32017R0776

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Regolament - 2017/776 - EN - EUR-Lex

Help

Search tips

Need more search options? Use the Advanced search

Document 32017R0776

Regolament tal-Kummissjoni (UE) 2017/776 tal-4 ta' Mejju 2017 li jemenda, għall-finijiet tal-adattament tiegħu għall-progress tekniku u xjentifiku, ir-Regolament (KE) Nru 1272/2008 tal-Parlament Ewropew u tal-Kunsill dwar il-klassifikazzjoni, l-ittikkettar u l-imballaġġ tas-sustanzi u t-taħlitiet (Test b'rilevanza għaż-ŻEE. )

C/2017/2366

ĠU L 116, 5.5.2017, p. 1–19 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force: This act has been changed. Current consolidated version: 25/10/2018

ELI: http://data.europa.eu/eli/reg/2017/776/oj

HTML

PDF

Official Journal

5.5.2017

Il-Ġurnal Uffiċjali tal-Unjoni Ewropea

L 116/1

REGOLAMENT TAL-KUMMISSJONI (UE) 2017/776

tal-4 ta' Mejju 2017

li jemenda, għall-finijiet tal-adattament tiegħu għall-progress tekniku u xjentifiku, ir-Regolament (KE) Nru 1272/2008 tal-Parlament Ewropew u tal-Kunsill dwar il-klassifikazzjoni, l-ittikkettar u l-imballaġġ tas-sustanzi u t-taħlitiet

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1272/2008 tal-Parlament Ewropew u tal-Kunsill tas-16 ta' Diċembru 2008 dwar il-klassifikazzjoni, l-ittikkettar u l-imballaġġ tas-sustanzi u t-taħlitiet, li jemenda u jħassar id-Direttivi 67/548/KEE u 1999/45/KE, u li jemenda r-Regolament (KE) Nru 1907/2006 (1), u b'mod partikolari l-Artikolu 37(5) tiegħu,

Billi:

(1)	It-Tabella 3.1 tal-Parti 3 tal-Anness VI tar-Regolament (KE) Nru 1272/2008 fiha l-lista tal-klassifikazzjoni u t-tikkettar armonizzati ta' sustanzi perikolużi abbażi tal-kriterji stipulati fil-Partijiet 2 sa 5 tal-Anness I tal-istess Regolament.

(2)

Tressqu proposti għall-klassifikazzjoni u t-tikkettar armonizzati ġodda, aġġornati jew imħassra ta' ċerti sustanzi lill-Aġenzija Ewropea għas-Sustanzi Kimiċi (ECHA), skont l-Artikolu 37 tar-Regolament (KE) Nru 1272/2008. Abbażi tal-opinjonijiet dwar dawk il-proposti maħruġa mill-Kumitat għall-Istima tar-Riskji tal-ECHA (RAC), u abbażi tal-kummenti li waslu mingħand il-partijiet konċernati, jixraq li jiġu introdotti, aġġornati jew imħassra l-klassifikazzjoni u t-tikkettar armonizzati ta' ċerti sustanzi.

(3)

L-Istimi ta' Tossiċità Akuta (ATE) jintużaw prinċipalment biex tiġi ddeterminata l-klassifikazzjoni ta' taħlitiet li fihom sustanzi tossiċi b'rabta mat-tossiċità akuta għas-saħħa tal-bniedem. L-inklużjoni ta' valuri ta' ATE armonizzati fl-entrati elenkati fl-Anness VI tar-Regolament (KE) Nru 1272/2008 tiffaċilita l-armonizzazzjoni tal-klassifikazzjoni tat-taħlitiet u tipprovdi appoġġ lill-awtoritajiet tal-infurzar. Il-valuri ta' ATE armonizzati skont l-Artikolu 37 għandhom jiġu miżjuda fil-kolonna qabel tal-aħħar tat-Tabella 3.1 tal-Parti 3 tal-Anness VI ta' dak ir-Regolament. Skont l-Artikolu 38(1)(e), dawk il-valuri għandhom jissemmew fl-opinjonijiet u d-deċiżjonijiet għall-klassifikazzjoni armonizzata. It-titolu tal-kolonna tat-Tabella 3.1 tal-Parti 3 kif ukoll it-Taqsima 1.1.2.3 tal-Parti 1 tal-Anness VI tar-Regolament (KE) Nru 1272/2008 għandhom jiġu emendati skont dan.

(4)

Il-konformità mal-klassifikazzjonijiet armonizzati l-ġodda u mad-dispożizzjoni l-ġdida dwar l-ATE fit-Taqsima 1.1.2.3 tal-Parti 1 tal-Anness VI tar-Regolament (KE) Nru 1272/2008 ma għandhiex tkun meħtieġa minnufih, billi jenħtieġ ċertu perjodu ta' żmien biex il-fornituri jkunu jistgħu jadattaw it-tikkettar u l-imballaġġ tas-sustanzi u t-taħlitiet għall-klassifikazzjonijiet il-ġodda u biex ibigħu l-ħażniet eżistenti. Dak il-perjodu ta' żmien se jkun neċessarju wkoll sabiex il-fornituri jadattaw għal obbligi leġiżlattivi oħra li jirriżultaw mill-klassifikazzjonijiet armonizzati l-ġodda għas-sustanzi u biex jikkonformaw magħhom, bħal dawk stipulati fl-Artikolu 22(f) jew fl-Artikolu 23 tar-Regolament (KE) Nru 1907/2006 tal-Parlament Ewropew u tal-Kunsill (2), dawk stipulati fl-Artikolu 50 tar-Regolament (UE) Nru 528/2012 tal-Parlament Ewropew u tal-Kunsill (3) jew dawk tal-Artikolu 44 tar-Regolament (KE) Nru 1107/2009 tal-Parlament Ewropew u tal-Kunsill (4).

