32018R1229

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Regolament delegat - 2018/1229 - EN - EUR-Lex

Help

Search tips

Need more search options? Use the Advanced search

Document 32018R1229

Help

Regolament Delegat tal-Kummissjoni (UE) 2018/1229 tal-25 ta' Mejju 2018 li jissupplimenta r-Regolament (UE) Nru 909/2014 tal-Parlament Ewropew u tal-Kunsill fir-rigward ta' standards tekniċi regolatorji dwar id-dixxiplina tas-saldu (Test b'rilevanza għaż-ŻEE.)

C/2018/3097

ĠU L 230, 13.9.2018, p. 1–53 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force: This act has been changed. Current consolidated version: 02/09/2024

ELI: http://data.europa.eu/eli/reg_del/2018/1229/oj

HTML

PDF

Official Journal

13.9.2018

Il-Ġurnal Uffiċjali tal-Unjoni Ewropea

L 230/1

REGOLAMENT DELEGAT TAL-KUMMISSJONI (UE) 2018/1229

tal-25 ta' Mejju 2018

li jissupplimenta r-Regolament (UE) Nru 909/2014 tal-Parlament Ewropew u tal-Kunsill fir-rigward ta' standards tekniċi regolatorji dwar id-dixxiplina tas-saldu

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 909/2014 tal-Parlament Ewropew u tal-Kunsill tat-23 ta' Lulju 2014 dwar titjib fis-saldu tat-titoli fl-Unjoni Ewropea u dwar depożitorji ċentrali tat-titoli u li jemenda d-Direttivi 98/26/KE u 2014/65/UE u r-Regolament (UE) Nru 236/2012 (1), u b'mod partikolari l-Arikolu 6(5) u l-Artikoli 7(15) tiegħu,

Billi:

(1)

Id-dispożizzjonijiet f'dan ir-Regolament huma marbuta mill-qrib, peress li jittrattaw il-miżuri għall-prevenzjoni u l-indirizzar ta' fallimenti ta' saldu u għall-promozzjoni tad-dixxiplina tas-saldu, permezz tal-monitoraġġ tal-fallimenti tas-saldu u tal-ġbir u tat-tqassim ta' penali f'kontanti għal fallimenti tas-saldu u billi jispeċifikaw id-dettalji operattivi tal-proċess tax-xiri sfurzat. Biex tiġi żgurata koerenza bejn dawk id-dispożizzjonijiet, u biex tiġi ffaċilitata perspettiva komprensiva tagħhom u aċċess kompatt għalihom mill-persuni soġġetti għall-obbligi, huwa l-każ li jiġu inklużi f'Regolament wieħed.

(2)

Fid-dawl tan-natura globali tas-swieq finanzjarji, jenħtieġ li tingħata attenzjoni xierqa lill-Prinċipji għal Infrastrutturi tas-Suq Finanzjarju li nħarġu mill-Kumitat dwar is-Sistemi tal-Pagamenti u s-Saldu u l-Organizzazzjoni Internazzjonali tal-Kummissjonijiet tat-Titoli (“Prinċipji CPSS-IOSCO”) f'April 2012 u li jservu bħala referenza globali għal rekwiżiti regolatorji għad-depożitorji ċentrali tat-titoli (“CSDs”). Jenħtieġ li jitqiesu wkoll ir-Rakkomandazzjonijiet għas-Sistemi ta' Saldu tat-Titoli, maħruġa mill-Kumitat dwar is-Sistemi tal-Pagamenti u s-Saldu u l-Organizzazzjoni Internazzjonali tal-Kummissjonijiet tat-Titoli, li jkopru l-konferma tan-negozju, iċ-ċikli tas-saldu, u s-self ta' titoli.

(3)	Sabiex tiġi żgurata applikazzjoni konsistenti tar-Regolament (UE) Nru 909/2014 u biex jiġu speċifikati t-termini tekniċi meħtieġa għall-applikazzjoni ta' dan ir-Regolament, jenħtieġ li jiġu definiti għadd ta' termini.

(4)

Id-ditti tal-investimenti jenħtieġ li jiżguraw li għandhom l-informazzjoni kollha meħtieġa dwar is-saldu fil-ħin biex jippermettu saldu effettiv u effiċjenti tat-tranżazzjonijiet. B'mod partikolari, id-ditti tal-investiment li ma jkollhomx l-informazzjoni meħtieġa dwar is-saldu jenħtieġ li jikkomunikaw mal-klijenti tagħhom sabiex jiksbu l-informazzjoni rilevanti għal saldu effiċjenti, inkluża d-data standardizzata meħtieġa għall-proċess tas-saldu.

(5)

L-ipproċessar dirett (straight-through processing - ‘STP’) għandu jkun imħeġġeġ, peress li l-użu fis-suq kollu tal-STP huwa essenzjali kemm biex jinżammu rati għoljin ta' saldu fl-istess waqt li jiżdiedu l-volumi kif ukoll biex jiġi żgurat saldu f'waqtu tan-negozju transfruntier. Barra minn hekk, kemm il-parteċipanti fis-suq diretti kif ukoll dawk indiretti jenħtieġ li jkollhom stabbilita l-awtomatizzazzjoni interna meħtieġa biex jieħdu vantaġġ sħiħ mis-soluzzjonijiet disponibbli ta' STP. F'dan ir-rigward, id-ditti tal-investiment jenħtieġ li joffru lill-klijenti professjonali tagħhom il-possibbiltà li jibagħtu d-dettalji dwar il-konfermi u l-allokazzjonijiet b'mod elettroniku, b'mod partikolari billi jużaw il-proċeduri u standards ta' komunikazzjoni miftuħa u internazzjonali sabiex jintbagħtu l-messaġġi u d-data ta' referenza. Barra minn hekk, is-CSDs jenħtieġ li jiffaċilitaw l-STP u, meta jipproċessaw l-istruzzjonijiet ta' saldu, jenħtieġ li jużaw proċessi mfassla biex jaħdmu awtomatikament fuq bażi awtomatizzata.

(6)	Is-CSDs jenħtieġ li joffru possibbiltajiet ta' tqabbil matul il-ġurnata sabiex jippromwovu s-saldu qabel id-data tas-saldu ppjanata.

(7)	Is-CSDs jenħtieġ li jesiġu li l-parteċipanti fis-sistemi ta' saldu tat-titoli tagħhom jużaw lista ta' oqsma ta' tqabbil obbligatorji għat-tqabbil ta' struzzjonijiet ta' saldu sabiex jiffaċilitaw is-saldu u jiżguraw konsistenza fost is-sistemi ta' saldu tat-titoli.

(8)	Is-CSDs jenħtieġ li jkollhom funzjonalitajiet, politiki u proċeduri tas-sistemi sodi u effiċjenti li jippermettulhom jiffaċilitaw u jinċentivaw is-saldu fid-data tas-saldu ppjanata.

(9)	Is-CSDs jenħtieġ li jipprovdu lill-parteċipanti aċċess fil-ħin reali għall-informazzjoni dwar l-istatus tal-istruzzjonijiet tas-saldu tagħhom fis-sistemi ta' saldu tat-titoli li jħaddmu sabiex iħeġġu u jinċentivaw is-saldu f'waqtu minn dawk il-parteċipanti.

(10)	Is-CSDs jenħtieġ li joffru saldu gross fil-ħin reali lill-parteċipanti fis-sistemi ta' saldu tat-titoli tagħhom, jew tal-inqas bosta possibbiltajiet ta' saldu kuljum matul kull jum ta' negozju sabiex iwettqu s-saldu finali fl-istess ġurnata.

(11)

L-obbligu tas-CSDs li jkollhom funzjonalitajiet tas-sistema jenħtieġ li jiddependi fuq l-effiċjenza tas-saldu ta' dawk is-CSDs. Għaldaqstant ċerti funzjonalitajiet tas-sistema ma jenħtieġ li ma jkunux obbligatorji jekk il-valur u r-rata tal-fallimenti tas-saldu fis-sistema ta' saldu tat-titoli mħaddma minn CSD ma jkunux jaqbżu ċerti limiti prestabbiliti.

(12)

Is-CSDs jenħtieġ li jużaw metodoloġija armonizzata sabiex jirrapportaw il-fallimenti tas-saldu lill-awtoritajiet kompetenti u lill-awtoritajiet rilevanti, biex jiġi ffaċilitat il-monitoraġġ tal-fallimenti tas-saldu. Dik il-metodoloġija jenħtieġ li tkopri lista komuni ta' entrati li jridu jiġu rrapportati kif ukoll il-frekwenza tar-rapporti li għandhom jintbagħtu. L-istruzzjonijiet tas-saldu mdaħħla fis-sistema ta' saldu tat-titoli mħaddma mis-CSDs jenħtieġ li jkunu mmonitorjati kuljum sakemm jitħallsu jew jitħassru.

(13)	Is-CSDs jenħtieġ li jistabbilixxu arranġamenti ta' ħidma mal-parteċipanti li jkollhom l-ogħla rati ta' fallimenti ta' saldu, kif ukoll ma' kontropartijiet ċentrali rilevanti (“CCPs”) u ma' ċentri ta' negozju, jekk fattibbli, sabiex jidentifikaw ir-raġunijiet ewlenin għall-fallimenti tas-saldu.

(14)

Is-CSDs jenħtieġ li jibagħtu rapporti kull xahar dwar il-fallimenti tas-saldu lill-awtoritajiet kompetenti u lill-awtoritajiet rilevanti tagħhom. L-awtoritajiet kompetenti jenħtieġ li jkunu intitolati wkoll li jitolbu informazzjoni addizzjonali dwar il-fallimenti tas-saldu jew rapportar aktar frekwenti skont il-ħtieġa biex ikunu jistgħu jwettqu l-kompiti tagħhom. L-awtoritajiet kompetenti li jagħmlu t-talba jenħtieġ li jgħaddu din l-informazzjoni addizzjonali jew dawn ir-rapporti lill-awtoritajiet rilevanti mingħajr dewmien.

(15)	Biex tiġi promossa t-trasparenza u ffaċilitata l-komparabilità tal-fallimenti tas-saldu fl-Unjoni, is-CSDs jenħtieġ li jużaw mudell wieħed għall-iżvelar tad-data dwar il-fallimenti tas-saldu lill-pubbliku inġenerali.

(16)

Biex tiġi żgurata l-applikazzjoni konsistenti tar-rekwiżiti dwar id-dixxiplina tas-saldu għas-CSDs, jenħtieġ li jiġu stabbiliti dispożizzjonijiet dettaljati dwar l-identifikazzjoni tat-tranżazzjonijiet kollha li jibqgħu ma jitħallsux wara d-data ppjanata tas-saldu, l-implimentazzjoni tal-proċess tax-xiri sfurzat fejn applikabbli, u l-applikazzjoni tal-mekkaniżmi ta' penali stabbiliti minn CSD, inkluż il-ħin tal-kalkolu u l-ġbir u t-tqassim tal-penali f'kontanti.

(17)	Ir-regoli rigward il-proċessi għall-ġbir u t-tqassim tal-penali f'kontanti għall-fallimenti tas-saldu jenħtieġ li jkunu applikati f'koerenza mar-Regolament Delegat tal-Kummissjoni (UE) 2017/389 (2).

(18)

Biex jiġi żgurat li l-penali f'kontanti għall-fallimenti tas-saldu jiġu applikati b'mod konsistenti, is-CSDs jenħtieġ li jimponu, jiġbru u jqassmu l-penali f'kontanti fuq bażi regolari u tal-inqas darba fix-xahar. Barra minn hekk, biex jiġi żgurat li l-profil tar-riskju tagħhom ma jkunx affettwat mit-tħaddim tal-mekkaniżmu tal-penali, inkluż meta l-penali ma jitħallsux kif meħtieġ mill-parteċipanti inadempjenti, is-CSDs jenħtieġ li jkunu responsabbli biss għall-impożizzjoni, il-ġbir u t-tqassim ta' dawk il-penali f'kontanti. Peress li parteċipant jista' jaġixxi wkoll bħala aġent għall-klijenti tiegħu, is-CSDs jenħtieġ li jipprovdu dettalji suffiċjenti dwar il-kalkolu tal-penali lill-parteċipanti biex dawn ikunu jistgħu jirkupraw il-penali f'kontanti mingħand il-klijenti tagħhom.

(19)

Huwa importanti li l-penali f'kontanti miġbura f'każ ta' falliment tas-saldu ma tkunx tikkostitwixxi sors ta' dħul għas-CSDs. Għaldaqstant il-penali f'kontanti jenħtieġ li titħallas f'kont separat tas-CSD, li jenħtieġ li jintuża esklussivament għall-ġbir u t-tqassim ta' dawn il-penali. Il-penali miġbura jenħtieġ li ma jintużawx sabiex jiffinanzjaw l-implimentazzjoni, iż-żamma jew it-tħaddim tal-mekkaniżmu tal-penali.

(20)

F'ċerti każijiet, tranżazzjoni tista' tkun parti minn katina ta' tranżazzjonijiet u f'dan il-każ struzzjoni ta' saldu tista' tiddependi fuq oħra u s-saldu ta' struzzjoni jista' jippermetti s-saldu ta' diversi struzzjonijiet f'dik il-katina. Għaldaqstant il-falliment ta' struzzjoni ta' saldu waħda jista' jkollu effetti mhux mixtieqa, li jirriżultaw fil-falliment ta' struzzjonijiet ta' saldu sussegwenti.

(21)

Biex jiġi limitat l-għadd ta' trasferimenti ta' kontanti, is-CSDs jenħtieġ għalhekk li, jnaqqsu l-ammont dovut lill-parteċipanti mill-ammont li għandu jitħallas minn dawk il-parteċipanti u jenħtieġ li jiżguraw li l-ammont sħiħ tal-penali f'kontanti jitqassam kif xieraq fil-katina tas-saldu lil dawk il-parteċipanti li sofrew minħabba l-falliment tas-saldu. Is-CSDs jenħtieġ li jipprovdu informazzjoni suffiċjenti lill-parteċipanti dwar il-kalkolu tal-ammonti li għandhom jirċievu biex dawk il-parteċipanti jkunu jistgħu jittrasferixxu l-ammonti dovuti lill-klijenti tagħhom, fejn xieraq.

(22)

Il-mekkaniżmu tal-penali jenħtieġ li japplika għat-tranżazzjonijiet kollha falluti, inklużi t-tranżazzjonijiet ikklerjati. Madankollu, meta l-parteċipant inadempjenti huwa CCP, il-penali ma jenħtieġ li ma tkunx dovuta minn dik is-CCP, iżda mill-membru tal-ikklerjar rilevanti li kkawża l-falliment tas-saldu. Għal dan il-għan, is-CSDs jenħtieġ li jipprovdu lis-CCPs l-informazzjoni kollha meħtieġa dwar il-falliment tas-saldu u l-kalkolu tal-penali sabiex is-CCPs ikunu jistgħu jimponu penali fuq il-membru tal-ikklerjar rilevanti u jqassmu l-ammont miġbur lill-membru tal-ikklerjar li sofra mill-falliment tas-saldu sussegwenti fuq l-istess strumenti finanzjarji.

(23)	Is-CSDs li jużaw infrastruttura tas-saldu komuni jenħtieġ li jaħdmu mill-qrib flimkien sabiex jiżguraw l-implimentazzjoni xierqa tal-mekkaniżmu tal-penali.

(24)

Il-proċess tax-xiri sfurzat għandu jiġi armonizzat biex jiġi appoġġjat suq integrat għas-saldu tat-titoli. Minħabba l-importanza li jiġu inċentivati l-azzjonijiet f'waqthom biex jiġu indirizzati l-fallimenti tas-saldu, huwa importanti li l-partijiet kollha involuti rilevanti jinżammu informati waqt il-proċess tax-xiri sfurzat.

(25)

Struzzjoni ta' saldu tista' tfalli għall-istrumenti finanzjarji kollha inklużi f'dik l-istruzzjoni, anki jekk ċerti strumenti finanzjarji jkunu disponibbli għall-konsenja fil-kont tal-parteċipant inadempjenti. L-iskop ta' proċess ta' xiri sfurzat huwa li tittejjeb l-effiċjenza tas-saldu. Biex jiġi illimitat l-għadd ta' xiri sfurzat, proċess ta' xiri sfurzat jenħtieġ li jkun soġġett għall-applikazzjoni obbligatorja ta' saldu parzjali għall-istruzzjoni ta' saldu rilevanti.

