EUR-Lex Access to European Union law
This document is an excerpt from the EUR-Lex website
Document 32018X0601(02)
European Securities and Markets Authority Decision (EU) 2018/796 of 22 May 2018 to temporarily restrict contracts for differences in the Union in accordance with Article 40 of Regulation (EU) No 600/2014 of the European Parliament and of the Council
Deċiżjoni tal-Awtorità Ewropea tat-Titoli u s-Swieq (UE) 2018/796 tat-22 ta' Mejju 2018 li tirrestrinġi b'mod temporanju kuntratti għal differenzi fl-Unjoni skont l-Artikolu 40 tar-Regolament (UE) Nru 600/2014 tal-Parlament Ewropew u tal-Kunsill
Deċiżjoni tal-Awtorità Ewropea tat-Titoli u s-Swieq (UE) 2018/796 tat-22 ta' Mejju 2018 li tirrestrinġi b'mod temporanju kuntratti għal differenzi fl-Unjoni skont l-Artikolu 40 tar-Regolament (UE) Nru 600/2014 tal-Parlament Ewropew u tal-Kunsill
OJ L 136, 1.6.2018, p. 50–80
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/10/2018
1.6.2018 |
MT |
Il-Ġurnal Uffiċjali tal-Unjoni Ewropea |
L 136/50 |
DEĊIŻJONI TAL-AWTORITÀ EWROPEA TAT-TITOLI U S-SWIEQ (UE) 2018/796
tat-22 ta' Mejju 2018
li tirrestrinġi b'mod temporanju kuntratti għal differenzi fl-Unjoni skont l-Artikolu 40 tar-Regolament (UE) Nru 600/2014 tal-Parlament Ewropew u tal-Kunsill
IL-BORD TAS-SUPERVIŻURI TAL-AWTORITÀ EWROPEA TAT-TITOLI U S-SWIEQ,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament (UE) Nru 1095/2010 tal-Parlament Ewropew u tal-Kunsill tal-24 ta' Novembru 2010, li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq), u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/77/KE (1), u b'mod partikolari l-Artikoli 9(5), 43(2) u 44(1) tiegħu,
Wara li kkunsidra r-Regolament (UE) Nru 600/2014 tal-Parlament Ewropew u tal-Kunsill tal-15 ta' Mejju 2014 dwar is-swieq tal-istrumenti finanzjarji u li jemenda r-Regolament (UE) Nru 648/2012 (2), u b'mod partikolari l-Artikolu 40 tiegħu,
Wara li kkunsidra r-Regolament Delegat tal-Kummissjoni (UE) 2017/567 tat-18 ta' Mejju 2016 li jissupplimenta r-Regolament (UE) Nru 600/2014 tal-Parlament Ewropew u tal-Kunsill rigward id-definizzjonijiet, it-trasparenza, il-kompressjoni tal-portafoll u l-miżuri superviżorji fuq l-intervent fuq prodotti u pożizzjonijiet (3), u b'mod partikolari l-Artikolu 19 tiegħu,
Billi:
1. INTRODUZZJONI
(1) |
F'dawn l-aħħar snin, l-Awtorità Ewropea tat-Titoli u s-Swieq (ESMA) u diversi awtoritajiet nazzjonali kompetenti (NCAs) osservaw żieda rapida fil-kummerċjalizzazzjoni, fid-distribuzzjoni jew fil-bejgħ ta' kuntratti għal differenzi (CFDs) lil klijenti mhux professjonali fl-Unjoni kollha. Is-CFDs huma prodotti intrinsikament riskjużi u kumplessi u ħafna drabi jiġu nnegozjati b'mod spekulattiv. L-ESMA u l-NCAs osservaw ukoll li l-offerta tagħhom lil klijenti mhux professjonali kienet dejjem aktar ikkaratterizzata minn tekniki ta' kummerċjalizzazzjoni aggressivi kif ukoll minn nuqqas ta' informazzjoni trasparenti li ma jippermettux li l-klijenti mhux professjonali jifhmu r-riskji sottostanti ta' dawn il-prodotti. L-ESMA u l-NCAs esprimew tħassib mifrux dwar l-għadd dejjem jiżdied ta' klijenti tal-bejgħ bl-imnut li qegħdin jinnegozjaw f'dawn il-prodotti u jitilfu flushom. Dan it-tħassib huwa appoġġjat ukoll mid-diversi lmenti li rċevew minn klijenti mhux professjonali fl-UE kollha li sofrew detriment sinifikanti meta nnegozjaw fis-CFDs. |
(2) |
Dan it-tħassib sinifikanti dwar il-protezzjoni tal-investituri wassal lill-ESMA biex tieħu għadd ta' azzjonijiet mhux vinkolanti. Minn Ġunju 2015, l-ESMA bdiet tikkoordina l-ħidma ta' Grupp Konġunt imwaqqaf biex jittratta kwistjonijiet relatati ma' għadd ta' fornituri bbażati f'Ċipru li joffru CFDs, opzjonijiet binarji u prodotti spekulattivi oħra lil klijenti mhux professjonali fuq bażi transkonfinali fl-Unjoni kollha (4). Barra minn hekk, sa minn Lulju 2015, l-ESMA bdiet tikkoordina task force magħmula minn ESMA u NCAs li x-xogħol tagħhom għandu l-għan li jissorvelja l-offerta ta' CFDs u ta' opzjonijiet binarji għas-suq tal-konsumaturi tal-massa kif ukoll li jrawwem approċċi superviżorji uniformi f'dan il-qasam fl-Unjoni kollha. L-ESMA ippromwoviet ukoll konverġenza superviżorja fl-Unjoni fir-rigward tal-offerta ta' CFDs lil klijenti mhux professjonali permezz tal-ħruġ ta' opinjoni (5) kif ukoll ta' għadd ta' Mistoqsijiet u Tweġibiet (Q&As) (6) f'konformità mal-Artikolu 29 tar-Regolament (UE) Nru 1095/2010. Fl-aħħar nett, l-ESMA ppubblikat twissijiet (7) li fihom enfasizzat it-tħassib tagħha fir-rigward tar-riskji ppreżentati mill-offerta mhux ikkontrollata ta' inter alia CFDs u opzjonijiet binarji lil klijenti mhux professjonali. Għalkemm dawn l-azzjonijiet kellhom xi effetti pożittivi (8), l-ESMA tqis li għadu jeżisti tħassib sinifikanti rigward il-protezzjoni tal-investituri. |
(3) |
Fit-18 ta' Jannar 2018, l-ESMA ppubblikat sejħa għall-evidenza dwar il-miżuri potenzjali tagħha ta' intervent fuq prodotti rigward il-kummerċjalizzazzjoni, id-distribuzzjoni jew il-bejgħ ta' CFDs u opzjonijiet binarji għall-investituri fil-livell tal-konsumatur (9) (is-“sejħa għall-evidenza”). Is-sejħa għall-evidenza għalqet fil-5 ta' Frar 2018. L-ESMA rċeviet kważi 18 500 (10) rispons. Fost il-kummenti, 82 waslu mingħand fornituri, organizzazzjonijiet kummerċjali, boroż (stock exchanges) u sensara finanzjarji involuti fin-negozjar tas-CFDs u/jew tal-opzjonijiet binarji, 10 waslu mir-rappreżentanti tal-konsumaturi u l-bqija waslu mingħand individwi. Maġġoranza kbira mir-risponsi mingħand individwi ġew iffaċilitati u mwassla permezz ta' fornituri tas-CFDs u/jew ta' opzjonijiet binarji. Is-sejħa għall-evidenza żvelat tħassib ġenerali mill-ewwel kategorija ta' rispondenti u, b'mod partikolari mill-fornituri tal-prodotti, dwar it-tnaqqis fid-dħul li l-miżuri proposti jistgħu jikkawżaw kif ukoll dwar l-ispejjeż relatati mal-implimentazzjoni tagħhom. Barra minn hekk, ġie espress tħassib ukoll minn għadd kbir ta' rispondenti individwali, l-aktar bl-ilment li l-limiti ta' ingranaġġ proposti kienu baxxi wisq. |
(4) |
L-ESMA kkunsidrat b'mod xieraq dan it-tħassib. Madankollu, wara li bbilanċjathom kontra t-tħassib sinifikanti identifikat dwar il-protezzjoni tal-investituri, li kien ikkonfermat b'mod ulterjuri mir-risponsi li waslu minn rappreżentanti tal-konsumaturi u minn individwi b'appoġġ għall-miżuri proposti u li sejħu għal miżuri aktar stretti, l-ESMA qieset li jenħtieġ timponi restrizzjoni temporanja fuq il-kummerċjalizzazzjoni, id-distribuzzjoni jew il-bejgħ ta' CFDs lil klijenti mhux professjonali f'konformità mal-Artikolu 40 tar-Regolament (UE) Nru 600/2014. |
(5) |
Miżura imposta skont l-Artikolu 40 tar-Regolament (UE) Nru 600/2014 trid tiġi rieżaminata f'intervalli xierqa u mill-inqas kull tliet xhur. Fir-rieżami ta' din il-miżura, l-ESMA se tindirizza kwalunkwe prattika evażiva li tista' titfaċċa. Jekk il-miżura ma tiġix imġedda wara tliet xhur, hija tiskadi. |
(6) |
Sabiex jiġu evitati d-dubji, it-termini użati f'din id-Deċiżjoni għandhom l-istess tifsira bħal dik tad-Direttiva 2014/65/UE tal-Parlament Ewropew u tal-Kunsill (11) u tar-Regolament (UE) Nru 600/2014, inkluża d-definizzjoni ta' derivattivi. |
(7) |
Ir-restrizzjoni temporanja tal-ESMA tissodisfa l-kondizzjonijiet stabbiliti fl-Artikolu 40 tar-Regolament (UE) Nru 600/2014 għar-raġunijiet spjegati hawn taħt. |
2. DESKRIZZJONI TAS-SUQ TAL-KONSUMATURI TAS-CFDS U L-EŻISTENZA TA' TĦASSIB SINIFIKANTI DWAR IL-PROTEZZJONI TAL-INVESTITURI (ARTIKOLU 40(2)(a) TAR-REGOLAMENT (UE) Nru 600/2014)
(8) |
Din id-Deċiżjoni tirrigwarda CFDs li huma kuntratti tad-derivattivi ssaldati bi flus kontanti, li l-għan tagħhom huwa li jagħtu lid-detentur skopertura, li tista' tkun twila jew qasira, għal varjazzjonijiet fil-prezz, fil-livell jew fil-valur ta' strument sottostanti. Dawn is-CFDs jinkludu, inter alia, prodotti rolling spot forex u mħatri fuq il-firxiet finanzjarji. Din id-Deċiżjoni ma tirrigwardax opzjonijiet, futuri, swaps u ftehimiet tar-rata forward. |
(9) |
Uħud mir-rispondenti għas-sejħa għall-evidenza talbu aktar kjarifiki dwar l-ambitu tal-miżura. Xi wħud minn dawk li wieġbu ssuġġerew li d-definizzjoni ta' CFDs minn ESMA fis-sejħa għall-evidenza eskludiet b'mod espliċitu derivattivi titolizzati mill-ambitu tal-miżura filwaqt li oħrajn indikaw is-similaritajiet bejn is-CFDs u prodotti oħra ta' investiment u talbu biex jiġu applikati l-istess miżuri. |
(10) |
L-ESMA tikkonferma li s-CFDs biss jaqgħu fl-ambitu ta' din id-Deċiżjoni. Mandati u ċertifikati turbo ma jaqgħux fl-ambitu tagħha. L-ESMA tirrikonoxxi li hemm similaritajiet bejn is-CFDs u warrants u ċertifikati turbo iżda l-prodotti huma differenti wkoll f'diversi aspetti. L-ESMA se tissorvelja mill-qrib jekk konsegwenzi detrimentali simili jiżviluppawx għal klijenti mhux professjonali fuq bażi pan-Ewropea u se taġixxi kif ikun meħtieġ. Derivattivi titolizzati li huma CFDs mhumiex esklużi b'mod espliċitu mid-definizzjoni ta' CFDs. Għalkemm f'dan l-istadju l-ESMA mhijiex konxja minn CFDs titolizzati, ir-wrapper ta' titolu u n-negozjabbiltà f'ċentru tan-negozjar ma jibdlux il-karatteristiċi ewlenin ta' CFD. F'każ li dawn il-prodotti kellhom jitnehdu, dawn il-prodotti jaqgħu fl-ambitu ta' din id-Deċiżjoni. |
(11) |
CFDs li joffru skopertura ingranata għal bidliet fil-prezz, fil-livell jew fil-valur fil-klassijiet tal-assi sottostanti eżistew bħala prodott spekulattiv ta' investiment għal żmien qasir provdut lil bażi ta' klijenti speċjalizzati f'xi ġurisdizzjonijiet għal bosta snin. Madankollu, f'dawn l-aħħar snin, għadd kbir ta' NCAs qajmu tħassib dwar id-distribuzzjoni dejjem tikber ta' CFDs f'suq tal-massa tal-konsumaturi, minkejja li dawn il-prodotti kienu kumplessi u mhux adegwati għall-maġġoranza l-kbira tal-klijenti mhux professjonali. Abbażi tal-informazzjoni mogħtija minn għadd ta' NCAs, l-ESMA osservat ukoll żieda fil-livelli ta' ingranaġġ li qed jiġu offruti f'dawn il-prodotti lil klijenti mhux professjonali u fil-livelli ta' telf imġarrab mill-klijenti li rriżulta minn investiment f'dawn il-prodotti. (12) Dan it-tħassib huwa amplifikat minħabba tekniki ta' kummerċjalizzazzjoni ta' spiss aggressivi u minn prattiki mhux xierqa minn fornituri li jikkummerċjalizzaw, jiddistribwixxu jew ibigħu s-CFDs, bħall-offerta ta' pagamenti, benefiċċji monetarji jew mhux monetarji jew d-divulgazzjonijiet mhux xierqa ta' riskji. |
(12) |
Dan it-tħassib immaterjalizza f'diversi ġurisdizzjonijiet, fejn maġġoranza ta' klijenti mhux professjonali f'dawk il-ġuriżdizzjonijiet tipikament tilfu l-flus kif turi l-evidenza ta' NCAs (13). F'tentattiv biex jindirizzaw dan it-tħassib, ċerti NCAs ħadu xi miżuri f'dan il-qasam (14). Madankollu, fid-dawl inter alia tan-natura transkonfinali ta' dawn l-attivitajiet, ir-restrizzjoni temporanja tal-ESMA hija l-iktar għodda xierqa u effiċjenti biex jiġi indirizzat it-tħassib sinifikanti dwar il-protezzjoni tal-investituri u biex jiġi żgurat livell minimu komuni ta' protezzjoni tal-investitur fl-Unjoni kollha, f'konformità mal-kondizzjonijiet tal-Artikolu 40 tar-Regolament (UE) Nru 600/2014. |
(13) |
Il-kundizzjoni msemmija fl-Artikolu 40(2)(a) tar-Regolament (UE) Nru 600/2014 hija li jrid ikun jeżisti inter alia tħassib sinifikanti dwar il-protezzjoni tal-investitur. Sabiex tistabbilixxi jekk jeżistix tħassib sinifikanti dwar il-protezzjoni tal-investitur, l-ESMA vvalutat ir-rilevanza tal-kriterji u l-fatturi elenkati fl-Artikolu 19(2) tar-Regolament Delegat (UE) 2017/567. Wara li qieset il-kriterji u l-fatturi rilevanti, l-ESMA kkonkludiet li hemm tħassib sinifikanti dwar il-protezzjoni tal-investitur għar-raġunijiet li ġejjin. |
2.1. Il-grad ta' kumplessità u trasparenza tas-CFDs
(14) |
Is-CFDs huma prodotti kumplessi (15), tipikament mhux innegozjati f'ċentru tan-negozjar. L-ipprezzar, it-termini tal-kummerċ u s-saldu ta' prodotti bħal dawn mhumiex standardizzati, u dan ixekkel l-abbiltà tal-klijenti mhux professjonali milli jifhmu t-termini tal-prodott. Barra minn hekk, il-fornituri tas-CFDs spiss jitolbu lill-klijenti biex jirrikonoxxu li l-prezzijiet ta' referenza użati biex jiġi kkalkulat il-valur tas-CFD jistgħu jvarjaw mill-prezz disponibbli fis-suq rispettiv fejn l-istrument sottostanti jiġi nnegozjat, u dan jagħmilha diffiċli għall-klijenti mhux professjonali biex jiċċekkjaw u jivverifikaw l-eżattezza tal-prezzijiet li jibgħatilhom il-fornitur. |
(15) |
L-ispejjeż u l-imposti applikabbli għall-kummerċ fis-CFDs huma kumplessi u neqsin mit-trasparenza għall-klijenti mhux professjonali. B'mod partikolari, il-klijenti mhux professjonali normalment isibuha diffiċli biex jifhmu u jivvalutaw il-prestazzjoni mistennija tas-CFDs, l-iżjed meta titqies ukoll il-kumplessità li tirriżulta mill-impatt tat-tariffi tat-tranżazzjoni fuq tali prestazzjoni. It-tariffi tat-tranżazzjonijiet fis-CFDs normalment jiġu applikati għall-valur nozzjonali sħiħ tal-kummerċ u konsegwentement l-investituri jġarrbu tariffi tat-tranżazzjonijiet ogħla meta mqabbla mal-fondi investiti tagħhom f'livelli ogħla ta' ingranaġġ. It-tariffi tat-tranżazzjoni ġeneralment jitnaqqsu mill-marġni inizjali ddepożitat mill-klijent u l-ingranaġġ għoli jista' jwassal għal sitwazzjoni fejn il-klijent, fil-mument meta jiftaħ CFD, josserva telf sinifikanti fil-kont ta' negozjar tiegħu, ikkawżat mill-applikazzjoni ta' tariffi ta' tranżazzjonijiet għoljin. Peress li t-tariffi ta' tranżazzjoni b'ingranaġġ ogħla jkomplu jnaqqru aktar mill-marġni inizjali tal-klijent, ikun jenħtieġ li l-klijenti jaqilgħu aktar flus mill-kummerċ innifsu biex jagħmlu profitt. Dan inaqqas il-possibbiltajiet tal-klijent li jagħmel profitt nett mit-tarrifi ta' tranżazzjoni, u jesponi lill-klijenti għal riskju akbar ta' telf. |
(16) |
Minbarra t-tariffi ta' tranżazzjoni, jistgħu jiġu applikati firxiet u diversi spejjeż ta' finanzjament u imposti oħrajn. (16) Dawn jinkludu kummissjonijiet (kummissjoni ġenerali jew kummissjoni fuq kull kummerċ, jew fuq il-ftuħ u l-għeluq ta' kont CFD) u/jew tariffi fuq il-ġestjoni tal-kontijiet. L-imposti fuq il-finanzjament normalment jiġu applikati biex iżommu CFD miftuħ, bħal spejjeż ta' kuljum jew mal-lejl, li magħhom tista' tiżdied ukoll valwazzjoni. L-għadd u l-kumplessità tad-diversi spejjeż u imposti u l-impatt tagħhom fuq il-prestazzjoni tal-kummerċ tal-klijenti jikkontribwixxu għan-nuqqas ta' trasparenza suffiċjenti fir-rigward tas-CFDs sabiex il-klijenti mhux professjonali ikunu jistgħu jieħdu deċiżjoni infurmata dwar l-investiment. |
(17) |
Kumplessità oħra tirriżulta mill-użu ta' ordnijiet ta' waqfien ta' telf. Din il-karatteristika tal-prodott tista' tagħti lill-klijenti mhux professjonali l-impressjoni qarrieqa li l-ordni ta' waqfien ta' telf tiggarantixxi l-eżekuzzjoni bil-prezz li jkunu stabbilixxew (il-livell tal-waqfien ta' telf). Madankollu, l-ordnijiet ta' waqfien ta' telf ma jiggarantux xi livell ta' protezzjoni iżda l-iskattar ta' “ordni tas-suq” meta l-prezz tas-CFD jilħaq il-prezz stabbilit mill-klijent. Għaldaqstant, il-prezz li jirċievi l-klijent (il-prezz ta' eżekuzzjoni) jista' jkun differenti mill-prezz li bih ikun ġie stabbilit il-waqfien ta' telf (17). Filwaqt li l-mekkaniżmi tal-waqfien ta' telf mhumiex uniċi għas-CFDs, l-ingranaġġ iżid is-sensittività tal-marġni tal-investitur għal movimenti tal-prezzijiet tal-istrument sottostanti u b'hekk jiżdied is-sogru ta' riskju ta' telf għall-għarrieda, u dan ifisser li kontrolli kummerċjali tradizzjonali bħall-ordinijiet ta' waqfien ta' telf huma insuffiċjenti biex jindirizzaw it-tħassib dwar il-protezzjoni tal-investituri. |
(18) |
Kumplessità ewlenija oħra assoċjata mas-CFDs tista' tinħoloq mis-suq tal-istrumenti sottostanti rilevanti. Pereżempju, bil-kummerċ FX, il-klijenti jispekulaw fuq munita waħda apparagun ma' oħra. Jekk ebda waħda minn dawn il-muniti ma tkun il-munita użata mill-klijent biex jiftaħ pożizzjoni CFD, kwalunkwe redditu li jirċievi l-klijent ikun jiddependi mill-miżuri meħuda mill-klijent biex jevalwa l-moviment ta' dawn it-tliet muniti. Dan jissuġġerixxi li jenħtieġ livell għoli ta' għarfien rigward il-muniti kollha involuti biex il-klijenti jinnavigaw b'suċċess il-kumplessitajiet ta' tali kummerċ fil-muniti. Il-klijenti mhux professjonali normalment ma jkollhomx dan l-għarfien. |
(19) |
CFDs bi kriptovaluti bħala strumenti sottostanti jqajmu tħassib separat u sinifikanti. Il-kriptovaluti huma klassi ta' assi relattivament immaturi li joħolqu riskji kbar għall-investituri. L-ESMA u regolaturi oħrajn ripetutament wissew (18) dwar ir-riskji involuti fl-investiment fil-kriptovaluti. Għal CFDs fuq il-kriptovaluti ħafna minn dan it-tħassib jibqa' preżenti. Dan minħabba li l-klijenti mhux professjonali normalment ma jifhmux ir-riskji involuti meta jispekulaw fuq klassi ta' assi li tkun estremament volatili u relattivament immatura, li huma aggravati min-negozjar marġnat, minħabba li dan jirrikjedi li l-klijenti jirreaġixxu f'perjodu ta' żmien qasir ħafna. Minħabba l-karatteristiċi speċifiċi tal-kriptovaluti bħala klassi ta' assi, il-miżuri f'din id-Deċiżjoni se jiġu mmonitorjati mill-qrib u riveduti jekk dan jitqies meħtieġ. |
(20) |
Il-livell għoli tal-kumplessità, il-grad baxx ta' trasparenza, in-natura tar-riskji u t-tip tal-istrument sottostanti jikkonfermaw li jeżisti tħassib sinifikanti dwar il-protezzjoni tal-investitur fir-rigward ta' dawn is-CFDs. |
2.2. Il-karatteristiċi jew il-komponenti partikolari tas-CFDs
(21) |
