EUR-Lex Access to European Union law
This document is an excerpt from the EUR-Lex website
Document 32019R0775
Commission Implementing Regulation (EU) 2019/775 of 16 May 2019 amending Regulation (EU) No 454/2011 as regards Change Control Management (Text with EEA relevance.)
Regolament ta' Implimentazzjoni tal-Kummissjoni (UE) 2019/775 tas-16 ta' Mejju 2019 li jemenda r-Regolament tal-Kummissjoni (UE) Nru 454/2011 fir-rigward tal-Ġestjoni tal-Kontroll tat-Tibdil (Test b'rilevanza għaż-ŻEE.)
Regolament ta' Implimentazzjoni tal-Kummissjoni (UE) 2019/775 tas-16 ta' Mejju 2019 li jemenda r-Regolament tal-Kummissjoni (UE) Nru 454/2011 fir-rigward tal-Ġestjoni tal-Kontroll tat-Tibdil (Test b'rilevanza għaż-ŻEE.)
OJ L 139I, 27.5.2019, p. 103–107
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
27.5.2019 |
MT |
Il-Ġurnal Uffiċjali tal-Unjoni Ewropea |
LI 139/103 |
REGOLAMENT TA' IMPLIMENTAZZJONI TAL-KUMMISSJONI (UE) 2019/775
tas-16 ta' Mejju 2019
li jemenda r-Regolament tal-Kummissjoni (UE) Nru 454/2011 fir-rigward tal-Ġestjoni tal-Kontroll tat-Tibdil
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva (UE) 2016/797 tal-Parlament Ewropew u tal-Kunsill tal-11 ta' Mejju 2016 dwar l-interoperabbiltà tas-sistema ferrovjarja fl-Unjoni Ewropea (1), u b'mod partikolari l-Artikolu 5(11) tagħha,
Billi:
|
(1) |
L-Artikolu 19 tar-Regolament (UE) 2016/796 tal-Parlament Ewropew u tal-Kunsill (2) jeżiġi li l-Aġenzija tal-Unjoni Ewropea għall-Ferroviji (“l-Aġenzija”) trid tindirizza rakkomandazzjonijiet lill-Kummissjoni dwar l-ispeċifikazzjonijiet tekniċi għall-interoperabbiltà (“TSI”) u r-reviżjoni tagħhom, skont l-Artikolu 5 tad-Direttiva (UE) 2016/797, u tiżgura li t-TSI jiġu adattati għall-progress tekniku, ix-xejriet tas-suq u l-ħtiġijiet soċjali. |
|
(2) |
L-Artikolu 14 tad-Deċiżjoni Delegata tal-Kummissjoni (UE) 2017/1474 (3) jeżiġi li trid tiġi emendata t-Taqsima 7.5 tal-Anness I tar-Regolament tal-Kummissjoni (UE) Nru 454/2011 (4) (TSI tat-TAP)biex tispeċifika l-proċedura modifikata tal-kontroll tat-tibdil għat-TSI tal-Applikazzjonijiet Telematiċi għall-Passiġġieri (TAP). |
|
(3) |
B'konformità mal-Artikolu 5 tar-Regolament (UE) 2016/796, twaqqaf grupp ta' ħidma biex jipproponi rakkomandazzjoni dwar tibdil fit-Taqsima 7.5 tat-TSI tat-TAP. |
|
(4) |
Fl-20 ta' April 2018, l-Aġenzija bagħtet rakkomandazzjoni lill-Kummissjoni dwar ir-reviżjoni tat-Taqsima 7.5 tar-Regolament tal-Kummissjoni (UE) Nru 454/2011 (TSI tat-TAP). |
|
(5) |
It-Taqsima 7.5 tal-Anness I tar-Regolament (UE) Nru 454/2011 marbuta mat-TSI tat-TAP jenħtieġ li tiġi emendata skont dan. |
|
(6) |
Jenħtieġ li tiġi aġġornata l-lista tad-dokumenti tekniċi rilevanti msemmija fit-TSI tat-TAP. |
|
(7) |
Il-miżuri previsti f'dan ir-Regolament huma skont l-opinjoni tal-Kumitat stabbilit b'konformità mal-Artikolu 51(1) tad-Direttiva (UE) 2016/797, |
ADOTTAT DAN IR-REGOLAMENT:
Artikolu 1
It-Taqsima 7.5 tal-Anness I tar-Regolament (UE) Nru 454/2011 hija sostitwita bit-test fl-Anness I ta' dan ir-Regolament.
Artikolu 2
L-Anness III tar-Regolament (UE) Nru 454/2011 huwa sostitwit bit-test fl-Anness II ta' dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-16 ta' Mejju 2019.
Għall-Kummissjoni
Il-President
Jean-Claude JUNCKER
(1) ĠU L 138, 26.5.2016, p. 44.
