This document is an excerpt from the EUR-Lex website
Document 32018R2018
Commission Implementing Regulation (EU) 2018/2018 of 18 December 2018 laying down specific rules concerning the procedure to be followed in order to carry out the risk assessment of high risk plants, plant products and other objects within the meaning of Article 42(1) of Regulation (EU) 2016/2031 of the European Parliament and of the Council
Regolament ta' Implimentazzjoni tal-Kummissjoni (UE) 2018/2018 tat-18 ta' Diċembru 2018 li jistabbilixxi regoli speċifiċi rigward il-proċedura li trid tiġi segwita sabiex issir il-valutazzjoni tar-riskju ta' pjanti b'riskju għoli, il-prodotti tal-pjanti u oġġetti oħra fit-tifsira tal-Artikolu 42(1) tar-Regolament (UE) 2016/2031 tal-Parlament Ewropew u tal-Kunsill
Regolament ta' Implimentazzjoni tal-Kummissjoni (UE) 2018/2018 tat-18 ta' Diċembru 2018 li jistabbilixxi regoli speċifiċi rigward il-proċedura li trid tiġi segwita sabiex issir il-valutazzjoni tar-riskju ta' pjanti b'riskju għoli, il-prodotti tal-pjanti u oġġetti oħra fit-tifsira tal-Artikolu 42(1) tar-Regolament (UE) 2016/2031 tal-Parlament Ewropew u tal-Kunsill
C/2018/8876
ĠU L 323, 19.12.2018, p. 7–9
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
19.12.2018 |
MT |
Il-Ġurnal Uffiċjali tal-Unjoni Ewropea |
L 323/7 |
REGOLAMENT TA' IMPLIMENTAZZJONI TAL-KUMMISSJONI (UE) 2018/2018
tat-18 ta' Diċembru 2018
li jistabbilixxi regoli speċifiċi rigward il-proċedura li trid tiġi segwita sabiex issir il-valutazzjoni tar-riskju ta' pjanti b'riskju għoli, il-prodotti tal-pjanti u oġġetti oħra fit-tifsira tal-Artikolu 42(1) tar-Regolament (UE) 2016/2031 tal-Parlament Ewropew u tal-Kunsill
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/2031 tal-Parlament Ewropew u tal-Kunsill tas-26 ta' Ottubru 2016 dwar il-miżuri protettivi kontra pesti tal-pjanti, li jemenda r-Regolamenti (UE) Nru 228/2013, (UE) Nru 652/2014 u (UE) Nru 1143/2014 tal-Parlament Ewropew u tal-Kunsill u li jħassar id-Direttivi tal-Kunsill 69/464/KEE, 74/647/KEE, 93/85/KEE, 98/57/KE, 2000/29/KE, 2006/91/KE u 2007/33/KE (1), u b'mod partikolari l-Artikolu 42(6) tiegħu,
Billi:
|
(1) |
Jenħtieġ li jiġu stabbiliti regoli li jiżguraw li l-valutazzjoni tar-riskju msemmija fl-Artikolu 42(4) tar-Regolament (UE) 2016/2031 titwettaq f'perjodu ta' żmien raġonevoli u abbażi tal-ipproċessar fil-waqt tad-dossiers tekniċi. |
|
(2) |
Sabiex dik il-valutazzjoni tar-riskju titwettaq, jenħtieġ li titressaq applikazzjoni lill-Kummissjoni biss mill-Organizzazzjoni Nazzjonali għall-Protezzjoni tal-Pjanti, fis-sens tal-Konvenzjoni Internazzjonali għall-Protezzjoni tal-Pjanti, tal-pajjiż terz. Dan huwa meħtieġ biex jiġi żgurat li l-elementi kollha meħtieġa għall-valutazzjoni tar-riskju assoċjat mal-pjanti, il-prodotti tal-pjanti jew oġġetti oħra li jridu jiġu introdotti fit-territorju tal-Unjoni, huma ċertifikati mill-awtorità uffiċjali tal-pajjiż terz. Dan ikun meħtieġ għall-kredibbiltà u għall-ġustifikazzjoni tal-valutazzjoni tar-riskju bħala bażi tal-miżuri meħuda skont l-Artikolu 42(4) tar-Regolament (UE) 2016/2031. Dawn id-dispożizzjonijiet jenħtieġ li japplikaw mingħajr preġudizzju għad-dritt tal-Kummissjoni li tissottometti talbiet lill-Awtorità Ewropea dwar is-Sigurtà fl-Ikel (EFSA) li toħroġ opinjonijiet xjentifiċi skont l-Artikoli 29 u tipprovdi għajnuna xjentifika jew teknika skont l-Artikolu 31 tar-Regolament (KE) Nru 178/2002 tal-Parlament Ewopew u tal-Kunsill (2). |