Il-karatteristika ewlenija tas-CFDs hija l-kapaċità tagħhom li joperaw fuq l-ingranaġġ. B'mod ġenerali, filwaqt li l-ingranaġġ jista' jżid il-profitt possibbli għall-klijenti, jista' wkoll iżid it-telf possibbli. L-NCAs innotaw li l-livelli tal-ingranaġġ applikati għas-CFDs madwar l-Unjoni jvarjaw minn 3:1 sa 500:1 (19). Fir-rigward tal-klijenti mhux professjonali, l-applikazzjoni tal-ingranaġġ tista' żżid il-probabbiltà ta' telf ikbar bi gradi usa' mill-probabbiltà ta' gwadann akbar minħabba r-raġunijiet spjegati hawn taħt. |
(22) |
L-ingranaġġ jaffettwa l-prestazzjoni tal-investiment billi jżid l-impatt tat-tariffi tat-tranżazzjoni mġarrba mill-klijenti mhux professjonali. (20) |
(23) |
Riskju ieħor relatat mal-kummerċ fi prodotti ingranati huwa marbut mal-interazzjoni bejn ingranaġġ għoli u l-prattika tal-għeluq awtomatiku tal-marġni. Taħt termini kuntrattwali applikati b'mod komuni, il-fornituri tas-CFDs jingħataw id-diskrezzjoni li jagħlqu l-kont tal-klijent ladarba l-ekwità netta tal-klijent tilħaq perċentwal speċifiku tal-marġni inizjali li l-klijent ikun meħtieġ iħallas sabiex jiftaħ pożizzjoni(jiet) CFD (21). |
(24) |
L-interazzjoni bejn l-ingranaġġ għoli u l-għeluq awtomatiku tal-marġni hija li din iżżid il-probabbiltà li l-pożizzjoni ta' klijent tingħalaq b'mod awtomatiku mill-fornitur tas-CFDs f'perjodu ta' żmien qasir jew li l-klijent ikollu jdaħħal marġni addizzjonali bit-tama li jdawwar pożizzjoni ta' telf. Ingranaġġ għoli jżid il-probabbiltà li l-klijent ikollu marġni insuffiċjenti biex jappoġġja s-CFD miftuħ tiegħu billi jġib il-pożizzjoni(jiet) tal-klijent sensittivi għal varjazzjonijiet żgħar fil-prezz tal-istrument sottostanti bi żvantaġġ għall-klijent. |
(25) |
L-ESMA tosserva li fil-prattika tas-suq il-marġni tal-għeluq jidher li ġie introdott mill-fornituri tas-CFDs prinċipalment biex jippermetti li dawn jamministraw b'mod aktar faċli l-iskoperturi tal-klijenti u r-riskju tal-kreditu tal-fornitur billi jagħlqu l-pożizzjoni ta' klijent qabel ma l-klijent ma jkollux biżżejjed fondi biex ikopri l-iskopertura attwali tiegħu. L-għeluq awtomatiku tal-marġni jipprovdi wkoll livell ta' protezzjoni għall-klijenti peress li jnaqqas, għalkemm ma jeliminax, ir-riskju li l-klijent (b'mod partikolari f'livelli għoljin ta' ingranaġġ) jitlef kollox jew iżjed mill-marġni inizjali tiegħu. |
(26) |
Xi NCAs irrappurtaw għand l-ESMA (22) li l-livell li bih jiġi applikat il-marġni awtomatiku tal-għeluq huwa inkonsistenti fir-rigward tal-fornituri kollha tas-CFDs (23). Il-fornituri tas-CFDs bi klijenti li tipikament jinnegozjaw f'diversi daqsijiet ta' ordnijiet b'valur iktar baxx, u li tipikament jaġixxu bħala kontroparti diretta għan-negozjar tal-klijenti, preċedentement kienu stabbilixxew ir-regola tal-għeluq tal-marġni bejn 0 u 30 % tal-marġni inizjali meħtieġ. Billi jnaqqar mill-fondi tal-klijent sa qrib 0, il-fornitur iqiegħed lill-klijent f'riskju akbar li jitlef aktar flus milli jkun investa. Xi NCAs josservaw ukoll li hija prattika standard tas-suq li jiġi applikat għeluq tal-marġni skont il-kont (24). Dan ifisser li r-rekwiżiti minimi tal-marġni jiġu applikati abbażi tal-marġni kkombinat meħtieġ għall-pożizzjonijiet miftuħa kollha tal-klijent li jkunu konnessi mal-kont tas-CFD, inkluż mal-klassijiet tal-assi differenti. Dan jippermetti li l-pożizzjonijiet profitabbli jikkumpensaw il-pożizzjonijiet li jkunu qed jagħmlu telf mal-kont kollu tal-klijent. |
(27) |
Riskju relatat mal-ingranaġġ huwa li dan iqiegħed lill-klijenti f'riskju li jitilfu aktar flus milli jkunu investew. Dan huwa riskju ewlieni li l-klijenti mhux professjonali jistgħu ma jifhmuhx, anke minkejja twissijiet bil-miktub. Il-marġni mdaħħal minn klijent jiżdied bħala kollateral biex jappoġġja l-pożizzjoni tal-klijent. Jekk il-prezz tal-istrument sottostanti, pereżempju, jagħmel moviment kontra l-pożizzjoni tal-klijent b'mod li jaqbeż il-marġni inizjali mdaħħal (25), il-klijent aktarx jista' jġarrab telf li jaqbeż il-fondi fil-kont ta' negozjar CFD tagħhom, anki wara l-għeluq tal-pożizzjonijiet CFD. Xi NCAs irrappurtaw għand l-ESMA li għadd ta' klijenti mhux professjonali tilfu somom sinifikanti ta' flus matul id-de-pegging tal-frank Żvizzeru f'Jannar tal-2015 (26). Bosta klijenti mhux professjonali ma kinux konxji li setgħu jitilfu aktar flus milli kienu investew (27). |
(28) |
Il-kummerċ f'livelli ta' ingranaġġ għoli jżid ukoll l-impatt tal-“gapping” matul perjodi ta' volatilità sinifikanti tas-suq (pereżempju l-flash crash tal-Isterlina u d-de-pegging tal-frank Żvizzeru). Il-gapping iseħħ meta jkun hemm moviment f'daqqa fil-prezz tal-istrument sottostanti. Il-gapping mhuwiex uniku għas-CFDs, iżda r-riskji relatati ma' avvenimenti bħal dawn jiġu aggravati minn ingranaġġ għoli. Jekk iseħħ il-gapping, il-klijent fuq in-naħa tat-telf x'aktarx ma jkunx jista' jagħlaq CFD miftuħ bil-prezz li jippreferi u dan jista' jirriżulta f'telf sinifikanti għall-klijent (28) meta jsir negozjar b'ingranaġġ għoli. Fil-każ tax-xokk tal-frank Svizzeru tal-2015 pereżempju, dan wassal biex il-klijenti mhux professjonali tilfu b'mod sinifikanti aktar mis-somma inizjalment investita. (29) |
(29) |
Il-livelli spiss għoljin ta' ingranaġġ offruti lill-klijenti mhux professjonali, il-volatilità ta' ċerti titoli sottostanti, flimkien mal-applikazzjoni tal-ispejjeż tat-tranżazzjonijiet li jħallu impatt fuq il-prestazzjoni tal-investiment, jistgħu jirriżultaw f'bidliet rapidi fil-pożizzjoni tal-investiment tal-klijent. Dan iwassal biex il-klijent ikollu jieħu azzjoni rapida biex jimmaniġġja l-esponiment għar-riskju billi jdaħħlu marġni addizzjonali ħalli jevita li l-pożizzjoni tingħalaq b'mod awtomatiku. F'każi bħal dawn, ingranaġġ għoli jista' jwassal għal telf kbir għal klijenti mhux professjonali f'perjodu ta' żmien qasir ħafna u jaggrava r-riskju li l-klijenti jitilfu aktar mill-fondi li jkunu ħallsu biex jinnegozjaw fis-CFDs. |
(30) |
Il-fatturi ta' hawn fuq jikkonfermaw li jeżisti tħassib sinifikanti dwar il-protezzjoni tal-investitur fir-rigward ta' dawn l-CFDs. |
2.3. Id-daqs tal-konsegwenzi detrimentali potenzjali u l-grad ta' disparità bejn ir-redditu mistenni jew il-profitt għall-investituri u r-riskju tat-telf
(31) |
L-informazzjoni li ġejja, mgħoddija lill-ESMA mill-NCAs, tindika li l-għadd ta' klijenti mhux professjonali li jinvestu fis-CFDs kif ukoll l-għadd ta' fornituri li joffru dawn il-prodotti fl-Unjoni żdied:
|
(32) |
L-għadd ta' klijenti attivi fir-rigward ta' dawn il-prodotti huwa fluwidu minħabba l-medda ta' ħajja relattivament qasira tal-kontijiet tal-klijent tas-CFDs u n-natura transkonfinali tal-attivitajiet. Abbażi tad-data miġbura mill-ESMA minn għadd ta' NCAs (34), l-ESMA tistma li l-għadd ta' kontijiet tan-negozjar tal-klijenti mhux professjonali minn fornituri tas-CFDs u tal-opzjonijiet binarji bbażati fiż-ŻEE żdied minn 1,5 miljuni fl-2015 (35) għal madwar 2,2 miljuni fl-2017 (36). |
(33) |
Id-data dwar l-ilmenti tal-klijenti mhux professjonali tindika wkoll tħassib dejjem għaddej tal-konsumaturi f'dan il-qasam (37). |
(34) |
L-NCAs (38) irrappurtaw għand l-ESMA t-tħassib li peress li xi swieq nazzjonali jsiru ristretti minħabba miżuri nazzjonali (pereżempju l-Belġju (39) u Franza (40)), il-fornituri tas-CFDs ifittxu klijenti fi Stati Membri oħrajn. |
(35) |
Studji speċifiċi mwettqa mill-NCAs li ġejjin fir-riżultati tal-investituri għal klijenti mhux professjonali li jinvestu fis-CFDs juru li l-maġġoranza tal-klijenti mhux professjonali f'dawn l-Istati Membri li jinvestu f'dawn il-prodotti jitilfu l-flus minn dan in-negozju:
|
(36) |
Barra minn hekk, sar studju mill-Finanstilsynet (“NO-Finanstilsynet”), l-NCA Norveġiża, dwar ir-riżultati tan-negozjar ta' klijenti ta' 6 fornituri tas-CFDs fl-2016. L-istudju inkluda madwar 1 000 klijent mhux professjonali (49) li nnegozjaw f'CFDs tul sena sa sentejn, b'Jannar 2014 bħala d-data tal-bidu u bid-data tat-tmiem li varjat bejn Diċembru 2014 u Diċembru 2015 (bħala medja perjodu ta' negozjar ta' 1,5 snin). Dan wera li 82 % ta' dawk il-klijenti tilfu l-flus, b'telf medju għal kull klijent ta' EUR 29 000. L-ispejjeż medji tat-tranżazzjoni apparagun mal-ekwità tal-klijent kienu 37 % (minħabba ingranaġġ għoli u negozjar frekwenti) (50). |
(37) |
Notevolment, ix-xejra konsistenti ta' telf medju għall-klijenti mhux professjonali fis-CFDs matul iż-żmien u bejn il-pajjiżi rriżultat xorta waħda minkejja r-redditi pożittivi għal klijenti mhux professjonali fi prodotti finanzjarji oħrajn f'ħafna mis-snin inkwistjoni. Il-perċentwal ta' klijenti mhux professjonali li tilfu l-flus fl-istudju tal-AMF imsemmi fil-premessa 35(iii) kull sena mill-2009 sal-2013 huwa notevolment konsistenti, minkejja reditti annwali varjabbli fl-indiċi tal-borża u tal-komoditajiet tul l-istess perjodu, pereżempju (51). Il-persistenza tax-xejra tat-telf għal klijenti mhux professjonali fis-CFDs tindika karatteristika strutturali tal-profil tar-redditu, b'kuntrast ma' redditi storiċi pożittivi fuq investimenti (fit-tul) fi prodotti finanzjarji oħrajn bħal fondi ta' investiment ta' ekwità. |
(38) |
Dawn l-istudji jagħtu stampa ċara tat-tħassib sinifikanti dwar il-protezzjoni tal-investituri mqajjem mill-offerta ta' dawn is-CFDs lill-klijenti mhux professjonali. |
2.4. It-tip ta' klijenti involuti
(39) |
Is-CFDs jiġu kkummerċjalizzati, distribwiti jew mibjugħa kemm lil klijenti mhux professjonali kif ukoll lil klijenti professjonali. Madankollu, il-klijenti mhux professjonali (kuntrarjament għal dawk professjonali) normalment ma jkollhomx l-esperjenza, l-għarfien u l-kompetenza biex jagħmlu deċiżjonijiet ta' investiment li jevalwaw b'mod xieraq ir-riskji li jġarrbu fir-rigward tas-CFDs kumplessi li qed jiġu ristretti b'din id-Deċiżjoni. |
(40) |
Tabilħaqq, studju li sar fi Stat Membru indika li l-ogħla livelli massimi ta' ingranaġġ spiss ġew offruti lil klijenti mhux professjonali, filwaqt li l-klijenti professjonali u l-kontropartijiet eleġibbli ġew offruti livelli massimi ta' ingranaġġ aktar baxxi (52). Minħabba l-evidenza ta' telf osservat mill-ESMA fil-kontijiet tal-klijent mhux professjonali deskritti f'din id-Deċiżjoni, jidher ċar li jeżisti tħassib sinifikanti dwar il-protezzjoni tal-investituri fir-rigward tal-kummerċjalizzazzjoni, tad-distribuzzjoni jew tal-bejgħ mingħajr restrizzjonijiet ta' CFDs għal din il-kategorija ta' klijenti. |
2.5. Attivitajiet ta' kummerċjalizzazzjoni u ta' distribuzzjoni fir-rigward tas-CFDs
(41) |
Għalkemm is-CFDs huma prodotti kumplessi, dawn jiġu offruti lil klijenti mhux professjonali l-aktar permezz ta' pjattaformi elettroniċi ta' negozjar, mingħajr il-provvista ta' pariri dwar l-investiment jew ta' mmaniġġjar tal-portafolli. F'każi bħal dawn jenħtieġ li ssir evalwazzjoni tal-adegwatezza skont l-Artikolu 25(3) tad-Direttiva 2014/65/UE (53). Madankollu, din l-evalwazzjoni ma tipprevenix lill-fornituri tas-CFDs jew lill-klijenti jew lil klijenti potenzjali tagħhom milli jipproċedu bi tranżazzjoni, soġġetta għal twissija sempliċi lill-klijent. Dan jista' jseħħ meta l-klijent ma jkun ipprovda l-ebda informazzjoni jew ikun ipprovda biss informazzjoni insuffiċjenti lill-fornitur dwar l-għarfien u l-esperjenza tiegħu fil-qasam tal-investiment rilevanti għat-tip speċifiku ta' prodott kif ukoll meta l-fornitur ikun ikkonkluda li l-prodott mhuwiex adatt għall-klijent. Dan jippermetti li l-klijenti mhux professjonali jkollhom aċċess għal prodotti, bħas-CFDs, illi, minħabba l-karatteristiċi tagħhom, m'għandhomx jiġu distribwiti lilhom (54). |
(42) |
Il-UK-FCA osservat nuqqasijiet ripetuti fl-approċċ tal-fornituri tas-CFDs biex jissodisfaw bis-sħiħ l-evalwazzjoni tal-adegwatezza, inklużi nuqqasijiet fl-evalwazzjoni nnifisha, twissijiet ta' riskju inadegwati għal klijenti mhux professjonali li jkunu weħlu fl-evalwazzjonijiet tal-adegwatezza u n-nuqqas ta' twaqqif ta' proċess li jevalwa jekk il-klijenti li jeħlu fl-evalwazzjoni tal-adegwatezza, iżda li xorta jibqgħu jixtiequ jinnegozjaw fis-CFDs, għandhomx jitħallew ikomplu bit-tranżazzjonijiet tas-CFDs (55). Wara li reġgħet analizzat din il-kwistjoni fl-aħħar tal-2016, il-UK-FCA sabet li għadd sinifikanti ta' ditti naqsu milli jindirizzaw dawn in-nuqqasijiet wara r-rispons li kien ingħata lilhom preċedentement (56). |
(43) |
Barra minn hekk, l-NCAs esprimew tħassib dwar il-konformità tal-fornituri tas-CFDs mal-obbligi tagħhom li jagħtu lill-klijenti informazzjoni ċara u mhux qarrieqa, jew li jaġixxu fl-aħjar interessi tal-klijenti (57). L-NCAs esprimew ukoll tħassib dwar il-prestazzjoni inadegwata tat-testijiet tal-adegwatezza (58) fil-prattika u dwar twissijiet inadegwati lil klijenti li jeħlu fit-test tal-adegwatezza (59). Eżempji ta' dawn il-prattiki ħżiena huma deskritti fi u wasslu għal Mistoqsijiet u Tweġibiet tal-ESMA relatati mal-provvista ta' CFDs u ta' prodotti spekulattivi oħra lil klijenti mhux professjonali taħt il-MiFID (60) |
(44) |
L-NCAs osservaw ukoll prattiki aggressivi ta' kummerċjalizzazzjoni kif ukoll komunikazzjonijiet kummerċjali qarrieqa f'dan is-settur tas-suq (61). Dawn jinkludu, pereżempju, l-użu ta' arranġamenti ta' sponsorizzazzjoni jew affiljazzjonijiet ma' timijiet sportivi kbar, li jagħtu l-impressjoni qarrieqa li prodotti kumplessi u spekulattivi bħas-CFDs huma adatti għas-suq tal-konsumaturi tal-massa billi jippromwovu għarfien ġenerali tal-isem tad-ditta. Barra minn hekk, dawn jinkludu wkoll l-użu ta' dikjarazzjonijiet qarrieqa bħal “In-negozjar qatt ma kien daqstant faċli”, “Ibda l-karriera tiegħek ta' negozjant issa stess”, “Aqla' GBP 13 000 f'24 Siegħa! Iddumx” (62). |
(45) |
Fil-kuntest tal-iżvilupp tal-Q&As dwar is-CFDs, xi NCAs irrappurtaw għand l-ESMA li l-fornituri tas-CFDs ħafna drabi jonqsu milli jiżvelaw b'mod xieraq ir-riskji ta' dawn il-prodotti (63). B'mod partikolari, uħud mill-NCAs (64) sabu li l-fornituri tas-CFDs ma ddeskrivewx b'mod adegwat il-potenzjal ta' telf rapidu li jista' jaqbeż il-fondi investiti tagħhom. |
(46) |
Ukoll f'dan il-kuntest, xi NCAs qajmu wkoll tħassib dwar it-tendenza tan-negozju eċċessiv ta' xi mudelli kummerċjali tal-fornituri tas-CFDs (65). Minħabba li t-tul ta' żmien medju ta' kont tal-klijent jista' jkun relattivament qasir, dan jista' joħloq ċerta pressjoni fuq il-fornituri sabiex iżommu fluss stabbli ta' klijenti ġodda, li tista' tinċentiva lill-fornituri sabiex jadottaw tekniki ta' kummerċjalizzazzjoni u ta' bejgħ aggressivi li mhumiex fl-aħjar interessi tal-klijent mhux professjonali. |
(47) |
Karatteristika komuni tat-tekniki tal-kummerċjalizzazzjoni u tal-bejgħ adottati mill-industrija tas-CFDs kienet l-offerta tan-negozjar ta' benefiċċji (monetarji u mhux monetarji), bħal bonusijiet biex jattiraw u jinkoraġġixxu klijenti mhux professjonali biex jinvestu fis-CFDs, l-offerti ta' rigali (pereżempju vaganzi, karozzi, oġġetti elettroniċi), tutorials dwar in-negozjar jew tnaqqis fl-ispejjeż (pereżempju marġnijiet jew tariffi) (66). |
(48) |
Il-bonusijiet u benefiċċji kummerċjali oħra jistgħu jaġixxu bħala distrazzjoni min-natura ta' riskju għoli tal-prodott. Dawn ġeneralment huma mmirati sabiex jattiraw klijenti mhux professjonali u jinċentivaw in-negozjar. Il-klijenti mhux professjonali jistgħu jqisu dawn il-promozzjonijiet bħala element ċentrali tal-prodott sal-punt li jistgħu ma jivvalutawx sewwa l-livell tar-riskji assoċjati mal-prodott. |
(49) |
Barra minn hekk, dawn il-benefiċċji kummerċjali biex jinfetħu l-kontijiet ta' negozjar CFD ħafna drabi jeħtieġu li l-klijenti jħallsu fondi lill-fornitur u li l-klijenti jwettqu għad speċifiku ta' attivitajiet ta' negozjar tul perjodu speċifiku ta' żmien. Ġaladarba l-evidenza turi li l-maġġoranza tal-klijenti mhux professjonali jitilfu l-flus fin-negozjar fis-CFDs, dan spiss ifisser li l-klijenti aktar spiss jitilfu iżjed flus fin-negozjar fis-CFDs milli kienu jitilfu kieku ma rċevewx offerta ta' bonus. |
(50) |
Il-ħidma superviżorja li saret minn bosta NCAs skopriet li t-termini u l-kondizzjonijiet fuq l-offerti promozzjonali ħafna drabi jkunu qarrieqa u li bosta klijenti ma jkunux jafu bil-kondizzjonijiet tal-aċċess għall-benefiċċji/bonusijiet offruti. Finalment, għadd ta' klijenti rrapportaw diffikultajiet fl-irtirar tal-fondi meta ppruvaw jużaw dawn il-bonusijiet (67). |
(51) |
Minbarra l-fatturi msemmija hawn fuq, bosta NCAs (68) osservaw li l-mudelli ta' distribuzzjoni osservati f'dan is-settur tas-suq iġorru ċerti kunflitti ta' interess (69). Il-pressjoni biex tinżamm riżerva ta' klijenti ġodda żżid il-potenzjal li jiżvolġu kunflitti ta' interess. Kunflitti ta' interess diġà qamu u jistgħu jqumu mill-fatt li xi fornituri tas-CFDs ikunu kontropartijiet għan-negozjar tal-klijenti mingħajr ma jkopru l-iskopertura tagħhom, u għalhekk ipoġġu l-interessi tagħhom f'kunflitt dirett ma' dak tal-klijenti tagħhom. Għal dawn il-fornituri hemm riskju u inċentiv akbar biex jimmanipulaw jew jużaw prezzijiet ta' referenza inqas trasparenti, jew biex isegwu prattiki dubjużi oħra bħalma huma l-kanċellazzjoni ta' negozjar li jħalli l-qligħ fuq pretesti foloz. Hemm ukoll riskju li l-fornituri jistgħu jfittxu li jisfruttaw slippage asimmetriku (pereżempju jgħaddu kwalunkwe telf ikkaġunat minn slippage lill-klijent, filwaqt li jżommu kwalunkwe profitt miksub bħala riżultat tas-slippage). Il-fornituri jistgħu jittardjaw apposta l-ħin bejn il-kwotazzjonijiet u l-eżekuzzjoni tan-negozjar fis-CFD biex jisfruttaw din il-prattika b'mod ulterjuri. L-NCAs identifikaw ukoll prattiki li bihom il-fornituri tas-CFDs japplikaw valwazzjoni asimmetrika jew inkonsistenti fuq firxiet ewlenin. |
(52) |