(26)

Saldu parzjali obbligatorju fl-aħħar jum ta' negozju tal-perjodu ta' estensjoni msemmi fl-Artikolu 7(3) tar-Regolament (UE) Nru 909/2014 joħloq il-bilanċ ġust bejn id-drittijiet tax-xerrej li jirċievi l-istrumenti finanzjarji mixtrija u l-ħtieġa li jitnaqqas l-għadd ta' strumenti finanzjarji soġġett għal xiri sfurzat. Għaldaqstant kull strument finanzjarju mixtri jenħtieġ li jitwassal lix-xerrej, anki jekk l-għadd ta' strumenti finanzjarji mixtrija ma jippermettix is-saldu sħiħ tal-istruzzjoni ta' saldu rilevanti.

(27)

Is-saldu parzjali obbligatorju jenħtieġ li ma japplikax għall-istruzzjonijiet ta' saldu li ġew posposti minn parteċipant, peress li l-istrumenti finanzjarji rilevanti fil-kont rispettiv jistgħu ma jkunux jappartjenu għall-klijent li għalih iddaħħlet l-istruzzjoni ta' saldu fis-sistema ta' saldu tat-titoli.

(28)

Biex tiġi żgurata l-konformità mal-obbligi stabbiliti fir-Regolament (UE) Nru 909/2014, il-partijiet kollha fil-katina tas-saldu jenħtieġ li jkollhom arranġamenti kuntrattwali mal-kontropartijiet rilevanti tagħhom li fihom l-obbligi ta' proċess ta' xiri sfurzat u li huma infurzabbli fil-ġurisdizzjonijiet rilevanti kollha.

(29)	Sabiex titjieb l-effiċjenza tas-saldu, l-ewwel jenħtieġ li dejjem jiġi vverifikat jekk proċess ta' xiri sfurzat huwiex possibbli fir-rigward tat-tranżazzjonijiet rilevanti u l-partijiet għalihom.

(30)

L-entitajiet kollha involuti fil-proċess ta' xiri sfurzat jenħtieġ li jiġu informati dwar l-istatus tal-proċess tax-xiri sfurzat f'punti ta' żmien ewlenin. L-informazzjoni jenħtieġ li tkun skambjata permezz ta' notifika biex l-entitajiet involuti jkunu avżati dwar l-istatus tal-azzjonijiet biex isaldaw it-tranżazzjoni u jieħdu aktar azzjoni skont il-ħtieġa.

(31)

Għat-tranżazzjonijiet li mhumiex ikklerjati minn CCP, sabiex jiġi stabbilit proċess ta' xiri sfurzat effiċjenti u biex jiġi evitat li partijiet oħra fil-katina tas-saldu jew parteċipanti jsiru responsabbli għall-obbligi kkuntrattati mill-membri taċ-ċentru tan-negozjar jew minn partijiet għan-negozju, u sabiex ma jiżdiedx il-profil tar-riskju tas-CSDs jew taċ-ċentri tan-negozjar, il-partijiet li oriġinarjament ikkonkludew it-tranżazzjoni rilevanti jenħtieġ li jkunu responsabbli għall-eżekuzzjoni tax-xiri sfurzat.

(32)

Fir-rigward tas-saldu ta' tranżazzjoni ta' titoli, il-parteċipanti jaġixxu f'isimhom stess jew idaħħlu struzzjonijiet ta' saldu fis-sistema ta' saldu tat-titoli mħaddma minn CSD fuq talba tal-klijenti tagħhom. Dawk il-klijenti jistgħu jkunu CCP u l-membri tal-ikklerjar tagħha, il-membri ta' ċentru tan-negozjar jew, meta t-tranżazzjoni mhijiex eżegwita f'ċentru tan-negozjar, il-partijiet għan-negozju. Għaldaqstant xiri sfurzat jenħtieġ li jsir fil-livell fejn inħolqu l-obbligi kuntrattwali għax-xiri u l-bejgħ ta' titoli.

(33)

Minħabba li l-aġent tax-xiri sfurzat jenħtieġ li jaġixxi fuq talba ta' parti li ma ġġorrx l-ispejjeż relatati mal-intervent tal-aġent tax-xiri sfurzat, l-aġent tax-xiri sfurzat jenħtieġ li jaġixxi skont l-aħjar rekwiżiti ta' eżekuzzjoni u jħares l-interessi tal-membru tal-ikklerjar inadempjenti, il-membru taċ-ċentru tan-negozjar jew il-parti għan-negozju.

(34)

Biex jitnaqqas l-għadd ta' xiri sfurzat u biex tinżamm il-likwidità tas-suq għall-istrumenti finanzjarji rilevanti, il-membru tal-ikklerjar inadempjenti, il-membru taċ-ċentru tan-negozjar inadempjenti jew il-parti għan-negozju inadempjenti, skont il-każ, jenħtieġ li jitħallew jwasslu strumenti finanzjarji lis-CCP, lill-membri taċ-ċentru tan-negozjar riċeventi jew il-partijiet għan-negozju riċeventi permezz tal-parteċipanti tagħhom sakemm jiġu informati li l-aġent tax-xiri sfurzat inħatar jew li tnieda rkant. Minn dak il-ħin, dawk il-partijiet jenħtieġ li jkunu jistgħu jieħdu sehem biss fl-irkant tal-istrumenti finanzjarji jew li jwassluhom lill-aġent tax-xiri sfurzat, soġġett għall-approvazzjoni preċedenti tiegħu, biex jiġi evitat li l-membru tal-ikklerjar riċeventi, il-membru taċ-ċentru tan-negozjar riċeventi jew il-parti għan-negozju riċeventi jirċievi l-istrumenti finanzjarji darbtejn. Meta tranżazzjoni tkun parti minn katina ta' tranżazzjonijiet u tista' tirriżulta fi struzzjonijiet ta' saldu differenti, il-partijiet involuti fil-proċess tax-xiri sfurzat jistgħu wkoll jillimitaw l-għadd ta' xiri sfurzat billi jikkoordinaw l-azzjonijiet tagħhom bejniethom, u jinformaw lis-CSD dwarhom.

(35)

It-tranżazzjonijiet li ma jiġux ikklerjati minn CCP ġeneralment ma jkunux kollateralizzati u għaldaqstant kull membru taċ-ċentru tan-negozjar jew parti għan-negozju jġorru r-riskju tal-kontroparti. Iċ-ċaqliq ta' dan ir-riskju fuq entitajiet oħrajn bħall-parteċipanti tagħhom, iġiegħel lil dawn ikopru l-esponiment tagħhom għar-riskju tal-kontroparti b'kollateral. Dan jista' jwassal għal żieda sproporzjonata tal-ispejjeż ta' saldu tat-titoli. Il-membru tal-ikklerjar inadempjenti, il-membru taċ-ċentru tan-negozjar inadempjenti jew il-parti għan-negozju inadempjenti, skont il-każ, jenħtieġ li għalhekk iġorru r-responsabbiltà tal-ħlas tal-ispejjeż tax-xiri sfurzat, l-ewwel fosthom id-differenza fil-prezz u l-kumpens f'kontanti. Meta l-membru taċ-ċentru tan-negozjar inadempjenti jew il-parti għan-negozju inadempjenti ma jikkonformawx mal-obbligu tagħhom li jħallsu dawk l-ammonti, il-parteċipant tagħhom, bħala l-parteċipant inadempjenti, jenħtieġ li, madankollu, ikopri l-ispejjeż tax-xiri sfurzat u d-differenza fil-prezz iżda mhux il-kumpens f'kontanti.

(36)

L-obbligi ta' twassil ta' strumenti finanzjarji mixtrija jew il-ħlas ta' kumpens f'kontanti jew ta' kwalunkwe differenza fil-prezz fl-istrumenti finanzjarji soġġetti għal xiri sfurzat fl-aħħar mill-aħħar jenħtieġ li jitwettqu meta s-CCP, il-membri taċ-ċentru tan-negozjar riċeventi jew il-partijiet għan-negozju riċeventi jirċievu l-istrumenti finanzjarji rilevanti permezz tal-parteċipanti tagħhom.

(37)

Meta x-xiri sfurzat ifalli u fin-nuqqas ta' komunikazzjoni espressa dwar jekk il-perjodu ta' xiri sfurzat għandux jiġi estiż fil-perjodu ta' żmien preskritt, jenħtieġ li jitħallas kumpens f'kontanti biex jiġu mħarsa l-interessi tal-partijiet u tiġi evitata kwalunkwe inċertezza li tirriżulta mix-xiri sfurzat fallut.

(38)

Biex tiġi evitata l-kumplessità u jiġu protetti s-CCP, il-membru taċ-ċentru tan-negozjar riċeventi jew il-parti għan-negozju riċeventi, l-istrumenti finanzjarji mixtrija jenħtieġ li jitwasslu lis-CCP, lill-membru taċ-ċentru tan-negozjar riċeventi jew lill-parti għan-negozju riċeventi permezz tal-parteċipant riċeventi rilevanti pjuttost milli permezz tal-parteċipant inadempjenti. L-istruzzjoni ta' saldu inizjali li tkun skattat il-proċess ta' xiri sfurzat jenħtieġ li tiġi posposta u eventwalment imħassra għall-istess raġunijiet.

(39)

Biex il-penali għall-fallimenti tas-saldu jiġu kkalkulati u applikati kif xieraq wara li jintemm il-perjodu ta' estensjoni, l-istruzzjonijiet ta' saldu rilevanti jenħtieġ li jitħassru u jiġu sostitwiti bi struzzjonijiet ta' saldu ġodda f'kull jum ta' negozju li fih is-CCPs, il-membri taċ-ċentru tan-negozjar jew il-parti għan-negozju jirċievu strumenti finanzjarji, permezz tal-parteċipanti tagħhom, minħabba t-twettiq ta' xiri sfurzat. Il-penali f'kontanti jenħtieġ li japplikaw għal kull struzzjoni ta' saldu ġdida mill-jum li jiddaħħlu fis-sistema ta' saldu tat-titoli.

(40)

Biex jiġi żgurat funzjonament bla xkiel tas-sistemi ta' saldu tat-titoli mħaddma mis-CSDs, u biex tiġi żgurata ċ-ċertezza tal-iskeda ta' żmien għall-proċess ta' xiri sfurzat u għall-ħlas tal-penali f'kontanti għall-fallimenti tas-saldu, l-istruzzjonijiet ta' saldu li jfallu jenħtieġ li jitħassru mal-konsenja tal-istrumenti finanzjarji jew, jekk ma jitwasslux, mal-ħlas tal-kumpens f'kontanti, jew mhux aktar tard mit-tieni jum ta' negozju wara n-notifika tal-ammont ta' kumpens f'kontanti dovut.

(41)

Meta l-prezz tal-istrumenti finanzjarji miftiehem waqt in-negozju jkun aktar baxx mill-prezz imħallas fl-eżekuzzjoni tax-xiri sfurzat, id-differenza fil-prezz jenħtieġ li titħallas mill-membru tal-ikklerjar, il-membru taċ-ċentru tan-negozjar jew il-parti għan-negozju inadempjenti, skont il-każ, biex jiġu mħarsa l-interessi tal-partijiet riċeventi. Meta l-prezz tal-istrumenti finanzjarji miftiehem waqt in-negozju jkun ogħla mill-prezz imħallas fl-eżekuzzjoni ta' dak ix-xiri sfurzat, l-obbligu tal-parteċipant inadempjenti msemmi fl-Artikolu 7(6) tar-Regolament (UE) Nru 909/2014 jenħtieġ li jitqies issodisfat minħabba li l-membri tal-ikklerjar, il-membri taċ-ċentru tan-negozjar jew il-partijiet għan-negozju riċeventi qegħdin effettivament iħallsu għall-istrumenti finanzjarji mixtrija.

(42)

Proċess ta' saldu effiċjenti jesiġi li l-perjodu ta' estensjoni, li jseħħ qabel it-tnedija tal-proċess ta' xiri sfurzat, jiġi adattat għat-tipi ta' assi u għal-likwidità tal-istrumenti finanzjarji. Meta s-suq għall-ishma huwa likwidu biżżejjed li jinstab faċilment, il-perjodu ta' estensjoni qabel it-tnedija tal-proċess ta' xiri sfurzat jenħtieġ li ma jkunx estiż biex il-partijiet rilevanti jkunu inċentivati jsaldaw it-tranżazzjonijiet f'waqthom. Madankollu l-ishma li ma għandhomx suq likwidu jenħtieġ li jibbenefikaw minn perjodu ta' estensjoni itwal. L-istrumenti ta' dejn jenħtieġ li ukoll jibbenefikaw minn perjodu ta' estensjoni itwal, minħabba d-dimensjoni transfruntiera akbar tagħhom u l-importanza tagħhom għall-funzjonament bla xkiel u ordnat tas-swieq finanzjarji.

(43)

Il-miżuri għall-indirizzar tal-fallimenti tas-saldu relatati max-xiri sfurzat u l-penali jistgħu jesiġu bidliet sinifikanti fis-sistema tal-IT, ittestjar tas-suq u aġġustamenti għall-arranġamenti legali bejn il-partijiet ikkonċernati, inklużi s-CSDs u parteċipanti oħrajn tas-suq. Għaldaqstant jenħtieġ li jingħata żmien suffiċjenti għall-applikazzjoni ta' dawk il-miżuri, biex jiġi żgurat li l-partijiet ikkonċernati jistgħu jissodisfaw ir-rekwiżiti meħtieġa.

(44)	Dan ir-Regolament huwa bbażat fuq l-abbozz ta' standards tekniċi regolatorji ppreżentat mill-ESMA lill-Kummissjoni Ewropea skont il-proċedura tal-Artikolu 10 tar-Regolament (UE) Nru 1095/2010 tal-Parlament Ewropew u tal-Kunsill (3).

(45)

L-ESMA wettqet konsultazzjonijiet pubbliċi miftuħa dwar l-abbozz ta' standards tekniċi regolatorji, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Ikkonċernati tat-Titoli u s-Swieq stabbilit skont l-Artikolu 37 tar-Regolament (UE) Nru 1095/2010. Fl-iżvilupp tal-abbozz ta' standards tekniċi regolatorji, l-ESMA ħadmet ukoll f'kooperazzjoni mill-qrib mal-membri tas-Sistema Ewropea ta' Banek Ċentrali,

ADOTTAT DAN IR-REGOLAMENT:

KAPITOLU I

Ġenerali

Artikolu 1

Definizzjonijiet

Għall-finijiet ta' dan ir-Regolament japplikaw id-definizzjonijiet li ġejjin:

(a)	“membru tal-ikklerjar” tfisser impriża kif definita fil-punt (14) tal-Artikolu 2 tar-Regolament (UE) Nru 648/2012 tal-Parlament Ewropew u tal-Kunsill (4);

(b)	“fond negozjat fil-borża” (ETF) tfisser fond kif definit fil-punt (46) tal-Artikolu 4(1) tad-Direttiva 2014/65/UE tal-Parlament Ewropew u tal-Kunsill (5);

(c)	“eżekuzzjoni tal-ordnijiet” tfisser “eżekuzzjoni tal-ordnijiet f'isem il-klijenti” kif definit fil-punt (5) fl-Artikolu 4(1) tad-Direttiva 2014/65/UE;

(d)	“klijent bl-imnut” tfisser klijent bl-imnut kif definit fil-punt (11) fl-Artikolu 4(1) tad-Direttiva 2014/65/UE;

(e)	“struzzjoni ta' saldu” tfisser ordni ta' trasferiment kif definit fil-punt (i) fl-Artikolu 2 tad-Direttiva 98/26/KE tal-Parlament Ewropew u tal-Kunsill (6);

(f)	“parti għan-negozju” tfisser parti li taġixxi bħala prinċipal fi tranżazzjoni ta' titoli msemmija fil-punt (c) tal-ewwel subparagrafu tal-Artikolu 7(10) tar-Regolament (UE) Nru 909/2014;

(g)	“membru ta' ċentru tan-negozjar” tfisser membru ta' ċentru tan-negozjar jew parteċipant fih.