|
(3) |
Id-dossier tekniku jenħtieġ ikun fih id-data dwar il-prodotti li jridu jiġu introdotti fit-territorju tal-Unjoni, kif ukoll d-data dwar l-identifikazzjoni tal-pesti li huma potenzjalment assoċjati mal-komodità fil-pajjiż esportatur, id-data dwar miżuri nazzjonali ta' mitigazzjoni fitosanitarji, spezzjonijiet u trattamenti u pproċessar tal-komodità bażika u d-dettalji ta' kuntatt tal-persuna fiżika responsabbli milli tikkomunika mal-Kummissjoni u l-EFSA. Dan it-tip ta' data hu indispensabbli sabiex titwettaq valutazzjoni tar-riskju tal-komodità u biex tiġi identifikata l-ispeċi tal-pesti li għaliha jista' jkun hemm il-ħtieġa ta' miżuri ta' mitigazzjoni fitosanitarji. |
|
(4) |
Sabiex l-EFSA jingħatawlha l-elementi neċessarji kollha biex twettaq il-valutazzjoni tar-riskju, jenħtieġ li d-dossier tekniku jkun fih l-informazzjoni speċifikata fid-dokument tal-EFSA intitolat “Information required for dossiers to support demands for import of high risk plants, plant products and other objects as foreseen in Article 42 of Regulation (UE) 2016/2031 (3)”. |
|
(5) |
Huwa xieraq li, wara li tirrikonoxxi li tkun irċeviet id-dossier tekniku, il-Kummissjoni teżamina jekk ikunx fih l-informazzjoni meħtieġa u, fejn meħtieġ, tista' titlob għal aktar informazzjoni jew kjarifiki sabiex jiġi żgurat li l-applikazzjoni jkun fiha l-elementi kollha meħtieġa u xierqa għall-valutazzjoni tar-riskju. |
|
(6) |
Jenħtieġ li jiġu stabbiliti regoli dwar it-twettiq ta' valutazzjoni tar-riskju mill-EFSA, il-komunikazzjoni tagħha mal-applikant u l-pubblikazzjoni ta' dik il-valutazzjoni, sabiex tiġi żgurata proċedura trasparenti, effiċjenti u proċess tal-valutazzjoni tar-riskju f'waqtu. |
|
(7) |
Sabiex jiġi evitat li l-iżvelar ta' ċerta informazzjoni jagħmel ħsara lill-pożizzjoni kompetittiva ta' ċerti partijiet terzi, jenħtieġ li d-dispożizzjonijiet dwar il-kunfidenzjalità tar-Regolament (KE) Nru 178/2002 japplikaw kif meħtieġ. |
|
(8) |
Għal raġunijiet ta' ċertezza legali, dan ir-Regolament jenħtieġ li japplika mill-istess data bħar-Regolament (UE) 2016/2031. |
|
(9) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Suġġett u kamp ta' applikazzjoni
Dan ir-Regolament jistabbilixxi proċeduri għall-valutazzjoni tar-riskju previsti skont l-Artikolu 42(4) tar-Regolament (UE) 2016/2031 bil-għan li jiġi żgurat li tali valutazzjoni titwettaq f'perjodu ta' żmien raġonevoli u abbażi ta' domanda għall-importazzjoni akkumpanjata mid-dossier tekniku komprensiv u soġġett għal proċess definit.
Artikolu 2
Preżentazzjoni tad-dossiers tekniċi
Dossier tekniku għat-twettiq tal-valutazzjoni tar-riskju msemmi fl-Artikolu 42(4) tar-Regolament (UE) 2016/2031, jista' jitressaq biss lill-Kummissjoni minn Organizzazzjoni Nazzjonali għall-Protezzjoni tal-Pjanti ta' pajjiż terz.
Id-dossier tekniku għandu jkun akkumpanjat minn elementi li jindikaw li teżisti domanda għall-importazzjoni fis-sens tal-Artikolu 42(5) tar-Regolament (UE) 2016/2031.