Il-prattiki tal-kummerċjalizzazzjoni u tad-distribuzzjoni assoċjati mas-CFDs deskritti hawn fuq jikkonfermaw l-eżistenza ta' tħassib sinifikanti dwar il-protezzjoni tal-investituri fir-rigward ta' dawn is-CFDs. |
3. IR-REKWIŻITI REGOLATORJI EŻISTENTI APPLIKABBLI SKONT ID-DRITT TAL-UNJONI MA JINDIRIZZAWX IT-TĦASSIB SINIFIKANTI IDENTIFIKAT DWAR IL-PROTEZZJONI TAL-INVESTITUR (L-ARTIKOLU 40(2)(b) TAR-REGOLAMENT (UE) Nru 600/2014)
(53) |
Kif meħtieġ skont l-Artikolu 40(2)(b) tar-Regolament (UE) Nru 600/2014, l-ESMA qieset jekk ir-rekwiżiti regolatorji eżistenti fl-Unjoni li huma applikabbli għall-istrument finanzjarju jew attività rilevanti jindirizzawx din it-theddida. Ir-rekwiżiti regolatorji eżistenti applikabbli huma stabbiliti fid-Direttiva 2014/65/UE, fir-Regolament (UE) Nru 600/2014 u fir-Regolament (UE) Nru 1286/2014 tal-Parlament Ewropew u tal-Kunsill (70). B'mod partikolari, huma jinkludu: (i) ir-rekwiżit li tingħata informazzjoni adegwata lill-klijenti fl-Artikolu 24(3) u (4) tad-Direttiva 2014/65/UE (71); (ii) ir-rekwiżiti tal-adattabilità u tal-adegwatezza fl-Artikolu 25(2) u (3) tad-Direttiva 2014/65/UE (72); (iii) ir-rekwiżiti tal-aħjar eżekuzzjoni fl-Artikolu 27 tad-Direttiva 2014/65/UE (73); (iv) ir-rekwiżiti ta' governanza tal-prodott fl-Artikoli 16(3) u 24(2) tad-Direttiva 2014/65/UE; u (v) ir-rekwiżiti dwar id-divulgazzjoni fl-Artikoli 5 sa 14 tar-Regolament (UE) Nru 1286/2014. |
(54) |
Fir-risposti tagħhom għas-sejħa għall-evidenza, xi fornituri, sensara u organizzazzjonijiet tal-kummerċ semmew espliċitament li l-ESMA jeħtieġ li tikkunsidra l-effetti ta' leġiżlazzjoni ġdida qabel ma tapplika kwalunkwe miżura ta' intervent dwar il-prodott, b'mod partikolari l-introduzzjoni riċenti tal-MiFID II (b'mod partikolari, ir-regoli dwar il-governanza tal-prodotti) u l-PRIIPs. |
(55) |
Għandu jiġi nnotat li l-ambitu u l-kontenut ta' bosta rekwiżiti regolatorji applikabbli skont id-Direttiva 2014/65/UE u r-Regolament (UE) Nru 600/2014 huma simili għal dawk eżistenti skont id-Direttiva 2004/39/KE (74). Filwaqt li l-adozzjoni tad-Direttiva 2014/65/UE u tar-Regolament (UE) Nru 600/2014 kellha l-għan li ttejjeb diversi aspetti notevoli tas-servizzi u l-attivitajiet ta' investiment sabiex issaħħaħ il-protezzjoni tal-investitur (inkluż permezz ta' setgħat ta' intervent dwar il-prodott), it-titjib f'għadd ta' dispożizzjonijiet rilevanti ma jindirizzax it-tħassib speċifiku deskritt f'din id-Deċiżjoni. Mill-perspettiva tar-riskji u d-detriment għall-investitur indirizzati f'din id-Deċiżjoni, diversi dispożizzjonijiet għalhekk baqgħu sostanzjalment mhux mibdula. |
(56) |
Ir-rekwiżiti li tiġi pprovduta informazzjoni xierqa lill-klijenti ġew dettaljati aktar fid-Direttiva 2014/65/UE, b'titjib sinifikanti fil-qasam tal-iżvelar tal-ispejjeż u l-imposti, bid-ditti tal-investiment ikunu meħtieġa jipprovdu lill-klijenti b'informazzjoni aggregata dwar l-ispejjeż u l-imposti kollha relatati mas-servizzi ta' investiment u l-istrumenti finanzjarji. Madankollu, ir-regoli bbażati fuq id-divulgazzjoni weħidhom – inkluż it-titjib fl-informazzjoni dwar l-ispejjeż – huma b'mod ċar insuffiċjenti biex jittrattaw ir-riskji kumplessi li jirriżulta mill-kummerċjalizzazzjoni, mid-distribuzzjoni jew mill-bejgħ ta' CFDs lil klijenti mhux professjonali. |
(57) |
B'mod partikolari, l-Artikolu 24(3) tad-Direttiva 2014/65/UE jeħtieġ inter alia li d-ditti ta' investiment jiżguraw li l-informazzjoni kollha, inklużi l-komunikazzjonijiet dwar il-kummerċjalizzazzjoni indirizzati lil klijenti jew lil klijenti potenzjali, tkun ġusta, ċara u mhux qarrieqa. L-Artikolu 24(4) tad-Direttiva 2014/65/UE jirrikjedi wkoll li d-ditti tal-investiment jagħtu informazzjoni xierqa fil-ħin lill-klijenti u klijenti potenzjali dwar id-ditta u s-servizzi tagħha, l-istrumenti finanzjarji u l-istrateġiji proposti, il-postijiet tal-eżekuzzjoni u l-ispejjeż u l-imposti kollha relatati, inkluża b'mod partikolari gwida u twissijiet dwar ir-riskji assoċjati mal-investiment f'dawk l-istrumenti finanzjarji u jekk l-istrument finanzjarju jkunx maħsub għal klijenti mhux professjonali jew għal klijenti professjonali. |
(58) |
L-ESMA qieset ukoll ir-rilevanza tar-regoli dwar id-divulgazzjoni taħt ir-Regolament (UE) Nru 1286/2014. Ir-Regolament (UE) Nru 1286/2014 jistabbilixxi regoli uniformi dwar il-format u l-kontenut tad-dokument bl-informazzjoni ewlenija li għandu jiġi pprovdut mill-manifatturi ta' prodotti aggregati ta' investiment għall-konsumaturi bbażati fuq l-assigurazzjoni (“PRIIPs”) lil investituri fil-livell tal-konsumatur sabiex jgħinhom jifhmu u jqabblu l-karatteristiċi ewlenin u r-riskji tal-PRIIPs. B'mod partikolari, l-Artikolu 5 tar-Regolament (UE) Nru 1286/2014, kif implimentat b'mod ulterjuri fir-Regolament Delegat tal-Kummissjoni (UE) 2017/653 (75) jistabbilixxi inter alia metodoloġija għall-preżentazzjoni tal-indikatur sommarju tar-riskji u spjegazzjonijiet li jinkludu informazzjoni dwar jekk investitur fil-livell tal-konsumatur jistax jitlef il-kapital kollu investit jew iġarrab impenji finanzjarji addizzjonali. Madankollu, dan it-tip ta' divulgazzjoni ma jiġbidx b'mod suffiċjenti l-attenzjoni tal-klijenti mhux professjonali rigward il-konsegwenzi tal-investiment fis-CFDs b'mod partikolari. Pereżempju, il-proporzjon tal-prestazzjoni jirrigwarda biss il-prodott CFD individwali u dan ma jipprovdix lill-klijent il-perċentwal globali tal-kontijiet tal-klijent mhux professjonali li jitilfu l-flus meta jinnegozjaw fisd-CFDs. Barra minn hekk, l-indikatur sommarju tar-riskji ma jinkludix informazzjoni diretta dwar il-prestazzjoni tal-imgħoddi tal-prodott u din l-informazzjoni ma tistax tingħata fl-ispjegazzjonijiet narrattivi li jakkumpanjawha peress li ċertu grad ta' diskrezzjoni jitħalla f'idejn il-manifattur tal-PRIIPS dwar sa liema punt għandhom jiġu inklużi ċerti narrativi. |
(59) |
L-ESMA qieset jekk dawk ir-rekwiżiti jistgħux jindirizzaw parti mit-tħassib jew it-tħassib kollu fir-rigward tal-kummerċjalizzazzjoni, tad-distribuzzjoni jew tal-bejgħ ta' CFDs lil klijenti mhux professjonali jew almenu jneħħu l-ħtieġa li jiġu introdotti t-twissijiet ta' riskju f'din id-Deċiżjoni. Madankollu, dawn ir-rekwiżiti ma jiżgurawx li l-klijenti mhux professjonali fl-Unjoni kollha jingħataw informazzjoni uniformi u effettiva dwar ir-riskji relatati man-negozjar fis-CFDs. B'mod partikolari, il-gwida u t-twissijiet imsemmija fl-Artikolu 24(4) tad-Direttiva 2014/65/UE ma jidhrux li jindirizzaw dan it-tħassib minħabba d-diverġenza fl-informazzjoni li tista' tingħata lill-klijenti li tista' ma jiġbidx biżżejjed l-attenzjoni tal-klijenti rigward il-konsegwenzi konkreti li jirriżultaw min-negozjar fis-CFDs. It-twissijiet ta' riskju introdotti f'din id-Deċiżjoni jipprovdu lill-klijenti mhux professjonali informazzjoni importanti, jiġifieri l-perċentwal tal-kontijiet tal-konsumatur li qed jitilfu l-flus meta jinnegozjaw fis-CFDs ma' kull ditta partikolari. Barra minn hekk, din tarmonizza l-prattiki fin-negozju transkonfinali, u b'hekk tiżgura livell ugwali ta' informazzjoni lill-investituri fl-Unjoni kollha. |
(60) |
Ir-rekwiżiti dwar l-adattabilità ġew imsaħħa wkoll fid-Direttiva 2014/65/UE permezz tal-ħtieġa tal-bgħit ta' rapport dwar l-adattabbiltà lill-klijent u permezz tal-irfinar tal-valutazzjoni tal-adattabilità. B'mod partikolari, l-Artikolu 25(2) tad-Direttiva 2014/65/UE jeħtieġ li l-fornituri tas-CFDs jiksbu l-informazzjoni meħtieġa dwar l-għarfien jew l-esperjenza tal-klijent jew tal-klijent potenzjali fil-qasam ta' investiment rilevanti inter alia għat-tip speċifiku ta' prodott, is-sitwazzjoni finanzjarja tal-klijent jew tal-klijent potenzjali inkluża l-abbiltà tagħhom li jġarrbu t-telf, u l-objettivi ta' investiment tagħhom inkluża t-tolleranza tar-riskji tagħhom, sabiex il-fornitur tas-CFDs ikun jista' jirrakkomanda lill-klijent jew lill-klijent potenzjali prodotti finanzjarji li jkunu adattati għalihom u li jkunu f'konformità mat-tolleranza tar-riskji u mal-abbiltà tagħhom li jġarrbu t-telf. Madankollu, ir-rekwiżiti tal-adattabilità huma applikabbli biss għall-għoti ta' pariri dwar l-investiment u l-immaniġġjar tal-portafoll u għalhekk normalment ikunu irrilevanti fir-rigward tan-negozjar fis-CFDs li jsir l-aktar permezz ta' pjattaformi elettroniċi, mingħajr il-provvista ta' pariri dwar l-investiment jew ta' mmaniġġjar tal-portafoll. |
(61) |
Barra minn hekk, l-objettivi tal-valutazzjoni tal-adattabilità (konsiderazzjoni tal-prodotti fl-isfond tal-għarfien u l-esperjenza, is-sitwazzjoni finanzjarja u l-objettivi ta' investiment tal-klijent) baqgħu sostanzjalment mhux mibdula meta mqabbel mar-reġim fid-Direttiva 2004/39/KE u, kif intwera f'din id-Deċiżjoni, ma kinux suffiċjenti biex jevitaw id-detriment identifikat għall-investitur. |
(62) |
B'mod simili, ir-rekwiżiti dwar l-adegwatezza ġew imsaħħa bid-Direttiva 2014/65/UE, prinċipalment bit-tqassir tal-lista ta' prodotti mhux kumplessi u għalhekk bir-ristrizzjoni fuq l-ambitu tal-prodotti għal servizzi ta' eżekuzzjoni biss. L-Artikolu 25(3) tad-Direttiva 2014/65/UE jeħtieġ li l-fornituri tas-CFDs jitolbu lill-klijenti jew lill-klijenti potenzjali tagħhom biex jipprovdu informazzjoni dwar l-għarfien u l-esperjenza tagħhom fil-qasam ta' investiment rilevanti inter alia għall-prodott speċifiku offrut jew mitlub sabiex il-fornitur ikun jista' jiddetermina jekk dak il-prodott ikunx xieraq għall-klijent jew għall-klijent potenzjali. Jekk il-fornitur iqis li l-prodott ma jkunx xieraq għall-klijent jew għall-klijent potenzjali, il-fornitur għandu jwissihom dwar dan. Is-CFDs jikkwalifikaw bħala prodotti finanzjarji kumplessi u għalhekk huma soġġetti għat-test tal-adegwatezza skont l-Artikolu 25(3) tad-Direttiva 2014/65/UE. |
(63) |
Madankollu, dak kien diġà l-każ skont id-Direttiva 2004/39/KE, li pprovdiet b'mod sostanzjali l-istess test ta' adegwatezza bħal dak stabbilit fid-Direttiva 2014/65/UE. Kif muri f'din id-Deċiżjoni u kif intwera mill-esperjenza superviżorja tal-NCAs (76), it-test tal-adegwatezza ma kienx biżżejjed biex jindirizza t-tħassib dwar il-protezzjoni tal-investituri deskritt f'din id-Deċiżjoni. |
(64) |
It-testijiet dwar l-adattabilità kif ukoll dawk dwar l-adegwatezza skont ir-rekwiżiti regolatorji eżistenti għalhekk aktarx ma jipprevjenux lill-klijenti mhux professjonali milli jinnegozjaw fis-CFDs b'mod li jiżgura li jiġi indirizzat it-tħassib sinifikanti dwar il-protezzjoni tal-investituri. |
(65) |
Fir-rigward tal-aħjar eżekuzzjoni, ħafna mir-regoli dwar l-aħjar eżekuzzjoni diġà kienu jeżistu taħt id-Direttiva 2004/39/KE. Madankollu, dawn ir-regoli ġew imsaħħa bid-Direttiva 2014/65/UE. B'mod partikolari, l-Artikolu 27 tad-Direttiva 2014/65/UE jipprevedi li d-ditti tal-investiment għandhom jieħdu “l-passi suffiċjenti kollha” (u mhux iżjed “il-passi raġjonevoli kollha”) biex jiksbu l-aħjar riżultat possibbli għall-klijenti tagħhom meta jwettqu l-ordnijiet. Barra minn hekk, trid tiġi ppubblikata informazzjoni addizzjonali mill-parteċipanti fis-suq u b'mod partikolari d-ditti tal-investiment huma meħtieġa li jiżvelaw l-aħjar ħames ċentri fejn ikunu eżegwew ordnijiet ta' klijenti u r-riżultati miksuba meta eżegwew dawk l-ordnijiet. |
(66) |
L-ESMA qieset jekk ir-regoli riveduti dwar l-aħjar eżekuzzjoni jistgħux jindirizzaw almenu parti mit-tħassib identifikat fir-rigward tal-kummerċjalizzazzjoni, tad-distribuzzjoni jew tal-bejgħ ta' CFDs lil klijenti mhux professjonali. Żieda fit-trasparenza fl-eżekuzzjoni tal-ordnijiet tgħin lill-klijenti biex jifhmu u jevalwaw aħjar il-kwalità tal-prattiki ta' eżekuzzjoni tad-ditta u b'hekk tgħinhom jevalwaw aħjar il-kwalità tas-servizz ġenerali li jiġi pprovdut lilhom. Barra minn hekk, it-titjib fl-informazzjoni dwar kif id-ditti jeżegwixxu l-ordnijiet tal-klijenti, jgħin lill-klijenti meta jimmonitorjaw jekk id-ditta tkunx ħadet il-passi kollha suffiċjenti biex tikseb l-aħjar riżultati possibbli għall-klijent. Ir-rekwiżiti dwar l-aħjar eżekuzzjoni jsaħħu wkoll l-aħjar standard ta' eżekuzzjoni fir-rigward tal-prodotti OTC billi jirrikjedu li d-ditti jivverifikaw il-korrettezza tal-prezz propost lill-klijent meta jeżegwixxu ordnijiet jew jieħdu deċiżjonijiet biex jittrattaw prodotti OTC, inklużi prodotti personalizzati. Ir-rekwiżiti fid-Direttiva 2014/65/UE jimplikaw il-ġbir ta' data tas-suq biex tintuża fl-istima tal-prezz ta' tali prodotti u, fejn possibbli, fit-tqabbil ma' prodotti simili jew komparabbli. Madankollu, ir-regoli dwar l-aħjar eżekuzzjoni waħedhom ma jindirizzawx ir-riskji marbuta mal-karatteristiċi tal-prodott, ħlief l-eżekuzzjoni, u mal-kummerċjalizzazzjoni, id-distribuzzjoni jew il-bejgħ ta' dawn il-prodotti lill-klijenti mhux professjonali. |
(67) |
Fir-rigward ta' dawn ir-rekwiżiti regolatorji eżistenti sostanzjalment simili, l-ESMA ripetutament innutat ir-riskji deskritti hawn fuq fit-twissijiet tal-investituri, fil-Mistoqsijiet u Tweġibiet (Q&As) (77) u fl-opinjoni dwar “prattiki MIFID għal ditti li jbiegħu prodotti finanzjarji kumplessi”. L-ESMA wettqet ukoll ħidma ta' konverġenza superviżorja permezz, inter alia, tal-Grupp Konġunt u tat-task force dwar is-CFDs. Minkejja l-użu estensiv mill-ESMA tal-istrumenti mhux vinkolanti tagħha biex tiżgura applikazzjoni konsistenti u effettiva tar-rekwiżiti regolatorji eżistenti applikabbli, xorta jippersisti t-tħassib dwar il-protezzjoni tal-investituri. Dan jenfasizza li, għar-raġunijiet ippreżentati f'din is-sezzjoni, dawn ir-rekwiżiti ma jindirizzawx it-tħassib identifikat. |
(68) |
L-ESMA filfatt qieset l-impatt potenzjali tar-regoli dwar il-governanza tal-prodott stipulati fl-Artikoli 16(3) u 24(2) tad-Direttiva 2014/65/UE. Dawn ir-regoli jeħtieġu lill-fornituri li jimmanifatturaw l-istrumenti finanzjarji (inklużi għalhekk is-CFDs) għall-bejgħ lill-klijenti biex jiżguraw li l-prodotti jkunu mfassla biex jissodisfaw il-ħtiġijiet ta' suq fil-mira identifikat ta' klijenti finali fi ħdan il-kategorija rilevanti tal-klijenti; li l-istrateġija tad-distribuzzjoni tal-prodotti tkun kompatibbli mas-suq mira identifikat; u li l-fornituri jieħdu passi raġonevoli biex jiżguraw li l-istrumenti finanzjarji jiġu distribwiti fis-suq mira identifikat u perjodikament jeżaminaw mill-ġdid l-identifikazzjoni tas-suq mira u l-prestazzjoni tal-prodott. Il-fornituri tas-CFDs għandhom jifhmu l-istrumenti finanzjarji li joffru jew jirrakkomandaw, jevalwaw il-kompatibbiltà tal-istrument mal-bżonnijiet tal-klijenti li lilhom ikunu qed jipprovdu s-servizzi ta' investiment, filwaqt li jqisu wkoll is-suq mira identifikat ta' klijenti finali u jiżguraw li l-istrumenti finanzjarji jiġu offruti jew rakkomandati biss fejn dan ikun fl-interess tal-klijent. Barra minn hekk, id-ditti tas-CFDs li jiddistribwixxu strumenti finanzjarji mhux maħduma minnhom għandu jkollhom arranġamenti xierqa fis-seħħ biex jiksbu u jifhmu l-informazzjoni rilevanti dwar il-proċess ta' approvazzjoni tal-prodott, inkluż dwar is-suq fil-mira identifikat u l-karatteristiċi tal-prodott. Il-fornituri tas-CFDs li jiddistribwixxu strumenti finanzjarji maħduma minn fornituri li mhumiex soġġetti għar-rekwiżiti ta' governanza tal-prodott tad-Direttiva 2014/65/UE jew minn fornituri minn pajjiżi terzi għandu wkoll ikollhom arranġamenti xierqa biex jiksbu informazzjoni biżżejjed dwar l-istrumenti finanzjarji. |
(69) |
L-ESMA tinnota li r-rekwiżiti ta' governanza tal-prodotti ġew introdotti għall-ewwel darba fid-dritt tal-Unjoni bid-Direttiva 2014/65/UE. Fit-2 ta' Ġunju 2017, l-ESMA ppubblikat il-“Linji Gwida dwar ir-rekwiżiti ta' governanza tal-prodott skont MiFID II” (78) li fihom tingħata gwida lill-manifatturi u lill-iżviluppaturi dwar il-valutazzjoni tas-suq fil-mira. |
(70) |
Filwaqt li dawn ir-rekwiżiti jistgħu jnaqqsu t-tip ta' klijenti (is-suq fil-mira) li għalihom CFDs ikunu xierqa u li għaldaqstant għandhom jiġu distribwiti fihom, xorta ma jindirizzawx ir-riskji ewlenin deskritti f'din id-Deċiżjoni marbuta mal-karatteristiċi tal-prodott (pereżempju ingranaġġ għoli) jew prattiki assoċjati (pereżempju, il-possibbiltà ta' obbligi ta' ħlasijiet addizzjonali jew l-offerta ta' bonusijiet). Dawn ma jirrestrinġux lanqas b'mod speċifiku d-distribuzzjoni ta' prodotti bil-karatteristiċi msemmija hawn fuq għas-suq tal-massa. Minflok, id-detriment imġarrab mill-klijenti juri li l-kummerċjalizzazzjoni, id-distribuzzjoni jew il-bejgħ ta' CFDs mhumiex xierqa għas-suq tal-massa tal-konsumatur, sakemm dawn ma jkunux akkumpanjati b'ċerti restrizzjonijiet li r-rekwiżiti ta' governanza tal-prodott ma jiddettaljawx. Fejn ir-rispondenti għas-sejħa għall-evidenza jiddikjaraw b'mod ġust li r-rekwiżiti ta' governanza tal-prodott huma aspetti importanti fid-determinazzjoni tas-suq mira u fl-allinjament tal-istrateġija ta' distribuzzjoni ma' dan is-suq mira, jidher ċar ukoll mis-sejħa għall-evidenza li ċerti fornituri indikaw fir-rispons tagħhom li huma jqisu li s-CFDs b'limiti ta' ingranaġġ għolja (pereżempju, 100:1 (79)) huma, anki fejn ir-rekwiżiti ta' governanza tal-prodott huma applikabbli, prodott xieraq għal klijenti mhux professjonali (jikkonkludu li s-suq fil-mira għas-CFDs b'dan l-ingranaġġ partikolari huwa suq tal-massa). Diversi ditti, wara l-implimentazzjoni tad-Direttiva 2014/65/UE u r-rekwiżiti ta' governanza tal-prodott, għadhom jikkummerċjalizzaw is-CFDs b'dawn l-ingranaġġi għolja fis-suq tal-massa (li jivvalutaw biss l-adegwatezza). L-ESMA u l-NCAs ma jaqblux ma' tali approċċ. Dan juri li r-rekwiżiti ta' governanza tal-prodott għadhom jagħtu ċertu marġni ta' diskrezzjoni lill-fornituri individwali biex jidentifikaw il-karatteristiċi tal-prodotti li bIħsiebhom joffru lill-klijenti tagħhom. Għad hemm, għalhekk, nuqqas ta' livell minimu komuni ta' protezzjoni tal-investituri fl-Unjoni kollha. |