KAPITOLU II

Miżuri għall-prevenzjoni ta' fallimenti ta' saldu

Artikolu 2

Miżuri li jirrigwardaw klijenti professjonali

1. Id-ditti tal-investiment għandhom jesiġu li l-klijenti professjonali tagħhom jibagħtulhom allokazzjonijiet bil-miktub ta' titoli jew ta' kontanti għat-tranżazzjonijiet imsemmija fl-Artikolu 5(1) tar-Regolament (UE) Nru 909/2014, filwaqt li jidentifikaw il-kontijiet li għandhom jiġu kreditati jew debitati. Dawn l-allokazzjonijiet bil-miktub għandhom jispeċifikaw dan li ġej:

(a)

wieħed minn dawn it-tipi ta' tranżazzjoni:

(i)	xiri jew bejgħ ta' titoli;

(ii)	operazzjonijiet tal-immaniġġjar tal-kollateral;

(iii)

self ta' titoli/operazzjoni ta' teħid b'self;

(iv)	tranżazzjonijiet ta' riakkwist;

(v)	tranżazzjonijiet oħrajn li jistgħu jiġu identifikati b'aktar kodiċijiet granulari tal-ISO;

(b)	in-Numru Internazzjonali għall-Identifikazzjoni tat-Titoli (ISIN) tal-istrument finanzjarju jew meta l-ISIN ma jkunx disponibbli, xi identifikatur ieħor tal-istrument finanzjarju;

(c)	il-konsenja jew il-wasla tal-istrumenti finanzjarji jew tal-kontanti;

(d)	il-valur nominali għall-istrumenti ta' dejn, u l-kwantità għal strumenti finanzjarji oħrajn;

(e)	id-data tan-negozju;

(f)	il-prezz tan-negozju tal-istrument finanzjarju;

(g)	il-munita li fiha hija espressa t-tranżazzjoni;

(h)	id-data tas-saldu tat-tranżazzjoni ppjanata;

(i)	l-ammont totali ta' kontanti li għandu jitwassal jew jasal;

(j)	l-identifikatur tal-entità fejn huma miżmuma t-titoli;

(k)	l-identifikatur tal-entità fejn huma miżmuma l-kontanti;

(l)	l-ismijiet u n-numri tal-kontijiet tat-titoli jew tal-kontanti li għandhom jiġu kreditati jew debitati.

L-allokazzjonijiet bil-miktub għandhom jinkludu kwalunkwe informazzjoni oħra meħtieġa mid-ditta tal-investiment għall-iffaċilitar tas-saldu tat-tranżazzjoni.

Id-ditti tal-investiment li jkunu rċevew konferma tal-eżekuzzjoni ta' ordni ta' tranżazzjoni magħmula minn klijent professjonali għandhom jiżguraw permezz tal-arranġamenti kuntrattwali li l-klijent professjonali jikkonferma l-aċċettazzjoni tiegħu tat-termini tat-tranżazzjoni bil-miktub fiż-żmien stabbilit fit-tieni paragrafu. Din il-konferma bil-miktub tista' tkun inkluża wkoll fl-allokazzjoni bil-miktub.

Id-ditti tal-investiment għandhom jipprovdu lill-klijenti professjonali tagħhom l-għażla li jibagħtu l-allokazzjoni bil-miktub u l-konferma bil-miktub b'mod elettroniku, permezz tal-proċeduri u standards ta' komunikazzjoni miftuħa u internazzjonali sabiex jintbagħtu l-messaġġi u d-data ta' referenza msemmija fl-Artikolu 35 tar-Regolament (UE) Nru 909/2014.

2. Il-klijenti professjonali għandhom jiżguraw li l-allokazzjonijiet bil-miktub u l-konfermi bil-miktub imsemmija fl-ewwel paragrafu jaslu għand id-ditta tal-investiment sa waħda mill-iskadenzi li ġejjin:

(a)	sal-għeluq tan-negozju fil-jum ta' negozju li fih seħħet it-tranżazzjoni fejn id-ditta tal-investiment u l-klijent professjonali rilevanti jinsabu fl-istess żona ta' ħin;

(b)

sa nofsinhar CET tal-jum ta' negozju wara dak li fih seħħet it-tranżazzjoni f'każ ta' waħda minn dawn:

(i)	hemm differenza ta' aktar minn sagħtejn bejn iż-żona ta' ħin tad-ditta tal-investiment u ż-żona ta' ħin tal-klijent professjonali rilevanti;

(ii)	l-ordnijiet ġew eżegwiti wara l-erbgħa ta' wara nofsinhar CET tal-jum ta' negozju fiż-żona ta' ħin tad-ditta tal-investiment.

Id-ditti tal-investiment għandhom jikkonfermaw il-wasla tal-allokazzjoni bil-miktub u tal-konferma bil-miktub fi żmien sagħtejn minn dik il-wasla. Meta l-allokazzjoni bil-miktub u l-konferma bil-miktub jaslu għand id-ditta tal-investiment f'inqas minn siegħa qabel tagħlaq in-negozju tagħha, dik id-ditta tal-investiment għandha tikkonferma l-wasla tal-allokazzjoni bil-miktub u tal-konferma bil-miktub fi żmien siegħa mill-bidu tan-negozju fil-jum ta' negozju sussegwenti.

3. Meta d-ditti tal-investiment jirċievu l-informazzjoni tas-saldu meħtieġa msemmija fl-ewwel paragrafu qabel l-iskadenzi msemmija fit-tieni paragrafu, jistgħu jaqblu bil-miktub mal-klijenti professjonali tagħhom li l-allokazzjonijiet bil-miktub u l-konfermi bil-miktub rilevanti ma għandhomx jintbagħtu.

4. L-ewwel, it-tieni u t-tielet paragrafi ma għandhomx japplikaw għall-klijenti professjonali li jżommu t-titoli u l-kontanti rilevanti għas-saldu fl-istess ditta tal-investiment.

Artikolu 3

Miżuri li jirrigwardaw klijenti bl-imnut

Id-ditti tal-investiment għandhom jesiġu li l-klijenti bl-imnut tagħhom jibagħtulhom l-informazzjoni rilevanti kollha dwar is-saldu għat-tranżazzjonijiet imsemmija fl-Artikolu 5(1) tar-Regolament (UE) Nru 909/2014 sa nofsinhar CET fil-jum ta' negozju wara dak li fih tkun seħħet it-tranżazzjoni fiż-żona ta' ħin tad-ditta tal-investiment, sakemm dak il-klijent ma jkunx iżomm l-istrumenti finanzjarji u l-kontanti rilevanti fl-istess ditta tal-investiment.

Artikolu 4

L-iffaċilitar u l-ipproċessar tas-saldu

1. Is-CSDs għandhom jipproċessaw l-istruzzjonijiet kollha ta' saldu fuq bażi awtomatizzata.

2. Is-CSDs li jkunu intervjenew manwalment fil-proċess ta' saldu awtomatizzat fil-mod imsemmi jew fil-punt (a) jew fil-punt (b) tat-tielet paragrafu għandhom jinnotifikaw lill-awtorità kompetenti r-raġuni għal dak l-intervent fi żmien 30 jum minn meta jseħħ, sakemm l-istess raġuni ma tkunx ġiet innotifikata diġà għal interventi preċedenti.

3. Intervent manwali fil-proċess ta' saldu awtomatizzat għandu jseħħ f'dawn iċ-ċirkustanzi li ġejjin:

(a)	meta t-trażmissjoni ta' struzzjoni ta' saldu li tkun waslet fis-sistema ta' saldu tat-titoli tkun ġiet ittardjata jew modifikata jew meta dik l-istruzzjoni ta' saldu nfisha ġiet modifikata barra mill-proċeduri awtomatizzati.

(b)	meta jseħħ intervent barra mill-proċeduri awtomatizzati, inkluż l-immaniġġjar ta' inċidenti tal-IT, fl-ipproċessar ta' struzzjonijiet ta' saldu riċevuti fil-magna tas-saldu.

4. L-awtoritajiet kompetenti jistgħu jinfurmaw lis-CSDs fi kwalunkwe ħin li raġuni partikulari ma tiġġustifikax interventi manwali fil-proċess tas-saldu awtomatizzat. Is-CSDs ma jistgħux jintervjenu b'mod manwali fil-proċess tas-saldu awtomatizzat minn hawn 'il quddiem abbażi ta' din ir-raġuni.

Artikolu 5

It-tqabbil u l-mili ta' struzzjonijiet ta' saldu

1. Is-CSDs għandhom jipprovdu lill-parteċipanti funzjonalità li tappoġġja t-tqabbil kompletament awtomatizzat, kontinwu u fil-ħin reali ta' struzzjonijiet ta' saldu matul kull jum ta' negozju.

2. Is-CSDs għandhom jesiġu li l-parteċipanti jqabblu l-istruzzjonijiet ta' saldu tagħhom permezz tal-funzjonalità msemmija fl-ewwel paragrafu qabel isaldawhom, ħlief fiċ-ċirkustanzi li ġejjin:

(a)	meta s-CSD ikun aċċetta li l-istruzzjonijiet tas-saldu diġà ġew imqabbla miċ-ċentri tan-negozju, minn CCPs jew entitajiet oħrajn;

(b)	meta s-CSD innifsu jkun qabbel l-istruzzjonijiet tas-saldu;

(c)

fil-każ ta' struzzjonijiet ta' saldu mingħajr ħlas (free of payment - “FoP”), imsemmija fil-punt (g)(i) fl-Artikolu 13(1), li jikkonsistu f'ordnijiet għal trasferimenti ta' strumenti finanzjarji bejn kontijiet differenti miftuħa f'isem l-istess parteċipant jew immaniġġjati mill-istess operatur tal-kont.

L-operaturi tal-kontijiet imsemmija f'(c) għandhom jinkludu l-entitajiet li għandhom relazzjoni kuntrattwali ma' CSD u li joperaw kontijiet ta' titoli miżmuma minn dak is-CSD permezz tar-reġistrazzjoni ta' entrati tal-kotba f'dawk il-kontijiet tat-titoli.

3. Is-CSDs għandhom jesiġu li l-parteċipanti jużaw dawn l-oqsma ta' tqabbil li ġejjin fl-istruzzjonijiet ta' saldu għat-tqabbil tal-istruzzjonijiet ta' saldu:

(a)	it-tip ta' struzzjoni ta' saldu kif imsemmi fl-Artikolu 13(1)(g);

(b)	id-data tas-saldu ppjanata tal-istruzzjoni ta' saldu;

(c)	id-data tan-negozju;

(d)	il-munita, ħlief fil-każ ta' struzzjonijiet ta' saldu FoP;

(e)	l-ammont tas-saldu, ħlief fil-każ ta' struzzjonijiet ta' saldu FoP;

(f)	il-valur nominali għall-istrumenti ta' dejn, jew il-kwantità għal strumenti finanzjarji oħrajn;

(g)	il-konsenja jew il-wasla tal-istrumenti finanzjarji jew tal-kontanti;

(h)	l-ISIN tal-istrument finanzjarju;

(i)	l-identifikatur tal-parteċipant li jwassal l-istrumenti finanzjarji jew il-kontanti;

(j)	l-identifikatur tal-parteċipant li jirċievi l-istrumenti finanzjarji jew il-kontanti;

(k)	l-identifikatur tas-CSD tal-kontroparti tal-parteċipant, fil-każ ta' CSDs li jużaw infrastruttura ta' saldu komuni, inkluż fiċ-ċirkustanzi msemmija fl-Artikolu 30(5) tar-Regolament (UE) Nru 909/2014;

(l)	oqsma ta' tqabbil oħrajn meħtieġa mis-CSD għall-iffaċilitar tas-saldu ta' tranżazzjonijiet.

4. Minbarra l-oqsma msemmija fit-tielet paragrafu, is-CSDs għandhom jesiġu li l-parteċipanti tagħhom jużaw qasam li jindika t-tip ta' tranżazzjoni fl-istruzzjonijiet tas-saldu tagħhom skont it-tassonomija li ġejja:

(a)	xiri jew bejgħ ta' titoli;

(b)	operazzjonijiet tal-immaniġġjar tal-kollateral;

(c)	self ta' titoli/operazzjoni ta' teħid b'self;

(d)	tranżazzjonijiet ta' xiri mill-ġdid;

(e)	tranżazzjonijiet oħrajn (li jistgħu jiġu identifikati b'aktar kodiċijiet granulari tal-ISO kif ipprovduti mis-CSD).

Artikolu 6

Livelli ta' tolleranza

Għall-finijiet ta' tqabbil, is-CSDs għandhom jistabbilixxu livelli ta' tolleranza għall-ammonti tas-saldu.

Il-livell ta' tolleranza għandu jirrappreżenta d-differenza massima bejn l-ammonti tas-saldu f'żewġ struzzjonijiet ta' saldu korrispondenti li xorta waħda jippermettu t-tqabbil.

Għall-istruzzjonijiet ta' saldu f'EUR, il-livell ta' tolleranza għal kull struzzjoni ta' saldu għandu jkun EUR 2 għal ammonti ta' saldu sa massimu ta' EUR 100 000 u EUR 25 għal ammonti ta' saldu ta' aktar minn EUR 100 000. Għall-istruzzjonijiet ta' saldu f'muniti oħrajn, il-livell ta' tolleranza għal kull struzzjoni ta' saldu għandu jkun ta' ammonti ekwivalenti skont ir-rata tal-kambju uffiċjali tal-BĊE, fejn disponibbli.

Artikolu 7

Faċilità ta' tħassir

Is-CSDs għandhom jistabbilixxu faċilità ta' tħassir bilaterali li tippermetti lill-parteċipanti jħassru b'mod bilaterali l-istruzzjonijiet ta' saldu mqabbla li jiffurmaw parti mill-istess tranżazzjoni.

Artikolu 8

Mekkaniżmu ta' żamma u rilaxx

Is-CSDs għandhom jistabbilixxu mekkaniżmu ta' żamma u rilaxx li jikkonsisti minn dawn it-tnejn li ġejjin:

(a)	mekkaniżmu ta' żamma li jippermetti li l-istruzzjonijiet ta' saldu pendenti jiġu mblukkati mill-parteċipant li jagħti l-istruzzjonijiet għall-fini tas-saldu;

(b)	mekkaniżmu ta' rilaxx li jippermetti li l-istruzzjonijiet ta' saldu pendenti li ġew imblukkati mill-parteċipant li jagħti l-istruzzjonijiet jiġu rilaxxati għall-fini tas-saldu.

Artikolu 9

Riċiklaġġ

Is-CSDs għandhom jirriċiklaw struzzjonijiet ta' saldu li rriżultaw f'falliment tas-saldu sakemm jiġu saldati jew imħassra b'mod bilaterali.

Artikolu 10

Saldu parzjali

Is-CSDs għandhom jippermettu s-saldu parzjali ta' struzzjonijiet ta' saldu.

Artikolu 11

Faċilitajiet u informazzjoni addizzjonali

1. Is-CSDs għandhom joffru lill-parteċipanti l-possibilità li jkunu informati dwar struzzjoni ta' saldu pendenti tal-kontropartijiet tagħhom, jew fi żmien siegħa mill-ewwel tentattiv mingħajr suċċess biex titqabbel it-tranżazzjoni, jew minnufih wara dan it-tentattiv mingħajr suċċess meta dak it-tentattiv ikun sar fil-perjodu ta' ħames sigħat qabel tintemm id-data tas-saldu prevista jew wara d-data tas-saldu prevista.

2. Is-CSDs għandhom jipprovdu lill-parteċipanti aċċess għal informazzjoni fil-ħin reali dwar l-istatus tal-istruzzjonijiet tas-saldu tagħhom fis-sistema ta' saldu tat-titoli, inkluża informazzjoni dwar:

(a)	struzzjonijiet ta' saldu pendenti li għadhom jistgħu jiġu saldati fid-data tas-saldu ppjanata;

(b)	struzzjonijiet ta' saldu li fallew li ma jistgħux jiġu saldati aktar fid-data tas-saldu ppjanata;

(c)	struzzjonijiet ta' saldu kompletament saldati;

(d)	struzzjonijiet ta' saldu parzjalment saldati, inklużi kemm il-partijiet saldati kif ukoll il-partijiet mhux saldati ta' strumenti finanzjarji jew ta' flus kontanti;

(e)	struzzjonijiet ta' saldu mħassra, inkluża l-informazzjoni dwar jekk dawk l-istruzzjonijiet ġewx imħassra mis-sistema jew mill-parteċipant.

3. L-informazzjoni fil-ħin reali msemmija fit-tieni paragrafu għandha tinkludi dan li ġej:

(a)	jekk l-istruzzjoni tas-saldu ġietx imqabbla;

(b)	jekk l-istruzzjoni tas-saldu għadhiex tista' tiġi parzjalment saldata;

(c)	jekk l-istruzzjoni tas-saldu hijiex posposta;

(d)	ir-raġunijiet għalfejn l-istruzzjonijiet għadhom pendenti jew qed ifallu.