(5)

It-Tabella 3.2 tal-Anness VI tar-Regolament (KE) Nru 1272/2008, li fiha l-lista tal-klassifikazzjoni u t-tikkettar armonizzati ta' sustanzi perikolużi abbażi tal-kriterji stipulati fid-Direttiva tal-Kunsill 67/548/KEE (5), tħassret b'effett mill-1 ta' Ġunju 2017. Għal raġunijiet ta' konsistenza, ir-referenzi għat-Tabella 3.2 fil-Parti 1 u l-Parti 3 tal-Anness VI tar-Regolament (KE) Nru 1272/2008 għandhom jitħassru b'effett mill-istess data. Għal raġunijiet ta' ċarezza, it-Tabella 3.1 tal-Anness VI tar-Regolament (KE) Nru 1272/2008 għandha ssir it-Tabella 3, u r-referenzi kollha għat-Tabella 3.1 f'dak l-Anness għandhom jiġu mibdula skont dan.

(6)

Id-Direttiva 67/548/KEE u d-Direttiva 1999/45/KE tal-Parlament Ewropew u tal-Kunsill (6) tħassru b'effett mill-1 ta' Ġunju 2015. Għal raġunijiet ta' konsistenza, ir-referenzi għal dawk id-Direttivi fil-parti introduttorja u fil-Parti 1 u l-Parti 3 tal-Anness VI tar-Regolament (KE) Nru 1272/2008 għandhom jitħassru flimkien mal-bidliet rigward ir-referenzi għat-Tabelli 3.1 u 3.2 tal-Anness VI ta' dak ir-Regolament b'effett mill-1 ta' Ġunju 2017, li hija d-data stipulata fl-Artikolu 61(4) tar-Regolament (KE) Nru 1272/2008 qabel liema t-taħlitiet klassifikati, tikkettati u imballaġġati skont id-Direttiva 1999/45/KE u mqiegħda fis-suq qabel l-1 ta' Ġunju 2015 m'għandhomx għalfejn ikunu tikkettati u mballaġġati mill-ġdid b'konformità mar-Regolament (KE) Nru 1272/2008.

(7)	Ir-Regolament (KE) Nru 1272/2008 għandu jiġi emendat skont dan.

(8)

Skont id-dispożizzjonijiet tranżitorji tar-Regolament (KE) Nru 1272/2008 li jippermettu l-applikazzjoni tad-dispożizzjonijiet il-ġodda fi stadju aktar bikri fuq bażi volontarja, il-fornituri għandu jkollhom il-possibbiltà li japplikaw il-klassifikazzjonijiet armonizzati l-ġodda u li jadattaw it-tikkettar u l-imballaġġ skont dan fuq bażi volontarja qabel l-iskadenza għall-konformità.

(9)	Il-miżuri stipulati f'dan ir-Regolament huma skont l-opinjoni tal-Kumitat stabbilit bl-Artikolu 133 tar-Regolament (KE) Nru 1907/2006,

ADOTTAT DAN IR-REGOLAMENT:

Artikolu 1

L-Anness VI tar-Regolament (KE) Nru 1272/2008 huwa emendat kif stipulat fl-Anness ta' dan ir-Regolament.

Artikolu 2

1. Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

2. Dan ir-Regolament jibda japplika mill-1 ta' Diċembru 2018.

Fl-Anness, il-punt (1), il-punti (a), (b), (d), (e), (f), (g), (h), (i) u (j) tal-punt (2) u l-punti (a) u (b) tal-punt (3) għandhom japplikaw mill-1 ta' Ġunju 2017.

3. B'deroga mill-paragrafu 2, sustanzi u taħlitiet jistgħu, qabel l-1 ta' Diċembru 2018, jiġu klassifikati, tikkettati u mballaġġati b'konformità mar-Regolament (KE) Nru 1272/2008 kif emendat b'dan ir-Regolament.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-4 ta' Mejju 2017.

Għall-Kummissjoni

Il-President

Jean-Claude JUNCKER

(1) ĠU L 353, 31.12.2008, p. 1.

(2) Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta' Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU L 396, 30.12.2006, p. 1).

(3) Ir-Regolament (UE) Nru 528/2012 tal-Parlament Ewropew u tal-Kunsill tat-22 ta' Mejju 2012 dwar it-tqegħid fis-suq u l-użu tal-prodotti bijoċidali (ĠU L 167, 27.6.2012, p. 1).

(4) Ir-Regolament (KE) Nru 1107/2009 tal-Parlament Ewropew u tal-Kunsill tal-21 ta' Ottubru 2009 dwar it-tqegħid fis-suq ta' prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (ĠU L 309, 24.11.2009, p. 1).

(5) Id-Direttiva tal-Kunsill 67/548/KEE tas-27 ta' Ġunju 1967 rigward l-approssimazzjoni tal-liġijiet, tar-regolamenti u tad-dispożizzjonijiet amministrattivi dwar il-klassifikazzjoni, l-imballaġġ u t-tikkettar ta' sustanzi perikolużi (ĠU L 196, 16.8.1967, p. 1).

(6) Id-Direttiva 1999/45/KE tal-Parlament Ewropew u tal-Kunsill tal-31 ta' Mejju 1999 li tirrigwarda l-approssimazzjoni tal-liġijiet, ir-regolamenti u d-dispożizzjonijiet amministrattivi tal-Istati Membri dwar il-klassifikazzjoni, l-imballaġġ u t-tikkettar tal-preparazzjonjijiet perikolużi (ĠU L 200, 30.7.1999, p. 1).

ANNESS

L-Anness VI tar-Regolament (KE) Nru 1272/2008 huwa emendat kif ġej:

(1)

Il-paragrafi introduttorji jinbidlu b'dan li ġej:

“Il-Parti 1 ta' dan l-Anness tipprovdi introduzzjoni għal-lista ta' klassifikazzjoni u tikketar armonizzati, bl-inklużjoni ta' informazzjoni mniżżla għal kull entrata u klassifikazzjonijiet u stqarrijiet dwar il-periklu relatati fit-Tabella 3.

Il-Parti 2 ta' dan l-Anness tistabbilixxi l-prinċipji ġenerali għat-tħejjija ta' dossiers biex jiġu proposti u ġġustifikati l-klassifikazzjoni u t-tikkettar armonizzati ta' sustanzi fil-livell tal-Unjoni.