(71) |
Minkejja l-eżistenza ta' dawn ir-rekwiżiti regolatorji, l-evidenza turi li l-klijenti mhux professjonali jkomplu u se jkomplu jitilfu l-flus fuq is-CFDs. Għalhekk, din il-miżura hija neċessarja sabiex tindirizza t-theddida. |
4. L-AWTORITAJIET KOMPETENTI MA ĦADUX AZZJONI BIEX JINDIRIZZAW IT-THEDDIDA JEW L-AZZJONIJIET MEĦUDA MA JINDIRIZZAWX ADEGWATAMENT IT-THEDDIDA (L-ARTIKOLU 40(2)(c) TAR-REGOLAMENT (UE) Nru 600/2014)
(72) |
Waħda mill-kundizzjonijiet biex l-ESMA tadotta r-restrizzjoni f'din id-Deċiżjoni hija li awtorità kompetenti jew awtoritajiet kompetenti ma jkunux ħadu azzjoni sabiex jindirizzaw it-theddida jew l-azzjonijiet li ttieħdu ma jindirizzawx adegwatament it-theddida. |
(73) |
It-tħassib dwar il-protezzjoni tal-investituri deskritt f'din id-Deċiżjoni wassal lil xi NCAs biex jikkonsultaw jew jieħdu azzjonijiet nazzjonali maħsuba biex jirrestrinġu l-kummerċjalizzazzjoni, id-distribuzzjoni jew il-bejgħ ta' CFDs lill-klijenti mhux professjonali:
|
(74) |
Barra minn hekk, il-Finanstilsynet (“NO-Finanstilsynet”), l-NCA Norveġiża, ippubblikat fis-26 ta' Frar 2018 dokument ta' konsultazzjoni fejn tipproponi inter alia miżuri simili fir-rigward ta' CFDs għal dawk proposti mill-ESMA fis-sejħa għall-evidenza. Il-perjodu ta' konsultazzjoni huwa mis-26 ta' Frar 2018 sas-26 ta' Marzu 2018 (92). |
(75) |
NCAs oħra wissew lill-klijenti mhux professjonali dwar is-CFDs. B'mod partikolari:
|
(76) |
Barra minn hekk, l-NO-Finanstilsynet irrevokat l-awtorizzazzjoni ta' fornitur tas-CFD wara spezzjoni fuq il-post. |
(77) |
Kif muri hawn fuq, xi azzjonijiet meħuda biex jindirizzaw it-tħassib dwar il-protezzjoni tal-investituri li jirriżulta mill-kummerċjalizzazzjoni, mid-distribuzzjoni jew mill-bejgħ tas-CFDs lill-klijenti mhux professjonali ttieħdu jew tqiesu minn NCAs fi 13 minn 28 Stat Membru. Dawn il-miżuri jvarjaw b'mod sinifikanti u jinkludu, inter alia, projbizzjoni fuq il-kummerċjalizzazzjoni tas-CFDs lill-klijenti mhux professjonali, l-introduzzjoni ta' ċerti limiti ta' ingranaġġ, restrizzjonijiet fuq il-kummerċjalizzazzjoni u rekwiżit biex tiġi żgurata protezzjoni kontra bilanċ negattiv. Madankollu, minkejja li dawn il-miżuri kellhom xi effetti, it-tħassib sinifikanti dwar l-protezzjoni tal-investituri baqa' jippersisti. |
(78) |
Pereżempju, fi Franza, fejn ġiet adottata waħda mill-miżuri l-aktar qawwija fl-Unjoni, l-FR-AMF tikkonferma li għad għandha tħassib marbut mal-karatteristiċi ta' dawn il-prodotti u mal-offerti kontinwi ta' dawn il-prodotti lil klijenti mhux professjonali. Bħala eżempju, filwaqt li l-FR-AMF irreġistrat tnaqqis fl-għad ta' ilmenti fl-2017, xorta tosserva numru sinifikanti (33 %) (95) ta' ilmenti fir-rigward ta' dawn il-prodotti, apparagun mal-għadd totali ta' ilmenti rigward prodotti u servizzi oħra ta' investiment. Fil-Polonja, l-adozzjoni ta' ċerti miżuri f'Lulju 2015 ma kinitx biżżejjed biex tindirizza t-tħassib dwar il-protezzjoni tal-investituri. Kif issemma qabel, studju li sar mill-PL-KNF fl-ewwel kwart tal-2018 wera li 79,69 % tal-klijenti tilfu l-flus fl-2017 u t-telf medju għal kull klijent żdied. |
(79) |
B'kuntrast, fil-Belġju, il-BE-FSMA tinsab sodisfatta bir-riżultat tal-azzjoni tagħha; madankollu l-BE-FSMA introduċiet projbizzjoni fuq il-kummerċjalizzazzjoni ta' CFDs lil klijenti mhux professjonali u għalhekk dawn il-prodotti ma jistgħux jibqgħu jiġu offruti aktar b'mod legali lill-klijenti mhux professjonali fil-Belġju. |
(80) |
L-ESMA m'għandhiex evidenza li f'dan l-istadju jenħtieġ tiddaħħal projbizzjoni iżjed milli restrizzjonijiet fuq il-kummerċjalizzazzjoni, id-distribuzzjoni jew il-bejgħ ta' CFDs lil klijenti mhux professjonali fil-livell tal-Unjoni. Madankollu, peress li r-restrizzjonijiet individwali applikati fil-miżuri nazzjonali meħuda s'issa li kien fihom biss xi wħud mill-elementi inklużi f'din il-miżura (pereżempju limiti speċifiċi fuq l-ingranaġġ jew restrizzjonijiet fuq il-kummerċjalizzazzjoni) wrew li mhumiex suffiċjenti biex isolvu t-tħassib dwar il-protezzjoni tal-investituri, jenħtieġ li jiġi impost kull wieħed minn dawn ir-rekwiżiti f'din id-Deċiżjoni bħala pakkett biex jinkiseb livell minimu ta' protezzjoni għall-klijenti mhux professjonali fl-Unjoni kollha. |
(81) |
Barra minn hekk, is-CFDs normalment jiġu kkummerċjalizzati, distribwiti jew mibjugħa permezz ta' kontijiet ta' negozjar online. Għalhekk, projbizzjoni jew restrizzjoni nazzjonali hija inadegwata biex tipproteġi lill-klijenti mhux professjonali fl-Istati Membri li ma jkunux l-Istat Membru li fih tittieħed il-miżura meta l-fornituri tas-CFDs joperaw fi Stati Membri oħra. Kif muri mid-data miġbura mill-UK-FCA u mis-CY-CySEC (96), il-fornituri tas-CFDs irnexxielhom jilħqu klijenti ġodda fl-Unjoni kollha b'mod faċli u rapidu billi operaw fuq l-internet. Bħala eżempju ieħor li jikkonferma d-dimensjoni persistenti tal-UE tan-negozju f'dan il-qasam, l-IT-CONSOB irrapportat għand l-ESMA li l-ilmenti kollha li rċeviet dwar is-CFDs u l-opzjonijiet binarji bejn Settembru 2017 u Frar 2018 kienu jirrigwardaw kompletament lill-fornituri tas-CFDs li joperaw fl-Italja minn ħames Stati Membri differenti bis-saħħa tal-libertà li jipprovdu servizzi jew attivitajiet ta' investiment jew tad-dritt li jistabbilixxu fergħa fi Stati Membri oħra (97). |
(82) |
Fid-dawl ta' dan ta' hawn fuq, biex il-miżuri nazzjonali jkunu effettivi għall-klijenti mhux professjonali fl-Unjoni, huwa neċessarju li l-NCAs fl-Istati Membri kollha jieħdu azzjoni bil-għan li jintroduċu l-livell minimu komuni ta' protezzjoni tal-investitur stabbilit f'din id-Deċiżjoni fi żmien qasir. Peress li dan ma seħħx u minħabba l-urġenza li jiġi indirizzat it-tħassib identifikat dwar il-protezzjoni tal-investituri, l-ESMA tqis li huwa neċessarju li teżerċita s-setgħat temporanji tagħha ta' intervent fuq il-prodotti. Il-qafas frammentat attwali ma jipprovdi lill-klijenti mhux professjonali l-ebda livell ta' protezzjoni jew livelli differenti ta' protezzjoni fl-Unjoni meta jinvestu fl-istess prodotti kumplessi, xi drabi mingħand l-istess fornituri. |
(83) |
Fl-aħħar nett, l-użu tas-setgħat superviżorji mis-NCAs skont l-Artikolu 69 tad-Direttiva 2014/65/UE, pereżempju skont il-paragrafu (2)(f) (projbizzjoni temporanja fuq tal-attività professjonali) u (t) (sospensjoni tal-kummerċjalizzazzjoni jew tal-bejgħ minħabba nuqqas ta' konformità mar-rekwiżiti tal-proċess ta' approvazzjoni tal-prodott) lanqas ma jindirizza it-tħassib sinifikanti dwar il-protezzjoni tal-investituri. Miżura ta' intervent dwar il-prodott tapplika għal prodott, jew għal attività relatata ma' dak il-prodott, u għalhekk tapplika għad-ditti tal-investiment kollha li jipprovdu dak il-prodott jew attività, pjuttost milli nuqqas ta' konformità waħda partikolari minn ditta tal-investiment individwali. Billi tindirizza, fuq bażi tal-Unjoni, ir-riskji li jirriżultaw mill-offerta tas-CFDs lil klijenti mhux professjonali, il-miżura ta' intervent hija iktar effettiva mit-tentattivi tal-NCAs biex jieħdu azzjoni kontra kull ditta individwalment. Kif innutat hawn fuq, l-evidenza turi li din hija kwistjoni kummerċjali wiesgħa peress li l-problema mhix limitata għall-ispeċifiċitajiet ta' fornituri partikolari u minħabba li r-riskji ewlenin huma inerenti għall-prodott u għall-mudell kummerċjali tal-fornituri. Għalhekk, azzjonijiet superviżorji individwali varjati ma jassigurawx immedjatament li tiġi evitata aktar ħsara lill-klijenti mhux professjonali u ma jipprovdux alternattiva adegwata għall-użu tas-setgħat ta' intervent tal-ESMA. In-natura transkonfinali tad-distribuzzjoni tas-CFDs, il-fatt li dawn jaffettwaw aktar minn Stat Membru wieħed, il-firxa tad-distribuzzjoni tas-CFDs f'ġurisdizzjonijiet ġodda u l-proliferazzjoni ta' miżuri nazzjonali differenti biex jindirizzaw tħassib simili rigward il-protezzjoni tal-investituri (li mbagħad jistgħu jikkontribwixxu għar-riskju ta' arbitraġġ regolatorju) jwasslu għall-konklużjoni li għandu jitqies neċessarju li jittieħdu miżuri fl-Unjoni kollha biex jiġi żgurat livell komuni ta' protezzjoni fl-Unjoni kollha. |
5. IL-MIŻURA TAL-ESMA TINDIRIZZA T-TĦASSIB SINIFIKANTI IDENTIFIKAT DWAR IL-PROTEZZJONI TAL-INVESTITUR U MA GĦANDHIEX EFFETT DETRIMENTALI FUQ L-EFFIĊJENZA TAS-SWIEQ FINANZJARJI JEW FUQ L-INVESTITURI LI HUWA SPROPORZJONAT GĦALL-BENEFIĊĊJI TAGĦHA (L-ARTIKOLU 40(2)(a) U (3)(a) TAR-REGOLAMENT (UE) Nru 600/2014)
(84) |
Fid-dawl tad-daqs u tan-natura tat-tħassib sinifikanti identifikat dwar il-protezzjoni tal-investituri, l-ESMA tqis li huwa neċessarju u proporzjonat li tirrestrinġi b'mod temporanju l-kummerċjalizzazzjoni, id-distribuzzjoni jew il-bejgħ tas-CFDs lill-klijenti mhux professjonali għal ċirkostanzi fejn jiġu ssodisfati għadd ta' kondizzjonijiet. |
(85) |
Ir-restrizzjoni tal-ESMA tindirizza t-tħassib sinifikanti identifikat dwar il-protezzjoni tal-investituri billi toffri livell adegwat u uniformi ta' protezzjoni minima lill-klijenti mhux professjonali li jinnegozjaw fis-CFDs fl-Unjoni. Barra minn hekk, din m'għandhiex effett detrimentali fuq l-effiċjenza tas-swieq finanzjarji jew fuq l-investituri li hija sproporzjonata apparagun mal-benefiċċji tagħha. |
(86) |
Il-benefiċċji ewlenin relatati mal-miżuri ta' intervent temporanji tal-ESMA huma dawn li ġejjin:
|
(87) |
L-ESMA temmen li l-konsegwenzi finanzjarji potenzjali u l-ispejjeż li l-fornituri se jħabbtu wiċċhom magħhom meta jimplimentaw il-miżuri ta' intervent f'din id-Deċiżjoni aktarx ikunu kemm ta' darba kif ukoll kontinwi u marbuta, inter alia, ma':
|
(88) |
Huwa possibbli li wħud minn dawn l-ispejjeż jiġu mgħoddija lill-investituri. |
(89) |
Aktar referenza għall-impatt mistenni tal-miżuri ta' intervent qiegħda ssir hawn taħt. |
5.1. Il-protezzjoni tal-marġni inizjali
(90) |
L-ESMA tqis li jeħtieġ li l-kummerċjalizzazzjoni, id-distribuzzjoni jew il-bejgħ tas-CFDs jiġu ristretti għall-klijenti mhux professjonali bl-applikazzjoni ta' ċerti limiti speċifiċi fuq l-ingranaġġ skont in-natura tal-istrument sottostanti. |
(91) |
L-introduzzjoni ta' dawn il-limiti fuq l-ingranaġġ għandha tipproteġi lill-klijenti billi teħtieġ li jħallsu marġni inizjali minimu sabiex jidħlu f'CFD. Dan ir-rekwiżit huwa magħruf bħala “protezzjoni tal-marġni inizjali”. Dan għandu jillimita l-iskopertura nozzjonali ta' investiment tal-klijent fir-rigward tal-ammont ta' flus investiti. Peress li l-ispejjeż li jaffaċċjaw il-klijent qed jiżdiedu fl-iskopertura nozzjonali ta' investiment, il-protezzjoni tal-marġni inizjali tnaqqas il-probabbiltà ta' telf tal-klijent apparagun ma' dak li kien ikun mistenni kieku l-klijent kellu jinnegozja b'ingranaġġ ogħla (98). Kif spjegat iktar hawn taħt, ir-riċerka akkademika empirika tikkorobora din l-analiżi u tistabbilixxi li l-limiti fuq l-ingranaġġ itejbu r-riżultati medji għall-investituri (99). |
(92) |
Meta waslet għall-konklużjoni tagħha, l-ESMA qieset ir-risponsi għas-sejħa tagħha għall-evidenza. Ir-risponsi tal-fornituri, tal-organizzazzjonijiet tal-kummerċ u ta' entitajiet oħra interessati għas-sejħa għall-evidenza kienu, għajr xi eċċezzjonijiet, ġeneralment negattivi fir-rigward tal-limiti ta' ingranaġġ proposti. L-impatt ewlieni fuq il-fornituri tal-impożizzjoni ta' limiti fuq l-ingranaġġ kif propost kien it-tnaqqis mistenni fid-dħul. Madankollu, ħafna minnhom indikaw li – b'mod ġenerali – ma jopponux il-limiti fuq l-ingranaġġ bħala miżura ta' intervent, iżda ma jaqblux mal-limiti speċifiċi proposti. |
(93) |
Ir-rappreżentanti tal-konsumaturi kienu ġeneralment pożittivi fir-rigward tal-miżuri proposti dwar is-CFDs, inklużi l-limiti ta' ingranaġġ proposti mill-ESMA. Fi kważi nofs ir-risponsi mir-rappreżentanti tal-konsumaturi, madankollu, ġie propost li l-azzjonijiet għandha imorru lil hinn mill-miżuri proposti mill-ESMA, billi jiġu adottati miżuri aktar stretti bħal limiti aktar stetti fuq l-ingranaġġ jew projbizzjoni totali fuq il-kummerċjalizzazzjoni, id-distribuzzjoni jew il-bejgħ tas-CFDs lil klijenti mhux professjonali. |
(94) |
Il-maġġoranza l-kbira tar-risponsi minn individwi esprimiet approvazzjoni jew diżapprovazzjoni ġenerika u ħafna drabi qasira ħafna rigward il-miżuri proposti u għadd limitat ħafna biss kkwalifikaw il-kummenti tagħhom b'mod aktar sostanzjali. Maġġoranza kbira ta' dawn l-individwi kienu negattivi rigward l-limiti proposti fuq l-ingranaġġ. Fost il-ftit individwi li jappoġġjaw il-miżuri proposti mill-ESMA dwar is-CFDs, xi wħud qalu li jaħsbu li l-klijenti mhux professjonali jeħtieġu saff ulterjuri ta' protezzjoni meta jinnegozjaw f'dawn l-istrumenti. Xi wħud minnhom irreferew għall-ammont ta' telf ikkawżat minn kummerċ fis-CFDs jew ilmentaw dwar l-imġiba aggressiva ta' ċerti ditti. F'xi każi, l-investituri ddikjaraw li sfaw vittmi ta' frodi. |
(95) |
Xi wħud mir-rispondenti għas-sejħa għall-evidenza indikaw li japprezzaw jekk isir aktar irfinar fil-kategoriji użati għall-protezzjoni tal-marġni inizjali. Wieħed mir-rispondenti indika bosta strumenti sottostanti għar-riklassifikazzjoni minħabba l-volatilità tagħhom. Wara aktar analiżi kwantitattiva, l-ESMA assenjat mill-ġdid l-EuroSTOXX50 lill-klassi tal-assi ta' indiċijiet ewlenin. Barra dan, in-NASDAQ-100 żdied mal-klassi tal-assi tal-indiċijiet ewlenin. |
(96) |
Ir-riċerka eżistenti tindika li ingranaġġ iżgħar huwa assoċjat ma' titjib fir-riżultati tal-klijent, inklużi telf aktar baxx għal kull negozjar u spejjeż totali aktar baxxi fuq l-imposti tat-tranżazzjonijiet bħala funzjoni ta' volumi aktar baxxi ta' negozjar. (100) |
(97) |
B'mod partikolari, riċerka dettaljata minn Rawley Z. Heimer and Alp Simsek, li tqabbel ir-riżultati tal-klijenti qabel u wara l-applikazzjoni tal-limiti fuq l-ingranaġġ fis-suq tal-Istati Uniti tikkonkludi li l-limiti fuq l-ingranaġġ tejbu r-riżultati għall-klijenti bl-ogħla ingranaġġi bi 18-il punt perċentwali kull xahar u naqqsu t-telf tagħhom b'40 % (101). Dan l-istudju akkademiku fil-fond juri relazzjoni pożittiva bejn ingranaġġ aktar baxx u volumi ta' negozjar aktar baxxi, li kkontribwixxew għal titjib fir-riżultati tal-konsumaturi. |
(98) |
Matul is-sejħa għall-evidenza l-ESMA ma rċeviet ebda data kwantitattiva li turi li l-introduzzjoni tal-protezzjoni għall-marġni inizjali tirriżulta f'redditi aktar baxxi fuq l-investiment għall-klijenti mhux professjonali. |
(99) |
Barra minn hekk, il-ħtieġa ta' marġni inizjali minimu tindirizza wħud mir-riskji tad-distribuzzjoni relatati mas-CFDs billi tiżgura li dawk il-klijenti mhux professjonali li jistgħu jdaħħlu marġni għoli biżżejjed biss jitħallew jinnegozjaw f'dawn il-prodotti (102). |
(100) |
B'relazzjoni, il-protezzjoni tal-marġni inizjali mistennija wkoll tnaqqas il-probabbiltà li l-fornituri tas-CFDs ifittxu klijent mhux professjonali tal-massa permezz ta' kont b'daqsijiet iżgħar, appoġġjati b'ingranaġġ akbar. Dan aktarx iħeġġeġ lid-ditti jiffukaw fuq klijenti mhux professjonali sofistikati u klijenti professjonali, minflok ma jfittxu b'mod eċċessiv klijenti inqas sofistikati. Il-protezzjoni tal-marġni inizjali proposta għalhekk se tgħin biex jiġi żgurat li l-fornituri tas-CFDs jaġixxu fuq termini li jkunu fl-aħjar interessi tal-klijenti tagħhom minflok ma jfittxu li jattiraw klijenti ġodda jew li jespandu s-sehem tas-suq permezz ta' livelli ogħla ta' ingranaġġ. |
(101) |
Il-protezzjoni tal-marġni inizjali se tgħin ukoll biex jiġi indirizzat ir-riskju ta' kunflitti ta' interess potenzjali speċjalment meta l-fornituri tas-CFDs ma jkoprux in-negozjar tal-klijenti tagħhom u b'hekk jibbenefikaw direttament mit-telf imġarrab mill-klijenti, billi tnaqqas ir-riskju li d-ditti jagħmlu profitt mit-telf fin-negozjar ta' klijenti u mill-profitti mistennija min-negozjar. Din tirrifletti approċċ komuni għall-protezzjoni tal-investitur meħud minn għadd ta' ġurisdizzjonijiet internazzjonali oħra (103). |
(102) |
Il-protezzjoni tal-marġni inizjali għal kull strument sottostanti ġiet stabbilita skont il-volatilità ta' dak l-istrument sottostanti bl-użu ta' mudell ta' simulazzjoni biex tiġi evalwata l-probabbiltà li klijent jitlef 50 % tal-investiment inizjali tiegħu matul perjodu xieraq ta' parteċipazzjoni (104). Speċifikament, l-ESMA wettqet simulazzjoni kwantitattiva tad-distribuzzjoni tar-reditti li investitur f'CFD wieħed jista' jistenna li jirċievi f'livelli differenti ta' ingranaġġ. Il-punt tat-tluq tas-simulazzjoni kien ta' madwar 10 snin ta' data dwar il-prezz tas-suq ta' kuljum (fil-biċċa l-kbira tal-każi) għal diversi tipi ta' strumenti sottostanti komunement użati fis-CFDs mibjugħa lill-klijenti mhux professjonali (105). Għall-fini tal-analiżi, l-ESMA qieset CFD li jingħalaq awtomatikament jekk il-marġni jilħaq 50 % tal-valur inizjali tiegħu. Il-probabbiltà simulata li fiha jseħħ l-għeluq tiddependi mill-ingranaġġ mogħti u tiżdied fih. Metrika eżaminata kienet il-probabbiltà ta' għeluq (awtomatiku) bħala funzjoni tal-ingranaġġ. Din il-metrika tippermetti li l-limiti fuq l-ingranaġġ jiġu stabbiliti skont mudell li jkun mistenni jindirizza d-detriment fuq bażi konsistenti fuq tipi differenti ta' strumenti sottostanti. |
(103) |