4. Is-CSDs għandhom joffru lill-parteċipanti jew saldu gross f'ħin reali matul kull jum ta' negozju jew minimu ta' tliet lottijiet ta' saldu għal kull jum ta' negozju. It-tliet lottijiet ta' saldu għandhom ikunu mifruxa tul il-jum ta' negozju skont il-ħtiġijiet tas-suq, abbażi ta' talba mill-kumitat tal-utenti tas-CSD.

Artikolu 12

Deroga minn ċerti miżuri biex jiġu evitati l-fallimenti tas-saldu

1. L-Artikoli 8 u 10 ma għandhomx japplikaw meta s-sistema ta' saldu tat-titoli mħaddma minn CSD tissodisfa l-kundizzjonijiet li ġejjin:

(a)	il-valur ta' fallimenti ta' saldu ma jaqbiżx EUR 2,5 biljun fis-sena;

(b)	ir-rata ta' fallimenti tas-saldu, ibbażata jew fuq in-numru ta' struzzjonijiet ta' saldu jew fuq il-valur tal-istruzzjonijiet ta' saldu, hija inqas minn 0,5 % fis-sena.

Ir-rata ta' fallimenti ta' saldu bbażata fuq l-għadd ta' struzzjonijiet ta' saldu għandha tiġi kkalkulata billi n-numru ta' fallimenti ta' saldu jiġi diviż bin-numru ta' struzzjonijiet ta' saldu mdaħħla fis-sistema ta' saldu tat-titoli matul il-perjodu rilevanti.

Ir-rata ta' fallimenti ta' saldu bbażata fuq il-valur tal-istruzzjonijiet ta' saldu għandha tiġi kkalkulata billi l-valur f'EUR ta' fallimenti ta' saldu jiġi diviż bil-valur ta' struzzjonijiet ta' saldu mdaħħla fis-sistema ta' saldu tat-titoli matul il-perjodu rilevanti.

2. Sal-20 ta' Jannar ta' kull sena, is-CSDs għandhom jevalwaw jekk il-kundizzjonijiet imsemmija fl-ewwel paragrafu humiex issodisfati u għandhom jinnotifikaw lill-awtorità kompetenti dwar ir-riżultati ta' din l-evalwazzjoni skont l-Anness II.

Meta l-evalwazzjoni tikkonferma li mill-inqas waħda mill-kundizzjonijiet imsemmija fl-ewwel paragrafu ma għadhiex tapplika, is-CSDs għandhom japplikaw l-Artikolu 8 u l-Artikolu 10 fi żmien sena mid-data tan-notifika msemmija fl-ewwel subparagrafu.

KAPITOLU III

Miżuri għall-indirizzar tal-fallimenti tas-saldu

Taqsima I

Il-monitoraġġ tal-fallimenti tas-saldu

Artikolu 13

Dettalji tas-sistema li timmonitorja l-fallimenti tas-saldu

1. Is-CSDs għandhom jistabbilixxu sistema li tippermettilhom jimmonitorjaw in-numru u l-valur tal-fallimenti tas-saldu għal kull data ta' saldu ppjanata, inkluż it-tul ta' kull falliment tas-saldu espress f'jiem ta' negozju. Din is-sistema għandha tiġbor din l-informazzjoni li ġejja għal kull falliment tas-saldu:

(a)	ir-raġuni għall-falliment tas-saldu, abbażi tal-informazzjoni disponibbli għas-CSD;

(b)	kwalunkwe restrizzjoni ta' saldu bħar-riżerva, l-imblukkar jew l-assenzjazzjoni ta' strumenti finanzjarji jew kontanti li jagħmlu l-istrumenti finanzjarji jew kontanti mhux disponibbli għas-saldu;

(c)

it-tip ta' strument finanzjarju, fil-kategoriji li ġejjin, affettwati mill-falliment tas-saldu:

(i)	titoli trasferibbli kif definiti fil-punt (a) tal-Artikolu 4(1)(44) tad-Direttiva 2014/65/UE;

(ii)	dejn sovran kif definit fl-Artikolu 4(1)(61) tad-Direttiva 2014/65/UE;

(iii)

titoli trasferibbli kif definiti fil-punt (b) tal-Artikolu 4(1)(44) tad-Direttiva 2014/65/UE minbarra d-dejn sovran imsemmi fil-punt (ii);

(iv)	titoli trasferibbli kif definiti fil-punt (c) tal-Artikolu 4(1)(44) tad-Direttiva 2014/65/UE;

(v)	fondi negozjati fil-Borża (ETFs);

(vi)	unitajiet f'impriżi ta' investiment kollettiv, minbarra l-ETFs;

(vii)

strumenti tas-suq monetarju, għajr id-dejn sovran imsemmi fil-punt (ii);

(viii)

kwoti ta' emissjonijiet;

(ix)	strumenti finanzjarji oħra.

(d)

it-tip ta' tranżazzjoni, fil-kategoriji li ġejjin, affettwati mill-falliment tas-saldu:

(i)	xiri jew bejgħ ta' strumenti finanzjarji;

(ii)	operazzjonijiet tal-immaniġġjar tal-kollateral;

(iii)

self ta' titoli/operazzjoni ta' teħid b'self;

(iv)	tranżazzjonijiet ta' xiri mill-ġdid;

(v)	tranżazzjonijiet oħrajn li jistgħu jiġu identifikati b'aktar kodiċijiet granulari tal-ISO kif ipprovduti mis-CSD.

(e)	il-post tan-negozjar u tal-ikklerjar tal-istrumenti finanzjarji affettwati, fejn applikabbli;

(f)

it-tip ta' struzzjoni ta' saldu, fil-kategoriji li ġejjin, affettwati mill-falliment tas-saldu:

(i)	struzzjoni ta' saldu fis-CSD, meta l-partijiet inadempjenti u dawk riċeventi huma t-tnejn parteċipanti fl-istess sistema ta' saldu tat-titoli; jew

(ii)	struzzjoni ta' saldu bejn is-CSDs, meta l-partijiet inadempjenti u dawk riċeventi huma parteċipanti f'żewġ sistemi ta' saldu tat-titoli differenti jew wieħed mill-parteċipanti huwa CSD;

(g)

it-tip ta' struzzjoni ta' saldu, fil-kategoriji li ġejjin, affettwati mill-falliment tas-saldu:

(i)	struzzjonijiet ta' saldu FoP li jikkonsistu fi struzzjonijiet ta' saldu ta' konsenja mingħajr ħlas (deliver free of payment, “DFP”) u ta' ksib mingħajr ħlas (receive free of payment, “RFP”);

(ii)	struzzjonijiet ta' saldu ta' konsenja fuq ħlas (delivery versus payment, “DVP”) u ta' ksib fuq ħlas (receive versus payment, “RVP”).

(iii)

struzzjonijiet ta' saldu ta' konsenja bi ħlas (delivery with payment, “DWP”) u ta' ksib bi ħlas (receive with payment, “RWP”); jew

(iv)

struzzjonijiet ta' saldu ta' ħlas mingħajr konsenja (payment free of delivery, “PFOD”) li jikkonsistu minn struzzjonijiet ta' saldu ta' ddebitar ta' ħlas mingħajr konsenja (debiting payment free of delivery, “DPFOD”) u ta' akkreditar ta' ħlas mingħajr konsenja (crediting payment free of delivery, “CPFOD”).

(h)

it-tip ta' kontijiet ta' titoli relatati mal-falliment tas-saldu, inkluż:

(i)	il-kont proprju tal-parteċipant;

(ii)	il-kont individwali tal-klijent ta' parteċipant;

(iii)

il-kont omnibus ta' klijent ta' parteċipant.

(i)	il-munita li fiha huma ddenominati l-istruzzjonijiet tas-saldu.

2. Is-CSDs għandhom jistabbilixxu arranġamenti ta' ħidma mal-parteċipanti msemmija fl-oqsma 17 u 18 tat-Tabella 1 fl-Anness I li jkollhom l-iktar impatt sinifikanti fuq is-sistemi ta' saldu tat-titoli tagħhom u, fejn japplika, mas-CCPs u ċ-ċentri ta' negozju rilevanti sabiex janalizzaw ir-raġunijiet ewlenin għall-fallimenti tas-saldu.

Artikolu 14

Ir-rapportar tal-fallimenti tas-saldu

1. Is-CSDs għandhom jikkomunikaw l-informazzjoni msemmija fl-Anness I lill-awtorità kompetenti u lill-awtoritajiet rilevanti kull xahar u sal-għeluq tan-negozju fil-ħames jum ta' negozju tax-xahar sussegwenti.

Din l-informazzjoni għandha tinkludi l-valuri rilevanti f'EUR. Kwalunkwe konverżjoni ta' valur f'EUR għandha ssir permezz tar-rata tal-kambju uffiċjali tal-BĊE tal-aħħar jum tal-perjodu ta' rapportar fejn ir-rata tal-kambju uffiċjali tal-BĊE tkun disponibbli.

Is-CSDs għandhom jirrapportaw aktar spiss u jipprovdu aktar informazzjoni dwar il-fallimenti tas-saldu jekk l-awtorità kompetenti titlob dan.

2. Sal-20 ta' Jannar ta' kull sena, is-CSDs għandhom jirrapportaw lill-awtorità kompetenti u lill-awtoritajiet rilevanti l-informazzjoni msemmija fl-Anness II, inklużi l-miżuri ppjanati jew meħuda mis-CSDs u l-parteċipanti tagħhom sabiex itejbu l-effiċjenza tas-saldu tas-sistemi ta' saldu tat-titoli li jħaddmu.

Is-CSDs għandhom jimmonitorjaw l-applikazzjoni tal-miżuri msemmija fl-ewwel subparagrafu b'mod regolari u għandhom jinformaw lill-awtorità kompetenti u lill-awtoritajiet rilevanti, fuq talba, bi kwalunkwe sejba rilevanti li tirriżulta minn dan il-monitoraġġ.

3. L-informazzjoni msemmija fil-paragrafi 1 u 2 għandha tiġi provduta f'format li jinqara minn magna.

4. Il-valur tal-istruzzjonijiet tas-saldu msemmija fl-Annessi I sa III għandu jiġi kkalkulat kif ġej:

(a)	fil-każ ta' struzzjonijiet ta' saldu bi ħlas, l-ammont ta' saldu tal-parti ta' flus;

(b)	fil-każ ta' struzzjonijiet ta' saldu FoP, il-valur tas-suq tal-istrumenti finanzjarji msemmija fl-Artikolu 32(3) jew, fejn ma jkunx disponibbli, il-valur nominali tal-istrumenti finanzjarji.

Artikolu 15

Żvelar pubbliku dwar il-fallimenti ta' saldu

Is-CSDs għandhom jippubblikaw l-informazzjoni stabbilita fl-Anness III dwar is-sistema ta' saldu tat-titoli li jħaddmu, inklużi l-valuri rilevanti f'EUR, fuq is-sit elettroniku tagħhom bla ħlas.

Kwalunkwe konverżjoni ta' valur f'EUR għandha ssir permezz tar-rata tal-kambju uffiċjali tal-BĊE tal-aħħar jum tal-perjodu ta' rapportar meta r-rata tal-kambju uffiċjali tal-BĊE tkun disponibbli.

L-informazzjoni msemmija fl-ewwel subparagrafu għandha tkun ippubblikata kull sena u f'lingwa komuni fl-isfera tal-finanzi internazzjonali u għandha tkun tinqara minn magna.

Taqsima 2

Penali ta' kontanti

Artikolu 16

Il-kalkolu u l-applikazzjoni ta' penali f'kontanti

1. Il-penali f'kontanti msemmija fl-Artikolu 7(2) tar-Regolament (UE) Nru 909/2014 għandhom ikunu kkalkulati u applikati mis-CSDs għal kull struzzjoni ta' saldu li tfalli milli tissalda.

Il-kalkolu msemmi fl-ewwel subparagrafu għandu jinkludi l-istruzzjonijiet ta' saldu li ġew posposti minn parteċipant.

Meta jkun meħtieġ tqabbil skont l-Artikolu 5(2), il-penali f'kontanti għandhom jiġu applikati biss għal struzzjonijiet ta' saldu mqabbla.

2. Il-penali f'kontanti għandhom ikunu kkalkulati u applikati fl-aħħar ta' kull jum ta' negozju fejn l-istruzzjoni tas-saldu ma jirnexxilhiex tissalda.

3. Meta struzzjoni ta' saldu tkun iddaħħlet fis-sistema ta' saldu tat-titoli jew tkun ġiet imqabbla wara d-data tas-saldu ppjanata, il-penali f'kontanti għandhom jiġu kkalkulati u applikati mid-data tas-saldu ppjanata.

Meta struzzjonijiet ta' saldu ġodda jiddaħħlu fis-sistema ta' saldu tat-titoli għal kwalunkwe strument finanzjarju mhux ikkonsenjat skont l-Artikolu 27(10), l-Artikolu 29(11) jew l-Artikolu 31(11), għandhom japplikaw penali f'kontanti għall-istruzzjonijiet ta' saldu ġodda mill-jum li dawn l-istruzzjonijiet jiddaħħlu fis-sistema ta' saldu tat-titoli.

Meta l-istruzzjonijiet ta' saldu jkunu ġew imqabbla wara d-data tas-saldu ppjanata, il-penali f'kontanti għall-perjodu ta' bejn id-data tas-saldu ppjanata u l-jum ta' negozju preċedenti għall-jum li fih sar it-tqabbil għandhom jitħallsu mill-aħħar parteċipant li daħħal jew immodifika l-istruzzjoni ta' saldu rilevanti fis-sistema ta' saldu tat-titoli.

4. Is-CSDs għandhom jipprovdu lil kull parteċipant rilevanti d-dettalji dwar il-kalkolu tal-penali għal kull struzzjoni ta' saldu falluta kuljum, u jinkludu d-dettalji tal-kont li għalih tirreferi kull struzzjoni ta' saldu falluta.

Artikolu 17

Il-ġbir u t-tqassim tal-penali f'kontanti

1. Is-CSDs għandhom jimponu u jiġbru tal-inqas darba fix-xahar l-ammont nett ta' penali f'kontanti li għandhom jitħallsu minn kull parteċipant inadempjenti.

Il-penali f'kontanti għandhom ikunu ddepożitati f'kont ta' flus kontanti apposta.

2. Is-CSDs għandhom iqassmu tal-inqas darba fix-xahar l-ammont nett ta' penali f'kontanti msemmija fl-ewwel paragrafu lill-parteċipanti riċeventi affettwati minn fallimenti tas-saldu.

Artikolu 18

L-ispejjeż tal-mekkaniżmu tal-penali

1. Is-CSDs ma għandhomx jużaw il-penali f'kontanti sabiex ikopru l-ispejjeż relatati mal-mekkaniżmu tal-penali.

2. Is-CSDs għandhom jiżvelaw, fid-dettall, l-ammont tal-ispejjeż imsemmija fl-ewwel paragrafu lill-parteċipanti.

3. Is-CSDs għandhom jimponu lill-parteċipanti ħlas separat għall-ispejjeż tal-mekkaniżmu tal-penali. Dawk l-ispejjeż ma għandhomx ikunu imposti fuq il-bażi ta' penali gross applikati għal kull parteċipant.

Artikolu 19

Mekkaniżmu ta' penali meta l-parteċipant huwa CCP

Meta l-parteċipant inadempjenti jew riċeventi huwa CCP, is-CSDs għandhom jiżguraw dan li ġej:

(a)	li s-CCPs jingħataw il-kalkolu tal-penali f'kontanti għall-istruzzjonijiet ta' saldu falluti mogħtija minn dawn is-CCPs;

(b)	li s-CCPs jiġbru l-penali f'kontanti msemmija f'(a) mill-membri tal-ikklerjar li kkawżaw il-fallimenti tas-saldu;

(c)	li s-CCPs iqassmu l-penali f'kontanti msemmija f'(b) lill-membri tal-ikklerjar affettwati mill-fallimenti tas-saldu.

(d)	li s-CCPs jipprovdu rappurtar lis-CSD dwar il-penali li jkunu ġabru u qassmu, kull xahar.

Artikolu 20

CSDs li jużaw infrastruttura ta' saldu komuni

Is-CSDs li jużaw infrastruttura ta' saldu komuni, inkluż meta wħud mis-servizzi jew l-attivitajiet tagħhom ġew esternalizzati kif imsemmi fl-Artikolu 30(5) tar-Regolament (UE) Nru 909/2014, għandhom jistabbilixxu b'mod konġunt il-mekkaniżmu ta' penali msemmi fl-Artikolu 7(2) tar-Regolament (UE) Nru 909/2014 u jimmaniġġjaw b'mod konġunt il-modalitajiet għall-kalkolu, l-applikazzjoni, il-ġbir u t-tqassim tal-penali f'kontanti skont dan ir-Regolament.