Il-Parti 3 ta' dan l-Anness telenka s-sustanzi perikolużi li għalihom ġew stabbiliti klassifikazzjoni u tikkettar armonizzati fil-livell tal-Unjoni. Fit-Tabella 3 il-klassifikazzjoni u t-tikkettar huma bbażati fuq il-kriterji fl-Anness I ta' dan ir-Regolament.”;

(2)

Il-Parti 1 hija emendata kif ġej:

(a)	It-titolu tat-Taqsima 1.1.2 jinbidel b'dan li ġej: “1.1.2. Informazzjoni relatata mal-klassifikazzjoni u t-tikkettar ta' kull entrata fit-Tabella 3”;

(b)

It-Taqsima 1.1.2.3 tinbidel b'dan li ġej:

“1.1.2.3. Limiti ta' konċentrazzjoni speċifiċi, Fatturi-M u Stimi ta' Tossiċità Akuta (ATE)

Il-limiti ta' konċentrazzjoni speċifiċi (SCLs), fejn huma differenti mil-limiti ta' konċentrazzjoni ġenerali mogħtija fl-Anness I għal ċertu kategorija, jingħataw f'kolonna separata flimkien mal-klassifikazzjoni kkonċernata bl-użu tal-istess kodiċijiet imsemmija f'1.1.2.1.1. L-ATEs armonizzati wkoll huma elenkati fl-istess kolonna tat-Tabella 3. L-SCLs u l-ATEs armonizzati jridu jintużaw mill-manifattur, l-importatur jew l-utent downstream għall-klassifikazzjoni ta' taħlita li jkun fiha din is-sustanza. Meta tiġi applikata ATE għandha tintuża l-formula tal-addittività deskritta fit-Taqsima 3.1.3.6 tal-Anness I. Meta ma jingħataw l-ebda limiti ta' konċentrazzjoni għal ċertu kategorija f'dan l-Anness, il-limiti ġeneriċi ta' konċentrazzjoni mogħtija fl-Anness I iridu jiġu applikati għall-klassifikazzjoni ta' sustanzi li fihom impuritajiet, addittivi jew kostitwenti individwali jew għat-taħlitiet. Jekk il-valuri tal-ATEs armonizzati jkunu nieqsa fil-każ tat-tossiċità akuta, il-valur korrett irid jiġi stabbilit bl-użu tad-dejta disponibbli.

Sakemm mhux indikat mod ieħor, il-limiti ta' konċentrazzjoni huma persentaġġ skont il-piż tas-sustanza kkalkulat b'referenza għall-piż totali tat-taħlita.

F'każ li fattur M ikun ġie armonizzat għal sustanzi klassifikati bħala perikolużi għall-ambjent akkwatiku fil-kategoriji Akkwatiku Akut 1 jew Akkwatiku Kroniku 1, dak il-fattur M huwa mogħti fit-Tabella 3 fl-istess kolonna bħal-limiti ta' konċentrazzjoni speċifiċi. F'każ li fattur-M għal Akkwatiku Akut 1 u fattur M għal Akkwatiku Kroniku 1 ikunu ġew arnomizzati, kull fattur M għandu jkun imniżżel fl-istess linja bħad-differenzjazzjoni korrispondenti tiegħu. F'każ li fattur-M wieħed jingħata fit-Tabella 3 u s-sustanza tkun klassifikata bħala Akkwatika Akuta 1 u Akkwatika Kronika 1, dak il-fattur M għandu jintuża għall-klassifikazzjoni ta' taħlita li jkun fiha din is-sustanza għal perikli akkwatiċi akuti u fit-tul mill-manifattur, mill-importatur jew mill-utent downstream permezz tal-metodu tal-addizzjoni. Meta ma jingħata ebda fattur-M fit-Tabella 3, il-fattur(i)-M ibbażati fuq informazzjoni disponibbli għas-sustanza għandhom jiġu stabbiliti mill-manifattur, mill-importatur jew mill-utent downstream. Ara t-Taqsima 4.1.3.5.5.5 tal-Anness I għall-iffissar u l-użu tal-fatturi-M.”;

(c)

It-Taqsima 1.1.3.1 hija emendata kif ġej:

(i)	in-Nota E hija mħassra;

(ii)

In-Nota K tinbidel b'dan li ġej:

“Nota K:

Il-klassifikazzjoni bħala karċinoġenu jew mutaġenu m'hemmx għalfejn tapplika jekk jista' jintwera li s-sustanza fiha inqas minn 0,1 % w/w 1,3-butadiene (Nru EINECS 203-450-8). Jekk is-sustanza mhix klassifikata bħala karċinoġenu jew mutaġenu, għandhom mill-inqas japplikaw id-dikjarazzjonijiet ta' prekawzjoni (P102-)P210-P403. Din in-nota tapplika biss għal ċerti sustanzi kumplessi derivati miż-żejt fil-Parti 3.”;

(iii)

In-Nota P tinbidel b'dan li ġej:

“Nota P:

Il-klassifikazzjoni bħala karċinoġenu jew mutaġenu ma għandhiex tapplika jekk jista' jintwera li s-sustanza fiha inqas minn 0,1 % w/w ta' benżin (Nru EINECS 200-753-7).

Jekk is-sustanza mhix klassifikata bħala karċinoġenu, għandhom mill-inqas japplikaw id-dikjarazzjonijiet ta' prekawzjoni (P102-)P260-P262-P301 + P310-P331.