L-ESMA qieset li, minħabba n-natura mhux professjonali tal-investituri u l-istatistiċi dwar id-distribuzzjonijiet tal-perjodi tal-parteċipazzjoni fis-CFDs (bl-użu ta' data miġbura mill-NCAs), kien xieraq li tiġi stabbilita protezzjoni inizjali tal-marġni billi wieħed jassumi li l-klijenti mhux professjonali jżommu assi għal mill-inqas ġurnata waħda. Biex tipprovdi punt ta' referenza konsistenti, l-ESMA imbagħad issimulat liema ingranaġġ iwassal għal marġni tal-għeluq bi probabbiltà ta' 5 %, għal assi sottostanti differenti. Il-firxa tar-riżultati fi ħdan kull klassi ta' assi mbagħad infurmat l-għażla tal-limiti fuq l-ingranaġġ. Fil-biċċa l-kbira tal-każi, il-limiti ġew stabbiliti b'mod konservattiv lejn il-punt l-iktar baxx tal-firxa. Ingħatat kunsiderazzjoni rigward kemm l-assi differenti jiġu nnegozjati b'mod wiesa'. Pereżempju, fost is-CFDs fuq il-komoditajiet, kemm iż-żejt kif ukoll id-deheb jiġu nnegozjati b'mod komuni mill-klijenti mhux professjonali, iżda s-simulazzjonijiet jindikaw li l-ingranaġġ li jimplika probabbiltà ta' 5 % ta' għeluq tal-marġni għas-CFDs fid-deheb huwa madwar id-doppju ta' dak tas-CFDs fiż-żejt. Il-limitu fuq l-ingranaġġ għas-CFDs fid-deheb huwa għalhekk differenti minn dak ta' dawk fiż-żejt u f'komoditajiet oħrajn. Id-determinazzjoni tal-protezzjoni tal-marġni inizjali b'dan il-mod, partikolarment permezz ta' pożizzjonijiet simulati li jdumu mill-inqas ġurnata waħda, tipprovdi livell konsistenti u neċessarju ta' protezzjoni għal klijenti mhux professjonali li forsi ma jimmonitorjawx b'mod attiv il-pożizzjoni tagħhom matul il-ġurnata kollha ta' negozjar jew li forsi ma jkunux kapaċi jevalwaw il-ħtieġa ta' reazzjonijiet rapidi fid-dawl tal-volatilità tas-suq tal-istrument sottostanti. Fil-każ ta' CFDs fuq l-ekwitajiet, id-data tissuġġerixxi li l-parteċipazzjonijiet ikunu tipikament itwal minn dawk ta' assi oħra, u għaldaqstant tqiesu perjodi ta' parteċipazzjoni sa 5 ijiem. |
(104) |
L-ESMA qieset approċċi alternattivi għall-kalibrazzjoni tal-protezzjoni tal-marġni inizjali. Pereżempju, alternattiva tkun li jiġi stabbilit limitu ta' ingranaġġ wieħed għas-CFDs kollha, irrispettivament mill-istrument sottostanti tagħhom. Madankollu l-ESMA qieset li jkun xieraq li tiddistingwi bejn tipi differenti ta' strumenti sottostanti, fid-dawl tad-differenzi fil-volatilità storika tal-prezzijiet bejn klassijiet differenti ta' strumenti sottostanti, minbarra d-differenzi fl-istrutturi tat-tariffi tipiċi fi ħdan il-popolazzjoni tad-ditti tas-CFDs attwali (106) u l-imġiba tipika tal-klijenti. |
(105) |
Filwaqt li l-implimentazzjoni tal-protezzjoni tal-marġni inizjali se timplika ċerti spejjeż għal dawk il-fornituri tas-CFDs li jkunu jeħtieġu jaġġustaw il-limiti fuq l-ingranaġġ disponibbli fil-mument għall-klijenti mhux professjonali, l-ESMA tistenna li dawn l-ispejjeż mhumiex se jkunu sproporzjonati apparagun mal-benefiċċji li tintroduċi protezzjoni bħal din. L-ESMA tinnota wkoll li diġà hija prattika standard għall-fornituri tas-CFDS li jimmodifikaw, bħala rutina, l-ingranaġġ offrut lill-klijenti tagħhom abbażi tal-bidliet fil-profil tar-riskju ta' ċerti assi. |
5.2. Protezzjoni tal-għeluq tal-marġni
(106) |
Miżura oħra li tipproteġi lill-klijenti mhux professjonali hija l-protezzjoni tal-għeluq tal-marġni. Din il-miżura tikkomplementa l-introduzzjoni tal-protezzjoni inizjali tal-marġni u tnaqqas ir-riskju li l-klijenti mhux professjonali jitilfu ammonti ta' fondi sinifikanti li jaqbżu l-fondi li jkunu investew f'CFD f'ċirkostanzi normali tas-suq. |
(107) |
Il-forniment ta' protezzjoni tal-għeluq tal-marġni u l-istandardizzazzjoni tal-perċentwal li fih il-fornituri tas-CFDs huma meħtieġa jagħlqu s-CFD miftuħ ta' klijent (b'50 % tal-marġni inizjali meħtieġ) huwa wkoll imfassal biex jindirizza l-applikazzjoni inkonsistenti tal-prattiki tal-għeluq tal-marġni mill-fornituri tas-CFDs. Xi NCAs osservaw li l-fornituri tas-CFDs jippermettu li l-fondi tal-klijenti tagħhom jaqgħu għal 0 – 30 % tal-marġni inizjali meħtieġ biex jinfetaħ CFD (107). Billi l-klijenti jitħallew inaqqru mill-marġni tagħhom sa viċin iż-żero, il-fornituri qed ipoġġu lill-klijenti tagħhom f'riskju li jitilfu aktar mill-fondi depożitati tagħhom b'mod partikolari waqt avveniment ta' gapping. Bil-maqlub, livell għoli wisq ta' għeluq tal-marġni jesponi lill-klijenti għal qagħda fejn ikollhom jagħlqu spiss, u dan jista' ma jkunux fl-interess tagħhom. Il-limitu ta' 50 % stabbilit fil-miżura tal-ESMA jtaffi r-riskju ta' telf sostanzjali minn klijenti mhux professjonali u għalhekk huwa proporzjonat. |
(108) |
Fis-sejħa għall-evidenza, l-ESMA ddeskriviet protezzjoni tal-għeluq tal-marġni għal kull pożizzjoni individwali. Dan l-approċċ kien maħsub biex jindirizza għadd ta' punti ta' tħassib dwar l-applikazzjoni ta' din il-miżura abbażi ta' kont ta' negozjar CFD fis-suq kurrenti. B'mod partikolari, peress li qed tiġi applikata l-protezzjoni tal-marġni inizjali bbażata fuq l-istrument sottostanti tas-CFD, l-applikazzjoni ta' regola dwar l-għeluq tal-marġni abbażi ta' kull pożizzjoni tiżgura l-applikazzjoni effettiva tal-protezzjoni tal-marġni inizjali għal kull klassi sottostanti u tiżgura limitu sod fuq l-ingranaġġ disponibbli għal kull klassi sottostanti. Raġuni oħra għal dan l-approċċ kienet l-intenzjoni li tissaħħaħ iċ-ċertezza li l-klijenti mhux professjonali jkunu jafu u jifhmu l-iskopertura tagħhom għal kull strument sottostanti individwali. L-ESMA oriġinarjament ipproponiet l-applikazzjoni ta' regola ta' għeluq tal-marġni f'50 % tal-marġni inizjali fuq il-bażi ta' kull pożizzjoni biex tipprovdi protezzjoni effettiva għall-klijenti mhux professjonali filwaqt li tnaqqas ukoll il-kumplessità tal-prodott, u biex ittejjeb il-fehim tal-klijenti mhux professjonali dwar l-iskopertura tagħhom. |
(109) |
L-ESMA qieset ir-risponsi mogħtija għas-sejħa tagħha għall-evidenza. Maġġoranza vasta tal-fornituri, tas-sensara u tal-organizzazzjonijiet tal-kummerċ li rrispondew għas-sejħa għall-evidenza elenkaw it-tħassib tagħhom dwar regola dwar l-għeluq tal-marġni fuq il-bażi ta' kull pożizzjoni. Rigward l-impatti fuq id-ditti, il-punti ewlenin imqajma kienu l-prospett ta' spejjeż sinifikanti fuq l-implimentazzjoni tal-IT u l-ispejjeż kontinwi fuq il-monitoraġġ. Bosta risponsi mid-ditti indikaw ukoll tħassib fir-rigward ta' klijenti eżistenti li huma familjari mal-għeluq fuq il-bażi ta' kull kont. Barra minn hekk, ir-rispondenti enfasizzaw li l-investituri li japplikaw strateġiji kummerċjali speċifiċi mhux se jkunu jistgħu jibqgħu jużaw dawn l-istrateġiji b'mod effettiv, peress li l-pożizzjonijiet individwali jistgħu jingħalqu f'ċertu mument jekk il-klijenti ma jkomplux idaħħlu l-marġni tagħhom għall-pożizzjoni speċifika, u b'hekk dan jirriżulta fi skopertura tas-suq mhux antiċipata fuq il-pożizzjonijiet li jkun fadal. Argument ieħor li jidentifika l-konsegwenzi negattivi potenzjali tal-għeluq tal-marġni fuq bażi ta' kull pożizzjoni kien li minħabba l-għeluq tal-pożizzjonijiet, il-klijenti jkunu meħtieġa jerġgħu jiftħu pożizzjonijiet oħrajn, u dan jista' jwassal għal spejjeż ogħla tan-negozjar. |
(110) |
Tħassib simili fir-rigward ta' konsegwenzi negattivi tal-għeluq tal-marġni għall-investituri fuq bażi ta' kull pożizzjoni ssemmew minn parti sostanzjali tar-risponsi li ngħataw minn investituri individwali għas-sejħa għall-evidenza. L-argumenti l-aktar frekwenti kienu li regola għal kull pożizzjoni timpedixxi l-użu ta' ċerti strateġiji tan-negozjar, u tkun teħtieġ li l-investituri jimmonitorjaw b'mod kontinwu l-pożizzjonijiet tagħhom peress li ma jkunux jistgħu jibqgħu jiddependu minn ċerti koperturi li jkunu qiegħdu. |
(111) |
Ħafna mir-rappreżentanti tal-konsumaturi kienu favur il-miżuri proposti jew saħansitra pproponew miżuri konsiderevolment aktar restrittivi fir-rigward tas-CFDs (bħal projbizzjoni totali tal-kummerċjalizzazzjoni, tad-distribuzzjoni jew tal-bejgħ ta' dawn l-istrumenti finanzjarji lill-klijenti mhux professjonali). |
(112) |
Fis-sejħa għall-evidenza kien hemm ukoll risponsi minn ditti li kienu favur ir-regola tal-għeluq tal-marġni għal kull pożizzjoni li ġiet proposta fis-sejħa għall-evidenza. Dawn id-ditti indikaw li diġà qed japplikaw tali approċċ u jinsabu kuntenti bir-riżultati tiegħu. |
(113) |
L-ESMA wettqet analiżi dwar ir-riżultati mistennija mill-investituri skont jekk ġietx applikata regola tal-għeluq tal-marġni għal kull pożizzjoni (CFD tingħalaq meta l-valur tagħha jaqa' taħt il-50 % tal-valur tal-marġni inizjali) jew għal kull kont ta' negozjar CFD (CFD jingħalaq meta l-valur tal-CFDs miftuħa kollha konnessi mal-kont ta' negozjar flimkien mal-fondi kollha f'dak il-kont jaqa' taħt il-50 % tal-valur tal-marġni inizjali totali għal dawk is-CFDs miftuħa kollha). B'mod partikolari, ivvalutat il-frekwenza tal-għeluq u l-impatt tal-kristallizzazzjoni tat-telf tal-klijenti għal portafoll simulat ta' pożizzjonijiet CFD taħt kull xenarju. Din l-analiżi ma stmatx eżiti numeriċi preċiżi, u dan jirrifletti li hemm firxa estremament wiesgħa ta' portafolli potenzjali differenti li investitur jista' jżomm. Minflok, l-analiżi qieset jekk xi waħda miż-żewġ bażijiet tkunx mistennija, b'mod ġenerali, li twassal għal riżultati aħjar għall-investituri. Il-konklużjoni ġenerali kienet li t-titjib fir-riżultat ta' investitur minn għeluq ta' marġni għal bażi ta' pożizzjoni jew ta' kont jiddependi mill-movimenti tal-prezzijiet tal-istrumenti sottostanti tas-CFDs fil-portafolli tal-investiment. Ir-raġuni għal dan hija li wara għeluq li jsir fuq bażi waħda iżda mhux fuq l-oħra, il-prezz tal-istrument sottostanti jista' jirkupra jew jista' jiddeterjora. |
(114) |
B'mod ġenerali, l-għeluq ikun mistenni li jiġri ftit iktar ta' spiss taħt il-bażi ta' pożizzjoni, jekk nassumu li l-portafoll tal-investitur ikun l-istess f'kull każ. Madankollu, l-għeluq mistenni jkun rari taħt kwalunkwe bażi, minħabba l-protezzjoni tal-marġni inizjali. Għall-klijenti b'pożizzjoni waħda fil-kont tal-klijent tas-CFD tagħhom, ma jkun hemm ebda differenza bejn il-bażi tal-kont u l-bażi tal-pożizzjoni. Mis-sejħa għall-evidenza, jidher ċar li hemm ħafna kontijiet ta' negozjar ta' klijenti mhux professjonali tas-CFDs li jinkludu pożizzjoni waħda biss. |
(115) |
Filwaqt li d-differenza fl-eżiti li tirriżulta mill-bażi ta' kull pożizzjoni apparagun mal-bażi għal kull kont mistennija tkun żgħira għal ħafna investituri (iżda ma tistax tiġi kkwantifikata b'mod preċiż fin-nuqqas ta' portafoll rappreżentattiv), ir-risponsi għas-sejħa għall-evidenza enfasizzaw raġunijiet addizzjonali dwar għaliex il-bażi ta' kont tista' tkun aħjar għal xi investituri. L-ewwel nett, billi tippermetti qligħ minn pożizzjoni waħda biex tikkumpensa t-telf minn oħra, il-bażi ta' kont tappoġġja portafoll varjat ta' investimenti. It-tieni nett, sa fejn l-għeluq isir inqas frekwentement fuq bażi ta' kont, inaqqas l-ambitu għall-investituri li jġarrbu l-ispejjeż li jirriżultaw minn dħul mill-ġdid fil-pożizzjonijiet. |
(116) |
Meta titqies l-analiżi ta' hawn fuq u r-risponsi għas-sejħa għall-evidenza, l-ESMA tqis li regola standardizzata dwar l-għeluq tal-marġni fuq bażi ta' kont għal 50 % tal-protezzjoni tal-marġni inizjali totali, bħala miżura individwali li għandha tittieħed flimkien mal-miżuri l-oħra deskritti f'din id-Deċiżjoni, hija aktar proporzjonata bħala protezzjoni minima li għandha tiġi applikata. B'mod partikolari, din ir-regola għandha tipprevedi l-għeluq ta' CFD wieħed jew aktar bl-aktar termini favorevoli għall-klijent mhux professjonali biex tiżgura li l-valur tal-kont ma jaqax taħt il-50 % tal-protezzjoni tal-marġni inizjali totali li jkun tħallas għad-dħul fis-CFDs attwalment miftuħa fi kwalunkwe ħin. Il-valur tal-kont għal dawn il-finijiet għandu jiġi ddeterminat mill-fondi f'dak il-kont flimkien ma' kwalunkwe profitt nett mhux realizzat minn CFDs miftuħa li jkunu konnessi ma' dak il-kont. |
(117) |
Il-protezzjoni tal-għeluq tal-marġni proposta mill-ESMA ma żżommx fornitur milli japplika regola ta' għeluq għal kull pożizzjoni għal 50 % tar-rekwiżit tal-marġni inizjali tal-pożizzjoni speċifika minflok regola ta' għeluq għal kull kont; filfatt dan jista' jnaqqas il-kumplessità għall-klijenti mhux professjonali. Barra minn hekk, bl-applikazzjoni ta' regola għall-għeluq għal kull pożizzjoni ta' 50 %, il-fornitur jissodisfa b'mod inerenti r-rekwiżit tal-għeluq fuq bażi ta' kont għax il-pożizzjonijiet singoli kollha jingħalqu skont ir-regola tal-għeluq ta' 50 %. |
5.3. Protezzjoni kontra bilanċ negattiv
(118) |
Il-protezzjoni kontra bilanċ negattiv għandha l-għan li tipproteġi lill-klijenti mhux professjonali f'ċirkostanzi ta' eċċezzjoni fejn ikun hemm bidla fil-prezz tal-istrument sottostanti li tkun kbira u għall-għarrieda biżżejjed biex tipprevjeni lill-fornitur tas-CFDs milli jagħlaq il-pożizzjoni kif meħtieġ mill-protezzjoni tal-għeluq tal-marġni, b'tali mod li l-klijent jisfa' b'valur negattiv fil-kont. Fi kliem ieħor, avvenimenti kbar fis-suq jistgħu jikkawżaw gapping, u b'hekk il-protezzjoni tal-għeluq awtomatiku tal-marġni ma titħalliex tkun effettiva. Għadd ta' NCAs (108) osservaw li, wara avvenimenti bħal dawn, il-klijenti kellhom jagħtu ħafna iktar milli kienu investew, u spiċċaw b'bilanċ negattiv fil-kont ta' negozjar fis-CFD tagħhom. |
(119) |
Il-fini tal-protezzjoni kontra bilanċ negattiv huwa li jiġi żgurat li t-telf massimu ta' investitur min-negozjar fis-CFDs, inklużi l-ispejjeż relatati kollha, jiġu limitati għall-fondi totali relatati man-negozjar fis-CFDs li jkunu fil-kont ta' negozjar CFD tal-investitur. Dan għandu jinkludi kwalunkwe fond li jkun għad irid jitħallas f'dak il-kont minħabba profitti netti mill-għeluq ta' CFDs miftuħa konnessi ma' dak il-kont. L-investitur m'għandux jidħol f'xi responsabbiltà addizzjonali marbuta man-negozjar tiegħu fis-CFDs. Kontijiet oħrajn m'għandhomx ikunu parti mill-kapital tal-investitur f'riskju. F'każ li kont tan-negozjar jinkludi wkoll strumenti finanzjarji oħra (pereżempju, UCITS jew ishma), il-fondi espliċitament iddedikati għan-negozjar fis-CFD biss, u mhux dawk iddedikati għal strumenti finanzjarji oħra, li jkunu f'riskju. |
(120) |
L-għan tal-protezzjoni kontra bilanċ negattiv huwa wkoll li jipprovdi “mekkaniżmu ta' garanzija ta' kontinġenza” f'każ ta' kondizzjonijiet estremi tas-suq. L-ESMA għamlet analiżi tal-avveniment tal-frank Svizzeru f'Jannar 2015 biex tqis l-impatt dirett tiegħu fuq l-investituri f'għadd ta' xenarji (109). Dawn ix-xenarji kienu dawn li ġejjin:
|
(121) |
Fl-evalwazzjoni ta' dawn l-għażliet, l-ESMA nnotat li l-impatt dirett fuq l-investituri li jirriżulta mill-għażliet differenti fil-każ ta' avvenimenti estremi tas-suq jeħtieġ jitkejlu apparagun mal-ispejjeż kontinwi li jirriżultaw mill-provvista ta' din il-protezzjoni. B'mod partikolari, il-fornituri tas-CFDs jaffaċċjaw spejjeż kontinwi attribwiti għal kapital addizzjonali jew koperturi, bħala parti mill-ġestjoni tar-riskji tagħhom. Xi parti minn dawn l-ispejjeż tista' tiġi mgħoddija lill-investituri nfushom fil-forma ta' firxiet ogħla jew imposti oħrajn. |
(122) |
Min-naħa l-oħra, riskju importanti ta' detriment kbir għall-konsumatur li jirriżulta fin-nuqqas ta' protezzjoni kontra bilanċ negattiv huwa l-potenzjal għal investitur li jkollu jagħti l-flus lil ditta bħala riżultat ta' kondizzjonijiet estremi tas-suq. Sitwazzjoni bħal din hija detrimentali b'mod speċjali għall-investituri mingħajr ġid likwidu konsiderevoli (110). L-ESMA ddeċidiet li tadotta protezzjoni kontra bilanċ negattiv għal kull kont ta' negozjar fis-CFDs bħala l-mod kif tindirizza dan is-sors ta' detriment kbir potenzjali filwaqt li timminimizza l-ispejjeż assoċjati mad-ditti u mal-investituri. B'mod partikolari, l-ESMA qieset li l-impożizzjoni ta' protezzjoni kontra bilanċ negattiv għal kull CFD kienet tirriskja li timponi spejjeż sproporzjonati fuq l-investituri u d-ditti. Kieku kellha tiġi introdotta protezzjoni kontra bilanċ negattiv għal kull pożizzjoni, id-ditti jkunu meħtieġa jaħfru kwalunkwe telf mill-klijent li jaqbeż il-fondi ddedikati għal dik il-pożizzjoni, inklużi l-marġni inizjali u kwalunkwe marġni addizzjonali mħallas mill-klijent. Peress li l-protezzjoni kontra bilanċ negattiv ma tippermettix il-kalkolazzjoni tal-valur nett ta' telf sinifikanti ma' pożizzjonijiet oħra fil-portafoll ta' klijent, regola għal kull pożizzjoni żżid ir-riskju tas-suq li jġorru d-ditti. Dan aktarx jirriżulta f'żieda fir-rekwiżiti kapitali għad-ditta, li l-ispejjeż tagħhom aktarx jiġu mgħoddija lill-klijenti mhux professjonali. |
(123) |
Rigward il-proposta dwar il-protezzjoni kontra bilanċ negattiv, il-maġġoranza tal-fornituri, tas-sensara u tal-organizzazzjonijiet tal-kummerċ esprimew opinjoni pożittiva. Uħud mill-fornituri talbu kjarifiki ulterjuri dwar din ir-regola. It-tħassib indikat kien relatat mal-impatt tal-miżuri fuq ir-rekwiżiti kapitali tad-ditti u mal-possibbiltà li l-klijenti jistgħu jużaw dan biex jispekulaw kontra l-fornituri billi jidħlu f'żewġ pożizzjonijiet opposti mal-istess sensar f'kontijiet differenti. Ir-rappreżentanti tal-konsumaturi kienu pożittivi fir-rigward tal-miżuri proposti, inkluż dwar il-protezzjoni kontra bilanċ negattiv. B'mod ġenerali, l-individwi li wieġbu għas-sejħa għall-evidenza u rreferew b'mod espliċitu fir-rispons tagħhom għall-proposti dwar il-protezzjoni kontra bilanċ negattiv kienu pożittivi fir-rigward ta' dawn il-proposti. |
(124) |
L-ESMA qieset l-effetti fuq il-fornituri tas-CFDs tal-provvista ta' protezzjoni kontra bilanċ negattiv kif ukoll id-detriment sostanzjali għall-klijenti mhux professjonali, li jista' jinħoloq mingħajr din il-protezzjoni. L-ESMA tqis li, akkont, il-protezzjoni kontra bilanċ negattiv fuq bażi ta' kont tindirizza t-tħassib identifikat dwar il-protezzjoni tal-investituri u hija proporzjonata. |