Taqsima 3

Dettalji tal-proċess ta' xiri sfurzat

Subtaqsima 1

Ġenerali

Artikolu 21

Xiri sfurzat mhux possibbli

Xiri sfurzat għandu jitqies mhux possibbli biss meta:

(a)	l-istrumenti finanzjarji rilevanti ma jibqgħux jeżistu;

(b)	għat-tranżazzjonijiet mhux ikklerjati minn CCP, il-membru taċ-ċentru tan-negozjar inadempjenti jew il-parti għan-negozju inadempjenti huma soġġetti għal proċeduri ta' insolvenza.

Għall-finijiet ta' (b), proċedura ta' insolvenza għandha tfisser kwalunkwe miżura kollettiva pprovduta bil-liġi ta' Stat Membru, jew ta' pajjiż terz, għall-istralċ tal-membru taċ-ċentru tan-negozjar jew tal-parti għan-negozju jew għar-riorganizzazzjoni tagħhom, meta din il-miżura tinvolvi s-sospensjoni jew l-impożizzjoni ta' limitazzjonijiet fuq it-trasferimenti jew pagamenti.

Artikolu 22

Proċess ta' xiri sfurzat ineffettiv

1. Għall-finijiet tal-punt (b) tal-Artikolu 7(4) tar-Regolament (UE) Nru 909/2014, dawn l-operazzjonijiet għandhom jitqiesu li huma magħmula minn diversi tranżazzjonijiet:

(a)	operazzjonijiet fejn parti tbigħ strumenti finanzjarji għal kontanti (“l-ewwel tranżazzjoni”), b'impenn tal-parti l-oħra li tbigħ strumenti finanzjarji ekwivalenti lill-ewwel parti għal prezz li huwa determinat jew determinabbli (“it-tieni tranżazzjoni”);

(b)	operazzjonijiet fejn parti tittrasferixxi strumenti finanzjarji lil parti oħra (“l-ewwel tranżazzjoni”), b'impenn ta' dik il-parti l-oħra li tirritorna strumenti finanzjarji ekwivalenti lill-ewwel parti (“it-tieni tranżazzjoni”).

2. Meta japplika l-ewwel paragrafu, il-proċess ta' xiri sfurzat għandu jitqies ineffettiv meta d-data tas-saldu ppjanata għat-tieni tranżazzjoni hija stabbilita fi żmien 30 jum ta' negozju wara d-data ta' saldu ppjanata għall-ewwel tranżazzjoni.

Artikolu 23

L-applikazzjoni tas-saldu parzjali

1. Meta fl-aħħar jum ta' negozju tal-perjodu ta' estensjoni msemmi fl-Artikolu 7(3) tar-Regolament (UE) Nru 909/2014, uħud mill-istrumenti finanzjarji rilevanti huma disponibbli għall-konsenja lill-parteċipant riċeventi, il-membri tal-ikklerjar, il-membri taċ-ċentru tan-negozjar jew il-partijiet għan-negozju riċeventi u inadempjenti, skont il-każ, għandhom isaldaw parzjalment l-istruzzjoni ta' saldu inizjali diment li l-kundizzjonijiet stabbiliti fl-Artikolu 12(1) ta' dan ir-Regolament ikunu ssodisfati.

2. L-ewwel subparagrafu ma għandux japplika meta l-istruzzjoni ta' saldu rilevanti tiġi posposta skont l-Artikolu 8.

Artikolu 24

Aġent tax-xiri sfurzat

Aġent tax-xiri sfurzat ma għandu jkollu l-ebda kunflitt ta' interess fl-eżekuzzjoni ta' xiri sfurzat u għandu jeżegwixxi x-xiri sfurzat fit-termini l-aktar favorevoli għall-membru tal-ikklerjar, il-membru taċ-ċentru tan-negozjar jew il-parti għan-negozju inadempjenti, skont il-każ, skont l-Artikolu 27 tad-Direttiva 2014/65/UE.

Artikolu 25

Arranġamenti u proċeduri kuntrattwali

1. Il-partijiet fil-katina tas-saldu għandhom jistabbilixxu arranġamenti kuntrattwali mal-kontropartijiet rilevanti tagħhom li jinkorporaw il-proċess ta' xiri sfurzat speċifikat fit-tieni paragrafu u l-proċeduri speċifikati fit-tielet paragrafu.

2. L-arranġamenti kuntrattwali msemmija fl-ewwel paragrafu għandhom jinkorporaw bis-sħiħ ir-rekwiżiti applikabbli stabbiliti fl-Artikolu 7 tar-Regolament (UE) Nru 909/2014 u l-Artikoli 26 sa 38 ta' dan ir-Regolament. Kull parti fil-katina tas-saldu għandha tiżgura li l-arranġamenti kuntrattwali stabbiliti mal-kontropartijiet rilevanti tagħha huma infurzabbli fil-ġurisdizzjonijiet rilevanti kollha.

3. Is-CCPs, il-membri tal-ikklerjar, il-membri taċ-ċentru tan-negozjar jew il-partijiet għan-negozju għandhom jistabbilixxu l-proċeduri meħtieġa għall-eżekuzzjoni tax-xiri sfurzat, iħallsu l-kumpens f'kontanti, id-differenza fil-prezz u l-ispejjeż tax-xiri sfurzat fl-iskadenzi meħtieġa. L-arranġamenti kuntrattwali u l-proċeduri msemmija f'dan l-Artikolu għandhom jinkludu d-dispożizzjonijiet meħtieġa biex jiġi żgurat li l-partijiet rilevanti fil-katina tas-saldu jirċievu l-informazzjoni meħtieġa sabiex jeżerċitaw id-drittijiet u l-obbligi tagħhom skont l-iskadenzi speċifikati fl-Artikoli 26 sa 35 ta' dan ir-Regolament.

4. Il-parteċipanti għandhom jistabbilixxu l-arranġamenti kuntrattwali meħtieġa mal-klijenti tagħhom sabiex jiżguraw li r-rekwiżiti tax-xiri sfurzat stipulati f'dan ir-Regolament ikunu infurzabbli fil-ġurisdizzjonijiet kollha li għalihom jappartjenu l-partijiet fil-katina tas-saldu.

5. L-istrumenti finanzjarji mixtrija jistgħu jitqiesu kkonsenjati biss għall-finijiet tal-Artikolu 27, l-Artikolu 29 u l-Artikolu 31 meta dawn l-istrumenti jkunu waslu fis-sistema ta' saldu tat-titoli mħaddma mis-CSD għand il-parteċipanti riċeventi li jaġixxu f'isem is-CCP, il-membri tal-ikklerjar, il-membri taċ-ċentru tan-negozjar jew il-partijiet għan-negozju riċeventi.

6. Il-kumpens f'kontanti msemmi fl-Artikolu 33 u d-differenza fil-prezz imsemmija fl-Artikolu 35(1) jistgħu jitqiesu li tħallsu biss meta l-pagament f'kontanti jkun wasal għand il-parteċipanti riċeventi li jaġixxu f'isem is-CCP, il-membri tal-ikklerjar, il-membri taċ-ċentru tan-negozjar jew il-partijiet għan-negozju riċeventi.

Subtaqsima 2

Il-proċess ta' xiri sfurzat għat-tranżazzjonijiet ikklerjati minn CCP

Artikolu 26

Verifika inizjali

1. Fil-jum ta' negozju wara li jiskadi l-perjodu ta' estensjoni, is-CCPs għandhom jivverifikaw jekk xiri sfurzat huwiex possibbli skont l-Artikolu 21(a) b'rabta ma' kwalunkwe tranżazzjoni li jkunu kklerjaw.

2. Meta xiri sfurzat ma jkunx possibbli skont l-Artikolu 21(a), is-CCP għandha tinnotifika lill-membru tal-ikklerjar inadempjenti dwar l-ammont ta' kumpens f'kontanti kkalkulat skont l-Artikolu 32. Il-kumpens f'kontanti għandu jitħallas skont l-Artikolu 33(1).

3. Meta xiri sfurzat huwa possibbli, għandu japplika l-Artikolu 27.

Artikolu 27

Proċedura u notifiki ta' xiri sfurzat

1. Meta xiri sfurzat ikun possibbli, is-CCPs għandhom iniedu rkant jew jaħtru aġent tax-xiri sfurzat fil-jum ta' negozju wara l-iskadenza tal-perjodu ta' estensjoni u jinnotifikaw lill-membri tal-ikklerjar inadempjenti u riċeventi dwar dan.

2. Malli jirċievi n-notifika msemmija fl-ewwel paragrafu, il-membru tal-ikklerjar inadempjenti għandu jiżgura li kwalunkwe struzzjoni ta' saldu rilevanti relatata mal-falliment tas-saldu tiġi posposta.

3. Malli jirċievi n-notifika msemmija fl-ewwel paragrafu, il-membru tal-ikklerjar inadempjenti jista' biss iwassal l-istrumenti finanzjarji kif ġej:

(a)	lill-aġent tax-xiri sfurzat meta l-aġent tax-xiri sfurzat jagħti kunsens minn qabel;

(b)	lis-CCP meta l-irkant ikun ingħata lil dak il-membru tal-ikklerjar inadempjenti.

Qabel ma jirċievi n-notifika msemmija fl-ewwel paragrafu, il-membru tal-ikklerjar inadempjenti jista' jibqa' jwassal l-istrumenti finanzjarji direttament lis-CCP.

4. Is-CCP għandha tinnotifika r-riżultati tax-xiri sfurzat lill-membri tal-ikklerjar inadempjenti u riċeventi u lis-CSD rilevanti sa mhux aktar tard mill-aħħar jum ta' negozju tal-perjodu stabbilit skont l-Artikolu 37.

5. Meta x-xiri sfurzat jirnexxi parzjalment jew kollu, in-notifika msemmija fir-raba' paragrafu għandha tinkludi l-kwantità u l-prezz tal-istrumenti finanzjarji mixtrija.

6. Meta x-xiri sfurzat ifalli parzjalment jew kollu, in-notifika msemmija fir-raba' paragrafu għandha tinkludi l-ammont tal-kumpens f'kontanti kkalkulat skont l-Artikolu 32 sakemm dik in-notifika ma tispeċifikax li l-eżekuzzjoni tax-xiri sfurzat hija differita.

7. Meta l-eżekuzzjoni ta' xiri sfurzat tiġi differita, is-CCP għandha tinnotifika r-riżultati tax-xiri sfurzat differit lill-membri tal-ikklerjar inadempjenti u riċeventi u lis-CSD rilevanti sa mhux aktar tard mill-aħħar jum ta' negozju tal-perjodu differit imsemmi fl-Artikolu 38.

8. Meta x-xiri sfurzat imsemmi fis-seba' paragrafu jirnexxi parzjalment jew kollu, in-notifika msemmija f'dak il-paragrafu għandha tinkludi l-kwantità u l-prezz tal-istrumenti finanzjarji mixtrija.

9. Meta x-xiri sfurzat imsemmi fis-seba' paragrafu jfalli parzjalment jew kollu, in-notifika msemmija f'dak il-paragrafu għandha tinkludi l-ammont tal-kumpens f'kontanti kkalkulat skont l-Artikolu 32.

10. Is-CCP għandha taċċetta l-istrumenti finanzjarji mixtrija msemmija fil-paragrafi 5 u 8 u tħallas għalihom, u tiżgura li dan li ġej jitwettaq fl-aħħar ta' kull jum ta' negozju li fih is-CCP tirċievi dawk l-istrumenti finanzjarji:

(a)	l-istrumenti finanzjarji mixtrija jitwasslu lill-membri tal-ikklerjar riċeventi;

(b)	l-istruzzjonijiet ta' saldu relatati mal-falliment tas-saldu jitħassru;

(c)	jiddaħħlu struzzjonijiet ta' saldu ġodda fis-sistema ta' saldu tat-titoli għal kwalunkwe strument finanzjarju mhux ikkonsenjat u s-CSD jirċievi l-informazzjoni meħtieġa sabiex jidentifika dawn l-istruzzjonijiet ta' saldu ġodda kif xieraq.

11. Is-CCP għandha tiżgura li l-istruzzjonijiet ta' saldu relatati mal-falliment tas-saldu jitħassru mal-ħlas tal-kumpens f'kontanti msemmi fil-paragrafi 6 u 9 jew, sa mhux aktar tard mit-tieni jum ta' negozju wara n-notifika msemmija fihom.

Subtaqsima 3

Il-proċess ta' xiri sfurzat għat-tranżazzjonijiet mhux ikklerjati minn CCP u eżegwiti f'ċentru tan-negozjar

Artikolu 28

Verifika inizjali

1. Għat-tranżazzjonijiet mhux ikklerjati mis-CCPs u eżegwiti f'ċentru tan-negozjar, il-parteċipanti riċeventi, permezz tal-klijenti tagħhom, għandhom jinformaw lill-membri taċ-ċentru tan-negozjar riċeventi tagħhom rigward kwalunkwe falliment tas-saldu mill-aktar fis possibbli.

2. Iċ-ċentru tan-negozjar għandu jiżvela l-identità tal-membru taċ-ċentru tan-negozjar inadempjenti lill-membru taċ-ċentru tan-negozjar riċeventi, jekk jintalab hekk. Fil-jum ta' negozju wara li jiskadi l-perjodu ta' estensjoni, il-membru taċ-ċentru tan-negozjar riċeventi għandu jivverifika jekk xiri sfurzat huwiex possibbli skont l-Artikolu 21.

3. Meta xiri sfurzat ma jkunx possibbli skont l-Artikolu 21, il-membru taċ-ċentru tan-negozjar riċeventi għandu jinnotifika lill-membru taċ-ċentru tan-negozjar inadempjenti dwar ir-riżultati tal-verifika u l-ammont ta' kumpens f'kontanti kkalkulat skont l-Artikolu 32. Il-kumpens f'kontanti għandu jitħallas skont l-Artikolu 33(2).

4. Meta xiri sfurzat huwa possibbli, għandu japplika l-Artikolu 29.

Artikolu 29

Proċedura u notifiki ta' xiri sfurzat

1. Meta xiri sfurzat ikun possibbli, il-membru taċ-ċentru tan-negozjar riċeventi għandu jaħtar aġent tax-xiri sfurzat fil-jum ta' negozju wara l-iskadenza tal-perjodu ta' estensjoni u jinnotifika lill-membru taċ-ċentru tan-negozjar inadempjenti dwar dan.

2. Malli jirċievi n-notifika msemmija fl-ewwel paragrafu, il-membru taċ-ċentru tan-negozjar inadempjenti għandu jiżgura li kwalunkwe struzzjoni ta' saldu rilevanti relatata mal-falliment tas-saldu tiġi posposta.

3. Malli jirċievi n-notifika msemmija fl-ewwel paragrafu, il-membru taċ-ċentru tan-negozjar inadempjenti jista' jwassal l-istrumenti finanzarji biss lill-aġent tax-xiri sfurzat fejn l-aġent tax-xiri sfurzat jagħti l-kunsens minn qabel.

Qabel ma jirċievi n-notifika msemmija fl-ewwel paragrafu, il-membru taċ-ċentru tan-negozjar inadempjenti jista' jibqa' jwassal l-istrumenti finanzjarji direttament lill-membru taċ-ċentru tan-negozjar riċeventi.

4. Il-membru taċ-ċentru tan-negozjar riċeventi għandu jinnotifika r-riżultati tax-xiri sfurzat lill-membru taċ-ċentru tan-negozjar inadempjenti u lis-CSD rilevanti sa mhux aktar tard mill-aħħar jum ta' negozju tal-perjodu stabbilit skont l-Artikolu 37.

5. Meta x-xiri sfurzat jirnexxi parzjalment jew kollu, in-notifika msemmija fir-raba' paragrafu għandha tinkludi l-kwantità u l-prezz tal-istrumenti finanzjarji mixtrija.

7. Meta l-eżekuzzjoni ta' xiri sfurzat tiġi differita, il-membru taċ-ċentru tan-negozjar riċeventi għandu jinnotifika r-riżultati tax-xiri sfurzat differit lill-membru taċ-ċentru tan-negozjar inadempjenti u lis-CSD rilevanti sa mhux aktar tard mill-aħħar jum ta' negozju tal-perjodu differit imsemmi fl-Artikolu 38.

8. Meta x-xiri sfurzat imsemmi fis-seba' paragrafu jirnexxi parzjalment jew kollu, in-notifika msemmija f'dak il-paragrafu għandha tinkludi l-kwantità u l-prezz tal-istrumenti finanzjarji mixtrija.