Din in-nota tapplika biss għal ċerti sustanzi kumplessi derivati miż-żejt fil-Parti 3.”;

(iv)	In-Nota S tinbidel b'dan li ġej: “Nota S: Din is-sustanza jista' ma jkollhiex bżonn ta' tikketta skont l-Artikolu 17 (ara t-taqsima 1.3 tal-Anness I) (Tabella 3).”;

(v)	Fin-Nota U, it-titolu jinbidel b'dan li ġej: “Nota U (Tabella 3):”;

(d)

It-Taqsima 1.1.3.2 hija emendata kif ġej:

(i)	In-Nota 1 tinbidel b'dan li ġej: “Nota 1: Il-konċentrazzjoni ddikjarata jew, fin-nuqqas ta' dawn il-konċentrazzjonijiet, il-konċentrazzjonijiet ġeneriċi stabbiliti f'dan ir-Regolament huma l-valuri tal-piż skont il-piż tal-element metalliku kkalkulati b'referenza għall-piż totali tat-taħlita.”;

(ii)	In-Nota 8 hija miżjuda kif ġej: “Nota 8: Il-klassifikazzjoni bħala karċinoġenu m'hemmx għalfejn tapplika jekk jista' jintwera li l-konċentrazzjoni massima teoretika tal-formaldeid li jista' jiġi rilaxxat, irrispettivament mis-sors, fit-taħlita kif introdotta fis-suq tkun inqas minn 0,1 %.”

(iii)

In-Nota 9 hija miżjuda kif ġej:

“Nota 9:

Il-klassifikazzjoni bħala mutaġenu m'hemmx għalfejn tapplika jekk jista' jintwera li l-konċentrazzjoni massima teoretika tal-formaldeid li jista' jiġi rilaxxat, irrispettivament mis-sors, fit-taħlita kif introdotta fis-suq tkun inqas minn 1 %.”

(e)	It-Taqsima 1.1.4 hija mħassra;

(f)	It-Titolu tat-Taqsima 1.2 jinbidel b'dan li ġej: “1.2. Klassifikazzjonijiet u dikjarazzjonijiet dwar il-periklu fit-Tabella 3 li jirriżultaw mill-konverżjoni tal-klassifikazzjonijiet elenkati fl-Anness I tad-Direttiva 67/548/KEE”

(g)

It-Taqsima 1.2.1 tinbidel b'dan li ġej:

“1.2.1. Klassifikazzjoni minima

Għal ċerti klassijiet ta' periklu, inklużi t-tossiċità akuta u l-esponiment ripetut ta' STOT, il-klassifikazzjoni skont il-kriterji fid-Direttiva 67/548/KEE ma tikkorrispondix direttament mal-klassifikazzjoni fi klassi ta' periklu u f'kategorija skont dan ir-Regolament. F'dawn il-każijiet il-klassifikazzjoni f'dan l-Anness għandha titqies bħala klassifikazzjoni minima. Din il-klassifikazzjoni għandha tiġi applikata jekk l-ebda waħda mill-kondizzjonijiet li ġejjin ma tiġi ssodisfata:

—

il-manifattur jew l-importatur għandu aċċess għal dejta jew għal informazzjoni oħra, kif speċifikat fil-Parti 1 tal-Anness I, li twassal għal klassifikazzjoni f'kategorija aktar severa meta mqabbel mal-klassifikazzjoni minima. Imbagħad trid tiġi applikata l-klassifikazzjoni fil-kategorija l-aktar severa;

—

il-klassifikazzjoni minima tista' tiġi irfinata aktar abbażi tat-tabella ta' konverżjoni fl-Anness VII meta l-manifattur jew l-importatur ikun jaf l-istat fiżiku tas-sustanza użata fit-test tat-tossiċità akuta mill-inalazzjoni. Il-klassifikazzjoni kif miksuba mill-Anness VII imbagħad għandha tissostitwixxi l-klassifikazzjoni minima indikata f'dan l-Anness jekk hija differenti minnha.

Il-klassifikazzjoni minima għal kategorija hi indikata bir-referenza * fil-kolonna “Klassifikazzjoni” fit-Tabella 3.

Ir-referenza * tista' wkoll tinsab fil-kolonna “Limiti ta' Konċ. Speċifiċi, Fatturi-M u Stimi ta' Tossiċità Akuta (ATE)”, fejn din tindika li l-entrata kkonċernata kellha limiti speċifiċi ta' konċentrazzjoni skont id-Direttiva 67/548/KEE għat-tossiċità akuta. Dawn il-limiti ta' konċentrazzjoni ma jistgħux jiġu “konvertiti” f'limiti ta' konċentrazzjoni skont dan ir-Regolament, speċjalment meta tingħata klassifikazzjoni minima. Madankollu, meta tintwera r-referenza *, il-klassifikazzjoni għat-tossiċità akuta għal din l-annotazzjoni tista' tkun ta' tħassib speċjali.”

(h)

It-Taqsima 1.2.2. tinbidel b'dan li ġej:

“1.2.2. Ir-rotta ta' esponiment ma tistax tiġi eskluża

Għal ċerti klassijiet ta' periklu, eż. STOT, ir-rotta ta' esponiment għandha tkun indikata fl-istqarrija ta' periklu biss jekk jintwera b'mod konklużiv li l-ebda rotta oħra ta' esponiment ma tista' tikkawża l-periklu skont il-kriterji fl-Anness I. Skont id-Direttiva 67/548/KEE ir-rotta ta' esponiment ġiet indikata għal klassifikazzjonijiet b'R48 meta kien hemm dejta li tiġġustifika l-klassifikazzjoni għal din ir-rotta ta' esponiment. Il-klassifikazzjoni skont 67/548/KEE li tindika r-rotta ta' esponiment ġiet konvertita fil-klassi u l-kategorija korrispondenti skont dan ir-Regolament, iżda b'dikjarazzjoni ġenerali ta' periklu li ma tispeċifikax ir-rotta ta' esponiment peress li l-informazzjoni meħtieġa mhix disponibbli.

Dawn id-dikjarazzjonijiet ta' periklu huma indikati bir-referenza ** fit-Tabella 3.”