5.4. Twissijiet ta' riskju
(125) |
Miżura oħra għall-indirizzar tar-riskji għall-klijenti mhux professjonali fir-rigward tas-CFDs hija l-ħtieġa tal-provvista ta' twissijiet ta' riskju standard u effettivi speċifiċi għad-ditta li jinkludu informazzjoni dwar il-perċentwal tat-telf fil-kontijiet tal-klijent tal-konsumaturi. Kif intqal qabel, bosta NCAs innotaw il-kwalità baxxa tat-twissijiet ta' riskju pprovduti lill-klijenti u rrapportaw dwar fornituri tas-CFDs li spiss jonqsu milli jiddikkjaraw b'mod ċar in-natura riskjuża ħafna u kumplessa tal-prodotti. B'mod partikolari, it-twissijiet ta' riskju spiss ma jispjegawx b'mod ċar il-potenzjal ta' telf rapidu li jista' jaqbeż il-flus investiti mill-klijenti, jew il-messaġġi jiġu dilwiti mill-mod kif jiġu ppreżentati t-twissijiet jew b'dikjarazzjonijiet dwar profitti potenzjali. |
(126) |
Fit-tweġibiet tagħhom għas-sejħa għall-evidenza, kienet biss minoranza tal-fornituri u tas-sensara li opponiet l-introduzzjoni ta' twissija ta' riskju standardizzata. Xi ditti wrew li japprezzaw perċentwal ta' telf speċifiku għad-ditta minflok twissija aktar standardizzata. Ir-rappreżentanti tal-konsumaturi kienu mħallta peress li kważi nofs ir-risponsi indikaw li kienu favur miżuri aktar stretti fuq is-CFDs (pereżempju projbizzjoni). Ir-rappreżentanti tal-konsumaturi li semmew b'mod espliċitu t-twissija ta' riskju fir-risponsi tagħhom kienu pożittivi rigward il-proposta, sakemm din titqies flimkien mal-miżuri l-oħra proposti. |
(127) |
It-twissijiet ta' riskju speċifiċi għad-ditta introdotti f'din id-Deċiżjoni jipprovdu lill-klijenti mhux professjonali informazzjoni essenzjali rigward dawn il-prodotti partiolari, jiġifieri l-perċentwal tal-kontijiet tal-konsumatur li qed jitilfu l-flus meta jinnegozjaw fis-CFDs. Studju partikolari sab li twissija ta' riskju standardizzata tejbet b'mod sinifikanti l-fehim tal-klijent mhux professjonali dwar il-prodott, inkluż rigward il-possibbiltà li jitlef aktar flus milli jkun investew u l-probabbiltà li jagħmlu profitt (111). |
(128) |
Rekwiżit biex il-fornituri tas-CFDs jiddikjaraw il-perċentwal tal-kontijiet tal-klijenti mhux professjonali li jinsabu f'telf huwa mfassal biex jikkumpensa t-tendenza tal-fornituri tas-CFDs li jenfasizzaw il-profitti potenzjali iżjed milli t-telf. |
(129) |
Barra minn hekk, it-twissijiet mistennija jappoġġjaw lill-klijenti mhux professjonali biex jieħdu deċiżjoni infurmata dwar jekk ikunux iridu jipproċedu bi prodott ta' riskju għoli li aktarx jirriżulta f'telf iżjed milli fi qligħ. |
(130) |
Sabiex l-investituri jiġu avżati dwar ir-riskju ta' telf relatat mal-investiment fis-CFDs, l-ESMA tqis li kull fornitur tas-CFDs għandu jinforma lill-klijenti tiegħu dwar il-perċentwal tal-kontijiet ta' negozjar CFD ta' klijenti mhux professjonali tiegħu li jkunu tilfu l-flus matul l-aħħar 12-il xahar. Biex tiżgura li ċ-ċifra tinżamm aġġornata, dan il-kalkolu għandu jiġi aġġornat kull tliet xhur. Il-perċentwal muri għandu jkun ippreżentat b'mod sempliċi u ċar bħala parti minn twissija ta' riskju f'kull komunikazzjoni mill-fornitur. |
(131) |
Sabiex jiġi ddeterminat jekk kont tilifx il-flus, għandhom jitqiesu kemm il-profitti realizzati kif ukoll dawk mhux realizzati. Il-profitti u t-telf realizzati huma relatati mal-pożizzjonijiet CFD li jkunu ngħalqu matul il-perjodu tal-kalkolu. Il-profitti u t-telf mhux realizzati huma relatati mal-valur ta' pożizzjonijiet miftuħa fit-tmiem tal-perjodu tal-kalkolu. Sabiex tiġi pprovduta stampa sħiħa tal-perċentwal tal-kontijiet li rriżulta fi profitt jew f'telf, għandhom jitqiesu fil-kalkolu l-ispejjeż kollha relatati man-negozjar fis-CFDs. |
(132) |
Għal fornituri tas-CFDs li jkunu għadhom kif ġew stabbiliti u għall-fornituri tas-CFDs li ma kellhomx pożizzjonijiet CFD miftuħa fit-12-il xahar preċedenti, ma jkunx possibbli li jiġi kkalkulat perċentwal bħal dan matul l-aħħar 12-il xahar. Din id-Deċiżjoni tippreskrivi għal dawn id-ditti twissija ta' riskju standardizzata li tinkludi referenza għall-perċentwali misjuba mill-NCAs fl-istudji eżistenti tagħhom. |
(133) |
Kif imsemmi hawn fuq, kważi l-fornituri kollha li rrispondew għas-sejħa għall-evidenza appoġġjaw jew kienu newtrali fir-rigward tat-twissija ta' riskju standardizzata. Ir-rispondenti li kienu negattivi staqsew dwar l-effikaċja tat-twissija ta' riskju jew ma qablux mal-perċentwali misjuba mill-istudji tal-NCA. Kumment li sar bosta drabi kien li d-ditti talbu verżjoni aktar ikkondensata tat-twissija ta' riskju li tista' tintuża għall-kummerċjalizzazzjoni diġitali mid-ditti. |
(134) |
L-ESMA qieset il-possibbiltà li teħtieġ twissija ġenerika ta' riskju li tiddikjara biss ir-riskju li l-klijenti mhux professjonali jistgħu jitilfu l-flus malajr minħabba l-ingranaġġ tas-CFDs jew twissija ta' riskju aktar speċifika bbażata fuq telf medju għall-klijenti mhux professjonali bbażata fuq studji mill-NCAs. L-għażla preċedenti twarrbet minħabba li effettivament ma tiġbidx l-attenzjoni tal-klijenti mhux professjonali għar-riskju attwali, speċifiku għan-negozjar fis-CFDs. L-għażla tal-aħħar twarrbet minħabba li dawn l-istudji ma jirriflettu ebda speċifiċità (pereżempju ditta li toffri biss ċerti tipi ta' CFDs). Għalkemm kalkoli speċifiċi għad-ditta jistgħu jkunu iktar ta' piż għall-fornituri minn twissija ta' riskju ġenerika, abbażi tar-rispons mis-sejħa għall-evidenza, l-ESMA temmen li dawn huma meħtieġa biex twissi kif xieraq lill-investituri dwar ir-riskju ta' telf. |
(135) |
Riskju wieħed rikonoxxut mill-ESMA u mill-NCAs rigward il-perċentwali ta' telf speċifiċi għad-ditta huwa li dawn il-perċentwali se jintużaw għall-kummerċjalizzazzjoni minflok għall-iskop oriġinali, li huwa t-twissija ta' riskju. Għal dawn ir-raġunijiet, l-NCAs għandhom jissorveljaw li d-ditti ta' investiment ma jużawx il-perċentwali speċifiċi għad-ditta b'mod inadegwat u għandhom jeżaminaw l-applikazzjoni ta' din il-miżura. |
(136) |
F'konformità mar-rispons mis-sejħa għall-evidenza, l-ESMA tqis li approċċ aktar proporzjonat għandu wkoll jadatta t-twissija ta' riskju għat-tip ta' kanali ta' komunikazzjoni użati. Għal din ir-raġuni, din id-Deċiżjoni tippreskrivi twissija ta' riskju mqassra għal komunikazzjonijiet permezz ta' mezz mhux durabbli, bħal applikazzjonijiet ċellulari jew avviżi fuq il-midja soċjali. |
5.5. Il-projbizzjoni fuq benefiċċji monetarji u mhux monetarji
(137) |
Miżura finali li tindirizza r-riskji relatati mad-distribuzzjoni tas-CFDs lill-klijenti mhux professjonali hija projbizzjoni fuq benefiċċji monetarji (pereżempju l-hekk imsejħa “bonusijet kummerċjali”) u fuq ċerti tipi ta' benefiċċji mhux monetarji. Il-promozzjonijiet finanzjarji li joffru bonusijiet jew inċentivi oħra għan-negozjar fis-CFDs ħafna drabi jtellfu lill-klijenti mhux professjonali milli jaraw in-natura riskjuża ħafna tal-prodotti CFD. Dawn jiġbdu klijenti mhux professjonali li fin-nuqqas ta' dan ma kinux jagħżlu li jinvestu f'dawn il-prodotti. Dawn il-benefiċċji spiss ikunu kontinġenti fuq id-depożiti ta' flus mill-klijenti fil-kont jew fuq l-eżekuzzjoni ta' ċertu volum ta' negozjar. |
(138) |
Il-projbizzjoni tal-ESMA fuq il-benefiċċji madankollu ma tinkludix għodod ta' informazzjoni u ta' riċerka li jiġu pprovduti lill-klijenti mhux professjonali fir-rigward tas-CFDs (benefiċċji mhux monetarji esklużi), peress li dawn jistgħu jgħinu fit-teħid tad-deċiżjonijiet tal-klijenti. |
(139) |
Il-maġġoranza tar-risponsi mill-fornituri, mill-organizzazzjonijiet tal-kummerċ u mis-sensara kienu favur il-miżuri fir-rigward tal-inċentivazzjoni tal-klijenti. Barra dan, ir-rappreżentanti tal-konsumaturi li rreferew b'mod espliċitu għal dawn il-miżuri kienu pożittivi. Meta jitqiesu r-riskji ppreżentati lill-klijenti mhux professjonali ta' dawn il-benefiċċji, l-ESMA tqis li huwa meħtieġ u proporzjonat li tirrestrinġihom. |
5.6. Il-proporzjonalità globali
(140) |
L-ESMA laħqet il-limitu tal-effikaċja tal-istrumenti mhux vinkolanti tagħha f'dan il-qasam. F'dan il-kuntest, b'mod partikolari fir-rigward tal-governanza tal-prodotti, l-ESMA tirrikonoxxi wkoll li l-prinċipji ta' governanza tal-prodotti diġà jiffurmaw parti mill-kultura superviżorja tas-servizzi finanzjarji fl-Unjoni. F'Novembru 2013, l-Awtoritajiet Superviżorji Ewropej (“ESAs”) ħarġu Pożizzjoni Konġunta dwar “Proċessi ta' Sorveljanza u ta' Governanza ta' Prodotti tal-Manifatturi” li jistabbilixxu prinċipji ta' livell għoli applikabbli għall-proċessi ta' sorveljanza u ta' governanza ta' strumenti finanzjarji (112). Fi Frar 2014, l-ESMA ħarġet opinjoni dwar “prattiki MIFID għal ditti li jbiegħu prodotti finanzjarji kumplessi” (113) u, f'Marzu 2014, ħarġet opinjoni dwar “Prodotti Strutturati għall-Konsumatur - Prattiki tajbin għal arranġamenti ta' governanza tal-prodotti” (114). Barra minn hekk, f'Marzu 2007 daħlet fis-seħħ gwida li tistabbilixxi l-prinċipji ta' governanza tal-prodotti fir-Renju Unit (115). |
(141) |
Minkejja dawn il-prinċipji superviżorji u r-rekwiżiti regolatorji deskritti f'din id-Deċiżjoni, id-detriment fir-rigward tal-kummerċjalizzazzjoni, tad-distribuzzjoni jew tal-bejgħ tas-CFDs lill-klijenti mhux professjonali kompla jiżviluppa f'dawn l-aħħar snin. |
(142) |
Il-miżura ġenerali tal-ESMA hija meħtieġa u proporzjonata biex tindirizza t-tħassib identifikat dwar il-protezzjoni tal-investitur. B'mod ġenerali, din mistennija tnaqqas telf anormali u sinifikanti mġarrab minn klijenti mhux professjonali fuq CFDs kif ukoll itejjeb is-sensibilizzazzjoni tal-klijenti mhux professjonali dwar ir-riskji relatati ma' dawn il-prodotti. Il-benefiċċji miksuba mill-indirizzar tat-tħassib identifikat dwar il-protezzjoni tal-investituri fil-mod kif inhu propost jissuperaw il-konsegwenzi potenzjali għall-fornituri tas-CFDs, inkluż permezz tal-ispejjeż fuq l-implimentazzjoni assoċjati mal-konformità ma' dawn ir-rekwiżiti u t-tnaqqis potenzjali fid-dħul tal-fornituri tas-CFDs (permezz ta' volumi iżjed baxxi ta' negozjar, imposti iktar baxxi tat-tranżazzjonijiet mħallsa mill-klijenti u telf aktar baxx mill-klijenti). |
(143) |
Barra minn hekk, il-miżura tal-ESMA tapplika minn xahrejn wara l-pubblikazzjoni ta' din id-Deċiżjoni f' Il-Ġurnal Uffiċjali tal-Unjoni Ewropea (ĠU). Dan jimplika perjodu ta' avviż ta' xahrejn wara l-pubblikazzjoni uffiċjali li jimmira li jibbilanċja l-interess tal-klijenti mhux professjonali għal tnaqqis immedjat fid-detriment li jirriżulta min-negozjar kurrenti fis-CFDs u l-ħtieġa li jitħalla żmien biżżejjed għall-parteċipanti rilevanti tas-suq biex jorganizzaw u jibdlu l-mudell kummerċjali tagħhom b'mod ordnat. |
(144) |
Din id-Deċiżjoni tistabbilixxi rekwiżiti komuni li jimmiraw li jipprovdu livell minimu meħtieġ ta' protezzjoni lill-klijenti mhux professjonali fl-Unjoni kollha, flimkien mar-rekwiżiti eżistenti. Mhijiex maħsuba biex iżżomm lill-NCAs jew lill-fornituri tas-CFDs milli jiżguraw livell ogħla ta' protezzjoni tal-investituri, pereżempju billi japplikaw rekwiżiti ta' marġni inizjali ogħla. |
6. IL-MIŻURI MA JOĦOLQUX RISKJU TA' ARBITRAĠĠ REGOLATORJU (L-ARTIKOLU 40(3)(b) TAR-REGOLAMENT (UE) Nru 600/2014)
(145) |
Fid-dawl tan-natura tar-riskji identifikati u n-numru u t-tip ta' investituri affettwati u l-miżuri nazzjonali proposti minn għadd ta' Stati Membri, il-miżura tal-ESMA se tiżgura approċċ minimu komuni fl-Unjoni kollha. L-ESMA qieset ukoll ir-riskju li l-fornituri li bħalissa joffru s-CFDs jistgħu jippruvaw joffru prodotti b'karatteristiċi komparabbli bħal opzjonijiet, futuri, swaps u ftehimiet tar-rata forward. Ir-rispondenti għas-sejħa għall-evidenza kkonfermaw li hemm similaritajiet bejn is-CFDs u dawn il-prodotti. Għaldaqstant, filwaqt li l-evidenza tal-ESMA tirrigwarda primarjament in-negozjar fis-CFDs, l-ESMA u l-NCAs se jimmonitorjaw mill-qrib ukoll jekk tendenzi ta' distribuzzjoni ġodda bħal dawn jiżviluppawx konsegwenzi detrimentali simili għall-klijenti mhux professjonali u jkunux qed isiru sforzi bħal dawn minn fornituri tas-CFDs biex jevadu dawn il-miżuri ta' intervent u se taġixxi kif ikun meħtieġ. |
(146) |
Barra minn hekk, il-miżuri ta' intervent temporanju tal-ESMA japplikaw għall-fornituri kollha tas-CFDs u għal kwalunkwe persuna oħra li konxjament u intenzjonalment tikkontribwixxi għall-ksur tal-miżuri li jaqgħu fl-ambitu tar-Regolament (UE) Nru 600/2014. Filwaqt li l-ambitu tal-entitajiet li jaqgħu taħt l-Artikolu 40 ta' dan ir-Regolament fir-rigward ta' kumpaniji tal-ġestjoni tal-fondi fl-aħħar mill-aħħar jenħtieġ jiġi indirizzat fil-livell leġiżlattiv biex tittejjeb iċ-ċertezza legali (116), l-ESMA qieset l-ambitu għall-arbitraġġ regolatorju. L-ESMA ddeterminat li, fid-dawl tad-detriment għall-investitur muri hawn fuq, il-miżuri proposti għandhom ambitu wiesa' biżżejjed ta' applikazzjoni u għalhekk jistgħu jindirizzaw it-tħassib sinifikanti dwar il-protezzjoni tal-investituri li jirriżulta mill-kummerċjalizzazzjoni, mid-distribuzzjoni jew mill-bejgħ tas-CFDs. |
7. KONSULTAZZJONI U AVVIŻ (L-ARTIKOLU 40(3)(c) U (4) TAR-REGOLAMENT (UE) Nru 600/2014)
(147) |
Billi l-miżuri proposti jistgħu, sa ċertu punt limitat, jirrigwardaw derivattivi ta' komoditajiet agrikoli, l-ESMA kkonsultat il-korpi pubbliċi kompetenti għas-sorveljanza, għall-amministrazzjoni u għar-regolamentazzjoni ta' swieq agrikoli fiżiċi taħt ir-Regolament tal-Kunsill (KE) Nru 1234/2007 (117). L-ESMA rċeviet risponsi mingħand il-Bundesministerium für Ernährung und Landwirtschaft (il-Ġermanja), il-Ministeru tal-Agrikoltura (il-Latvja) u l-Ministeru tal-Agrikoltura u l-Forestrija (il-Finlandja). Dawn ir-rispondenti ma qajmu l-ebda oġġezzjoni għall-adozzjoni tal-miżuri proposti. |
(148) |
L-ESMA nnotifikat lill-NCAs dwar id-Deċiżjoni proposta. |
ADOTTAT DIN ID-DEĊIŻJONI:
Artikolu 1
Definizzjonijiet
Għall-finijiet ta' dan id-Deċiżjoni:
(a) |
“kuntratt għal differenzi” jew “CFD” tfisser derivattiv għajr opzjonijiet, futuri, swaps u ftehimiet tar-rata forward, li l-għan tiegħu huwa li jagħti lid-detentur skopertura twila jew qasira għal varjazzjonijiet fil-prezz, fil-livell jew fil-valur ta' strument sottostanti, irrispettivament minn jekk ikunx innegozjat f'ċentru ta' negozjar, u li għandu jiġi ssaldat fi flus kontanti jew jista' jiġi ssaldat fi flus kontanti fuq għażla ta' waħda mill-partijiet għajr minħabba inadempjenza jew avveniment ta' terminazzjoni ieħor; |
(b) |
“benefiċċju mhux monetarju eskluż” tfisser kwalunkwe benefiċċju mhux monetarju għajr, safejn dawn jirrigwardaw is-CFDs, għodod ta' informazzjoni u ta' riċerka; |
(c) |
“marġni inizjali” tfisser kwalunkwe ħlas għall-fini tad-dħul f'CFD, bl-esklużjoni tal-kummissjoni, it-tariffi tat-tranżazzjonijiet u kwalunkwe spejjeż oħra relatati; |
(d) |
“protezzjoni tal-marġni inizjali” tfisser il-marġni inizjali stabbilit bl-Anness I; |
(e) |
“protezzjoni tal-għeluq tal-marġni” tfisser l-għeluq ta' wieħed jew iktar mill-kontijiet CFD miftuħa tal-klijent mhux professjonali bl-aktar termini favorevoli għall-klijent skont l-Artikoli 24 u 27 tad-Direttiva 2014/65/UE meta s-somma tal-fondi fil-kont ta' negozjar CFD u l-profitti netti mhux realizzati tas-CFDs miftuħa kollha konnessi ma' dak il-kont jaqgħu taħt in-nofs tal-protezzjoni tal-marġni inizjali totali għal dawk is-CFDs miftuħa kollha; |
(f) |
“protezzjoni kontra bilanċ negattiv” tfisser il-limitu tar-responsabbiltà aggregata ta' klijent mhux professjonali għas-CFDs kollha konnessi ma' kont ta' negozjar CFD ma' fornitur tas-CFDs għall-fondi f'dak il-kont ta' negozjar CFD. |
Artikolu 2
Restrizzjoni temporanja fuq CFDs fir-rigward tal-klijenti mhux professjonali
Il-kummerċjalizzazzjoni, id-distribuzzjoni jew il-bejgħ lill-klijenti mhux professjonali ta' CFDs huma ristretti għal ċirkostanzi fejn mill-inqas il-kondizzjonijiet kollha li ġejjin ikunu ssodisfati:
(a) |
il-fornitur tas-CFD jeħtieġ li l-klijent mhux professjonali jħallas il-protezzjoni tal-marġni inizjali; |
(b) |
il-fornitur tas-CFD jipprovdi lill-klijent mhux professjonali l-protezzjoni tal-għeluq tal-marġni; |
(c) |
il-fornitur tas-CFD jipprovdi lill-klijent mhux professjonali l-protezzjoni kontra bilanċ negattiv; |
(d) |
il-fornitur tas-CFD ma jipprovdix direttament jew indirettament lill-klijent mhux professjonali pagament, monetarju jew benefiċċju mhux monetarju eskluż fir-rigward tal-kummerċjalizzazzjoni, tad-distribuzzjoni jew tal-bejgħ ta' CFD, għajr il-profitti realizzati minn kwalunkwe CFD ipprovdut; u |
(e) |
il-fornitur tas-CFD ma jibgħatx direttament jew indirettament komunikazzjoni lil jew jippubblika informazzjoni aċċessibbli minn klijent mhux professjonali dwar il-kummerċjalizzazzjoni, id-distribuzzjoni jew il-bejgħ ta' CFD sakemm din ma tkunx jinkludi twissija ta' riskju xierqa speċifikata minn u konformi mal-kondizzjonijiet fl-Anness II. |
Artikolu 3
Projbizzjoni tal-parteċipazzjoni f'attivitajiet ta' evitar
Għandhat jkun ipprojbita il-parteċipazzjoni, konxjament u intenzjonalment, f'attivitajiet li l-għan jew l-effett tagħhom ikun li jevadu r-rekwiżiti fl-Artikolu 2, inkluż billi jaġixxu bħala sostitut għall-fornitur tas-CFD.
Artikolu 4
Dħul fis-seħħ u applikazzjoni
Din id-Deċiżjoni tidħol fis-seħħ fil-jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Din id-Deċiżjoni għandha tapplika mill-1 ta' Awwissu 2018 għal perjodu ta' tliet xhur.
Magħmula f'Pariġi, it-22 ta' Mejju 2018.
Għall-Bord tas-Superviżuri
Steven MAIJOOR
Il-President
(1) ĠU L 331, 15.12.2010, p. 84.
(2) ĠU L 173, 12.6.2014, p. 84.
(3) ĠU L 87, 31.3.2017, p. 90.