10. Il-membru taċ-ċentru tan-negozjar riċeventi għandu jaċċetta l-istrumenti finanzjarji mixtrija u msemmija fil-paragrafi 5 u 8 u jħallas għalihom.

11. Il-membri taċ-ċentru tan-negozjar riċeventi u inadempjenti għandhom jiżguraw li dan li ġej jitwettaq fl-aħħar ta' kull jum ta' negozju li fih il-membru taċ-ċentru tan-negozjar riċeventi jirċievi l-istrumenti msemmija fil-paragrafi 5 u 8:

(a)	l-istruzzjonijiet ta' saldu relatati mal-falliment tas-saldu jitħassru;

(b)	jiddaħħlu struzzjonijiet ta' saldu ġodda fis-sistema ta' saldu tat-titoli għal kwalunkwe strument finanzjarju mhux ikkonsenjat u s-CSD jirċievi l-informazzjoni meħtieġa sabiex jidentifika dawn l-istruzzjonijiet ta' saldu ġodda kif xieraq.

12. Il-membru taċ-ċentru tan-negozjar inadempjenti għandu jħallas il-kumpens f'kontanti msemmi fil-paragrafi 6 u 9 skont l-Artikolu 33(2).

13. Il-membri taċ-ċentru tan-negozjar inadempjenti u riċeventi għandhom jiżguraw li l-istruzzjonijiet ta' saldu rilevanti relatati mal-falliment tas-saldu jitħassru mal-ħlas tal-kumpens f'kontanti msemmi fil-paragrafi 6 u 9 jew, sa mhux aktar tard mit-tieni jum ta' negozju wara n-notifika tal-ammont ta' kumpens f'kontanti.

Subtaqsima 4

Il-proċess ta' xiri sfurzat għat-tranżazzjonijiet mhux ikklerjati minn CCP u mhux eżegwiti f'ċentru tan-negozjar

Artikolu 30

Verifika inizjali

1. Għat-tranżazzjonijiet mhux ikklerjati minn CCP u mhux eżegwiti f'ċentru tan-negozjar, il-parteċipanti riċeventi, permezz tal-klijenti tagħhom, għandhom jinformaw lill-partijiet għan-negozju riċeventi rigward kwalunkwe falliment tas-saldu mill-aktar fis possibbli.

2. Fil-jum ta' negozju wara li jiskadi l-perjodu ta' estensjoni, il-partijiet għan-negozju riċeventi għandhom jivverifikaw jekk xiri sfurzat huwiex possibbli skont l-Artikolu 21.

3. Meta xiri sfurzat ma jkunx possibbli skont l-Artikolu 21, il-partijiet għan-negozju riċeventi għandhom jinnotifikaw lill-parti għan-negozju inadempjenti dwar ir-riżultati tal-verifika u l-ammont ta' kumpens f'kontanti kkalkulat skont l-Artikolu 32. Il-kumpens f'kontanti għandu jitħallas skont l-Artikolu 33(2).

4. Meta xiri sfurzat huwa possibbli, għandu japplika l-Artikolu 31.

Artikolu 31

Proċedura u notifiki ta' xiri sfurzat

1. Meta xiri sfurzat ikun possibbli, il-parti għan-negozju riċeventi għandha taħtar aġent tax-xiri sfurzat fil-jum ta' negozju wara l-iskadenza tal-perjodu ta' estensjoni u tinnotifika lill-parti għan-negozju inadempjenti dwar dan.

2. Malli tirċievi n-notifika msemmija fl-ewwel paragrafu, il-parti għan-negozju inadempjenti għandha tiżgura li kwalunkwe struzzjoni ta' saldu rilevanti relatata mal-falliment tas-saldu tiġi posposta,

3. Malli tirċievi n-notifika msemmija fl-ewwel paragrafu, il-parti għan-negozju inadempjenti tista' twassal l-istrumenti finanzarji biss lill-aġent tax-xiri sfurzat meta l-aġent tax-xiri sfurzat jagħti kunsens minn qabel.

Qabel ma tirċievi n-notifika msemmija fl-ewwel paragrafu, il-parti għan-negozju inadempjenti tista' tibqa' twassal l-istrumenti finanzjarji direttament lill-parti għan-negozju riċeventi.

4. Il-parti għan-negozju riċeventi għandha tinnotifika r-riżultati tax-xiri sfurzat lill-parti għan-negozju inadempjenti sa mhux aktar tard mill-aħħar jum ta' negozju tal-perjodu applikabbli stabbilit skont l-Artikolu 37. Il-parti għan-negozju riċeventi għandha tiżgura li s-CSD rilevanti jirċievi l-informazzjoni notifkata mill-aktar fis possibbli.

5. Meta x-xiri sfurzat jirnexxi parzjalment jew kollu, in-notifika msemmija fir-raba' paragrafu għandha tinkludi l-kwantità u l-prezz tal-istrumenti finanzjarji mixtrija.

7. Meta l-eżekuzzjoni ta' xiri sfurzat tiġi differita, il-parti għan-negozju riċeventi għandha tinnotifika r-riżultati ta' dak ix-xiri sfurzat differit lill-parti għan-negozju inadempjenti sa mhux aktar tard mill-aħħar jum ta' negozju tal-perjodu differit imsemmi fl-Artikolu 38. Il-parti għan-negozju riċeventi għandha tiżgura li s-CSD rilevanti jirċievi l-informazzjoni notifkata mill-aktar fis possibbli.

8. Meta x-xiri sfurzat imsemmi fis-seba' paragrafu jirnexxi parzjalment jew kollu, in-notifika msemmija f'dak il-paragrafu għandha tinkludi l-kwantità u l-prezz tal-istrumenti finanzjarji mixtrija.

10. Il-parti għan-negozju riċeventi għandha taċċetta l-istrumenti finanzjarji mixtrija u msemmija fil-paragrafi 5 u 8 u tħallas għalihom.

11. Il-partijiet għan-negozju riċeventi u inadempjenti għandhom jiżguraw li dan li ġej jitwettaq fl-aħħar ta' kull jum ta' negozju li fih il-parti għan-negozju riċeventi tirċievi l-istrumenti msemmija fil-paragrafi 5 u 8:

(a)	l-istruzzjonijiet ta' saldu relatati mal-falliment tas-saldu jitħassru;

(b)	jiddaħħlu struzzjonijiet ta' saldu ġodda fis-sistema ta' saldu tat-titoli għal kwalunkwe strument finanzjarju mhux ikkonsenjat u s-CSD jirċievi l-informazzjoni meħtieġa sabiex jidentifika dawn l-istruzzjonijiet ta' saldu ġodda kif xieraq.

12. Il-parti għan-negozju inadempjenti għandha tħallas il-kumpens f'kontanti msemmi fil-paragrafi 6 u 9 skont l-Artikolu 33(3).

13. Il-partijiet għan-negozju inadempjenti u riċeventi għandhom jiżguraw li l-istruzzjonijiet ta' saldu rilevanti relatati mal-falliment tas-saldu jitħassru mal-ħlas tal-kumpens f'kontanti msemmi fil-paragrafi 6 u 9 jew, sa mhux aktar tard mit-tieni jum ta' negozju wara n-notifika tal-ammont ta' dak il-kumpens f'kontanti.

Subtaqsima 5

Il-kalkolu u l-ħlas tal-kumpens f'kontanti, tal-ispejjeż tax-xiri sfurzat u d-differenza fil-prezz relatata

Artikolu 32

Il-kalkolu tal-kumpens f'kontanti

1. Il-kumpens f'kontanti li għandu jitħallas skont l-Artikolu 7(7) tar-Regolament (UE) Nru 909/2014, għandu jkun ikkalkulat fi xi wieħed mill-modi li ġejjin:

(a)	għall-istruzzjonijiet ta' saldu bi ħlas, id-differenza bejn il-valur tas-suq tal-istrumenti finanzjarji rilevanti fil-jum ta' negozju ta' qabel il-ħlas tal-kumpens f'kontanti u l-ammont tas-saldu inkluż fl-istruzzjoni tas-saldu falluta meta dak l-ammont tas-saldu jkun aktar baxx mill-valur tas-suq;

(b)

għall-istruzzjonijiet ta' saldu mingħajr ħlas, id-differenza bejn il-valur tas-suq tal-istrumenti finanzjarji rilevanti fil-jum ta' negozju ta' qabel il-ħlas tal-kumpens f'kontanti u l-valur tas-suq ta' dawk l-istrumenti finanzjarji fil-jum tan-negozjar tagħhom, meta l-valur tas-suq ta' dawk l-istrumenti finanzjarji fil-jum tan-negozjar tagħhom ikun aktar baxx fil-jum ta' negozju ta' qabel il-ħlas tal-kumpens f'kontanti.

2. Meta ma jkunx diġà inkluż fil-valur tas-suq tal-istrument finanzjarju, il-kumpens f'kontanti li għandu jitħallas skont l-Artikolu 7(7) tar-Regolament (UE) Nru 909/2014 għandu jinkludi komponent li jirrifletti l-varjazzjoni fir-rati tal-kambju, kif ukoll intitolamenti korporattivi u l-imgħax akkumulat.

3. Il-valur tas-suq imsemmi fl-ewwel paragrafu għandu jiġi ddeterminat kif ġej:

(a)

għal strumenti finanzjarji msemmija fl-Artikolu 3(1) tar-Regolament (UE) Nru 600/2014 tal-Parlament Ewropew u tal-Kunsill (7) ammessi għan-negozjar f'ċentru tan-negozjar fl-Unjoni, il-valur determinat skont il-prezz tal-għeluq tal-aktar suq rilevanti f'termini ta' likwidità msemmi fl-Artikolu 4(6)(b) ta' dak ir-Regolament;

(b)	għal strumenti finanzjarji ammessi għan-negozjar f'ċentru tan-negozjar fl-Unjoni, għajr dawk imsemmija fil-punt (a), il-valur iddeterminat fuq il-bażi tal-prezzijiet tal-għeluq taċ-ċentru tan-negozjar fl-Unjoni bl-ogħla fatturat;

(c)

għal strumenti finanzjarji għajr dawk imsemmija fil-punti (a) u (b), il-valur determinat fuq il-bażi ta' prezz ikkalkulat bl-użu ta' metodoloġija predeterminata, approvata mill-awtorità kompetenti tas-CSD, li tirreferi għal kriterji relatati ma' data tas-suq, inklużi prezzijiet tas-suq disponibbli fost iċ-ċentri ta' negozjar jew id-ditti tal-investiment.

4. Il-valur tas-suq imsemmi fl-ewwel paragrafu u l-komponent li jirrifletti l-varjazzjoni fir-rati tal-kambju, l-intitolamenti korporattivi u l-imgħax akkumulat, imsemmija fit-tieni paragrafu, għandhom ikunu żvelati lill-membri tal-ikklerjar, lill-membri taċ-ċentru tan-negozjar u lill-partijiet għan-negozju f'analiżi dettaljata.

Artikolu 33

Il-ħlas tal-kumpens f'kontanti

1. Għat-tranżazzjonijiet ikklerjati minn CCP, is-CCP għandha tiġbor il-kumpens f'kontanti mingħand il-membri tal-ikklerjar inadempjenti u tħallas il-kumpens f'kontanti lill-membri tal-ikklerjar riċeventi.

2. Meta t-tranżazzjonijiet ma jkunux ġew ikklerjati minn CCP iżda jkunu ġew eżegwiti f'ċentru tan-negozjar, il-membri taċ-ċentru tan-negozjar inadempjenti għandhom iħallsu l-kumpens f'kontanti lill-membri taċ-ċentru tan-negozjar riċeventi.

3. Meta t-tranżazzjonijiet ma jkunux ġew ikklerjati minn CCP u lanqas ma jkunu ġew eżegwiti f'ċentru tan-negozjar, il-partijiet għan-negozju inadempjenti għandhom iħallsu l-kumpens f'kontanti lill-partijiet għan-negozju riċeventi.

Artikolu 34

Il-ħlas tal-ispejjeż tax-xiri sfurzat

L-ammonti msemmija fl-Artikolu 7(8) tar-Regolament (UE) Nru 909/2014 għandhom jitħallsu mill-membri tal-ikklerjar inadempjenti, mill-membri taċ-ċentru tan-negozjar inadempjenti jew mill-partijiet għan-negozju inadempjenti, skont il-każ.

Artikolu 35

Il-ħlas tad-differenza fil-prezz

1. Meta l-prezz ta' strumenti finanzjarji msemmija fl-Artikolu 5(1) tar-Regolament (UE) Nru 909/2014 miftiehem waqt in-negozjar ikun aktar baxx mill-prezz effettivament imħallas għal dawk l-istrumenti finanzjarji skont l-Artikoli 27(10), 29(10), u 31(10), il-membri tal-ikklerjar inadempjenti, il-membri taċ-ċentru tan-negozjar inadempjenti jew il-partijiet għan-negozju inadempjenti għandhom iħallsu d-differenza fil-prezz lis-CCP, lill-membri taċ-ċentru tan-negozjar riċeventi jew lill-partijiet għan-negozju riċeventi, skont il-każ.

Meta t-tranżazzjonijiet jiġu kklerjati minn CCP, id-differenza fil-prezz imsemmija fl-ewwel subparagrafu għandha tinġabar mis-CCP mingħand il-membri tal-ikklerjar inadempjenti u mħallsa lill-membri tal-ikklerjar riċeventi.

2. Meta l-prezz tal-ishma miftiehma waqt in-negozjar ikun ogħla mill-prezz effettivament imħallas għal dawk l-ishma skont l-Artikolu 27(10), l-Artikolu 29(10) u l-Artikolu 31(10), id-differenza korrispondenti msemmija fl-Artikolu 7(6) tar-Regolament (UE) Nru 909/2014 għandha titqies imħallsa.

Taqsima 4

L-iskadenzi għall-proċess tax-xiri sfurzat

Artikolu 36

Il-perjodi ta' estensjoni

Skont il-punt (a) tal-Artikolu 7(4) tar-Regolament (UE) Nru 909/2014, il-perjodu tal-estensjoni għall-istrumenti finanzjarji msemmija fl-Artikolu 5(1) tar-Regolament (UE) Nru 909/2014 għandu jiżdied minn erbat ijiem ta' xogħol għal mhux aktar minn sebat ijiem ta' xogħol għall-istrumenti finanzjarji kollha minbarra l-ishma li għandhom suq likwidu kif imsemmi fl-Artikolu 2(1)(17)(b) tar-Regolament (UE) Nru 600/2014.

Artikolu 37

L-iskadenzi għall-konsenja tal-istrumenti finanzjarji

Wara l-proċess ta' xiri sfurzat, l-istrumenti finanzjarji msemmija fl-ewwel subparagrafu tal-Artikolu 5(1) tar-Regolament (UE) Nru 909/2014 għandhom jiġu kkonsenjati lill-parteċipanti riċeventi li qed jaġixxu f'isem is-CCP, lill-membri tal-ikklerjar, lill-membri taċ-ċentru tan-negozjar riċeventi jew lill-partijiet għan-negozju riċeventi, fl-iskadenzi li ġejjin:

(a)	erbat ijiem ta' xogħol wara l-perjodu ta' estensjoni msemmi fl-Artikolu 36 għall-ishma li għandhom suq likwidu;

(b)	sebat ijiem ta' xogħol wara l-perjodu ta' estensjoni msemmi fl-Artikolu 36 għall-istrumenti finanzjarji minbarra l-ishma li għandhom suq likwidu;

(c)	sebat ijiem ta' xogħol wara l-perjodu ta' estensjoni msemmi fit-tieni subparagrafu tal-Artikolu 7(3) tar-Regolament (UE) Nru 909/2014 għall-istrumenti finanzjarji nnegozjati fis-swieq tat-tkabbir tal-SMEs;

(d)	il-punt (c) għandu japplika meta l-ishma msemmija fil-punt (a) jiġu nnegozjati fis-swieq tat-tkabbir tal-SMEs.

Artikolu 38

It-tul ta' żmien ta' differiment ta' eżekuzzjoni ta' xiri sfurzat

Meta s-CCP, il-membru taċ-ċentru tan-negozjar riċeventi jew il-parti għan-negozju riċeventi jiddifferixxu l-eżekuzzjoni ta' xiri sfurzat, it-tul ta' żmien tal-perjodu ta' differiment imsemmi fl-Artikolu 7(7) tar-Regolament (UE) Nru 909/2014 għandu jkun determinat skont l-iskadenzi msemmija fl-Artikolu 37.

