EUR-Lex Access to European Union law
This document is an excerpt from the EUR-Lex website
Document 32017R0214
Commission Delegated Regulation (EU) 2017/214 of 30 November 2016 amending Regulation (EU) No 98/2013 of the European Parliament and of the Council, as regards adding aluminium powder to the list of explosives precursors in Annex II (Text with EEA relevance. )
Regolament Delegat tal-Kummissjoni (UE) 2017/214 tat-30 ta' Novembru 2016 li jemenda r-Regolament (UE) Nru 98/2013 tal-Parlament Ewropew u tal-Kunsill, fir-rigward taż-żieda tat-trab tal-aluminju mal-lista ta' prekursuri tal-isplussivi fl-Anness II (Test b'rilevanza għaż-ŻEE. )
Regolament Delegat tal-Kummissjoni (UE) 2017/214 tat-30 ta' Novembru 2016 li jemenda r-Regolament (UE) Nru 98/2013 tal-Parlament Ewropew u tal-Kunsill, fir-rigward taż-żieda tat-trab tal-aluminju mal-lista ta' prekursuri tal-isplussivi fl-Anness II (Test b'rilevanza għaż-ŻEE. )
C/2016/7647
OJ L 34, 9.2.2017, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/01/2021; Impliċitament imħassar minn 32019R1148
9.2.2017 |
MT |
Il-Ġurnal Uffiċjali tal-Unjoni Ewropea |
L 34/1 |
REGOLAMENT DELEGAT TAL-KUMMISSJONI (UE) 2017/214
tat-30 ta' Novembru 2016
li jemenda r-Regolament (UE) Nru 98/2013 tal-Parlament Ewropew u tal-Kunsill, fir-rigward taż-żieda tat-trab tal-aluminju mal-lista ta' prekursuri tal-isplussivi fl-Anness II
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 98/2013 tal-Parlament Ewropew u tal-Kunsill tal-15 ta' Jannar 2013 dwar it-tqegħid fis-suq u l-użu ta' prekursuri tal-isplussivi (1), u b'mod partikolari l-Artikolu 12 tiegħu,
Billi:
(1) |
L-Anness II tar-Regolament (UE) Nru 98/2013 jelenka prekursuri tal-isplussivi li huma soġġetti għal regoli armonizzati li jikkonċernaw id-disponibbiltà tagħhom għall-pubbliku ġenerali u li jiżguraw ir-rappurtar xieraq ta' tranżazzjonijiet suspettużi, għajbien u serq fil-katina ta' provvista. |
(2) |
Is-sustanza elenkati fl-Anness II huma disponibbli għall-membri tal-pubbliku ġenerali iżda huma soġġetti għall-obbligu ta' rappurtar li jkopri kemm l-utenti professjonali fil-katina tal-provvista kif ukoll il-membri tal-pubbliku ġenerali. |
(3) |
L-Istati Membri wrew li t-trab tal-aluminju ntuża għall-produzzjoni ta' splussivi magħmulin id-dar fl-Ewropa u nxtraw għal dan l-iskop. |
(4) |
It-tqegħid fis-suq u l-użu tat-trab tal-aluminju bħalissa mhuwiex armonizzat fil-livell tal-Unjoni. Madankollu, tal-anqas Stat Membru wieħed diġà jillimita d-disponibbiltà tiegħu għall-pubbliku ġenerali, u l-Organizzazzjoni Dinjija Doganali timmonitorja l-konsenji globali biex tidentifika każijiet ta' kummerċ illegali għall-finijiet tal-manifattura ta' prekursuri improvizzati tal-isplussivi. |
(5) |
L-iżviluppi fl-użu anormali tat-trab tal-aluminju bħalissa ma jiġġustifikawx li l-aċċess mill-membri tal-pubbliku jiġi ristrett, minħabba l-livell tat-theddida jew il-volum tal-kummerċ assoċjati ma' din is-sustanza. |
(6) |
Il-kontroll miżjud huwa meħtieġ biex jippermetti lill-awtoritajiet nazzjonali jipprevjenu u jidentifikaw l-użu illeċitu possibbli ta' dawn is-sustanzi bħala prekursuri tal-isplussivi, u dan jista' jinkiseb permezz tal-mekkaniżmu ta' rappurtar stabbilit skont ir-Regolament (UE) Nru 98/2013. |
(7) |
Fid-dawl tar-riskju maħluq mid-disponibbiltà tat-trab tal-aluminju, u meta wieħed iqis li l-obbligu ta' rapportar mhuwa se jkollu l-ebda impatt sinifikanti fuq l-atturi ekonomiċi jew il-konsumaturi, huwa ġustifikat kif ukoll proporzjonali li din is-sustanza tiżdied mal-Anness II tar-Regolament (UE) Nru 98/2013, |
ADOTTAT DAN IR-REGOLAMENT:
Artikolu 1
It-tabella fl-Anness II għar-Regolament (UE) Nru 98/2013 hija emendata kif ġej:
(a) |
l-intestatura tat-tieni kolonna tinbidel b'li ġej: “Kodiċi tan-Nomenklatura Magħquda (NM) (1)”; |
(b) |
is-sustanza li ġejja hija miżjuda:
|
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-30 ta' Novembru 2016.
Għall-Kummissjoni
Il-President
Jean-Claude JUNCKER
(2) b'daqs tal-partiċella inqas minn 200 μm.
(3) bħala sustanza jew f'taħlitiet li jkun fihom 70 % jew iktar, skont il-piż, ta' aluminju u/jew manjeżju.”