(2) Ir-Regolament (UE) 2016/796 tal-Parlament Ewropew u tal-Kunsill tal-11 ta' Mejju 2016 dwar l-Aġenzija tal-Unjoni Ewropea għall-Ferroviji u li jħassar ir-Regolament (KE) Nru 881/2004 (ĠU L 138, 26.5.2016, p. 1).
(3) Id-Deċiżjoni Delegata tal-Kummissjoni (UE) 2017/1474 tat-8 ta' Ġunju 2017 li tissupplimenta d-Direttiva (UE) 2016/797 tal-Parlament Ewropew u tal-Kunsill b'rabta mal-objettivi speċifiċi għall-abbozzar, l-adozzjoni u r-reviżjoni tal-ispeċifikazzjonijiet tekniċi għall-interoperabbiltà (ĠU L 210, 15.8.2017, p. 5).
(4) Ir-Regolament tal-Kummissjoni (UE) Nru 454/2011 tal-5 ta' Mejju 2011 dwar l-ispeċifikazzjoni teknika għall-interoperabbiltà relatata mas-subsistema “applikazzjonijiet telematiċi għal servizzi tal-passiġġieri” tas-sistema ferrovjarja trans-Ewropea (ĠU L 123, 12.5.2011, p. 11).
ANNESS I
It-Taqsima 7.5 tal-Anness I tar-Regolament (UE) Nru 454/2011 hija sostitwita b'dan li ġej:
“7.5. Ġestjoni tat-Tibdil
7.5.1. Proċess ta' Ġestjoni tat-Tibdil
Għandhom jitfasslu proċeduri tal-ġestjoni tat-tibdil biex ikun żgurat li l-ispejjeż u l-benefiċċji tat-tibdil jiġu analizzati kif xieraq u li t-tibdil jiġi implimentat b'mod ikkontrollat. Dawn il-proċeduri għandhom jiġu definiti, jiddaħħlu fis-seħħ, appoġġati u ġestiti mill-Aġenzija, u għandhom jinkludu:
|
— |
l-identifikazzjoni tar-restrizzjonijiet tekniċi li jirfdu t-tibdil, |
|
— |
dikjarazzjoni dwar min jerfa' r-responsabbiltà għall-proċeduri tal-implimentazzjoni tat-tibdil, |
|
— |
il-proċedura għall-validazzjoni tat-tibdil li jrid jiġi implimentat, |
|
— |
il-politika għall-ġestjoni tat-tibdil, ir-rilaxx, il-migrazzjoni u l-iskjerament, |
|
— |
id-definizzjoni tar-responsabbiltajiet għall-ġestjoni tal-ispeċifikazzjonijiet dettaljati u għall-assigurazzjoni tal-kwalità tagħha kif ukoll il-ġestjoni tal-konfigurazzjoni tagħha. |
Il-Bord għall-Kontroll tal-Bidla (CCB) għandu jkun magħmul mill-Aġenzija, korpi rappreżentattivi tas-settur ferrovjarju, korp rappreżentattiv tal-bejjiegħa tal-biljetti u l-Istati Membri. Affiljazzjoni tal-partijiet bħal din għandha tiżgura perspettiva fuq it-tibdil li jrid isir u valutazzjoni kumplessiva tal-implikazzjonijiet tiegħu. Fl-aħħar mill-aħħar is-CCB għandu jinġieb fil-patroċinju tal-Aġenzija.
7.5.2. Proċess tal-Ġestjoni ta' Tibdil Speċifiku għad-dokumenti elenkati fl-Anness III ta' dan ir-Regolament
Il-ġestjoni tal-kontroll tat-tibdil għad-dokumenti elenkati fl-Anness III ta' dan ir-Regolament għandha tiġi stabbilita mill-Aġenzija skont dawn il-kriterji li ġejjin:
|
1. |
Ir-rikjesti għat-tibdil li jaffettaw id-dokumenti jitressqu mill-Istati Membri jew mill-korpi rappreżentattivi tas-settur ferrovjarju li jaġixxu fil-livell Ewropew kif definit fl-Artikolu 38(4) tar-Regolament (UE) 2016/796 tal-Parlament Ewropew u tal-Kunsill (*1), jew mir-rappreżentant tal-bejjiegħa tal-biljetti jew permezz tal-Kumitat ta' Tmexxija tat-TSI tat-TAP. |
|
2. |
L-Aġenzija għandha tiġbor u taħżen ir-rikjesti għat-tibdil. |
|
3. |
L-Aġenzija għandha tippreżenta r-rikjesti għat-tibdil lill-grupp ta' ħidma apposta tal-ERA, u dan jevalwahom u jħejji proposta flimkien ma' evalwazzjoni ekonomika, meta xieraq. |
|
4. |
