EUR-Lex Access to European Union law
This document is an excerpt from the EUR-Lex website
Document 32019D1095
Commission Implementing Decision (EU) 2019/1095 of 25 June 2019 amending Annex II to Decision 2007/777/EC as regards the entries for Bosnia and Herzegovina and Russia in the list of third countries or parts thereof from which the introduction into the Union of meat products and treated stomachs, bladders and intestines is authorised (notified under document C(2019) 4285) (Text with EEA relevance.)
Deċiżjoni ta' Implimentazzjoni tal-Kummissjoni (UE) 2019/1095 tal-25 ta' Ġunju 2019 li temenda l-Anness II tad-Deċiżjoni 2007/777/KE f'dak li għandu x'jaqsam mal-entrati għall-Bożnija-Ħerzegovina u għar-Russja fil-lista ta' pajjiżi terzi jew ta' partijiet minnhom li minnhom hija awtorizzata l-introduzzjoni fl-Unjoni ta' prodotti tal-laħam u tal-istonku, tal-bżieżaq tal-awrina u tal-imsaren ittrattati (notifikata bid-dokument C(2019) 4285) (Test b'rilevanza għaż-ŻEE.)
Deċiżjoni ta' Implimentazzjoni tal-Kummissjoni (UE) 2019/1095 tal-25 ta' Ġunju 2019 li temenda l-Anness II tad-Deċiżjoni 2007/777/KE f'dak li għandu x'jaqsam mal-entrati għall-Bożnija-Ħerzegovina u għar-Russja fil-lista ta' pajjiżi terzi jew ta' partijiet minnhom li minnhom hija awtorizzata l-introduzzjoni fl-Unjoni ta' prodotti tal-laħam u tal-istonku, tal-bżieżaq tal-awrina u tal-imsaren ittrattati (notifikata bid-dokument C(2019) 4285) (Test b'rilevanza għaż-ŻEE.)
C/2019/4285
OJ L 173, 27.6.2019, p. 93–95
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 20/04/2021; Impliċitament imħassar minn 32020R0692
|
27.6.2019 |
MT |
Il-Ġurnal Uffiċjali tal-Unjoni Ewropea |
L 173/93 |
DEĊIŻJONI TA' IMPLIMENTAZZJONI TAL-KUMMISSJONI (UE) 2019/1095
tal-25 ta' Ġunju 2019
li temenda l-Anness II tad-Deċiżjoni 2007/777/KE f'dak li għandu x'jaqsam mal-entrati għall-Bożnija-Ħerzegovina u għar-Russja fil-lista ta' pajjiżi terzi jew ta' partijiet minnhom li minnhom hija awtorizzata l-introduzzjoni fl-Unjoni ta' prodotti tal-laħam u tal-istonku, tal-bżieżaq tal-awrina u tal-imsaren ittrattati
(notifikata bid-dokument C(2019) 4285)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2002/99/KE tas-16 ta' Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta' prodotti li joriġinaw mill-annimali u li huma għall-konsum uman (1), u b'mod partikolari l-frażi introduttorja tal-Artikolu 8, l-ewwel subparagrafu tal-punt (1) tal-Artikolu 8, il-punt (4) tal-Artikolu 8, u l-Artikolu 9(4)(c) tagħha,
Billi:
|
(1) |
Id-Deċiżjoni tal-Kummissjoni 2007/777/KE (2) tistabbilixxi, fost l-oħrajn, il-kundizzjonijiet tas-saħħa tal-annimali u tas-saħħa pubblika għall-introduzzjoni fl-Unjoni ta' kunsinni ta' ċerti prodotti tal-laħam u tal-istonku, tal-bżieżaq tal-awrina u tal-imsaren ittrattati li għaddew minn wieħed mit-trattamenti stipulati fil-Parti 4 tal-Anness II tagħha (“il-komoditajiet”). |
|
(2) |
Il-Parti 2 tal-Anness II tad-Deċiżjoni 2007/777/KE tistabbilixxi lista ta' pajjiżi terzi jew ta' partijiet minnhom li minnhom hija awtorizzata l-introduzzjoni fl-Unjoni tal-komoditajiet, diment li jkun sarilhom wieħed mit-trattamenti msemmija f'dik il-Parti tal-Anness. Il-Parti 4 ta' dak l-Anness tistabbilixxi t-trattament “A” li mhuwiex speċifiku u t-trattamenti “B” sa “F” li huma speċifiċi, imniżżlin f'ordni dekrexxenti tal-gravità tar-riskju għas-saħħa tal-annimali li għandhom l-għan li jeliminaw. |
|
(3) |
Il-Bożnija-Ħerzegovina talbet li tiġi elenkata fil-Parti 2 tal-Anness II tad-Deċiżjoni 2007/777/KE bħala pajjiż terz li minnu hija awtorizzata l-introduzzjoni fl-Unjoni ta' komoditajiet li jkunu nkisbu minn tjur u annimali tal-kaċċa bir-rix imrobbija (ħlief ir-ratiti). |
|
(4) |