(i)

It-Taqsima 1.2.3 tinbidel b'dan li ġej:

“1.2.3. Dikjarazzjonijiet ta' periklu għat-tossiċità riproduttiva

Id-dikjarazzjonijiet ta' periklu H360 u H361 juru tħassib ġenerali b'rabta mal-effetti fuq il-fertilità u/jew l-iżvilupp: “Jista'/Suspettat li jagħmel ħsara lill-fertilità jew lit-tarbija li għadha fil-ġuf”. Skont il-kriterji, id-dikjarazzjoni ta' periklu ġenerali tista' tinbidel b'dikjarazzjoni ta' periklu li turi l-effett speċifiku tat-tħassib skont it-Taqsima 1.1.2.1.2 Meta d-differenzazzjoni l-oħra ma tissemmiex, dan ikun minħabba evidenza li turi li ma hemmx effett ta' dan it-tip, jew li hemm dejta inkonklussiva jew l-ebda dejta, u l-obbligi fl-Artikolu 4(3) għandhom japplikaw għal dik id-differenzazzjoni.

Sabiex ma tintilifx informazzjoni mill-klassifikazzjonijiet armonizzati għall-fertilità u l-effetti fuq l-iżvilupp skont id-Direttiva 67/548/KEE, il-klassifikazzjonijiet ġew konvertiti biss għal dawk l-effetti klassifikati skont din id-Direttiva.

Dawn id-dikjarazzjonijiet ta' periklu huma indikati bir-referenza *** fit-Tabella 3.”

(j)

It-Taqsima 1.2.4 tinbidel b'dan li ġej:

“1.2.4. Ma setgħetx tiġi stabbilita klassifikazzjoni korretta għall-perikli fiżiċi

Għal xi entrati l-klassifikazzjoni korretta għall-perikli fiżiċi ma setgħetx tiġi stabbilita għaliex m'hemmx dejta suffiċjenti għall-applikazzjoni tal-kriterji ta' klassifikazzjoni f'dan ir-Regolament. L-entrata tista' tiġi assenjata għal kategorija differenti (jew ogħla) jew għal klassi oħra ta' periklu li mhix dik indikata. Il-klassifika korretta għandha tkun ikkonfermata permezz ta' ttestjar.

L-entrati b'perikli fiżiċi li għandhom jiġu kkonfermati permezz ta' ttestjar huma indikati bir-referenza **** fit-Tabella 3.”

(3)

Il-Parti 3 hija emendata kif ġej:

(a)	L-intestatura tat-Taqsima 3 tinbidel b'dan li ġej: “3. PARTI 3: TABELLA TA' KLASSIFIKAZZJONI U TIKKETTAR ARMONIZZATI”

(b)	Il-paragrafi introduttorji huma mħassra.

(c)	It-titolu tat-Tabella 3.1 jinbidel b'dan li ġej: “Tabella 3 Lista ta' klassifikazzjoni u tikkettar armonizzati ta' sustanzi perikolużi”;

(d)

It-Tabella 3 hija emendata kif ġej:

(i)	It-titolu tal-kolonna qabel tal-aħħar tinbidel bi “Limiti ta' Konċ. Speċifiċi, Fatturi-M u ATE”;

(ii)

L-entrati li jikkorrispondu man-numri tal-indiċi 006-046-00-8, 604-057-00-8, 605-023-00-5, 606-041-00-6, 607-123-00-4, 608-055-00-8, 612-150-00-X, 613-318-00-5, 614-001-00-4, 615-013-00-2, 616-006-00-7, 616-094-00-7 u 650-032-00-X jinbidlu bl-entrati korrispondenti li ġejjin:

