(1)

Is-suġġett tal-inizjattiva taċ-ċittadini proposta bit-titolu “Prezz għall-karbonju biex niġġieldu t-tibdil fil-klima” tirreferi għal dan li ġej: “Aħna nitolbu lill-Kummissjoni Ewropea tipproponi leġiżlazzjoni tal-UE li tiskoraġġixxi l-konsum tal-fjuwil fossili, tħeġġeġ l-iffrankar tal-enerġija u l-użu ta' sorsi rinnovabbli biex niġġieldu t-tisħin globali u nillimitaw iż-żieda fit-temperatura għal 1,5 °C.”

(2)

L-objettivi tal-proposta għal inizjattiva taċ-ċittadini jirreferu għal dan li ġej: “Il-proposta tagħna tintroduċi prezz minimu għall-emissjonijiet tas-C02, li jibda b'EUR 50 għal kull tunnellata ta' CO2 mill-2020 u li jitla' sa EUR 100 sal-2025. Fl-istess ħin, il-proposta għandha tneħħi s-sistema eżistenti ta' kwoti bla ħlas għal min iniġġes fl-UE u tintroduċi mekkaniżmu ta' aġġustament fil-fruntiera fuq importazzjonijiet mhux mill-UE, b'tali mod li tikkumpensa għall-ipprezzar aktar baxx tal-emissjonijiet tas-CO2 fil-pajjiż esportatur. Id-dħul ogħla li jiġi mill-ipprezzar tal-karbonju għandu jiġi allokat għall-politiki Ewropej li jappoġġjaw l-iffrankar tal-enerġija u l-użu ta' sorsi rinnovabbli, u għat-tnaqqis tat-tassazzjoni fuq introjti aktar baxxi.”

(3)

It-Trattat dwar l-Unjoni Ewropea (TUE) isaħħaħ iċ-ċittadinanza tal-Unjoni u jqawwi aktar il-funzjonament demokratiku tal-Unjoni billi jipprevedi, fost l-oħrajn, li kull ċittadin ikollu d-dritt li jipparteċipa fil-ħajja demokratika tal-Unjoni permezz ta'inizjattiva taċ-ċittadini Ewropej.

(4)

Għal dan l-għan, jenħtieġ li l-proċeduri u l-kundizzjonijiet meħtieġa għal inizjattiva taċ-ċittadini jkunu ċari, sempliċi, faċli biex jintużaw u proporzjonati man-natura tal-inizjattiva taċ-ċittadini, sabiex tiġi mħeġġa l-parteċipazzjoni taċ-ċittadini u biex l-Unjoni ssir iktar aċċessibbli.

(5)

Il-Kummissjoni għandha s-setgħa li tippreżenta proposti għal atti legali tal-Unjoni għall-fini tal-implimentazzjoni tat-Trattati dwar il-kwistjonijiet li ġejjin:

(6)

Għal dawn ir-raġunijiet, il-proposta ta' inizjattiva taċ-ċittadini ma taqax manifestament barra mill-qafas tas-setgħat tal-Kummissjoni li tressaq proposta għal att legali tal-Unjoni għall-fini tal-implimentazzjoni tat-Trattati, f'konformità mal-Artikolu 4(2)(b) tar-Regolament.

(7)

Barra minn hekk, il-kumitat taċ-ċittadini ġie ffurmat u l-persuni ta' kuntatt inħatru skont l-Artikolu 3(2) tar-Regolament, u l-inizjattiva taċ-ċittadini proposta la tidher li hija manifestament abbużiva, fiergħa jew vessatorja, u lanqas ma tidher li tmur manifestament kontra l-valuri tal-Unjoni, kif stipulati fl-Artikolu 2 tat-TUE.

(8)

L-inizjattiva taċ-ċittadini proposta bit-titolu “Prezz għall-karbonju biex niġġieldu t-tibdil fil-klima” għalhekk jenħtieġ li tiġi rreġistrata.