EUR-Lex Access to European Union law
This document is an excerpt from the EUR-Lex website
Document 32019D1328
Council Decision (CFSP) 2019/1328 of 18 February 2019 on the signing and conclusion of the Agreement between the European Union and the Hashemite Kingdom of Jordan establishing a framework for the participation of the Hashemite Kingdom of Jordan in European Union crisis management operations
Deċiżjoni tal-Kunsill (PESK) 2019/1328 tat-18 ta' Frar 2019 dwar l-iffirmar u l-konklużjoni, tal-Ftehim bejn l-Unjoni Ewropea u r-Renju Ħaxemita tal-Ġordan li jistabbilixxi qafas għall-parteċipazzjoni tar-Renju Ħaxemita tal-Ġordan fl-operazzjonijiet tal-Unjoni Ewropea ta' maniġġar ta' kriżijiet
Deċiżjoni tal-Kunsill (PESK) 2019/1328 tat-18 ta' Frar 2019 dwar l-iffirmar u l-konklużjoni, tal-Ftehim bejn l-Unjoni Ewropea u r-Renju Ħaxemita tal-Ġordan li jistabbilixxi qafas għall-parteċipazzjoni tar-Renju Ħaxemita tal-Ġordan fl-operazzjonijiet tal-Unjoni Ewropea ta' maniġġar ta' kriżijiet
ST/5510/2019/INIT
OJ L 207, 7.8.2019, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2019/1328/oj
7.8.2019 |
MT |
Il-Ġurnal Uffiċjali tal-Unjoni Ewropea |
L 207/1 |
DEĊIŻJONI TAL-KUNSILL (PESK) 2019/1328
tat-18 ta' Frar 2019
dwar l-iffirmar u l-konklużjoni, tal-Ftehim bejn l-Unjoni Ewropea u r-Renju Ħaxemita tal-Ġordan li jistabbilixxi qafas għall-parteċipazzjoni tar-Renju Ħaxemita tal-Ġordan fl-operazzjonijiet tal-Unjoni Ewropea ta' maniġġar ta' kriżijiet
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 37 tiegħu, flimkien mal-Artikolu 218(5) u (6) tat-Trattat dwar il-Funzjonament tal-Unjoni Ewropea,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà,
Billi:
(1) |
Fit-13 ta' Novembru 2017 il-Kunsill approva Deċiżjoni li tawtorizza l-ftuħ ta' negozjati għal ftehim mar-Renju Ħaxemita tal-Ġordan li jistabbilixxi qafas għall-parteċipazzjoni tiegħu fl-operazzjonijiet tal-Unjoni ta' maniġġar ta' kriżijiet, skont l-Artikolu 37 tat-Trattat dwar l-Unjoni Ewropea (TUE) u f'konformità mal-proċedura stabbilita fl-Artikolu 218 tat-Trattat dwar il-Funzjonament tal-Unjoni Ewropea (TFUE), fuq il-bażi tat-test tal-abbozz ta' Ftehim Qafas ta' Parteċipazzjoni approvat mill-Kunsill fit-23 ta' Frar 2004, li jrid jiġi aġġornat kif meħtieġ fid-dawl tal-bidliet sussegwenti li ntlaħaq qbil dwarhom. |
(2) |
Ir-Rappreżentant Għoli tal-Unjoni għall-Affarijiet Barranin u l-Politika ta' Sigurtà sussegwentement innegozjat il-Ftehim bejn l-Unjoni Ewropea u r-Renju Ħaxemita tal-Ġordan li jistabbilixxi qafas għall-parteċipazzjoni tiegħu fl-operazzjonijiet tal-Unjoni Ewropea għall-immaniġġjar ta' kriżijiet (“il-Ftehim”). |
(3) |
Il-Ftehim jenħtieġ li jiġi approvat, |
ADOTTA DIN ID-DEĊIŻJONI:
Artikolu 1
Il-Ftehim bejn l-Unjoni Ewropea u r-Renju Ħaxemita tal-Ġordan li jistabbilixxi qafas għall-parteċipazzjoni tar-Renju Ħaxemita tal-Ġordan f'operazzjonijiet tal-Unjoni Ewropea ta' maniġġar ta' kriżijiet huwa b'dan approvat f'isem l-Unjoni.
It-test tal-Ftehim huwa mehmuż ma' din id-Deċiżjoni.
Artikolu 2
Il-President tal-Kunsill huwa b'dan awtorizzat li jinnomina l-persuna jew persuni li jkollhom is-setgħa li jiffirmaw il-Ftehim sabiex tintrabat l-Unjoni.
Artikolu 3
Il-President tal-Kunsill għandu, f'isem l-Unjoni, jagħti n-notifika prevista fl-Artikolu 17(1) tal-Ftehim (1).
Artikolu 4
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, it-18 ta' Frar 2019.
Għall-Kunsill
Il-President
F. MOGHERINI
(1) Id-data tad-dħul fis-seħħ tal-Ftehim ser tiġi pubblikata f'Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.