Artikolu 3
Kontenut tad-dossier tekniku
Id-dossier tekniku għandu jkun fih għal kull pjanta, prodott mill-pjanti jew oġġetti oħra kollha mill-elementi li ġejjin:
|
(a) |
l-informazzjoni dwar il-komodità, inklużi t-trattamenti u l-ipproċessar tal-komodità; |
|
(b) |
l-informazzjoni dwar l-identifikazzjoni tal-pesti li huma potenzjalment assoċjati mal-komodità fil-pajjiż tal-esportazzjoni; |
|
(c) |
l-informazzjoni dwar il-miżuri ta' mitigazzjoni fitosanitarji u spezzjonijiet; |
|
(d) |
id-dettalji ta' kuntatt tal-punt ta' kuntatt tal-Organizzazzjoni Nazzjonali għall-Protezzjoni tal-Pjanti tal-pajjiż terz responsabbli milli tikkomunika mal-Kummissjoni u l-Awtorità Ewropea dwar is-Sigurtà fl-Ikel (EFSA). |
Id-dossier tekniku għandu jkun fih ukoll l-elementi kollha msemmija fid-dokument intitolat “Information required for dossiers to support demands for import of high risk plants, plant products and other objects as foreseen in Article 42 of Regulation (UE) 2016/2031”.
L-applikant jista' jindika l-informazzjoni, li l-kxif tagħha jista' jkun ta' ħsara għall-pożizzjoni kompetittiva ta' ċerta parti terza u li għalhekk jenħtieġ li titqies bħala kunfidenzjali skont l-Artikolu 6 ta' dan ir-Regolament. Għandha tingħata ġustifikazzjoni li tista' tiġi vverifikata f'każijiet bħal dawn.
Id-dossier jitressaq f'waħda mil-lingwi uffiċjali tal-Unjoni.
Artikolu 4
Id-dossier tekniku jasal għand il-Kummissjoni u teżaminah
Il-Kummissjoni għandha tirrikonoxxi li tkun irċeviet id-dossier tekniku.
Hija għandha teżamina jekk id-dossier tekniku fihx l-informazzjoni deskritta fil-punti (a) sa (d) tal-ewwel paragrafu tal-Artikolu 3, u tista' titlob lill-applikant għal aktar informazzjoni jew kjarifiki, kif meħtieġ skont il-kontenut u s-suġġett ta' dan id-dossier tekniku.
Fejn il-Kummissjoni tikkonkludi li dawk ir-rekwiżiti ġew sodisfati, hi għandha tibgħat id-dossier tekniku lill-EFSA u tinforma lill-Istati Membri b'dan.
Artikolu 5
Twettiq u tlestija tal-valutazzjoni tar-riskju
L-EFSA għandha tivverifika li d-dossier tekniku jikkonforma mad-dokument tagħha msemmi fit-tieni paragrafu tal-Artikolu 3, u tista' titlob lill-applikant għal aktar informazzjoni jew kjarifiki, kif meħtieġ skont il-kontenut u s-suġġett tad-dossier tekniku.
Wara dik il-verifika, l-EFSA għandha tipproċedi bil-valutazzjoni tar-riskju.
Matul it-twettiq tal-valutazzjoni tar-riskju, l-EFSA tista' tikkomunika b'mod dirett mal-applikant biex titlob aktar informazzjoni jew kjarifiki.
L-EFSA għandha tgħarraf lill-Kummissjoni dwar kull komunikazzjoni mal-applikant.
L-EFSA għandha tlesti l-valutazzjoni tar-riskju f'perjodu ta' żmien raġonevoli, u tippreżentaha lill-Kummissjoni. L-EFSA għandha tippubblika l-valutazzjoni tar-riskju fil-Ġurnal tal-EFSA.
Abbażi ta' dik il-valutazzjoni tar-riskju, il-Kummissjoni għandha, skont il-ħtieġa, timmodifika l-lista tal-pjanti, prodotti tal-pjanti jew oġġetti b'riskju għoli oħra msemmija, fl-Artikolu 42(3) tar-Regolament (UE) 2016/2031 skont l-Artikolu 42(4) tar-Regolament (UE) 2016/2031.
Artikolu 6
Kunfidenzjalità
Għall-fini ta' dan ir-Regolament, id-dispożizzjonijiet stabbiliti fl-Artikolu 39 tar-Regolament (KE) Nru 178/2002 dwar il-kunfidenzjalità tal-informazzjoni sottomessa mill-applikant għandhom japplikaw kif inhu xieraq.
Artikolu 7
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-14 ta' Diċembru 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-18 ta' Diċembru 2018.
Għall-Kummissjoni
Il-President
Jean-Claude JUNCKER
(1) ĠU L 317, 23.11.2016, p. 4.
(3) European Food Safety Authority (EFSA), Dehnen-Schmutz K, Jaques Miret JA, Jeger M, Potting R, Corini A, Simone G, Kozelska S, Munoz Guajardo I, Stancanelli G u Gardi C, 2018. Information required for dossiers to support demands for import of high risk plants, plant products and other objects as foreseen in Article 42 of Regulation (UE) 2016/2031. EFSA supporting publication 2018:EN-1492, 22pp. doi:10.2903/sp.efsa.2018.1492