EUR-Lex Access to European Union law
This document is an excerpt from the EUR-Lex website
Document 32019R0249
Commission Implementing Regulation (EU) 2019/249 of 12 February 2019 suspending the tariff preferences for certain GSP beneficiary countries in respect of certain GSP sections in accordance with Regulation (EU) No 978/2012 of the European Parliament and of the Council applying a scheme of generalised tariff preferences for the period of 2020-2022
Regolament ta' Implimentazzjoni tal-Kummissjoni (UE) 2019/249 tat-12 ta' Frar 2019 li jissospendi l-preferenzi tariffarji għal ċerti pajjiżi benefiċjarji tal-SĠP fir-rigward ta' ċerti taqsimiet tal-SĠP skont ir-Regolament (UE) Nru 978/2012 tal-Parlament Ewropew u tal-Kunsill li japplika skema ta' preferenzi tariffarji ġeneralizzati għall-perjodu 2020-2022
Regolament ta' Implimentazzjoni tal-Kummissjoni (UE) 2019/249 tat-12 ta' Frar 2019 li jissospendi l-preferenzi tariffarji għal ċerti pajjiżi benefiċjarji tal-SĠP fir-rigward ta' ċerti taqsimiet tal-SĠP skont ir-Regolament (UE) Nru 978/2012 tal-Parlament Ewropew u tal-Kunsill li japplika skema ta' preferenzi tariffarji ġeneralizzati għall-perjodu 2020-2022
C/2019/878
OJ L 42, 13.2.2019, p. 6–8
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2022
13.2.2019 |
MT |
Il-Ġurnal Uffiċjali tal-Unjoni Ewropea |
L 42/6 |
REGOLAMENT TA' IMPLIMENTAZZJONI TAL-KUMMISSJONI (UE) 2019/249
tat-12 ta' Frar 2019
li jissospendi l-preferenzi tariffarji għal ċerti pajjiżi benefiċjarji tal-SĠP fir-rigward ta' ċerti taqsimiet tal-SĠP skont ir-Regolament (UE) Nru 978/2012 tal-Parlament Ewropew u tal-Kunsill li japplika skema ta' preferenzi tariffarji ġeneralizzati għall-perjodu 2020-2022
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 978/2012 tal-Parlament Ewropew u tal-Kunsill tal-25 ta' Ottubru 2012 li japplika skema ta' preferenzi tariffarji ġeneralizzati u li jħassar ir-Regolament tal-Kunsill (UE) Nru 732/2008 (1), u b'mod partikolari l-Artikolu 8(3) tiegħu,
Wara li kkonsultat il-Kumitat tal-Preferenzi Ġeneralizzati, skont it-tifsira tal-Artikolu 39 tar-Regolament (UE) Nru 978/2012,
Billi:
(1) |
Skont l-Artikolu 8(1) tar-Regolament (UE) Nru 978/2012, il-preferenzi tariffarji tal-arranġament ġenerali tal-iskema ġeneralizzata ta' preferenzi (SĠP) għandhom jiġu sospiżi fir-rigward ta' prodotti ta' taqsima tal-SĠP li joriġinaw f'pajjiż benefiċjarju tal-SĠP meta l-valur medju tal-importazzjonijiet mill-Unjoni ta' dawn il-prodotti fuq tliet snin konsekuttivi minn dak il-pajjiż benefiċjarju tal-SĠP jaqbeż il-limiti elenkati fl-Anness VI ta' dak ir-Regolament. |
(2) |
Skont l-Artikolu 8(2) tar-Regolament (UE) Nru 978/2012 u abbażi ta' statistika dwar il-kummerċ fir-rigward tas-snin kalendarji 2012-2014, ir-Regolament ta' Implimentazzjoni tal-Kummissjoni (UE) 2016/330 (2) stabbilixxa l-lista tat-taqsimiet tal-prodotti li għalihom il-preferenzi tariffarji ġew sospiżi mill-1 ta' Jannar 2017 sal-31 ta' Diċembru 2019. |
