“Centre de coopération internationale en recherche agronomique pour le développement (CIRAD)”

TA A-15/G,

Campus International de Baillarguet

34398 Montpellier Cedex

Franza”.

(a)

jagħmel tipizzazzjoni u karatterizzazzjoni antiġenika u ġenomika, jagħmel analiżi filoġenetika tal-vajrusijiet (ir-relazzjoni tagħhom ma' razez oħrajn tal-istess vajrus) u jaħżen ir-razez tal-vajrus tal-pesta tal-annimali ruminanti ż-żgħar biex iħaffef is-servizzi ta' dijanjożi fl-Unjoni u, fejn ikun rilevanti u meħtieġ, pereżempju, biex ikun hemm segwitu epidemjoloġiku jew verifika ta' xi dijanjożi;

(b)

jibni u jżomm kollezzjoni aġġornata ta' razez u iżolati tal-vajrusijiet tal-pesta tal-annimali ruminanti ż-żgħar u seri speċifiċi u reaġenti oħra kontra l-marda meta u jekk ikunu disponibbli;

(c)

jarmonizza d-dijanjożi u jiżgura ttestjar b'ħila fl-Unjoni bl-organizzazzjoni u t-tħaddim ta' provi komparattivi perjodiċi bejn il-laboratorji u eżerċizzji tal-assigurazzjoni tal-kwalità esterni dwar id-dijanjożi ta' din il-marda fil-livell tal-Unjoni u bit-tixrid perjodiku tar-riżultati ta' provi bħal dawn lill-Kummissjoni, lill-Istati Membri u lil-laboratorji ta' referenza nazzjonali kkonċernati;

(d)

iżomm għarfien espert dwar din il-marda li jippermetti dijanjożi divrenzjali rapida, b'mod partikolari minn ma' mard virali rilevanti ieħor;

(e)

iwettaq studji ta' riċerka bl-għan li jiżviluppa metodi mtejba ta' kontroll tal-mard, f'kollaborazzjoni mal-laboratorji ta' referenza nazzjonali maħtura għal din il-marda, u kif miftiehem mill-Kummissjoni;

(f)

jagħti pariri lill-Kummissjoni dwar aspetti xjentifiċi marbutin mal-pesta tal-annimali ruminanti ż-żgħar u, b'mod partikolari, dwar l-għażla u l-użu tal-varjetajiet tal-vaċċin tal-pesta tal-annimali ruminanti ż-żgħar;

(a)

jaħżen u jipprovdi seri standard u reaġenti oħra ta' referenza, bħall-vajrusijiet, l-antiġeni inattivati u l-linji taċ-ċelloli, lil dawn il-laboratorji, biex ikunu standardizzati t-testijiet dijanjostiċi u r-reaġenti użati f'kull Stat Membru fejn ikunu meħtieġa l-identifikazzjoni tal-aġent u/jew l-użu ta' testijiet seroloġiċi;

(b)

jgħin b'mod attiv fid-dijanjożi tal-mard b'rabta mas-suspett u l-konferma ta' tifqigħat fi Stati Membri billi jirċievi iżolati tal-vajrusijiet tal-pesta tal-annimali ruminanti ż-żgħar għall-finijiet ta' dijanjożi konfermatorja, tal-karatterizzazzjoni tal-vajrus u tal-għoti ta' kontribut għall-investigazzjonijiet u l-istudji epidemjoloġiċi. Huwa għandu jibgħat ir-riżultati ta' dawn l-attivitajiet mingħajr dewmien lill-Kummissjoni, kif ukoll lill-Istati Membri u lil-laboratorji ta' referenza nazzjonali kkonċernati;

(a)

jiffaċilita l-provvista tat-taħriġ, ta' korsijiet ta' aġġornament u ta' sessjonijiet ta' ħidma għall-benefiċċju tal-laboratorji ta' referenza nazzjonali maħtura għad-dijanjożi tal-peste des petis ruminants u tal-esperti fid-dijanjostika fil-laboratorju bl-għan li jkun hemm armonizzazzjoni tat-tekniki dijanjostiċi għal din il-marda madwar l-Unjoni;

(b)

jipparteċipa f'fora internazzjonali li jikkonċernaw, b'mod partikolari, l-istandardizzazzjoni tal-metodi analitiċi għal din il-marda u l-implimentazzjoni tagħhom;

(c)

jikkollabora mal-laboratorji kompetenti rilevanti ta' pajjiżi terzi fejn din il-marda hija prevalenti li mhumiex Stati Membri tal-UE fir-rigward ta' metodi għad-dijanjożi tal-pesta tal-annimali ruminanti ż-żgħar;

(d)

jeżamina mill-ġdid, waqt il-laqgħa annwali tal-laboratorji ta' referenza nazzjonali maħtura għad-dijanjożi tal-pesta tal-annimali ruminanti ż-żgħar, ir-rakkomandazzjonijiet rilevanti għall-ittestjar stabbiliti mill-Organizzazzjoni Dinjija għas-Saħħa tal-Annimali (l-OIE) fil-Kodiċi tas-Saħħa tal-Annimali Terrestri u fil-Manwal ta' Testijiet Dijanjostiċi u Vaċċini għall-Annimali Terrestri;

(e)

jgħin lill-Kummissjoni fir-rieżami tar-rakkomandazzjonijiet tal-OIE stabbiliti fil-Kodiċi tas-Saħħa tal-Annimali Terrestri u fil-Manwal tat-Testijiet Dijanjostiċi u Vaċċini tal-Annimali Terrestri;

(f)

iżomm ruħu aġġornat dwar l-aħħar żviluppi fl-epidemjoloġija tal-pesta tal-annimali ruminanti ż-żgħar.