This document is an excerpt from the EUR-Lex website
Document 32017R0670
Commission Delegated Regulation (EU) 2017/670 of 31 January 2017 supplementing Regulation (EU) No 251/2014 of the European Parliament and of the Council as regards the authorised production processes for obtaining aromatised wine products
Regolament Delegat tal-Kummissjoni (UE) 2017/670 tal-31 ta' Jannar 2017 li jissupplimenta r-Regolament (UE) Nru 251/2014 tal-Parlament Ewropew u tal-Kunsill f'dak li għandu x'jaqsam mal-proċessi ta' produzzjoni awtorizzati sabiex jinkisbu prodotti tal-inbid aromatizzat
Regolament Delegat tal-Kummissjoni (UE) 2017/670 tal-31 ta' Jannar 2017 li jissupplimenta r-Regolament (UE) Nru 251/2014 tal-Parlament Ewropew u tal-Kunsill f'dak li għandu x'jaqsam mal-proċessi ta' produzzjoni awtorizzati sabiex jinkisbu prodotti tal-inbid aromatizzat
C/2017/0403
ĠU L 97, 8.4.2017, pp. 5–8
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
8.4.2017 |
MT |
Il-Ġurnal Uffiċjali tal-Unjoni Ewropea |
L 97/5 |
REGOLAMENT DELEGAT TAL-KUMMISSJONI (UE) 2017/670
tal-31 ta' Jannar 2017
li jissupplimenta r-Regolament (UE) Nru 251/2014 tal-Parlament Ewropew u tal-Kunsill f'dak li għandu x'jaqsam mal-proċessi ta' produzzjoni awtorizzati sabiex jinkisbu prodotti tal-inbid aromatizzat
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 251/2014 tal-Parlament Ewropew u tal-Kunsill tas-26 ta' Frar 2014 dwar id-definizzjoni, id-deskrizzjoni, il-preżentazzjoni, it-tikkettar u l-protezzjoni tal-indikazzjonijiet ġeografiċi tal-prodotti tal-inbid aromatizzat (1), u b'mod partikulari l-Artikolu 4(2) tiegħu,
Billi:
|
(1) |
Tradizzjonalment, il-prodotti tal-inbid aromatizzat jiġu prodotti fl-Unjoni; dawn jikkostitwixxu settur importanti għall-produtturi u għall-konsumaturi u huma suq importanti għall-agrikoltura tal-Unjoni. L-Artikolu 4 tar-Regolament (UE) Nru 251/2014 jistipula r-rekwiżiti, ir-restrizzjonijiet u d-deskrizzjonijiet skont liema l-inbejjed aromatizzati għandhom jiġu prodotti. Dan jagħti wkoll is-setgħa lill-Kummissjoni tadotta att delegat sabiex tistabbilixxi l-proċessi ta' produzzjoni sabiex jinkisbu prodotti tal-inbid aromatizzat. |
|
(2) |
Sabiex jinkiseb livell għoli ta' protezzjoni tal-konsumaturi, jiġu evitati l-prattiki qarrieqa u tkun żgurata l-kompetizzjoni ġusta fost il-produtturi, għandhom jiġu stabbiliti kriterji ddefiniti b'mod ċar għall-produzzjoni tal-prodotti tal-inbid aromatizzat. Barra minn hekk, skont l-Artikolu 4 tar-Regolament (UE) Nru 251/2014, il-Kummissjoni għandha tqis il-proċessi ta' produzzjoni rrakkomandati u ppubblikati mill-Organizzazzjoni Internazzjonali tad-Dielja u l-Inbid (l-OIV). |
|
(3) |
Il-proċessi tal-produzzjoni għall-prodotti tal-inbid aromatizzat irrakkomandati u ppubblikati mill-OIV huma inklużi fir-Riżoluzzjoni OENO 439-2012 tal-OIV u għandhom jintużaw bħala referenza għall-istabbiliment tal-proċessi ta' produzzjoni awtorizzati fl-Unjoni. Madankollu, minn konsultazzjoni li saret mal-esperti tal-Istati Membri u mar-rappreżentanti tas-settur tal-prodotti tal-inbid aromatizzat, ħareġ li xi wħud minn dawk il-proċessi ma jirriflettux għalkollox il-prattiki tradizzjonali tal-produzzjoni tal-Unjoni. Għalhekk dawn għandhom jiġu adattati u kkompletati sabiex jirrispondu aħjar għall-bżonnijiet tal-produtturi f'dak li għandu x'jaqsam mal-metodi ta' produzzjoni u għall-aspettattivi tal-konsumaturi f'dak li għandu x'jaqsam mal-kwalità tal-prodotti, |
ADOTTAT DAN IR-REGOLAMENT:
Artikolu 1
Il-proċessi tal-produzzjoni għall-prodotti tal-inbid aromatizzat
Il-proċessi ta' produzzjoni awtorizzati sabiex jinkisbu prodotti tal-inbid aromatizzat, skont ir-Regolament (UE) Nru 251/2014, huma dawk imniżżlin fl-Anness ta' dan ir-Regolament.
Artikolu 2
Id-dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-31 ta' Jannar 2017.