(3) |
F'konformità mal-Artikolu 8(3) tar-Regolament (UE) Nru 978/2012, kull tliet snin il-Kummissjoni għandha tirrieżamina dik il-lista u tadotta att ta' implimentazzjoni li jissospendi jew jistabbilixxi mill-ġdid il-preferenzi tariffarji. |
(4) |
Il-lista riveduta jenħtieġ li tapplika għal tliet snin mill-1 ta' Jannar 2020. Il-lista hija bbażata fuq statistika dwar il-kummerċ fir-rigward tas-snin kalendarji 2015-2017 kif disponibbli fl-1 ta' Settembru 2018 u tqis l-importazzjonijiet mill-pajjiżi benefiċjarji tal-SĠP elenkati fl-Anness II tar-Regolament (UE) Nru 978/2012 kif applikabbli f'dik id-data. Madankollu, ma tqiesx il-valur tal-importazzjoni minn benefiċjarji tal-SĠP li mill-1 ta' Jannar 2020 mhumiex se jibqgħu jibbenefikaw mill-preferenzi tariffarji skont il-punt (b) tal-Artikolu 4(1) tar-Regolament (UE) Nru 978/2012, |
ADOTTAT DAN IR-REGOLAMENT:
Artikolu 1
Il-preferenzi tariffarji msemmija fl-Artikolu 7 tar-Regolament (UE) Nru 978/2012 huma sospiżi fir-rigward tal-pajjiżi benefiċjarji tal-SĠP kkonċernati, fir-rigward tal-lista ta' prodotti tat-taqsimiet tal-SĠP stabbiliti fl-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-1 ta' Jannar 2020 sal-31 ta' Diċembru 2022.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta' Frar 2019.
Għall-Kummissjoni
Il-President
Jean-Claude JUNCKER
(1) ĠU L 303, 31.10.2012, p. 1.
(2) Ir-Regolament ta' Implimentazzjoni tal-Kummissjoni (UE) 2016/330 tat-8 ta' Marzu 2016 li jissospendi l-preferenzi tariffarji għal ċerti pajjiżi benefiċjarji tal-SPĠ fir-rigward ta' ċerti sezzjonijiet tal-SPĠ skont ir-Regolament (UE) Nru 978/2012 tal-Parlament Ewropew u tal-Kunsill li japplika skema ta' preferenzi tariffarji ġeneralizzati (ĠU L 62, 9.3.2016, p. 9).
ANNESS
Il-lista tat-taqsimiet tas-SĠP li fir-rigward tagħhom ġew sospiżi l-preferenzi tariffarji msemmija fl-Artikolu 7 tar-Regolament (UE) Nru 978/2012 fir-rigward ta' pajjiż benefiċjarju kkonċernat tas-SĠP
|
Kolonna A: isem il-pajjiż |
|
Kolonna B: Taqsima tas-SĠP (l-Artikolu 2(j) tar-Regolament tas-SĠP) |
|
Kolonna C: deskrizzjoni |
A |
B |
C |
L-Indja |
S-6a |
Sustanzi kimiċi organiċi u inorganiċi |
S-11a |
Tessuti |
|
S-14 |
Perli u metalli prezzjużi |
|
S-15a |
Ħadid, azzar u oġġetti tal-ħadid u tal-azzar |
|
S-15b |
Metalli komuni (eskluż il-ħadid u l-azzar), oġġetti ta' metalli komuni (esklużi l-oġġetti tal-ħadid u tal-azzar) |
|
S-17 a |
Lokomotivi tal-ferrovija jew tat-tramm, vetturi ferrovjarji |
|
S-17b |
Vetturi bil-mutur, roti, inġenji tal-ajru u inġenji spazjali, vapuri u dgħajjes |
|
L-Indoneżja |
S-1a |
Annimali ħajjin u prodotti tal-annimali, eskluż il-ħut |
S-3 |
Żjut tal-annimali jew żjut veġetali, xaħmijiet u xama' |
|
S-5 |
Prodotti minerali |
|
S-9a |
Injam u oġġetti tal-injam; faħam tal-injam |
|
Il-Kenja |
S-2a |
Pjanti ħajjin u prodotti mill-florikultura |