Nru tal-Indiċi	Identifikazzjoni Kimika Internazzjonali	Nru tal-KE	Nru tas-CAS	Klassifikazzjoni		Tikkettar			Limiti ta' Konċ. Speċifiċi, Fatturi-M u ATE	Noti
Nru tal-Indiċi	Identifikazzjoni Kimika Internazzjonali	Nru tal-KE	Nru tas-CAS	Kodiċi(jiet) tal-Klassi u l-Kategorija tal-Periklu	Kodiċi(jiet) tad-Dikjarazzjonijiet ta' Periklu	Pittogramma, Kodiċi(jiet) tal-Kliem Bħala Sinjal	Kodiċi(jiet) tad-Dikjarazzjonijiet ta' Periklu	Kodiċi(jiet) Supplimentari tad-Dikjarazzjonijiet ta' Periklu	Limiti ta' Konċ. Speċifiċi, Fatturi-M u ATE	Noti
“006-046-00-8	bendjokarb (ISO); 2,2-dimetil-1,3-benżodiossol-4-il metilkarbamat; 2,2-dimetil-1,3-benżodiossol-4-il metilkarbamat	245-216-8	22781-23-3	Acute Tox. 3 Acute Tox. 3 Acute Tox. 2 Aquatic Acute 1 Aquatic Chronic 1	H331 H311 H300 H400 H410	GHS06 GHS09 Dgr	H331 H311 H300 H410		M = 10 M = 100”
“604-057-00-8	massa ta' reazzjoni ta': isomeri ta' 2-(2H-benżotriażol-2-il)-4-metil-(n)-dodekilfenol; isomeri ta' 2-(2H-benżotriażol-2-il)-4-metil-(n)-tetrakożilfenol; isomeri ta' 2-(2H-benżotriażol-2-il)-4-metil-5,6-didodekil-fenol. n = 5 jew 6	401-680-5	—	Aquatic Chronic 4	H413		H413”
“605-023-00-5	5-kloro-2-(4-klorofenossi)fenol; [DCPP]	429-290-0	3380-30-1	Eye Dam. 1 Aquatic Acute 1 Aquatic Chronic 1	H318 H400 H410	GHS05 GHS09 Dgr	H318 H410		M = 10 M = 10”
“606-041-00-6	2-metil-1-(4-metiltijofenil)-2-morfolinopropan-1-on	400-600-6	71868-10-5	Repr. 1B Acute Tox. 4 * Aquatic Chronic 2	H360FD H302 H411	GHS08 GHS07 GHS09 Dgr	H360FD H302 H411”
“607-123-00-4	Metakrilat ta' 2,3-epossipropil; metakrilat tal-gliċidil	203-441-9	106-91-2	Carc. 1B Muta. 2 Repr. 1B Acute Tox. 3 Acute Tox. 4 STOT SE 3 STOT RE 1 Eye Dam. 1 Skin Corr. 1C Skin Sens. 1	H350 H341 H360F H311 H302 H335 H372 (il-passaġġ tan-nifs) (inhalation) H318 H314 H317	GHS08 GHS06 GHS05 Dgr	H350 H341 H360F H311 H302 H335 H372 (il-passaġġ tan-nifs) (inhalation) H314 H317			D”
“608-055-00-8	fipronil (ISO); (±)-5-ammino-1-(2,6-dikloro-α,α,α-trifluworo-para-tolil)-4-trifluworometilsulfinil-pirażol-3-karbonitril	424-610-5	120068-37-3	Acute Tox. 3* Acute Tox. 3* Acute Tox. 3* STOT RE 1 Aquatic Acute 1 Aquatic Chronic 1	H301 H311 H331 H372* H400 H410	GHS06 GHS08 GHS09 Dgr	H301 H311 H331 H372* H410		M = 1 000 M = 10 000 ”
“612-150-00-X	spirossammina (ISO); 8-tert-butil-1,4-diossaspiro[4.5]dekan-2-ilmetil(etil)(propil)ammina	—	118134-30-8	Repr. 2 Acute Tox. 4 Acute Tox. 4 Acute Tox. 4 STOT RE 2 Skin Irrit. 2 Skin Sens. 1 Aquatic Acute 1 Aquatic Chronic 1	H361d H332 H312 H302 H373 (għajnejn) H315 H317 H400 H410	GHS08 GHS07 GHS09 Wng	H361d H332 H312 H302 H373 (għajnejn) H315 H317 H410		M = 100 M = 100”
“613-318-00-5	fenpirażammina (ISO); S-allil 5-ammino-2,3-diidro-2-iżopropil-3-osso-4-(o-tolil)pirażol-1-karbotijoat; S-allil 5-ammino-2-iżopropil-4-(2-metilfenil) -3-osso-2,3-diidropirażol-1-karbotijoat	—	473798-59-3	Aquatic Acute 1 Aquatic Chronic 1	H400 H410	GHS09 Wng	H410		M = 10 M = 1”
“614-001-00-4	nikotina (ISO); 3-[(2S)-1-metilpirrolidin-2-il]piridina	200-193-3	54-11-5	Acute Tox. 2 Acute Tox. 2 Acute Tox. 2 Aquatic Chronic 2	H330 H310 H300 H411	GHS06 GHS09 Dgr	H330 H310 H300 H411		inhalation: ATE = 0,19 mg/L (dusts or mists) dermal: ATE = 70 mg/kg oral: ATE (*1) = 5 mg/kg”
“615-013-00-2	ċjanammid; karbamonitril	206-992-3	420-04-2	Carc. 2 Repr. 2 Acute Tox. 3 Acute Tox. 3 STOT RE 2 Skin Corr. 1 Skin Sens. 1 Eye Dam. 1 Aquatic Chronic 3	H351 H361fd H311 H301 H373 (tirojde) H314 H317 H318 H412	GHS08 GHS06 GHS05 Dgr	H351 H361fd H311 H301 H373 (tirojde) H314 H317 H412”
“616-006-00-7	diklofluwanid (ISO); N-[(diklorofluworometil)tijo]-N′,N′-dimetil-N-fenilsulfammid	214-118-7	1085-98-9	Acute Tox. 4 Eye Irrit. 2 Skin Sens. 1 Aquatic Acute 1	H332 H319 H317 H400	GHS07 GHS09 Wng	H332 H319 H317 H400		M = 10”
“616-094-00-7	3,3′-diċikloeżil-1,1′-metilenebis(4,1-fenilen)diurea	406-370-3	58890-25-8	Aquatic Chronic 4	H413		H413”
“650-032-00-X	ċiprokonażol (ISO); (2RS,3RS;2RS,3SR)-2-(4-klorofenil)-3-ċiklopropil-1-(1H-1,2,4-triażol-1-il)butan-2-ol	—	94361-06-5	Repr. 1B Acute Tox. 3 STOT RE 2 Aquatic Acute 1 Aquatic Chronic 1	H360D H301 H373 (fwied) H400 H410	GHS08 GHS06 GHS09 Dgr	H360D H301 H373 (fwied) H410		M = 10 M = 1”

(iii)

L-entrati li ġejjin iddaħħlu skont l-ordni tal-entrati stabbiliti fit-Tabella 3:

Nru tal-Indiċi	Identifikazzjoni Kimika Internazzjonali	Nru tal-KE	Nru tas-CAS	Klassifikazzjoni		Tikkettar			Limiti ta' Konċ. Speċifiċi, Fatturi-M u ATE	Noti
Nru tal-Indiċi	Identifikazzjoni Kimika Internazzjonali	Nru tal-KE	Nru tas-CAS	Kodiċi(jiet) tal-Klassi u l-Kategorija tal-Periklu	Kodiċi(jiet) tad-Dikjarazzjonijiet ta' Periklu	Pittogramma, Kodiċi(jiet) tal-Kliem Bħala Sinjal	Kodiċi(jiet) tad-Dikjarazzjonijiet ta' Periklu	Kodiċi(jiet) Supplimentari tad-Dikjarazzjonijiet ta' Periklu	Limiti ta' Konċ. Speċifiċi, Fatturi-M u ATE	Noti
“047-003-00-3	żeolit taż-żingu tal-fidda (Żeolit, tat-tip bi struttura LTA, b'superfiċje modifikata b'joni tal-fidda u taż-żingu) [Din l-entrata tkopri ż-żeolit tat-tip bi struttura LTA (Linde Type A) b'superfiċje modifikata b'joni kemm tal-fidda kif ukoll taż-żingu b'kontenuti ta' Ag+ 0,5 %-6 %, Zn2 + 5 %-16 %, u potenzjalment bil-fosfru, NH4+, Mg2+ u/jew Ca2+ f'kull livell < 3 %]	—	130328-20-0	Repr. 2 Skin Irrit. 2 Eye Dam. 1 Aquatic Acute 1 Aquatic Chronic 1	H361d H315 H318 H400 H410	GHS08 GHS05 GHS09 Dgr	H361d H315 H318 H410		M = 100 M = 100”
“048-012-00-5	karbonat tal-kadmju	208-168-9	513-78-0	Carc. 1B Muta. 1B Acute Tox. 4 * Acute Tox. 4 * Acute Tox. 4 * STOT RE 1 Aquatic Acute 1 Aquatic Chronic 1	H350 H340 H332 H312 H302 H372 (kliewi, għadam) H400 H410	GHS08 GHS07 GHS09 Dgr	H350 H340 H332 H312 H302 H372 (kliewi, għadam) H410			A1”
“048-013-00-0	idrossidu tal-kadmju; diidrossidu tal-kadmju	244-168-5	21041-95-2	Carc. 1B Muta. 1B Acute Tox. 4 * Acute Tox. 4 * Acute Tox. 4 * STOT RE 1 Aquatic Acute 1 Aquatic Chronic 1	H350 H340 H332 H312 H302 H372 (kliewi, għadam) H400 H410	GHS08 GHS07 GHS09 Dgr	H350 H340 H332 H312 H302 H372 (kliewi, għadam) H410			A1”
“048-014-00-6	nitrat tal-kadmju; dinitrat tal-kadmju	233-710-6	10325-94-7	Carc. 1B Muta. 1B Acute Tox. 4 * Acute Tox. 4 * Acute Tox. 4 * STOT RE 1 Aquatic Acute 1 Aquatic Chronic 1	H350 H340 H332 H312 H302 H372 (kliewi, għadam) H400 H410	GHS08 GHS07 GHS09 Dgr	H350 H340 H332 H312 H302 H372 (kliewi, għadam) H410		Carc. 1B; H350: C ≥ 0,01 %	A1”
“050-030-00-3	dilawrat tad-dibutiltin; dibutil[bis(dodekanoilossi)]stannan	201-039-8	77-58-7	Muta. 2 Repr. 1B STOT RE 1	H341 H360FD H372 (sistema immunitarja)	GHS08 Dgr	H341 H360FD H372 (sistema immunitarja)”
“603-235-00-2	linalol; 3,7-dimetil-1,6-ottadjen-3-ol; dl-linalol; [1] koriandrol; (S)-3,7-dimetil-1,6-ottadjen-3-ol; d-linalol; [2] likareol; (R)-3,7-dimetil-1,6-ottadjen-3-ol; l-linalol [3]	201-134-4 [1] 204-810-7 [2] 204-811-2 [3]	78-70-6 [1] 126-90-9 [2] 126-91-0 [3]	Skin Sens. 1B	H317	GHS07 Wng	H317”
“604-093-00-4	clorofenum; klorofen; 2-benżil-4-klorofenol	204-385-8	120-32-1	Carc. 2 Repr. 2 Acute Tox. 4 Skin Irrit. 2 Skin Sens. 1 Eye Dam. 1 STOT RE 2 Aquatic Acute 1 Aquatic Chronic 1	H351 H361f H332 H315 H317 H318 H373 (kliewi) H400 H410	GHS08 GHS05 GHS07 GHS09 Dgr	H351 H361f H332 H315 H317 H318 H373 (kliewi) H410		M = 1 M = 100”
“606-150-00-9	kletodim (ISO); (5RS)-2-{(1EZ)-1-[(2E)-3-kloroallilossimino]propil}-5-[(2RS)-2-(etiltijo)propil]-3-idrossiċikloeż-2-en-1-on	—	99129-21-2	Acute Tox. 4 Skin Sens. 1 Aquatic Chronic 3	H302 H317 H412	GHS07 Wng	H302 H317 H412	EUH066”
“606-151-00-4	antrakinon	201-549-0	84-65-1	Carc. 1B	H350	GHS08 Dgr	H350”
“607-720-00-X	aċidu nonadekafluworodekanojku; [1] nonadekafluworodekanoat tal-ammonju; [2] nonadekafluworodekanoat tas-sodju [3]	206-400-3 [1] 221-470-5 [2] [3]	335-76-2 [1] 3108-42-7 [2] 3830-45-3 [3]	Carc. 2 Repr. 1B Lact.	H351 H360Df H362	GHS08 Dgr	H351 H360Df H362”
“607-721-00-5	N,N′-metilenedimorfolina; N,N′-metilenebismorfolina; [formaldeid rilaxxat minn N,N′-metilenbismorfolina]; [MBM]	227-062-3	5625-90-1	Carc. 1B Muta. 2 Acute Tox. 4 Acute Tox. 4 Acute Tox. 4 STOT RE 2 Skin Corr. 1B Skin Sens. 1 Eye Dam.1	H350 H341 H332 H312 H302 H373 (il-passaġġ gastrointestinali, il-passaġġ tan-nifs) H314 H317 H318	GHS08 GHS07 GHS05 Dgr	H350 H341 H332 H312 H302 H373 (il-passaġġ gastrointestinali, il-passaġġ tan-nifs) H314 H317	EUH071		8 9”