Imbagħad l-Aġenzija għandha tippreżenta kull rikjesta għat-tibdil u l-proposta assoċjata lill-Bord tal-Kontroll tat-Tibdil li min-naħa tiegħu jiddeċiedi jekk għandux jivvalida, ma jivvalidax, jew jipposponi r-rikjesta għat-tibdil. |
|
5. |
Jekk ir-rikjesta għat-tibdil ma tiġix ivvalidata, l-Aġenzija għandha tibgħat ir-raġuni għaċ-ċaħda lir-rikjedent jew titolbu informazzjoni addizzjonali dwar l-abbozz tar-rikjesta għat-tibdil. |
|
6. |
Jekk ir-rikjesta għat-tibdil tiġi vvalidata, id-dokument tekniku għandu jiġi emendat. |
|
7. |
Jekk ma jinstab l-ebda konsensus dwar il-validazzjoni ta' rikjesta għat-tibdil, l-Aġenzija għandha tippreżenta rakkomandazzjoni lill-Kummissjoni biex taġġorna d-dokumenti elenkati fl-Anness III flimkien mal-abbozz tal-verżjoni l-ġdida tad-dokument, ir-rikjesti għat-tibdil, u l-evalwazzjoni ekonomika tagħhom, u għandha tagħmel dawn id-dokumenti disponibbli fuq is-sit web tagħha. |
|
8. |
Il-verżjoni l-ġdida tad-dokument tekniku bir-rikjesti għat-tibdil ivvalidati għandhom ikunu disponibbli fuq is-sit web tal-Aġenzija. L-Aġenzija għandha żżomm lill-Istati Membri infurmati permezz tal-Kumitat stabbilit skont l-Artikolu 29(1) tad-Direttiva 2008/57/KE. |
|
9. |
Jekk rikjesta għat-tibdil tkun teħtieġ li jinbidel it-test legali tat-TSI tat-TAP, l-Aġenzija għandha tibgħat talba lill-Kummissjoni Ewropea biex titlob reviżjoni tat-TSI tat-TAP u/jew titlob l-opinjoni teknika tal-Aġenzija. |
Meta l-ġestjoni tal-kontroll tat-tibdil tkun taffettwa elementi użati b'mod komuni fit-TSI tat-TAF, it-tibdil għandu jsir b'tali mod li jibqa' konformi mat-TSI tat-TAF implimentata ħalli jinkisbu l-aqwa sinerġiji.
(*1) Ir-Regolament (UE) 2016/796 tal-Parlament Ewropew u tal-Kunsill tal-11 ta' Mejju 2016 dwar l-Aġenzija tal-Unjoni Ewropea għall-Ferroviji u li jħassar ir-Regolament (KE) Nru 881/2004 (ĠU L 138, 26.5.2016, p. 1).””
ANNESS II
L-Anness III tar-Regolament tal-Kummissjoni (UE) Nru 454/2011 huwa sostitwit b'dan li ġej:
“ANNESS III
Lista tad-dokumenti tekniċi
|
Nru |
Referenza |
Titlu |
|
1 |
B.1 |
Ġenerazzjoni kompjuterizzata u skambju ta' data tariffarja maħsuba għall-bejgħ internazzjonali jew barrani — biljetti NRT |
|
2 |
B.2 |
Ġenerazzjoni kompjuterizzata u skambju ta' data tariffarja maħsuba għall-bejgħ internazzjonali jew barrani — Biljetti ta' Prenotazzjoni Integrata (IRT) |
|
3 |
B.3 |
Ġenerazzjoni kompjuterizzata u skambju ta' data tariffarja maħsuba għall-bejgħ internazzjonali jew barrani — Offerti speċjali |
|
4 |
B.4 |
Gwida tal-implimentazzjoni għall-messaġġi EDIFACT li jkopru l-iskambju ta' data skedarja |
|
5 |
B.5 |
Prenotazzjoni elettronika ta' sits/sodod u produzzjoni elettronika tad-dokumenti tal-ivvjaġġar — Skambju ta' messaġġi |
|
6 |
B.6 |
Prenotazzjoni elettronika ta' sits/sodod u produzzjoni elettronika tad-dokumenti tat-trasport (standards RCT2) |
|
7 |
B.7 |
Biljett Ferrovjarju Internazzjonali li jiġi Stampat id-Dar |
|
8 |
B.8 |
Kodifikazzjoni numerika standard għal impriżi ferrovjarji, amministraturi tal-infrastruttura u kumpaniji oħra involuti fil-ktajjen tat-trasport ferrovjarju |
|
9 |
B.9 |
Kodifikazzjoni numerika standard tal-postijiet |
|
10 |
B.10 |
Prenotazzjoni elettronika ta' assistenza għall-persuni b'mobbiltà mnaqqsa — Skambju ta' messaġġi |
|
12 |
B.30 |
Skema — katalgu bil-messaġġi/settijiet tad-data għall-komunikazzjoni RU/IM tat-TSI tat-TAP |