Taqsima 5

Nuqqas sistematiku fit-twassil ta' konsenja

Artikolu 39

Nuqqas konsistenti u sistematiku fit-twassil ta' titoli

1. Parteċipant għandu jitqies li jonqos li jwettaq konsenja b'mod konsistenti u sistematiku f'sistema ta' saldu tat-titoli, kif imsemmi fl-Artikolu 7(9) tar-Regolament (UE) Nru 909/2014, meta r-rata ta' effiċjenza tas-saldu tiegħu, iddeterminata b'referenza għan-numru jew għall-valur tal-istruzzjonijiet tas-saldu, tkun tal-inqas 15 % inqas mir-rata tal-effiċjenza tas-saldu ta' dik is-sistema ta' saldu tat-titoli, matul mill-inqas għadd rilevanti ta' jiem tul it-12-il xahar preċedenti.

L-għadd rilevanti ta' jiem għandu jkun iddeterminat għal kull parteċipant bħala 10 % tal-għadd ta' jiem ta' attività ta' dak il-parteċipant fis-sistema tas-saldu tat-titoli fit-12-il xahar preċedenti.

2. Meta tiġi kkalkulata r-rata ta' effiċjenza ta' saldu ta' parteċipant, għandha ssir referenza esklussiva għall-fallimenti ta' saldu kkawżati minn dak il-parteċipant.

Taqsima 6

Informazzjoni dwar is-saldu

Artikolu 40

Informazzjoni dwar is-saldu għas-CCPs u għaċ-ċentri tan-negozjar

L-informazzjoni dwar is-saldu msemmija fit-tieni subparagrafu tal-Artikolu 7(10) tar-Regolament (UE) Nru 909/2014 għandha tinkludi l-identifikazzjoni tat-tranżazzjonijiet rilevanti, tal-parteċipanti u tal-istruzzjonijiet ta' saldu rilevanti. Dik l-informazzjoni għandha tkun ibbażata fuq l-informazzjoni fis-sistema ta' saldu tat-titoli li jħaddem is-CSD.

Artikolu 41

Informazzjoni dwar is-saldu fin-nuqqas ta' fluss ta' tranżazzjoni dirett miċ-ċentru tan-negozjar

Għat-tranżazzjonijiet eżegwiti f'ċentru tan-negozjar li mhumiex ikklerjati minn CCP, u fin-nuqqas ta' fluss ta' tranżazzjoni dirett miċ-ċentru tan-negozjar lis-CSD, il-parteċipanti għandhom jidentifikaw iċ-ċentru tan-negozjar u t-tranżazzjonijiet fl-istruzzjonijiet ta' saldu tagħhom. Fin-nuqqas ta' din l-informazzjoni, is-CSDs għandhom iqisu li t-tranżazzjonijiet ma ġewx eżegwiti f'ċentru tan-negozjar.

KAPITOLU IV

Dispożizzjonijiet finali

Artikolu 42

Dan ir-Regolament għandu jidħol fis-seħħ 24 xahar wara l-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-25 ta' Mejju 2018.

Għall-Kummissjoni

Il-President

Jean-Claude JUNCKER

(1) ĠU L 257, 28.8.2014, p. 1.

(2) Ir-Regolament Delegat tal-Kummissjoni (UE) 2017/389 tal-11 ta' Novembru 2016 li jissupplimenta r-Regolament (UE) Nru 909/2014 tal-Parlament Ewropew u tal-Kunsill fir-rigward tal-parametri għall-kalkolu ta' penali fi flus għal fallimenti tas-saldu u l-operazzjonijiet tas-CSDs fi Stati Membri ospitanti (ĠU L 65, 10.3.2017, p. 1).

(3) Ir-Regolament (UE) Nru 1095/2010 tal-Parlament Ewropew u tal-Kunsill tal-24 ta' Novembru 2010 li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/77/KE (ĠU L 331, 15.12.2010, p. 84).

(4) Ir-Regolament (UE) Nru 648/2012 tal-Parlament Ewropew u tal-Kunsill tal-4 ta' Lulju 2012 dwar derivati OTC, kontropartijiet ċentrali u repożitorji tad-data dwar it-tranżazzjonijiet (ĠU L 201, 27.7.2012, p. 1)

(5) Direttiva 2014/65/UE tal-Parlament Ewropew u tal-Kunsill tal-15 ta' Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE (ĠU L 173, 12.6.2014, p. 349).

(6) Id-Direttiva 98/26/KE tal-Parlament Ewropew u tal-Kunsill tad-19 ta' Mejju 1998 dwar finalità ta' settlement fis-sistemi ta' settlement ta' pagamenti u titoli (ĠU L 166, 11.6.1998, p. 45).

(7) Ir-Regolament (UE) Nru 600/2014 tal-Parlament Ewropew u tal-Kunsill tal-15 ta' Mejju 2014 dwar is-swieq tal-istrumenti finanzjarji u li jemenda r-Regolament (UE) Nru 648/2012 (ĠU L 173, 12.6.2014, p. 84).

ANNESS I

Tabella 1

Informazzjoni ġenerali dwar il-fallimenti tas-saldu li għandhom jiġu rrapportati mis-CSDs lill-awtoritajiet kompetenti u lill-awtoritajiet relevanti ta' kull xahar

Nru	Dettalji li għandhom jiġu rrapportati	Format
1.	Kodiċi tal-pajjiż għall-ġurisdizzjoni li fiha huwa stabbilit is-CSD	Il-kodiċi tal-pajjiżi magħmul minn żewġ karattri skont l-ISO 3166
2.	Sistema ta' saldu tat-titoli mħaddma mis-CSD	Test liberu
3.	Kronogramma tar-rapportar (CSD lill-awtorità kompetenti/lill-awtorità rilevanti)	Id-data skont l-ISO 8601 fil-format tal-ħin tal-UTC SSSS-XX-JJTss:mm:ssZ
4.	Perjodu tar-rapportar: dati tal-bidu u tat-tmiem tal-perjodu kopert mir-rapport	Id-data skont l-ISO 8601 fil-format SSSS-XX-JJ-SSSS-XX-JJ
5.	Identifikatur tal-Entità Ġuridika tas-CSD	Identifikatur tal-Entità Ġuridika (LEI) skont l-ISO 17442, kodiċi b'20 karattru alfanumeriku
6.	L-isem korporattiv tas-CSD	Test liberu
7.	L-isem tal-persuna responsabbli għar-rapport mibgħut mis-CSD	Test liberu
8.	Il-kariga tal-persuna responsabbli għar-rapport mibgħut mis-CSD	Test liberu
9.	In-numru tat-telefon tal-persuna responsabbli għar-rapport mibgħut mis-CSD	Jistgħu jintużaw biss karattri numeriċi. In-numru tat-telefown irid jingħata mal-kodiċi tal-pajjiż u mal-kodiċi taż-żona lokali. Ma jistgħux jintużaw karattri speċjali.
10.	L-indirizz elettroniku tal-persuna responsabbli għar-rapport mibgħut mis-CSD	L-indirizzi elettroniċi iridu jingħataw permezz tal-konvenzjoni standard tal-indirizz elettroniku.
11.	L-għadd ta' struzzjonijiet ta' saldu matul il-perjodu kopert mir-rapport	Sa 20 karattru numeriku rrapportati bħala numri sħaħ mingħajr deċimali.
12.	L-għadd ta' fallimenti ta' saldu matul il-perjodu kopert mir-rapport (li jkopri kemm il-fallimenti tas-saldu għan-nuqqas ta' titoli kif ukoll għan-nuqqas ta' kontanti)	Sa 20 karattru numeriku rrapportati bħala numri sħaħ mingħajr deċimali.
13.	Ir-rata ta' fallimenti tas-saldu bbażata fuq il-volum (l-għadd ta' fallimenti ta' saldu/l-għadd ta' struzzjonijiet ta' saldu matul il-perjodu kopert mir-rapport) (li tkopri kemm il-fallimenti tas-saldu għan-nuqqas ta' titoli kif ukoll għan-nuqqas ta' kontanti)	Valur perċentwali sa żewġ pożizzjonijiet deċimali.
14.	Ir-rata ta' fallimenti tas-saldu bbażata fuq il-valur (EUR) (il-valur ta' fallimenti ta' saldu/il-valur ta' struzzjonijiet ta' saldu matul il-perjodu kopert mir-rapport) (li tkopri kemm il-fallimenti tas-saldu għan-nuqqas ta' titoli kif ukoll għan-nuqqas ta' kontanti)	Valur perċentwali sa żewġ pożizzjonijiet deċimali.
15.	Il-valur tal-istruzzjonijiet ta' saldu (EUR) matul il-perjodu kopert mir-rapport	Sa 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku
16.	Il-valur tal-fallimenti ta' saldu (EUR) matul il-perjodu kopert mir-rapport (li tkopri kemm il-fallimenti tas-saldu għan-nuqqas ta' titoli kif ukoll għan-nuqqas ta' kontanti)	Sa 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku
17.	L-ewwel 10 parteċipanti bl-ogħla rati ta' fallimenti tas-saldu matul il-perjodu kopert mir-rapport (ibbażati fuq l-għadd ta' struzzjonijiet ta' saldu)	Għal kull parteċipant identifikat minn LEI
		LEI tal-parteċipant	Identifikatur tal-Entità Ġuridika (LEI) skont l-ISO 17442, kodiċi b'20 karattru alfanumeriku
		Numru totali ta' struzzjonijiet ta' saldu għal kull parteċipant	Sa 20 karattru numeriku rrapportati bħala numri sħaħ mingħajr deċimali.
		L-għadd ta' fallimenti ta' saldu għal kull parteċipant	Sa 20 karattru numeriku rrapportati bħala numri sħaħ mingħajr deċimali.
		Perċentwal ta' fallimenti ta' saldu	Valur perċentwali sa żewġ pożizzjonijiet deċimali
		Valur totali (EUR) tal-istruzzjonijiet ta' saldu għal kull parteċipant	Sa 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku
		Il-valur (EUR) tal-fallimenti ta' saldu għal kull parteċipant	Sa 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku
		Rata ta' fallimenti ta' saldu	Valur perċentwali sa żewġ pożizzjonijiet deċimali.
18.	L-ewwel 10 parteċipanti bl-ogħla rati ta' fallimenti tas-saldu matul il-perjodu kopert mir-rapport (ibbażati fuq il-valur (EUR) tal-istruzzjonijiet ta' saldu)	Għal kull parteċipant identifikat minn LEI:
		LEI tal-parteċipant	Identifikatur tal-Entità Ġuridika (LEI) skont l-ISO 17442, kodiċi b'20 karattru alfanumeriku
		Valur totali (EUR) tal-istruzzjonijiet ta' saldu għal kull parteċipant	Sa 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku
		Il-valur (EUR) tal-fallimenti ta' saldu għal kull parteċipant	Sa 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku
		Perċentwal ta' fallimenti ta' saldu	Valur perċentwali sa żewġ pożizzjonijiet deċimali
		Numru totali ta' struzzjonijiet ta' saldu għal kull parteċipant	Sa 20 karattru numeriku rrapportati bħala numri sħaħ mingħajr deċimali.
		L-għadd ta' fallimenti ta' saldu għal kull parteċipant	Sa 20 karattru numeriku rrapportati bħala numri sħaħ mingħajr deċimali.
		Rata ta' fallimenti ta' saldu	Valur perċentwali sa żewġ pożizzjonijiet deċimali.
19.	L-għadd ta' struzzjonijiet ta' saldu għal kull munita li fiha huma ddenominati l-istruzzjonijiet ta' saldu matul il-perjodu kopert mir-rapport	Għal kull Kodiċi tal-Munita bi tliet karattri skont l-ISO 4217 il-volum ikun espress bl-użu ta' massimu ta' 20 karattru numeriku rrapportati bħala numri sħaħ mingħajr deċimali.
20.	L-għadd ta' fallimenti ta' saldu għal kull munita li fiha huma ddenominati l-fallimenti ta' saldu matul il-perjodu kopert mir-rapport	Għal kull Kodiċi tal-Munita bi tliet karattri skont l-ISO 4217 il-volum ikun espress bl-użu ta' massimu ta' 20 karattru numeriku rrapportati bħala numri sħaħ mingħajr deċimali.
21.	Ir-rata ta' fallimenti tas-saldu għal kull munita li fiha huma ddenominati l-istruzzjonijiet tas-saldu, ibbażata fuq il-volum (l-għadd ta' fallimenti ta' saldu/l-għadd ta' struzzjonijiet ta' saldu għal kull munita, matul il-perjodu kopert mir-rapport)	Għal kull Kodiċi tal-Munita bi tliet karattri skont l-ISO 4217 ir-rata għandha tkun espressa bħala valur perċentwali sa żewġ pożizzjonijiet deċimali.
22.	Il-valur tal-istruzzjonijiet ta' saldu għal kull munita li fiha huma ddenominati l-istruzzjonijiet ta' saldu matul il-perjodu kopert mir-rapport	Għal kull Kodiċi tal-Munita bi tliet karattri skont l-ISO 4217 il-valur għandu jkun espress bl-użu ta' massimu ta' 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku
23.	Il-valur tal-fallimenti ta' saldu għal kull munita li fiha huma ddenominati l-istruzzjonijiet ta' saldu matul il-perjodu kopert mir-rapport	Għal kull Kodiċi tal-Munita bi tliet karattri skont l-ISO 4217 il-valur għandu jkun espress bl-użu ta' massimu ta' 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku
24.	Ir-rata ta' fallimenti tas-saldu għal kull munita li fiha huma ddenominati l-istruzzjonijiet tas-saldu, ibbażata fuq il-valur (il-valur tal-fallimenti ta' saldu/il-valur tal-istruzzjonijiet ta' saldu għal kull munita, matul il-perjodu kopert mir-rapport)	Għal kull Kodiċi tal-Munita bi tliet karattri skont l-ISO 4217 ir-rata għandha tkun espressa bħala valur perċentwali sa żewġ pożizzjonijiet deċimali.
25.	L-għadd ta' struzzjonijiet ta' saldu għal kull tip ta' strument finanzjarju matul il-perjodu kopert mir-rapport	Għal kull tip ta' strument finanzjarju: Sa 20 karattru numeriku rrapportati bħala numri sħaħ mingħajr deċimali.
26.	L-għadd ta' fallimenti ta' saldu (li jkopri kemm il-fallimenti ta' saldu għal nuqqas ta' titoli kif ukoll għan-nuqqas ta' kontanti) għal kull tip ta' strument finanzjarju matul il-perjodu kopert mir-rapport	Għal kull tip ta' strument finanzjarju: Sa 20 karattru numeriku rrapportati bħala numri sħaħ mingħajr deċimali.
27.	Ir-rata ta' fallimenti tas-saldu għal kull tip ta' strument finanzjarju, ibbażata fuq il-volum (l-għadd ta' fallimenti ta' saldu/l-għadd ta' struzzjonijiet ta' saldu għal kull tip ta' strument finanzjarju matul il-perjodu kopert mir-rapport)	Għal kull tip ta' strument finanzjarju r-rata għandha tkun espressa bħala valur perċentwali sa żewġ pożizzjonijiet deċimali.
28.	Il-valur (EUR) tal-istruzzjonijiet ta' saldu għal kull tip ta' strument finanzjarju	Għal kull tip ta' strument finanzjarju il-valur għandu jkun espress bl-użu ta' massimu ta' 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku.
29.	Il-valur (EUR) tal-fallimenti ta' saldu (li jkopri kemm il-fallimenti tas-saldu għan-nuqqas ta' titoli kif ukoll għan-nuqqas ta' kontanti) għal kull tip ta' strument finanzjarju	Għal kull tip ta' strument finanzjarju il-valur għandu jkun espress bl-użu ta' massimu ta' 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku.
30.	Ir-rata ta' fallimenti tas-saldu għal kull tip ta' strument finanzjarju, ibbażata fuq il-valur (il-valur ta' fallimenti ta' saldu/il-valur tal-istruzzjonijiet ta' saldu għal kull tip ta' strument finanzjarju, matul il-perjodu kopert mir-rapport)	Għal kull tip ta' strument finanzjarju r-rata għandha tkun espressa bħala valur perċentwali sa żewġ pożizzjonijiet deċimali.
31.	L-għadd ta' struzzjonijiet ta' saldu għal kull tip ta' tranżazzjoni matul il-perjodu kopert mir-rapport	Għal kull tip ta' tranżazzjoni l-volum għandu jkun espress bl-użu ta' massimu ta' 20 karattru numeriku rrapportati bħala numri sħaħ mingħajr deċimali.
32.	L-għadd ta' fallimenti ta' saldu (li jkopri kemm il-fallimenti ta' saldu għal nuqqas ta' titoli kif ukoll għan-nuqqas ta' kontanti) għal kull tip ta' tranżazzjoni matul il-perjodu kopert mir-rapport	Għal kull tip ta' tranżazzjoni l-volum għandu jkun espress bl-użu ta' massimu ta' 20 karattru numeriku rrapportati bħala numri sħaħ mingħajr deċimali.
33.	Ir-rata ta' fallimenti tas-saldu għal kull tip ta' tranżazzjoni, ibbażata fuq il-volum (l-għadd ta' fallimenti ta' saldu/l-għadd ta' struzzjonijiet ta' saldu għal kull tip ta' tranżazzjoni matul il-perjodu kopert mir-rapport)	Għal kull tip ta' tranżazzjoni r-rata għandha tkun espressa bħala valur perċentwali sa żewġ pożizzjonijiet deċimali.
34.	Il-valur (EUR) tal-istruzzjonijiet ta' saldu għal kull tip ta' tranżazzjoni	Għal kull tip ta' tranżazzjoni l-valur għandu jkun espress bl-użu ta' massimu ta' 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku.
35.	Il-valur (EUR) tal-fallimenti ta' saldu (li jkopri kemm il-fallimenti tas-saldu għan-nuqqas ta' titoli kif ukoll għan-nuqqas ta' kontanti) għal kull tip ta' tranżazzjoni	Għal kull tip ta' tranżazzjoni l-valur għandu jkun espress bl-użu ta' massimu ta' 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku.
36.	Ir-rata ta' fallimenti tas-saldu għal kull tip ta' tranżazzjoni, ibbażata fuq il-valur (il-valur tal-fallimenti ta' saldu/il-valur tal-istruzzjonijiet ta' saldu għal kull tip ta' tranżazzjoni matul il-perjodu kopert mir-rapport)	Għal kull tip ta' tranżazzjoni r-rata għandha tkun espressa bħala valur perċentwali sa żewġ pożizzjonijiet deċimali.
37.	L-ewwel 20 ISINs li huma s-suġġett ta' fallimenti ta' saldu, ibbażati fuq il-volum ta' fallimenti ta' saldu;	Kodiċi ISIN
38.	L-ewwel 20 ISINs li huma s-suġġett ta' fallimenti ta' saldu, ibbażati fuq il-valur (EUR) tal-fallimenti ta' saldu.	Kodiċi ISIN
39.	L-għadd totali ta' penali msemmija fl-Artikolu 7(2) tar-Regolament (UE) Nru 909/2014, impost mis-CSD	Sa 20 karattru numeriku rrapportati bħala numri sħaħ mingħajr deċimali.
40.	Il-valur totali (EUR) ta' penali msemmija fl-Artikolu 7(2) tar-Regolament (UE) Nru 909/2014, imposti mis-CSD	Sa 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku.
41.	Tul ta' żmien medju ta' fallimenti ta' saldu bħala l-għadd ta' jiem (id-differenza bejn id-data tas-saldu effettiva u d-data tas-saldu ppjanata, ippeżata għall-valur tal-falliment tas-saldu)	L-għadd ta' jiem irrapportati bħala numru b'deċimali wieħed.
42.	Ir-raġunijiet ewlenin għall-fallimenti tas-saldu	Test liberu
43.	Miżuri għat-titjib tal-effiċjenza tas-saldu	Test liberu