Ir-Regolament tal-Kummissjoni (KE) Nru 798/2008 (3) jistabbilixxi, fost affarijiet oħra, lista ta' pajjiżi terzi, territorji, żoni jew kompartimenti li minnhom jistgħu jiġu importati fl-Unjoni u jsir tranżitu ta' tjur u ta' ċerti prodotti tat-tjur. Ir-Regolament (KE) Nru 798/2008, kif reċentement emendat bir-Regolament ta' Implimentazzjoni tal-Kummissjoni (UE) 2019/298 (4), jawtorizza l-importazzjoni fl-Unjoni u t-tranżitu minnha tal-laħam tat-tjur mill-Bożnija-Ħerzegovina, abbażi tar-riżultat favorevoli ta' awditu mill-Kummissjoni li jevalwa l-kontrolli tas-saħħa tal-annimali fis-seħħ għal-laħam tat-tjur maħsub għall-Unjoni. Dak l-awditu evalwa wkoll il-kontrolli tas-saħħa tal-annimali fis-seħħ għal prodotti tal-laħam minn tjur u minn annimali tal-kaċċa bir-rix imrobbija (ħlief ir-ratiti), b'riżultat favorevoli. Għalhekk, id-Deċiżjoni 2007/777/KE jenħtieġ ukoll li tawtorizza l-introduzzjoni fl-Unjoni ta' komoditajiet miksuba minn tjur u annimali tal-kaċċa bir-rix imrobbija (ħlief ir-ratiti) li jkunu għaddew minn trattament “A” li mhuwiex speċifiku u l-Bożnija-Ħerzegovina jenħtieġ li tiġi elenkata fil-Parti 2 tal-Anness II tad-Deċiżjoni 2007/777/KE għal dak il-għan. Barra minn hekk, l-entrata attwali għal dak il-pajjiż terz f'dak l-Anness trid tiġi adattata biex tkopri din l-awtorizzazzjoni l-ġdida. Għaldaqstant, l-entrata għall-Bożnija-Ħerzegovina f'dak l-Anness jenħtieġ li tiġi emendata skont dan. |
|
(5) |
Id-Deċiżjoni 2007/777/KE bħalissa tawtorizza l-introduzzjoni fl-Unjoni ta' komoditajiet miksuba minn tjur u annimali tal-kaċċa bir-rix imrobbija (ħlief ir-ratiti) mir-Russja, diment li dawk il-komoditajiet ikunu għaddew minn trattament “A” li mhuwiex speċifiku u r-Russja tkun elenkata kif xieraq fil-Parti 2 tal-Anness II tad-Deċiżjoni 2007/777/KE għal dak il-għan. |
|
(6) |
Fis-17 ta' Novembru 2016, ir-Russja kkonfermat il-preżenza tal-HPAI tas-sottotip H5N8 fit-territorju tagħha. Minn Novembru 2016 'l hawn, ir-Russja kkonfermat diversi tifqigħat tal-HPAI f'azjendi tat-tjur fit-territorju tagħha. Minħabba dawk it-tifqigħat sa minn Novembru 2016, ir-Russja ma tistax titqies bħala ħielsa minn dik il-marda. Għalhekk, sabiex jiġi evitat li jiddaħħal fl-Unjoni l-vajrus tal-HPAI, jenħtieġ li l-introduzzjoni fl-Unjoni ta' komoditajiet miksuba minn tjur u annimali tal-kaċċa bir-rix imrobbija (ħlief ir-ratiti) mir-Russja tiġi awtorizzata, iżda bil-kundizzjoni li dawn il-komoditajiet ikun sarilhom it-trattament “D” li huwa speċifiku, kif stipulat fil-Parti 4 tal-Anness II tad-Deċiżjoni 2007/777/KE. Għaldaqstant, l-entrata għar-Russja fil-Parti 2 tal-Anness II tad-Deċiżjoni 2007/777/KE jenħtieġ li tiġi emendata skont dan. |
|
(7) |
Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
L-Anness II tad-Deċiżjoni 2007/777/KE huwa emendat skont l-Anness ta' din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, il-25 ta' Ġunju 2019.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 18, 23.1.2003, p. 11.
(2) Id-Deċiżjoni tal-Kummissjoni 2007/777/KE tad-29 ta' Novembru 2007 li tistipula l-kundizzjonijiet tas-saħħa tal-annimali u tas-saħħa pubblika kif ukoll il-mudelli taċ-ċertifikati għall-importazzjonijiet ta' ċerti prodotti tal-laħam u tal-istonku, il-bżieżaq tal-awrina u l-imsaren ittrattati għall-konsum mill-bniedem minn pajjiżi terzi u li tirrevoka d-Deċiżjoni 2005/432/KE (ĠU L 312, 30.11.2007, p. 49).
(3) Ir-Regolament tal-Kummissjoni (KE) Nru 798/2008 tat-8 ta' Awwissu 2008 li jistabbilixxi lista ta' pajjiżi terzi, territorji, żoni jew kumpartimenti li minnhom jistgħu jiġu impurtati u jsir tranżitu ta' tjur u prodotti tat-tjur fil-Komunità u r-rekwiżiti ta' ċertifikazzjoni veterinarja (ĠU L 226, 23.8.2008, p. 1).
(4) Ir-Regolament ta' Implimentazzjoni tal-Kummissjoni (UE) 2019/298 tal-20 ta' Frar 2019 li jemenda l-Anness I tar-Regolament (KE) Nru 798/2008 dwar l-entrati għall-Belarussja, il-Bożnija-Ħerzegovina u l-Ġappun fil-lista ta' pajjiżi terzi, territorji, żoni jew kumpartimenti li minnhom jistgħu jiġu importati ċerti prodotti tat-tjur lejn l-Unjoni jew isir tranżitu minnha (ĠU L 50, 21.2.2019, p. 20).
ANNESS
Il-Parti 2 tal-Anness II tad-Deċiżjoni 2007/777/KE hija emendata kif ġej:
|
(1) |
l-entrata għall-Bożnija-Ħerzegovina hija sostitwita b'dan li ġej:
|
|
(2) |
l-entrata għar-Russja hija sostitwita b'dan li ġej:
|