Għall-Kummissjoni
Il-President
Jean-Claude JUNCKER
ANNESS
Lista tal-proċessi ta' produzzjoni awtorizzati msemmija fl-Artikolu 4(2) tar-Regolament (UE) Nru 251/2014
|
Numru |
Proċess tal-produzzjoni |
Għan |
Kundizzjonijiet tal-użu |
Rekwiżiti |
||||||||||||||
|
1 |
L-aċidifikazzjoni u d-deaċidifikazzjoni |
Li tiżdied jew tonqos l-aċidità totali u l-aċidità reali (li jonqos jew jiżdied il-pH), sabiex il-prodott jingħata karatteristiċi organolettiċi speċifiċi u tiżdiedlu l-istabbiltà. |
|
Għall-ipproċessar bl-elettromembrani għall-aċidifikazzjoni, għandhom japplikaw mutatis mutandis ir-rekwiżiti stabbiliti fl-Appendiċi 14 tar-Regolament tal-Kummissjoni (KE) Nru 606/2009 (1). Għall-ipproċessar bl-elettromembrani għad-deaċidifikazzjoni, għandhom japplikaw mutatis mutandis ir-rekwiżiti stabbiliti fl-Appendiċi 17 tar-Regolament tal-Kummissjoni (KE) Nru 606/2009. Għall-użu tal-iskambjaturi tal-katjoni, għandhom japplikaw mutatis mutandis ir-rekwiżiti stabbiliti fl-Appendiċi 15 tar-Regolament tal-Kummissjoni (KE) Nru 606/2009. |
||||||||||||||
|
2 |
It-tisfija u ċ-ċentrifugazzjoni |
Li jinkisbu:
|
Il-prodotti tal-inbejjed aromatizzati jgħaddu minn filtri li jaqbdu l-partiċelli sospiżi, bis-sustanzi f'soluzzjoni kollojdali. Il-filtrazzjoni tista' ssir b'aġent tal-filtrazzjoni inert jew mingħajru, b'membrani organiċi jew minerali, inklużi membrani semipermeabbli. |
|
||||||||||||||
|
3 |
Il-korrezzjoni tal-lewn u tat-togħma |
|
|
Il-karbonju: massimu ta' 200 gramma għal kull ettolitru Il-polivinilpolipirrolidon: massimu ta' 80 gramma għal kull ettolitru |
||||||||||||||
|
4 |
Iż-żieda fil-kontenut ta' alkoħol |
Li jiżdied il-kontenut ta' alkoħol |
|
|
||||||||||||||
|
5 |
It-tnaqqis fil-kontenut tal-alkoħol |
Li jitnaqqas il-kontenut tal-alkoħol |
Is-separazzjoni tal-etanol bl-użu ta' tekniki fiżiċi tas-separazzjoni. |
Il-prodotti tal-inbid aromatizzat ittrattati ma għandu jkollhom l-ebda nuqqas organolettiku u għandhom ikunu adattati għall-konsum dirett mill-bniedem. Ma jistax jitnaqqas l-alkoħol fi prodott tal-inbid aromatizzat jekk tkun saret xi waħda mill-operazzjonijiet li ġejjin waqt il-preparazzjoni tal-prodott tal-inbid aromatizzat:
|
||||||||||||||
|
6 |
L-istabbilizzazzjoni tartarika |
Li tinkiseb l-istabbiltà tartarika b'rabta mat-tartrat idroġenat tal-potassju, mat-tartrat tal-kalċju u ma' mlieħ oħrajn tal-kalċju. |
|
Għat-trattament bl-elettrodijaliżi, għandhom japplikaw mutatis mutandis ir-rekwiżiti stabbiliti fl-Appendiċi 7 tar-Regolament tal-Kummissjoni (KE) Nru 606/2009. Għall-użu tal-iskambjaturi tal-katjoni, għandhom japplikaw mutatis mutandis ir-rekwiżiti stabbiliti fl-Appendiċi 12 tar-Regolament tal-Kummissjoni (KE) Nru 606/2009. |
||||||||||||||
|
7 |
It-taħlit |
Li jiġi aġġustat il-profil organolettiku finali tal-prodotti tal-inbid aromatizzat |
It-taħlit ta' prodotti differenti tas-settur tal-inbid, kif imsemmi fil-punti 2(a), 3(a) u 4(a) tal-Artikolu 3 tar-Regolament (UE) Nru 251/2014. |
|
||||||||||||||
|
8 |
Il-preservazzjoni permezz tas-sħana |
Li jiġi ppreservat il-prodott billi tiġi żgurata l-istabbiltà mikrobijoloġika. |
It-tisħin, inkluża l-pastorizzazzjoni. It-tisħin sat-temperatura li hemm bżonn biex jitneħħew il-batterji u l-ħmejjer. |
|
||||||||||||||
|
9 |
Il-kjarifikazzjoni |
Li jitneħħew il-komponenti li ma jinħallux |
L-użu tal-għajnuniet għall-ipproċessar li ġejjin:
|
|
(1) Ir-Regolament tal-Kummissjoni (KE) Nru 606/2009 tal-10 ta' Lulju 2009 li jistabbilixxi regoli ddettaljati għall-implimentazzjoni tar-Regolament tal-Kunsill (KE) Nru 479/2008 fir-rigward tal-kategoriji tal-prodotti tad-dwieli, il-prattiċi enoloġiċi u r-restrizzjonijiet applikabbli (ĠU L 193, 24.7.2009, p. 1).