(4) Il-Grupp Konġunt huwa magħmul minn rappreżentant tal-Kummissjoni Ċiprijotta tat-Titoli u l-Kambju (CY-CySEC), mill-NCA Ċiprijotta kif ukoll mir-rappreżentanti ta' tmien NCAs li l-ġurisdizzjonijiet tagħhom ġew affettwati mis-servizzi pprovduti mill-fornituri bbażati f'Ċipru. Il-ħidma tal-Grupp Konġunt wasslet għal pjan ta' azzjoni li għandu jiġi implimentat mis-CY-CySEC li kien jinkludi, fost affarijiet oħra, investigazzjonijiet estiżi dwar il-fornituri ta' CFD kif ukoll rieżamijiet tematiċi ta' kampjun ta' ditti awtorizzati mis-CY-CySEC.
(5) Opinjoni dwar prattiki MIFID għal ditti li jbiegħu prodotti finanzjarji kumplessi (ESMA/2014/146).
(6) Mistoqsijiet u Tweġibiet (Q&As) relatati mal-provvista ta' CFDs u ta' prodotti spekulattivi oħrajn lil klijenti mhux professjonali taħt MiFID (ESMA-35-36-794). Il-Q&As ġew aġġornati l-aħħar fil-31 ta' Marzu 2017.
(7) It-twissija għall-investituri maħruġa mill-ESMA u mill-EBA dwar “kuntratti għal differenzi (CFDs)” tat-28 ta' Frar 2013 (Disponibbli fuq: https://www.esma.europa.eu/sites/default/files/library/2015/11/2013-267.pdf); Twissija għall-investituri mill-ESMA dwar “riskji tal-investimenti fi prodotti kumplessi” tas-7 ta' Frar 2014 (Disponibbli fuq: https://www.esma.europa.eu/sites/default/files/library/2015/11/investor_warning_-_complex_products_20140207_-_en_0.pdf); Twissija għall-investituri mill-ESMA dwar “CFDs, opzjonijiet binarji u prodotti spekulattivi oħrajn” tal-25 ta' Lulju 2016 (Disponibbli fuq: https://www.esma.europa.eu/sites/default/files/library/2016-1166_warning_on_cfds_binary_options_and_other_speculative_products_0.pdf).
(8) Pereżempju, il-ħidma tal-Grupp Konġunt wasslet biex is-CY-CySEC tadotta għadd ta' miżuri ta' infurzar maħsuba biex iżidu l-konformità mid-ditti ta' investiment li joffru prodotti spekulattivi bħas-CFDs.
(9) Sejħa għall-evidenza dwar miżuri potenzjali ta' intervent fuq prodotti fuq kuntratti għal differenzi u opzjonijiet binarji lil klijenti mhux professjonali (ESMA35-43-904).
(10) L-għadd ta' rispondenti huwa inqas minn din iċ-ċifra peress li l-ESMA rċeviet ukoll (i) risponsi multipli mill-istess rispondenti (pereżempju rispons dwar kull waħda mir-restrizzjonijiet proposti fuq is-CFDs f'emails separati), u (ii) risponsi duplikati mill-istess rispondenti.
(11) Id-Direttiva 2014/65/UE tal-Parlament Ewropew u tal-Kunsill tal-15 ta' Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE (ĠU L 173, 12.6.2014, p. 349).
(12) Ara l-premessa 35.
(13) Ara l-premessa 35.
(14) Ara l-premessa 73 u 75.
(15) Is-CFDs ma jissodisfawx il-kriterji biex jitqiesu bħala strumenti finanzjarji mhux kumplessi meta jitqiesu flimkien l-Artikolu 25(4) tad-Direttiva 2014/65/UE u l-Artikolu 57 tar-Regolament Delegat tal-Kummissjoni (UE) 2017/565 tal-25 ta' April 2016 li jissupplimentaw d-Direttiva 2014/65/UE tal-Parlament Ewropew u tal-Kunsill rigward rekwiżiti organizzazzjonali u kondizzjonijiet għall-operat għal ditti ta' investiment u termini definiti għall-finijiet ta' dik id-Direttiva (ĠU L 87, 31.3.2017, p. 1).
(16) Marġni kkwotata minn fornitur tas-CFDs lil klijenti mhux professjonali tista' tinkludi valwazzjoni għall-prezzijiet tas-suq li l-fornitur jaffaċċja minn sors estern, bħal fornitur ta' likwidità.
(17) Ara wkoll l-Artikolu 19(2)(d) tar-Regolament Delegat (UE) 2017/567 u, b'mod partikolari, l-aħħar sottofattur elenkat fih, jiġifieri l-użu ta' inter alia terminoloġija li timplika livell ogħla ta' sigurtà minn dak li filfatt huwa possibbli jew probabbli.
(18) Ara pereżempju t-twissija konġunta mill-ESMA, l-EBA u l-EIOPA dwar il-muniti virtwali. Disponibbli fuq: https://www.esma.europa.eu/sites/default/files/library/esma50-164-1284_joint_esas_warning_on_virtual_currenciesl.pdf, it-twissija tal-EBA tal-2013. Disponibbli fuq: https://www.eba.europa.eu/documents/10180/598344/EBA+Warning+on+Virtual+Currencies.pdf, u ara l-paġna elettronika tal-IOSCO għal ħarsa ġenerali lejn it-twissijiet tar-regolatur dwar il-valuti virtwali u l-offerti inizjali tal-muniti. Disponibbli fuq: http://www.iosco.org/publications/?subsection=ico-statements
(19) Il-Financial Conduct Authority (UK-FCA), li hija l-NCA tar-Renju Unit, innotat livelli ta' ingranaġġ ta' 200:1 għal pożizzjonijiet b'daqsijiet iżgħar. Barra minn hekk, il-UK-FCA osservat ukoll li 200:1 huwa l-ingranaġġ tipiku f'muniti “kbar”, iżda dak 500:1 u xi kultant ogħla huwa disponibbli minn fornituri li jfittxu klijenti mhux professjonali iżgħar. L'Autorité des marchés financiers (FR-AMF), l-NCA ta' Franza, osservat ingranaġġ li jitla' sa 400:1 għall-aktar muniti akkoppjati likwidi. Is-Central Bank of Ireland (IE-CBI), l-NCA Irlandiża, osserva ingranaġġ li jitla' sa 400:1. Il-Bundesanstalt für Finanzdienstleistungsaufsicht (DE-BaFin), l-NCA Ġermaniża, enfasizzat każ partikolari fil-Ġermanja ta' ditta li toffri ingranaġġ ta' 400:1 mingħajr appell għall-marġni. Il-Commissione Nazionale per le Società e la Borsa (IT-CONSOB), l-NCA Taljana, u l-Комисията за финансов надзор (BG-FSC), l-NCA Bulgara, it-tnejn osservaw ingranaġġ li jitla' sa 500:1.
(20) Ara l-premessa 15.
(21) Madankollu, hija wkoll prattika tas-suq li l-fornituri tas-CFDs jistabbilixxu livell ta' appell għall-marġni li jkun ogħla mil-livell tal-għeluq tal-marġni u li jagħti lill-klijenti l-opportunità li jdaħħal aktar marġni biex jappoġġjaw il-kummerċ tagħhom. Il-klijent jista' jagħżel li jagħmel dan bir-riskju li jitlef aktar flus. Pereżempju, jekk fornitur jistabbilixxi l-livell tal-appell għall-marġni għal 70 % tal-marġni inizjali ta' 100, il-klijent jintalab iqiegħed aktar flus fil-kont ta' negozjar ladarba l-bilanċ jinżel għal 70 jew inqas.
(22) L-ESMA u l-NCAs ikkondividew l-informazzjoni tagħhom, inkluż permezz ta' diskussjonijiet, fuq bażi kontinwa fir-rigward tal-offerti ta' CFDs fl-Unjoni kollha.
(23) Il-Ceská národní banka (CZ-CBN), l-NCA Ċeka, osservat li l-fornituri Ċeki tas-CFDs normalment jagħlqu l-pożizzjonijiet meta l-marġni jinżel taħt il-15 %. Id-DE-BaFIN u l-BG-FSC osservaw li l-pożizzjonijiet tal-klijenti jingħalqu meta l-fondi f'kont ta' klijent jaqgħu bejn 30-50 % tal-marġni minimu. Il-Commission de Surveillance du Secteur Financier (LU-CSSF), l-NCA tal-Lussemburgu, u l-Autorité des marchés financiers (FR-AMF), l-NCA Franċiża, innotaw li l-għeluq awtomatiku stabbilit mill-fornituri tipikament ikun bejn 120-150 % tal-marġni inizjali.
(24) Is-CY-CySEC u l-UK-FCA.
(25) Pereżempju, b'ingranaġġ ta' 50:1 bidla fil-prezz ta' aktar minn 2 %.
(26) Pereżempju, l-FR-AMF, id-DE-BaFIN u l-UK-FCA.
(27) Skont id-DE-BaFin, “prodotti bħal dawn (CFDs) ġew fl-attenzjoni tal-pubbliku primarjament bħala riżultat tax-xokk tal-frank Żvizzeru fil-bidu tal-2015, meta l-Bank Nazzjonali Żvizzeru abbanduna l-limitu fuq il-valur tal-frank Svizzeru kontra l-Euro u bosta investituri tas-CFDs ġarrbu telf kbir minħabba li sussegwentement kellhom jagħmlu pagamenti addizzjonali.” Disponibbli fuq: https://www.bafin.de/SharedDocs/Veroeffentlichungen/EN/Pressemitteilung/2016/pm_161208_allgvfg_cfd_en.html
(28) Xi rispondenti għas-sejħa għall-evidenza rrapportaw li tilfu aktar minn EUR 100 000 meta nnegozjaw fis-CFDs.
(29) Ara pereżempju fejn investitur tilef EUR 280 000 b'investiment ta' EUR 2 800 biss. Disponibbli fuq: https://www.bafin.de/SharedDocs/Veroeffentlichungen/EN/Pressemitteilung/2016/pm_161208_allgvfg_cfd_en.html
(30) L-Awstrija, il-Belġju, Ċipru, ir-Repubblika Ċeka, id-Danimarka, l-Estonja, il-Finlandja, Franza, il-Ġermanja, il-Greċja, l-Irlanda, l-Italja, il-Litwanja, Malta, in-Netherlands, ir-Rumanija, Spanja, is-Slovenja u r-Renju Unit, kif ukoll in-Norveġja, il-Liechtenstein u l-Iżlanda.
(31) L-AT-FMA, il-BE-FSMA (b'miżuri nazzjonali introdotti biex jirrestrinġu dawn il-prodotti), is-CY-CySEC, is-CZ-CNB, id-DE-BaFin, id-DK- Finanstilsynet, l-EE-FSA, l-EL-HCMC, l-ES-CNMV, il-FI-FSA. Il-FR-AMF, l-IE-CBI, is-IS-FME, l-IT-CONSOB, il-LI-FMA, l-LT-Lietuvos Bankas, il-MT-MFSA, l-NL-AFM, in-NO-Finanstilsynet, il-PT-CMVM, ir-RO-ASF, is-SE-FI, l-SI-ATVP, il-UK-FCA.
(32) L-IT-CONSOB, l-IE-CBI, il-FR-AFM u s-CZ-CNB.
(33) Fl-2017, l-Ελληνική Επιτροπή Κεφαλαιαγοράς (EL-HCMC), l-NCA Griega, il-Magyar Nemzeti Bank (HU-MNB), l-NCA Ungeriża, u n-Národná Banka Slovenska (SK-NBS), l-NCA Slovakka, irrappurtaw għand l-ESMA li osservaw żieda fl-għadd ta' applikazzjonijiet għall-awtorizzazzjoni ta' fornituri tas-CFDs.
(34) Data pprovduta fl-2015 minn: il-BG-FSMA, is-CY-CySEC, is-CZ-CNB, il-FR-AMF, l-IE-CBI, l-IS-FME, il-LU-CSSF, l-NL-AFM, l-MT-MFSA, il-PT-CMVM, ir-RO-ASF, il-UK-FCA. Data pprovduta fl-2017 mingħand: is-CY-CySEC, is-CZ-CNB, l-ES-CNMV, il-FR-AMF, l-IE-CBI, il-LU-CSSF, l-NL-AFM, il-MT-MFSA, l-NO- Finanstilsynet, is-SK-NBS, il-UK-FCA.
(35) Minħabba d-dimensjoni ħafna drabi transfruntiera tal-attività tal-fornituri tal-prodotti, din iċ-ċifra tista' tinkludi klijenti minn Stati mhux taż-ŻEE. B'referenza partikolari għar-Renju Unit, l-għadd ta' kontijiet tal-klijenti ffinanzjati mis-CFD żdied minn 657 000 fl-2011 għal 1 051 000 fl-aħħar tal-2016. Madankollu, dawn iċ-ċifri ma jeskludux kontijiet tal-klijenti inattivi jew kontijiet multipli użati mill-istess klijent mhux professjonali. Iċ-ċifri pprovduti mis-CY-CySEC inġabru fuq il-bażi ta' kontijiet miftuħa minn fornituri awtorizzati mis-CY-CySEC li joffru dawn il-prodotti.
(36) Fir-rigward tar-Renju Unit, din iċ-ċifra ma tinkludix klijenti mhux mir-Renju Unit ta' fornituri awtorizzati tar-Renju Unit li fl-2016 kien stmat li jlaħħqu madwar 400 000. Għall-Istati Membri l-oħra li pprovdew id-data lill-ESMA, iċ-ċifra tista' tinkludi klijenti minn Stati mhux taż-ŻEE.
(37) Ilmenti relatati mas-CFDs waslu għand l-AT-FMA, il-BE-FSMA, il-BG-FSC, l-HR- HANFA, is-CZ-CNB, is-CY-CySEC, id-DE-Bain, id-DK-Finanstilsynet, l-EE-Finantsinspektsioon, l-EL-HCMC, l-ES-CNMV, l-FI-Finanssivalvonta, l-FR-AMF, l-IE-CBI, l-IT-CONSOB, l-LT-Lietuvos Bankas, l-MT-MFSA, l-NL-AFM, il-PL-KNF, il-PT-CMVM), l-RO-ASF, is-SE-Finansinspektionen, is-SI-ATVP, il-UK-FCA u l-NO-Finanstilsynet.
(38) Pereżempju, il-Bank Nazzjonali Ċek, il-KNF Pollakk u s-CNMV Spanjola.
(39) Disponibbli fuq: https://www.fsma.be/en/news/fsma-regulation-establishes-framework-distribution-otc-derivatives-binary-options-cfds.
(40) Disponibbli fuq: http://www.amf-france.org/en_US/Actualites/Communiques-de-presse/AMF/annee-2016.html?docId=workspace%3A%2F%2FSpacesStore%2Fad42eecc-9720-49da-82a8-2ddcb72fbf1d.
(41) Fi studju ta' 30 000 klijent li jirrappreżentaw madwar 100 % tal-klijenti mhux professjonali ta' fornituri tas-CFDs awtorizzati mis-CNMV.
(42) Ippubblikat bl-Ispanjol: http://www.cnmv.es/Portal/verDoc.axd?t=%7bf1a92bb1-5f1b-420b-b58c-122d64a1ed9a%7d.
(43) Disponibbli fuq: http://www.amf-france.org/technique/multimedia%3FdocId%3Dworkspace%253A%252F%252FSpacesStore%252F9bf2caa8-1ce4-4832-85f4-4dffcace8644%26.
(44) Disponibbli fuq: https://www.centralbank.ie/docs/default-source/publications/Consultation-Papers/cp107/consultation-paper-107.pdf?sfvrsn=4. Ara l-paġna 1 u 2.
(45) Disponibbli fuq: https://www.knf.gov.pl/o_nas/komunikaty?articleId=50315&p_id=18 (disponibbli biss bil-Pollakk).
(46) Dawk il-klijenti investew prinċipalment fis-CFDs. Din id-data tinkludi wkoll investituri li investew f'opzjonijiet binarji, li kienu jikkostitwixxu inqas minn 4 % tal-klijenti attivi fl-2017.
(47) Disponibbli fuq: https://www.fca.org.uk/publication/consultation/cp16-40.pdf. Ara paġna 23 u 35.
(48) Disponibbli fuq: https://www.fca.org.uk/publication/correspondence/dear-ceo-letter-cfd-review-findings.pdf.
(49) Dawn irrappreżentaw madwar 33 % sa 50 % tal-klijenti mhux professjonali kollha tas-CFDs li kienu attivi fin-Norveġja.
(50) Ippubblikat bin-Norveġiż: https://www.finanstilsynet.no/nyhetsarkiv/nyheter/2017/finanstilsynet-advarer-mot-handel-i-cfd/
(51) Pereżempju, abbażi tad-data ta' Thomson Reuters Lipper dwar klassijiet ta' azzjonijiet tal-univers tal-fond UCITS domiċiljati fl-UE, l-ESMA tistma li r-redditu medju annwali tal-investituri, ippeżat bl-assi, bin-nett tal-imposti u bil-frontloading u l-backloading, kien madwar 3 % tul il-perjodu 2008-2017, b'rata ta' aktar minn 5 % redditu bħala medja għall-investimenti fil-fondi ta' ekwità. Aktar dettalji dwar il-prestazzjoni u l-ispejjeż relatati mal-UCITS tal-UE jinsabu fir-Rapport tal-ESMA dwar Tendenzi, Riskji u Vulnerabilitajiet Nru 2 2017, paġni 36-44, disponibbli fuq https://www.esma.europa.eu/sites/default /files/library/esma50-165-416_trends_risks_and_vulnerabilities_no.2_2017.pdf.
(52) Sar studju mill-MT-MFSA dwar l-offerta ta' CFDs u ta' rolling spot forex lil klijenti mhux professjonali.
(53) Preċedentement l-Artikolu 19(5) tad-Direttiva 2004/39/KE tal-Parlament Ewropew u tal-Kunsill tal-21 ta' April 2004 dwar is-swieq fl-istrumenti finanzjarji li temenda d-Direttivi tal-Kunsill 85/611/KEE u 93/6/KEE u d-Direttiva 2000/12/KE tal-Parlament Ewropew u tal-Kunsill u li tħassar id-Direttiva tal-Kunsill 93/22/KEE (ĠU L 145, 30.4.2004, p. 1). L-Anness IV tad-Direttiva 2014/65/UE jipprovdi tabella ta' korrelazzjoni bejn ir-rekwiżiti tad-Direttiva 2004/39/KE u r-rekwiżiti tad-Direttiva 2014/65/UE u r-Regolament (UE) Nru 600/2014.
(54) Dan ir-riskju huwa possibbilment imkabbar bil-preġudizzju tal-fiduċja żejda li ġie osservat ħafna drabi fi studji komportamentali riċenti. Studju riċenti li ffoka fuq is-swieq forex juri li l-ingranaġġ huwa indikatur sinifikanti ta' fiduċja żejda: Forman, John H. and Horton, Joanne, Is Leverage Use a Better Indication for Overconfidence? Evidence from the Forex Market (Awwissu 30, 2017). Disponibbli fuq SSRN: https://ssrn.com/abstract=2860103. Skont studju riċenti (Li, Mingsheng u Li, Qian u Li, Yan, The Danger of Investor Overconfidence (14 ta' Novembru 2016) disponibbli fl-SSRN: https://ssrn.com/abstract=2932961) dwar l-effetti tas-sentiment tal-investituri fuq l-effiċjenza tas-suq madwar kollassi tas-suq, il-fiduċja żejda tal-investituri tfixkel l-identifikazzjoni tal-prezzijiet, iżżid ir-riskji idjosinkratiċi u xxekkel ir-reazzjonijiet għas-suq qabel kollassi tas-suq minħabba l-preġudizzji fl-informazzjoni, (Peng, Lin, Wei Xiong, 2006. Investor attention, overconfidence and category learning. Journal of Financial Economics 80, p. 563-602), kif ukoll il-preġudizzju tal-attribuzzjoni tal-investituri (Gervais, S., u T. Odean, 2001. Learning to be Overconfident. The Review of Financial Studies, 14, p. 1–27.) u r-riskju għoli tal-arbitraġġ (Benhabit, Jess, Xuewen Liu, and, Penfei Wang, 2016. Sentiments, financial markets, and macroeconomic fluctuations. Journal of Financial Economics 120, p. 420-443. Dwar l-istess suġġett, inter alia, ara wkoll: Ricciardi, Victor, Kapitolu 26: The Psychology of Speculation in the Financial Markets (1 ta' Ġunju 2017). Financial Behavior: Players, Services, Products, and Markets. H. Kent Baker, Greg Filbeck, and Victor Ricciardi, editors, p. 481-498, New York, NY: Oxford University Press, 2017.; N. Barberis and R. H. Thaler (2003), A Survey of Behavioral Finance, in M. Harris, G.M. Constantinides and R. Stultz, “Handbook of the Economics of Finance”; D. Dorn and G. Huberman (2005), Talk and action: What individual investors say and what they do; C.H. Pan and M. Statman (2010) Beyond Risk Tolerance: Regret, Overconfidence, and Other Investor Propensities, Dokument ta' Ħidma; A. Nosic u M. Weber (2010), How Risky do I invest: The Role of Risk Attitudes, Risk Perceptions and Overconfidence; N. Linciano (2010), How Cognitive Biases and Instability of Preferences in the Portfolio Choices of Retail Investors – Policy Implications of Behavioural Finance, A. Lefevre, u M. Chapman (2017), “Behavioural economics and financial consumer protection”, OECD Working Papers on Finance, Insurance and Private Pensions, Nru 42 OECD Publishing.
(55) UK-FCA, Dear CEO Letter, “Client take-on review in firms offering contract for difference (CFD) products,”2 ta' Frar 2016. Ara: https://www.fca.org.uk/publication/correspondence/dear-ceo-letter-cfd.pdf.
(56) UK-FCA, “CFD firms fail to meet our expectations on appropriateness assessments,”29 ta' Ġunju 2017. Ara: https://www.fca.org.uk/publications/multi-firm-reviews/cfd-firms-fail-expectations-appropriateness-assessments.
(57) Pereżempju, id-DE-BaFin, id-DK-Finanstilsynet, l-ES-CNMV, l-IE-CBI, il-FR-AMF, il-LU-CSSF, l-NL-AFM.
(58) Pereżempju, l-IE-CBI.
(59) Pereżempju, il-UK-FCA.
(60) Mistoqsijiet u Tweġibiet (Q&As) relatati mal-provvista ta' CFDs u ta' prodotti spekulattivi oħrajn lil klijenti mhux professjonali taħt il-MiFID (ESMA-35-36-794) kif aġġornati fil-31 ta' Marzu 2017.
(61) Pereżempju, il-BE-FSMA, l-ES-CNMV, l-FR-AMF u l-IT-CONSOB.
(62) It-Taqsima 3 tal-Mistoqsijiet u Tweġibiet (Q&As) relatati mal-provvista ta' CFDs u ta' prodotti spekulattivi oħrajn lil klijenti mhux professjonali taħt il-MiFID (ESMA-35-36-794) kif aġġornati fil-31 ta' Marzu 2017 u eżempju wieħed mill-UK-FCA.
(63) Pereżempju, l-ES-CNMV. Il-UK-FCA, is-CY-CySEC u d-DE-BaFin.
