu r-rekwiżiti li jikkonċernaw il-funzjoni pause tal-AVAS diġà applikabbli skont il-Ftehim tal-1958 tan-NU/KEE, u jintroduċi dispożizzjonijiet tranżizzjonali meħtieġa għall-applikazzjoni fl-2019, jenħtieġ li jidħol fis-seħħ b'urġenza,

ADOTTAT DAN IR-REGOLAMENT:

Artikolu 1

L-Annessi I u VIII tar-Regolament (UE) Nru 540/2014 huma emendati skont l-Anness ta' dan ir-Regolament.

Artikolu 2

Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-7 ta' Marzu 2019.

Għall-Kummissjoni

Il-President

Jean-Claude JUNCKER

(1)   ĠU L 158, 27.5.2014, p. 131.

(2)  Id-Direttiva 2007/46/KE tal-Parlament Ewropew u tal-Kunsill tal-5 ta' Settembru 2007 li tistabbilixxi kwadru għall-approvazzjoni ta' vetturi bil-mutur u l-karrijiet tagħhom, u ta' sistemi, komponenti u unitajiet tekniċi separati maħsuba għal tali vetturi (Direttiva Kwadru) (ĠU L 263, 9.10.2007, p. 1).

ANNESS

Ir-Regolament (UE) Nru 540/2014 huwa emendat kif ġej:

(1)

fl-Anness I, l-Appendiċi 1 huwa emendat kif ġej:

(a)

il-punt 12.8 jitħassar;

(b)

jiżdied il-punt 12.9 li ġej:

“12.9.   AVAS

12.9.1.   In-numru tal-approvazzjoni ta' tip ta' vettura fir-rigward tal-emissjonijiet tal-ħoss tagħha skont ir-Regolament UNECE Nru 138 (1)

jew

12.9.2.   Ir-referenza sħiħa għar-riżultati tat-test tal-livelli tal-emissjonijiet tal-ħoss tal-AVAS, imkejla skont ir-Regolament (UE) Nru 540/2014 (1)”.

(2)

L-Anness VIII huwa emendat kif ġej:

(a)

it-taqsima I hi sostitwita b'dan li ġej:

“Taqsima I

Dan l-Anness jistipula l-miżuri li jikkonċernaw l-AVAS għal vetturi elettriċi ibridi u għal vetturi purament elettriċi.

I.1.   Minkejja l-punti I.2(a), I.2(b), I.3(a) u I.3(b), id-dispożizzjonijiet tat-taqsima II għandhom japplikaw għall-AVAS installata:

(a)

fi kwalunkwe vettura b'approvazzjoni tat-tip minn qabel l-1 ta' Lulju 2019;

(b)

fi kwalunkwe vettura ġdida bbażata fuq it-tip imsemmi fil-punt (a) u rreġistrata qabel l-1 ta' Lulju 2021.

I.2.   Minkejja l-punti I.3(a) u (b), id-dispożizzjonijiet tat-taqsima III għandhom japplikaw għall-AVAS installata:

(a)

fi kwalunkwe vettura b'approvazzjoni tat-tip minn qabel l-1 ta' Lulju 2019, jekk il-manifattur jagħżel li jagħmel dan;

(b)

fi kwalunkwe vettura ġdida bbażata fuq it-tip imsemmi fil-punt (a);

(c)

fi kwalunkwe vettura b'approvazzjoni tat-tip mill-1 ta' Lulju 2019 'il quddiem u qabel it-1 ta' Settembru 2021;

(d)

fi kwalunkwe vettura ġdida bbażata fuq it-tip imsemmi fil-punt (c) u rreġistrata qabel l-1 ta' Settembru 2023.

I.3.   Id-dispożizzjonijiet tat-taqsima IV għandhom japplikaw għall-AVAS installata:

(a)

fi kwalunkwe vettura b'approvazzjoni tat-tip minn qabel l-1 ta' Settembru 2021, jekk il-manifattur jagħżel li jagħmel dan;

(b)

fi kwalunkwe vettura ġdida bbażata fuq it-tip imsemmi fil-punt (a);

(c)

fi kwalunkwe vettura b'approvazzjoni tat-tip mill-1 ta' Settembru 2021 jew wara;

(d)

fi kwalunkwe vettura ġdida bbażata fuq it-tip imsemmi fil-punt (c);

(e)

fil-vetturi ġodda kollha rreġistrati fl-1 ta' Settembru 2023 jew wara.”;

(b)

tiddaħħal it-taqsima IV li ġejja:

“Taqsima IV

Id-dispożizzjonijiet tat-taqsima III għandhom japplikaw, bl-eċċezzjoni tal-punt III.2 (b). Barra minn hekk, għandu japplika dan li ġej:

Swiċċ

Kwalunkwe mekkaniżmu li jippermetti lis-sewwieq iwaqqaf l-operat ta' AVAS (“il-funzjoni pause”) għandu jikkonforma mar-rekwiżiti tal-paragrafu 6.2.6 tar-Regolament tan-NU/KEE Nru 138, Suppliment 1 tal-verżjoni oriġinali tar-Regolament, is-serje ta' emendi 01 (ĠU L 204, 5.8.2017, p. 112).”.
Top