“607-722-00-0	2,3,5,6-tetrafluworo-4-(metossimetil)benżil (Z)-(1R,3R)-3-(2-ċjanoprop-1-enil)-2,2-dimetilċiklopropankarbossilat; epsilon-momfluworotrina	—	1065124-65-3	Acute Tox. 4 STOT SE 2 Aquatic Acute 1 Aquatic Chronic 1	H302 H371 (is-sistema nervuża) H400 H410	GHS07 GHS08 GHS09 Wng	H302 H371 (is-sistema nervuża) H410		M = 100 M = 100”
“607-723-00-6	teflutrina (ISO); 2,3,5,6-tetrafluworo-4-metilbenżil (1RS,3RS)-3-[(Z)-2-kloro-3,3,3-trifluworoprop-1-enil]-2,2-dimetilċiklopropanekarbossilat	—	79538-32-2	Acute Tox. 1 Acute Tox. 2 Acute Tox. 2 Aquatic Acute 1 Aquatic Chronic 1	H330 H310 H300 H400 H410	GHS06 GHS09 Dgr	H330 H310 H300 H410		M = 10 000 M = 10 000 ”
“612-290-00-1	prodotti tar-reazzjoni ta' paraformaldeid u 2-idrossipropilammina (proporzjon 3:2); [formaldeid rilaxxat minn 3,3′-metilenbis[5-metilossażolidina]; formaldeid rilaxxat minn ossażolidin]; [MBO]	—	—	Carc. 1B Muta. 2 Acute Tox. 4 Acute Tox. 3 Acute Tox. 4 STOT RE 2 Skin Corr. 1B Eye Dam. 1 Skin Sens. 1 A Aquatic Chronic 2	H350 H341 H332 H311 H302 H373 (il-passaġġ gastrointestinali, il-passaġġ tan-nifs) H314 H318 H317 H411	GHS08 GHS06 GHS05 GHS09 Dgr	H350 H341 H332 H311 H302 H373 (il-passaġġ gastrointestinali, il-passaġġ tan-nifs) H314 H317 H411	EUH071		8 9”
“612-291-00-7	prodotti tar-reazzjoni ta' paraformaldeid ma' 2-idrossipropilammina (proporzjon 1:1); formaldeid rilaxxat minn α,α,α-trimetil-1,3,5-triażina-1,3,5(2H,4H,6H)-trietanol]; [HPT]	—	—	Carc. 1B Muta. 2 Acute Tox. 4 Acute Tox. 4 STOT RE 2 Skin Corr. 1C Eye Dam. 1 Skin Sens. 1 A Aquatic Chronic 2	H350 H341 H332 H302 H373 (il-passaġġ gastrointestinali, il-passaġġ tan-nifs) H314 H318 H317 H411	GHS08 GHS07 GHS05 GHS09 Dgr	H350 H341 H332 H302 H373 (il-passaġġ gastrointestinali, il-passaġġ tan-nifs) H314 H317 H411	EUH071		8 9”
“612-292-00-2	metilidrażina	200-471-4	60-34-4	Carc. 1B	H350	GHS08 Dgr	H350”
“613-321-00-1	(RS)-4-[1-(2,3-dimetilfenil)etil]-1H-imidażol; medetomidina	—	86347-14-0	Acute Tox. 2 Acute Tox. 2 STOT SE 3 STOT SE 1 STOT RE 1 Aquatic Acute 1 Aquatic Chronic 1	H330 H300 H336 H370 (għajnejn) H372 H400 H410	GHS06 GHS08 GHS09 Dgr	H330 H300 H336 H370 (għajnejn) H372 H410		M = 1 M = 100”
“613-322-00-7	triadimenol (ISO); (1RS,2RS;1RS,2SR)-1-(4-klorofenossi)-3,3-dimetil-1-(1H-1,2,4-triazol-1-il)butan-2-ol; α-tert-butil-β-(4-klorofenossi)-1H-1,2,4-triażol-1-etanol	259-537-6	55219-65-3	Repr. 1B Lact. Acute Tox. 4 Aquatic Chronic 2	H360 H362 H302 H411	GHS08 GHS07 GHS09 Dgr	H360 H362 H302 H411”
“613-323-00-2	terbutilażina (ISO); N-tert-butil-6-kloro-N′-etil-1,3,5-triażina-2,4-diammina	227-637-9	5915-41-3	Acute Tox. 4 STOT RE 2 Aquatic Acute 1 Aquatic Chronic 1	H302 H373 H400 H410	GHS07 GHS08 GHS09 Wng	H302 H373 H410		M = 10 M = 10”
“613-324-00-8	kwinolin-8-ol; 8-idrossikwinolina	205-711-1	148-24-3	Repr. 1B Acute Tox. 3 Eye Dam. 1 Skin Sens. 1 Aquatic Acute 1 Aquatic Chronic 1	H360D H301 H318 H317 H400 H410	GHS08 GHS06 GHS05 GHS09 Dgr	H360D H301 H318 H317 H410		M = 1 M = 1”
“613-325-00-3	tijakloprid (ISO); (Z)-3-(6-kloro-3-piridilmetil)-1,3-tijażolidin-2-ilideneċjanammid; {(2Z)-3-[(6-kloropiridin-3-yl)metil]-1,3-tijażolidin-2-ilidene}ċjanammid	—	111988-49-9	Carc. 2 Repr. 1B Acute Tox. 4 Acute Tox. 3 STOT SE 3 Aquatic Acute 1 Aquatic Chronic 1	H351 H360FD H332 H301 H336 H400 H410	GHS08 GHS06 GHS09 Dgr	H351 H360FD H332 H301 H336 H410		M = 100 M = 100”
“616-221-00-6	eżaflumuron (ISO); 1-(3,5-dikloro-4-(1,1,2,2-tetrafluworoetossi)fenil)-3-(2,6-difluworobenżoil)urea	401-400-1	86479-06-3	Aquatic Acute 1 Aquatic Chronic 1	H400 H410	GHS09 Wng	H410		M = 1 000 M = 10 000 ”
“616-222-00-1	pentijopirad (ISO); RS)-N-[2-(1,3-dimetilbutil)-3-tijenil]-1-metil-3-(trifluworometil)pirażol-4-karbossammid	—	183675-82-3	Aquatic Acute 1 Aquatic Chronic 1	H400 H410	GHS09 Wng	H410		M = 1 M = 1”
“616-223-00-7	karbetammid (ISO); (R)-1-(etilkarbamojl)etil karbanilat; (2R)-1-(etilammino)-1-ossopropan-2-il fenilkarbamat	240-286-6	16118-49-3	Carc. 2 Repr. 1B Acute Tox. 4 Aquatic Chronic 2	H351 H360D H302 H411	GHS08 GHS07 GHS09 Dgr	H351 H360D H302 H411”

(*1) Stima tal-punt konvertit ta' tossiċità akuta skont it-Tabella 3.1.2 tal-Anness I.

Top

Choose the experimental features you want to try