Tabella 2

Data ta' kuljum dwar il-fallimenti tas-saldu li għandha tiġi rrapportata mis-CSDs lill-awtoritajiet kompetenti u lill-awtoritajiet rilevanti ta' kull xahar

Data (għal kull jum ta' rapportar fix-xahar)

Tip ta' strument finanzjarju

Tip ta' tranżazzjoni

Sistema Interna jew Bejn Sistemi

Tip ta' struzzjoni

Nuqqas ta' twassil ta' titoli

Nuqqas ta' twassil ta' kontanti

Fallimenti tassaldu

Total ta' Struzzjonijiet

Rata ta' fallimenti

Fallimenti tassaldu

Total ta' Struzzjonijiet

Rata ta' fallimenti

Volum

Valur (EUR)

Volum

Valur (EUR)

Volum

Valur (EUR)

Volum

Valur (EUR)

Volum

Valur (EUR)

Volum

Valur (EUR)

Titoli trasferibbli msemmija fil-punt (a) tal-Artikolu 4(1)(44) tad-Direttiva 2014/65/UE

Xiri jew bejgħ ta' strumenti finanzjarji

Fis-CSD

DVP (1)

DWP (2)

PFOD (3)

FoP (4)

Bejn is-CSDs

DVP

DWP

PFOD

FoP

Operazzjonijiet ta' ġestjoni tal-kollateral

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Self ta' titoli u teħid b'self ta' titoli

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet ta' riakkwist

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet oħra

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Dejn sovran imsemmi fl-Artikolu 4(1)(61) tad-Direttiva 2014/65/UE

Xiri jew bejgħ ta' strumenti finanzjarji

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Operazzjonijiet ta' ġestjoni tal-kollateral

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Self ta' titoli u teħid b'self ta' titoli

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet ta' riakkwist

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet oħra

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

It-titoli trasferibbli msemmija fil-punt (b) tal-Artikolu 4(1)(44) tad-Direttiva 2014/65/UE minbarra d-dejn sovran imsemmi fl-Artikolu 4(1)(61) tad-Direttiva 2014/65/UE

Xiri jew bejgħ ta' strumenti finanzjarji

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Operazzjonijiet ta' ġestjoni tal-kollateral

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Self ta' titoli u teħid b'self ta' titoli

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet ta' riakkwist

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet oħra

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Titoli trasferibbli msemmija fil-punt (c) tal-Artikolu 4(1)(44) tad-Direttiva 2014/65/UE

Xiri jew bejgħ ta' strumenti finanzjarji

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Operazzjonijiet ta' ġestjoni tal-kollateral

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Self ta' titoli u teħid b'self ta' titoli

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet ta' riakkwist

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet oħra

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Il-fondi negozjati fil-borża kif definiti fil-punt (46) tal-Artikolu 4(1) tad-Direttiva 2014/65/UE

Xiri jew bejgħ ta' strumenti finanzjarji

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Operazzjonijiet ta' ġestjoni tal-kollateral

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Self ta' titoli u teħid b'self ta' titoli

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet ta' riakkwist

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet oħra

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Unitajiet f'impriżi ta' investiment kollettiv, minbarra l-ETFs

Xiri jew bejgħ ta' strumenti finanzjarji

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Operazzjonijiet ta' ġestjoni tal-kollateral

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Self ta' titoli u teħid b'self ta' titoli

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet ta' riakkwist

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet oħra

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Strumenti tas-suq monetarju minbarra d-Dejn sovran imsemmi fl-Artikolu 4(1)(61) tad-Direttiva 2014/65/UE

Xiri jew bejgħ ta' strumenti finanzjarji

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Operazzjonijiet ta' ġestjoni tal-kollateral

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Self ta' titoli u teħid b'self ta' titoli

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet ta' riakkwist

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet oħra

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Kwoti tal-emissjonijiet

Xiri jew bejgħ ta' strumenti finanzjarji

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Operazzjonijiet ta' ġestjoni tal-kollateral

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Self ta' titoli u teħid b'self ta' titoli

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet ta' riakkwist

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet oħra

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Strumenti finanzjarji oħra

Xiri jew bejgħ ta' strumenti finanzjarji

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Operazzjonijiet ta' ġestjoni tal-kollateral

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Self ta' titoli u teħid b'self ta' titoli

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet ta' riakkwist

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

Tranżazzjonijiet oħra

Fis-CSD

DVP

DWP

PFOD

FoP

Bejn is-CSDs

DVP

DWP

PFOD

FoP

(1) Ikopri l-istruzzjonijiet ta' saldu DVP u RVP.

(2) Ikopri l-istruzzjonijiet ta' saldu DWP u RWP.

(3) Ikopri l-istruzzjonijiet ta' saldu DPFOD u CPFOD.

(4) Ikopri l-istruzzjonijiet ta' saldu DFP u RFP.

ANNESS II

Informazzjoni dwar il-fallimenti tas-saldu li għandha tiġi rrapportata mis-CSDs lill-awtoritajiet kompetenti u lill-awtoritajiet rilevanti ta' kull sena

Tabella 1

Nru	Dettalji li għandhom jiġu rrapportati	Format
1.	Kodiċi tal-pajjiż għall-ġurisdizzjoni li fiha huwa stabbilit is-CSD	Il-kodiċi tal-pajjiżi magħmul minn żewġ karattri skont l-ISO 3166
2.	Sistema ta' saldu tat-titoli mħaddma mis-CSD	Test liberu
3.	Kronogramma tar-rapportar (CSD lill-awtorità kompetenti/lill-awtorità rilevanti)	Id-data skont l-ISO 8601 fil-format tal-ħin tal-UTC SSSS-XX-JJTss:mm:ssZ
4.	Perjodu tar-rapportar: dati tal-bidu u tat-tmiem tal-perjodu kopert mir-rapport	Id-data skont l-ISO 8601 fil-format SSSS-XX-JJ-SSSS-XX-JJ
5.	Identifikatur tal-Entità Ġuridika tas-CSD	Identifikatur tal-Entità Ġuridika (LEI) skont l-ISO 17442, kodiċi b'20 karattru alfanumeriku
6.	L-isem korporattiv tas-CSD	Test liberu
7.	L-isem tal-persuna responsabbli għar-rapport mibgħut mis-CSD	Test liberu
8.	Il-kariga tal-persuna responsabbli għar-rapport mibgħut mis-CSD	Test liberu
9.	In-numru tat-telefon tal-persuna responsabbli għar-rapport mibgħut mis-CSD	Jistgħu jintużaw biss karattri numeriċi. In-numru tat-telefown irid jingħata mal-kodiċi tal-pajjiż u mal-kodiċi taż-żona lokali. Ma jistgħux jintużaw karattri speċjali.
10.	L-indirizz elettroniku tal-persuna responsabbli għar-rapport mibgħut mis-CSD	L-indirizzi elettroniċi iridu jingħataw permezz tal-konvenzjoni standard tal-indirizz elettroniku.
11.	Miżuri għat-titjib tal-effiċjenza tas-saldu	Test liberu
12.	Ir-raġunijiet ewlenin għall-fallimenti tas-saldu (sommarju annwali tar-raġunijiet għall-fallimenti tas-saldu inklużi fir-rapporti ta' kull xahar)	Test liberu
13.	Volum annwali tal-istruzzjonijiet ta' saldu	Sa 20 karattru numeriku rrapportati bħala numri sħaħ mingħajr deċimali.
14.	Volum annwali ta' fallimenti ta' saldu (li jkopri kemm il-fallimenti tas-saldu għan-nuqqas ta' titoli kif ukoll għan-nuqqas ta' kontanti)	Sa 20 karattru numeriku rrapportati bħala numri sħaħ mingħajr deċimali.
15.	Ir-rata annwali ta' fallimenti ta' saldu bbażata fuq il-volum (l-għadd annwali ta' fallimenti ta' saldu/l-għadd annwali ta' struzzjonijiet ta' saldu) (li tkopri kemm il-fallimenti tas-saldu għan-nuqqas ta' titoli kif ukoll għan-nuqqas ta' kontanti)	Valur perċentwali sa żewġ pożizzjonijiet deċimali
16.	Valur annwali (EUR) tal-istruzzjonijiet ta' saldu	Sa 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku
17.	Valur annwali (EUR) ta' fallimenti ta' saldu (li jkopri kemm il-fallimenti tas-saldu għan-nuqqas ta' titoli kif ukoll għan-nuqqas ta' kontanti)	Sa 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku
18.	Ir-rata annwali ta' fallimenti ta' saldu bbażata fuq il-valur (il-valur annwali ta' fallimenti ta' saldu/il-valur annwali ta' struzzjonijiet ta' saldu) (li tkopri kemm il-fallimenti tas-saldu għan-nuqqas ta' titoli kif ukoll għan-nuqqas ta' kontanti)	Valur perċentwali sa żewġ pożizzjonijiet deċimali
19.	Eliġibbli għal deroga taħt l-Artikolu 12 tar-Regolament delegat dwar id-dixxiplina tas-saldu, inkluża l-ġustifikazzjoni	IVA/LE Test liberu

ANNESS III

Rapport dwar il-fallimenti tas-saldu li għandu jiġi ppubblikat ta' kull sena

Tabella 1

Nru	Dettalji li għandhom jiġu rrappurtati	Format
1.	Il-perjodu tar-rapportar	Id-data skont l-ISO 8601 fil-format SSSS-XX-JJ-SSSS-XX-JJ
2.	Identifikatur tal-Entità Ġuridika tas-CSD	Identifikatur tal-Entità Ġuridika (LEI) skont l-ISO 17442, kodiċi b'20 karattru alfanumeriku
3.	Sistema ta' saldu tat-titoli mħaddma mis-CSD	Test liberu
4.	L-għadd ta' struzzjonijiet ta' saldu matul il-perjodu kopert mir-rapport	Sa 20 karattru numeriku rrapportati bħala numri sħaħ mingħajr deċimali.
5.	Il-valur (EUR) tal-istruzzjonijiet ta' saldu matul il-perjodu kopert mir-rapport	Sa 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku.
Data dwar in-nuqqas ta' twassil ta' titoli
6.	L-għadd ta' fallimenti ta' saldu minħabba n-nuqqas ta' twassil ta' titoli	Sa 20 karattru numeriku rrapportati bħala numri sħaħ mingħajr deċimali.
7.	Il-valur (EUR) ta' fallimenti ta' saldu minħabba n-nuqqas ta' twassil ta' titoli	Sa 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku.
8.	Ir-rata ta' fallimenti ta' saldu bbażata fuq il-volum ta' struzzjonijiet ta' saldu	Valur perċentwali sa żewġ pożizzjonijiet deċimali.
9.	Ir-rata ta' fallimenti ta' saldu bbażata fuq il-valur tal-istruzzjonijiet ta' saldu	Valur perċentwali sa żewġ pożizzjonijiet deċimali.
Data dwar in-nuqqas ta' twassil ta' kontanti
10.	L-għadd ta' fallimenti ta' saldu minħabba n-nuqqas ta' twassil ta' kontanti	Sa 20 karattru numeriku rrapportati bħala numri sħaħ mingħajr deċimali.
11.	Il-valur (EUR) ta' fallimenti ta' saldu minħabba n-nuqqas ta' twassil ta' kontanti	Sa 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku.
12.	Ir-rata ta' fallimenti ta' saldu bbażata fuq il-volum ta' struzzjonijiet ta' saldu	Valur perċentwali sa żewġ pożizzjonijiet deċimali.
13.	Ir-rata ta' fallimenti ta' saldu bbażata fuq il-valur (EUR) tal-istruzzjonijiet ta' saldu	Valur perċentwali sa żewġ pożizzjonijiet deċimali
Data li tkopri kemm il-fallimenti tas-saldu għan-nuqqas ta' titoli kif ukoll għan-nuqqas ta' kontanti
14.	L-għadd totali ta' fallimenti ta' saldu (li jkopri kemm il-fallimenti tas-saldu għan-nuqqas ta' titoli kif ukoll għan-nuqqas ta' kontanti)	Sa 20 karattru numeriku rrapportati bħala numri sħaħ mingħajr deċimali.
15.	Valur totali (EUR) ta' fallimenti ta' saldu (li jkopri kemm il-fallimenti tas-saldu għan-nuqqas ta' titoli kif ukoll għan-nuqqas ta' kontanti)	Sa 20 karattru numeriku inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku.
16.	Ir-rata ta' fallimenti ta' saldu bbażata fuq il-volum ta' struzzjonijiet ta' saldu	Valur perċentwali sa żewġ pożizzjonijiet deċimali
17.	Ir-rata ta' fallimenti ta' saldu bbażata fuq il-valur tal-istruzzjonijiet ta' saldu	Sa ħames karattri numeriċi inklużi d-deċimali. Tal-anqas karattru wieħed qabel u karattru wieħed wara l-marka deċimali għandhom ikunu mimlijin. Il-marka deċimali mhix ikkunsidrata bħala karattru numeriku.
18.	Miżuri għat-titjib tal-effiċjenza tas-saldu	Test liberu

Top

Choose the experimental features you want to try