(64) B'mod partikolari, il-UK-FCA. Fil-Ġermanja ġiet introdotta leġiżlazzjoni biex tipproteġi lill-klijenti mit-telf (l-Att Amministrattiv Ġenerali DE-BaFin ippubblikat fit-8 ta' Mejju 2017. Din tipprojbixxi l-kummerċjalizzazzjoni, id-distribuzzjoni jew il-bejgħ ta' CFDs lil klijenti komsumaturi li ma jeskludux obbligi ta' ħlasijiet addizzjonali).
(65) Pereżempju, l-ES-CNMV sabet li l-klijenti normalment joperaw għal żmien qasir minħabba r-riżultati negattivi miksuba.
(66) It-Taqsima 6 tal-Mistoqsijiet u Tweġibiet (Q&As) relatati mal-forniment ta' CFDs u ma' prodotti spekulattivi oħra lil investituri fil-livell tal-konsumatur skont il-MiFID (ESMA-35-36-794) kif aġġornata fil-31 ta' Marzu 2017 tiddikjara li mhux probabbli li ditta li toffri bonus, imfassal bil-ħsieb li jinċentiva lill-klijenti mhux professjonali biex jinnegozjaw fi prodotti kumplessi u spekulattivi bħas-CFDs u rolling spot forex, tkun tista' turi li qed taġixxi b'mod onest, ġust u professjonali u fl-aħjar interessi tal-klijenti mhux professjonali tagħha.
(67) Pereżempju, l-FR-AMF, il-UK-FCA u l-ES-CNMV.
(68) Pereżempju, is-CZ-CNB, l-FR-AMF, l-HU-MNB, l-LU-CSSF u l-UK-FCA.
(69) It-Taqsima 2 tal-Mistoqsijiet u Tweġibiet (Q&As) relatati mal-provvista ta' CFDs u ta' prodotti spekulattivi oħrajn lil klijenti mhux professjonali taħt il-MiFID (ESMA-35-36-794) kif aġġornati fil-31 ta' Marzu 2017 tiddiskuti xi wħud minn dawn il-kunflitti ta' interess f'iżjed dettall.
(70) Ir-Regolament (UE) Nru 1286/2014 tal-Parlament Ewropew u tal-Kunsill tas-26 ta' Novembru 2014 dwar dokumenti bl-informazzjoni ewlenija għal prodotti aggregati ta' investiment għall-konsumaturi bbażati fuq l-assigurazzjoni (PRIIPs) (ĠU L 352, 9.12.2014, p. 1).
(71) Li qabel kien l-Artikolu 19(2) u (3) tad-Direttiva 2004/39/KE.
(72) Li qabel kien l-Artikolu 19(4) u (5) tad-Direttiva 2004/39/KE.
(73) Li qabel kien l-Artikolu 21 tad-Direttiva 2004/39/KE.
(74) L-Anness IV tad-Direttiva 2014/65/UE jipprovdi tabella ta' korrelazzjoni bejn ir-rekwiżiti tad-Direttiva 2004/39/KE u r-rekwiżiti tad-Direttiva 2014/65/UE u r-Regolament (UE) Nru 600/2014.
(75) Ir-Regolament Delegat tal-Kummissjoni (UE) 2017/653 tat-8 ta' Marzu 2017 li jissupplimenta r-Regolament (UE) Nru 1286/2014 tal-Parlament Ewropew u tal-Kunsill dwar dokumenti bl-informazzjoni ewlenija għal prodotti aggregati ta' investiment għall-konsumaturi bbażati fuq l-assigurazzjoni (PRIIPs) billi jistabbilixxi standards tekniċi regolatorji dwar il-preżentazzjoni, il-kontenut, ir-rieżami u r-reviżjoni tad-dokumenti bl-informazzjoni ewlenija u l-kondizzjonijiet biex jiġi ssodisfat ir-rekwiżit li jiġu pprovduti dawn id-dokumenti (ĠU L 100, 12.4.2017, p. 1).
(76) Pereżempju, l-IE-CBI esprimiet tħassib dwar il-kriterji użati fil-valutazzjoni tal-għarfien u tal-esperjenza għall-finijiet tal-valutazzjoni wara l-ispezzjoni tematika tagħhom (https://www.centralbank.ie/news/article/inspection-finds-75-percent-of-cfd-clients-lost-money). Barra minn hekk, data rigward id-ditti li waslet għand l-UK-FCA fil-Q1 2017 minn fornituri tas-CFDs turi li, f'xi wħud mill-ikbar fornituri tas-CFDs għall-klijenti mhux professjonali fir-Renju Unit (li jirrappreżentaw madwar 70 % tas-suq rilevanti tar-Renju Unit), madwar 50 % tal-klijenti weħlu fit-test tal-adegwatezza iżda xorta komplew jinnegozjaw wara li rċevew twissija msaħħa dwar ir-riskji. Barra minn hekk, il-UK-FCA osservat nuqqasijiet ripetuti mid-ditti fir-rigward ta' kemm kienu adegwati l-valutazzjonijiet tal-adegwatezza tagħhom u l-politiki u l-proċeduri relatati magħhom (ara hawn fuq).
(77) Il-Mistoqsijiet u Tweġibiet (Q&As) relatati mal-forniment ta' CFDs u prodotti spekulattivi oħra lil investituri mhux professjonali skont il-MiFID (ESMA35-36-794) kif aġġornati fil-31 ta' Marzu 2017.
(78) “Linji Gwida dwar ir-rekwiżiti ta' governanza tal-prodott skont MiFID II” tal-ESMA tat-2 ta' Ġunju 2017 (ESMA35-43-620)
(79) Pereżempju, London Capital Group Ltd, Dom Maklerski TMS Brokers S.A., GKFX Financial Services Limited, AxiCorp Financial Services Pty Ltd, Swissquote u anke xi risponsi kunfidenzjali rreferew b'mod espliċitu għall-ingranaġġ ta' 100:1
(80) Regolament tal-BE-FSMA li jirregola d-distribuzzjoni ta' ċerti strumenti finanzjarji derivattivi lill-klijenti.
(81) Ċiklulari tas-CY-CySEC Nru. C168, bid-data tat-30 ta' Novembru 2016.
(82) Ċiklulari tas-CY-CySEC Nru. C168, bid-data tat-30 ta' Novembru 2016.
(83) Article 72 de Loi no 2016-1691 du 9 décembre 2016 relative à la transparence, à la lutte contre la corruption et à la modernisation de la vie économique.
(84) Disponibbli fuq: http://prawo.sejm.gov.pl/isap.nsf/DocDetails.xsp?id=WDU20150000073
(85) Disponibbli fuq: http://legislacja.gov.pl/docs//2/12300403/12445426/12445427/dokument298571.pdf
(86) Disponibbli fuq: https://legislacja.rcl.gov.pl/docs//2/12300403/12445438/12445439/dokument321489.pdf.
(87) MT-MFSA: Requirements for Category 2 or Category 3 Investment Services Firms distributing or intending to distribute CFDs and/or rolling spot forex contracts under the MiFID regime, 3 ta' April 2017; disponibbli fuq: https://www.mfsa.com.mt/pages/readfile.aspx?f=/files/Announcements/Consultation/2017/20170403_Revised%20online%20forex%20policy_clean.pdf
(88) L-Att Amministrattiv Ġenerali DE-BaFin ġie ppubblikat fit-8 ta' Mejju 2017 u l-fornituri tas-CFDs kellhom jimplimentaw il-miżuri rilevanti sal-10 ta' Awwissu 2017, l-Att huwa disponibbli fuq: https://www.bafin.de/SharedDocs/Veroeffentlichungen/DE/Aufsichtsrecht/Verfuegung/vf_170508_allgvfg_cfd_wa.html;jsessionid=BEF7FF8ADA6FF31D076D4DE32FBF8025.2_cid290?nn=7846960.
(89) Il-miżuri maħsuba ġew imħabbra bil-komunikazzjoni tal-ES-CNMV “Miżuri dwar il-Kummerċjalizzazzjoni ta' CFDs u Prodotti Spekulattivi Oħra lill-Investituri Mhux Professjonali”, datata 21 ta' Marzu 2017.
(90) Dokument ta' Konsultazzjoni 107 dwar il-Protezzjoni ta' Investituri fil-Livell tal-Konsumatur fir-rigward tad-Distribuzzjoni ta' CFDs.
(91) Iċ-Ċirkolari tal-HCMC Nru 56/10.5.2017.
(92) Disponibbli fuq: https://www.finanstilsynet.no/contentassets/455795d40fe4445f88a3b71b35079c94/horingsnotat---produktintervensjon.pdf
(93) Il-Komunikazzjoni CONSOB ġiet ippubblikata fit-13 ta' Frar 2017 fil-bulettin CONSOB, disponibbli fuq: (Verżjoni Talana) http://www.consob.it/web/area-pubblica/avvisi-ai-risparmiatori/documenti/tutela/cns/2017/ct20170207.html; (Verżjoni Ingliża) http://www.consob.it/web/consob-and-its-activities/newsletter/documenti/english/en_newsletter/2017/year_23_n-05_13_february_2017.html#news2.
(94) Disponibbli fuq: https://www.fca.org.uk/news/news-stories/consumer-warning-about-risks-investing-cryptocurrency-cfds
(95) 33 % tal-ilmenti kollha li waslu għand l-AMF fl-2017 irrigwardaw lis-CFDs u l-opzjonijiet binarji.
(96) Fir-Renju Unit u f'Ċipru, fejn huma stabbiliti l-biċċa l-kbira tal-fornituri tas-CFDs, is-CY-CySEC u l-UK-FCA rrapportaw żieda fl-għadd ta' fornituri li jispeċjalizzaw fil-bejgħ ta' CFDs lil klijenti mhux professjonali fuq bażi transkonfinali minn 103 għal 138 fornitur u minn 117 sa 143 fornitur rispettivament bejn l-2016 u l-2017.
(97) L-Artikoli 34 u 35 tad-Direttiva 2014/65/UE.
(98) Aktar ma jkun għoli l-ingranaġġ, aktar ikun probabbli li l-klijent iġarrab it-telf minħabba li l-firxiet u l-imposti jiffurmaw proporzjon akbar tal-marġni inizjali. L-ingranaġġ ogħla wkoll jagħmilha aktar probabbli li klijent jitlef perċentwal partikolari mill-marġni, u dan iżid ir-riskju ta' detriment materjali għall-investitur.
(99) Should Retail Investors' Leverage Be Limited? Rawley Z. Heimer and Alp Simsek. NBER Working Paper No. 24176, maħruġa f'Diċembru 2017 u disponibbli fuq:https://papers.ssrn.com/sol3/papers.cfm?abstract_id=2150980.
(100) Ara, Heimer, Rawley, and Simsek, Alp, Should Retail Investors' Leverage Be Limited? NBER Working Paper No. 24176, maħruġa f'Diċembru 2017 u disponibbli fuq: https://papers.ssrn.com/sol3/papers.cfm?abstract_id=2150980.
(101) Should Retail Investors' Leverage Be Limited? Rawley Z. Heimer and Alp Simsek. NBER Working Paper No. 24176, maħruġa f'Diċembru 2017 u disponibbli fuq:https://papers.ssrn.com/sol3/papers.cfm?abstract_id=2150980.
(102) Bħala tali, il-protezzjoni tal-marġni inizjali għandha wkoll tnaqqas il-firxa safejn dawn il-prodotti jistgħu jiġu distribwiti lil investituri partikolarment vulnerabbli, bħal gruppi ta' klijenti bi dħul baxx.
(103) Il-limiti fuq l-ingranaġġ huma is-seħħ, pereżempju, fl-Istati Uniti, fil-Ġappun, f'Ħong Kong u f'Singapor. Il-limiti fuq l-ingranaġġ u r-rekwiżiti minimi tal-marġni huma inklużi wkoll fid-Dokument ta' Konsultazzjoni tal-IOSCO bid-data ta' Frar 2018, disponibbli fuq: http://www.iosco.org/library/pubdocs/pdf/IOSCOPD592.pdf.
(104) Intuża qafas analitiku simili mill-FCA fil-konsultazzjoni tagħha li ġiet ppubblikata f'Diċembru 2016. Disponibbli fuq: https://www.fca.org.uk/publication/consultation/cp16-40.pdf.
(105) Fil-biċċa l-kbira tal-każi, intużaw madwar 10 snin ta' data. L-eċċezzjoni kienet għal xi ekwitajiet, li għalihom id-data dwar il-prezz kienet disponibbli biss għall-perjodu li beda mill-offerta pubblika inizjali rilevanti u mill-kriptovaluti.
(106) Is-suppożizzjonijiet rigward l-ispejjeż użati kienu bbażati fuq data dwar l-ispejjeż tal-fornituri tas-CFDs. Is-suppożizzjonijiet dwar l-ispejjeż ġew varjati bħala parti mill-kontrolli tar-robustezza, li ma wasslux għal bidliet materjali fir-riżultati. Dan ma jindikax li l-firxiet, it-tariffi u l-imposti ma humiex sors ta' detriment materjali b'mod ġenerali, speċjalment f'ingranaġġ għoli. Tabilħaqq, dawn l-ispejjeż huma raġuni ewlenija li l-maġġoranza tal-klijenti mhux professjonali jitilfu l-flus u sors ta' telf sostanzjali għall-klijenti li jinnegozjaw ħafna pożizzjonijiet b'mod frekwenti. Minflok, il-kontrolli tar-robustezza sempliċement jindikaw li l-firxiet, it-tariffi u l-imposti tipiċi ma jkabbrux il-probabbiltà tal-għeluq b'mod sostanzjali taħt is-suppożizzjonijiet użati. Fl-eżerċizzju tal-immudellar ġiet simulata pożizzjoni tas-CFD waħda fil-każi kollha.
(107) Ara l-premessa 26.
(108) Pereżempju, id-DE-BaFin iddikjarat li xi investituri tilfu aktar flus milli kienu investew kaġun tad-deċiżjoni tal-Bank Nazzjonali Żvizzeru li ma jkomplix jorbot il-frank Żvizzeru mal-Euro. Disponibbli minn: https://www.bafin.de/SharedDocs/Veroeffentlichungen/EN/Aufsichtsrecht/Verfuegung/vf_170508_allgvfg_cfd_wa_en.html
(109) “Avveniment tal-frank Svizzeru” tirreferi għall-apprezzament għall-għarrieda fil-frank Svizzeru kontra l-euro, ta' madwar 15 %, fil-għodwa tal-Ħamis, 15 ta' Jannar 2015.
(110) Id-detriment ikkawżat f'sitwazzjoni bħal din kien evidenti fir-rigward tal-kollass tal-frank Svizzeru, fejn xi investituri bla ma ntebħu saru responsabbli minn għexieren ta' eluf ta' euro – somom li ma setgħux iħallsu.
(111) B'mod partikolari, qabel ma ġiet ippreżentata lilhom it-twissija ta' riskju standardizzata, 66 % tal-parteċipanti fl-istudju ddikjaraw b'mod preċiż li s-CFDs huma iktar riskjużi mill-kontijiet tat-tfaddil, mill-bonds u mill-fondi ta' investiment indiċizzat, 50 % ddikjaraw b'mod preċiż li jistgħu jitilfu aktar flus milli investew fis-CFDs, u 54 % qalu b'mod preċiż li l-biċċa l-kbira tal-klijenti jitilfu l-flus meta jużaw dawn il-prodotti. Wara li ġiet ippreżentata lilhom it-twissija ta' riskju standardizzata fuq paġna elettronika tad-ditta, l-istudju sab li 90 % tal-parteċipanti ddeskrivew b'mod preċiż il-profil tar-riskju tas-CFDs (jiġifieri li huma aktar riskjużi mill-assi deskritti hawn fuq). Għall-klijenti li b'mod mhux korrett qalu li l-investituri kollha jagħmlu l-flus, il-probabbiltà li klijent iwieġeb b'mod preċiż (billi jiddikjara li ħafna investituri jitilfu l-flus) kienet 91.5 %. Dan jindika li twissijiet ta' riskju standardizzati, inkluża d-divulgazzjoni tal-prestazzjoni tal-kont tal-klijent, jistgħu jtejbu b'mod sinifikanti l-fehim tal-klijent rigward il-prodott. Minn Mullett, T.L. & Stewart, N. (2017) The effect of risk warning content for contract for difference products. Dokument ta' Ħidma. Din il-ħidma kienet iffinanzjata minn għotja ta' riċerka pubblika iżda ġiet żviluppata f'konsultazzjoni mal-UK-FCA.
(112) Il-Pożizzjoni Konġunta dwar “Il-Proċessi ta' Sorveljanza u ta' Governanza tal-Prodotti tal-Manifatturi” (JC-2013-77).
(113) Opinjoni dwar “Prattiki MiFID għal ditti li jbiegħu prodotti kumplessi” (ESMA/2014/146. Din l-opinjoni tinkludi b'mod speċifiku referenzi għas-CFDs u għall-opzjonijiet binarji.
(114) Opinjoni dwar “Prodotti Strutturati għall-Konsumatur - Prattiki tajbin għal arranġamenti ta' governanza tal-prodotti” (ESMA/2014/332).
(115) “The Responsibilities of Providers and Distributors for the Fair Treatment of Customers” https://www.handbook.fca.org.uk/handbook/document/RPPD_FCA_20130401.pdf. Il-gwida hija marbuta mal-Prinċipji għan-Negozji tar-Renju Unit (PRIN) https://www.handbook.fca.org.uk/handbook/document/rppd/RPPD_Full_20180103.pdf.
(116) L-ESMA enfasizzat ir-riskju ta' arbitraġġ regolatorju fl-opinjoni tagħha dwar l-impatt tal-esklużjoni tal-kumpaniji tal-ġestjoni tal-fondi mill-ambitu tas-Setgħat ta' Intervent MiFIR tat-12 ta' Jannar 2017 (ESMA50-1215332076-23), fejn esprimiet tħassib dwar ir-riskju ta' arbitraġġ regolatorju u dwar it-tnaqqis potenzjali fl-effikaċja ta' miżuri futuri ta' intervent li jirriżultaw mill-esklużjoni ta' ċerti entitajiet mill-ambitu tal-miżuri rilevanti (kumpaniji tal-ġestjoni tal-UCITS u maniġers ta' fondi ta' investiment alternattivi). Il-Kummissjoni pproponiet emendi sabiex ittejjeb iċ-ċertezza legali f'dan ir-rigward billi temenda r-Regolament (UE) Nru 600/2014 (COM(2017)536/948972).
(117) Ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (ĠU L 299, 16.11.2007, p. 1).
ANNESS I
PERĊENTWALI INIZJALI TAL-MARĠNI SKONT IT-TIP TA' STRUMENT SOTTOSTANTI
(a) |
3,33 % tal-valur nozzjonali tas-CFD meta l-muniti akkoppjati sottostanti jkunu magħmula minn tnejn mill-muniti li ġejjin: id-Dollaru Amerikan, l-Ewro, il-Yen Ġappuniż, l-Isterlina, id-Dollaru Kanadiż jew il-frank Żvizzeru. |
(b) |
5 % tal-valur nozzjonali tas-CFD meta l-indiċi sottostanti, il-muniti akkoppjati jew il-komodità jkunu:
|
(c) |
10 % tal-valur nozzjonali tas-CFD meta l-komodità sottostanti jew l-indiċi ta' ekwità tkun komodità jew kwalunkwe indiċi ta' ekwità għajr dawk elenkati fil-punt(b) hawn fuq; |
(d) |
50 % tal-valur nozzjonali tas-CFD meta l-istrument sottostanti jkun kriptovaluta; jew |
(e) |
20 % tal-valur nozzjonali tas-CFD meta l-istrument sottostanti jkun:
|
ANNESS II
TWISSIJIET TA' RISKJU
TAQSIMA A
Kondizzjonijiet tat-twissija ta' riskju
1. |
It-twissija ta' riskju għandha tkun f'forma li tiżgura l-prominenza tagħha, b'tipa ta' daqs mill-inqas ugwali għad-daqs predominanti tat-tipa u fl-istess lingwa użata fil-komunikazzjoni jew fl-informazzjoni ppubblikata. |
2. |
Jekk il-komunikazzjoni jew l-informazzjoni ppubblikata tkun fuq mezz durabbli jew fuq paġna elettronika, it-twissija ta' riskju għandha tkun fil-format speċifikat fit-Taqsima B. |
3. |
Jekk il-komunikazzjoni jew l-informazzjoni ppubblikata tkun fuq mezz li ma jkunx durabbli jew mhux fuq paġna elettronika, it-twissija ta' riskju għandha tkun fil-format speċifikat fit-Taqsima C. |
4. |
It-twissija ta' riskju għandha tinkludi perċentwal aġġornat tat-telf tal-fornitur speċifiku bbażat fuq kalkolu tal-perċentwal tal-kontijiet ta' negozjar CFD ipprovduti lill-klijenti mhux professjonali mill-fornitur tas-CFD li jkun tilef il-flus. Il-kalkolu għandu jitwettaq kull tliet xhur u jkopri l-perjodu ta' 12-il xahar li jippreċedi d-data li fiha jinħadem (“il-perjodu ta' kalkolu ta' 12-il xahar”). Għall-finijiet ta' dan il-kalkolu:
|
5. |
B'deroga mill-paragrafi 2 sa 4, jekk fl-aħħar perjodu ta' kalkolu ta' 12-il xahar, fornitur tas-CFD ma jkunx ipprovda CFD miftuħ konness ma' kont ta' negozjar CFD ta' klijent mhux professjonali, dak il-fornitur tas-CFD għandu juża t-twissija standard ta' riskju speċifikata fit-Taqsimiet D u E, skont kif ikun xieraq. |
TAQSIMA B
Twissija ta' riskju speċifika għall-fornitur fuq mezz durabbli u fuq paġna elettronika
Is-CFDs huma strumenti kumplessi u jġorru riskju għoli li jitilfu l-flus malajr minħabba l-ingranaġġ. [daħħal il-perċentwal għal kull fornitur] % ta' kontijiet ta' investituri fil-livell tal-konsumatur li tilfu l-flus meta nnegozjaw fis-CFDs ma' dan il-fornitur. Għandek tikkunsidra jekk tifhimx kif jaħdmu s-CFDs u jekk tistax taffordja li tieħu r-riskju għoli li titlef flusek. |
TAQSIMA C
Twissija ta' riskju speċifika għall-fornitur imqassra
[daħħal il-perċentwal għal kull fornitur] % ta' kontijiet ta' investituri fil-livell tal-konsumatur li tilfu l-flus meta nnegozjaw fis-CFDs ma' dan il-fornitur. Għandek tikkunsidra jekk tistax taffordja li tieħu r-riskju għoli li titlef flusek. |
TAQSIMA D
Twissija ta' riskju standard fuq mezz durabbli u fuq paġna elettronika
Is-CFDs huma strumenti kumplessi u jġorru riskju għoli li jitilfu l-flus malajr minħabba l-ingranaġġ. Bejn 74–89 % tal-kontijiet ta' investituri fil-livell tal-konsumatur jitilfu l-flus meta jinnegozjaw fis-CFDs. Għandek tikkunsidra jekk tifhimx kif jaħdmu s-CFDs u jekk tistax taffordja li tieħu r-riskju għoli li titlef flusek. |
TAQSIMA E
Twissija ta' riskju standard imqassra
Bejn 74-89 % tal-kontijiet ta' investituri fil-livell tal-konsumatur jitilfu l-flus meta jinnegozjaw fis-CFDs. Għandek tikkunsidra jekk tistax taffordja li tieħu r-riskju għoli li titlef flusek. |