17.2.2018   

MT

Il-Ġurnal Uffiċjali tal-Unjoni Ewropea

L 45/33

(1)

Id-Direttiva 96/23/KE tistabbilixxi miżuri għall-monitoraġġ tas-sustanzi u tal-gruppi ta' residwi elenkati fl-Anness I tagħha. L-Artikolu 29 ta' dik id-Direttiva jeħtieġ li l-pajjiżi terzi li minnhom l-Istati Membri huma awtorizzati jimportaw l-annimali u l-prodotti tal-annimali koperti minn dik id-Direttiva jissottomettu pjan ta' monitoraġġ tar-residwi li jipprovdi l-garanziji meħtieġa (“il-pjan”). Il-pjan jenħtieġ li mill-inqas japplika għall-gruppi ta' residwi u sustanzi elenkati f'dak l-Anness I.

(2)

Id-Deċiżjoni tal-Kummissjoni 2011/163/UE (2) tapprova l-pjanijiet sottomessi minn ċerti pajjiżi terzi dwar l-annimali u l-prodotti tal-annimali speċifikati kif elenkati fl-Anness ta' dik id-Deċiżjoni (“il-lista”).

(3)

Filwaqt li Andorra ma pprovdietx pjan ta' monitoraġġ tar-residwi għall-porċini prodotti domestikament, Andorra pprovdiet garanziji fir-rigward ta' materja prima tal-porċini li toriġina mill-Istati Membri jew minn pajjiżi terzi li huma approvati għall-esportazzjoni ta' din il-materja prima lejn l-Unjoni Ewropea. Għalhekk jenħtieġ li tiżdied entrata fil-lista għal Andorra għall-porċini bin-nota f'qiegħ il-paġna xierqa.

(4)

Il-Burkina Faso ssottomettiet pjan għall-għasel lill-Kummissjoni. Dan il-pjan jagħti biżżejjed garanziji u jenħtieġ li jiġi approvat. Għalhekk jenħtieġ li tiġi inkluża entrata fil-lista għall-Burkina Faso għall-għasel.

(5)

Il-Benin issottometta pjan għall-għasel lill-Kummissjoni. Dan il-pjan jagħti biżżejjed garanziji u jenħtieġ li jiġi approvat. Għalhekk jenħtieġ li tiġi inkluża entrata fil-lista għall-Benin għall-għasel.

(6)

Filwaqt li Mauritius ma pprovdiex pjan ta' monitoraġġ tar-residwi għall-għasel prodott domestikament, Mauritius ipprovda garanziji fir-rigward ta' materja prima tal-għasel li toriġina mill-Istati Membri jew minn pajjiżi terzi li huma approvati għall-esportazzjoni ta' din il-materja prima lejn l-Unjoni Ewropea. Għalhekk jenħtieġ li tiżdied entrata fil-lista għal Mauritius għall-għasel bin-nota f'qiegħ il-paġna xierqa.

(7)

San Marino ssottometta pjan għall-ħalib lill-Kummissjoni. Dan il-pjan jagħti biżżejjed garanziji u jenħtieġ li jiġi approvat. Għalhekk jenħtieġ li tiġi inkluża entrata fil-lista għal San Marino għall-ħalib.

(8)

L-Afrika t'Isfel bħalissa hija inkluża fil-lista għall-annimali tal-kaċċa mrobbija fl-irziezet. Madankollu, l-aħħar awditu li wettqet il-Kummissjoni fl-Afrika t'Isfel ikkonferma nuqqasijiet fil-kapaċità tal-awtoritajiet tal-Afrika t'Isfel biex iwettqu verifiki affidabbli għall-annimali tal-kaċċa mrobbija fl-irziezet. Għalhekk l-entrata għall-Afrika t'Isfel li tikkonċerna l-annimali tal-kaċċa mrobbija fl-irziezet jenħtieġ li titħassar mil-lista. L-Afrika t'Isfel ġiet infurmata b'dan.

(9)

Iż-Żimbabwe bħalissa huwa inkluż fil-lista għall-akkwakultura u l-annimali tal-kaċċa mrobbija fl-irziezet. Madankollu, iż-Żimbabwe ma pprovdiex pjan kif meħtieġ mill-Artikolu 29 tad-Direttiva 96/23/KE u ddikjara li l-ittestjar tar-residwi mhux qed jitwettaq u mhux mistenni jiġi implimentat u li l-esportazzjoni tal-akkwakultura lejn l-UE ma setgħetx tibqa' sseħħ. Għalhekk l-entrati għaż-Zimbabwe li jikkonċernaw l-akkwakultura u l-annimali tal-kaċċa mrobbija fl-irziezet jenħtieġ li jitħassru mil-lista. Iż-Żimbabwe ġie infurmat b'dan.

(10)

Sabiex jiġi evitat kull tfixkil għall-kummerċ, għandhom jiġu stabbiliti perjodi tranżizzjonali li jkopru l-konsenji rilevanti mibgħuta mill-Afrika t'Isfel lejn l-Unjoni qabel id-data tal-applikazzjoni ta' din id-Deċiżjoni.

(11)

Għalhekk, id-Deċiżjoni 2011/163/UE jenħtieġ li tiġi emendata skont dan.

(12)

Il-miżuri previsti f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,